CONDAMNER

verbe

[T-L : condamner ; GDC : condemner ; AND : condempner ; FEW (II-2, 1017a) : condemnare ; TLF (V, 1268b) : condamner]

A. -DROIT

1.Emploi transitif.

a)Condamner qqn. Déclarer qqn coupable par un jugement et le frapper d'une peine.

...vous savez qu'a tort Sui comdampnez. (Mir. st J. Cris., c.1344, 275)

Damoiselle, se tort avoie, Bien say que condempnez seroie Nom pas par vous ; car l'ordenance Ne doit pas de ceste sentence Estre couchie en vostre bouche, Pour ce que la chose vous touche ; Eins la doit pronuncier le juge... (Mach., J. R. Nav., 1349, 251)

Et la loy de Chypre s'acorde Qu'il soit pendus à une corde, Comme traïtres condampnés ; Ou mis aveques les dampnés, En prison ou en chartre obscure, Sans jamais veoir creature. (Mach., P. Alex., p.1369, 252)

Et doit penser le juge ou cas dessus mis que ce n'est il pas qui condempne l'innocent. (Oresme, E.A.C., c.1370, 316)

...ledit mons. le prevost demanda ausdiz presens conseilliers leurs advis et oppinions qu'il estoit bon de faire d'iceulx prisonniers en tant qu'il touche justice, et quele pugnicion estoit à faire d'iceulx, et aussi s'il y avoit assez procès fait et complect par quoy l'en les peust condempner et asseoir jugement sur eulx, et quel jugement. (Reg. crim. Chât., II, 1389-1392, 245)

Ainsi vis je petites gens Pris et liez par maint sergens, Et condampner (Chr. Piz., M.F., II, 1400-1403, 58)

Desquelles condempnacions, absolucions ou enquestes soyent fais procès, affin qu'en les puisse jugier, absoldre ou condempner, ainssy que le cas le requerra et esvidanment s'appartendra. (La Sale, Salade, c.1442-1444, 209)

Et en aucuns lieux se une partie est condempnee par le juge ecclesiastique, elle impeterra du juge temporel ung arrest de querelle de Novis dessaisinis , par quoy la sentence du juge ecclesiastique ne sera point executee, et de nouvel fauldra plaider devant le juge lay. (Juv. Urs., Verba, 1452, 383)

Helas, quel vice ! Mauldit pecheur, Suis fol et nice D'avoir ce Jhesus condempné (Pass. Auv., 1477, 276)

Prouver la culpabilité de qqn, faire condamner qqn.

Tout en telle maniere que les oncles du roy et les nouviaulx consaulx d'Angleterre, qui se tenoient à Londres et le plus à Westmoustier, se devisoient du roy et de son affaire et des besoingnes d'Angleterre, pour reformer à leur samblant et entente et en bon estat, visoient aussi et soubtillement nuit et jour le duc d'Irlande et son conseil comment ilz pourroient demourer en leur estat et condempner les oncles du roy (Froiss., Chron. M., XIV, c.1375-1400, 45)

[D'une chose]

Tant se monteplierent ces parolles et amises que messire Symon Burlé fut grandement aggrevé, et fut ordonné des oncles du roy et du conseil des citez et bonnes villes d'Angleterre, qui aveucques eulx estoiens ahers et conjoins, qu'il avoit desservi pugnicion de mort sus les articles de sa fin. Ce le condempna trop grandement, voire en la bouce du commun peuple, de l'archevesque de Cantorbie, que il donna un jour conseil que le fiertre de saint Thomas de Cantorbie fust levée de là et portée à sauveté ou chastel de Douvres, quant ilz attendoient le passaige du roy de France et des Franchois. Et disoient communement tous et touttes, quant on le vey ou dangier de prison, qu'il le vouloit embler et mettre hors d'Angleterre. (Froiss., Chron. M., XIV, c.1375-1400, 41)

[Contexte allég.]

