ATTENTE

substantif féminin

[T-L : atente ; GD : atente1 ; GDC : atente ; AND : atente1 ; DECT : atente ; FEW (XXV, 710b) : attendere ; TLF (III, 846b) : attendre]

I. -[Idée de tension vers qqc., d'attention portée à qqn ou qqc.]

A. -Fait de tendre à qqc..

Apren moy a savoir quelque chose qui conferme mon enfermeté, et ou je puisse ficher mon attente advenir entre lez varietés presentes. (Chart., L. Esp., c.1429-1430, 91)

Celui aussi de qui tous dons viennent entierement veult estre requis d'entiere pensee. Ayes semblablement ferme attente a ce que tu requiers, car l'oreison ne proufite, si non en tant que la foy du requerant lui donne de merite. (Chart., L. Esp., c.1429-1430, 164)

Remarque : L'ex. suivant fait difficulté (Heilemann, Gloss. Chastellain, 379, 'unklar'). Peut-être 'visées (sur)'

...le roy anglois qui trop avoit d'attente et d'autorité en ce royaume [de France] contre droiture (Chastell., Chron. K., t.1, c.1456-1471, 145)

Parvenir à son attente. Atteindre ce à quoi on tend.

Le dyable vous puisse emporter Pour parvenir a vostre actente, Car je n'ay plus a vous d'actente Pour vostre raison conforter. (Au grey d'amours F.-H., c.1400-1500, 211)

Avoir attente de + inf. Avoir l'intention de.

Laissiés lay, dit Soubdan, Mahomet le crevente ! Entrons dedens nouz nefz, quar je n'ay plus d'atente De jamais guerroyer en lieu ou je le sente. (Flor. Octav. L., t.1, c.1356, 316)

Moab, Athior et Amon Firent des Juïfs grant sermon A Olophernés, et disoient Que 'quant li Juïf bien servoient Leur dieu, par vraye et bonne entente, Ja nul d'eulx grever n'eust attente, Car leur dieu bien les garderoit, Ne grever on ne leur pourroit, Tant y sceust on mettre grant force...' (Chr. Piz., M.F., II, 1400-1403, 219)

Considere lez discors de l'infortune presente et tu y trouveras correspondence, combien que ce n'est pas m'atente de ramentevoir ceulx que leurs coulpes, selon le dit divin, ont semblablement tiré et tirent chacun jour notoirement a despourveue mort ou a publique male meschance. (Chart., L. Esp., c.1429-1430, 77)

But' (Éd.).

Tué tu as mon coeur, pulente lente ; Regente gente, en la presente sente, N'attente attente, or n'ay je en ta morsure, Par ta laidure, qu'ardure dure, dure. (Molinet, Faictz Dictz D., 1467-1506, 43)

B. -Attention portée à qqn/qqc..

Trois estoient, dont toute la premiere Marchoit devant et portoit la baniere ; La seconde de bien pres la suivy, Et la tierce venoit à leur convy ; Les deux à l'une servoient par entente : Là mit mon oeil son regard et actente. (Robertet, Oeuvres Z., c.1450-1500, 167)

[Les ambassadeurs d'Orient] Ne demandoient ne argent ne autre chose, fors seullement attente a leur priere. (Chastell., Chron. IV, D., c.1461-1472, 290)

...et ne porray je impetrer devers toy ung peu d'audition, et que tu livres attente a une femme miserable cristienne ? (Chastell., Temple Boc. B., 1463-1464, 83)

II. -Par extension. Fait d'attendre, d'espérer ; ce que l'on attend ; temps d'attente.

A. -Fait d'attendre qqn ou qqc., de compter sur (l'arrivée de) qqn ou qqc..

Jamais [la dame et son ami] ne se porroient si Eslongier, qu'il ne retournassent, C'est a dire qu'il ne s'amassent Autant comme devant ou plus, Car l'atente y met le seurplus (Mach., D. Aler., a.1349, 366)

Et le memoire des proffis receüs n'est pas du tout delictable, ou il est moins delitable. Mais de expectacion ou actente il est au contraire. (Oresme, E.A., c.1370, 475)

L'an passé, un de leurs barons, Qui Palamedés fu nommé, Chevalier preux et moult amé, Arrive en l'ost ; du lonc sejour Moult les blasme et dit 'qu'a un jour Certain s'apprestent a port prendre, Car l'aventure faut emprendre ; Ilz ne l'aront pas sans bataille, L'atente n'i vault une maille.' (Chr. Piz., M.F., III, 1400-1403, 70)

Proverbe. Longue attente estaint la vertu de don. Un don qui se fait attendre longtemps perd de sa valeur.

