ASNE

substantif masculin

[T-L : asne ; GDC : asne ; AND : asne ; DECT : asne ; FEW (XXV, 437b,438a,441a-443a,447b,450b,451a) : asinus ; TLF (II, 975a) : âne]

A. -Au propre.

1.Âne.

Mais sur mon asne vous mettray Et a la ville vous menray (Mir. mère pape, c.1355, 394)

Mais Phebus en prist grant vengence, Car il fist tant par sa puissance Que Midos d'asne oreilles ot (Mach., F. am., c.1361, 203)

Asnes, buefs, mules et mulès (Desch., M.M., c.1385-1403, 9)

Ilz ressemblent l'asne qui est fort derriere et foible devant (Juv. Urs., Loquar, 1440, 407)

J'en dy, beaus amis, c'on la devroit lyer sur un asne le viz devers la queue, et mener par la ville a grant desrision. (La Sale, J.S., 1456, 305)

Et, depuis ce, le roy lui envoya encores par Jehan de Lailler, mareschal de ses logis, ung asne, ung loup et ung sanglier. (Roye, Chron. scand., I, 1460-1483, 319)

...entre les povres estoit l'un des plus mal habilliés et des plus povrement convayez. Si n'avoit ne cheval ne asne ; ainçois alloit à pié (Bueil, I, 1461-1466, 23)

Ne aussi composition de gendre, comme en cest gendre animal aiant ame sont contenues diverses especes, c'est a scavoir homme, cheval, beuf, asne et toutes bestes, qui ont ame sensitive par les sens corporelz, voyant, oyant, flairant, goustant, tastant. (Somme abr., c.1477-1481, 147)

...s'il vous fault point de lien Pour prendre bien hastivement Ung asne, j'en ay ung qui est mien, Tout a vostre commandement. (Sots Magn., a.1488, 200)

Chevaulx, muletz et jumens par monceaux, Asnes (La Vigne, V.N., p.1495, 249)

...et croy qu'il passoit six mil sommiers, que mulletz, chevaulx et asnes. (Comm., III, 1495-1498, 178)

[Monture du Christ]

Une autre filleresse dit que nulz homs jamais ne debvroit monter sur asne tant en a despit pour tant qu'il porta le Saulveur du monde, mais tres bien sur cheval ; car qui chiet de sur asne par terre, l' asne dist : 'Crieve !', et le cheval nous dist : 'Lieve !'. (Ev. Quen., II, c.1466-1474, 123)

DEMANDE. Qui porta jamaiz la plus digne portee de tout le monde ? RESPONSE. Ce fut l'asne, quant il porta Dieu et Notre Dame en Egipte. (Devin. R., c.1470, 144)

Quant la benoiste Vierge Marie s'enfouit en Égypte de paour de Hérode, qui faisoit occire les Innocens, elle estoit montée sur ung asne et portoit son filz en son giron, par quoy l'asne porta plus grant fardeau que Monseigneur sainct Cristofle, qui porta le filz seulement. (Tardif, Facéties Pogge M., c.1490, 248)

2.Asne rayé

a)Onagre.

Ceste nuyt en faisant le guect que mon compaignon faisoit a son tour, et aussi que toute nuyt on faisoit pour peur des Arabes, fut veu ung asne rayé ; aussi on dit qu'il en y a la assez. (Pèler. D., 1486, 403)

Remarque : Il ne peut s'agir d'un zèbre ; on parle du désert du Sinaï. Il s'agit vraisemblablement d'un onagre.

b)Zèbre.

Item, je laisse a Sainct Amant Le Cheval blanc avec la Mule, Et a Blaru mon dÿamant Et l'Asne royé qui recule. (Villon, Lais R.H., c.1456-1457, 16)

...print le herault son nom par escrit et luy demanda son logis, lequel il luy declaira à l'Asne Royé, emprès Sainct Georges, dedans la ville de Chalon. (La Marche, Mém., II, c.1470, 155)

Remarque : Il s'agit dans les deux ex. d'une enseigne d'auberge.

c)Estre mis à l'Asne rayé. Être mis à l'écart, être laissé en dehors.

Tel se sçait bien lever matin Qui au soir ne sçairoit veiller ; Tel porte parpoint de satin Qui ne l'a pas encor paié ; Tel cuide avoir part au butin Qui est mys a l'Asne rayé. (Alecis, Faintes monde P.P., c.1460, 115)

3.Asne rouge. Âne rusé, méchant.

