ACCEPTABLE

adjectif

[T-L : acceptable ; GD : acceptable1 ; GDC : acceptable ; AND : acceptable ; FEW (XXIV, 71a) : acceptabilis ; TLF (I, 340b) : acceptable]

A. -[De pers.]

1.Sens passif.

a)Agréable.

Jesus vous fit preparer aultre table, Car en Espaine, ou est mainte bastille, Honneur vous vint, la fustes acceptable Et triumphant princesse de Castille. (Molinet, Faictz Dictz D., 1467-1506, 345)

Huguce dist qu'elle [l'agate] rent l'homme moult gracieux et acceptable devant les gens. (Colart Mans., Dial. créat. R., 1482, 116)

O Jesus, prophete acceptable, Aux humbles pecheurs delectable, Venerable Et notable, Te plaise nous estre amÿable Et nous fays de ton amour dignes ! (Michel, Myst. Pass. J., 1486, 149)

b)En particulier. [Dans le lang. relig.] Qui est agréable à Dieu, qui a ses faveurs.

Marie, mere merveilleuse, Marguerite mundifiie, (...) Ardant amour, arche aornee, Ancelle annuncee, acceptable (Molinet, Faictz Dictz D., 1467-1506, 455)

Par métaphore.

O tu bien aorée, niant doutée, et vierge Marie perpetuaux, a laquele nulle ne s'apareille, mère Jhesu Crit, acceptable temples de Dieu, sacrez du Saint Esperit, porte du regne del ciel, par cui après Dieu toz li mons vit, encline tes oreilles de pitié a mes supplications, et soiez a moi pecheresse, vraie aide en touz leus. (Doc. c.1350-1400. In : L. Delisle, Bibl. Éc. Chartes 66, 1905, 509)

Acceptable de Dieu/à Dieu/devant les yeux de Dieu

...est à presumer et à croire que ne lui plairoit mie que son peuple crestien qui plus de lui acceptable que cellui des juifs lors n'estoit, fust fouléz ne batuz. (Chr. Piz., Paix W., 1412-1413, 125)

Et, pour ce, se tu veulz estre precieux et acceptable devant les yeulx de Nostre Seigneur, estudie estre en tes yeulx vil, c'est a dire te repute estre pecheur. (Colart Mans., Dial. créat. R., 1482, 118)

NOSTRE DAME. Vostre pencee est saincte et bonne, Filz begnin et tres charitable, Car je sçay que estes acceptable A Dieu le pere tout puissant Trop plus que nul autre vivant. (Michel, Myst. Pass. J., 1486, 210)

Avoir qqn acceptable

Elle [Marie] gardoit en bonne foy Les commandemens de la loy (...) Et pour ce Dieu la regardoit Qui acceptable la avoit. (Guill. Digull., Pèler. âme S., App., p.1358, 372)

2.Sens actif. Qui accepte.

Estre acceptable. Accepter.

Quant Reginal fut mors, tos furent concordable Li canoine et li puple, sens rins contredisable, Que Wazo fust evesque, mains ilh vout le contrable, Car ilh le refusat ; si le fut acceptable Nytaires que j'ay dit (JEAN D'OUTREM., Geste Liège B.B., t.3, a.1400, 493)

Et autant au jeune que au moindre, Jamais la mort ne se veult faindre ; Et ce neantmoins que acceptable Ne deust estre et prendre incapable Personne en jeune aage fragille, Ce neantmoins au jeune utille Pourra estre, pour la misere Du monde fouyr et l'affaire. ['la mort n'aurait pas dû accepter d'emporter une personne dans la fleur de l'âge'] (Rivière, Nef folz D., 1497, 542)

B. -[De choses]

1.Agréable.

...nous lui eussiens fait prendre l'estat de chevalier, et eu regart aus grans et acceptables services qu'il nous avoit faiz et faisoit continuelment chascun jour, pour soustenir son dit estat, lui eussions donné et ottroyé par noz autres lettres six cens livres parisis de rente, à prendre et avoir chascun an aus termes acoustumez (Mand. Ch. V, D., 1373, 516)

Verité est moult acceptable A ceulx qui sont de Dieu venu, Mais vous n'en estes pas yssu (Marcadé, Myst. Pass. Arras R., a.1440, 103)

JUSTICE. (...) L'omme est pecheur plain de meschance, Indigne, vil et detestable ; Son fait ne m'est point acceptable. (Gréban, Pass. J., c.1450, 45)

Avenant.

La dame, qui avoit maniere Douche et courtoise et aceptable, L'assist par dessus lui a table Et ly monstra plus d'amisté Qu'onques n'ot fait ou temps passé (Dit prunier B., c.1330-1350, 76)

Appétissant.

Raison s'asseist, gardant termes estables, Et avec elle plusieurs dames notables. Providence de trencher la servoit, Discrection pourtoit meix acceptables, Docilité en vasseaux delectables Servit de vin es fois qu'elle bevoit. (Meschin., Lun. princes M.-G., c.1461-1465, 19)

Avoir acceptable [une cause]. Favoriser.

