RECONFORTER

verbe

[T-L : reconforter ; GDC : reconforter ; DECT : reconforter ; FEW (II-2, 1044b) : confortare ; TLF (XIV, 528b) : réconforter]

I. -Emploi transitif.

A. -Renforcer, redonner de la force à.

1.Reconforter qqc.

a)Renforcer, confirmer qqc..

Tant m'a Diex envoiiet de sens En reconfortant la mervelle Dont en vellant je m'esmervelle (Froiss., Joli buiss. F., 1373, 226)

b)Redonner de la force à qqc..

Aprés la prise de toutes les medecines cy dessus repetees pour reconfonter l'esprit, il fault que la dame se doye mirer en un miroir vivificatif, c'est assavoir ou miroir de la passion du doulz Jhesu, vray espous de son ame (Mézières, Vertu sacr. mar. G.-K., c.1384-1389, 48)

...Unes choses especiales Que l'en appelle cordiales, Pour réconforter en partie Le cuer (La Haye, P. peste, 1426, 118)

Dedans l'amoureuse cuisine, Ou sont les bons, frians morceaux, Avaler les convient tous chaux, Pour reconforter la poitrine (CH. D'ORLÉANS, Rond. C., 1443-1460, 453)

2.Reconforter qqn. Redonner des forces à qqn.

Une chose qe moelt reconforte une bien fieble desheitez, si est qe homme preigne un chapon et l'en mette en une petite potte de terre (Henri Lanc., Seyntz medicines A., 1354, 194)

Musique aussy relieve et reconforte les corps des traveilliez (Evr. Conty, Harm. sphères H.P.-H., c.1400, 88)

...et au moien d'icellui cry, la puissance divine les reconforta de tel manière, que, en ceste heure, se trouvèrent tous plus frais, plus nouveaux et de meilleur courraige qu'ilz n'avoient esté en nulz desdis trois assaultz (Escouchy, Chron. B., t.2, a.1465, 327)

TETRADIUS. Sire, vers vous je me transporte Pour quelque povre garnement Qui en misere se comporte Ung peu trop rigoureusement. Pour ce, je vous prie humblement Qu'a luy vous plaise transporter Affin que tost et briefvement Son mal se puisse deporter. SAINCT MARTIN. Ne le pourroit on apporter En ce lieu cy ? TETRADIUS. Non, seurement. SAINCT MARTIN. Or bien, pour le reconforter A luy voys voluntairement. (La Vigne, S.M., 1496, 460)

Remarque : Percef. I, R., c.1450 [c.1340], gloss. (resconforter).

Participe présent en emploi adjectival. Reconfortant

Si soit confit, o camphre pure, Deux onces, par poiz ou mesure, Et des pouldres, sur toute rien, De la leesce Galien, Et de dyamargariton, Moult réconfortans, ce dit on, Dragme et demie rondement Des deux ensemble et égalment. (La Haye, P. peste, 1426, 157)

B. -Redonner du courage, apaiser.

1.Reconforter qqn. Redonner du courage, de la force morale, de l'espoir à qqn (qui se trouve dans une situation pénible, douloureuse).

S'ot en mi lieu un arbrisssel De fleurs et de fueilles si bel, Si bel, si gent, si aggreable, Si trés plaisant, si delitable Et plein de si trés bonne odour Que nuls n'en aroit la savour, Tant fust ses cuers desconfortez, Qu'il ne fust tous reconfortez (Mach., D. verg., a.1340, 15)

Et quant devers euls vueil aler, Telement y vois par voler Qu'en une heure et en un moment Vois tout par tout le firmament, Pour reconforter mes amis Qui en moy tous leurs cuers ont mis. (Mach., D. verg., a.1340, 33)

Einsi Espoir le reconforte, Qui moult doucement li enorte Qu'il soit pleins de bon reconfort, Car il ara joie et confort (Mach., D. verg., a.1340, 39)

NOSTRE DAME. Mi ange, il est temps et saison Que je mon sergent reconforte, Avant que plus se desconforte Ou desert sauvage et hideux. (Mir. st J. Cris., c.1344, 276)

L'ONCLE. Sire, elle [la marquise] est en bonne santé, Ce m'est advis. LE MARQUIS. Hé dia ! vous me tournez le vis, Qui malement me reconforte. Je voy bien que c'est ; elle est morte ! (Mir. marq. Gaudine, 1350, 143)

LA DAME. (...) Vray Dieu, reconfortez le pere ; Car a plourer ara assez, Quant nous deux verra trespassez. (Mir. enf. ress., 1353, 70)

Et il le fist, dont sans doubtance Sans, maniere, avis, contenence, Bonne esperence et chiere lie Li firent tantost compaignie, Car il fu tous reconfortez Et me sambla ses confors tels Que jamais en jour de sa vie Ne se donroit merencolie De mal, de grief ne de contraire Que sa dame li peüst faire (Mach., F. am., c.1361, 239)

S'Espoirs, qui scet mon esmai, Resconforter Ne me vient, sans arrester Me partirai. (Mach., Voir, 1364, 120)

