NAVRER

verbe

[T-L : navrer ; GD : navrer ; DECT : navrer ; FEW (XVI, 594a) : *nafra ; TLF (XII, 33a) : navrer]

I. -Emploi transitif.

A. -Au propre. Navrer qqn

1.Navrer qqn. Blesser qqn (en transperçant, en coupant) ; blesser.

Nous avons pris ceste cité Maugré eaus et contre leur gré, Et si les avons desconfis, Chaciez hors, navrez et occis Tant qu'elle nous est demourée Fort et seüre et bien fermée ; Et s'est plus fort chose dou prendre Mil fois que ce n'est dou deffendre. (Mach., P. Alex., p.1369, 104)

Et aussi, qu'on n'oublie pas Comment nos gens furent au pas Bleciez, navrez et malbaillis, Et des Sarrasins recueillis ; Et dire ceuls qui là sont mors Au pas, dont grans est li remors. (Mach., P. Alex., p.1369, 159)

...laquelle il batirent enmy la rue et geterent à terre, et la navrerent en la main et un peu ou visage, mais elle n'en es diffigurée, ne mutilée en riens, et est garie ladicte bature (Trés. Reth. S.L., t.2, 1388, 351)

Et atant se partirent de ladite taverne, c'est assavoir ledit Bruyeres le premier, lequel Bruïeres, d'un coustel qu'il avoit sur lui, feri et navra icellui sergent, ne scet en quelle partie de son corps, parce qu'il estoit nuit, comme dit est. (Reg. crim. Chât., I, 1389-1392, 181)

...et, lui ainsi cheu, icellui curé de present se print à batre et navrer très-inhumainement ledit predecesseur curé, et de fait lui coppa, li present, tous les dois d'une de ses mains (Reg. crim. Chât., II, 1389-1392, 109)

...et, lui estant ainsi nu, le navrerent moult durement et tellement, qu'ilz le navrerent sur la main et lui firent plusieurs playes, tant sur la teste comme aillieurs (Reg. crim. Chât., II, 1389-1392, 223)

...depuis que elle fu par ledit Oudot mise à terre, icellui Oudot la ferist et navrast de son couteau ès fesses (Reg. crim. Chât., II, 1389-1392, 510)

Ore il parra doncques, mais toutes voies j'en sui bien marri que tu es ainsi naufree, car la playe est bien parfonde et perilouse (Man. lang. G., 1396, 73)

...et dit que yceulx maufaiteurs batirent, fraperent et navrerent pluseurs escoliers qui très doucement et devotement et simplement aloient en procession (Baye, I, 1400-1410, 100)

Et d'eulz en y ot pluiseurs mors et navrez de trait et de canons. (Fauq., II, 1421-1430, 323)

Jhesus, Qui fut en la croiz estendus, Travaillé, naffré et batus... (Du Prier, Roy Adv. M., 1455, 171)

...il le navra a sang. (Colart Mans., Dial. créat. R., 1482, 269)

...et là, ledict Xerses fut navré de deux playes et mis en fuite. (Simon De Phares, Astrol., c.1494-1498, f° 46 v°)

Participe passé.

En la plainne pour assaillir, Qu'adont porroient il saillir Hors, et combatre main à main Sans atendre jour ne demain ; Et, ci entre deux, gariront Les Crestiens qui navrez sont. C'est le conseil, c'est l'ordenance Des chevaliers, en la presence Dou prince ; et il l'a acordé Einsi com je l'ay recordé. (Mach., P. Alex., p.1369, 160)

...mais verité est que, ou jour qu'il lui ot dist lesdites paroles ou le landemain, n'est record autrement du jour, sondit mary fu apporté oudit hostel moult grandement et enormement navré (Reg. crim. Chât., I, 1389-1392, 270)

Les Grieux en moult grant desconfort, Pour Achillés, furent, car fort Estoit navrez, dont ilz doubtoient De sa vie (Chr. Piz., M.F., III, 1400-1403, 111)

