COMPARAISON

substantif féminin

[T-L : comparaison ; GDC : comparaison ; AND : comparison ; FEW (II-2, 970a) : comparare² ; TLF (V, 1155a) : comparaison]

A. -Examen des rapports de ressemblance ou de différence, comparaison.

Et est semblable come qui feroit comparoison d'une chose qui a ame a celle qui n'a point de ame (Oresme, E.A., c.1370, 386)

Par collacion et comparoison de l'une a l'autre faite, par deliberacion et par conseil. (Oresme, E.A.C., c.1370, 187)

Et donques tele proporcion ou comparoison a toute l'eaue a toute la terre, tele le a l'element de l'un a l'element de l'autre, ce est a dire un indivisible a l'autre des indivisibles dont l'eaue et la terre sont composees, et ainsi des autres choses. (Oresme, C.M., c.1377, 628)

Et encores se le mal ne fut ou bien, en ce qui est bon ne seroit aucune beauté absolute parfaicte, car le bien par comparison au mal plus reluist et se demonstre. Comparison ou comparer une chose a aultre segnefie aucun fait ou operation en la chose par qui se compare et raporte la creature au createur. (Somme abr., c.1477-1481, 173)

Par comparaison

Tout en telle maniere, par comparoison, que faucons pelerins qui ont longtemps sejourné à perche et ont grant fain et desir de voler, tout en telle maniere ces chevaliers et escuiers d'Engleterre desiroient à trouver fait d'armes pour eulx avancier et essaier. (Froiss., Chron. M., XII, c.1375-1400, 302)

Par droicte comparaison la nostre police françoise semble maintenant l'ostel d'ung mauvais mesnagier qui dissipe sa presente substance avant qu'il pourvoye a celle a venir, menjut sa vigne en verjus et vuide ses garniers hors de saison a sa comble mesure si que le pain lui fault au plus grant besoing. (Chart., Q. inv., 1422, 22)

Mieulx te vault convertir ta subtillité decepvable a congnoistre toy mesmez, que travailler en vain a espuicier la mer et mesurer lez cieulx, et estriver a cil qui nombre lez estelles. Las ! a paine as tu le sçavoir de congnoistre ton fait, et de gouverner ung seul corps terrestre, qui par comparaison ne est que ung ver de terre. (Chart., L. Esp., c.1429-1430, 36)

Maiz tel argument est deceptif, et plain de falace : les autry faultes ne nous doivent pas enseigner a faillir, ainçoys sont plus exemples de fuir que de suir. Encore te dy je que cest argument qui procede par comparaison resemblable se peult souldre par similitude. (Chart., L. Esp., c.1429-1430, 98)

Item le Saint Esperit est apellé 'joincture', 'unité' et 'embrachement' selon le regard et comparoison au Pere et au Filz. Item est apellé le 'don du tres hault', et ce par comparoison a nous. (Somme abr., c.1477-1481, 122)

Il n'y a pas de comparaison. Il est impossible de comparer (ce qui est incomparable).

Ha ! déa, ce dist le chevalier lors en riant, monseigneur, vostre petit cheval ira bien plus fort que le sien grant, et n'y a point de comparaison de lui à vous, et fol seroit bien s'il le pensoit. (Chastell., Chron. K., t.3, c.1456-1471, 346)

Sans (nulle) comparaison. Sans qu'il soit possible de comparer.

Ung jour se advisa qu'il feroit ung sermon ; Au senateur le dit (...). Maiz au pape avoit ja fait la relacion De Maugiz qui avoit disné en sa maison, Comment guery avoit son frere par sa beneïsson, Et qu'il est si bon clerc que sans comparaison. (Renaut Mont. B.L. V., c.1350-1400, 16)

...ma gracieuse dame A cui j'ay donné corps et ame Et que j'aim de vray cuer d'ami, Sanz comparison plus que mi (Mach., Voir, 1364, 40)

...si porroit avoir vostre noble cuer indignation contre moi et li repentir des doulz biens que vous m'avez fait et faites tous les jours, comment que je ne vous veysse onques. Et s'en veés tous les jours pluseurs meilleurs et plus biaus, sans nulle comparison, que je ne suis, qui rien ne sui encontre vous (Mach., Voir, 1364, 152)

Le duc de Bourbon et pluseurs chevaliers (...) plus chier, sans comparison, avoient à retourner que là demourer, car le pays n'est pas complessionnez à ceulx de France (Froiss., Chron. M., XIV, c.1375-1400, 124)

Et se ainsi estoit, le soleil et les estoilles feroient son tres grant et tres fort de tant comme telz corps sont plus grans et plus isnelement meuz sans comparaison que une sëete ou telle chose qui fait son par l'aer. (Oresme, C.M., c.1377, 468)

Lors vint Presine et l'ensevely en une si noble tombe que nulz ne vit oncques si noble ne si riche. Et y a en la chambre tant de richesse que c'est sans comparoison, comme chandelabres d'or et de riches pierres, torches, lampes qui y ardent jour et nuit. (Arras, c.1392-1393, 14)

Et quant la dame fu reposee et abillee, et ses dames et damoiselles, elles s'en vindrent en la tente de l'espousee, qui estoit sur toutes les autres la plus noble sans comparoison. (Arras, c.1392-1393, 39)

...tout li signeur, qui la au dit roi d'Engleterre compagnie faisoient, au plus estofeement conme il pooient, il i estoient, tant de banieres, de pennons, de monteures, de trefs, de tentes, de carroi et de toutes coses qui a une hoost apertient et est necessaire as gens d'armes. (...) Encores sans comparison estoit trop plus grans li estas dou roi Phelippe de France, car la estoient quatre rois qui tout li faisoient compagnie et service (Froiss., Chron. D., p.1400, 454)

Si tres esbahi me trouvay Que, sans comparoison, mieulx estre Voulsisse rendu moine en cloistre (Chr. Piz., M.F., I, 1400-1403, 60)

...il [Dieu] a plus avancé sa misericorde au peuple crestien que il n'a fait aux enfans de l'Ancien Testament, auxquelx il retardoit sa dicte clemence et misericorde plus sans compareison qu'il n'a fait aux crestiens puis sa dicte passion. (Chart., L. Esp., c.1429-1430, 78)

Sans commune mesure.