Gardez que vous ne promettez chose que vous ne puissiez tenir ; et, se vous promettez aucune chose, ne la faictes pas trop attendre, car longue attente estaint moult la vertu de don. (Arras, c.1392-1393, 85)

Mieux vaut une bonne retraite qu'une mauvaise attente

En conformant au langaige vulgaire disant mieulx valoir une bonne fuyte que une mauvaise actente, s'enfuyrent et habandonnèrent leurs compaignons tous des premiers, ayans le coeur failly (Chart. J., Chron. Ch. VII, V., t.2, c.1437-1464, 197)

...adont, comme sage, il se retray, disant que mieulx vault une bonne retraite que une folle attente. (LEFÈVRE (R.), Hist. Jason P., c.1460, 138)

[Formules proches]

...Mais on dit que mauvaise atente Ne vault pas une bonne fuyte. (Myst. Viel test. R., t.1, c.1450, 347)

Certes quant ilz t'ont sentu approcher, quelque oultrageux ne terribles qu'ilz fussent, fouyr leur a mieulx valu que une mauvaise attente. (La Vigne, V.N., p.1495, 299)

Attente de qqc.

...li cuers (...) doit vivre en la douce atente [De] deduit Qui est non pareus (Acart, Prise am. H., 1332, 33)

Item Ovide ou livre de ses Epistres : «Mille figures ou manieres de perir viennent a l'omme au devant, et a la mort moins de paine que l'atente de la mort». (Daudin, De la erudition H., c.1360-1380, 347)

Et je, qui suys en attente de ma mort et desesperé de ma vie, ne scey plus autre part recourir. (Chart., Q. inv., 1422, 24)

Car combien que l'enfant qui de nouvel est apris a aler ait de ce faire le povoir de soy, si a il tousjours l'oeil et le cueur vers sa mere, pour doubte qu'il a de trebuchier par son impotence, et pour l'attente que naturelle affection lui donne du soustenement de la mere qui l'a apris a aler. (Chart., L. Esp., c.1429-1430, 152)

Attente de + inf.

Les cardinaux sont en l'atente De celle dignité avoir (Mir. mère pape, c.1355, 355)

Quant il languist en si tres longue attente De reveoir ma douce dame gente. (Mach., L. dames, 1377, 135)

...En attente de vostre grace trouver (CH. D'ORLÉANS, Songe compl. C., 1437, 106)

Sire, ce dist Euryant, la longue attente de vous veoir m'a esté anuieuse, mais Dieu mercy, puis que je vous voy, chose n'est quy me puist nuyre. (Gérard de Nevers L., c.1451-1464, 20)

...comme tout le monde estoit en attente d'avoir guerre recommencee entre le roy [de France] et ce duc [de Bourgogne] , et que tant ceulx de dela comme deça s'en tenoient certains (Chastell., Chron. IV, D., c.1461-1472, 297)

En attente que + prop. sub.

C'est bien drois que m'i assente En attente Qu'aucuns de sez dous biens sente Dedens moy venir. (Mach., Les lays, 1377, 330)

Demeurer, languir en attente

Las ! or langui en grief attente Et vif en pensée dolente (Mach., R. Fort., c.1341, 49)

Trop est mauvais, quant il ne part, pour voir, Quant il languist en si tres longue attente De reveoir ma douce dame gente. (Mach., L. dames, 1377, 135)

Demeurë icy en attente Tant que je me soys mis a point. (Tr. Men., c.1480-1500, 290)

Estre de bonne attente. Savoir être patient.

