AFFOLER

verbe

[T-L : afoler ; GD : afoler ; AND : afoler ; DECT : afoler1 ; FEW (III, 847a-b) : fullare ; TLF (II, 35b) : affoler]

I. -Emploi transitif.

A. -Affoler qqn

1.Meurtrir, blesser grièvement, estropier, mutiler.

...merencolie la fole Qui mains amans tue et afole. (Mach., D. Aler., a.1349, 367)

Ces sont cil qe ount alee cy sur lour malveis piee et tant travaillé en male et en pecché, qe affolez sont avant qe garrir puissent et mortz de la male mort - c'est en le puys d'enfern entre touz les diables. (Henri Lanc., Seyntz medicines A., 1354, 221-222)

Longuement dura li assaus. Li rois, Brimons et Percevaus, Li princes, sa gent et le conte, (...) Et li mareschal en tuerent Si grant plenté et afolerent, Qu'il gisoient mors et ocis, Là cent, là mil, là vint, là sis (Mach., P. Alex., p.1369, 75)

Chascuns tint le bon branc d'acier ; Si les affolent et mehaingnent Et tuent tous ceuls qu'il ataingnent. (Mach., P. Alex., p.1369, 168)

Bremons si vaillaument se monstre Que tous ceuls qu'il tient ou encontre Sont detaillié ou affolé, Mort, mehaingnié ou decolé. (Mach., P. Alex., p.1369, 207)

...li plus nice et li pis armé des Compagnes les afoloient, car il jettoient si roit et si ouniement ces pières et ces cailliaus sus ces gens d'armes qu'il n'i avoit si hardi ne si bien armé qui ne les ressongnast. (Froiss., Chron. L., VI, c.1375-1400, 68)

...à certain debat qui fut contre aucuns Alemans dudit lieu, il fu feru et navré ou bras, donc il est affolez à tousjours. (Reg. crim. Chât., I, 1389-1392, 374)

...icellui prisonnier est chargé (...) d'avoir fait sauldre les François, ou aucuns de ceulx que prins avoit (...) par quoy ilz estoient murdriz et affolez (Reg. crim. Chât., II, 1389-1392, 203)

Mais le porc tourne et se met au cours par telle maniere qu'il n'y ot chien ne chevalier ne homme qui n'en perdist la trace et veue, fors que le conte et son nepveu Remondin, qui estoit remontez et le suivoit si asprement devant le conte et devant tous que ly contes ot grant paour que ly porcs n'affoulast son nepveu, et lui escrie a haulte voix : Beau nepveu, laissiez ceste chace. Que maudiz soit qui la nous a annonciee, car, se cilz filz de truye vous affolle, je ne auray jamais joye. (Arras, c.1392-1393, 19)

...et ce n'estoit que ceux qui ainsi les guettent feussent garnis d'espée ou coustel, ils seroient souvent en adventure d'estre affollez de leurs personnes (Mét. corp. Paris L., t.1, 1410, 651)

...puis [ilz] s'en retournerent en leurs maisons, sans le notifier a justice, pour doubte que lesdis brigans ou leurs complices ne les affolassent ou meissent a mort. (Chancell. Henri VI, L., t.1, 1425, 185)

Auquel logis devant Corbueil messire Mauroy de Saint-Léger fut féru d'un vireton parmy la jambe si angoisseusement qu'il en demoura affolé et en clocha grandement tout le temps de sa vie. (Monstrelet, Chron. D.-A., t.3, c.1425-1440, 227)

...se icellui suppliant ne se feust mis a defense, l'eussent tué ou au moins très griefment affole et blecié. (Chron. Mt-St-Mich. L., t.1, Pièces div., 1426, 252)

...une povre femme que ung des chevaux de MdS avoit affolée et rompu le bras (Comptes Lille L., t.1, 1438-1439, 358)

Prenons qu'il [en] ait affolé Six ou sept, ou une douzaine (Path. D., c.1456-1469, 178)

...le chastel Saint-Henry, qui estoit grant et spacieux, fort et puissant, fondit et perit ; et ne eschappa d'icellui chastel que cinq personnes vivans, qui furent villainement affolez et percluz de leurs membres (Escouchy, Chron. B., t.2, a.1465, 346)

...tous les capitaines Y deschausserent leurs mitaines De fer, de peur de m'affoler (Fr. arch. B., c.1468-1480, 33)

Et pour les rues le fire chemener, Mais il estoit tant batuz et tormenter Que pourter plus il ne pouvoit La croix que sy fort l'afouloit. (Pass. Autun Biard F., 1470-1471, 106)

Affoler qqn à la mort. Blesser qqn à mort.

