COLLATION

substantif féminin

[T-L : collacïon ; GD : collation ; GDC : collation ; AND : collation ; FEW (II-2, 895b,896a) : collatio ; TLF (V, 1032b, 1033a) : collation1, collation2, collation3]

I. -[Fait de mettre ensemble]

A. -Regroupement, réunion (de choses, de personnes).

1.Collation de matiere

...la collacion de matiere qui est en la poitrine (Saint-gille, Comment. A.Y. L., 1362-1365, 244)

2.Regroupement et confrontation (d'exemples).

Por la cause d'exemple et pour probation [que les plus grands pécheurs peuvent se racheter et devenir amis de Dieu] Es simples et es rudes en fais collation : En la Sainte Escripture puis que Noëx fit l'arche Lisons nous de David le tres saint patriarche Qui en tant de mals faire mist son sens et s'estude... (Gir. Ross. H., c.1334, 276)

En ceste ymagination Fis un peu de collation Contre ma vie et mon affaire (Froiss., Joli buiss. F., 1373, 228)

3.Comparaison, confrontation.

Par collacion et comparoison de l'une a l'autre faite, par deliberacion et par conseil. (Oresme, E.A.C., c.1370, 187)

...et sera faicte collation de tous les procès, actes, lettres et instrumens produiz par lesdictes parties (Baye, I, 1400-1410, 197)

Parler d'amant, par Jesus Crist, C'est la copie sans escript De ce qui est ou cuer descript Par passïon, Dont a grant visitacïon Verité fait collacïon Et la bouche relacïon En la presence De celle qui a pouoir en ce ; Si ne doit avoir difference De ce qu'il dit a ce qu'il pense. (Chart., L. Dames, 1416, 278)

En particulier. [En vue de certifier conforme une copie à l'original]

Collacion est faite avec la lettre original (Phil. Vi Valois, Doc. paris. V., t.1, 1331, 123)

...soubz seel autentique ou collaccion en nostre Chambre des Comptes, ensemble lettres d'assertion desdis habitans d'avoir joy de nosdites graces (Trés. Reth. S.L., t.2, 1394, 387)

Collation de tout ce chapitre a esté faite au controlle desdites hances. (Comptes Paris V.L.D., t.1, 1447-1449, 573)

Lequel procureur nous a dit, affermé et certifié que toutes lesdictes gloses estans ou dit denombrement y ont esté mises et apposées par cellui ou ceulx qui ont fait la collacion dudit denombrement a ung pareil et semblable qui est demouré en ladicte Chambre des comptes, et que ledit denombrement a nous baillié par ledit procureur est du tout en tout semblable et justement collacionné a cellui qui est en ladicte Chambre des comptes (Comté Porcien R., 1464, 327)

4.Rassemblement de gens ; entourage.

Pour ce le fist le ber (...) Qu'il savoit bien s'il est une nuist en prison, Qu'il serra delivré a sa devision, Et l'eüst juré Karle le roy de Moult [l. Monlt] Loon Et trestous ceulz qui sont de sa colacion ! (Renaut Mont. B.N. V., c.1350-1400, 363)

Ensi furent ce jour en grant abusion, Et tant c'on leur vint dire (...) Qu'à Corbuel fu logiés (...) Le rice duc d'Orlyens et se colation. (Geste ducs Bourg. K., c.1410-1419, 301)

Estre de la collation de qqn. Être le commensal, le complice de qqn.

...il savoit bien s'il est une nuit en prison, Qu'il serra delivré a sa devision, Et l'eüst juré Karle le roy de Moult Loon Et trestous ceulz qui sont de sa colacion ! (Renaut Mont. B.N. V., c.1350-1400, 36)

Prendre collation. Se rassembler (pour conspirer) (?).

Soubz l'onbre de ma guerre ont prins colacion (Renaut Mont. B.N. V., c.1350-1400, 398)

B. -[Entre personnes]

1.Confrontation de points de vue, échange de vues, concertation, débat, discussion.

