CLAIE

substantif féminin

[T-L : cloie ; GD : claie ; GDC : claie ; AND : claie1 ; FEW (II-1, 776) : *cleta ; TLF (V, 866b) : claie]

A. -Treillis à claire-voie d'osier, de branchages, de bois, de cordes..., servant à divers usages, claie.

S'autre remede n'est mis, Il me fault couchier sur l'estrain, Et faire couste d'une cloie Et coussin d'un fais de ramaige Et dossier de terre ou de croie. (Desch., Oeuvres Q., t.5, c.1370-1407, 120)

...faire deux mille cloies et livrees aux gens d'armes et arbalestriers de la dicte armee pour mettre dedens les vesseaux du dit navire soubz les piés de leurs chevaux. (Clos galées Rouen M.-C., t.2, 1385, 172)

Item affiert à tel garnison grant quantité de aiz et de tables, cloyes, cloux, chevilles de fer et de sois à grant foison pour faire entablemens, se besoing estoit, contre les engins qui pourroient estre applicquéz aux murs. (Chr. Piz., Fais armes cheval., 1410, 53 r°)

Alasmes à ung villaige et isle nommé Roussaux-moustier, et y sont les maisons toutes de cloies et est à un ducq qui a bien quinse cens barques, nommé Macaniénus (Lannoy, Voy. amb. P.H., p.1450, 170)

À Jaquet Cadot, menuysier, et Loys Boutart, paslier (...). Quatre paires de claies pour [mectre] sur les litz (...). Neuf croisées de boys, à mectre les chandelles aux chambres (Comptes hôtel rois Fr. D.-A., 1478-1481, 353)

[Pour s'abriter des projectiles]

Contre le fort engien se vont fort garnissant De cloies et de fiens et de maint cuier devant (God. Bouillon R., t.2, c.1356, 483)

[la forteresse pourroit] bien estre prinse d'assault. Car les murs estoient bas, et n'estoient point les tours guerlandees ; mais il ot sur la porte une grosse tour et assez haulte, et estoit bien couronnee, et monstroit grant deffense ou lez febles et bas murs estoient. Mais Gieffroy avisoit de venir pourveu de manteaulx et de cloies pour les pierres de faiz. (Arras, c.1392-1393, 199)

Au daarain assaut qui fais i fu, il se pourveirent de cloies renforchies que li archier faisoient porter devant euls pour le get des pieres qui venoient d'amont. (Froiss., Chron. D., p.1400, 533)

...li gentilhonme (...) fissent couvrir les maisons de cloies et d'estrain et de terre, pour brisier le ject des pieres qui ceoient sus les tois. (Froiss., Chron. D., p.1400, 615)

[Pour établir un pont]

...et avoient li Flamenc fait un pont sus l'Escaut de nefs et de cloies, bon et fort pour aler et venir sus a leur aise et chariier sans peril (Froiss., Chron. D., p.1400, 417)

Je ne vous ay point parlé des angins volans ; aussi n'ay-je de pontz, qui se font de pipes liées à cordes, ou de clayes pour passer rivières. (Bueil, II, 1461-1466, 45)

...le pont de basteaulx et de clayes pour passer de Versay au dict camp (La Vigne, V.N., p.1495, 306)

Et, au pont qui avoit esté fait par les Bourguignons de cloies et fagotz sur la bourbe desditz fossez le jour de devant, ainsi que dessus est dit, où avoit esté fait une traynnée de pouldre à canon par l'ordonnance dudit grant maistre, fut mys le feu à l'eure que lesdits Bourguignons donnoyent l'assault sur ledit pont (Le Clerc, Interp. Roye, c.1502, 292)

Palissade.

Je vous dy qu'ersoir, environ Souleil couchant, que je ne mente, Maistre Ysangrin queroit sa rente Comme il en est bien coustumier. S'adressa a mon parc premier Et saulta tout oultre une cloye (Gréban, Pass. J., c.1450, 67)

Claie à hourder/claie pour faire hours

Et pour ce sont tenus rendre et païer au roy notre dit sire des claies à houder une des portes nommée la Porte quant il est guerre et ilz en sont sommés, sans autres faisances. (Hector De Chartres, Cout. R., 1398-1408, 211)

...huit douzaines de cloyes pour faire hours (Trés. Reth. S.L., t.2, 1409-1410, 606)

CHASSE Palissade faite de bâtons verticaux et de branches souples entrelacées, disposée de telle façon que l'animal (ici le loup) s'y trouve prisonnier une fois qu'il s'y est engagé.

Aussi le puet on prendre tout vif, sans qu'il n'a nul mal. Hon fet deux parcs reons, a un coute l'un pres de l'autre, de cloyes bien fors et espés... (Gast. Phébus, Livre chasse T., 1387-1389, 263)

[Pour des travaux d'étayage, de blindage, de remblayage...]

