ISSUE

substantif féminin

[T-L : issue ; GD : eissue ; AND : issue ; DECT : issue ; FEW (III, 296a) : exire ; TLF (X, 602a) : issue]

A. -[Comme lieu]

1.Endroit par où on peut sortir d'un lieu (pièce, édifice, région...), sortie.

Quant li homme de Poitiers se veirent pris et conquis, si vuidièrent et se partirent au plus tost qu'il peurent par aultres portes, car il y a pluiseurs issues. (Froiss., Chron. L., IV, c.1375-1400, 15)

Or i avoit auquns hostels (...) qui avoient issue par derriere. (Froiss., Chron. D., p.1400, 117)

Et c'est la porte d'Attropos (...) Ceste est l'issue du chastel, Ou chacun laisse son chatel. (Chr. Piz., M.F., I, 1400-1403, 128)

Longuement garderent les six barons l'issue du Chastel de la Guarande (Percef. IV, R., c.1450 [c.1340], 263)

...le galant print congé d'un doulx baiser et se partit en ce point par une yssue de derriere (C.n.n., c.1456-1467, 381)

Associé à entree.

'Et se tiennent tout pourveu sus les frontières li sires de Cliçon, li sires de Dignant (...) et li sires de Rochefort, pour garder les entrées et issues de Bretaigne.' (Froiss., Chron. R., X, c.1375-1400, 27)

Et vous dy que gens à cheval ne doivent point chargier ne entrer dedens gens, s'ilz ne véoient qu'il y ait bonne issue par derrière. (Bueil, I, 1461-1466, 162)

[Il] afuirent vers le forterèce par une estragne voie, ensi que uns varlès les mena, qui savoit le couvine de laiens, les entrées et les issues. (Froiss., Chron. R., VIII, c.1375-1400, 69)

Aux entrees et yssues fait clair, et au meilleu obscur ung petit. (La Vigne, V.N., p.1495, 264)

2.Au pluriel. Viscères, entrailles.

Aprés, si comme a chace avient Que repaistre les chiens couvient, Amours l'esbai et les issues Qui aus entralles sont tissues Donne aux chiens et men sanc a boire. (Acart, Prise am. H., 1332, 55)

...et ceulz ici [des devins] en partie devinent es entrailles et bouyaus des bestes et des yssues. (Foul., Policrat. B., II, 1372, 187)

Cy apres s'ensuient tous les noms particuliers qui sont es yssues d'un porc, qui sont venduz a la triperie .VII. blans. (Ménagier Paris B.F., c.1392-1394, 193)

Es yssues du mouton a la froissure, a laquelle sont la pance et la caillecte, les ..IIII.. piez et la teste, et couste tout deux parisis a la triperie. (Ménagier Paris B.F., c.1392-1394, 193)

Item, des yssues l'en ne retient fors le foye, qui semble qu'il soit propre pour faire soutil brouet d'Angleterre. (Ménagier Paris B.F., c.1392-1394, 212)

B. -[Comme action] Action de sortir de.

1.Au propre.

a)[À propos de personnes]

[P. oppos. à entrée]

Sire, il est tard ; si n'est pas heure De conseillier, à dire voir, N'encor ne poons nous savoir Leurs alées [des ennemis retranchés sur la montagne] ne leurs venues, Leurs entrées ne leurs issues, Si que demain nous les sarons Et seur ce nous conseillerons. Et si porra bien avenir Que vous verrez Bremont venir ; S'il vient, vous en serez plus fors. (Mach., P. Alex., p.1369, 148)

Le lundi matin se leverent, Et seur la place s'en alerent Pour considerer les alées, Les yssues et les entrées Des Sarrazins ; car sans doubtance Moult avoient là grant poissance. (Mach., P. Alex., p.1369, 150)

À l'issue d'un endroit. Au sortir de, en sortant de.

Mais a l'issue dou repaire Ou tant ot ronces et espines, Orties et maises racines, Os je bien mestier de ma dame (Mach., D. Lyon, 1342, 172)

Ceste dame aura tele ordonnance que a l'issue de sa chapelle, elle meismes par humilité et devocion, en memoire et signe que elle ne doit mie desprisier les povres, donra de sa main l'aumosne (Chr. Piz., Trois vertus W.H., c.1405, 48)

Vezci lettres que vous apport Conment a l'issue d'un port Qui est en Chipre trespassérent (Mir. roy Thierry, c.1374, 329)

Yewains (...) encontra en le sale de son hostel, à l'issue de sa cambre, le conte de Pennebruch. (Froiss., Chron. R., VIII, c.1375-1400, 48)

Et se tenoient tout bien rengiet sus le destroit dou passage de le rivière : dont li Englès estoient dur rencontré, quant il venoient à l'issue de l'aigue, pour prendre terre. (Froiss., Chron. L., III, c.1375-1400, 162)