Item, et pour ce que la femme De maistre Piere Saint Amant - Combien, se coulpe y a a l'ame, Dieu lui pardonne doulcement ! - Me myt ou ranc de caÿmant, Pour le Cheval blanc qui ne bouge Lui changë a une jument, Et la Mulle a ung asne rouge. (Villon, Test. R.H., 1461-1462, 87)

B. -[Stéréotype de l'âne ; comme élément de comparaison ; dans des loc. des prov.]

1.[Comme élément de compar.]

a)[L'animal battu et pitoyable]

Je suis comme l'asne qui soustient fardel importable et si suis aguillonné et batu pour faire et souffrir ce que je ne puis. Je suis le bersault contre qui chascun tire sajettes de tribulacion. (Chart., Q. inv., 1422, 20)

b)[L'animal considéré comme stupide]

Pour conoistre au commencement Vous présente cy proprement Ces VI. mos figurés par ordre, Si clers c'uns asnes y puet mordre. (Fontaine-guérin, Trés. vén. M., 1394, 12)

c)[Pour désigner qqn qui préfère les satisfactions matérielles à la recherche spirituelle]

Cil qui de luxure a la tache, D'enfer sera mis a l'attache. Tu peuz vaincre tes ennemis Si tu ne t'es comme asne mis A plus amer bran et chardon Que Dieu qui fist de sa char don. (Meschin., Lun. princes M.-G., c.1461-1465, 49)

2.[Loc. fondées sur des éléments objectifs]

a)[Caractères physiques]

Dos d'asne. Voir dos

Couleur dos d'asne. Voir dos

b)[Situation concr. couramment observée : l'âne battu]

Asne mort feru. Âne battu à mort.

LE FOL. Au chant d'un asne mort feru M'endormi ersoir a la lune. (Mir. parr., 1356, 46)

Nient plus q'un asne mort feru Il ne dit mot. (Mir. Rob. Dyable, c.1375, 49)

Battre qqn comme asne de Chesaire

La terre ahanneront mon frère roy Islaire, Et si seront batu comme asne de Chésaire. (Baud. Sebourc B., t.1, c.1350, 126)

Battre qqn comme asne à pont (passer). Battre qqn comme on bat un âne à qui on fait franchir un pont.

Marchés, marchés, il vous fault courre ; Je vous batray com asgne a pont. (Myst. st Laur. S.W., 1499, 196)

Je te battray de sens rassis Comme ung asgne a pont passer. (Myst. st Laur. S.W., 1499, 225)

Battre comme dos d'asne

Ils ont tenus Franchois en tel esmay Vers Luxembourg, depuis le mois de may, Qu'ils n'ont rompu ne trenchis ne dodenne, Mais plus batus, plus pellés que dos d'esne, En leurs pourpris, nous rendent Vireton : Cop aprés cop, gros quesnes abat on. (Molinet, Faictz Dictz D., 1467-1506, 132)

c)[Des traits de comportement]

[Résistance physique] Estre aduré comme asne à somme

Mais il y a une chose, car ilz prennent celles paines pour joyes et liesses et y sont auxi adurez come asne a somme et semble qu'ilz soient bien aises, et pour ce est a doubter si ilz en avront nul merite. (Quinze joies mar. R., c.1390-1410, 4)

[Entêtement, caractère buté] Qui asne et femme mene sans peine ne va mie

Pour che dist .J. proverbez que dient li pluisour : Qui asne et femme mainne, sans paine n'ist du jour. (Baud. Sebourc B., t.1, c.1350, 196)

Pour ce dit on parole qui est bien averie : Qui asne et femme maine sans paine ne va mye. (Flor. Octav. L., t.1, c.1356, 123)

Qui asne chasse et femme maine, De reposer il n'a que faire (Prov. rimes F.M., c.1485-1490, 76)

A pesant asne il faut dur aiguillon. Il faut traiter les gens comme ils le méritent.

Mars fiert et frappe et, en tirant, atrappe De son attrape et cruel tourbillon : A pesant asne il fault dur aguillon. (Molinet, Faictz Dictz D., 1467-1506, 67)

A dur asne dur aiguillon

A dur asne dur aguillon. (Miélot, Prov. U., 1456, 192)

Asne pesant. Périphrase désignant Richard III.

