COMMENCEMENT

substantif masculin

[T-L : comencement ; GDC : commencement ; AND : comencement ; FEW (II-2, 943b) : cominitiare ; TLF (V, 1110b) : commencement]

A. -[Dans le temps] Commencement (de qqc.)

1.Début de qqc. (d'un intervalle temporel, d'une action, d'un état...).

a)Commencement de qqc.

...ou commencement de la saison... (Froiss., Chron. M., XIV, c.1375-1400, 91)

...au commencement du voyage par lui fait ou service du conte d'Ermignac pour aler ou pays d'Arragon (Reg. crim. Chât., II, 1389-1392, 212)

Et pour ce, au commencement de ceste hystoire, je, cognoicent que je ne soye pas digne de lui requerir, supplie a sa haulte dignité que ceste histoire je puise achever a sa gloire et louenges (Arras, c.1392-1393, 1)

Ce jour, ledit de Champluisant, president, a prononcié les arrestz, et ont esté leues les ordonnances de la fin de ce Parlement et du commencement du Parlement prochain. (Fauq., II, 1421-1430, 212)

...comme les enfants naiscent et croiscent en hommes parfaiz et puis declinent a viellesce et a mort, ainsi ont seigneuries leur commencement, leur accroissement et leur declin (Chart., Q. inv., 1422, 3)

Et, nonobstant ladicte tresve et au commencement d'icelle, lesdiz Bourguignons firent de grans oultrages et dommages aux pays et subgetz du roy estans à l'entour desdiz Bourguignons (Roye, Chron. scand., I, 1460-1483, 314)

Cestui Hugues prenostica qu'il y auroit neutralité ou concille de Balle, dont l'effect monstra assez tost l'experience et dist raison, c'est assavoir pour ce qu'il fut principié ou signe de l'Escorpion, dont le comancement et chef a beau semblant et la fin laide et de malle yssue. (Simon De Phares, Astrol., c.1494-1498, f° 154 r°)

Je cuyde et croy, veu son commancement, Que de la fin nous aurons bon raport. (La Vigne, S.M., 1496, 175)

Vela commencement de bataille. (P. moyne, a.1500, 46)

...et, au commancement des divisions qui ont esté en icelluy nostre royaulme, ledit Nemours... (Le Clerc, Interp. Roye, c.1502, 242)

Au pluriel.

Dame, dist Remondin, j'ay trouvé si bonne verité es commencemens de voz paroles que vous ne me saurez chose commander que nulz corps humains puisse raisonnablement emprendre, que je n'emprengne a vostre plesir. (Arras, c.1392-1393, 30)

[D'un fruit, d'un légume...] Début de la récolte.

Poires a leur commencement, scilicet en octobre et novembre, et qu'elles sont de nouvel queillies, sont dures et fortes, et lors les doit l'en cuire en l'eaue (Ménagier Paris B.F., c.1392-1394, 280)

[D'une maladie] Début de l'évolution, déclenchement.

...commencement de la maladie : le point que le malade entre en la maladie, les III premiers jours de la maladie, tout le temps qui est entre le point que le pacient entra en la maladie jusques a l'autre temps qui est apelé acroissement (Saint-gille, Comment. A.Y. L., 1362-1365, 244)

L'autre maniere de rage a tiex signes en son commencement comme la rage dessus dicte, fors que ne mort hommes ne bestes fors que les chienz. (Gast. Phébus, Livre chasse T., 1387-1389, 114)

Item fievres ont quatre temps sicomme ont les aultres maladies, c'est assavoir commencement, accroissement, estat et declinacion (Gordon, Prat., c.1450-1500, I, 1)

Avoir un commencement de qqc. Présenter les débuts de qqc..

Qui a en soy conmencement de purté parvenir peut a acomplissement de bonté. (Mir. prev., 1352, 230)

Haa, ce dist il, Gieffroy, or avoies tu le plus bel commencement de prouesse et de bachelerie pour venir ou degré de haulte honneur, que filz de prince qui feust vivans. (Arras, c.1392-1393, 253)

b)Emploi absolu. Début.

