DESESPERER

verbe

[T-L : desesperer ; GDC : desesperer ; AND : desesperer ; DECT : desesperer ; FEW (XII, 166b) : sperare ; TLF (VI, 1270b) : désespérer]

I. -Emploi intransitif ou pronominal.

A. -Perdre l'espoir, s'abandonner au désespoir.

Si vueil prouver Que c'est la riens qui plus me puet grever Et qui plus fait mon cuer desesperer Que souvenir. Vous savez, et est cler, Chascuns le voit, Que, se jamais il ne me souvenoit De ma dame qui me tient si destroit, Que ma doleur oubliée seroit. (Mach., J. R. Beh., c.1340, 95)

LA CHAMBERIERE. Dame, pour l'amour Dieu, vous proy, Gardez ne vous desesperez, Mais l'aide Dieu esperez (Mir. enf. ress., 1353, 34)

Car cilz qui telz dolours ressoit Ne se doit pas desesperer Pour Desir, ains doit esperer Que, comment que joie demeure, Encore venra la bonne heure Que [de] la tresdouce rousee De Mercy sera arrousee Sa tresgrant ardeur et estainte, Qui ha mainte couleur destainte. (Mach., Voir, 1364, 420)

Se j'ay heü peinne et mal meint, Encor me vient, par desirer, Une doleur qui me destreint, Si doleureuse à endurer Que morir ou desesperer Me fera, s'Amours ne l'estaint. (Mach., L. dames, 1377, 32)

On verroit maint amant desesperer De la doleur que mes las cuers endure, Et bonne Amour fuïr et eschuer, Einsi con gens qui n'ont de joie cure. (Mach., L. dames, 1377, 52)

...a po que ne desespoir Du dueil que j'ay et de la honte (Mir. march. juif, c.1377, 189)

Lequel Jehan Le Queu dist à lui qui parle que il feust et demourast avecques icelli Breton en ladite prison, et se prenist bien garde que icelli Breton ne se desesperast ne aussy se feist aucun mal. (Reg. crim. Chât., I, 1389-1392, 545)

...affin que tu nen abuses il te laisse cheoir en affliction, et puis affin que tu ne desesperes il reuient a toy et te donne reconfort. (Cib., p.1451, 189)

...car quant il voit que tu ne peulx de toy ne par toy releuer de pechie et affin que tu ne desesperes, il te promet indulgence et pardon se tu le demandes. (Cib., p.1451, 189)

Autresfois se ne te reputes En leur cry et (en) leur maulvaise mouves Desesperons pour peur de bruit. (Sots Magn., a.1488, 195)

Nul de vous ne se desespere ; Mes amys, prenez pascïence. (La Vigne, S.M., 1496, 570)

Se desesperer de qqn. Perdre tout espoir au sujet de qqn.

Mais il ne fuist gaires de temps Q'il n'avoit amis ne parentz, Cosin germain, uncle ne friere, Qe de li ne se dessepere. (Héraut Chandos, Vie Prince Noir T., c.1385, 96)

B. -En particulier. Sombrer dans le désespoir au point de se donner la mort, de se suicider, de mourir.

A po que ne me desespoir, Certes, pour vous, tant hé ma vie. (Mir. Theod., 1357, 90)

Semblablement, aucune foiz pour souffrir injuste .I. homme par accident est meü a faire .I. plus grant injuste, si comme soy desesperer et soy occirre. (Oresme, E.A.C., c.1370, 328)

Et comme une aultre, qui trouva sa maistresse qui se vouloit desesperer et occire elle meismes de honte qu'elle avoit de ce qu'elle estoit grosse sans estre mariee, - si la conforta et osta de ce mauvais vouloir (Chr. Piz., Trois vertus W.H., c.1405, 129)

Le duc (...) lui fist loyer le mougnon de son bras affin qu'elle ne desesperast (Wauquelin, Belle Hélène Const. C., c.1448-1452, 121)

...cellui qui bat sa femme fait autel pechié comme s'il se voloit soy mesmes desesperer : 'car selon ce que j'ay oy dire a no curé, ce n'est que un corps, d'homme et de femme acouplez par mariage'. (Ev. Quen. I, c.1466-1474, 83)

Et, longtemps après, voyant ledit abbé le pechié qu'il avoit fait, se desespera, se pendit et estrangla à ung tref qui estoit en la chambre où il estoit en prison, en disant ces parolles : 'Peccavi tradens sanguinem justum.' (Le Clerc, Interp. Roye, c.1502, 286)

Remarque : Hist. prem. destruct. Troie R., c.1470-1480, gloss.