L'Asne Pesant sauldra hors d'Albion ; D'un des costez courra la fourmiere ; Combatre doit encontre le Lion : La doit Bruthus estaindre sa banniere. (Desch., Oeuvres R., t.7, c.1370-1407, 244)

On peut bien l'asne poindre tant qu'il va mordant et regimbant. À force d'aiguillonner l'âne, il finit par mordre.

Et si dist un autre sergent Qui parla moult bien hautement : 'Ja de nous n'auroient mercy, Ainz nous vouldroient faire marri. On puet bien l'asne poindre tant Qu'il va mordant et regibant.' (Thom. Saluces, Chev. errant W., 1394, 255)

[Ardeur sexuelle]

Jeu d'asne. Jeu d'amour, acte sexuel.

Item, varletz et chamberieres De bons hostelz - riens ne me nuyt ! - Feront tartes, flans et goyeres Et grans ralïatz a mye nuyt - Riens n'y font sept pintes ne huit Tant que gisent seigneur et dame -, Puis aprés, sans mener grant bruyt, Je leur ramentoy le jeu d'asne. (Villon, Test. R.H., 1461-1462, 122)

Il y a plus d'un asne à la foire [qui s'appelle Martin] (cf. J. Morawski, Prov. fr., 1925, n° 887, 32). Il y a toujours toutes sortes de gens qui font la même chose, qui sont dans la même situation' (ici à propos d'une femme) 'toutes sortes d'amants la fréquentent.

Amis, par Dieu, c'est chose voire Qu'il ha plus d'un asne a la foire, Car vo dame ha pluiseurs acointes, Juenes, jolis, appers et cointes, Qui la vont visiter souvent (Mach., Voir, 1364, 7361)

Remarque : Cf. LA CURNE, s.v. asne.

Qui a asne tend à asne vient. Il est facile de s'avilir (par la lubricité).

Qui a asne tend a asne vient. (Doc. 1429. In : E. Langlois, Bibl. Éc. Chartes 60, 1899, 593)

Remarque : Morawski, n° 1777, 65.

3.[Loc. liées à des représentations négatives]

a)[Stupidité]

Et si come disoit Eraclitus le philosophe, un asne esliroit plus tost foin que or (Oresme, E.A., c.1370, 513)

Roi sans lettres est comme un asne couronné

...que jadis le roy des Romains envoia au roy de France qu'il le enortoit afin qu'il fesist instruire ses filz es liberales disciplines, c'est asscavoir es sept ars ; et entre aultres choses y ajousta : 'Roy sans lettre est comme ung asne couronné'. (Daudin, De la erudition H., c.1360-1380, 12)

Je me recorde que es letres que le roy des Romains escript au roy de France je treuve en l'une entre les autres, où il amonnestoit et conseilloit que il feist ses enfanz aprendre es ars liberaulz et en bonnes doctrines, que il disoit que roy qui n'est lettré est comme asne coroné. (Foul., Policrat., IV, 1372, 65)

...comme uns asnes couronnez Est uns rois terriens sanz lettre. (Desch., M.M., c.1385-1403, 269)

Puis conclut que roy non savant Tout son fait n'estoit que droit vent Et qu'autant valoit au regné Com feist un asne couronné. (Chr. Piz., Chem. estude P., 1402-1403, 217)

Et prince sanz lettres se assorte a l'asne qui couronne porte. (Premierfait, Cas nobles hommes G., 1409, 82)

Sy ne sauroye reprendre ceulx qui dient que roy sans lettres est ung asne couronné. (Chart., L. Esp., c.1429-1430, 72)

...aussi Helynant dit que le roy non lectré est ung asne couroné. (Simon De Phares, Astrol., c.1494-1498, f° 58 r°)

[À propos de titulaires de charges ecclésiastiques jugés indignes par le locuteur] Asne desferré. Personne sans instruction et sans discipline.

Mez qui seront ceulx que nous metterons en leur lieux [des docteurs en théologie] ? certes, bestes vestues, asnes defferres, soient de Limoges ou d'Auvergne, de la Ricordaine ou d'autre partie de Guyenne, sanz lettreüre et sanz aucune discipline (Songe verg. S., t.1, 1378, 97)

...ou tres grant detriment et domage dez amez a qui ilz [les frères mendiants] prechent et enseignent la parole de Dieu, et trop miex que ne sçaroient faire leurs curés, asnez defferez de Lymoges, ou d'Auvergne. (Songe verg. S., t.2, 1378, 232)

Remarque : Ce sens n'apparaît pas dans les ex. cités ds FEW III, 475a, s.v. ferrum, ni ds DI STEF. Si l'expr. connote l'ignorance, elle suggère aussi une certaine lubricité comme le fait asne debasté, loc. qui apparaît plus tardivement. Pour l'orig. géogr. de ces asnes desferrés, cf. F. Bar, Mél. F. Lecoy, 1973, 11.

