ESPOUVANTER

verbe

[T-L : espöenter ; GDC : espoenter ; AND : espoenter ; DECT : espöenter ; FEW (III, 304a) : *expaventare ; TLF (VIII, 38b) : épouvanter]

I. -Emploi transitif. Frapper d'épouvante, effrayer.

Mes ce trop fort m'espoente Que ne me dagniés oïr : Je voi bien que longe atente Me menra jusqu'au morir. (Froiss., Ball. B., c.1362-1377, 46)

Il nous a si espoventées Qu'estion toutes esplourées Pour ce traistre. (Mir. Amis, c.1365, 36)

... [des messagers] useront de diverses manieres de menaces et de langages estranges, et tellement que on espovente les elysans (Juv. Urs., Verba, 1452, 290)

Et, ledit jour de mercredi, environ six heures de nuit, lesdiz Bourguignons baillerent une escarmouche terrible et merveilleuse au boulevert dudit Saint-Cloud, qui fort espoventa ceulx de dedens qui le tenoient pour le roy, tellement qu'ilz prindrent composition de rendre ledit pont à heure presente, ce qu'ilz firent, et s'en revindrent à Paris eulx et leurs biens saufz. (Roye, Chron. scand., I, 1460-1483, 60)

Ces choses espouventoient les Lucembourgeois et s'enfuyoient qui mieulx mieulx par la porte de la ville d'embas, qui tire à Tionville. (La Marche, Mém., II, c.1470, 39)

Par quele maniere le Saint Esperit aist esté donné en signe visible, est a scavoir qu'il a esté donné en feu, afin qu'il eschauffast les frois en la foy. Item en langues pour enseigner les ignorans, et en son pour espoenter les rebelles. (Somme abr., c.1477-1481, 119)

Je ne scay quels gens sont venu Qui pourtoint si tresgrant clarté Que tous nous ont espaventé (Oudin, St Genis M.S., c.1490, 97)

Cestui, avecques sa science, fut robuste et vaillant et occist septante hommes qui venoient devers Godelias, qui estoit commis à recever le tribu sur les Juifz et tua aussi de sa main icelui Godelias, dont le peuple fut moult espaventé. (Simon De Phares, Astrol., c.1494-1498, f° 45 r°)

...ceste noble ville, fut quasi destruite, et fut oye une voix en l'air, par laquelle les hommes plus hardiz furent moult espoventés. (Simon De Phares, Astrol., c.1494-1498, f° 121 r°)

LUCIFFER. Allez le tous espouenter Par crys et hurlemens orribles Et, se le pouez actempter, Faictes luy des maulx trop terribles. (La Vigne, S.M., 1496, 515)

Et luy dist et declaira que ledit lieu de Molusson, ou au chasteau de Culant, ou sus les champs, on prendroit bien aisement le roy, et en l'espovantant et mettant en crainte des armées dessusditez et en luy remonstrant les inconveniens advenir (Le Clerc, Interp. Roye, c.1502, 188)

Participe passé en emploi adjectival. Frappé d'épouvante, effrayé.

Nous lisons que saint Pol, le glorieux patron de ceste esglise, aloit persecuter la foy crestienne a Damas ; le Saint Esperit hurta a la porte de son cuer molt forment, car dit le texte : Fuit tremens et stupens, il fut tranblans et espouenté. (Gers., Pent., p.1389, 77)

Et quant je entreoy la fin de ces paroles, lors parfondement je souspiray et tramblay ; par grant admiracion je, tout espouenté et presques ravy hors de moy mesmes, criay avec l'apostre saint Pol : 'O altitudo diviciarum sapiencie...' (Gers., Trin., 1402, 164)

Et à celle voix, à une mesme heure de l'approchement desdis ennemis, se departirent des eglises de Paris toutes les gens estans lors es sermons, et furent moult espoventez et se retrahirent les pluiseurs en leurs maisons et fermerent leurs huys. (Fauq., II, 1421-1430, 323)

Et quant France la vit [Sedition] elle fut moult espoventee (Juv. Urs., Aud. celi, 1435, 219)

Par lequel dit les Rommains, quy espoentez estoient, furent tant hardiz, et les Samittes, qui sy hardis estoient, furent tous espoventez. (La Sale, Salade, c.1442-1444, 57)

Espouvanté de

Je di que li aigles volans Fait souvent mains oiseaus dolans, Car quant il la voient voler, Il ne scevent quel part aler, Tant sont de li espouenté. (Mach., D. Aler., a.1349, 355)

Lors crierent à haute alainne : 'Avant ! signeurs, montez, montez !' Li Sarrasin espoventez Furent dou cry, quant il l'oyrent, Dont pluseurs des murs s'enfuirent. (Mach., P. Alex., p.1369, 89)

Or est mort Patroclus li beaulx, Dont sera demenez grant deaulx. Grec en furent espouenté (Chr. Piz., M.F., III, 1400-1403, 77)

Emploi absolu.

Et yci donnent les docteurs difference entre le bon angle et le bon message, et le mauvais ; quer le bon espouente au commencement et esjoïst en la fin ; le mauvais, au contraire : quer il trebuche a perdition. (Gers., Annonc., a.1400, 235)

Espouvanter qqn de + inf. Frapper d'épouvante par la menace de.

