CONTENTER

verbe

[T-L : contenter ; GDC : contenter ; AND : contenter ; FEW (II-2, 1104a) : contentus ; TLF (VI, 39a) : contenter]

I. -Emploi transitif.

A. -Contenter qqn

1.Donner satisfaction à (celui à qui on est revevable, un créancier), le payer.

Deux hommes une fois estoient Quil a ung riche marchant devoient, L'ung quarante, l'autre cinquante Denïers, et n'avoient puissance De contenter icelluy homme. A tous deux il quicta la somme. Liquel des deux, a ton advys, Ly doit estre plux grant amys ? Or m'en dix ta relacïon. (Pass. Semur D.M., c.1420 [1488], 138)

...le Roy est tenu de satisfaire, paier ou contenter les marchans estrangiers ou autres qui ont livré billon en ladicte Monnoie ou en autres Monnoies du Roy (Fauq., II, 1421-1430, 242)

Et toy, France, ne espargne point a contenter Angleterre du meuble de tes trois estas, car quelque chose que tu y despendes ne te puent venir que a grant prouffit (Juv. Urs., Aud. celi, 1435, 270)

...car ilz [gens du peuple] ont esté nourris soubz seignourie et en crainte et labeur, endurant le soleil (...) de simples courages, contentés de pou, les membres durs a souffrir paine (Juv. Urs., Verba, 1452, 239)

...se ung povre homme mecanique de son mestier a besongnié pour aucun qui ait promis de le contenter, ou ait une obligacion d'une debte (Juv. Urs., Verba, 1452, 368)

Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. De s'obliger en toutes cours est prest, Se doubte avés que bien ne vous contante ['ne vous rembourse'] ; Sans y avoir dommage n'interest, Vous n'y perdrés seulement que l'attente. (Villon, Poèmes variés R.H., c.1456-1463, 50)

Pour tout ce fournir [ma succession] et parfaire, J'ordonne mes executeurs Ausquelz fait bon avoir affaire Et contentent bien leurs debteurs. Ilz ne sont pas moult grans vanteurs Et ont bien de quoy, Dieu mercys ! De ce fait seront directeurs. Escryptz : je t'en nommeray six. (Villon, Test. R.H., 1461-1462, 145)

Si la print et emmena [une vache] , sans ce que ceulx de Verset y peussent donner aucun remede. Et, quant le cappitaine sceut ceste adventure, il en fut moult doullant ; car sa femme en avoit du lait pour soy nourrir et son enfant. Si se pensa qu'il la failloit rachetter, et manda au jeusne homme qu'il lui ramenast sa vache à saulf-conduit, et il le contenteroit à son plaisir (Bueil, I, 1461-1466, 25)

LE CRESTIEN. Sans nul mal entendre, En ma foy je le jureré [de vous rembourser] . LE JUIF. Par ce point je vous presteray Jusqu'a cent escus voulentiers. LE CRESTIEN. Loyaulment comme voz rentiers Vous contenterons. (Mir. st Nic. juif, c.1480-1500, 90)

LE PREVOST. Avez vous esté contenté ? LE JUIF. Ouÿ, de ung nego a grant queue En justice je vous en veue. Vecy mon varlet en presence Devant lequel ceste finance Luy presté, par bonne equité, En sa grande necessité. (Mir. st Nic. juif, c.1480-1500, 128)

Contenter qqn de qqc. Payer, rémunérer ou dédommager qqn de qqc..

PREMIERE DAME [à la nourrice] . Avant ! Avant ! Nourrissiez le a mieux que pourrez, Et tout ainsi que vous vouldrez En serez du tout contentee. (Gris., 1395, 60)

...il vousist restituer et contenter le Roy nostredit souverain seigneur et mondit seigneur le Daulphin desdictes pertes et dommaiges. (Ecorch. Ch. VII, T., 1447, 153)

LE CRESTIEN. Par sainct Nicolas [je le jure] Dont vecy sa plaisant(e) ymage, Que s'il m'a rien presté sans gaige, Je l'en ay tres bien contenté. (Mir. st Nic. juif, c.1480-1500, 132)

...envoyons au tresorier du Daulphiné ladicte lettre patente, afin qu'il contente noz fauconniers et autres noz officiers du reste de leurs gaiges assignez sur noz finances de ceste presente année. (Lettres Ch. VIII, P., Pièces justif., t.1, 1483, 13)

Contenter à qqn

Et certes je treuve que par an monte icelle somme de despense bien environ deux millions bien payez et bien contentez à chacun selon son estat et selon la vocation à quoy il est appelé. (La Marche, Mém., IV, Pièces annexées, 1474, 93)

2.[D'une pers. ou d'une chose] Donner satisfaction à qqn, satisfaire qqn.

