VALABLE

adjectif

[T-L : valable ; GD : valable ; FEW (XIV, 133a) : valere ; TLF (XVI, 894a) : valable]

A. -[D'une pers.] Qui a de la valeur, de valeur.

Je n'y en say nul si valable Conme lui, ne si prouffitable, Ne si bon clerc parfaittement (Mir. ev. arced., c.1341, 125)

Ces riches eschars, non valables, Maupiteux et mau charitables, Qui courtoisie ne feïssent A ame (Chr. Piz., M.F., II, 1400-1403, 47)

Dieu (...) ordonné Nous a prophete tant valable Par qui son pueuple miserable Est a port de salut mené (Gréban, Pass. J., c.1450, 161)

B. -[D'une chose]

1.Bon, appréciable, qui a les qualités requises.

...mieus doit plaire Chose desirée et requise Lonc temps pourchacie et pourquise (...) Que celle qui en un moment Seroit acquise ligement, Sans travail et sans consirée Et sans point estre desirée ; Et aucun tiennent le contraire, Si que j'en vueil un po retraire De ce qui aus deus appartient Et que chascune en soy contient, Pour prouver qu'elle soit valable De son bon droit et pourfitable. S'en diray a point de chascune Pour raporter trés tout a une Voie de pais et de repos, Au meins selonc le mien propos. (Mach., D. Aler., a.1349, 296)

Or fera il moult bel entendre A quel fin je ten et vueil tendre. C'est de mon gré que je le die, Pour moustrer que merencolie Est une chose nient valable, Et se puet estre moult coustable. (Mach., D. Aler., a.1349, 368)

Vueillez acepter pour valable Le fait (Mir. parr., 1356, 31)

Et avec ce, gaiga et promist ycellui Pierre par lui, par ses hoirs et par les ayans cause de lui ou temps a venir faire et parfaire bons, valables et solvables, chascum an, a touz jours perpetuelment, aux diz religieux et a leurs successeurs et aux censiers et leurs ayans cause les dittes huit livres par.. de crois de cens ou rente (Chartes Abb. St-Magl. T.F., t.3, 1358, 229)

Et si comme li ruisseaulx plains D'yaue douce arrouse la terre Et qu'elle fait par l'umeur querre Et par la vertu du souleil Au vergier fruit gros et vermeil Plus habondant et plus valable Au cultiveur, par ce semblable Le jardin de l'ame divine... (Desch., M.M., c.1385-1403, 201)

...affin qu'en sa vie l'omme S'excercitast en faire somme De choses belles et valables Et a tousjours mais prouffitables. (Chr. Piz., M.F., II, 1400-1403, 27)

... [la patience] c'est un tresor qui moult doit estre par grant diligence acquis, comme il soit tres valable meismement au corps et plus à l'ame. (Chr. Piz., P.V.H., 1416-1418, 32)

...ou jugement desdis procès l'en devoit avoir regart ausdictes ordonnances touchans les libertés de l'eglise de France, et ycelles garder et observer comme bonnes et valables, justes et raisonnables (Fauq., II, 1421-1430, 176)

O haulte puissance divine, Com vïande vallable et bonne Quant nostre bon maistre nous donne Son corps precïeux par ses mains ! (Myst. Pass. Troyes B., a.1482, 653)

MICHEL. (...) Martin de vie treslouable, Bien doibs Jhesucrist mercïer Qu'i te fait, par doulceur vallable, L'eure de ta mort annoncier. (La Vigne, S.M., 1496, 556)

Remarque : BOUVET, Appar. Meun A., 1398, v.1186 ; Pastor. B., c.1422-1425, v.3306...

Qui a les qualités requises pour l'effet attendu, profitable.

Quant il sent aucune grieté, Il doit penser par verité, Dès qu'il a loiaument servi, Qu'il ne l'a mie desservi. C'est une pensée valable, Pour lui conforter profitable. Que vous iroie je comptant ? De remedes y a autant En amours, com de griés pointures, Soient aspres, poingnans ou dures. (Mach., J. R. Nav., 1349, 200)

L'EMPEREUR. Vostre priére est po valable, Seigneurs, a ce que je voy ci. Penthaleon, or prie aussi Ton Dieu, si verrons qu'il fera, Se ce contrait cy garira (Mir. st Panth., 1364, 348)

Cil qui songe que son ventre soit rempli de vers (...) s'il est souffrecteux, signifie qu'il proffitera et acquerra aides po vallables. (Expos. songes B., 1396, 109)

...De frans citrons et de bons coignz, O lesquelx pevent estre joignz Camphre et sandaulx, qui sont moult chiers, Et pommes d'aigres grenadiers ; Aussi roses y sont valables, Et toutes telz choses semblables, À faire celle confiture (La Haye, P. peste, 1426, 121)

Guillaume, la response que vous m'avez faite vous sera valable, car je mettray peine de vous allier en tel lieu dont moy, vostre mère et vous, serez content (Faits Lalaing K., c.1470, 5)

...ordes parolles, Vaines, non valables et folles (Rivière, Nef folz D., 1497, 379)

Valable à qqc. Efficace pour qqc..