Et quant furent sur la place, trouverent entre les mors mains Sarrazins ferus et navrez qui tendoient les mains pour eulz rendre, mais tous furent mis et rendus a la mort. (La Sale, J.S., 1456, 221)

[En cooccurrence avec blesser]

Car Venus se mist el moyen De la bataille (...) ; Si fu la navree et blechie (Echecs amour. K., c.1370-1380, 179)

Sy furent subit pris et navrés durement les aucuns, et mesmes le seigneur d'Offemont fut blessé au visage bien fort. (Chastell., Chron. K., t.1, c.1456-1471, 298)

[En cooccurrence avec plaier]

Je vous voy si grant douleur faire. J'en ay le cuer tout esmaié. Estes vous navré ne plaié, Ou qu'est ce que pouez avoir ? (Mir. fille roy, c.1379, 92)

...et ne serat ja par batailhe affoleiz, ne vaincut, ne mort, maiz serat navreiz et plaiet. (JEAN D'OUTREM., Myr. histors G., a.1400, 14)

Navrer qqn à la mort / en mort / jusqu'à la mort. Blesser qqn mortellement.

Car il quida tout vraiement, Qu'a mort eust le jaiant navré (Dame Lycorne G., c.1349-1350, 176)

Du trait y eust aucuns des nostres navrés jusques à la mort (Le Bel, Chron. V.D., t.1, 1352-1356, 45)

Tu es naffré jusquez a la mort. (Pac. Job M., c.1448-1478, 365)

...ledit mareschal fut navré en mort (Droiz Cour. Fr. H., 1460, 419)

Ha hay ! qui me vient assaillir ? Je suis navré jusques a la mort ! (Myst. Pass. Troyes B., a.1482, 124)

Remarque : GRÉBAN, Pass. J., c.1450, 304 (navrer à la mort) ; ex. cité infra.

Navrer l'un l'autre. Se blesser l'un l'autre.

...il fu prins et arresté par Guillaume Le Roux, escuïer, demourant en ladite ville d'Aucerre, contre lequel il se mist à deffense, et tant qu'ilz navreuerent l'un l'autre (Reg. crim. Chât., I, 1389-1392, 129)

Emploi absolu.

...autre dieu n'est que moy. (...) J'occiray et vivre feray, Je naverray et gariray, Et si n'est nul, au paraler, Qui de ma main puist eschaper. (Mir. st Panth., 1364, 345)

Blesser (une bête).

Et leur semble que ceulz sont fors qui oeuvrent par fureur et qui impetueusement et hardiement courent sus a leurs adversaires, en la maniere que les bestes sauvages font contre ceuls qui les ont navrees ou veulent navrer. (Oresme, E.A., c.1370, 214)

Il fault tirer de l'arbaleste Pour attraper la grosse beste Et la navrer soit bas ou hault (Myst. Viel test. R., t.2, c.1450, 140)

...il avoit navré et playé le sangler (Colart Mans., Dial. créat. R., 1482, 253)

Blesser (une partie du corps).

Frappez fort (...) Que sur tout son corps n'y ait vaine Qui ne soit a la mort navree. (Gréban, Pass. J., c.1450, 304)

Par ironie. Navrer qqc.

...bon moyne, sans demander qui vive, frappe sus [un jambon] et le navra et affola ; car de prinsault il luy trancha le jaret (C.n.n., c.1456-1467, 487)

2.[P. métaph. ou dans un cont. métaph.]

a)[De l'amour, de la dame, de ses yeux, de sa beauté... ; dans des tours plus ou moins stéréotypés]

Et d'autre part ton grant desir, Quant tu pues sa douceur veïr, Te navre, t'assaut et destreint, Et le pooir de toy si vaint Qu'il te couvient ou cuer couvrir Ce que tu cuides descouvrir. (Mach., D. verg., a.1340, 52)

Si douc oel ont mon coer navré (Dame Lycorne G., c.1349-1350, 282)