Item au retour par lui fait du voyage de Barbarie en la compaignie et service dudit mons. de Bourbon et à la descente qu'ilz firent de la ville de Gennes, à l'issue de la galée ou barge où il estoit venuz dudit païs, mal print en ycelle nef ou barge une cotte de fer (Reg. crim. Chât., II, 1389-1392, 452)

Or dit l'ystoire que, quant [Remondin] ot ouy messe et fait sa devocion, qu'il yssy du Moustier Neuf, et a l'issue de l'abbaye, au lez vers le chastel, il encontra un homme qui portoit un sac sur son col, qui lui vint a l'encontre et lui dist : Sire, acheterez vous ce cuir de cerf que je tiens en mon sac ? (Arras, c.1392-1393, 33)

GRISELDIS [au marquis] . (...) Tu scez bien quant je vins a toy Et tu me preïz a l'issue De la maison mon pere, nue Me feïz du tout desvestir Et de tes robes revestir (Gris., 1395, 82)

Et si venoient aprés ledit Saintré et devant lesdis seigneurs ses quatre paiges montez sur quatre coursiers couvers des paremens qu'ilz avoient, et les paiges abilliés ainsin qu'ilz estoient a l'issue et departement de Paris, comme cy devent est dit. (La Sale, J.S., 1456, 112)

...au premier homme, de quelque estat ou condicion qu'il fust, qu'ilz rencontreroient a l'yssue du dit hostel, compteroient toute la maniere dudit different (C.n.n., c.1456-1467, 393)

Sortie (de l'enfant qui naît).

L'enfant yst naturellement sus la teste, la face tournee ou enversee vers la terre car toute aultre yssue est non naturelle et de difficille enfantement. (Panis, Guidon, 1478, tr.VI, doct.2, chap.7)

Issue d'Egypte. Émigration des Hébreux hors d'Égypte, Exode.

Cestui Abderas predist la surcroissance du fleuve du Nil, qui est l'un des IIII grans fleuves du monde, qui fut le premier an de l'issue de Egipte. (Simon De Phares, Astrol., c.1494-1498, f° 25 v°)

...en laquelle [l'arche federique] estoient les livres Moyse, les tables des commandemens de la loy que Dieu avoit baillés audict Moyse, les verges de Moyse et de Aaron et le coffin plain de manne, illecques mises, selon le precept de Dieu, pour memorer leur yssue d'Egipte et autres choses, de quoy il fut tenu de plusieurs à prophete. (Simon De Phares, Astrol., c.1494-1498, f° 28 r°)

ART MILITAIRE Faire une issue. Faire une sortie, lancer une attaque surprise.

Et dirent Godefroy de la gent mescréue Qui le jour par devant orent fait une issue, Où il avoient pris de no gent absolue (God. Bouillon R.B., t.3, c.1356, 45)

Et faisoient souvent ces Englois et ces Bretons des issues et cevauchies contre les gens mesire Carle de Blois (Froiss., Chron. D., p.1400, 810)

Si faisoient souvent des issues chil chevalier et leurs routes sus les gens le conte d'Ermignach et le signeur de Labreth, qui faisoient ossi la frontière. (Froiss., Chron. L., VII, c.1375-1400, 105)

Départ, sortie triomphale (d'un grand personnage).

Pareillement si firent les Rommains, Qui avoyent vehu en leurs temps des gens mainctz, Mais en leurs vies ne virent tel arroy, Ne es Ytalles telle yssue de roy. Ainsi partit, comme j'ay declairé, Dehors de Romme, tres bien deliberé, Et emmena le Turc pour sa plaisance Avec le grant cardinal de Valence. (La Vigne, V.N., p.1495, 240)

Donner issue à qqn. Libérer, délivrer qqn.

[Marie d'Orléans] En l'amour et crainte de Dieu Es nobles flans Cesar [Charles d'Orléans] conceue, Des petis et grans en tout lieu A tres grande joye receue, De l'amour Dieu traicte et issue Pour les discordez ralïer Et aux encloz donner yssue, Leurs lïans et fers deslïer ! (Villon, Poèmes variés R.H., c.1456-1463, 41)

b)[À propos de choses]

Évacuation (de substances corporelles).

...evacuacion ou issue du fiel noir (Saint-gille, Comment. A.Y. L., 1362-1365, 294)

Éclosion (d'une fleur).

...le temps de l'issue (des fleurs) (Saint-gille, Comment. A.Y. L., 1362-1365, 294)

Déboîtement d'un membre.

...dislocation n'est aultre chose que l'issue d'ung membre de son lieu on quel naturellement il se move a sa volenté (Prevost, Cir. Guill. Salicet, 1492, III, 17)

Issue de marchandises. Sortie de marchandises (hors de limites administratives, donnant lieu à un prélèvement).