Ceste response contenta grandement les ambassadeurs de Braibant, et se departirent sus cest estat (Froiss., Chron. M., XIV, c.1375-1400, 183)

...par laquelle dame, afin de contenter iceulx marchans, lui fu baillié une petite sainture de soye noire, clouée dessus à petis cloux d'or, avec le gobelet d'argent dont cy-dessus est faicte mencion (Reg. crim. Chât., II, 1389-1392, 360)

Après ce que le duc d'Orléans s'en fu retournés en son pais, le duc de Bourgongne contenta les Engloix et leur donna congié (Chron. anon. Ch. VI, D.-A., c.1431, 214)

Le seigneur de Saintré, qui n'a besoing de ses escuz, d'oisiaux, ne de mule, tres gracieusement le remercie, et pour le contenter lui dist : 'Monseigneur l'abbé, je ne monte point sur mule' (La Sale, J.S., 1456, 287)

La gouge n'avoit pas moyennement a penser pour trouver soudaine et suffisante excuse pour contenter celuy qui est si mal content. (C.n.n., c.1456-1467, 235)

...parloit a l'un a part, sans ce que l'aultre en oyst rien ; d'aultre costé faisoit a l'autre la pareille, pour chacun contenter (C.n.n., c.1456-1467, 252)

Car j'ay mis le plumail au vent : Or les suive [les amants] qui a actente ! De ce me taiz doresnavant, Car poursuivre vueil mon entente. Et s'aucun m'interrogue ou tente Comment d'Amours j'ose mesdire, Ceste parolle le contente : 'Qui meurt a ses loix de tout dire'. (Villon, Test. R.H., 1461-1462, 69)

Compaignons, escoutez, je vien Devers vous en espicial Vous dire que le principal Est d'accord de vous contenter, Et pourtant, sans [trop] plus tarder, Venez scavoir qu'il vous dira. (Sots gard., a.1488, 111)

Mais tant la suyte que l'ordinaire train Des vins, vïandes, avoyne, paille, estrain Et d'autres choses si tres bien on repeut, Qu'on contenta chascun le mieulx qu'on peut. (La Vigne, V.N., p.1495, 146)

Et, entre ledit patriarche et eulx, fut parlé de la maniere de contenter lesditz seigneurs (Le Clerc, Interp. Roye, c.1502, 188)

Contenter qqn de qqc. Satisfaire qqn au moyen de.

Je ne suis pas homme, dit le premier venu, que vous doyez contenter de paroles (C.n.n., c.1456-1467, 234)

Satisfaire qqn en compensation de qqc., consoler qqn de qqc..

ENTENDEMENT. Retourne a l'interrogatoire premier, duquel tu me semblez avoir ung peu esloingné, et me contentes de la longe duree de noz maulx. (Chart., L. Esp., c.1429-1430, 75)

...ces choses contenterent assez bien le dit Jehan Stotton de la perte de son dyamant, pource que aultre chose n'en povoit avoir. (C.n.n., c.1456-1467, 395)

Chascun embassadeur des leurs qui vint devers le roy, à ce commencement, eut grans dons de luy en argent ; et par ce moyen les contentoit de ce qu'il ne s'estoit declairé pour eulx et les renvoyoit les bourses plaines et revestuz de draps de soye. (Comm., II, 1489-1491, 115)

B. -Contenter qqc. Satisfaire, assouvir qqc..

L'auctorité du viel Testament ne te fauldra mye en ce pas, ains contribura pour sa part autant d'exemples comme la Bible contient de faitz notables, qui tous furent commencés ou conduitz par oreison, et pour contenter ton desir t'en dyray aucuns, et te renvoyroy au livre quant au surplus. (Chart., L. Esp., c.1429-1430, 167)

Joyeux me faictes grandement Quant mes bons plaisirs contantez. (Myst. siège Orléans H., c.1480-1500, 222)

Emploi impersonnel. (Il) est contenté à qqc.

