BARBE

substantif féminin

[T-L : barbe ; GD : barbe ; GDC : barbe ; AND : barbe1 ; DECT : barbe ; FEW (I, 243b) : barba ; TLF (IV, 164a) : barbe]

A. -Au propre.

1.Pilosité faciale répartie sur les joues et le menton de l'homme, susceptible d'être rasée ou taillée.

Ne pense pas, bele, qu'en vain me plaigne : Voy mes cheveus, voy ma barbe grifaingne ; Voy mon habit Qui de ma mort te moustre vraie enseingne ! (Mach., F. am., c.1361, 167)

Bien avient aus brebis leur laine ; Si est laide chose et villaine Homme sans barbe (Mach., Voir, 1364, 638)

...en la compaignie d' un gros prestre, court homme, à un visaige rondelet et barbe roussette, qu'il pense qui a nom messire Nicole, et est du pays de Normandie (Reg. crim. Chât., II, 1389-1392, 386)

...messire J.. de Montagu, chevalier et grant maistre d'ostel du Roy nostre Sire, par avant notaire et secretaire d'icellui Seigneur, homme de basse corpulence, maigre à peu de barbe, legier et apert (Baye, I, 1400-1410, 291)

Il [Villon] fut rez, chief, barbe, sourcil, Comme ung navet c'on ret ou pelle. (Villon, Test. R.H., 1461-1462, 143)

C'est bien face de penitance ; Doulce barbe et grans cheveulx En chief piteulx Signe sont de grant astinance. (Pass. Auv., 1477, 107)

Mahon a la barbe velue (La Vigne, S.M., 1496, 144)

[Dans une formule de serment]

Foy que doibs barbe de menton, Je yray a cestui printemps Et ly ayderé de mil frans, Se Dieu plait, a fayre s'egleyse. (Myst. st Bern. Menth. L., c.1450, 162)

L'admiral appelle Marpin, le plus desloial larron qui fut entre les humains, et luy dist : 'Marpin, par la barbe que je porte au menton, se tu pouvoies faire qu'on peult embler la sainture que Florippes porte, je te dourroye de mon or et de mon argent grandement, et seroyes mon tresgrant amys, car se je la pouvoye avoyr, je suis seur que les François seroient tantost mors et ne me pourroient grever.' (Bagnyon, Hist. Charlem. K., c.1465-1470, 102)

Faire la barbe (à qqn). Raser qqn, tailler la barbe à qqn.

...mais oncques n'en mua son habit tristre et douloureux, ne aussy fist il sa barbe ne ses cheveux (La Sale, Salade, c.1442-1444, 40)

...ledit Alixandre ala faire sa barbe à l'ostel d'un barbier (Doc. Poitou G., t.8, 1446, 358)

...devant tous les assistens luy fist faire sa barbe et cheveulx (C.n.n., c.1456-1467, 533)

Et s'il fait aultrement, le contraire s'en ensievra, comme il advint de Denis le tyrant qui, par la crainte qu'il congneu que son peuple avoit de luy, il vint en tele diffidence de ses subgetz et de ses propres serviteurs qu'il ne se fioit en son propre barbier de faire sa barbe ou ses cheveulz mais, par la pauour qu'il avoit du rasoir, il bruloit a ung charbon ardant le poil de sa teste et de sa barbe si prez de la char que il le pouoit endurer. (Fillastre, Traité Conseil H., c.1472-1473, 222)

Et de ce propoz, vous, monsr de Vienne, en sçavez plus que moy, comme celuy qui l'aydastes à penser en ceste malladie et luy feïstes faire la barbe, que il laissoit croistre. (Comm., II, 1489-1491, 129)

Au figuré. Mettre à mal qqn, régler son compte à qqn ; dépouiller qqn.

Si cuide venir le ferir d'un fouet. Et Ponthus tourne son bourdon et dit qu'il lui fera sa barbe s'il lui touche (Ponthus Sidoine C., c.1400, 120)

Or venés avec nous galoys, Et l'om vous fera voustre barbe ! Boreau, le feu d'enfert vous arde ! (Myst. st Sébast. M., c.1450-1500, 213)

PRIMUS. Leur seront pas ung jour leurs barbes faitez Et les cheveux abregés sur le tourt ? LE PRINCE. Se Justice ce bien ne vous resourt, Toult est perdu. (Astr. P., 1498, 203)

Par euphémisme. Faire la barbe sans rasoir. Décapiter.