Mais il n'y ot cellui qui fort ne pensast aux merveilles et aux richesses que ilz avoient veues aux nopces, et aux trancheiz des fallisses, et au ruisseau qui soubdainement s'estoit comparus et fait ou dit lieu. Et disoient bien tout de commun que d'autres plus grans merveilles vendroient et apparroient de cest commencement. (Arras, c.1392-1393, 45)

Par foy, dist Gieffroy, le peril en est passez ; et, beaulx seigneurs, sachiez que qui jamais rien n'encommenceroit, jamais ne seroit nulle chose achevee. Il fault avoir a la chose commencement et moyen ains que la fin. (Arras, c.1392-1393, 247)

Au commencement. Au début.

Si fis un lay dou sentement Que j'avoie au commancement, Et fu devant vous aportez... (Mach., R. Fort., c.1341, 132)

Bien moustra au commancement Un po d'amiable samblant... (Mach., D. Aler., a.1349, 378)

Item une autre chose est a confesser et la doit l'en presupposer, c'est assavoir que des choses faites par homme et des operacions humaines l'en en doit determiner et parler grossement et en figures ou example et vraysemblablement et n'en puet l'en dire la certainneté parfectement, si comme nous avons dit au commencement. (Oresme, E.A., c.1370, 149)

Tout au commancement je regarde que nostre Dieu est une chose immuable et pardurable et qui ne puet avoir fin ne commencement. (Gers., Trin., 1402, 158)

Il fault et est expédient Secourir au cuer patient Par saignier, ou commencement, D'un braz ou deux moult largement (La Haye, P. peste, 1426, 119)

Et, au commencement, lesdiz de Dynam firent de grans maulx et dommage ausdiz Bourguignons, et y en demoura plusieurs mors, qui gueres ne furent plains. (Roye, Chron. scand., I, 1460-1483, 164)

À ce commencement. À ces débuts.

.I. tel cop li donna, a che commenchement, Le chervele li froisse (Bât. Bouillon C., c.1350, 207)

Or sus ; a ce conmencement Faites nous aler tout le pas, Seigneurs (Mir. st Alexis, 1382, 303)

...et fu Remond vestu, et laissa les draps du siecle, et prist ceulx de l'ermitaige, dont il estoit venu bien garniz de V. ou VJ. paire. Lors fut le service dit, et offry Remond a ce commencement de moult riches joyaulx d'or a riches pierres. Et après le service alerent disner, et fist Remond porter a ses freres de la pictance, et leur fist faire assavoir sa venue (Arras, c.1392-1393, 273)

De / du commencement. Au début, tout d'abord.

Dont s'aresterent li François tout quoi, et s'esmervillierent quels gens ce pooient estre, qui la se tenoient ; et quidierent de conmencement que ce fuissent chil de Camperle qui les venissent combatre (Froiss., Chron. D., p.1400, 540)

Parquoy [les Français] furent fort recullez du conmencement (Chart. J., Chron. Ch. VII, V., t.2, c.1437-1464, 40)

...du commencement elle a fait merveilles de servir. Mais en effect, voiant que sa maistresse se fioit fort en elle... (MART. D'AUV., Arrêts Am. R., c.1460-1466, 82-83)

Du commencement jusques au bout/ en la fin...

Et elle tout entierement Li a descouvert ma demande Et moult li prie qu'il entende, Par quoy il me puist dire tout Dou commencement jusqu'au bout Ce que demandé li avoie. (Mach., D. Lyon, 1342, 188)

Et pour lors estoit venus Remonnet, son frere, pour informer Gieffroy du courroux que son pere avoit sur lui, et lui dist toute la maniere et la guise, du commencement jusques en la fin, comment leur mere estoit partie, et toute l'adventure, et comment elle avoit dit, au partir, qu'elle estoit fille au roy Elinas d'Albanie. (Arras, c.1392-1393, 268)

Et encores en celle histore presente, se vous le lissiés ou oés lire de conmencement jusques en conclusion, vous i verés... (Froiss., Chron. D., p.1400, 37)

Dès le (premier) commencement. Dès le tout début.