Ne t'ai je pas reconforté, Et joie de loing aporté, Et donné deduit et leesce, Et fait joie de ta tristesce ? (Mach., Voir, 1364, 376)

Li gentils roys, pleins de vaillance, Qui vit ceste desordenance, Fist tantost mander le legat. Il vint et congnut son estat ; Moult doucement le reconforte, Moult li prie, moult li enorte Qu'oublie sa triste pensée. (Mach., P. Alex., p.1369, 109)

...car la presence de son amy luy fait aide a soy moins trister, pour ce que son amy luy fait consolacion en ce que il le voit et par ses paroles, se tel amy est habile et que il sache bien reconforter. (Oresme, E.A., c.1370, 492)

Assés de meschiés ha ci, Eins que joie en puisse attraire. Sans nul espoir d'estre reconfortés Sui et sans cuer ; car toudis merci prie Li las ! pour moy, et mes confors est telz Que durté maint où douçour est norrie (Mach., L. dames, 1377, 72)

Et s'il vous plaist à moy reconforter, Tres bien ferés, car pour mal ne pour joie N'en recroiray, quoy qu'avenir m'en doie. (Mach., L. dames, 1377, 74)

Partout ou elle est, joie y porte ; Les desconfortez reconforte, Et nès seulement de l'oïr Fait elle les gens resjoïr. (Mach., Prol., c.1377, 9)

...une jeune femme (...) survint en ladite chambre moult corrociée, si come il sembloit et si comme elle disoit, en disant que c'estoit tellement qu'elle ne savoit son sens, donc ladite Margot la reconfortoit, et disoit qu'elle se teust et prenist esliescement en soy. (Reg. crim. Chât., I, 1389-1392, 348)

...laquele vieille femme dist après ce à icelle Colette que Dieu la reconforteroit et qu'elle pensast de gaignier pour nourrir sadite fille (Reg. crim. Chât., II, 1389-1392, 532)

Si nous merveillons pourquoy vous ne demourastes en la guerre avecques le roy crestien pour lui aidier et conforter, vous qui estes renommez d'estre deux si vaillans chevaliers, ainsi que il nous semble que tuit bon crestien y sont tenus, et aussi ce nous sembleroit grant aumosne de le reconforter en tel neccessité. (Arras, c.1392-1393, 81)

Tres noble et excellente Vierge, Royne, Mere du Sauveur de tout le monde, veulliez reconforter ceste povre orpheline et la veulliez garder par vostre saincte pitié et par vostre misericorde, que ces faulx Sarrasins n'aient ja puissance sur son corps. (Arras, c.1392-1393, 181)

Lors demaine la pucelle telle douleur que c'estoit grant pitié a veoir et se deteurtoit et tiroit ses cheveulx, que de l'angoisse qu'elle sentoit il n'a si dur cuer ou monde qui n'en eust eu pitié. Et ses dames et ses damoiselles la reconfortoient le plus bel qu'elles le savoient faire. Mais en son dueil n'avoit point de fin. (Arras, c.1392-1393, 181)

Car le povre est trop plus reconforté et plus prent en gré la doulce parole, la visitacion, et le reconfort d'une grant et poissant personne que d'un autre (Chr. Piz., Trois vertus W.H., c.1405, 38)

...semblablement devendrez impotens et foibles se vous tant vivez ; si vouldriez bien adonc que on vous reconfortast (Chr. Piz., Trois vertus W.H., c.1405, 203)

Alors vint ung cardinal a qui il prist sy grant pitié qu'il le fist a lui venir ; et, le plus doulcement qu'il peust, fist tant qu'il le mist hors de desespoir et le resconfforta de lui faire son pardon. (La Sale, Salade, c.1442-1444, 106)

TERCIUS MARTIR. (...) Tresdoulce Vierge, tresoriere De tous biens et de toute grace, Plaise vous nous en ceste place Et autre part reconforter. (Myst. st Adr. P., c.1450-1485, 75)

Lors la reconforta au mieulz qu'elle peust, especialment que seroit tantost garie se elle estoit en son aer naturel (La Sale, J.S., 1456, 243)

Va-t-en, nous allons apres toy Pour reconforter Tallebot, Qui endure, comme je croy, En son cueur ung divers sanglot (Myst. siège Orléans H., c.1480-1500, 486)

...lors qu'il estoit au lit de mort quant il les veoit plourer pour luy, il les reconfortoit tant doulcement et tant humainement qu'il n'estoit cueur qui ne fondist en pleurs et en larmes ; et leur disoit telles ou semblables parolles : 'Mes amys, mes enfans, ne plorez point pour moy, car c'est le plaisir de Dieu que je meure ; et puis qu'il luy plaist, je prens la mort en pacience, et le remercye et gracye du bien qu'il me fait de le recongnoistre et de le querir a secours au dernier de mes jours...' (La Vigne, V.N., p.1495, 311)

Reconforter qqn de qqc.

