REFECTION

substantif féminin

[T-L : refeccïon ; GDC : refection ; FEW (X, 188a) : refectio ; TLF (XIV, 601b) : réfection]

A. -Action de refaire qqc., de le faire autrement.

1.Action de réparer qqc..

...et que laditte granche estoit et avoit esté si mal couverte et si longuement que par le deffaut d'ycelle couverture le vent se estoit boutez dedens laditte grange, et par la force d'ycellui vent le merrien, late, clo et tuille d'ycelle grange estoient cheus, et fondoit toute la refection par deffaut de laditte couverture et de la premiere façon, qui n'avoit pas esté faite souffisamment, que les diz curé et escuier avoient fait faire pour la redevance dessus ditte et pour ce que tenus y estoient, comme dessus est dit (Chartes Abb. St-Magl. T.F., t.3, 1330, 25)

Et depuis, pour ce que lors les diz curé et escuier proposerent plusieurs fais et raisons au contraire, en disant que a toutes les refections et a toutes les choses dessus dittes requises de par les diz religieus contre eulz pour cause de laditte grange il n'estoient en riens tenuz, fors es refections de couvertures tant seulement (Chartes Abb. St-Magl. T.F., t.3, 1330, 26)

...et luy deffendi que, d'ores en avant, il ne preïst l'argent du pueple, lequel devoit estre converti en la reffeccion et reparacion du temple (Songe verg. S., t.1, 1378, 36)

...par livrée du verdier de ladicte forest ou son lieutenant, il a son hesbergement, son ardoir, la reffecion et soustenance pour son dit manoir, four, pressours, gors, pescheriez, et boiz pour charuez, charetes, tonneaulx, huches, et toutes autres necessitéz (Hector De Chartres, Cout. R., 1398-1408, 215)

À Oudot Durant, varlet de fouriere de mondit seigneur, la somme de 23 frans six solz quatre deniers tournois à lui paiez, bailliez et delivrez comptans par le commandement et ordonnance de mondit seigneur pour les parties des ouvraiges et refections que mondit seigneur lui a fait faire en son logis aux Jacobins à Provins (Comptes Etat bourg. M.F., t.1, 1419, 126)

...toutes reffections et reparacions quelconques qui y seront necessaires le temps à venir, excepté de grosse maçonnerie et grosse charpenterie, que ladicte ville sera tenue de soustenir et maintenir, si besoing est (Comptes Paris V.L.D., t.1, 1424-1425, 14)

Remarque : JEAN GOLEIN, Rational B.D., c.1370-1372, gloss.

2.Action de corriger qqc., correction.

Aucuns autres naturiens anciens furent qui mirent mouvement. C'est assavoir en tant comme ilz mettoient un principe, lequel par reffection et condempsacion ilz disoient mouvable, du quel aussi engendrees mettoient les diversitez des choses (Chr. Piz., Avision T., 1405, 125)

B. -Repas, collation.

1.Au propre.

La fu son habitation Maint jour, et pour refection, Toutes les fois qu'il avoit fain, Aussi comme un buef mengoit fain. (Mach., C. ami, 1357, 30)

Si comme dit Lucius, il apartient que le prince soit ancien en meurs et que il suive et croie les plus attrempéz conseilz et que il tiegne la maniere des mires et des phisiciens qui guerissent les unes maladies par widier quant les malades sont trop plains, les autres par bonne refeccion quant la personne est trop vaine et wide, et attrempent la doleur, maintenant par cautere, maintenant oignemens ou aucune douceur. (Foul., Policrat., IV, 1372, 71)

Ne doit point ceste femme tencier, rechigner, ne rioter sa maignee a table (...) car a reffeccion, laquelle doit estre prise joyeusement, est trop dure chose ouïr celle notte. (Chr. Piz., Trois vertus W.H., c.1405, 175)

Et cela fait, chacun s'en alla loger ainsi que par les fourriers estoit ordonné, pour prendre la réfection du disner. (Chart. J., Chron. Ch. VII, V., t.2, c.1437-1464, 311)

Pour plus longuement supporter Ma paine et ma passïon Contens suis de ce vin gouster Pour finer ma reffectïon. (Pass. Auv., 1477, 196)

En oultre est a noter que c'est chose tresmauvaise de prendre viandes en grande quantité et fort diverses en leur substance - comme perdris, poules, poissons, chair de beuf et de porc - en une mesme refection, et de prolongier le temps en mengant (Rég. santé corps C., 1480, 16)

Prendre sa refection / un peu de refection. Prendre un repas, se nourrir.

Ta fille prende sa refection par tel maniere qu'elle ait tousjours faim et que, tantost aprés le mengier, elle puist lire et priier (Daudin, De la erudition H., c.1360-1380, 369)

Et prenoient leur refeccion des potages ensemble (Foul., Policrat. B., II, 1372, 156)

...Guillaume d'Argy (...) descendi en un hostel de la dicte ville pour y prandre sa refection (Doc. Poitou G., t.5, 1377, 56)

LA BEGUINE. Sire, il vous convient sanz attente Prendre un po de refeccion. Or mettez vostre affeccion, Sire, a humer ceste escuelle De coulis (Mir. Pierre Changeur, c.1378, 252)

...sans autre solempnité, les bieneureus peres se retrairont ou refroitoir prendre leur refeccion, et puis a l'eglise pour rendre graces, et de la chascun a sa celle amie de Dieu. (Mézières, Test. G., 1392, 310)

