COLLIER

substantif masculin

[T-L : coler ; GDC : colier ; AND : coler1 ; DECT : coler3 ; FEW (II-2, 894,895a) : collare ; TLF (V, 1048a) : collier]

I. -[Objet mis autour du cou]

A. -Parure, ornement en forme de chaîne pour le cou, collier.

Item, cogneut avoir baillié à Berart de La Todie, qui est de la garnison de Chalucet, un chapperon de perles où il a IX fermaux d'or à perles et à pierre, un colier de perles, un chappel de perles qui vaut bien Vc frans (Reg. crim. Chât., II, 1389-1392, 212)

Et fist assembler les prélaz, Abbez et clercs de touz estats, Barons, chevaliers, escuiers, Qui lors portoint nouveaulx coliers De moult bel port, de belle guise (Saint-andré, Livre Jean de Bret. C., c.1400, 544)

L'oppinïon qu'aprés lui je recite, Et sa raison bien longuement deduite, Elle lui fut prestement contreditte D'un chevalier Vestu de noir, assez sus l'escolier, Sans broudeure, sans chayne et sans colier, Qui se sëoit au costé d'un pillier, Pensif et pale. (Chart., D. Fort., 1412-1413, 178)

...prist furtivement à la Porte Baudet à Paris, en la manche d'un homme (...) un colier d'argent (Ch. VI, D., t.2, 1417, 77)

...robbes, aornemens, chevaulx, pierres precieuses, queues es robbes des femmes, coliers, mittres es testes et joyaulx d'or es colz (Juv. Urs., T. crest., c.1446, 119)

...et si bien et honnestement vous gouvernez, vous avrez collier, chayne, seinture de Behaynne (La Sale, J.S., 1456, 59)

[Porté par des dignitaires]

...deux colliers à usaige de prélat, garnis de menues perles et de XVII doubleaux vermeulx (Ch. VI, D., t.2, 1420, 368)

[Comme insigne marquant l'appartenance à un ordre]

...et lui loyse porter le collier de nostre ordre de la Cosse de Genestre (Ch. VI, D., t.1, 1406, 287)

...de poursuir les hoirs de celx qui ont esté du collier... [Collier de l'Ordre de l'Hermine, institué par le duc Jean IV ; les héritiers ne sont pas autorisés à en conserver les insignes] (Actes Jean V Bret. B., t.2, 1407, 35)

...le seigneur de Montagu, ung chevalier de Bourgoingne, qui maleureusement s'en fuy a la journee d'Anthon aveuc le prince d'Orrenges (...) ; si fu privé du colier [de l'ordre de la Toison d'or] et de la religion pour ceste cause (Chastell., Chron. IV, D., c.1461-1472, 122)

Et, pour ce, vous envoions presentement le colier de nostredit ordre par nostre amé et feal conseiller et maistre de nostre hostel le sire de la Choletiere, afin que le prenez et retenez (Le Clerc, Interp. Roye, c.1502, 241)

Avoir le collier de qqn. Être de l'odre, du parti de qqn.

...lesquelz .II. nobles hommes, non obstant fussent compagnons du prince de Gales, filz du roy d'Angleterre, et eussent son colier, considerans eulz estre par les Anglois desheritez de leur propre terre et seigneurie, par quoy naturelment les héent, relenquirent tout (Chr. Piz., Faits meurs Ch. V, S., I, 1404, 204)

B. -LITURGIE Accessoire du vêtement liturgique qui se porte sur les épaules. (synonyme collerettecolleral)

Ung collier à mectre à prélat, brodé sur champ d'or traict, à Agnus Dei de perles et à maçonnerie, et y pend ung laz de soye à deux gros boutons de perles. (Invent. mobilier Ch. V, L., 1379-1391, 136-137)

Une chappelle appellée la Chappelle de Constances, dont les tables sont de veluiau vermeil, brodées à ymages, et la chazuble, tunicque et dalmaticque sont de fin samit d'estive, brodez à ymages ; et l'orfroiz de ladicte chappelle sur or à ymages et à griffons, où sont lesditz ymages et griffons, pourfillez de perles, et le parement de l'aube du prestre est sur or à ymages, et le collier de mesmes (Invent. mobilier Ch. V, L., 1379-1391, 140)

C. -Cercle de métal qu'on fait porter aux prisonniers pour les entraver, pour les attacher.

...la caienne, colers et toutez autres choses que vous avés par devers vous necessaires pour gens mettre et tenir emprison. (Clos galées Rouen M.-C., t.1, 1341, 159)