...Onques de lui ne m'esloingnay, Mais devant lui m'ageloingnay, Et li requis en souspirant, A mains jointes et en plourant, Qu'il me vosist reconforter Dou mal que j'avoie a porter, Et que donner meilleur espoir, Me vosist, ou de desespoir Estoie près ou de morir (Mach., D. verg., a.1340, 26)

Si que, quant j'ay les amans pris Et dou mal amoureus espris, Je les doy souvent viseter Et de leurs maus reconforter, Sans plus faire de guerre don, Mais de joie et de guerredon, Quant bien et loiaument me servent : Faire le doy, s'il le desservent. (Mach., D. verg., a.1340, 33)

...Si que, comment qu'a meschief fusse Tel que de mort paour eüsse, Moult volentiers la resgardoie, Pour ce qu'en vëoir me sentoie Un petitet reconfortez De mes dures maleürtez. (Mach., R. Fort., c.1341, 55)

Dame, par vous me sens reconfortez De tous les griés que recevoir soloie, Par vous sui hors de toutes orphentez, Par vous ne puis riens sentir qui m'anoie (Mach., Bal., 1377, 545)

2.Reconforter qqc. Apaiser (moralement) qqc..

Et ainsi pour reconforter les esperilz, ilz ont grant mestier de delectacion. (Oresme, E.A.C., c.1370, 409)

Et ceuls cy qui samblablement Ont de mariage tourment Et servitute qui les grieve, Me vouldroient mettre en ce piege, Pour reconforter leur dolour D'avoir compaignon en leur plour (Desch., M.M., c.1385-1403, 26)

II. -Emploi pronominal.

A. -Se revigorer, reprendre des forces.

COQUUS INFERNI. Or nous reconfortons, Puis qu'il nous fault estre en misere, La viande tantost preste yere, Le feu est ja grant alumé (Pass. Semur D.M., c.1420 [1488], 11)

Se reconforter contre

Li cisnes contre sa mort Se reconforte en chantant. (Mach., Les lays, 1377, 439)

B. -Se consoler, se rasséréner, retrouver courage.

Mais cils qui fu de noble et gentil sorte Souventes fois li deprie et enorte Moult doucement qu'elle se reconforte ; Mais riens ne vaut, Car la dame que grief doleur assaut Pour son ami sent un si dur assaut Qu'en li vigour et aleinne deffaut. (Mach., J. R. Beh., c.1340, 65)

Sa force est qu'en chëant est forte ; En desconfort se reconforte (Mach., R. Fort., c.1341, 42)

Or pren cuer et te reconforte, Biaus dous amis, car je t'aporte La santé dont tu as desir ; Et vraiement, je la desir. (Mach., R. Fort., c.1341, 71)

Si qu'amis, se ton cuer li portes Et en s'amour te reconfortes, Saches qu'envers tous t'aidera, Confortera et portera. (Mach., C. ami, 1357, 24)

Pour ç'ay je perdu mon espoir, S'en vif en si grant desconfort Qu'en rien nulle ne me confort, N'eu monde n'a riens qui m'aporte Joie dont je me reconforte. (Mach., F. am., c.1361, 195)

...je ne vous porroie escrire le grant meschief que je en hai ; mais je me reconforte en ce que, se Dieu plaist, je vous reverray briefment. Et je vous pri tant come je puis et commande de tel pooir come je ai sur vous que vous veuilliés oster vostre cuer de tout plour et de tout anoi, se vous volés que le mien soit aise, et penre bon reconfort en vous (Mach., Voir, 1364, 416)

Les mescheans se reconfortent en avoir compaignons en leur misere. (Oresme, E.A.C., c.1370, 492)

Or te reconforte fort, Car le meschief que je port Qui ne sommeille ne dort Verras, sans doubtance, Muer en grant reconfort (Mach., Les lays, 1377, 447)

La dou tout m'apui, Là sont mi refui, À secours là fui, Là de tout me reconfort Et là me dedui, Car confors d'autrui Ne m'est fors anui Et cause de desconfort. (Mach., Les lays, 1377, 366)

Ami Dieu, je te fas savoir Que doulcement te reconfortes Et liement les paines portes C'on te fait (...), Que saches Dieu t'aydera A les porter (Mir. st Lor., 1380, 182)

Chamberiere, sanz demouree, Alons en sanz faire demour, Car savoir veul sanz nul sejour Comment Fïacre se deporte. En ly vëoir me reconforte - Je l'aing sanz faille. (Vie st Fiacre B.C.P., c.1380-1400, 24)

Et envoient priveement un messaige noncier aux barons de Lucembourc le noble secours que Dieux leur envoioit, dont ilz furent moult esjoys, et le dirent a leur damoiselle qui moult s'en reconforta, et en loue et gracie son Createur. (Arras, c.1392-1393, 152)

LA MARQUISE. Ceste euvre [ma répudiation] m'a esté celee, Amie, n'onc ne fu en lieu Qu'il m'en parlast ; maiz ou nom Dieu En soit fait ce qu'il lui plaira ! Mon cuer autre ire n'en avra ; Ains en suis ja resconfortee, Car, des qu'o lui vins, rapportee Me suis du tout sanz contredit A son vouloir et a son dit ; Ne ja mon cuer ne desdira Chose que sa bouche dira. Sienne suis ; face en son vouloir ! (Gris., 1395, 75)