RECONFORT

substantif masculin

[T-L : reconfort ; GDC : reconfort ; DECT : reconfort ; FEW (II-2, 1045a) : confortare ; TLF (XIV, 528a) : réconfort]

Action de réconforter, ce qui réconforte.

Mais recouvrez, ressuscitez de mort, Riche au dessus, pleins de grant reconfort, Et sans anoy Fui, quant me dist : 'Amis, a ti m'ottroy De trés bon cuer.' (Mach., J. R. Beh., c.1340, 80)

Mére de consolacion, Ou touz reconfors trouvé sont... (Mir. abbeesse, 1340, 85)

... [Esperence] Tant est pour chascun necessaire, Tant est courtoise, debonnaire, Bonne, gentil, franche, amiable, Loial, noble, honneste, crëable, Large de joie et de confort, Abandonnée en reconfort, A bien faire et raison encline, Tant par est nette, pure et fine En fais et en meurs, que son ouevre Bonne appert partout ou elle ouevre. (Mach., R. Fort., c.1341, 140)

...Car asseürés ne puet estre Sans vous, qui estes sa main destre, Qui estes toute s'esperence, Ses reconfors, sa soustenance. (Mach., D. Lyon, 1342, 230)

Jamais ne quier joie avoir, Bien d'amours ne reconfort, Ainsois vueil au desespoir De la dolour que je port Toute ma vie languir, Et puis à dolour morir (Mach., L. dames, 1377, 43)

Mais après ce desconfort, Dame de pris, Heüstes vray reconfort, Quant Jhesu Cris, Fu ressuscitez et vis De ceste mort, Où juis l'avoient mis Faussement et à grant tort. (Mach., Les lays, 1377, 399)

Et dit Boece en son tiers livre De Consolacion qui livre Grant reconfort contre tristrece Que inutile et vain de noblece Est le nom, se il n'est fondé Sus vertu qui l'ait amendé. (Chr. Piz., Chem. estude P., 1402-1403, 176)

Dont par ceste esperance et resconffort de victoire donna cuer a ses gens, que sy cruellement se combatirent qu'ilz desconffirent les anemis. (La Sale, Salade, c.1442-1444, 56)

Des dons, des reconfors, des beaux parlers que Madame lui fist je me passe pour abregier. (La Sale, J.S., 1456, 175)

Ma bonne tante, en bonne foy - Car je vous voy En grant desroy Et en une si grant tristesse - Cellon la loy L'advons ung poy Envolpé dedans ceste piece De toelle fine, sans destresse, Affin qu'en piesse Ne cogneustiés ce Que volons faire du corps mort, Fin que lïesse Ne ce despesse ; De avis ayés reconfort ! (Pass. Auv., 1477, 245)

LE CRESTIEN. (...) Du moyen trouver, c'est le fort, Mais nous seroit grant reconfort Se nous trouvons personne aulcune Qui nous prestast quelque pecune Pour marchandise relever. (Mir. st Nic. juif, c.1480-1500, 83)

LE BAILLIF. La ville estoit ung peu troublee De nostre evesque qui est mort ; Mais nostre joye est redoublee D'avoir en Dieu trouvé confort. Nous l'avons requis si tresfort Qu'il nous a donné ung pasteur En qui gist tout bon reconfort, Car de Dieu est vray serviteur. (La Vigne, S.M., 1496, 401)

Pour le reconfort de qqn. Pour tout mon reconfort

Or pensay pour mon reconfort Que j'avoie bien aussi fort Autre fois esté entrapez, Dont j'estoie bien eschapez. (Mach., D. Aler., a.1349, 384)

LE CRESTIEN. Nous sommes tous desprins et mis, Mocqué de grans et de petis. On nous monstre au doit. LA FEMME. Que la mort Ne vueil pour tout mon reconfort. (Mir. st Nic. juif, c.1480-1500, 75)

Sans (nul) reconfort. Nul reconfort

Dont le bon recort Que de li recort Fait qu'a ce m'acort Que ja ne soie en acort D'avoir autre amy ; Mais en desconfort, Sans nul reconfort De tout mon effort Vueil pleindre et plourer sa mort (Mach., L. plour, 1349, 287)

Doulx roy celestre, que fera Ce pecheur desconforté ? En moy n'a nul reconfort. (Mir. parr., 1356, 25)

Mais il ont tort ; car je n'ay pas matiere De mener baudour, Eins vueil et doy ma vie user en plour, Sans nul reconfort, Quant mes cuers meint en grief doleur à tort. (Mach., L. dames, 1377, 56)

Douce dame, vous savez que je n'ay Nul reconfort, s'il ne me vient de vous ; Helas ! dolens, ne nul terme ne sçay De reveoir vostre viaire dous. (Mach., L. dames, 1377, 146)

J'ay droit ; car, se procheinne mort À moy s'amort, Si que moy mort Par son dur mort Face, sans cuer et sans espoir, En desconfort, Sans reconfort, Vos cuers moult fort En sera liés, si com j'espoir (Mach., Les lays, 1377, 284)

Donner reconfort à qqn

LE JUIF. Sainct Nicolas, vraye esperance Ou gist mon espoir et confort, Qui a en toy ferme fiance, Tu leur donnes grant reconfort. (Mir. st Nic. juif, c.1480-1500, 143)

Pour moy donner bon reconfort, Mon enffant, general d'Enffance, De descendre mectz ton effort. (Sots, c.1480-1500, 269)

Prendre reconfort

Au premier propos retourner, ma redoubtée dame, les susdis exemples produis afin de principal cause te ramentevoir d'avoir pacience et prendre reconfort en ta susditte douleur de la mort de tes bons amis, pues veoir que plourer ne les dois (Chr. Piz., P.V.H., 1416-1418, 24)

Prendre bon reconfort en qqn

...je ne vous porroie escrire le grant meschief que je en hai ; mais je me reconforte en ce que, se Dieu plaist, je vous reverray briefment. Et je vous pri tant come je puis et commande de tel pooir come je ai sur vous que vous veuilliés oster vostre cuer de tout plour et de tout anoi, se vous volés que le mien soit aise, et penre bon reconfort en vous (Mach., Voir, 1364, 416)

Trouver reconfort

Et fust uns homs trestout enmy Grant planté de ses annemis, Qui tuit li eüssent promis La mort, et tuer le porroient A leur plaisir, quant il vorroient, Lui vivant en celle paour, Non obstant grieté ne frëour, Se trouveroit il reconfort. (Mach., J. R. Nav., 1349, 210)