LA VEFVE. (...) En Dieu et vous semblablement, Mon pencement Est mys affin que charitable Me soyez singulierement, Doulcement, Begnignement, Par requeste a cecy vallable. SAINCT MARTIN. Sans Dieu, la chose est incurable, Mais, pour pitié qui me meult ad ce, Priere a luy medecinable Je feray dedens ceste place. (La Vigne, S.M., 1496, 491)

Valable à + inf.

...les parolles dictes au baptesme d'un chascun chrestian (...) sont valables a rebouter tous les dyables d'enfer (C.n.n., c.1456-1467, 427)

2.Qui est acceptable, recevable, valide en droit, sans cause de nullité.

Et affin que le dit dom et ce que dit est feust et soit tenable, valable et ait son effect en la maniere que dit est et qu'il pourra et puet estre mieulx, comme dessus, ycellui Jehan s'en dessaisy des diz heritaiges en la main du dit tabellion juré comme en main souveraine (Chartes Abb. St-Magl. T.F., t.3, 1354, 194)

Et disoit que, oÿe sa ditte demande, elle lui devoit estre adjugiee, se le dit Fontenay, ou nom que dessus, ne disoit cause valable pour quoy ce ne deust estre fait, et nous en requeroit droit. (Chartes Abb. St-Magl. T.F., t.3, 1370, 415)

Puis, donques, que le Pape et lez aultres evesques tienent que celle donayson faitte par Constantin est valable, il s'ensieut par rayson et de neccessité que Constantin avoit juridiction ou puissance sur toutes Eglyses et persones de Saincte Eglyse (Songe verg. S., t.1, 1378, 188)

...il sera dit que les partages faiz par maistre Oudart Baillet demourront en l'estat qui sont, comme bons et valables (Baye, I, 1400-1410, 229)

...mais, non obstans ses excusacions, fu conclud oudit Conseil que sesdictes excusacions n'estoient mie recevables ou valables (Fauq., I, 1417-1420, 324)

...en la matiere dessusdicte on ne povoit mie seurement deliberer, ne faire aucuns advis valables sans avoir instruction ou communicacion sur les fais et demené des traictiés et besoingnes dessusdis (Fauq., I, 1417-1420, 345)

Et, se les deposans ou autres avoient autre intencion, ilz le devoient declarer, et n'est mie en Jehan de Precy de faire lesdictes descharges valables ou non valables (Fauq., II, 1421-1430, 166)

Et si est fort a considerer que le roy Jehan oudit temps estoit prisonnier, et ne povoit faire chose valable ou tenable. (Juv. Urs., Aud. celi, 1435, 212)

Item, et s'il advenoit cy après qu'il y eust aucune deffaulte ou obmission en l'accomplissement d'aucuns des articles dessusdiz, ou aucune infraction ou atemptas faiz contre le contenu esdiz articles d'une part ou d'autre, ce non obstant ceste presente paix, traictié et accord seront et demourront valables et en leur plaine force, vertu et vigueur, et ne sera pourtant icelle paix reputée cassée ou adnullée (La Marche, Mém., I, c.1470, 236)

...tout ce que par nostredit cousin le conte de Dampmartin sera faict, passé, transigé, pacifié, convenu, composé et accordé, sans jamais aller au contraire en quelque forme ou maniere ne pour quelque cause et action que ce soit et en baillier noz lettres patentes de ratiffication en forme autentique et vallable sitost et dès lors que requis en serons. (Le Clerc, Interp. Roye, c.1502, 246)

Valable au contraire. Qui va juridiquement en sens contraire.

...et disoit que, oÿ sa requeste, elle lui devoit estre par nous faite, se le dit Parroche, ou nom que dessus, ne disoit aucune chose valable au contraire, et nous en demanda droit. (Chartes Abb. St-Magl. T.F., t.3, 1354, 197)

Voir aussi vaillable