Partez-vous et alez-ent vostre chemin (...) sans vous bouter en fort qui nous soit contraire, car se vous vous y boutez et je vous tiengne, je vous delivreray à Janselin qui vous fera voz barbes sans rasoir. (Froiss., Chron. M., XII, c.1375-1400, 44)

Laisser croistre sa barbe (aussi longtemps que le serment que l'on fait n'est pas réalisé)

...il leissa croistre sa barbe, disant que jamais ne seroit faite n'aroit veu les Suisses face à face. (Molinet, Chron. D.J., t.1, 1474-1506, 143)

Tirer la barbe de qqn. Se montrer d'une familiarité excessive.

Si Dieu ne t'a voulu pugnir pour les grans pechez que faisois, Et s'il t'a laissé d'impugnir, il ne s'ensuit pourtant que doiz Tirer sa barbe de tes doiz Par ta folle oultrecuydance (Rivière, Nef folz D., 1497, 550)

Tondre ses cheveux et sa barbe en guise de fol. Couper ses cheveux et sa barbe à ras.

Et assez tost lui furent les forces apportees, sy fist tondre ses cheveux et sa barbe en guise de fol, si que tuit cil qui le veoient en faisoient grant risee, combien qu' il fussent a meschief. (Bérinus, I, c.1350-1370, 75)

Proverbe. À barbe de fol apprend on à rere. On apprend en commençant par des travaux peu exigeants.

Qui ne scet mestier, Foy que doy saint Pol, D'apprendre a mestier A dur et a mol. Sans rompre le col Ne vivre en misere, A barbe de fol Apprent on a rere. (Prov. rimes F.M., c.1485-1490, 39)

Remarque : Les fous, qu'on avait l'habitude de tondre, n'étaient pas des clients difficiles.

2.Comme symbole de virilité, de force, de courage, de sagesse.

a)Locution.

Avoir une/de la barbe. Être homme.

Ce c'est ou homs ou femme, je ne sçay qu'esperer, Car oncques en sa vie ne me volt acommer. Ce qu'i n'a point de barbe me fait souvent penser Qu'i n'est mye vrais homs (Tristan Nant. S., c.1350, 527)

Il est plus cassé que vous n'estes. N'avés vous pas barbes et testes Comme luy pour vous revancher ? (Pouvre peuple H., c.1450-1492, 181)

De prime barbe. Jeune.

Et dit que ycellui maçon est un joines homs de prime barbe, aagié de XX ans ou environ, plus haut que lui qui parle et plus gros de corps, vestu d'une cotte courte de drap gris sur le blanc, et taille pierre par chascun jour en l'ostel dudit mons. de Bourbon (Reg. crim. Chât., II, 1389-1392, 479)

...devant lui avoit un jouvencel de prime barbe avecq deux pucelles eagies de vingt ans (Percef. IV, R., c.1450 [c.1340], 836)

Barbe fleurie

[À propos de Charlemegne] Barbe blanche.

Et sy emmenray avec moy Charles par la barbe florie et le pendray ou feray bruler, et avec luy Rolant et ses compaignons ! (Bagnyon, Hist. Charlem. K., c.1465-1470, 166)

[Comme attribut de l'âge, de la maturité et de la sagesse]

Le tiers hostel [où les Romains accueillaient les hommes méritants quand ils vieillissaient] estoit de repos plain, Quant la barbe leur devenoit florie (Desch., Oeuvres Q., t.3, c.1370-1407, 141)

N'avoir barbe ne grenon. Être imberbe.

Car il n'a barbe, ne grenon, Ains a cler et onni le vis (Mir. femme roy Port., c.1342, 173)

Ançois que li roys eust ne barbe ne grenon, Aloit J jour chacier, o lui de gens foison : Ung grant cierf esleva qui couroit de randon. (Chev. cygne R., c.1356, 6)

Et a ly ainsnez nom Uriiens, et li puiznez Guion, et n'ont barbe ne grenon. (Arras, c.1392-1393, 97)

...il avoit le viaire frais et coloré, et jeune de vingt-deux ans, et n'avoit encore barbe, ni grenon ; il estoit blond, avoit les yeux vairs et riants (Faits Lalaing K., c.1470, 117)

Montrer/tenir barbe et visage (de tel état). Montrer qu'on a les caractéristiques (de tel état).