Vieillesse me gouverne ainsy, Qui m'a condempné en ses cours. (CH. D'ORLÉANS, Rond. C., 1443-1460, 517)

b)Condamner qqn. à / en une peine

Hughe Aubriot (...) estoit par sentence condemnés en prison, que on dist l'Oubliette, pour pluiseurs grans mauvais faos que fais avoit. (Froiss., Chron. R., X, c.1375-1400, 153)

Mais que veult avoir la jurisdiction laye, quant pour le cas commis le clerc est condempné a chartre perpetuelle ou a temps, et a perdu ses biens meubles ? (Juv. Urs., Nescio, 1445, 500)

JUGE. Puisque la chose est approuvee A ta villayne mesprison Et qu'au vray la chose est trouvee, Je te condempne a la prison (La Vigne, S.M., 1496, 531)

LA FILLE. Par saint Jehan, je n'en feray rien, Se justice ne m'y condampne. (P. moyne, a.1500, 50)

Condamner qqn à mort

Li pueples qui la venus yere A eaus ajousta foy planiere, Car li jugë encïen furent, Pour ce li pueples les creürent, Et Susanne a mort condampnerent, Qu'autrement dou fait n'enquesterent. (Mach., C. ami, 1357, 10)

...Et comment sa mort pardonna Au faus Juif, qui li donna Eu costel dou fer de sa lance, Et aus autres qui, par sentence, Sans cause, à mort le condampnerent Et en crois le crucifierent. (Mach., P. Alex., p.1369, 241)

...il la condampna a mort (Mir. roy Thierry, c.1374, 259)

...par ledit mons. le prevost leur fu demandé leurs advis et oppinions qu'il estoit bon de faire dudit prisonnier, et s'il y avoit cause assez pour le condempner à mort, ou non (Reg. crim. Chât., II, 1389-1392, 408)

...le pere luy dist : 'Beau filz, tu yras a ceulz que tu cuides estre mes amis, et faindras que je suys en prison condampné a mort, se secours ne me font en ce derrien besoing'. (Gers., Concept., 1401, 415)

Ce jour, ung nommé Capeluche et deux autres (...) furent condempnez à mort et furent decapitez (Fauq., I, 1417-1420, 155)

Et y alons tous d'un accort Pour le ffere condempner a mort (Oudin, St Genis M.S., c.1490, 70)

Condamner qqn (à) + inf.

...la marquise de la Gaudine, qui par l'accusement de l'oncle de son mari (...) fu condampnée a ardoir ['à être brûlée'] (Mir. marq. Gaudine, 1350, 123)

Veu lequel procès et oppinion desdiz conseillers, ledit mons. le prevost condampna iceulx prisonniers à estre menez et tournez oudit pillory, par la maniere que dit est, et en la presence d'iceulx prisonniers. (Reg. crim. Chât., I, 1389-1392, 305)

Veu lequel procès et confessions, et ouyes lesdites oppinions, icellui mons. le prevost condemna ledit Jehannin Le Fournier à estre decapitez comme traîtres. (Reg. crim. Chât., II, 1389-1392, 6)

...et seront le pere et le filz condempnez a estre penduz. (Arras, c.1392-1393, 51)

...ilz furent condempnez par le jugement dudit prévost, c'est assavoir ledit Jehan Dubos à estre trainez et penduz (Ch. VI, D., t.1, 1402, 246)

...amené prisonnier ou Chastellet de nostredicte ville de Paris. Et pour ledit cas fu condempné à mourir (Ch. VI, D., t.1, 1415, 375)

...et en oultre la Court condempna ledit Drouart à faire amende audit maistre Guillaume Rose (Fauq., I, 1417-1420, 222)

Et Lucius Tucius fut condempné a aller nuz piez sans compaignie parmy l'ost... (Chart., Q. inv., 1422, 55)

...sitost que, le bailly me tiendra, il me condemnera a pendre ['à être pendu'] (C.n.n., c.1456-1467, 450)

...pour ceste grand faulte, je vous condemne a paier dix libres au promoteur (C.n.n., c.1456-1467, 531)

...ledit Casin Cholet, dont devant est parlé, pour le cas dessusdit d'avoir crié en courant par les rues de Paris : 'Boutez vous en vos maisons et fermez voz huis, car les Bourguignons sont dedens Paris !' et qui a cause de ce avoit depuis esté constitué prisonnier par sentence du prevost de Paris, fut condampné à estre batu par les carrefours de ladicte ville et privé de toutes offices royaulx, et à estre ung mois encores en prison au pain et à l'eaue (Roye, Chron. scand., I, 1460-1483, 82)

Et pour ce qu'estes desleaulx, Larrons et palhars dangeureux, Je vous condempne estre tous deux Pendus en croix au Mont Calvaire. (Pass. Auv., 1477, 174)

Condamner qqn. à la question

...dit fu qu'il y avoit cause assez pour savoir par sa bouche et par voie extraordinaire la verité desdites accusacions et aussi d'aucuns autres crimes et deliz par elle faiz et commiz, et ad ce fu condempnée par ledit mons. le prevost. (Reg. crim. Chât., II, 1389-1392, 427)

Condamner en (une amende) Infliger une amende à qqn.