...a ycellui pour avoir reforgié les piés des andiers de la salle du tinel dudit hostel (...) pour avoir fait cing colliers de fer et le bougon et IIII melles de cayne appartenans audit collier ou l'en met les prisonniers en geinne (Comptes Archev. Rouen J., 1405-1406, 60)

Autour du col chaynes, coliers, carcans (La Vigne, V.N., p.1495, 218)

D. -Chaîne mise autour du cou des animaux, pour les retenir ou bien comme ornement.

...treize coliers, tant à levriers comme à autres chiens, garniz d'argent, tant blancs comme dorez. (Invent. mobilier Ch. V, L., 1379-1391, 216)

...ung autre collier d'argent à sonnettes pour ung petit chien. (Invent. mobilier Ch. V, L., 1379-1391, 217)

...ung colier à chien, d'un veluiau bleu, ferré d'argent, dont la longe est de mesmes. (Invent. mobilier Ch. V, L., 1379-1391, 219)

Guillaume Viez Orge, vallet de chambre du Roy, pour I collier d'argent doré acheté par lui pour I des lévriers dudit seigneur (Comptes hôtel rois Fr. D.-A., 1380-1381, 36)

...pour V onces, IIIJ esterlins d'argent doré, par lui mis et emploié en la fourreure d'un grand collier pour le chien de madame la Royne, délivré à Gillebert Guérart, varlet de chambre de ladicte dame (Comptes argent. rois Fr. D.-A., II, 1387, 185)

...ung coler de chien armoyé des armes de MS, et une sainture de blanc cuyr, les fermans d'argent. (Comptes Lille L., t.2, a.1467, 136)

[À propos d'une pers.]

Le chien au grand collier. Celui qui est le plus en vue (en partic. celui qui est admiré par les femmes).

Quant quelque galant amoureux Se treuve en lieu pour sa plaisance Et ung plus fort et rumoureux Du pourpris a la gouvernance, Il vient hurter a grant puissance : 'Qu'esse la ?' ce dit l'ostellier. Tantost respont et sans doubtance : 'C'est le gros chien au grant collier.' (Prov. rimes F.M., c.1485-1490, 39)

Puis aprés on monte au solier : 'Bien venez, car je vous attens !' Avec le chien au grant collier Elles se donnent du bon temps. (Coquill., Oeuvres F., 1478-p.1494, 330)

E. -Pièce du harnais passée autour du cou des bêtes de trait.

1.Au propre.

...il qui parle (...) trouva d'aventure enmi les champs une jument assez basse qui paissoit aus champs, laquelle jument, à l'aide d'un colier de corde que elle avoit entour son col, il lya et atacha à un buisson qui estoit auprès d'illec. (Reg. crim. Chât., II, 1389-1392, 273)

...leurs fuites deshonnourables Ont fait mourir tant de notables, Pres qu'a milliers, Et fait perdre les chevaliers Qui de France estoient piliers, Menez comme beufx en coliers En vïolentes Prisons (Chart., L. Dames, 1416, 275)

Si ne voy pas que noz contentions ou noz parolles semees en appert ou en secret des ungs contre les autres nous puissent gecter de ce dangereux pas, ains fault tirer au collier et prendre aux dens le frain vertueusement, et, se le cheval par batre et flageler et le beuf par force d'aguillonner durement tirent hors leurs voitures des effondrez et des mauvais passaiges, ainsi croy je que le flaël de divine justice, qui nous fiert par l'adversité presente, nous doye esmouver a prendre couraige pour nous horsgecter de ceste infortune. (Chart., Q. inv., 1422, 44)

En les letrines près ladite chambre Et premièrement, troys couliers de tele crue, pertenans aux chevaulx. (Comptes roi René A., t.2, 1488, 283)

2.Au figuré.

[Idée d'assujettissement]

Ce sont les causes dessusdictes, Et pour les raisons cy escriptes, Pour lesqueles je ne vouloye¨Plus amer, si comme je souloye Ne selon ma coustume vivre. Car le me vueil du tout delivre Rendre du colier amoureux. (Le Fèvre, Vieille C., a.1376, 181)

Tirer au collier avec qqn. Aller dans le sens de qqn, s'entendre avec qqn.