Et, mon tres redoubté Seigneur, en la presance de Vostre Majesté, ceste doubte a esté aultre foiz disputee, par maniere d'esbatement et de collacion, c'est assavoir se la puissance espirituele et la puissance seculiere sont divisees et toutes separees en divers suppos (Songe verg. S., t.1, 1378, 4)

Et pour ce que une loy dist que, en arguant et en disputent l'en puet plus a plain savoir la verité de chascune question, mon entante est, pour cause de collacion et non aultrement, de soubstenir l'opynion dez Jacopins, ja soit ce que je croye fermement l'autre partie estre plus vraye. (Songe verg. S., t.2, 1378, 246-247)

...hors jugement, le juge peult estre present a la collacion faicte pour le seigneur en la cause qu'il a contre son homme ou subget (Instruct. ensaign. B.G., c.1386-1390, 38)

Encores disoient les Escoçois, liquel congnissoient assés parfettement la nature des Englois, et l'un a l'autre par maniere de colation : 'Et pensés vous pour ce, se nos rois a a fenme la serour dou roi d'Engleterre, que nous en doions mieuls valoir et estre deporté a non estre guerriiet, mais Dieus, nennil !' (Froiss., Chron. D., p.1400, 221)

Si vouldra souvent parler a ses phisiciens, leur enquerra de son estat, et comme sage que elle sera, vouldra ouïr de leurs opinions, et que present elle aucunes foiz soient faictes leurs collacions sur le fait de la dicte santé. (Chr. Piz., Trois vertus W.H., c.1405, 53-54)

...par leur faus consail et esmutation Enortèrent Loïs à leur colation Qu'il se desnatura par folle opinion (Geste ducs Bourg. K., c.1410-1419, 263)

Ausquelz il sembla, après plussieurs collacions, que, pour avoir conclusion ès matières, il estoit besoing que les embassadeurs du roy allassent à Genève (Chart. J., Chron. Ch. VII, V., t.2, c.1437-1464, 52)

...depuis oulrent lesdits ambassadeurs plussieurs collations avec le pappe et les cardinaulx sur les articles de la pacifficacion de l'Église dessus touchée, et en aucuns le pappe se condessendit et ès autres non. (Chart. J., Chron. Ch. VII, V., t.2, c.1437-1464, 56-57)

Avoir collation à/avec/devant qqn. Être en débat avec qqn.

En ce temps estoit retournés à Paris li sires de Cliçon, car li rois l'avoit mandé pour avoir colation devant lui, present ses frères (...) et le connestable, sus l'estat des Englès, et se on les combateroit ou non. (Froiss., Chron. R., VIII, c.1375-1400, 160)

Mais, quand il avoit bien examiné son coraige, son coer ne s'i acordoit nullement que il demorast (...) Si en ot colacion à François Acremen, et li demanda : 'François, quelle est vostre entente ? Demorrés vous en ceste ville de Gand ?' (Froiss., Chron. R., XI, c.1375-1400, 310)

Et la dist le Gloseur que saint Pol demonstret que il n'avoit eu seürté de l'Euvangille, juques a tant que il ot eue collacion aveques saint Pierre. (Songe verg. S., t.2, 1378, 145)

...pour avoir collacion en ceste matere aveuc le prince et aultres clergié dou dyocese (Doc. 1397. In : P. Piétresson de Saint-Aubin, Bibl. Éc. Chartes 113, 1955, 138)

...ils ne quéroient que avoir collation et communication avec le peuple de cestre vostre ville, pour le attraire à leur party (Chastell., Chron. K., t.2, c.1456-1471, 234)

Chambre des collations. Salle des débats.

Nientmains, après la conclusion dessusdicte, ledit duc ala en sa ville de Gand. Auquel lieu il fist assambler, en sa Chambre des collacions, les eschevins et les doyens des mestiers d'ycelle ville (Monstrelet, Chron. D.-A., t.5, c.1444-1453, 214)

Avoir collation de qqn. Recueillir le point de vue de qqn.

'Biaux seigneurs, vous estes tous gens de fait et usaigez de la guerre ; si vueil avoir conseil et collation de vous, comment je me pourray maintenir contre ceulx de Luscebonne et Portingalois.' (Froiss., Chron. M., XII, c.1375-1400, 135)

Avoir collation ensemble. Être en discussion, en délibération.