...et en oultre la Court condempne ycellui Harlant envers ledit procureur du Roy en amende de vingt livres (Fauq., II, 1421-1430, 177)

...et les veult on condempner en amendes [ces officiers] . (Juv. Urs., Verba, 1452, 379)

...il fut condemné en certaine emende. (C.n.n., c.1456-1467, 530)

...pour raison de l'amende en quoy il a esté condempné envers nous ['à nous payer'] . (Lettres Louis XI, V., t.9, 1482, 164)

Condamner qqn es despens. Infliger à qqn les frais de procédure.

Et pour ce n'en soit pas delivres, Mais soit condampnés es despens, Car il a tort, si com je pens. (La Buigne, Rom. deduis B., 1359-1377, 285)

Et si condempne la Court lesdiz duc et complices es despens (Baye, II, 1411-1417, 77)

2.Emploi pronominal. Se considérer comme coupable, se déclarer coupable.

3.Participe passé en emploi substantival. Celui qui est déclaré coupable par un jugement.

Jugiez einsi hardiement Et le faites congnoissanment Au condempné bien amender ; Vous le pouez bien commander. (Mach., J. R. Nav., 1349, 257)

Condamné à mort

C'est assavoir que jusques a ores aux jugemens de ta magnificence royalle, les condempnez a mort seculiers rigoreusement sont privez du saint sacrement de penitence, c'est assavoir du saint sacrement de confession. (Mézières, Songe vieil pèl. C., t.2, c.1386-1389, 281)

Et toutesfois aux pauvres condempnez a mort ne fu oncques restraint le sacrement salutaire de confession. (Mézières, Songe vieil pèl. C., t.2, c.1386-1389, 283)

B. -RELIGION

1.Emploi transitif. [De Dieu] Damner.

Ne me condempne, Sire, car tu m'as creé par ta bonté, ne perisse ta euvre par mes iniquités. (Gast. Phébus, Livre oraisons T., c.1380-1383, 54)

...ne attens pas la sentence de Justice aprés la mort, car sans remede tu seroyes perdue et rigoreusement condampnee. (Gers., Purif., 1396-1397, 67)

Condamner qqn en la profondeur d'enfer. Damner, condamner aux peines de l'enfer.

Et la habitent les anemis de Dieu, qui par leur orgueil furent condempnez en la proffondeur d'enffer (La Sale, Salade, c.1442-1444, 139)

Condamner une action ou une attitude coupable

Lors sera condempné en moy tout ce qui sera trouvé par euvre ou de parole occieuse et de silence jusques la plus petite cogitation, et encore ce que je aray vescu, doulz Dieu, se a ta volenté ne l'ay adrecié. (Gast. Phébus, Livre oraisons T., c.1380-1383, 54)

[Du diable]

Ne souffrez qu'anemi condampne L'ame de moy (Mir. femme roy Port., c.1342, 189)

2.Emploi pronominal.

a)Se juger digne des peines de l'enfer.

Et, quant je recorde, doulz Dieu, plourant et jemant en condempnant moy meïsmes, je lute a ma char et a mon couraige, que de cuer ne de langue ne de euvre je ne te courrousse (Gast. Phébus, Livre oraisons T., c.1380-1383, 51)

QUART. (...) Hellas, trop me suis delicté A faire des maulx essecrables, Dont, apprés, ma charnalité S'en yra a tous les grans deables ! O jambes et bras miserables, O appetis desordonnez, A tourmens trop innumerables, En enffer vous serez dampnez ! SAINCT MARTIN. Mon amy, ne vous condempnez ; Dieu est plain de misericorde. (La Vigne, S.M., 1496, 283)

b)S'exposer à la damnation.

Vous et autres qui ainsi jurent Et se condempnent et maudïent... (Chart., B. Dame, 1424, 343)

3.Participe passé en emploi substantival. Celui qui est damné.

Et exceptes les condampnes [l. condampnés] Qui en enfer sont deputes [l. deputés] (Guill. Digull., Pèler. âme S., c.1355-1358, 86)

C. -Par extension.

1.Emploi transitif.

a)Condamner qqn. Blâmer qqn, le désapprouver.

La sote presumpcion de leur cuer est bien rabatue, et veons clerement que nous ne devons nulluy pour ceste vie ou tost louer ou tost condampner, car nous ne savons que nous est advenir : Qui cuide estre ferme, garde qu'il ne trebuche (Gers., P. Paul, a.1394, 489)

b)Condamner qqn. à qqc.