A quoy ledit duc respondit qu'il ne tireroit jamais au collier avec le gouverneur de Lymosin, nommé messire Gilbert de Chabannes, seigneur de Curton, ne avec les maistres Jehans du roy. LXVI. (Le Clerc, Interp. Roye, c.1502, 252)

Traire à un collier. Aller dans un même sens, s'acoquiner.

Ilz me diffament et pugnissent, Mon fait, mon art, ma gent honnissent ; Je ne m'ose vëoir entre eulx, A peu ne me crievent les yeux. Et puis vindrent ly Cordelier, Qui tous trayent a ung collier Que Raison a puis ramenés ; Par ceulx je suis trop mal menés. (Renart contref. R.L., t.2, 1328-1342, 54)

Tirer à tel collier. Aller dans tel sens.

Aussi le petit enfanchon Lisent tresbien ceste lechon ; S'on leur met en la main, ilz rient, Et s'on leur veult oster, ilz crient. Et puis que chascun l'art recorde, En droit de moy je m'y accorde, Car Jacopin et Cordelier Tirent trestous a cest colier (Renart contref. R.L., t.1, 1328-1342, 5)

Traire au collier de qqn. Aller dans le sens de qqn, se soumettre à qqn.

Par l'art Reganart le siecle vient Et par Regnart tout se maintient. Et puis que chascun tient sa vie, Donc ay je cause que je die Com chascun est son escollier, Com chascu trait a son collier (Renart contref. R.L., t.2, 1328-1342, 61)

Faire traire qqn à son collier. Soumettre qqn à sa volonté.

SAINT THOMAS. Or a Dieu .I. bon chevalier ; Il n'a pas failly a eslire. Celuy fait traire a son colier Qui ne le fesoit que despire. (Cycle myst. prem. mart. R., c.1430-1440, 96)

Tirer au collier de la mort. Être soumis à la mort, en être proche.

Il [Lazare] tire au colier de la mort et languist en peine. (Michel, Myst. Pass. J., 1486, 184)

Tirer d'un collier soupçonneux. Ne pas agir de bonne foi.

...posé que le duc vouloit bien tenir la journée des Anglois et que mesme il en désiroit bonne conclusion, toutesfois, parce qu'il voyoit et sentoit le roy tirer d'un collier soupçonneux, et en divers cas et en diverses affaires estre variable envers luy et non de grand fondement, certes fit moins de poix aussi de cest approchement du roy, et assez lentement se mit en voie pour aller à l'encontre (Chastell., Chron. K., t.4, c.1456-1471, 494)

Se mettre à bon collier. Se mettre à bonne école.

Cil roy Latin latin trouva, Et tant en latin se prouva, Et tant s'estudie il y mist Que le latin proprement fist. (...) On ne dit mais nul vray escript, Se il n'est en latin escript. (...) Bien se mist cil a bon collier, Car ore en sont maint escolier, Ore en sont maint auctorisiés. (Renart contref. R.L., t.1, 1328-1342, 202)

Franc au collier. Tirant avec énergie, plein d'ardeur, se donnant généreusement à l'effort.

L'an quatre cens cinquante six, Je, Françoys Villon, escollier, Considerant, de sens rassis, Le frain aux dens, franc au collier, Qu'on doit ses euvres conseillier (Villon, Lais R.H., c.1456-1457, 11)

F. -Médication appliquée autour du cou en vue de guérir le chien de l'ongle.

A chienz avient aussi une maladie aux yeulx, quar il leur vient une toile dessus et une char, qui leur vient par l'un des bouz de l'ueill, qui leur cuevre l'ueill et s'apelle ongle. Et einsi deviennent borgnes, qui ne s'i prent garde. Aucuns leur metent colier d'ourme, de la fueille et de l'escorce, et dient que, quant cela sera sec, que l'ongle leur cherra, mes cela est bien petit remede. (Gast. Phébus, Livre chasse T., 1387-1389, 118)

II. -CHASSE Chair qui est entre la poitrine et les épaules du cerf ou du sanglier.

Or te faut lever le collier, c'est une char qui est demouree entre la hampe et les espaules (Henri Ferr., Modus et Ratio, Livre deduis T., c.1354-1377, 54)

Puis levera le colier, que aucuns apellent fol l'i laisse, c'est une char qui est demouree entre la hampe et les espaules et vient tout entour par dessus l'os du long de la hampe sus le jargel (Gast. Phébus, Livre chasse T., 1387-1389, 180)