Unques du riche en hault levé N'eu la cause plus acceptable Que du povre homme humiliable Qui n'eut entour li fil de lange, Ne le privé devant l'estrange Ne recogneu en jugement. (Tomb. Chartr. Dix-huit contes K., c.1337-1339, 274)

2.En particulier. [Dans le lang. relig.] Qui est agréable à Dieu.

a)[De sacrifices, prières, oeuvres, pratiques, sentiments]

Nous que tu voiz cy amassez Sommes ames de trespassez A qui Dieu par ta providence A donné plaine indulgence Et quittance de touz noz vices, Et par tes larges benefices Et tes aumosnes acceptables Es joies du ciel pardurables Nous a ottroié mansions (Tomb. Chartr. Trois contes S., c.1337-1339, 84)

Levres mouvoir sanz cuer a oroison N'est pas a Dieu prenant ne aceptable (Desch., Oeuvres Q., t.5, c.1370-1407, 192)

Tom sacriffice est aceptable. Toy, Caym, le tien je reffuse. (Pass. Semur D.M., c.1420 [1488], 22)

Donne moy tousjours ce desirer et voloir qui t'est plus acceptable et qui plus chierement te plaist (Internele consol. P., 1447, 113)

L'umble contricion des pechiés est a toy sacrefice acceptable (Internele consol. P., 1447, 232)

Maintenant est ton labeur fructueux, ton pleur acceptable, ton gemissement exaulchable, ta doleur transitore et purgative (Internele consol. P., 1447, 345)

CAYM. O souveraine magesté, (...) Reçoy en gré mon sacrefice Et vueilles qu'il soit prouffitable A moy et a toy acceptable, Car de bon cueur le te presente (Gréban, Pass. J., c.1450, 23)

...car adont est en l'omme vraie et simple obeissance quant nature raisonnable (...) garde la voulenté aggreable et acceptable a Dieu (Crap., Cur Deus, De arrha B.H., c.1450-1460, 179)

Avoir qqc. acceptable

Et en ceste maniere aussi disons que, comme le Pere eust aggreable et acceptable la spontaine voulenté du Filz, que le Filz lui fut obeissant jucsques a la mort et nous aprint es fais de sa passion quelles et quantez grandes chouses debvons faire et souffrir pour amour de obeissance (Crap., Cur Deus, De arrha B.H., c.1450-1460, 178)

[À propos de divinités païennes]

...il feissit car il avoit familiarité avecquez une deesse, laquele il appeloit Egerie, et que par nuit il parloit avecquez le et que sa monition et ensegnement il voloit instituer certains sacrifices, lesquelz serroient tres acceptables aus dieux celestiens (Bers., I, 1, c.1354-1359, 19.5, 31)

b)Temps acceptable. Temps agréable à Dieu, temps opportun, favorable au salut.

Et combien qu'il ne fu oncques temps en ce monde que les grans seigneurs ne feissent festes et noces, toutesfois s'il fu oncques temps de retrenchier les superfluitez entre les Crestiens il est aujourduy le temps acceptable de penitence, selon l'appostre, et de resecacion et de moderer toutes les choses qui desplaisent a Dieu (Mézières, Songe vieil pèl. C., t.2, c.1386-1389, 317)

Et pourtant, dit l'apostre, humilie toy dessoubz la main du tres puissant, a ce qu'en temps acceptable tu soies exaulciez. (Neuf enseign., p.1400, f° 118 v°)

Maintenant est le temps moult precieux, maintenant sont jours de salut, maintenant est le temps acceptable. (Internele consol. P., 1447, 341)

Et quant Dieu precongneust et vit L'acceptable temps de salut Estre acomply, lors il voulut Transmectre et envoyer du ciel L'ange de force Gabriel, Lequel descendit sans arrest En la cité de Nazareth Devers une vierge espousee A Joseph, qui estoit nommee Marie. (Michel, Myst. Pass. J., 1486, 9)

Remarque : Expr. biblique : II Cor. VI, 2 ; cf. également Is. XLIX, 8 et LXI, 2.

3.Qui peut être accepté.

Et donques ceste voie de pure succession [pour obtenir la royauté] ne est pas acceptable, si comme il sera monstré assés tost plus a plain (Oresme, Pol. Arist. M., c.1372-1374, 155)

Ce n'estoit pas cose honnerable ne aceptable de prendre en trieues et en respit ville, castiel ne forterèce (Froiss., Chron. R., XI, c.1375-1400, 182)

...l'offre ou provision dessus touchée ne sembloit mie acceptable (Fauq., III, 1431-1435, 82)

4.D'un usage général, admis du plus grand nombre.

a)[D'une pratique, d'une action] Avoir qqc. acceptable. Admettre comme d'usage courant.

Item, il ont acceptable en Calcedone une chose malvese, ce est assavoir que un homme tienne ensemble pluseurs princeys ou offices publiques. Et ce ne est pas bien, car une oeuvre peut tres bien estre parfaite par un (Oresme, Pol. Arist. M., c.1372-1374, 110)

b)[D'un conseil] Estre acceptable à tous. Recevoir l'assentiment général.

Sire, mon voloir est pareil As aultres, créez ce conseil Puis qu'a tous il est acceptable, Car il vous est moult profitable. Et, chier sire, en tant qu'il me touche, Je vous profere de ma bouche, Se vous en estes conseillies, Je suis prest et appareillies De faire ceste grant justice (Marcadé, Myst. Pass. Arras R., a.1440, 54)

c)[D'un livre] Qui fait autorité ; plein d'enseignement.

...a ce propos, diray ore Ce que nous en dit Ysidore, En son premier livre acceptable D'ethimologies notable (Chr. Piz., M.F., II, 1400-1403, 125)

d)[D'une monnaie] Qui a cours.

Remarque : Doc. 1432 ds GDC VIII, 20b.