- Pucelle, dist Regnaut, par la divine Ancelle, Se renoier voulés la vostre loy mezellz Et croire Jhesu Crist qui pecheours appelle, Le mien filz Yvonnet vous donray, dammoiselle, Mais il est encor jones our chevauchier sans sele ! - Je sui de bonne atente, sire, dist la pucelle. (Renaut Mont. B.N. V., c.1350-1400, 508)

[Expr. pour faire patienter les créanciers] N'y perdre que l'attente

Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. De s'obliger en toutes cours est prest, Se doubte avés que bien ne vous contante ; Sans y avoir dommage n'interest, Vous n'y perdrés seulement que l'attente. (Villon, Poèmes variés R.H., c.1456-1463, 50)

B. -Ce que l'on attend.

1.[Avec une idée d'espoir]

Mon paiement gist en vo douce attente, Mes nuit et jour Desirs pour vous me tempte, Que si m'esmoet le coer, au dire voir, Que je ne puis parfette joie avoir. (Froiss., Orl., 1368, 87)

Lui et ma mere d'un accort M'engendrerent en celle attente. (Chr. Piz., M.F., I, 1400-1403, 20)

Esse tout ce que m'apportez A vostre jour, Saint Valentin ? N'auray je que d'Espoir butin, L'actente des desonfortez ? (CH. D'ORLÉANS, Rond. C., 1443-1460, 449)

...et maintenant la chose est ad ce venue qu'il n'y a plus pour toy d'atente fort povreté et peril ? (Chart., L. Esp., c.1429-1430, 7)

Sy di que toutez noz attentes mondaines sont appelleez esperance par analogie et par participation (Chart., L. Esp., c.1429-1430, 87)

Lez meschans se promettent liberté et restitution de leurs pays par lez escriptures mal entenduez, et glosent et lisent a leur entente. Maiz leur attente est fallie. (Chart., L. Esp., c.1429-1430, 109)

Vous me declairerez Premierement en quoy gist vostre actente. (La Vigne, S.M., 1496, 358)

Assouvi de son attente. Qui voit son espoir réalisé.

Symeon mon nourry ne voulu pas pour neant si longuement vivre en espoir et decrepitement veillir en attendant, quant lui fut revelé qu'il ne verroit sa mort qu'il n'eust veu par avant le Sauveur de la terre. Or vesquit il tant d'ans en attendant qu'il mourust asouvy de son attente. (Chart., L. Esp., c.1429-1430, 95)

Sans attente. Sans espoir.

Mais certeins sui qu'en vous de bien a tant Que dou peril, où je sui sans attente, Me geterez, se de cuer en plourant Priez à Dieu qu'à moy garir s'assente. (Mach., L. dames, 1377, 206)

Attente à/de qqc. Espoir de qqc..

...le chevalier qui se combat en la bataille oublie toutes ses bleceures pour l'attente de la victoire. (Chr. Piz., P.V.H., 1416-1418, 32)

Je doy bien estre tenu pour excusé et delaissié pour si chetif que je suis, sans adjouster a ma misere blasme ou reproche, car douleur et mesaise me chacent a la mort si durement que je seiche sur le pié sans attente de mieulx (Chart., Q. inv., 1422, 25)

Et qu'est esperance, si non certaine attente de la beneureté future par grace de Dieu et par prevention de ses saintz merites ? (Chart., L. Esp., c.1429-1430, 87)

Plourons, plourons, nous servans et servantes, Plus ne nous fault y avoir noz attentes, Perdue avons nostre bonne maistresse, Bien devons estre tous dolens et dolentes. (Régn., F.A., 1432-c.1465, 180)

Mes toudis, [comme] se vertu n'eust point de loy ne attente d'aucune retribution... (Chastell., Temple Boc. B., 1463-1464, 139)

Elle est celle [Esperance] , se dist, qui fait vaincre les tribulations de ce monde par avoir le coer en plus hault lieu et qui fait aviller vanité mondaine par attente a meilleur acquest. (Chastell., Temple Boc. B., 1463-1464, 181)

Avoir attente à/en qqc. Espérer qqc..