...Sentans l'amoureuse plaie Qui me point et navre et plaie. (Froiss., Pris. am. F., 1372-1373, 158)

Hé ! dame de vaillance, Vostre douce sanlance M'a pris sans deffiance, Mais au penre sans lance M'a navré durement. (Mach., Ch. bal., 1377, 581)

Dame, de tous biens assevie, Vo chiere pleinne de douçour Et vostre maniere jolie M'ont espris de loial amour Et navré par si grant vigour Que durer ne puis nullement, Se vostre douce chiere ment. (Mach., L. dames, 1377, 131)

Mout me tient estret En aspre destret Son regart qui tret M'a et navré sans retret, Où ne faut entret, Fors qu'.J. dous attret De sa bouche tret, Par amours pourtret. (Mach., Lays, 1377, 309)

Et j'espoir qu'en sa biauté Qui navré M'a soit pure loyauté Et pité. (Mach., Lays, 1377, 335)

Le visaige de la femme est comme une sayette entoxiquee et envenimee, car elle navre et blesche l'ame par l'envoy de son regard envenimé. (Colart Mans., Dial. créat. R., 1482, 145)

Car, ainsi comme il regardoit et entendoit a la doulceur de ses paroles et qu'il regardoit et miroit la beauté d'elle et de sa face, il fut tantost vaincu, disant : 'Pour les femmes et leurs beaultez ont moult d'hommes esté navrez.' (Colart Mans., Dial. créat. R., 1482, 271)

Navré de + compl. de moyen

Bien croy que d'amoureuses pointes Estoit ses cuers navrez et poins Et qu'il savoit trestous les poins Qu'il faut a la vie amoureuse. (Mach., F. am., c.1361, 182)

...en la douce vie D'amours li pluiseur bien sont Navré d'une maladie (Froiss., Espin. amour. F., c.1369, 77)

Car toute dolour m'est procheinne, Sans avoir joie main ne tart, Quant la grant douceur m'est lonteinne De vostre dous riant regart Qui navré d'un amoureus dart M'a ; si que trop crueus seroit Li cuers qui pitié n'en aroit. (Mach., Bal., 1377, 538)

Helas ! dame, vostre tres dous regart Navra mon cuer de l'amoureuse lance, Quant premiers vi vo gent corps que Diex gart ; Si que j'avoie en vous droite fiance D'avoir aucun bon confort. (Mach., L. dames, 1377, 219)

Navré de + compl. de manière

Qu'en puet dont mes cuers, s'il s'esmaie ? Car navrés sui de mortel plaie Pour amer d'amour fine et vraie ; C'est le treü De mon service c'om me paie. (Mach., Compl., 1340-1377, 248)

b)[De la mort, de la guerre, du péché...]

Je suy navré de diverses playes, car je n'ay cremu de ajouster pechiez sur pechiez (Gast. Phébus, Livre oraisons T., c.1380-1383, 41)

...j'ay de toutes pars mes anemis, qui m'asaillent et navrent violentment les secrez de mon cuer, et, se ce n'estoit le mien souverain et piteus seigneur (...) qui me secourt (...), legierement liee seroit m'arme et menee en chestiveson. (Gast. Phébus, Livre oraisons T., c.1380-1383, 46)

Armez vous de joyeux Confort, Je vous en pry, mon povre cueur, Que Destresse, par sa rigueur, Ne vous navre jusqu'a la mort. (CH. D'ORLÉANS, Rond. C., 1443-1460, 471)

...et leueras ta pensee a mediter en humilite lestat de nature humaine qui a este nauree de pechie ainsi quil a este dit. (Cib., p.1451, 187)

Pour ce que guerre m'a navré Et que Mars me traveille et blesse... (Molinet, Faictz Dictz D., 1467-1506, 76)

Et la mort me vient Navrer de sa darde (Michel, Myst. Pass. J., 1486, 183)

B. -Au figuré.

1.Blesser moralement, affliger, accabler.