Se desesperer d'une corde. Se pendre par désespoir.

A po que ne me desespoir Cy endroit certes d'une corde, Quant de mon pechié me recorde. (Mir. st J. Paulu, c.1372, 116)

II. -Emploi transitif. [D'une chose] Desesperer qqn. Faire perdre l'espoir à qqn, plonger qqn dans le désespoir.

N'onques Amour ne me vost enrichir Tant que j'eüsse un espoir de joïr, Ne je ne puis encor rien esperer Que tout ne soit pour moy desesperer. (Mach., Motés, 1377, 505)

Ceste adventure desespera fort ledit duc et luy sembla bien que tous ses amys l'abandonneroient, aux enseignes qu'il avoit veües de sa première perte de Granson (Comm., II, 1489-1491, 122)

III. -Participe passé en emploi adjectival ou substantival.

A. -Participe passé en emploi adjectival.

1.[D'une pers.] Qui a perdu tout espoir, toute espérance, qui est profondément désolé.

Nulz n'aloit de sa court maz ne desaperés Que selonc son estat ne fust remunerés (Gir. Ross. H., c.1334, 188)

Mais quant il a le don requis A celle a qui il est acquis, Certes, desesperez seroit, Si que jamais joie n'aroit, Se ces damoiselles n'estoient Qui par leur force le resjoient. (Mach., D. verg., a.1340, 40)

Et quant elle sot la nouvelle, Qui ne li fu plaisant ne belle, Elle fu si desesperée, Si hors dou sens, si forcenée, Que deus enfans qui sien estoient, Pour ce que Jason ressambloient, Occist en despit de Jason, Puis mist le feu en sa maison. (Mach., J. R. Nav., 1349, 233)

Ly roys me fiestia et fist honneur assés ; Je resamblay Judas, qui fu désespérés (God. Bouillon R.B., t.3, c.1356, 330)

'Et, sitos que nous orons nouvelles se vous estes mort et desconfi, nous bouterons le feu en la ville, et nous destruirons nous meïsmes, ensi que gens desesperés.' (Froiss., Chron. R., X, c.1375-1400, 219)

S'en chant de cuer desesperé : 'Ma dame m'a congié donné.' (Mach., L. dames, 1377, 112)

Car vraiement, dame, se je perdoie L'esperence de joie recouvrer, Par autre amer, desesperez seroie, Car foibles sui pour tels cops endurer (Mach., L. dames, 1377, 166)

Et lors elle, par temptacion de l'ennemi, et comme desesperée, entra en sa maison, ala à son feu, et illec print un gros charbon ardant (Reg. crim. Chât., II, 1389-1392, 63)

Si peult bien chacun esperer de grace plus qu'il n'en peult deservir, et craindre de punition plus que divine clemence ne lui en veult donner. Maiz la bonne esperance doibt estre si certaine que le doubteux ne soit desesperé. (Chart., L. Esp., c.1429-1430, 103)

...le peuple, voyant les tirannises cy aspres en ce royaulme, est comme desesperé et enragé (Juv. Urs., Loquar, 1440, 430)

...et laissa le roy beaucop gens ausdites places (et si n'en aura jamais tant à faire) et refusa l'aide des Florentins et offre dont j'ay parlé, et demourèrent comme gens desesperéz. (Comm., III, 1495-1498, 149)

Mourir desesperé

Dont il avient auques souvent Qu'il le presse si durement Que tous desesperez morroit, S'Espoirs ou Souvenirs n'estoit. (Mach., D. verg., a.1340, 37)

Desesperé de. Qui est dans le désespoir à cause de qqc. ou au sujet de qqc..

Je pleure moult tendrement Et soupir parfondement, Quant vous partés Et faire ne puis comment Vous die 'à Dieu vous commant'. Desesperez En sui et si forcenez, Quant si mal sui fortunez, Qu'à grief tourment M'ocira vo partement. (Mach., Ch. bal., 1377, 622)

Et je, qui suys en attente de ma mort et desesperé de ma vie, ne scey plus autre part recourir. (Chart., Q. inv., 1422, 24)

Ledit duc, desesperé de ceste mort et enhorté par aucuns dolens de ladicte mort, escripvit lettres à plusieurs villes à la charge du roy, à quoy prouffita peu, car riens ne s'en meüt. (Comm., I, 1489-1491, 227)

Desesperé de Dieu. Qui n'espère pas en Dieu, qui se détourne de Dieu.