Penssez vous que, se nous eussions Nous peu tenir en nostre estaige, Que n'eussions point tenu visaige Et barbe d'omme a tous coustéz ? (Gréban, Pass. J., c.1450, 401)

A ce conseil des Brabançons (...) le duc y avoit toujours ses gens allans et venans pour luy deffendre et sauver son droit et sa seigneurie encontre les murmurans, et pour leur rabattre leur orgueil, aussy pour monstrer barbe et visage de prince, combien toutesfois (...) que tousjours vouloit vivre amiablement avecques eux (Chastell., Chron. K., t.5, c.1456-1471, 284)

b)Proverbe. Tel a barbe qui n'est pas homme

Tel est bien bas qui fut bien hault ; Tel a barbe qui n'est pas homme (Alecis, Faintes monde P.P., c.1460, 116)

B. -Par métonymie. Partie du visage (où pousse la barbe).

1.Bouche, babines.

Engraisser sa barbe de qqc. Se régaler de qqc..

Desor querray je accoisons de trouver nyées d'oisons Qui sont nouveaux au mois de may ; Mes barbes en engresseray (Renart contref. R.L., t.2, 1328-1342, 48)

2.Face, visage.

Et pour tant, advisant d'autre manière de faire, la plus honneste que on pourroit, en monstrant barbe et visage non esbahy, délibéra à remparer arrière les bastilles qui avoient esté prises le jour devant (Chastell., Chron. K., t.2, c.1456-1471, 110)

...multitude de faces en bacinets enroulliés, et dont les dedans estoient grignans barbes de vilain, mordans lèvres. (Chastell., Chron. K., t.5, c.1456-1471, 273)

C. -Au figuré. [Avec ou sans idée de confrontation, d'hostilité] Face.

À la barbe de qqn. En face de qqn.

...car dejà ils avoient esté advertis et estoint en belle bataille (...) attendens illecques que les ennemis fussent à leur barbe (Leseur, Hist. Gast. IV, C., t.1, 1477-1478, 89)

Et après que luy et ses batailles eurent demouré grant piece au beau front et à la barbe des ennemys (...) mondit sieur le prince fist passer tout son ost par devant les batailles des Castillans (Leseur, Hist. Gast. IV, C., t.2, 1477-1478, 239)

Parler à la barbe de qqn. Réprimander qqn.

'Comment nous serons festoyez de noz femmes, quand nous retournerons a l'ostel ! Dieu scet que nous ne serons pas excommuniez : on parlera bien a noz barbes. - Nostre Dame ! dist l'un, je craing bien de m'y trouver.' (C.n.n., c.1456-1467, 542)

Barbe à barbe. Face à face.

N'en faictes doubte, Car nul qui soit je ne redoubte, Tant soit horrible barbe à barbe. (Myst. Viel test. R., t.5, c.1450, 123)

...ilz vindrent rancontrer barbe à barbe ceste arrière-garde et donnerent dedans (Bueil, I, 1461-1466, 216)

...ces .II. parties, barbe à barbe et fronc contre fronc, se rengèrent sus le marchiét. (Jehan d'Avennes F., c.1465-1468, 83)

...ces II parties, barbe à barbe et fronc contre fronc, se rengèrent sus le marchiét. (Molinet, Chron. D.J., t.1, 1474-1506, 247)

En (la) barbe. En face.

Mais quant ilz sceurent que Sarrasins s'estoient partiz, si furent moult doulent, car bien cuidoient qu'ilz s'en feussent fouiz. Mais pour neant s'en doubtent, car avant le tiers jour ilz les auront en barbe, et leur donront tant a faire qu'ilz en seront tous embesoingniez. (Arras, c.1392-1393, 222)

Envoia ung message (...) Que demain au matin (...) Le verroit en la barbe, lui et sa compagnie (Cip. Vignevaux W., p.1400, 24)

De ces choses entreparlant, Malebouche en la sale entra. Franc Vouloir, le gentil galant, En la barbe le rencontra. (Martin Le Franc, Champion dames I-II, P., 1440-1442, 77)