...et de l'omeli, ce est a dire de la collation ou colloqution et parler qu'il doivent avoir ensemble, et comment il pourront poursuir ce que est bien et fuir ce que est mal. (Oresme, Pol. Arist. M., c.1372-1374, 75)

Item, il cuidoit et disoit que es cours il ne convient pas que les juges aient collation ensemble avant qu'il faicent leurs jugemens (Oresme, Pol. Arist. M., c.1372-1374, 95)

Ne demora gaires de temps depuis quel le duc de Lancastre et le conte de Cambruge, son frere, orent parlement et collacion ensamble de ces besongnes de Castille et de Portingal. (Froiss., Chron. M., XII, c.1375-1400, 294)

Estre en collation ensemble

...ilz avoient esté en conseil ensamble et en collacion, à savoir comment ilz se maintenroient et se ilz tenroient la ville ou nom. (Froiss., Chron. M., XIV, c.1375-1400, 219)

[De plusieurs personnes] Estre à collation

J'ay en dormant, ce m'a semblé, Veu merveilleuse vision D'un college noir et troublé Qui estoit a collacion, Requerans a Pugnicion Qu'elle fist des mauvais justice (Desch., Oeuvres R., t.7, c.1370-1407, 43)

Ces cappitaines, qui estoient là à colacion, après soupper, avoecques Philippe en son logeïs (...) s'acordoient tout à ceste oppinion et le tinrent à bonne. (Froiss., Chron. R., XI, c.1375-1400, 40)

Faire (sa) collation (à qqn/avec qqn/ensemble). Entrer en concertation avec qqn/ensemble.

Lors mon maistre argent me donnoit Et de sa table me tenoit (...) Et aussi de moy reprenoit. Colacion a moy faisoit, Et acordions (Renart contref. R.L., t.2, 1328-1342, 28)

A celli moustier l'emperiere Venoit volentiers et souvent Veoir Johan [St. Jean Damascène] et son couvent Pour traicter du salut de s'ame Et de gouverner son roiame Selon Dieu bien et loiaument. Entr'eulx .II. especiaument Mainte collacion faisoient, Tant com ensemble illeq estoient. (Tomb. Chartr. W., c.1337-1339, 17)

Et ne lui sembloit pas que ce fust bon de establir par lay que les juges feissent ensemble collation (Oresme, Pol. Arist. M., c.1372-1374, 95)

Premierement, que ils [les avocats] soient diligens de faire leurs collacions avec leurs parties des causes qu'ils doivent plaider en l'Eschiquier. (Echiq. Normandie S., 1390, 62)

...et fu dit aux gens des Comptes que, toutes fois qu'ilz vouldroient parler et faire collacion de ceste matiere avec les conseilliers de la Court, ycelle Court leur en envoieroit VI ou VII, ou autre nombre de ceulz qu'ilz vouldroient avoir et appeller à leur collacion ou consultacion (Fauq., II, 1421-1430, 78)

2.Par métonymie.

a)Audience.

Lui levé de table, à la collacion vers lui povoient aler toutes manieres d'estrangiers ou autres, venus pour besoingnier à lui. (Chr. Piz., Faits meurs Ch. V, S., I, 1404, 45)

b)Décision collective.

Adont par des espois prirent colation De raler à leur lieu et en leur mansion (Geste ducs Bourg. K., c.1410-1419, 568)

c)Avis ; accord.

Pour ce se par nous estoit mis Ce fait a execution Sans avoir la collation De Pilate nostre prevost, Pilate nous aroit tantost Devers les Romains accusez, Dont porriesmes estre grevez (Marcadé, Myst. Pass. Arras R., a.1440, 144)

Ma chiere dame, se sur ce voulés avoir sceure collation du milleur maistre qui soit en ces parties, trouver vous convendra, s'il vit aincoires, un sainct homme nommé Dardanon, car il est expert en ceste science et le milleur clercq qu'on sace (Percef. IV, R., c.1450 [c.1340], 523)

d)Témoignage concordant.

...et y estoit (...) le comte de Foix, à très bel estat ; et estoit selon la collacion de pluseurs qui le virent, de assez joesne aage, beau chevallier, et qui bien savoit sa manière, entre les autres (Escouchy, Chron. B., t.1, c.1453-1460, 50)

3.Par extension. Allocution, discours.

Et ainsi vindrent faire la reverence à l'Empereur en leur maniere acoustumée, et fist la collacion, notablement et legalment, maistre Jehan de la Chaleur, maistre en theologie, chancellier de Nostre-Dame de Paris. (Chron. Jean II Ch. V, D., t.2, c.1378, 247)

Quant Providence Divine ot finee sa collation qui sembloit une gracieuse melodie, il sembla a Ardant Desir qu'il fust en esperit ressuscite de mort a vie. (Mézières, Songe vieil pèl. C., t.1, c.1386-1389, 94)

...ung tel maistre Jehan (...) lequel fera une petite collacion, laquelle enfin cherra a parler des dismes (C.n.n., c.1456-1467, 222)