'A l'endemain au matin à heure de tierce, Pierre d'Auchin le fist amener devant le chastel, où sa femme et ses enfans estoient, et l'espoenta là de lui faire trenchier la teste.' (Froiss., Chron. M., XII, c.1375-1400, 24)

Frapper d'épouvante pour le cas où ne serait pas observée l'interdiction de, interdire formellement à qqn de.

A ce propos nous enseigne Sainct Augustin comme la Sainte Escripture pour nostre salut dit que l'Escripture ne nous espovente pas de enfuir ceste fornicacion de l'ame tant seulement par ce que tiels divineurs dient aucunefois faulx, mais deffent l'Escripture, suppose qu'il avienst sicomme ilz ont dit, que l'on ne les croye pas. (Oresme, Divin. C., c.1366, 100)

[Forme espanter] Espanter qqn. Faire peur à qqn, l'épouvanter.

...et aussi ceus qui estoient demourés en tentes leverent leur banieres, si que toute part les Fidenates furent espanté, si que, avant que Romulus ne ses gens de cheval tornassent leur chevaus, les Fidenates s'en pristrent a foïr (Bers., I, 1, c.1354-1359, 14.9, 23)

Telles menasses m'espantent pou, je ne vous [crains]. (C.n.n., c.1456-1467, 519)

NATHALIE. Mes amis, a tresgrande instance Je vous supply que commencier Vueillez premier martiriser Adrien, mon espoux loyal, (...) Car, se les autres avant ly Premierement vous tormentez, Je crains qu'i ne soit espantez Et qu'il ne le puisse endurer (Myst. st Adr. P., c.1450-1485, 152)

...ladicte feue mere dudit suppliant fu telement espantée de paour qu[e]... (Doc. 1458. In : Ch. Petit-Dutaillis, Doc. nouv., 1908, 173)

Quant à ce que monseigneur de Bourgoigne a trouvé mondit seigneur fort espaouté [l. espaonté ou espaenté ?], desirant de tout son cuer estre et demourer en la bonne grace du Roy, et qu'il lui pleust lui octroyer ses humbles requestes que le Roy ne lui a voulu accorder, le Roy est fort esmerveillié dudit espaoutement [l. espaontement ou espaentement ?] , et ne scet congnoistre cause pour quoy, car il a tousjours trouvé le Roy enclin à le recevoir en sa bonne grace (Doc. 1456. In : ESCOUCHY, Chron. B., t.2, a.1465, 338)

LA FEMME DE PILATE. (...) Et je vous dit certainnement Que je suis esbaye forment, Quar j'ay veuz une vision Qui me vient a turbacion, De quoy j'ay esté toute espantee. (Pass. Autun Biard F., 1470-1471, 89)

Il fault (...) Avoir trompettes pour sonner Et les espanter. (Myst. process. Lille K., t.2, a.1485, 126)

Tu as ung ton si orrible chanté Qu'en tous les lieux infernaulx plutoniques Deable n'y a qui ne soit espenté Par hurlemens et cris dyaboliques (La Vigne, S.M., 1496, 222)

II. -Emploi intransitif ou pronominal. Être gagné par l'épouvante, la frayeur, s'effrayer.

...mais paour oy (...) Et m'espoventay quant je vy Mon sanc couler. (Mir. Berthe, c.1373, 178)

Je ne suis pas lievre ne beste sauvaige pour devoir espouventer (Bagnyon, Hist. Charlem. K., c.1465-1470, 42)

Puisque parler me fault par indivis, Tresvoluntiers je m'en acquiteré Et pour entrer le premier en devis, En rien qui soit je ne m'espenteré (La Vigne, S.M., 1496, 156)

[Forme espanter] S'espanter. S'épouvanter, prendre peur.

...affin que n'aye paour et que point je ne m'espante, vous me ferez compaignie (C.n.n., c.1456-1467, 123)

Ne vous espantez, mon amis, Car vous serés renumerez Du nombre des sains et serés Coronnez laissuz en la gloire. (Myst. st Adr. P., c.1450-1485, 129)

S'espouvanter de qqc. S'effayer de qqc..

Et se de rien t'espouente... (Bérinus, I, c.1350-1370, 66)

...l'estrange flaireur, qu'ilz sentent, Chevaulx et gens s'en espouentent. (Chr. Piz., M.F., III, 1400-1403, 203)

...et 'ne' vous espoventés point des armes de voz ennemis (Juv. Urs., T. rever., 1433, 88)

Sire, tu entonnes sur moy tes jugemens et pressez tous mes oz de cremeur et de tremeur ; mon ame s'en espoente (Internele consol. P., 1447, 108)

[Cont. métaph., d'une chose abstr.] Être comme épouvanté, être jugulé.

Ensi, par le vertu de francise qui est descendue en vostre dame, s'espoëntent toutes manieres d'opinions contraires a vous, car francise a avoec li pité, humilité et misericorde et debonnaireté, qui sont poissant de confondre tous vos nuisans et essillier vos ennemis et de vous remettre en la presence de vostre dame souverainne (Froiss., Pris. am. F., 1372-1373, 153)