Et aprez, par dilligence legiere, Bien machonner la maistresse masiere La ou elle est remparee de cloyes (Taillev., Ress. relèv. hôt. D., p.1440, 274)

Vieulx bateaulx, estaches, cloyes, fiens, paille et aultres materiaulx furent preparéz à grant plenté pour commencier [à arrêter le cours d'un bras du Rhin] (Molinet, Chron. D.J., t.1, 1474-1506, 41)

[Pour les échafaudages]

Adoncques est monte le moynne sur la cloye en hault pour besoingnier [il peint l'église] et se met en paine quanques il peult de faire le dyable lait et terrible a veoir. Mais, quant le deable se veit ainsi fait tant lait et si espoantable, il sen est venu sur leschaffault en droite forme de deable, de quoy le dit moinne, tout esperdu, ne voult la plus estre pour gaignier tout le monde. (Miélot, Mir. N.D. W., 1456, 64)

B. -En particulier.

1.Treillis sur lequel on place et fait traîner par un cheval, en guise de peine infamante, le corps de condamnés à mort, de suicidés, d'ennemis....

...messire Pierre des Essars (...) a esté mené depuiz le Palaiz royal (...) sur une cloye atachée à la queue d'une cherrette jusques devant l'ostel de la Coquille en la grant rue S. Deniz (Baye, II, 1411-1417, 116)

Et les corps du connestable, du chancelier, et de Remonnet de La Guerre furent tous desnuez et mis et liez ensemble d'une corde par trois jours, et là les traynoient de place à autres les mauvais enfans de Paris. Et avoit ledit connestable de travers son corps en manière de bende ostée de sa pel environ deux dois de large par grande desrision. Et furent en cest estat miz sur une cloye à ung cheval dehors Paris, et enterrez en une fosse nommée la Louvière avecques les autres. (Monstrelet, Chron. D.-A., t.3, c.1425-1440, 271)

Et lendemain fu mis sur une cloie tout nud, et trainé de rue en rue (Monstrelet, Chron. D.-A., t.5, c.1444-1453, 278)

De leurs gens occire et tuer Furent a grant confusion, Qu'i les convenoit emporter Sus clayes sans remission. (Myst. siège Orléans H., c.1480-1500, 643)

Trainer qqn sur la claie. Faire tirer par des chevaux à travers la ville un condamné placé sur une claie.

...que icellui Merigot, prisonnier, soit trainé sur une claye, comme gentilhomme, et, en après, assis en hault sur un haiz mis au travers des paumeles d'une charrete, et que, à trompes cornans, il soit menez tant ès hales de Paris comme aillieurs, aus notables portes de la ville de Paris, et esqueles hales icellui Merigot feust decapité (Reg. crim. Chât., II, 1389-1392, 208)

Adonc attellent encore deux chevaulx aux mains avec les deux qui sont aux piedz d'Ypolite, et dit il après que on l'a trainé sur une claye parmy le champ aux deux premiers chevaulx ce qui s'ensuyt (Myst. st Laur. S.W., 1499, 272)

[Dans une cérémonie funèbre, par humilité]

Et quant la char morte de nostre pelerin sera ainsi trainee ou cuer enmy l'eglise sur la cloie, a la pure terre, sans traitiau ne autre chose desoubz lui, il avera lors entour le corps .IIII. petites chandelles alumees (Mézières, Test. G., 1392, 309)

Et ce fait, ladite charongne ainsi enchainee et toute nue en teste et par tout le corps, exepté la petite pieche de sac sur les secrés membres de nature et la chaine entour le col, etc. soit mise sur une cloie de bois a ce ordenee et bien loïe en .III. lieus de cordes athachies a la cloie, c'est asavoir parmi le col, parmi le ventre et par les janbes (Mézières, Test. G., 1392, 309)

2.DRAPERIE Treillis de cordes tendu sur un châssis de bois utilisé pour battre la laine.

As wardes dou pois de l'escrue pierche, de le seke pierche des cloyes et des pines, dont il sont 7, (...) à cascuns d'eaus pour le tierme de le saint Remi 40 s. (Hist. industr. drapière Flandre E.P., t.3, 1332-1333, 29)

Remarque : Cf. G. de Poerck, La Drap. médiév. en Flandre et en Artois, t.1, 1951, 43.

Par analogie. Dos ou revers de la main.

...si doit estre porté en ceste maniere : l'en doit serrer le coute au costé et tenir le bras droit, un poi loing du corps, Et que le faucon siee droitement sus le poing, non pas sus la clee [var. closture] de la main ne dedens sus les dois (Henri Ferr., Modus et Ratio, Livre deduis T., c.1354-1377, 178)

Remarque : ...un coup orbe que elle a sur la claie de la main senestre (Doc. 1369. In : Siméon Luce, 'L'administration intérieure de l'Hôtel-Dieu de Paris en 1368 et 1369' dans Bulletin de la Société de l'histoire de Paris et de l'Île-de-France, Paris, vol. 7, 1880, 144)