...maistre Jehan (...) commença sa petite collacion comme il s'ensuyt : 'Mes dames et mes damoiselles...' (C.n.n., c.1456-1467, 222)

Si leur fist une petite harangue en maniere de collacion et leur dist en telle maniere... (RENÉ D'ANJOU, Cuer am. espris W., 1457, 98)

Aussi monseigneur de Chamblay vous a dit et remonstré grans advertissemens touchant le fait de la guerre que le Roy luy avoit chargé vous dire. Aussi m'a il chargé de vous faire un propotz en manière de collacion en tant qu'il touche vostre personne et tous aultres demourans en ceste seigneurie. (Bueil, II, 1461-1466, 67)

Sans faire nulle deleance Ne nulle vindication, Socte Myne, a ta plaisance, Dy deux motz de collacion. (Sots, c.1480-1500, 280)

Allocution édifiante, sermon.

Et li gentils roys sans orgueil Se seoit en un fausdestueil. Là fist une collation Le pape, en grant devotion ; Et bien et bel et proprement Moustra, à bon entendement, Comment on doit son Dieu amer Et son proisme sans point d'amer (Mach., P. Alex., p.1369, 241)

...après une collation faicte par maistre Eustace de Pavilly, maistre en theologie, de l'ordre de Nostre Dame du Carme (Baye, II, 1411-1417, 112)

S'il loist parler et il est expedient, parle de choses qui sont edifians. (...) Ce nous aide non pas ung peu a prouffit espirituel la devote colation de choses espiritueles (Internele consol. P., 1447, 292)

En laquelle eglise de Nostre-Dame y furent faictes processions generalles, et y prescha ledit Scourable, qui y fist une moult belle collacion, dont tous ceulx qui l'ouyrent furent moult bien contens. (Roye, Chron. scand., II, 1460-1483, 126)

LE DOYEN. N'avez vous pas tous escouté La presente collacïon ? (Flamang, Vie Pass. st Didier S., 1482, v.3418)

Collation de sermon

Et à celle messe et à l'heure que l'on doibt aller à l'offrande, par ung notable frere prescheur sera faicte une briefve collation de sermon qui ramentevera la cause de la fondacion de celle noble ordre (La Marche, Mém., IV, Pièces annexées, c.1500, 179)

Breve collation

...et devotement lui disons les paroles proposées au conmencement de nostre briéve colacion (Mir. fille roy, c.1379, 6)

Je vous feray cy ung sermon En bien briefve collation, Mon premier theume exposeray Auquel j'ay dit se l'en sievray. (Marcadé, Myst. Pass. Arras R., a.1440, 76)

Et pour brieve collacion Je fay la ma conclusion Que mieulx vault le faire morir Que nostre loy laisser perir (Marcadé, Myst. Pass. Arras R., a.1440, 146)

Et pour entrer en celle seconde journée, les chevalliers yront lendemain à la messe en l'ordre accoustumée, parez et vestuz de noir, et entrera chacun en sa place, et se dira la grand messe pour les trespassez ; et là devant l'offertoire doit le greffier de l'ordre faire une brieve collacion en ramentevant tous les chevalliers trespassez d'icelle confrairie et parler de leurs nobles meurs et de leurs nobles faiz (La Marche, Mém., IV, Pièces annexées, c.1500, 185-186)

Je dis : in diverso modo Qautre vens au monde il y a, Prudente assistance, j'en va En ma brefve colation Vous donner l'exposition Pour endoctriner homme et femme (Serm. quatre vents K., c.1500, 508)

À breve collation. En peu de mots.

Biaux seigneurs, vous vous cesserez De moy parler que prengne femme (...) Car, a briéve colacion, Je n'y ay point d'afeccion (Mir. chan., c.1361, 151)

C. -Réunion (primitivement réunion des moines, le soir) ; repas léger qui suit la réunion ; repas léger pris en commun (vers le soir).