Chantez à l'asne, il vous fera des pets. Il est inutile de vouloir convaincre un ignorant.

Il vous oit bien, mais il ne lui en chaut, Autant vaudroit batre son cul au chaut. Ou enseignier a harper dix mulès Que de parler a lui ne bas ne hault : Chantez a l'asne, il vous fera des pès. (Desch., Oeuvres Q., t.1, c.1370-1407, 210)

Remarque : Morawski, n° 340, 13.

Faire ses chants au cul de l'asne. Voir chant

Estre l'asne à la harpe. Ne pas être à la hauteur de ce qu'on doit faire ; ne pas comprendre.

A merveilles me vient ceste exposicion tant clere que je ne sceus oncques apparcevoir par si loing temps et tant de foys quant on chantait ce pseaulme. Selon l'ancien proverbe, je estoye l'asne a la harpe : asinus ad liram, cum illis de quibus dicitur : aures habent et non audient ; vel qui judicant sicut fabulosus Midas cum auribus asininis. (Gers., Canticordum G., c.1425-1430, 132)

Estre beste comme un asne

...et tres bien luy sembloit qu'il estoit mieulx taillié de faire la besoigne que son mary. Et affin qu'el esprouvast si son cuider estoit vray, elle conclut en soy mesmes qu'el tiendra telz termes que, s'il n'est plus beste qu'un asne, il se donnera tantost garde qu'el en veult a luy. (C.n.n., c.1456-1467, 150)

Faire de l'asne à qqn. Traiter qqn comme s'il était stupide, tromper qqn.

Celuy jour mesme par maniere subtille Fut prins a Nosle le domp seigneur Virgile, Semblablement le conte Petillane, Qui aux Françoys cuidoit faire de l'asne. (La Vigne, V.N., p.1495, 248)

b)[Aspect ridicule]

Chevaucher l'asne. Être monté sur l'âne, face tournée vers la croupe de l'animal ; être l'objet de la risée publique.

...il convenoit que ledit Vincent qui estoit le plus prochain voisin d'icelluy mary batu chevauchast un asne parmy la ville et feist penitence en lieu dudit batu, et lors le dict exposant qui estoit voisin et amis de celluy que le disoit ainsi avoir este batu de sa femme deist... qu'il avoit mal fait de diffamer sondit voisin (Doc. 1393. In : R. Vaultier, Folkl. pendant la guerre de Cent ans, 1965, 41)

...pour ce que en ladicte ville de Cocherel avoit une femme qui avoit batu son mary et... feussent alez avecques aucuns autres en la ville de Fermaincourt qui est pres dilecques acquerir un asne pour ycelui asne chevaucher et faire un esbatement que l'en disoit et a coustume de fere au pais quant les femmes batent leurs maris. (Doc. 1404. In : R. Vaultier, Folkl. pendant la guerre de Cent ans, 1965, 41)

Girault a dit publiquement a la cohue de Marempne que ma femme m'a batu et qu'il convient chevaucher l'asne, par le sang Dieu se je le trouve chevauchant l'asne, je luy donneray d'un coustel parmi le corps et les metteray les trippes au soleil. (Doc. 1417. In : R. Vaultier, Folkl. pendant la guerre de Cent ans, 1965, 41)

Se quelque voisin c'est approché De ce debat la, sans faintise, Chascun en sera embousché, Et se ceste femme a touchié Son mary, il chevauchera L'asne tout au loing du marchié ; Ainsi chascun s'en mocquera (Coquill., Oeuvres F., 1478-p.1494, 144)

Remarque : Cette pratique de la chevauchée sur un âne à travers les rues d'une cité a lieu lorsqu'un mari est surpris en train de se faire battre par sa femme. Le chevaucheur est souvent un voisin, un témoin qui colporte ainsi la nouvelle.

Mener l'asne. Tenir la chandelle, n'être qu'un spectateur.