Elle ordena son parlement Dès le premier commancement, Qu'elle m'avoit envoié querre, Et puis secondement requerre... (Mach., J. R. Nav., 1349, 186)

Et, s'il fust sailly aux champs dès le commencement au devant du roy de France, il avoit bien puissance de lui donner la bataille (Bueil, II, 1461-1466, 148)

Premier commencement (ici d'une liaison amoureuse)

THEODORE. Ore il m'est avis, chier ami, Qu'a ce premier conmencement Nous avons assez longuement Ensemble esté. L'AMANT. Dame, vous dites verité. Par vostre congié m'en iray. Une autre foiz, vous reverray Plus a loisir. (Mir. Theod., 1357, 77)

Avoir commencement. Avoir un début.

Et donques avoir commencement et avoir fin s'ensuient l'un a l'autre convertiblement, c'est a dire que toute chose qui a commencement a fin et toute chose qui a fin a eu commencement. (Oresme, C.M., c.1377, 228)

Celles qui ont commencement et fin sont dittes temporeles, comme sont les choses corruptibles, qui se corrompent, comme arbres, plantes, qui croissent, et les bestes et les choses sensibles, et ainsi des aultres pareilles. (Somme abr., c.1477-1481, 142)

Sans commencement

Et la puissance remote ou lointene est sanz commancement et sanz fin et est la matiere premiere, et l'en ne puet dire que une chose commence par accident qui touzjours durera, ou que ce cesse par accident et a l'aventure qui touzjours a duré. (Oresme, C.M., c.1377, 238)

[À propos de Dieu, qui est hors du temps]

Ou nom de Dieu premiérement, Qui n'a fin ne commencement (Mir. st Alexis, 1382, 364)

Quartement s'ensuit que Dieu est sans commencement et sans fin en eternité, tout parfait en essence, en vie, en congnoissance, en bonté et en puissance (Gers., Trin., 1402, 160)

Pour tant notez que ce qui n'a commencement ne fin est eternel comme Dieu, car son estre est increé sans estre fait ou creé et interminé sans terme de commencement et de fin. (Somme abr., c.1477-1481, 142)

(Avoir) bon / beau / mauvais commencement. (Avoir des) débuts prometteurs / (de) mauvais débuts.

Euvre qui n'est bien commenciee Vient a enviz a fin prisiee ; Et s'el a bon commencement C'est signe que l'achevement En doit estre bon par nature (Tomb. Chartr. W., c.1337-1339, 31)

Or gardés se cilz dons a biau commencement ! (Brun de la Mont. M., c.1350-1400, 55)

Et ont dit un parler li sages proprement, Que bien doit avenir par bon conmencement. (Cuvelier, Chans. Guescl. F., c.1380-1385, 229)

Et voient tout contreval les estres, grant foison de cuisines fumoier, et au dessus de la fontaine, la chappelle, belle et gracieuse et bien ordonnee, que oncques mais n'y avoient veue. Si s'en vont moult esmerveillant et dient entre eulx : Je ne scay qu'il advendra du surplus, mais veez la beau commencement et grant apparance de grans noblesces et de grant honneur. Dieux doint que la fin en soit bonne ! (Arras, c.1392-1393, 38)

Et quant (...) le mary et la femme s'en taisent, et dissimulent l'un contre l'autre, c'est mauvaiz commencement, et s'ensuit pire fin (Ménagier Paris B.F., c.1392-1394, 104)

...se il y a eü bon commenchement, il y ara encoires meilleur fin, au Dieu plaisir (Veng. Nostre-Seign. F., t.2, c.1400-1475, 187)

...la chose est de grant recommendacion quant elle a bon conmencement (Percef. III, R., t.3, c.1450 [c.1340], 208)