Sus, sus, pensez de nous servir, Car nous ferons collacion Au depart. Que du vin ayon Et nous apportez du meilleur. (Myst. Incarn. Nat. L., t.2, c.1454-1474, 450)

Et quant vespres furent dictes et que Madame cuida monter, damp Abbés la print par la main et elle lui dist : 'Abbé, ou nous menez vous ?' - 'Je vous pri, ma dame,' dist damp Abbés, 'que je vous maine a un peu de collacion, car il est temps de la faire.' (La Sale, J.S., 1456, 252)

À Guion Moireau, appothicaire dudit seigneur - pour le paiement de plusieurs parties d'appothicairerie (...), tant en espices, dragées, confitures et autres choses, pour faire les collacions dudit seigneur, et de chambre, appothicaireries, drogues et médicines (Comptes hôtel rois Fr. D.-A., 1478-1481, 375)

Faire collation

Devant que plus avant expose Les paroles que je propose Qui sont notables a merveille, Pour noustre proufit je conseille Que nous fassions collation, Car mieulx en disposicion Serez d'escouter et d'entendre Et moy d'aultre part de pretendre A dire et exposer de boche Le bien de quoy mon tesme touche. (Barbes brayes A., a.1450, 253)

'Certes, sire chevalier, vous ferez colacion ains vostre partement, et je vous tendray compaignie' (Percef. III, R., t.2, c.1450 [c.1340], 74)

...elle estoit allé audit monastere avec deux de ses compaignes, desquelles deux des religieux s'estoient enamourez ; et en les compaignans aucunesfoiz a faire collacion en leurs chambres, le tiers fut d'elle esprins d'amours (C.n.n., c.1456-1467, 375)

Tantost apporterent espices et confitures de toutes sortes en grans couppes d'or et de pierrerie ; après, les vins de plusieurs manieres, dont le roy estoit tout esmerveillé. Quant ilz eurent fait la collation, Jehan de Paris dit au roy... (Jehan de Paris W., 1494-1495, 76)

Collation de vin

...et prinrent la collacion de vin en la tente de Gand. (Monstrelet, Chron. D.-A., t.5, c.1444-1453, 240)

II. -[Fait de conférer qqc. à qqn]

A. -Don.

La tierce collation du Saint Esperit fu faite aux apostles devant la passion, quant ilz furent baptisiéz. (Somme abr., c.1477-1481, 120)

Prendre collation de qqc. Trouver ce qui confère qqc..

Et encores en mon ymage Preng nouvelle collation De grande consolation (Froiss., Joli buiss. F., 1373, 72)

B. -Droit de conférer un bénéfice ecclésiastique.

...reservanz à nous et à noz successeurs roys la collacion de ladite chapellenie toutesfoiz que elle sera vacant (Phil. Vi Valois, Doc. paris. V., t.2, 1340, 96)

Car, se le Pape donne lez benefices a ceulx qui ne sont pas dignes, ou se il depose ceulx qui sont dignes ; se lez dignitez ou aultres benefices de diversez dyoceses, sanz juste cause, il reserve a sa collacion et ordenance (Songe verg. S., t.1, 1378, 100)

...les Abbés (...) aians pitié et compassioun du dit religieux, lui aien en recompensacion de ce donné chescun un prioré de leur colacioun estans en vostre dit Royaume (Lettres agn. L., 1396-1399, 253)

...les maistres, procureur et escoliers et chappellains du college de Dormans fondez à Paris ou Cloz Brunel, des bourses desquelx la collation est nouvellement devolue et venue à la Court de ceans par le trespas de messire Guillaume de Dormans, jadis arcevesque de Senz (Baye, I, 1400-1410, 142)

...laquelle chappellenie sera en la presentacion de lui et de ses hoirs et successeurs perpetuelment, et en la collacion de monseigneur l'evesque de Luçon, parmi ce que les chappellains, deux ou trois qui y seront au plaisir de Dieu presentez et instituez, comme dit est, seront tenuz de chanter tous les jours de chascune sepmaine perpetuelment pour le salut et remede des ames de lui, de ses pere, mere et bienfaicteurs, et que les quatre d'icelles messes soient chantées, c'est assavoir, de Requiem, l'autre de la Trinité, l'autre de saint Michiel (Test. Parlem. Paris T., 1403, 354-355)

Lequel lieu, et des maisons voisines, ledit duc de Bourgongne soit contraint de acheter, et à ses depens y soit édifié ung notable chapitre de chanoines de six vicaires et de six chappellains, duquel la collacion appartiengne à madame d'Orléans et à ses successeurs. (Doc. 1408. In : MONSTRELET, Chron. D.-A., t.1, c.1425-1440, 343)

...duquel colliege les bénéfices appartiengnent à la collacion de madame d'Orléans et de ses successeurs les ducs d'Orléans. (Doc. 1408. In : MONSTRELET, Chron. D.-A., t.1, c.1425-1440, 344)