...par le moyen desdictes alliances, il estoit en péril de perdre la seignourie et actente qu'il avoit en la couronne de France. (Lefèvre St-rémy, Chron. M., t.1, c.1462-1468, 25)

Emploi absolu.

Ma vïelle ay mis soubz le banc, Amans ne suiveray ja maiz ; (...) Car j'ay mis le plumail au vent : Or les suive [les amants] qui a actente ! (Villon, Test. M., 1461-1462, 69)

Ne plus y avoir d'attente

'Sire, ce dist Florent, je croy a mon entente, A l'ostel retourn[e]ra se famine l'atente. - Par ma foy, dist Climent, je n'y ay plus d'atente : Moult s'est moucqué de vous cilz qui en fit la vente.' (Flor. Octav. L., t.1, c.1356, 48)

Je suis bien povre maleuree ! Il [mon mari] est mort de mort toute oultree ! Il est mort : plus n'y ay d'atente ! (Gréban, Pass. J., c.1450, 48)

Avoir attente à/en/sur qqn. Placer son espoir en qqn, compter sur qqn.

...tres bele, où j'ay toute m'atente (Mach., L. dames, 1377, 125)

Et des bons en est mains, sanz faille, A qui desplait qu'ainsi deffaille Vraye union et bonnes meurs Et qui preudes hommes et meurs Sont, et servent par bonne entente Dieu, a qui ilz ont leur attente, Et mainent belle et bonne vie Et ont desir et grant envie Que soit Scisme osté et paix mise Et tel pestilence desmise. (Chr. Piz., M.F., II, 1400-1403, 9)

Mes, en l'abbregié, le duc prestement leur fit rompre la broce [aux ambassadeurs du roi de Chypre ; 'leur fit abandonner l'idée de'] de jaméz avoir attente sur ly ne sur nul de ses nepveux, disant qu'il n'avoit plus nulz nepveux a perdre et que il peussent querir heritier la ou leur plairoit, mes a ly n'aroient jamés ascout en ceste matiere. (Chastell., Chron. IV, D., c.1461-1472, 151)

Or n'ay je chavance ne rente, Ne aultres biens de quoy puisse vivre. J'avoye a mon filz actente ; Et tout mort il le me fault suivre. (Pass. Auv., 1477, 130)

Nous sommes icy tous enclos ; Voila son tauldis et sa tante Et tous ses subgez et suppous, Qui ont en elle tant atante. (Myst. siège Orléans H., c.1480-1500, 460)

Dresser attente sur qqn

...oncques ne jamais, frustré ne decheu ne sera homme en ferme attente sur ly [Foi] dressie. (Chastell., Temple Boc. B., 1463-1464, 179)

Estre l'attente de qqn. Estre l'espoir de qqn.

Pardon te requier et demande A joinctez mains, mon tres doulx pere. Tu es mon espoir, mon actente, Mon esperance singuliere. (Pac. Job M., c.1448-1478, 371)

Plorer luy fis ses longs ans, racomptans Son Achillés, son actente et refuge (Antitus, Poés. P., c.1500, 15)

Attente desiree. Espoir plein de désir.

O saint et beneuré loyer De nostre actente desiree, Benoiste soit ceste journee Que nous te pouons convoyer ! (Gréban, Pass. J., c.1450, 215)

Temporelle attente. Espoir des choses terrestres.

...la mort est celle ou l'esperit ront ses fondations en temporele attente, et qui fait quitter a fortune ses biens et au monde son promettre. (Chastell., Temple Boc. B., 1463-1464, 107)

2.En particulier. Espoir confiant, confiance.

Et considere aussi comment, a ceste premiere demande, furent mes joyes abatues et si devoye avoir dés icelluy jour aucune attente ou esperance es parolles de ma maistresse ! (Abuzé D., c.1450-1470, 81)

...et bien me fusse a Mayance ou ailleurs en ung mien chastel retraict, se n'eust esté l'atente et parfaicte fiance que j'avoye en sa promesse. (Beufves Hant. I., c.1499-1503, 152)

3.Ce que l'on peut attendre de qqc., ce qui peut résulter d'une chose ou d'une situation.