Et apres leur refection prinse a midi, quant temps sera, les laissiez par vos gens remectre a besongner (Ménagier Paris B.F., c.1392-1394, 136)

Et la cause de celle permutacion est telle que le premier [ermite] trait a mont le vivre pour eulx VIJ. et en prent sa refeccion pour la journee. Et cellui qui lui est plus prouchain dessus lui, la trait a mont en pareille maniere. (Arras, c.1392-1393, 272)

Et en eulx retournant, feussent alez en la parroisse de Ronton, pour boire et prendre leur refeccion en l'ostel et taverne d'un nommé le Tellier. (Chancell. Henri VI, L., t.1, 1424, 167)

Ne pour chose que ses physiciens lui dissent il ne voulloit menger ne prendre aucune réfection, et jucques à ce que ses fusiciens lui dirent que s'il ne mangoit il estoit mort. Et adonc mist paine de menger, maiz ne peult, car ses conduits estoient jà tous rettraitz. (Chart. J., Chron. Ch. VII, V., t.3, c.1437-1464, 113)

Freres, nous avons grant penance Souffert ce jour, je le sçay bien ; Alons cheulx le Pharisïen Prendre nostre refection. (Myst. Pass. Troyes B., a.1482, 430)

J'ay dit que par infection Mourra humaine creature En prenant sa refection Par devant le cours de nature (Cene dieux, c.1492, 138)

De cestui est escript qu'il vaca nonante ans à l'estude de sapience et tant l'ayma que souventes fois oblioit prandre sa reffection. (Simon De Phares, Astrol., c.1494-1498, f° 72 r°)

FRANCEQUIN. A cella je ne contredis, Pour toute resolucion ; Mais, monsieur, s'il vous plaist, tandis Prandrez vostre reffection. SAINCT MARTIN. J'ay si tresgrant affection En mon Dieu que, pour abreger, Quant je pence a sa passion, Boire je ne puis ne menger. (La Vigne, S.M., 1496, 205)

Gagner sa refection. Gagner sa vie.

Et, combien que povre savance De phisicale art et science, Et diverse occupation De gaignier ma réfection, Et doubte de future guerre, Que Dieu ne vueille en ceste terre, Me déussent souvent retraire D'encommencier cest oevre et faire, Toutesfoiz (La Haye, P. peste, 1426, 163)

Par métaphore.

LE RONDEL. Roÿne des cieulx, qui en vous Servir met son entencïon, Dieu a ami et les sains touz, Et si noble parfeccïon, Que de gloire a refeccïon. (Mir. enf. ress., 1353, 62)

Prenons, dist il, nostre refection non pas en levain de malice et de iniquité, mais ou pain de pureté et de verité (Daudin, De la erudition H., c.1360-1380, 374)

...elle est tant belle Qu'en li veoir tant seulement Prenoye mon norrissement Et toute ma refeccion. (Mir. st J. Paulu, c.1372, 145)

LORENS. O Dacien, con tu es nice ! C'est toute mon affeccion, Le dyner, la refeccion Que je convoite et plus desir (Mir. st Lor., 1380, 179)

...sy advint, ainsy qu'ilz parloient de ce pourpos, que la contesse entra en l'ostel pour prendre sa refection amoureuse a veoir son tres amé seigneur, comme elle avoit de coustume (Comte Artois S., c.1453-1467, 109)

Mais quant chascun fu assis a table, la belle Mirro et Jason tant furent servis de la reffection d'Amours qu'il ne leur tenoit de boire ne de mengier (LEFÈVRE (R.), Hist. Jason P., c.1460, 139)

[Désignant l'Eucharistie]

Et en aprés, et permanans ces choses, tu trouveras le saint cresme et la sainte oille dont sont oingtes les devotes espouses, par l'oudeur desquellez on parvient a la table du grant roy celeste, sur laquelle ont parvient a la souverainne refeccion du precieulx corps et sanc de nostre seigneur Jhesucrist. (Crap., Cur Deus, De arrha B.H., c.1450-1460, 283)

2.Au figuré. Soutien.

Ha ! doulx esperit, com ta vois M'a fait grant consolacion Et donné grant refeccion De reconfort ! (Mir. Amis, c.1365, 53)

[Spirituellement] Réconfort (de l'âme).

DIEU. (...) A ce jour de m'oblacion Vueil de messe reffeccion Donner Guibourt, qui la me sert Si que bien avoir la dessert. (Mir. femme, 1368, 225)

Pleüst a Dieu que ces necessités ne fussent point, mais fussent seulement les refections espiritueles de l'ame, helas que nous goustons assés peu souvent ! (Internele consol. P., 1447, 357)

Aussi tu dois bien entendre et congnoistre la grant consolacion de luy, quant a son absence il te donne toutes consolacions et spirituelles refeccions. (Crap., Cur Deus, De arrha B.H., c.1450-1460, 291)

...et toutesfois se seroit chose mal piteuse de retraire les personnes ainsi occupees du sacrement de pitié et de les priver de la trés sacree refection. (Traité S. Sacr. B., c.1450-1500, 154)

...a mediter et a veoir en esperit la grant gloire du vray Salomon en sa maison de paradis, a veoir la table et les refections qui sont en la viande des anges en la coniunction auecques Dieu ou est toute suauite et refection (Cib., p.1451, 190)