Veés cy tresbon commensement. (Pass. Auv., 1477, 196)

La chose est tres bien commancee, Et avons bon commancement ; Mais, messeigneurs, s'i vous agree, Je conseilleroie bonnement Qu'on se repose plainement Jusques a demain le matin (Myst. siège Orléans H., c.1480-1500, 116)

[D'une pers. (souvent proverbial)]

Mais qui commence temprement Et il a bon commancement, Mais qu'il ne rompe le loien, Il doit venir a bon moien. (Mach., D. Aler., a.1349, 241)

Diex me doinst boin le fin, j'ai boin commenchement (Baud. Sebourc B., t.1, c.1350, 18)

Et vous avés biau et grant conmencement pour vous, car ja avés vous si sousmis les Escoçois que il ne se poront aidier ne relever en grant temps (Froiss., Chron. D., p.1400, 265)

Il est recité communement que, qui a bon commencement, il peut bien dire qu'il a une grande partie de son oeuvre (Bueil, I, 1461-1466, 93)

Par plus forte raison, cellui qui a bon commencement et bon moyen peut legièrement parvenir à la fin et perfection de la chose où il tent (Bueil, II, 1461-1466, 187)

Avoir grant commencement de + inf. Commencer dans les meilleures conditions à + inf..

Vous avés mise et cavance assés, et peuple de bonne volenté, qui desirent les armes, et qui point ne voellent estre wiseus. Si avés tres grant conmencement de requerir et calengier ce qui est vostre. (Froiss., Chron. D., p.1400, 229)

Ci a beau commencement de + inf. C'est un beau début pour + inf..

Or dist l'ystoire que Regnault et Anthoine vindrent a leur pere et a leur mere et leur acointtierent ceste querele, et comment ilz les voulzissent aidier a faire ceste emprise. Par foy, dame, dist Remond, c'est raison ; cy a bel commencement d'armes faire. Et je vous pry, dame, que vous leur faciez leur arroy tel et si honnourable que nous y aions prouffit et honneur. (Arras, c.1392-1393, 151)

Avoir encore commencement + inf. Être amené à recommencer à.

Item, ceste doubte ne resgarde pas seulement la terre, mais tous les corps du monde aussi comme se nous eussons encore commencement a determiner se les corps ont mouvement naturel ou non, et se il ont mouvement violent. (Oresme, C.M., c.1377, 544)

Faire commencement de + inf. Commencer à + inf..

...et là fu li chevaliers ochis pour tant que il avoit fait commenchement et samblant de lui deffendre. (Froiss., Chron. R., XI, c.1375-1400, 206)

...presentement Qu'avocas font commencement De plaidier les faiz de la loy... (CH. D'ORLÉANS, Ball. C., c.1415-1457, 185)

2.Ce qui est au début, origine de qqc. ; origine, source, principe.

a)Commencement de qqc. Ce qui est au début, origine de qqc..

[Le cerveau] est commencement et naissance de tout sentement (Saint-gille, Comment. A.Y. L., 1362-1365, 244)

...toutes choses se demeinent et aviennent selon leur commencemens. (Foul., Policrat. B., I, 1372, 129)

Encore, selon les drois de Nature qui ont leur commencement en la divine providence et l'instrument de leur ouvraige ou mouvement, en la lumiere et en l' influence des corps celestielz... (Chart., Q. inv., 1422, 2)

Homme en son commencement fut fait de terre, et son nourrissement est de terre, et retournera en terre en son corporel deffinement. (Nouvelles inéd. L., p.1452, 124)

...orgueil est commencement de tirannye (Bueil, I, 1461-1466, 119)

[À propos de Dieu] Principe, origine, source de.