...de laquelle chappellanie la collation apartendra au Roy nostre Sire et à ses successeurs Roix de France de plain droit (Baye, II, 1411-1417, 76)

...ou regard de la collacion ou disposicion des benefices de l'Eglise qui estoient deubz aux clers (Fauq., I, 1417-1420, 62)

...nous sommes advertis (...) que avez povoir et faculté de faire collacion à nostre requeste du doyenné de Carenac, pour estre pourveu auquel en avons escript à Nostre Saint Pere (...) en faveur de (...) maistre Jehan de Brueil (Lettres Louis XI, V., t.7, 1478, 17)

Remarque : Sur la collation plénière (droit du roi de France d'attribuer certains bénéfices à titre plénier) cf. F. Lot, R. Fawtier, Hist. des instit. fr. au Moy. Âge, t.3, 1962, 407.

Fait de conférer ou acte conférant un bénéfice ecclésiastique.

...la garde des eglises cathedraux et autres de fondacion royal, avecques collacions de benefices vacans en regale (Doc. Poitou G., t.4, 1375, 369)

Item pour Yvonnet, le clerc de la chappelle de Madame, seellé la collacion de une chappelle ou chastel de Tarente fondée de Saint Leonard. (Le Fèvre, Journ. M., c.1380-1390, 363)

Le XIIIIe jour seellé la collacion d'une prebende en l'esglise Saint Martin de Angiers pour un nommé Jehan d'Anjou, vacant par la resignacion de messire Guillaume d'Oultreliauue. (Le Fèvre, Journ. M., c.1380-1390, 441)

...car par les moyens des collacions que entreprent le pape et des proces qui vont a court de Romme tout l'or de ce royaume (...) s'en pert (Juv. Urs., Nescio, 1445, 489)

Faire collation de. Conférer, attribuer (un bénéfice).

...et, pour contemplacion de la Court, qui lui avoit recommendé maistre H. de Dicy, conseillier de ceans, donna et fist collacion audit maistre H. de Dicy de la prebende de Beauvais, lors vacant (Fauq., II, 1421-1430, 23)

Par métonymie. Le bénéfice lui-même et les droits qui y sont attachés.

...je done et laix pour une lampe en ladicte chappelle vint soldees de terre d'estevenens de annuel et perpetuel rente, lesquel je assigne et assete en et sus les rentes de la vente de Boclans, et wuil et ordene que la collations de ladicte chappellenie soit et apperteigne perpetuelment au signour dudit leu de Boclans qui pour le temps sera. (Test. Besanç. R., t.1, 1333, 338)

...incontinant après sont advenues pluseurs inconvéniens, grans charges et oppressions à toute l'Église de France et à tout le royaume. Premièrement, multiplicacion de graces expectatives en si grant et excessif nombre que toute la colation ordinaire en est assorbée et qu'il est à peynne impossible que le quart en veingne à fruict. Secondement, réservacions de bénéfices trop plus ample que jamais ne fut veu du temps des prédécesseurs de nostre dit Saint Père. (Doc. 1430. In : M. Jusselin, Bibl. Éc. Chartes 74, 1913, 522)

Charges attachées à une institution religieuse.

Et feront faire à leurs dépens la collacion de ladicte église, et icelle pourveoir tant seulement pour une fois de chasuble, calice et autres aournements à ce appartenans. (Doc. 1408. In : MONSTRELET, Chron. D.-A., t.1, c.1425-1440, 379)

C. -Redevance.

Oncques a nulz subjet ne fit a tort domaige, Ne les collacions telx com on li devoit Qui trop grans li sembloient toutes ne recevoit. (Gir. Ross. H., c.1334, 188)

Bourse des collations. Part des taxes perçues par l'audiencier qui revient à ceux qui font la collation des documents, les notaires.

Item, et pour ce que le dit testateur a longuement esté en l'office de contrerolle de l'audience du roy nostre sire, ouquel il peut moins deuement avoir gardé le droit de l'emolument de la dicte audience, tant en donnant lettres en faveur des personnes à officiers du roy et autres de ses parens, amis et acoinctés, comme autrement, en quelque maniere que il pourroit estre chargié en conscience, icellui testateur voult et ordonna que cent escus soient baillez à l'audiencier et à ceulx qui feront les bourses tant de l'audience comme des collacions, pour les distribuer selon ce qu'il leur semblera à faire de raison. (Test. Parlem. Paris T., 1404, 367)