LA FEMME [au chrétien] . A cela, Se vous usez de mon conseil, Contenté sera a mon vueil. Laissez moy faire, je vous prie. (Mir. st Nic. juif, c.1480-1500, 108)

II. -Emploi pronominal.

A. -Se contenter. S'estimer satisfait.

Sathan ne se vault contenter Quant aus .ij. premiers cops failly (Le Fèvre, Respit Mort H., 1376-1380, 104)

...ma jeune aage, ma beaulté, mes tendres ans, ne pevent souffrir que le temps despende et consume ainsi mes jours en vain ; ma nature aussi ne se pourroit contenter (C.n.n., c.1456-1467, 573)

Quant au regart de la raison pourquoy la sommacion vous est faitte, je voeil bien que vous le sachiez, affin que vous vous contentez. (LEFÈVRE (R.), Hist. Jason P., c.1460, 170)

...et à la vérité tous ceux qui les virent, disoient que jamais n'avoient vu pour autant de courses, faire de plus belles et dures atteintes qu'ils avoient fait tous deux ; et finalement ils se contentèrent tous deux. Ainsi se passèrent les armes à cheval, à l'honneur des deux parties (Faits Lalaing K., c.1470, 85)

...et c'est tout le reproche que à present font les calumpniateurs de astrologie de dire qu'il n'en est pas ung riche ; à quoy chet responce que cil qui se contente est riche (Simon De Phares, Astrol., c.1494-1498, f° 54 r°)

Se satisfaire d'une situation, l'accepter.

...la mere print la parolle, et a part dist a sa fille tant d'unes et d'aultres que aucunement se contenta ; mais ce fut a grand peine. (C.n.n., c.1456-1467, 472)

B. -Se contenter de qqn/de qqc.

Se contenter de qqn. Être satisfait de qqn, se réjouir de son comportement.

'Or penssés anuit, Phelippe, comment vous leur puissiés demain faire relation de che parlement qui a esté à Tournai, par telle manière que toutes gens se contentent de vous.' (Froiss., Chron. R., X, c.1375-1400, 214)

Le roy Oethés, pere de Medee, vint lors a Pintaquo a privee compaignie, comme cil qui amoit Medee ainsy que le pere ayme son enfant, et quant il sceut l'honneur que Jason lui avoit fait, il se contenta de Jason et d'elle et retourna en son payz moult joyeux. (LEFÈVRE (R.), Hist. Jason P., c.1460, 221)

Se contenter de qqc. Être satisfait de qqc..

De tout se contenta li contes et dist que il avoit moult bien fait (Froiss., Chron. D., p.1400, 63)

...il missent par ban et sus painne a toutes coses fuer et pris raisonnable, et tant que li Englois s'en contenterent grandement. (Froiss., Chron. D., p.1400, 254)

À l'occasion desquelles reddargucions, ledit Bourdin qui est foible, de petite complession et paoureux, voiant que icellui Granier ne se contentoit, ne ne vouloit se contenter de sesdictes raisons, excusacions et deffenses, doubtant qui le voulsist constituer et arrester prisonnier ou lui voulsist faire aucun autre empeschement à sa personne, s'en ala mectre en franchise, cinq mois a ou environ, en l'église des Jacobins (Aff. Jacques Coeur M., 1453-1457, 567)

Et furent ces choses moult honnorablement remonstrées par ledit sire Denis Hesselin aux cappitaines estans oudit Beauvais, qui desdictes remonstrances se tindrent à bien contens et se contenterent de ce qui leur avoit esté envoyé, sauf qu'ilz prierent que encores on leur menast cent arbalestriers et coulevriniers ; ce que fist ladicte ville. (Roye, Chron. scand., I, 1460-1483, 281)

L'OSTE. De vous si bien on pencera Que vous vous en contenterez (La Vigne, S.M., 1496, 207)

Se satisfaire d'une chose, la considérer comme acceptable, s'en accommoder.

Encore nous est Boece aultre exemple, car pour trop amer et deffendre le publique bien et prouffit, fut il par le roy Theodorich emprisonné a Pavie, ou il composa son livre de Consolation, finant ses jours en prison miserable. Ou est le cueur qui se pourroit contenter de tant d'ingratitudes et de services sans guerdon ? (Chart., L. Esp., c.1429-1430, 10)

Ores que ceste chose est si publiee que ne se puet retourner, pour ceste foiz je m'en contente, vous deffendant que n'y retournez plus. (La Sale, J.S., 1456, 239)