...Dieu, qui est le prince, commencement et chief de chevalerie (Bueil, II, 1461-1466, 70)

Ceste chose est vraiement une en laquelle est nul nombre. Dieu est ung, ung n'est pas nombre, mais commencement de nombre. (Somme abr., c.1477-1481, 103)

Sans vostre aide tous [vivants] seroient mors, Et au chaos antique retourneroient, Commencement a febles et a fors De vie estes, sans vous riens ne pourroient. (Cene dieux, c.1492, 114)

Le commencement du ciel / du monde. La création du ciel / du monde.

...la riviere de Derne (...) ne fait pas à passer legierement, car elle parfonde et de haultes rives et de grant fuison de roches rompues et nées très le commencement du monde (Froiss., Chron. M., XIV, c.1375-1400, 88)

Item, Plato appelloit siecle la duracion qui estoit avant que le commencement du monde et du temps (Oresme, C.M., c.1377, 266)

Vrays Dieux, comment sont les merveilles que tu as laissiees ca jus en la vertu de ta chamberiere nature, merveilleuses et diverses en leur expedicion, se tu n'y espandoies ta grace divine, et especialment de ceste merveilleuse aventure que je voy ou cours des estoilles que tu as lassus assises dès le commencement du ciel, par haulte science d'astronomie dont tu m'as presté une des branches (Arras, c.1392-1393, 19)

Ci commence la table des rebriches (...) Qui parle (...) du commencement du monde (Chr. Piz., M.F., II, 1400-1403, 97)

Tel an du commencement du monde. Tel an à partir de l'origine du monde.

...et de ceulx qui partirent de Troye furent peuplées plusieurs regions, comme apperra au descours de ce livre et au derrier volume, car Troye fut fondée IIImIIcXLVIII ans du commancement du monde, comme recite Eripus, ung grand calculleur, en Athenes (Simon De Phares, Astrol., c.1494-1498, f° 16 r°)

Début de la fabrication de qqc..

...plusieurs pièces d'argent blanc, pour le commencement d'une châsse qui ne fut oncques assouye (Invent. mobilier Ch. V, L., 1379-1391, 210)

b)Emploi absolu. Origine, source, principe.

Car en chascune science les principes donnent grant aide a savoir les choses qui ensuivent et semble que le commencement ou principe soit plus de la moitié de toute la besoingne. (Oresme, E.A., c.1370, 124)

[À propos de Dieu] Source de toute chose, cause première.

Mais ceste [loy] a congnoissance maine Du premerain conmencement, C'est Dieu de lassus, et (...) Conment sanz estre meu meut Toutes choses ainsi qu'il veult (Mir. st Val., c.1367, 148)

Je respons, sire, qu'il convient Qu'il ait esté premiérement Un principe ou conmencement, Par qui toutes choses creées Sont et en leur estre ordenées (Mir. st Val., c.1367, 152)

Et est a noter que la preposition 'ex' disant de Dieu sont toutes choses, dist et signifie estre de nul aultre et qu'il a auctorite, et ce compete au Pere, qui est commencement sans principe. (Somme abr., c.1477-1481, 124)

Prendre commencement de qqc. Prendre naissance de qqc..

Toute multitude et compaignie, comme dist Saint Denis, se commence de unité et prend commencement de ce qui est ung. (...) Item comme dist Boece : toute chose imparfaitte prend commencement de aucune chose simplement parfaite (Somme abr., c.1477-1481, 106)

B. -[Dans l'espace] Commencement (de qqc.)

1.Partie initiale d'un espace.

...elle [la royne de Sabba] s'esmut a venir du conmencement du monde [le royaume de Saba] jusques en Jherusalem. (Mir. st J. Cris., c.1344, 253)

...et en plusieurs lieux, villes et chasteaulx corruerent et aussi aucunes montaignes, comme vers le comancement du Rosne et marches d'Allemaigne, ainsi que l'avoit prenostiqué icelui maistre Ambroise (Simon De Phares, Astrol., c.1494-1498, f° 106 r°)

Limite initiale d'un lieu, entrée.