Je vous dis, par saincte Susanne, Sans estre armé ne pié ne cape, Chascun le fait, et je mene l'asne ! Nostre curé viendra au sanne Pour veoir comme on aura vescu : 'Bon jour, Monsieur'. 'Dieu vous gart, Jehanne.' Pour soupper il fonce ung escu. Messire Jehan, maistre locu De ces officiers de pardons, Fait trop tost marié coquu Soubz umbre de faire telz dons. (Coquill., Oeuvres F., 1478-p.1494, 325)

c)[L'âne, animal inférieur]

(Il ne faut pas) lier les asnes avec les chevaux

'Pense doncques, Beau Filz, de honnourer les dessusdiz, chacun selon son estat, ses merites et ses condicions ; car il n'est pas chose afferable de lier les anes avec les chevaulx...' (Mézières, Songe vieil pèl. C., t.2, c.1386-1389, 343)

Remarque : Morawski, n° 1494, 54.

(Il ne faut pas) joindre l'asne avec le boeuf. Il faut mettre ensemble ce qui va ensemble.

Au contraire, de la mauvaise compaignie dist ung nommé Plautus : 'Plus legierement soustient on hayne que ung colliege.' Pour che en la loy est deffendu joindre l'asne avec le boef, c'est a dire le fol avec le sage ou le rude avec l'obedient (Daudin, De la erudition H., c.1360-1380, 262)

d)[Par dérision, l'âne comme objet d'actions inutiles et absurdes]

Laver la teste d'un asne

La courtoisye est deffendue Vers celluy qui l'effasse et plane, Car c'est bien lessive perdue D'en laver la teste a ung asne. (Prov. rimes F.M., c.1485-1490, 66)

Parler à un asne sourd

Mais iceulx chevaliers rapportèrent à Monseigneur le Daulphin qu'ils n'avoient pas eu bonne response du duc, et tant valoit parler à ung asne sourt comme à luy. (Chart. J., Chron. Ch. VII, V., t.3, Fragm. hist., p.1436, 219)

Prendre les asnes à la glu. Perdre sa peine, se donner un mal inutile.

Et lors vint a moy un bossus Qui me dit : 'Dieu gart le varlet Qui prant les asnes a la glus ! Tu bas bien l'eaue d'un pilet. Veulz tu du doy arer les champs ? Veulz tu planter bois de festus ? Au cul de l'asne fais tes chans...' (Desch., Oeuvres Q., t.1, c.1370-1407, 206)

Faire voler les asnes. Faire n'importe quoi pour obtenir qqc..

DAN GENESE. Tu es plus yvre que une soupe, Comment pourras tu ja douler ? LE CHARPENTIER. Je feray les asnes voler, Mez que je boive une foys seule ! DAN GENESE. Or tien, mal feu t'arde la gueule ! (Mir. ste Genev. S., c.1410-1420, 141)

e)[Ardeur instinctive] Délier l'asne. Libérer les instincts, les sentiments.

'Pere, tu as trouvé bons freres avecques toy.' Et cil luy dist : 'Je les ay trouvé bons, mais leur habitacion n'a point de porte, car quiconque veult, entre en l'estable et deslie l'asne'. Et il le disoit pource que quantques ilz avoient au cueur estoit tantost en la bouche. (Batallier, Lég. dorée D.-L., 1476, 225)

4.[Loc. et prov. divers]

L'asne pense une chose, l'asnier une autre (cf. J. Morawski, Prov. fr., 1925, n° 213, 8). Les choses ne se passent pas toujours comme prévu.

Item, en ce temps, le regent de France fist asseger à l'entrée de juillet ceulx qui estoient dedens Yvry-la-Chaussée qui avoient pou de vivres, et estoit leur esperance toute de eulx garnir de vivres des biens qui estoient sur terre en cellui moys, especialment de tous blez et de potaiges pour toute l'année, car de char avoient ilz touzjours assez. Mais on dit bien souvent que ung pansse ly asgne et autre ly asgnier, et Dieu qui mua le propos de Oloferne, tourna leur joie, quant ilz cuiderent estre plus asseurez, en tristour (Journal bourgeois Paris T., 1405-1449, 194)

Laisser l'asne pour le bast. Laisser le plus pour le moins, le tout pour la partie.