La besongne dura longuement, car les Sarrazins estoient fors et puissans et plus grant nombre, sans comparoison, que les Chrestiens n'estoient (Cleriadus Z., c.1440-1444, 324)

Selon doncques les trois choses qui sont en ton ame cestassauoir memoire, intelligence et volente, tu dois penser que trop plus parfaictement sans comparaison ilz sont en Dieu car il a en soy et en son entendement la representacion et similitude de toutes les choses qui sont et iamais seront et ont este pour ce quil se congnoist parfaictement et quil a en soy toute perfection. (Cib., p.1451, 202)

...il [le roy] cuidoit avoir bonne pacificacion et accord avecques ledit duc de Bretaigne, sans effusion de sang ne perdicion de ses gens de guerre, que tousjours il a fort craint, plus sans comparoison que ledit de Bourgongne, qui est trop cruel et plein de mauvaise obstinacion, ainsi que par cy devant l'a monstré et monstre chascun jour. (Roye, Chron. scand., I, 1460-1483, 283)

Du dessus en vient sans comparaison plus que n'eusse jamais creu ce que j'en ay veu. (Comm., I, 1489-1491, 58)

Incomparablement.

...se tu as envye sur aultruy (...) en lui cuidant nuyre, tu nuyras à toy-meismes. Et ainsi est sans comparaison plus perilleux le doubte d'envye que nul des autres et nuyst plus souvent à l'envyeux qu'à l'envyé. (Bueil, I, 1461-1466, 49)

Cestui predist à Lion les innundacions que fist le fleuve du Rosne, qui fut sans comparoison moult grant et l'eslevacion des Anglois et Bretons qui se misdrent sus pour expelir les barbares (Simon De Phares, Astrol., c.1494-1498, f° 140 v°)

Ce n'est pas comparaison. Il n'est pas possible de comparer.

Les .II. balades que vous m'avés envoies sont si bonnes que on n'i saroit trouver que redire. Mais ce n'est pas comparison, car ce que vous faites me plaist trop mieulz a mon gré que ce que li autres font ; et aussi(s) sui je certaine que ainsi fait il aus autres. (Mach., Voir, 1364, 600)

Dire la droite comparaison de qqc. Dire à quoi qqc. ressemble.

Et va on par ceste plaine et large cave ung grandisme chemin, duquel ne scevent a dire la droicte comparoison. (La Sale, Salade, c.1442-1444, 86)

Entrer en comparaison. Comparer.

Et se nous voulons entrer en compareison, quelle chose peult estre plus divine en contemplation, plus juste a bien vivre, plus honneste en humanité, plus riglee en meurs, plus proufitable a chacun, plus paisible pour tous, plus garnie de bonne esperance et tendant a souverain guerdon, que sainte crestienté ? (Chart., L. Esp., c.1429-1430, 127)

Faire (la) comparison de... et de... Rapprocher (pour établir un rapport d'égalité).

C'estoit ce qui me soubstenoit Et qui en vie me tenoit, C'estoit mon cuer, c'estoit ma joie, C'estoit quanque je desiroie ; Si que je puis comparison Faire, sanz nulle mesprison, De Hebe et de ma dame gente. (Mach., Voir, 1364, 466)

Or ay fait la comparison De Fortune (...) Et de vous (Mach., Voir, 1364, 760)

Mais que diray ge pour faire comparaison de toy, o roy sur tous les roys qui en mains de deux moys as subjugué le pays... (La Vigne, V.N., p.1495, 298)

Former une comparaison. Comparer.

Or vueil revenir au propos Pour quoy ces raisons ci propos, Pour fourmer la comparison De ceste douce garison De quoy li amans est garis Et li estas d'amours norris Qui est dis par voie assentie Amours, vrais amans et amie. (Mach., D. Aler., a.1349, 253)

Et je li dis : 'Sire, sans faille Ma dame a bien, comment qu'il aille, Son fait moustré, et sagement, Et de soutil entendement Bien baillié par vives raisons, Pour fourmer ses comparisons Bien faites et bien devisées Et si justement exposées, Que qui amender y vorroit, Je croy moult bien qu'on ne porroit...' (Mach., J. R. Nav., 1349, 196)

Prendre comparaison à qqc. Être comparable à qqc..

...Oncques en ce royaume françois n'avoit esté vu, be ouy cas pareil, ne qui y prist comparaison. (Chastell., Chron. K., t.3, c.1456-1471, 77)

B. -GRAMMAIRE (De)grés de comparaison

Quant grez de comparoisons de nom sont ? Trois. Lesquelz trois ? Li positif, ly comparatif et ly suppellatif. (DonatS, a.1436. In : Th. Städtler, Zu den Anf. der frz. Grammatikspr., 1988, 126)