...Afin qu'il [saint Pierre] absoille et garisse Celui qu'il navra pour son vice, Et qu'entre vous deux redreciez Celui qui estoit trebuchiez A paine dure. (Mir. pape, 1346, 383)

Tantost mon cuer fut navré. 'Helas !' dis je a par moy, 'c'est cela : veez cy dont viennent les larmes de mon filz...' (Rippe, Andrienne, a.1466. In : Chrestom. R., 208)

LA VEFVE. (...) Douleur m'assault, rigueur me prent, Desespoir en moy ne mesprent, Congneu ma tribulacion. A moy navrer dueil entreprent Et cas de mort mon filz comprent, Dont suis en desolacion (La Vigne, S.M., 1496, 488)

Participe passé. [Du coeur]

Car on ne les puet esprisier, Ne trop prisier, Quant de legier Puelent de tous maus alegier, Et faire par leur grant puissance Un cuer navré sain et legier, Sans nul dangier, Et eslongier De mal, et de joie aprochier. (Mach., R. Fort., c.1341, 18)

J'en ay au ceur un tel sanglot Qu'il est tout navré et noirci. (Myst. siège Orléans H., c.1480-1500, 636)

2.Atteindre, toucher, remplir d'une profonde émotion.

A, mon frere, mon amy doulx, Je vaiz ad Jhesus le saulveur ; Ses beaulx ditz m'ont navré le cuer. Je suis du tout de s'amour prise (Pass. Auv., 1477, 151)

II. -Emploi pronominal. Se blesser.

...elle d'un costel se navrast Et puis a Berthe le baillast (Mir. Berthe, c.1373, 219)

Se navrer à mort. Se blesser mortellement.

...il se navra a mort (Tardif, Apologues R., c.1493-1498, 82)

[P. métaph. ou dans un cont. métaph. ; lang. de l'amour]

Loyauté, que point ne delay, Vuet sans delay Que face un lay ; Et pour ce l'ay Commencié seur ce qu'il me lie En amours, dont si me navray Que mon vivre ay, Tant com vivray, Mis, sans oster, en sa baillie. Mais vos cuers point ne s'amollie, Dame jolie, Eins contralie A chiere lie Le mien, dont ja mais je n'avray Joieuse vie. (Mach., Lays, 1377, 279)

Se navrer de

Qu'en son douls servage, Sans partir entray, Quant sa douce ymage Premiers resgardai ; Si qu'adont je me navray Dou mortel dart Qui de mon cuer ne se part. (Mach., Lays, 1377, 376)

III. -Participe passé en emploi substantival. Blessé.

...li bons roys, qui ne chace Seulement qu'à honneur venir, Les voloit faire rafreschir, Et les navrez aparillier, Et leurs plaies bien abillier, Qu'autrement il ne s'en peüst Aidier, se mestier en heüst. (Mach., P. Alex., p.1369, 78)

Quant li mort furent enterré Et tuit li navré defferré Des viretons et des sajettes Que li Turc leur avoient traites, Et que leurs plaies remuées Furent, lavées et bendées, Le prince et sa gent reposerent (Mach., P. Alex., p.1369, 169)

Là demoura IIJ. jours entiers Le prince, et le fist volentiers, Pour ce qu'emmener ne pooit Les navrez ; chascun le veoit, Et si atendoit les galées Qui en Chypre estoient alées. (Mach., P. Alex., p.1369, 170)

Quant il furent bien reposé Et li navré mieux disposé, Le prince et toute la brigade, Grant et petit, sain et malade Monterent dedens les galées Que le tricoplier amenées Avoit de Chypre, et s'en alerent. (Mach., P. Alex., p.1369, 171)

...lequel navré ilz laisserent en la place comme tout mort ; et ouy dire, il qui parle, environ J ou IJ jours après, que ledit navré, pour lesdites playes, estoit alez de vie à trespassement. (Reg. crim. Chât., II, 1389-1392, 109)