Mener qqn de façon inéluctable à qqc. de pénible.

Je dis devant le roy (...) Que le sien filz morut par vostre empoisonner, Et Ciperis cuidant a la mort condempner. (Cip. Vignevaux W., p.1400, 115)

Emploi absolu.

Monstre toy cruel a tes ennemis affin que ilz ne te condempnent et a tes amys soyes joyeux et plaisant pour mieulx avoir leurs benivolences (Macho, Esope R., c.1480, 61)

Contraindre qqn à qqc. de pénible.

Condamner un animal dehors. Mettre un animal dehors.

La levriere se cuida rendre, quand il fut heure, en la chambre de sa maistresse (...) mais celle qui l'avoit condemnée dehors la fist retraire en la chambre au plus près. (C.n.n., c.1456-1467, 193)

c)Condamner qqn. de qqc. Priver qqn de qqc. de favorable.

...de toute chevalerie armee privez, deboutez, fortrais et condempnez de tout honneur. (Un traité d'héraldique inédit, éd. L. Houwen, M. Gosman, c.1435-1449. In : Romania 112, 1991, 497)

d)Condamner qqn. + attr. de l'obj. Juger, réprouver qqn comme + attr. de l'obj..

...car se vous voulez demourer avec moy, cy n'estes vous point a moy, mais vous condampne estrangez de moy (Crap., Cur Deus, De arrha B.H., c.1450-1460, 288)

La beneuree Vierge Marie fut espousee a Joseph pour pluseurs causes. (...) Quintement qu'elle ne fust condempnee comme femme incontinente. Elle estoit de la lignie sacerdotale, et teles estoient arses et bruslees. (Sacr. mar., c.1477-1481, 48)

2.Emploi pronominal.

a)S'exposer au blâme.

Apréz surviennent les embrasemens dez vices aux fenmes lors que elles quierent diversez couleurs pour paindre leurs viairez, quant elles doubtent desplaire a leurs maris ; et par le adultere du viaire pensent a l'adultere de chasteté. Quel forsenerie est che de muer la forme de nature et querir painture ! Et lors qu'elles ont honte du jugement de leurs maris, premiers se condampnent, car elles moustrent qu'elles se veullent muer et faire autres que nature n'a voulu ordonner. (Daudin, De la erudition H., c.1360-1380, 412)

b)Se condamner à / en qqc. S'obliger à qqc. de pénible.

... faire cest edit devons, Que il est digne de requeil, Ne contredire ne le veil, L'oppinion de dame Jehanne, Ne en moy n'est milleur conseil Que d'icelle ; je m'y condampne. (Myst. siège Orléans Ha., c.1480-1500, 681)

Et ainsi le roy se condampna en ceste admende, congnoissant qu'il avoit trop parlé. (Comm., II, 1489-1491, 72)

D. -Par analogie. Condamner qqc.

1.Considérer qqc. comme mauvais et le rejeter comme tel.

...et là venez et apportez vostres requestes, nous les remonstrerons à nostre conseil. Et que bon sera nous l'accepterons, et ce qui à refuser sera nous le condempnerons ; mais ne pensez point que nous nous doions rieuler par nostre peuple. (Froiss., Chron. M., XIV, c.1375-1400, 29)

Item, quant nous avons respondu aus raysons des oppinions contraires, il ne semblera pas que nous condempnons ces oppinions de voulenté et sanz cause, quar il convient que ceulz qui enquierent la verité jugent souffisanment et non pas comme anemis et adversaires des oppinions contraires. (Oresme, C.M., c.1377, 178)

Car par art qui est condempnée Et par tous les sains reprouvée On veult guerir maladie fort, Soit ce par droit ou soit a tort, Oultre tout l'art de medecine (Bouvet, Appar. Meun A., 1398, 11)

...l'exemple du stille maintenant et la faculté de l'ouvrier condempnent bien l'euvre apprés sy noble bouce. (Chastell., Temple Boc. B., 1463-1464, 197)

Par ce est condempné le proverbe des folz qui dient : «Plus de prouffit et moins de honneur», lequel ne vint onques ne proceda fors de deshoneste et tres vilain courage. (Fillastre, Traité Conseil H., c.1472-1473, 234)

[Un ouvrage de l'esprit, une chanson...] Déclarer (un livre) mauvais ou erroné, l'interdire, le censurer.