Helas ! maistre, pour Dieu mercy, A la mort je suis affolé. (Myst. Pass. Troyes B., a.1482, 125)

Par plaisanterie.

Et bon moyne, sans demander qui vive, frappe sus et le [le jambon] navra et affola (C.n.n., c.1456-1467, 487)

2.Par extension.

a)Maltraiter (une pers., un animal).

En cest bois ici lez afolent Et tuent et tolent leur biens, Si qu'il ne leur demeure riens. (Vie st Evroul S., c.1350, 64)

...pour la charge et port dudit argent, ledit cheval a esté mort et affolé, comme lui a escript ledit sire de Giac (Comptes Etat bourg. M.F., t.1, 1418, 121)

...en recompensacion de deux chevaulx qu'il affolla en faisant hastivement ledit voyage ainsi qu'il en estoit necessité (Comptes Etat bourg. M.F., t.1, 1420, 335)

Casser en fauldra grant partie Pour aultrement guaigner leur vie, Car le peuplë en est foullé Et tres grandement affollé. (Garin, Compl., 1460, 117)

b)Nuire gravement à qqn.

...pour le praticquer de venir en Italie à conquerir le royaulme de Napples, pour destruire et affoller ceulx qui le possedoient, que j'ay nomméz. (Comm., III, 1495-1498, 19)

3.[D'une chose] Meurtrir, accabler.

...car ilh estoit ja sy affoleis de maladie que, onkes après ce, ne s'armat. (Hemricourt, Miroir Hesb. B.B., 1353-1398, 285)

Au figuré. Opprimer, meurtrir.

Helas, qu'ay fait ? povre me truis, Nu et honteux, enginé suis. Helas moy ! mon pechier m'afole ! Or sui ge folz et tu es folle, Mors sommes et a dampnement Passé avons commandement. (Pass. Semur D.M., c.1420 [1488], 17)

B. -Affoler qqc.

1.Endommager, détériorer qqc..

On avoit par grant signourie Paré de tapis de Turquie Le palais si très richement Qu'on ne pooit mieux nullement. Si ne voloient qu'afolez Fust des Crestiens ou defoulez (Mach., P. Alex., p.1369, 196)

La j'ay paine tant que j'en sue, Et ma parole en devient mue ; Maiz quant j'ay mon harnaz foulé, Tout desvoié et affolé, On n'a plus cure de mes behours, Pour ce que suis ort, lait et lours. - C'est pour un ramonneur de cheminnees (Devin. R., c.1470, 69)

Accopt, seste pelle prenés. Gardés bien de riens affoller. (Pass. Auv., 1477, 104)

2.Bouleverser qqc..

Dame, dame, trop afolee Est ma science en pluiseurs lieus Par recheveurs et par baillieus (Froiss., Joli buiss. F., 1373, 53-54)

II. -Emploi pronominal.

A. -Se blesser, se faire mal.

Hely nous veulhe consouler ! Nostre filz [qui vient de se jeter à l'eau, poussé par le diable] s'en va affouler. A l'ayde, bonnes gens, a l'ayde ! (Pass. Auv., 1477, 157)

Emploi pronominal réciproque.

Adont escoute [Adrastus] (...) Le martelis (...) De ceulx, qui tieulx coups s'entredonnent Qu'ilz s'entre affolent et estonnent. (Chr. Piz., M.F., II, 1400-1403, 299)

B. -Se faire du mal, se nuire à soi-même.

Pleust a Dieu que vostre plaisance Feust d'ensuivir les faiz d'amours, Les douces joustes et behours, Sans aler chasser ne voller. Vous ne vous povez affoller De rien qui vous soit plus grevable. (Narcissus, p.1426, 292)

C. -Au figuré.

1.Se meurtrir.

[L'amoureux] En ce plaisir se murtrit et affole Plus que devant (Chart., D. Fort., 1412-1413, 162)

Advis m'est de peu vous doulez, De courroux vous vous affoulez Et vous mettez en grant martire (Régn., F.A., 1432-c.1465, 197)

Se tourmenter.