Quoy que la proposicion Ne doit de bonne part venir, Qui veult sans l'opposicion A la verité parvenir, Comment qu'il en doye avenir, Tel est bien hault qui parle bas Et lesse l'asne por le bas. (Chast., Temps rec. D., 1451, 56)

Perdre son asne pour un seul point/un seul poil (cf. J. Morawski, Prov. fr., 1925, n° 1702, 62). Pour un détail on peut perdre beaucoup.

Par trop pinchier, par trop mordre ou suchier, Peult on glichier en basse barbaquane : Pour ung seul point perdit Robin son asne. (Molinet, Faictz Dictz D., 1467-1506, 75)

Par ung seul poil perdit Baudet son asne. (Molinet, Faictz Dictz D., 1467-1506, 605)

Qui l'asne est, par la queue le tienne. Il faut s'occuper de ses propres affaires, ne pas se mêler de choses qui pourraient causer des ennuis.

Mors est, ne plus ne m'en souvient, Ne plus a parler n'en convient. Cui bien fait a, si s'en souviengne, Qui l'asne est, par la queue le tiengne (Renart contref. R.L., t.1, 1328-1342, 226)

Sauter du coq à l'asne. Voir coq

[D'un homme arrogant, présomptueux] N'avoir pas laissé la moitié de son asne chez soi, le porter tout entier avec soi. Être particulièrement stupide.

...mais je vueil bien qu'il saiche que j'ay dit qu'il n'a pas laissé la moytié de son asne à l'hostel ; il le porte tout quant et luy. (Tardif, Facéties Pogge M., c.1490, 28)

C. -Par métonymie. Charge que porte un âne en une fois.

L'evesque de Baieux a en buisson du Verney quatre asnes pour son feu à tout boiz, hors le maistre cep, par le don de Henry roy d'Angleterre, duc de Normendie, d'Acquitaine et conte d'Anjou. (Hector De Chartres, Cout. R.B., 1398-1402, 63)

Les religieux, abbé et couvent de Mondoye, à cause de leur eglise, ont en la forest du Bur le Roy ou buisson du Verney trois arnes [l. asnes] chargiéz de mort boiz et sec et voleures chacun an et par chacun jour (Hector De Chartres, Cout. R.B., 1398-1402, 65)

D. -Par analogie.

1.TECHNOLOGIE Levée, châssis sur lequel on place la meule courante à la verticale pour la retourner avant de la rhabiller' (Y. Coutant, Terminol. du moulin médiév. dans le comté de Flandre, 1994, 472).

I aene de mollin sus on lieve le pierre (Doc. 1373. In : Y. Coutant, Terminol. du moulin médiév. dans le comté de Flandre, 1994, 472)

...un ane pour les pierres du dit molin tourner sus quant on les rappoincte pour mieudre (Doc. 1403. In : Y. Coutant, Terminol. du moulin médiév. dans le comté de Flandre, 1994, 472)

2.ART MILITAIRE [Hist. romaine] Asne sauvage. Machine de siège lançant des pierres.

En chascune legion doit avoir (...) dix engins qu'on appelle asnes sauvaiges qui sont portez en chascune cohorte, c'est a dire bataille de la legion ['engins... sauvaiges' trad. lat. onager] (Vegece, 1380, II.24)

Et doit l'en prendre en ces rivieres des pierres et galés roons (...) Et des mendres pierres on gette a la fonde ou fustibale ou a la main. Et des plus grans l'en gette par l'engin que on appelle l'asne sauvaige pour occire les ennemis et pour despecier leurs engins ['engin... sauvaiges' trad. lat. onager] (Vegece, 1380, IV.8)

E. -Par métaphore. Sot, ignorant.

Une autre chose est appellee synesie et son contraire asynesie, selon lesquelles nous dison les uns synés ou scenés, et les autres asynés ou non scenés et asnes. (Oresme, E.A., c.1370, 351)

Tous les serviteurs que j'ai veux céans ne sont que asnes et ne sçaivent rien. (Tardif, Facéties Pogge M., c.1490, 50)

Ainsi se meut question, comme à present, contre les astrologiens, mais il leur monstra bien qu'ilz estoient asnes et ebethés, et plus que ignorans et non congnoissans en lettres. (Simon De Phares, Astrol., c.1494-1498, f° 125 v°)

Tu es des solars mal instruictz. Penses tu faire, sot sauvage, Fin argent d'oeufz et de fromage ? Tu es bien un asne parfaict. (Arq. P., c.1500, 441)