...voye de justice est la plus rigoureuse et la plus espovantable attente des meffaiteurs, et (...) nulle vengeance n'est si honnorable et de si grand los que celle qui y est quise. (Chastell., Chron. K., t.1, c.1456-1471, 79)

...car estoit le temps bien apparent de produire dures et estranges besongnes beaucoup et de perilleuse attente (Chastell., Chron. K., t.3, c.1456-1471, 325)

Or estoient les termes entre le roy et le duc de Bourgoingne a celle heure mont estranges et de perilleuse attente, et tout a la cause du daulphin son filz, lequel par nulle voye ne pouoit retirer devers lui, et dont la coupe estoit toute imputee au duc son norrisseur (Chastell., Chron. IV, D., c.1461-1472, 256)

Risque.

Du Chastel-en-Porcien, le duc retourna arrière en Valenciennes (...) pour visiter le procès qui estoit entre monseigneur Guillaume Rolin (...) et monseigneur Joffroy de Toisy (...), entre lesquels deux chevaliers pendoit une estrange et merveilleuse question, et de dure attente à qui que ce fust en la sentence rendre, et avoit jà duré par l'espace de quatre ou cincq ans, par quoy le duc maintenant finablement désiroit qu'on en fist une fin et que justice eust son cours pour chacun (Chastell., Chron. K., t.4, c.1456-1471, 171)

C. -Temps d'attente, délai.

Et adont l'ort pecheur se contraigne a dire l'ort pechié qui tue son ame. Car s'il actend plus, il l'oubliera par son actente. Car ainsi ne s'en confessera jamais et par ce demourra en tel peril que pour cause de ce pechié, ou il sera demouré et dont il ne lui avra souvenu, il ne fera jamais bien qu'il ne lui soit estaint vers Dieu, s'il n'y met sa grace. (Ménagier Paris B.F., c.1392-1394, 18)

Et pour ce que les jugemens de Dieu, sans qui riens ne se fait, sont une abisme parfonde ou nul entendement humain ne sceit prendre fons et que noz sens sont trop foibles, noz ans trop cours et noz affections trop fraelles à les comprendre, nous imputons a Fortune, qui est chose faincte et vaine et ne se peut revencher, la juste venjance que Dieu prent de noz faultes, laquelle, ainsi que dit Vallere, vient bien a tart, mais la longue attente est recompensee par aggravement de peine. (Chart., Q. inv., 1422, 4)

Longue attente. Délai, temps d'attente imposé à l'amant par la femme qu'il aime.

Mes ce trop fort m'espoente Que ne me dagniés oïr : Je voi bien que longe atente Me menra jusqu'au morir. (Froiss., Ball. B., c.1362-1377, 46)

Vous n'avez cause de doubter Ne suspeçon qui vous esmeuve A m'esloingnier ne rebouter, Car voustre bonté voit et treuve Que j'ay fait l'essay et la prouve Par quoy ma loyauté apert. La longue actente et forte espreuve Ne se puet celer: il y pert. LA DAME. Il se puet loyal appeller -- Et son nom lui duit et affiert -- Qui scet desservir et celer Et garder le bien s'il l'acquiert. Qui encor poursuit et requiert N'a pas loyauté esprouvee, Car tel pourchace grace et quiert Qui la pert puis qu'il l'a trouvee. (Chart., B. Dame, 1424, 351)

Par personnification. Forest de Longue atttente

Supplient humblement voz loyaulx serviteurs, les actendans de voustre tresdoulce grace et poursuivans la queste du don d'amoureuse mercy, comme ilz ayent donné leur cuer a penser, leur corps a travaillier, leur vouloir a desirer, leur bouche a requerir, leur temps a pourchacer le riche don de pitié que Dangier, Reffus et Crainte ont embuché et retrait en la gaste forest de Longue Actente, et ne leur soit demouré compaignie ne conduit qui ne les ait laissiez en la poursuite fors seulement Bon Espoir, qui encores demeure souvent derriere lassé et travaillé du long chemin et de la tresennuyeuse queste (Lettres Chart., 1425, 361)