...le bourgois et ses gens l'en garderent ; dont il ne se contentoit pas, mais a force, malgré chascun, tousjours avoit la main au lit. [Croyant avoir reconnu sa femme dans le lit, un homme veut soulever la couverture] (C.n.n., c.1456-1467, 26)

...oyant la bonne repentence de monseigneur, assez legierement s'en contenta ; mais ce ne fut pas sans grans langages et remonstrances. (C.n.n., c.1456-1467, 77)

...il se gecta à genoulx et dist au Roy : 'Sire, je vous remercie très humblement de l'honneur qu'il vous plaist me faire, et à messeigneurs de quoy ilz s'en contentent. Il en y a en la compaignie de meilleurs que moy et qui mieulx que moy le sauroyent faire ; mais puisqu'il vous plaist et à eulx aussi, je y feray le mieulx que je pourray et y serviray vous et eux à mon povoir.' (Bueil, II, 1461-1466, 171)

Ilz demandent la treve pour six mois, et je ne la vueil pas acorder pour trois ; toutesfoys je pense que ilz s'en contentront, et y feray en tout le mieulx que je pouray ; et attens anuit ou demain Mons. le president, lequel venu, y besoingneray plus seurement. (Le Clerc, Interp. Roye, c.1502, 320)

Se satisfaire de qqc., sans rechercher autre chose.

MAISTRE PIERRE. Tropaise est bonne droguerie, Mais qu'on s'en vueille contenter. (Dorib., p.1480, 247)

Se contenter que

Encores se doubtoit le roy, d'autant qu'il l'avoit trouvé ung peu dur quant il luy avoit parlé du duc de Bretaigne et l'eust fort voulentiers gaigné qu'il se fust contenté que on eust faict la guerre en Bretaigne. (Comm., II, 1489-1491, 68)

Se contenter mal/malement de qqn/de qqc./sus qqn. Être mécontent de qqn ou de qqc..

...ceulx qui estoient envoiez en Bretaingne n'esploitierent riens ; dont le roy et son conseil s'en contenterent mal sus le duc de Bretaingne, et distrent bien que ce duc estoit ung orgueilleux et presumptueulx homs (Froiss., Chron. M., XIV, c.1375-1400, 18)

...il se contentoient mal sus monsigneur Hue Broe et sen frère, de ce que il l'avoient recheu. (Froiss., Chron. R., VIII, c.1375-1400, 142)

...li contes de Flandres avoit mis et establi garnison de gens d'armes en l'ille de Gagant, liquel fissent pluisseurs destourbiers et grans anois a ceuls qui voloient par mer venir prendre port a l'Escluse, et tant que tous li pais de Flandres s'en contentoit malement. (Froiss., Chron. D., p.1400, 273)

...qant la congnissance en vint au roi d'Engleterre que li dus de Braibant (...) avoit mariet sa fille au jone conte de Flandres (...) si se contenta moult mal dou duc et dist que jamais il n'averoit parfaite fiance en li (Froiss., Chron. D., p.1400, 879)

Ne pas se contenter bien/trop bien de qqn/de qqc. Ne pas bien se satisfaire de qqc..

Et tous ses dons et ses presens faissoit il paier as navieurs, dont li pluiseur ne s'en contentoient mies trop bien, mais il n'osoient mot sonner. (Froiss., Chron. R., IX, c.1375-1400, 164)

...cil de Bruges ne se contentoient pas bien de l'article qui contenoit que de toutes prises et pillages ne robberiies faites la guerre durant, cil de Gand ne faissoient nulle restitucion. (Froiss., Chron. R., XI, c.1375-1400, 309)

III. -Participe passé en emploi adjectival. Satisfaisant dans toute sa mesure.

Douloureux fut le jour que tu yssis de l'escolle de science pour entrer en la tourbe des ambitions mondaines. Tu y avoyes delectation d'esprit, repos de cueur, plaisant occupation, honeste povreté, richesse de peu, seure liesse, desir amesuré et contenté appetit. Or es sailli de franchise en servage, de seurté en dangier, de contentee parcité en ambition souffreteuse, et t'a fortune getté en ceste tempeste, que tu vaugues comme nef qui perist et que le vent fait ferir contre terre. (Chart., L. Esp., c.1429-1430, 8)

Aussi les fruiz (...) rendoient a veoir ung si tresfort et contenté plaisir qu'ilz saouloient la personne plus d'assez que autres fruiz croissans ailleurs (RENÉ D'ANJOU, Mortif. Vaine Plais. R., 1455, 70)