...lesdits seigneurs se mirent aux champs à l'encontre de luy et le rencontrèrent en barbe (Chastell., Chron. K., t.1, c.1456-1471, 319)

Et en toute icelle cause comme je semble vouloir excuser cestuy duc de Calabre, par neutrier en ceste division, tout en pareil puis-je et dois faire du comte de Fois, qui avoit la menace des Catelans en barbe (Chastell., Chron. K., t.5, c.1456-1471, 410)

Si descendirent les nobles barons françois et commencerent a entrer en pays fierement arroiéz, la ou assez tost et sans gueires aller avant trouverent en barbe ung abbé nommé [...] atous VIm de communes, bons combatans et fors (Chastell., Chron. IV, D., c.1461-1472, 293)

J'euz d'ung canon par les cheuveux, Qui me vint cheoir tout droit en barbe s (Fr. arch. B., c.1468-1480, 31)

Certain regnart estoit en ce temps qui jamés n'avoit veu ne regardé de lyon en barbe ne rencontré. (Tardif, Apologues R., c.1493-1498, 71)

Faire/montrer barbe à qqn. Narguer, défier qqn.

Adonc commencèrent les coureux dudit seigneur d'Orval à leur aller faire barbe et bon visage, et ledit seigneur fit tousjours marcher ses gens en belle bataille, et par belle ordonnance contre lesdits Anglois. Lesdits coureux prindrent un gentilhomme (...) bon prisonnier (Chart. J., Chron. Ch. VII, V., t.2, c.1437-1464, 247)

...car estoit cestui eslu venu parfois à La Haye soy monstrer droit-là, en route et multitude de gens armés et embastonnés, moult hautainement et en grant orgueil, comme pour monstrer barbe à tous autres du parti contraire (Chastell., Chron. K., t.3, c.1456-1471, 79)

Quant j'ay affublé mon heaulme Et qu'on m'eschauffe ung peu le suc, Je suis pour faire barbe au duc Ou au grant roy de Tartarie. (Michel, Myst. Pass. J., 1486, 264)

Faire barbe et despit à qqn de qqc. Défier, narguer, provoquer qqn au sujet de qqc..

...ceste ville de Cepte ['Ceuta'] , que les roys de Portingal, depuis leur grant pere le roy Jehan, tiennent victorieusement alencontre de eulx [les habitants du royaume de Fès] et leur en font barbe et despit tous les jours. (Chastell., Chron. IV, D., c.1461-1472, 76)

Se (re)mettre en (la) barbe de qqn. Se placer face à qqn, défier qqn.

...et si chevallereusement le firent, en especial Appollo, que il n'y avoit traytre qui ne tremblast devant luy et que chascun se prinst a luy faire place ; dont Zethephius eut tel doeil qu'il se vint mettre en la barbe du roy, de Fletheris et de Loth, et avoit avec luy dix de ses mieux combatans. (LEFÈVRE (R.), Hist. Jason P., c.1460, 186)

Dont aprés le desmarce [messire Jehan de Rebremettes] vivement se remist en barbe de messire Henry (Chastell., Chron. IV, D., c.1461-1472, 166)

Mener/mettre qqn en barbe à qqn. Opposer qqn à qqn.

...je luy mèneray quarante mille combattans en barbe paiés pour trois mois (Chastell., Chron. K., t.3, c.1456-1471, 425)

Si a mon, ce dist le duc ; mes qui luy pourions nous mettre en barbe, homme de sorte ? Puis qu'il a si grant fain de besongnier, il convient bien qu'il en ait ung. Ja est la troizieme ou .IIII.^e fois qu'il me tempte, et ne cesse de me presser que je luy baille homme pour faire armes. (Chastell., Chron. K., t.4, c.1456-1471, 134)

Parler à la barbe de qqn. Parler sévèrement au visage de qqn, réprimander qqn.

'Comment nous serons festoyez de noz femmes, quand nous retournerons a l'ostel ! Dieu scet que nous ne serons pas excommuniez : on parlera bien a noz barbes. -- Nostre Dame ! dist l'un, je craing bien de m'y trouver. -- Ainsi m'aist Dieu, dit l'autre, aussi fays je moy : je suis tout seur d'oyr la passion...' (C.n.n., c.1456-1467, 542)

D. -Par analogie. Chez l'être humain ou chez l'animal, poils dont la disposition ressemble à une barbe.

1.[Dans un cont. grivois] Poils du pubis (chez l'homme et chez la femme).