Et pour ce le pappe condempna tous ses escripz [d'Abélard] . (Renart contref. R.L., t.1, 1328-1342, 284)

Mais l'Eglise les entendi Qui le batre leur deffendi, Et si condempna leur chanson Que chantoient li enfançon, Et tous les escommenia Dou pooir que Dieus donné li a, Pour itant que leur baterie Et leurs chans estoit herisie. (Mach., J. R. Nav., 1349, 146)

...ce qui est dit donques pourroit assez souffire pour condempner ledit livre et l'excomminier (Gers., Traité R. Rose, 1402. In : Chrestom. R., 50)

Cestui cuida fere condempner à Paris le livre maistre Jehan de Meung, mais il trouva tant de oppinions contraire à la sienne, qu'il demoura confuz et ahonti, ainsi que nostre calumpniateur. (Simon De Phares, Astrol., c.1494-1498, f° 152 v°)

...lequel se monstra devant le roy et plusieurs grans clercs pur et net astrologien et lui presenta ung livre intitullé Vade mecum, lequel il avoit composé de nouvel, que ces ignorans ont condempné, pour ce qu'il passe les limites de leur engin (Simon De Phares, Astrol., c.1494-1498, f° 157 r°)

Rejeter comme faux.

...leur loy [la religion des Turcs et des Tartares] est plus foible et plus legiere à destruire et à condempner. (Froiss., Chron. M., XII, c.1375-1400, 211)

[D'un fait] Faire considérer qqc. comme faux.

Les violettes, mestres chiers, Ont encor vertu et mystere Qui conforte moult ma matere Et condempne toutes vos gloses (Froiss., Dits Débats F., 1363-1393, 199)

[Un procès] Rejeter comme injustifié.

...le proces est condampné au prouffit du pere et mere dudit Pierre (Mir. ste Cath. Fierbois C., 1470-1483, 127)

2.Considérer qqc. comme mauvais ou inutile et comme tel le rendre hors d'usage, l'interdire ou le détruire.

...et le drap est condempné par la quelque juridiction où il soit pris, l'en le délivre aux maistres du mestier pour ardoir, et tous les maistres le font ardoir et toutes les choses qui y ont touchié. (Chartes communes Bourg. G., t.1, 1371, 412)

...mais encore ne vaut il mies le pont condempner de tous poins (Froiss., Chron. R., X, c.1375-1400, 291)

Ce seroit bon que le maison des Freres fust abatue, car, par celle maison qui nous joint à nostre porte, porrions estre tout perdus, et aultrefoiz en a-on parlé et si l'on voulut condempner à abattre. Et les aultres disoient que non et que ce seroit pité et dommaige se une telle maison et si belle estoit perdue ne abatue (Froiss., Chron. M., XIV, c.1375-1400, 221)

Si me tenoye pour abandonné, et pensoye que l'abitation de cestui nostre royaulme te fust de tous pointz interdicte de Dieu, comme terre condamnee et mauldite, jusquez a ce que Foy, qui eslieve l'esprit en la contemplation du povoir misericordieux de lassus, t'a cy amenee. (Chart., L. Esp., c.1429-1430, 90)

...a Colin Amiot pour avoir (...) fait la voussure de l'uys devers les fours et restouppé l'uys d'une vix condempnée et avoir desassis la bordure de pierre de taille de la cheminée d'icelle salle (Comptes Archev. Rouen J., 1437, 150)

...et en est tout ainsi comme si en une clere fontaine vient boire quelque serpent ou beste venimeuse, il ne s'ensuit pas que la source d'icelle en soit infecte, ne par ce ladicte fontaine en doive estre adnichillée et condempnée, ne ceulx qui puis après boivent d'icelle. (Simon De Phares, Astrol., c.1494-1498, f° 2 r°)

Condamner une porte. Faire en sorte que la porte ne permette plus le passage.

Item, les deux portes par lesquelles ilz se partirrent de ladicte ville de Gand, le joeudi aprez Pasques, quant ilz allèrent mettre le siége devant la ville d'Audenarde, seroient à tousjours fermées et condempnéez, sans les ouvrir, les jours de joeudy (Doc. 1452. In : ESCOUCHY, Chron. B., t.2, a.1465, 24)

...ceux aussy de Saint-Quentin condampnèrent et cloyrent toutes leurs portes (Chastell., Chron. K., t.5, c.1456-1471, 414)

3.Condamner qqc. à qqn. Attribuer qqc. définitivement à qqn (ce qui revient à en priver d'autres).

LE MAIRE. (...) Je luy ay ma voix condempnee Plustost qu'a homme de ce monde. PREMIER ESCHEVIN. A luy je m'areste et me fonde, A luy ma voix du tout s'ordonne (La Vigne, S.M., 1496, 400)