Li entree fu noble, tout au commencement : La porte fu d'ivoire, taillie noblement. (Bât. Bouillon C., c.1350, 122)

La haulteur du commencement de la dicte crote (...) est de la haulteur plus que ung homme d'armes a cheval (La Vigne, V.N., p.1495, 264)

Prendre son commencement qq. part

Une partie de la Gaule dont les habitans sont nommés Celtes (...) prent son commencement au fleuve du Rosne, et est comprise jusques au fleuve de Garonne (Gaguin, Comment. César, 1485. In : Chrestom. R., 250)

2.Ce qui se trouve en tête de qqc..

En prennent ['en prenant'] le commencement Des quinze vers, si com moi semble, Et puis les adjoustés ensemble Vous trouverés sans contredit Celui qui a fet tout ce dit. (Arnaud, Prière Vierge O., II, c.1350-1400, 151)

Partie d'un ouvrage qui est en tête.

Et la est le commencement de la merveilleuse tour de Babel, qui a IIIJ^M pas de large (La Sale, J.S., 1456, 213)

En particulier. [Dans un texte, un chapitre...] Ce qui est en tête.

Car raisons est que je vous nomme Le nom de si vaillant preudomme ; Et pour ce le vous nommeray, Qu'assez plus à aise en rimeray. Et se je l'ay mis autrement Et le mien, au commancement De ce livre, par tel maniere : 'Adieu, ma vraie dame chiere, Pour le milleur temps garde chier, Honneur à vous qu'aim sans trichier !' (Mach., P. Alex., p.1369, 43)

Et pour ce fu il dit ou comencement du tiers livre que vertu moral est vers passions. (Oresme, E.A.C., c.1370, 524)

...comme il appert au commencement de ce present chappitre (Bueil, I, 1461-1466, 70)

C. -Commencement de qqn

1.Débuts de qqn (dans l'activité, dans la carrière...).

Parellement et de ce temps ot un honme d'armes, en Bretagne, alemant que on clama Crokart, liquels avoit esté en son conmencement uns varlés au signeur d'Ercle en Hollandes (Froiss., Chron. D., p.1400, 860)

...et l'en louèrent tous et prisèrent, disant l'un à l'autre qu'iceluy messire Jacques ne pouvoit faillir de parvenir, si Dieu le laissoit vivre, à un grand et haut honneur ; car son commencement estoit le plus bel qu'en leur temps avoient oy parler. (Faits Lalaing K., c.1470, 108)

Eusebe, evesque de Cesare, fut en ce temps grant investigateur de toutes sciences, par especial de quadrivialles. Cestui, en son commencement, fut erudicq en la theorique des planetes et escripvit XXV volumes de livres. (Simon De Phares, Astrol., c.1494-1498, f° 90 r°)

Premier commencement de qqn. Les tout débuts de qqn.

Et est assavoir que pour mon premier commencement, qui fut l'an mil quatre cens soixante et ung, ouquel an deceda ledit bon roy Charles à Mehun sur Yevre... (Le Clerc, Interp. Roye, c.1502, 140)

2.En particulier. Leçon inaugurale d'un nouveau docteur.

Ce jour, le prieur de Lihons, maistres Thomas Fievé, Pasquier de Vaulz et autres licenciez en decret vindrent en la Chambre de Parlement prier les presidens et conseilliers dudit Parlement d'estre demain aux Escoles de decret en leurs vesperies, et mardi prochain, à leur commencement esdictes Escoles et au disner en l'Ostel Deu à Paris. (Fauq., II, 1421-1430, 207)

Ce jour, les plaidoieries cesserent à IX heures, et se leva la Court pour aler es Escoles de decret au commencement des quatre nouveaux docteurs, dont les deux estoient anglois et deux françois. (Fauq., II, 1421-1430, 280)

3.Par métonymie. Commencement d'escuyer. Écuyer débutant.

Et quant le roy le commença a veoir, deux ou trois pas au devant s'avança, puis dist : 'Bien vienne ce beau commencement d'escuier.' (La Sale, J.S., 1456, 108)