Ne scé de quoy vous adolez : Voz deux filz mie ne s'afolent ; Ains s'entrebaisent et acolent (Mir. Amis, c.1365, 65)

S'affoler de qqc. Se tourmenter au sujet de qqc..

Ainsi Eür des gens s'envole, Dont il est trop folx qui s'affolle Ne de l'aler, ne du retour. (Chr. Piz., M.F., I, 1400-1403, 80)

2.S'avilir.

Et quant sus pierre ne sus mole N'est fondée, fors seur frivole, Cils se honnist bien et affole Qui tant la prise Qu'il retient riens de son escole. (Mach., R. Fort., c.1341, 40)

Beau filz, mieulx vault faire silence Que promettre ; li homs s'afole De mentir par acoustumance : Tien toudis vraie ta parole. (Desch., Oeuvres Q., t.1, c.1370-1407, 127)

III. -Participe passé en emploi adjectival. Blessé, meurtri, estropié.

Mais moult en y ot de bleciez De trais, de lances et d'espiez, Et de leurs chevaus affolez, Qui estoient las et foulez (Mach., P. Alex., p.1369, 94)

Quant ceuls qui estoient dessus Veirent leurs gens einsi confus, Mors et bleciez et affolez Et de Crestiens defoulez. (Mach., P. Alex., p.1369, 152)

Tout mon bon temps est alé : Venez a mon jubilé. Mon corps est tout affolé. Adieu ! de moy vous souviengne ! Venez a mon jubilé : J'ay passé la cinquantaine. (Desch., Oeuvres Q., t.4, c.1370-1407, 116)

Si fu li dis chevaliers pris et menés ou chastiel, et navrés parmi le jenoul, dont il demora afolés, et li escuiers mors sus le place (Froiss., Chron. L., IV, c.1375-1400, 198)

...si se contrevengièrent de le mort de leur cousin sus ces navieurs et les decoppèrent trop villainnement et crevèrent les ieulx, et les renvoiièrent enssi à Gaind afollés et mehaigniés (Froiss., Chron. R., IX, c.1375-1400, 220)

...maint en ont esté infame, Mutilés, mors et affolez (Desch., M.M., c.1385-1403, 175)

...ceulx de dessuz leur gettent pierres de fais, grans bans [l. baus] traversains, pieux aguisiez, huille chaude, plonc fondu, pocons plains de chaux vive, tonneaux plains d'estouppes engressiez et ensouffrees, tous ardans ; et, malgré leur dens, leur font guerpir place et remonter d'autre part ; et en y demoura maint ars et affollé et foison de bleciez. (Arras, c.1392-1393, 110)

Mais le soudant, qui fu plain de grant cuer et de grant vaissellage, ralie sa gent autour de lui, et livre assault a noz gens moult fierement. La ot maint homme mort et affollé. (Arras, c.1392-1393, 112)

...lors chevaus, qui tout estoient esfondut et afollet (Froiss., Chron. D., p.1400, 153)

Ce sont les povres non daignez, Si en y a de mahaignez De leurs membres et affollez (Chr. Piz., M.F., I, 1400-1403, 99)

Si s'entrelançoyent de merveilleux coups, dont moult en y avoit de mors et d'affollez d'un costé et d'autre (Bouciquaut L., 1406-1409, 97)

Messire Jehan de Croy y fut affolé d'un piet tellement que, toute sa vie, demoura affolé. (Lefèvre St-rémy, Chron. M., t.2, c.1462-1468, 148)

Alarme, alarme : A l'ayde, tresdoulce dame ! Par ma foy, je suis affloés... (Pit. Col. A., a.1470, 517)

Emploi substantival.

Elle degette les foulez Et n'a cure des affolez ; Sains les prant et rent inhabiles. (Desch., M.M., c.1385-1403, 190)

...il en y eult sur le champ plus de dix mille mors, sans lez affolez et navrez (Comte Artois S., c.1453-1467, 86)

Remarque : La limite entre les deux verbes affoler¹ et affoler² est imprécise (au reste, T-L les confond en une seule entrée) : l'idée de 'tourment' leur est commune. Mais des étymol. distinctes (et conséquemment des sens propres nettement différents) imposent de les séparer.