En la forest de Longue Actente, Forvoyé de joyeuse sente Par la guide Dure Rigueur, A esté robbé vostre cueur, Comme j'entens, dont se lamente. Par Dieu ! j'en cognois plus de trente Qui, chascun d'eulx, sans que s'en vente, Est vestu de vostre couleur, En la forest de Longue Actente. Et en briefz motz, sans que vous mente, Soiez seur que je me contente, Pour allegier vostre doleur, De traictier avec le seigneur Qui les brigans soustient et hente En la forest de Longue Actente. Se vous voulez m'amour avoir A tousjours mais, sans departir, Pensez de faire mon plaisir, Et jamais ne me decevoir. Bientost sauray apercevoir, Au paraler, vostre desir (CH. D'ORLÉANS, Rond. C., 1443-1460, 421)

Faire attente. Hésiter, se dérober à une demande.

Je, Esperance, guide de bon vouloir, D'ardant desir à vous je me presente. La grant honneur, la richesse et l'avoir De ce monde, conquesterez pour voir. Nul n'osera devant vous faire attente. Requerez Dieu, et mectez ferme entente D'estre en brief temps prest pour le Turc combatre ; Et vous verrez son grant orgueil abatre. (La Marche, Mém., II, c.1470, 377)

Sans attente/sans plus d'attente. Sans tarder, sans délai, tout de suite.

Se vous ne m'aidiez sanz attente, Je crain que je n'y soie atains (Mir. enf. diable, c.1339, 7)

Si que tout einsi, sans attente, Li dis tout mon cuer et m'entente. (Mach., R. Fort., c.1341, 154)

Prieure, venez sanz attente A moy en ma chambre parler, Ainçoys qu'ailleurs pensez d'aler. (Mir. nonne, 1345, 316)

Mouvez de par Dieu sanz attente, Mon seigneur, et je vous suivray (Mir. emp. Julien, 1351, 177)

En la chappelle sanz attente De la vierge de Dieu eslite, En qui tout bon cuer se delite, M'en vois de cuer humelié Agenoiller (Mir. parr., 1356, 30)

Quant est de moy, sanz plus d'attente, Je vous jur que vostre secré, Dame, se n'est de vostre gré, Nul ne sara. (Mir. femme, 1368, 187)

La croix est ja faite en sa court, Ou faire le veult, sanz attente, Mourir, s'il ne faut a s'entente. (Chr. Piz., M.F., II, 1400-1403, 271)

...adont, sans attente, Amours, qui estrangement prendre Scet cuers, quoy qu'il en doye prendre, Volt estre vengeur de la mort Du preux Hector, qu'il avoit mort. (Chr. Piz., M.F., III, 1400-1403, 113)

Ouquel Conseil furent leues et corrigées certaines instructions que devoit messire A.. de Valins, chevalier, exposer au Roy et au duc de Bourgongne pour leur faire savoir l'estat de la ville de Paris et le peril imminent, afin d'avoir sur ce provision et secours sans attente ou long delay. (Fauq., I, 1417-1420, 253)

Sans (plus) faire (longue) attente

Sanz plus faire cy longue attente, Sire, pour Dieu, alons bonne erre A l'abbesse mercy requerre. (Mir. nonne, 1345, 346)

Atant de parler me souffri, Mais au gerfaut m'amour offri, Pensers, desirs, sens et entente En l'eure, sans plus faire attente, Dedens mon cuer celeement. (Mach., D. Aler., a.1349, 371)

Quant Aigres vit que le temps fu beaux et clers et que li tempestes estoit cessés, il descendy, sanz faire longue attente, de l'aÿmant (Bérinus, I, c.1350-1370, 236)

Agnesot, sanz plus faire attente, Alon m'en au moustier errant, Faire crestïen cest enfant, Car au naistre a eü tant paine, Que je ne suis mie certaine Que gueres vive. (Mir. enf. ress., 1353, 24)

Sans y mettre attente

Le lievre sans y mettre attente Tantost se remist en la sente (La Buigne, Rom. deduis B., 1359-1377, 407)

Ne pas faire longue attente. Ne pas attendre longtemps.

Aprés ceste lettre presente Ne fist mie moult longue attente Ma dame bonne, belle et sage (Mach., Voir, 1364, 596)