C'est une chose qui trop nuit Que brayes a porter ou lit, et d'aultre part ung grant abus Que de trouver ces cons barbus. Et quant ung con veult porter barbe... (Barbes brayes A., a.1450, 260)

...la barbe du devant de ladite femme estoit assez et beaucop longue, comme il est coustume a celles de Hollande (C.n.n., c.1456-1467, 90)

Barbe à barbe. Face à face amoureux.

C'est que je vouldroie barbe a barbe Mignonne comme sainte Barbe Quelque chonnette gracieuse Que j'esliray pour mon espeuse. (Serm. plaisant K., c.1500, 463)

2.Poils sur la mâchoire inférieure d'un animal.

Ilz [les boucs sauvages] ont granz barbes et sont bruns, de poill de lou, et bien veluz (Gast. Phébus, Livre chasse T., 1387-1389, 70)

DEMANDE. Pourquoy vont les chevres aux champs devant les moutons ? RESPONSE. C'est pource qu'elles ont barbe : elles sont plus dignes et doivent preceder. (Devin. R., c.1470, 173)

E. -Par extension. Toute pilosité ou villosité ou amas de matériau ressemblant à une barbe.

1.[Domaine végétal]

Yver fait champs et arbres vieulx, Leurs barbes de neige blanchir (CH. D'ORLÉANS, Ball. C., c.1415-1457, 129)

Barbe Aaron. Arum, gouet.

Iarus... L'en appelle aussi barbe Aaron et aussi pié de veau. Elle croist en lieu moite et sec, et en montaignes et en plaines, et la treuve l'en en yver et en esté. (Grant herb. C., c.1450, 120)

2.DRAPERIE Extrémité décommise d'une corde (offrant quelque ressemblance avec une barbe).

...que tout li apointich de tous les dras et couvretures dessus dis, grans et petis, aient 2 pos de muison entre les deus barbes et le neut. (Drap. Valenc. E., 1344, 298)

Remarque : Cf. G. De Poerck, La Drap. médiév. en Flandre et en Artois, t.2, 1951, 15

3.ART MILITAIRE Chat à barbe. Variété de chat : abri mobile destiné à protéger les sapeurs de murailles (barbe désigne peut-être des hérissements métalliques disposés sur le chat).

Pour faire ung chat à barbe et ung beffroy lequel aura de huit à neuf toises de long et deux de large, sera ordonné de bois quarré environ .CCCC. toises, ung millier d'asselin, .XXIIII. rouelles et d'autre menu bois grant quantité (Chr. Piz., Fais armes cheval., 1410, 62 r°)

F. -Locution. [Par croisement avec garbe 'gerbe'] Faire barbe de feurre/de paille/d'estrain (à Dieu/au monde). Se moquer (de Dieu, du monde).

Si font ycilz [les hypocrites] barbe de fuerre, plus scevent de mal que la luerre. Il deçoivent par leurs malices Les simples gens (J. De Chavenges, Le Livre royal, éd. L. Delisle, 1345-1348. In : Bibl. Éc. Chartes 62, 1901, 338)

...il ne vieult mye user de si bon conseil, mais pour faire a Dieu et au monde barbe de paille, prant l'abit de devocion fainte, couvert du manteau d'ypocrisie (Ovide mor., 1466-1467. In : Chrestom. R., 205)

...Nul ne m'escure et en vain je labeure : On fait souvent a Dieu barbe de feurre. (Molinet, Faictz Dictz D., 1467-1506, 66)

L'ACTEUR. Il cuide bien nostre bon Dieu tromper Par sa mauvaise et fause ypocrisie, Ou ira il, quand il perdra la vie ? Il s'en yra tout droit au puis d'enfer. RESPONCE. Dieu scet trop bien a quel fin il veult tendre. Aucunz le font pour abbattre le pain Et, a la foiz, il donnent bonne exemple Aux ignoranz d'aourer Dieu en son temple,Posé qu'ilz font a Dieu barbe d'estrain. (Les Coquards, éd. A. Piaget, c.1481. In : Romania 47, 1921, 186)