Et sur ce il [Frédéric II] morust, comme desesperé de Dieu et annemy de sainte esglise, en l'an de Nostre Seigneur mil II^cLV, audit chastel de Florentin, en la province de Cappitenat, ens ledit royaume de Sicile, ou LVI^me an de sa nativité. (La Sale, Salade, c.1442-1444, 171)

2.Par métonymie.

a)[D'une chose] Qui exprime ou traduit un sentiment de désespoir.

Et se pensée Par souvenir est en moy engendrée, Quelle est elle ? Elle est desconfortée, Triste, mourne, lasse et desesperée. (Mach., J. R. Beh., c.1340, 97)

Se faire sçay chançon desesperée, Faire la doy ja par bonne occoison, Quant celle où j'ay mis toute ma pensée Et tout mon cuer me fait tel desraison Qu'elle me tolt mon confort sans raison (Mach., L. dames, 1377, 70)

Or ay pensée Desesperée, Qui me fait languir main et tart (Mach., Les lays, 1377, 286)

b)Qui est propre à créer le désespoir.

Recorde toy de Virgile, qui en sa tres delicieuse poesterie raconte les destourbiers et desesperez meschiefz ou ledit Ennee fut par sept ans degetté en sa fuicte ennuyeuse : la lecture de divine eloquence dudit Virgile te vauldra experiment. (Chart., L. Esp., c.1429-1430, 14)

Et tu sçays comme sy poy de gens chassez de leur païs, garnis de bonne esperance, et entre les cas desesperez endurans a tout souffrir, delivrerent leurs païs, restablirent lez loys, et redarguerent par puissance et par jugement lez renyez de leur loy, et les traistres et turbateurs du païz commun. (Chart., L. Esp., c.1429-1430, 135)

Sans espoir.

Ne te arreste point a defective esperance, ne aux suffrages dez biens mondains, qui ne pevent par toy estre retenus, ne toy par eulx soustenu. Je te acorde que tu en uses en telle maniere qu'ilz ne te abusent, et que tu t'en aides sans souffrir qu'ilz te nuysent ; mays ne fay pas ton esperance serve a choses desesperees, ains les fay servir a ton esperance. (Chart., L. Esp., c.1429-1430, 131)

Se sont amours desesperees (Lord. Tart Ab. L., a.1465, 168)

c)Qui n'inspire plus aucun espoir.

'Fay ce que je te dy, dist le chevalier, nous serons bien d'acord, et si laisse ce meschant desesperé clerc. Il n'y a riens de bien en luy, fors que paine pour toy ; et si me sers.' (Froiss., Chron. M., XII, c.1375-1400, 175)

B. -Participe passé en emploi substantival.

1.Celui/celle qui est désespéré.

[Didon] La desesperée, la fole, Qu'amours honnist, qu'amours afole... (Mach., J. R. Nav., 1349, 209)

Jason fu lors mené au palais a grant louange des dames et des damoiselles, des chevaliers et du pueple. Les vefves regretoient qu'il n'estoit plus tost venu, les non vefves s'esjoissoient de sa venue. Les desesperés et les desesperees recouvrerent corage nouvel. En Jason mirent leur esperance, en sa force se fierent (LEFÈVRE (R.), Hist. Jason P., c.1460, 145)

2.[Subst. neutre]

Au desesperé. D'une manière désespérée, avec l'énergie du désespoir.

Mais Poton et La Hyre qui virent que besoign estoit de bien faire, et avoient environ VIc combatans firent une saillie au desesperé (Gruel, Chron. Richemont L., c.1459-1466, 109)

Et, quant ceulx d'Escallon le virent venir, ilz tournerent en fuitte devers leur ville, et Gervaise les chace au desesperé. (Bueil, II, 1461-1466, 18)

Estre au desesperé. Être éperdu de désespoir, être porté à des actions extrêmes.

Meliadice voit que Cleriadus estoit engoisseux de couroux et comme au desespere, car bien le congnoissoit en toutes ses condicions, si eut paour que, s'elle le tenoit longuement en icellui estat, que il ne fist, par hastiveté, chose dont aprés elle en eust esté couroucee. (Cleriadus Z., c.1440-1444, 468)

IV. -infinitif substantivé. Désespoir.

Remarque : Erec C.T., c.1450-1500, gloss.

[Synon. de jouer au desespoir] Jouer au desesperer. Recourir aux moyens extrêmes, en désespoir de cause.

...puis qu'ainsi est (...) Que ne me sçay ou esperer, Jouer vueil au desesperer Conme dolens et courroucié. (Mir. march. juif, c.1377, 189)