PARABOLE

substantif féminin

[T-L : parabole ; GD : parabole ; GDC : parabole ; FEW (VII, 605a) : parabola]

A. -Parole.

Et crois qu'elle ne voie goute. Mais si fait ; de ce ne te doubte. Car elle est sage et parcevant De congnoistre un cuer decevant Au maintieng et a la parole ; Ne ja si soutil parabole Ne dira qu'elle ne l'entende ; Et s'elle en voit un qui se rende En amours de vray sentement Pour vivre et morir loiaument, Si com tu le fais et as fait, De cuer, de penser, et de fait, Legierement le congnoistra (Mach., R. Fort., c.1341, 66)

[Au plur.] Bavardages.

Mon tresdoulz cuer, je vous prie pour Dieu que vous me veuilliez tenir pour excusé se je n'ai envoié vers vous puis que vous partistes de moi ; car Dieu scet que ce n'est pas par deffaut d'amour ne de bonne volenté, mais, par m'ame, je ne l'ai peu amender pour certaine chose que mi et mon secretaire vous dirons. Et especialment il ne me semble mie bon que j'envoie si souvent par devers vous pour les paraboles et pour ce qu'on ne se puet trop garder : quanque j'en dis et fais, je ne le fais que pour le meilleur et pour honneur, comment que je vous desire plus a veoir que toutes les creatures du monde. (Mach., Voir, 1364, 270)

B. -Allégorie, image, métaphore.

Et de ce est une parabole. (Oresme, E.A., c.1370, 246)

Cest regle bailla Periandre par parablole en signifiant que l'en doit faire le aere plaine et oster les espis qui passent grandement les autres espis ; si comme il appert ou XVIIIe. chapitre du tiers et ou .XXe. de cest quint. (Oresme, Pol. Arist. M., c.1372-1374, 244)

Sophystique sont les exemples Soubz paraboles dictes amples (Chr. Piz., M.F., II, 1400-1403, 109)

Très bon fruit et médicinal, Comme fait l'abre original Dont furent priz, o moult de paine, Lesdiz entons en bonne estraine, C'est à dire, en briève parole, Cessant du tout la Parabole, Que j'ay tant fait et estrivé Que, Dieu mercy, j'ay achevé Ceste simple translation À ma povre discrétion, Laquele peut fructifier, Qui la vouldra estudier (La Haye, P. peste, 1426, 162)

C. -[Avec une valeur nég., souvent au plur.] Discours mensonger, mensonge.

'...Conforte toy et plus ne pleure, Car je vueil, ordonne et devis Qu'aies merci et ton devis'. Quant elle ot finé sa parole Ou il n'ot point de parabole, Car chascuns la pooit entendre, Elle me dist sans plus attendre : 'Amis, je voi bien ta pensee. L'escrit de la pomme doree Vuez savoir. Certein t'en feray...' (Mach., F. am., c.1361, 201)

Compains, par ta parole, Qui n'est mie par parabole, Nostre mestre tu congnois bien. (Froiss., Par. am., c.1361-1362, 48)

Mais la franche et la debonnaire Vit et congnut [tout] mon affaire, Et de moi couvrir se pena, Et en un vergier me mena Qui estoit biaus, cointes et gens, Et me mena loing de ses gens Et me dist : 'Doulz amis parfais, Prenez, et par dis et par fais, Moi et le mien et quanque j'ai ! Je ne ressemble pas le jai Qui n'a que plumes et paroles, N'en moi n'a nulles paraboles. Tenés ma foi ! Je vous promet Que tout mon cuer et m'onneur met En vostre main : or les gardés, Doulz amis ! Et me regardés !' (Mach., Voir, 1364, 210)

Et dist la loy civile que, pour ce que ilz scevent user de telles paraboles et de paroles de divers entendemens devant lez princes et lez aultres seigneurs, ilz devent estre appellés parabolains, et ainsi sont nommés en Droit. (Songe verg. S., t.1, 1378, 78-79)

LA FILLE Ha, doulce Vierge, en ce trespas Te plaise me donner conduicte. LE LARRON. Asseuree est en sa poursuitte : Elle en a fait d'aultres assez. PETIT BON. Sus, sus, garce, avant tost passez Sans user de telz parabolles. (Myst. jeune fille L., c.1413-1445 [c.1530], 42)

Comment dea ! Le duc de Bourgeoigne Devers nous t'a il envoyé Nous mandez de ceste besoigne, Luy qui est tant nostre allié ? Je ne scay qui l'a desvoyé De nous mandez telles parolles ; Mais il me semble forvoyé, Ne scay dont vient ces parabolles. (Myst. siège Orléans H., c.1480-1500, 365)

SAINCT MARTIN. Mieulx que jamais ton erreur est notoire Et par raison je le te veulx prouver. Ou pence tu escriptures trouver Qui veriffient telz meschantes parolles, Telles maulvaises indehues parabolles A qui le feu seulement apartient ? Hors de la foy ton propos se contient. (La Vigne, S.M., 1496, 338)

Remarque : MARTIN LE FRANC, Champion dames D., t.2, 1440-1442, 9197.

Sans parabole

...Et qu'il face tant par ses soutis tours Que la parole De Morpheüs, quant il dira mes plours, Mes grans meschiés et mes dures dolours, Soit a m'amour clere com li biaus jours, Sans parabole, Et qu'a m'amour qui n'est nice ne fole Vueille dire comment elle m'affole Et que mon cuer d'outre mer a li vole Querir secours, Qu'aler n'i puis, car je suis en gëole (Mach., F. am., c.1361, 172)

'...Fils, entrepren le saint passage, Et conqueste ton heritage, Que Dieus aus sains peres promist, Et où pour toy son corps tout mist.' Quant il oy ceste parole, Qui fu clere, sans parabole, Quatre fois ou V. repetée, Dedens son cuer fu si fermée, Et par tel guise le nota, Qu'onques puis il ne l'en osta. (Mach., P. Alex., p.1369, 10)

Et si leur fist pluseurs demandes Moiennes, petites et grandes Que je n'ay pas encor escript, Car trop lonc en seroit l'escript. Quant il ot finé sa parole, Clerement et sans parabole, Li messagier ont respondu : 'Sire, bien avons entendu Ce qu'il vous a pleü à dire, Où riens ne volons contredire...' (Mach., P. Alex., p.1369, 126)

D. -RELIGION Récit allégorique sous lequel se cache un enseignement moral, parabole.

...me fu raison monstree Qu'estoie une vierge fole Des cinq de la parabole (Guill. Digull., Pèler. âme S., c.1355-1358, 112)

C'est la parabole qu'avoit Dit Jhesus, quant il sermonnoit Du grain de sanevé crëu Et en grant arbre devenu. (Guill. Digull., Pèler. J.-C. S., 1358, 291)

Dit Ihesucrist : le royaume des cieux est dedens vous, cest a dire selon Richart de saint Victor que dedens nous y a matiere de congnoistre le royaume des cieulx. Et ce est consonant a la parabole euuangelique (...). Le royaume des cieux resemble au tresor musse en vng champ (Cib., p.1451, 195)

Nostre maistre, tu dy merveilhes ; Fay nous la parabole entendre. (Pass. Auv., 1477, 137)