...sy vous aideront ilz de gabelles et de imposecions sur les entrees et yssues des marchandises. (La Sale, Salade, c.1442-1444, 16)

2.Au figuré.

a)Action de quitter une association de métier.

...que nulz n'y puist entrer qui ne payeche as mayeurs de la dite confrarie 5 s. d'entrée et aultant d'issue. Et parmy tant que il eskera que ung ou pluseurs des confrers dessus dis yra de vie a mort, li autres confreres seront tenus de aller au corps et de faire dire la Messe. Et quiconcques y faura de estre a le Messe dou corps, loyal songne mis jus, il seroit a 6 d. tourn. (Drap. Valenc. E., 1337, 24)

b)Issue d'un processus, d'un état, d'un événement... considérés dans leur durée Conclusion, fin.

BERIC. Je cuiday lever la paupiere Pour regarder quelle lumiere C'estoit qui reluisoit d'amont, Mais je fus frappé par le front Mieulx qu'un veau n'est d'une massue : Par quoy je n'ay peu veoir l'yssue Du fait ne la conclusion . Mais que fu ce ? SATHAN. L'ascencion De Jhesus, que Dieu puist mauldire. (Gréban, Pass. J., c.1450, 441)

Dit Bouece que qui ne tient certain ordre en ses faiz, la fin et l'issue de quoy qu'on face n'est pas bonne. (Chr. Piz., Paix W., 1412-1413, 179)

Cestuy fu singuliere exemple des eureuses yssuez de perverse fortune, luy qui n'avoit du demourant de sa fortune que la seulle vie ou danger de servage et peril de mort. (Chart., L. Esp., c.1429-1430, 139)

...et ne le consideroient point, que nul ne le vouloit que eulx: car tous les grans chiefz, comme le prince d'Orange, qui y estoit de nouveau arrivé et à qui le roy donnoit de grant credit ès affaires de la guerre, et tous aultres chiefz de guerre cherchoient une honneste yssue par appoinctement, veü que l'yver approuchoit, qu'il n'y avoit point d'argent et que le nombre des Françoys estoit petit, et plusieurs malades, et s'en alloient chascun jour sans congié, et d'aultres à qui le roy donnoit congié. (Comm., III, 1495-1498, 220)

En particulier. Fin d'un repas, dernier plat, déssert.

La ..VIe.. assiete et derreniere pour yssue. (Ménagier Paris B.F., c.1392-1394, 175)

Ypocras et le mestier [sorte de gauffre] font l'yssue, deux quartes (et est le seurplus, comme dit est dessus) de garnache, oublees .II. cens et les supplicacions. (Ménagier Paris B.F., c.1392-1394, 183)

Yssue : Poumes et frommage, sans ypocras, car il est hors de saison. (Ménagier Paris B.F., c.1392-1394, 184)

À l'issue d'un processus, d'un état, d'un événement... considérés dans leur durée. Au sortir de, à la fin de.

...mais a l'issue de la mort et a la fin, quant on venra a la lumiere de verité, lors on verra qui saiges aura esté ! (Gers., P. Paul, a.1394, 515)

GRISELDIS [au marquis] . (...) Il te plaise a conmander Que l'en me laisse une chemise, A l'issue de ton service, De laquelle je couverray, Jusqu'a tant qu'a l'ostel venray, Le ventre ta femme jadiz. (Gris., 1395, 83)

Vitellinus, roy de Hongrie, pour la bonne admonicion de Christofle le Chastellain, medicin de Paris et son astrologien, se convertit à la foy à l'issue d'une sienne maladie (Simon De Phares, Astrol., c.1494-1498, f° 106 v°)

Bien est il que ung Normant d'Estouteville se monstra grandement vertueux et eulx deux, à l'issue dudit concille, se firent religieux. (Simon De Phares, Astrol., c.1494-1498, f° 151 v°)

c)Issue d'une période. Fin d'une période.

Or dist le compte que tout droit le jour Saint Denis, a l'issue d'esté, Aigres entre lui et son compaignon Orchas s'en alerent esbanoiant dehors le chastel de Dijon, tant qu'il advint que ilz virent venir vers eulx grant alleüre un messagier moult travaillié. (Bérinus, II, c.1350-1370, 149)

...ce fu en may droitement à l'issue Que ly soudans party d'Olifierne la drue, O ly Cornumarant qui d'aler s'esviertue (God. Bouillon R.B., t.3, c.1356, 45)

A l'issue de may, que ly arbre sont biel, Foellu et bien flory, et sont vert ly praïel, Et que parmy les kans vont cantant ly oisiel, Et la douce aloète démaine grant cembiel, A yce temps, seigneur, démenoit grant reviel Labigant ly Grigois, ung faitis damoisiel, Qui de Florie avoir ot le corps cuideriel. (God. Bouillon R.B., t.3, c.1356, 346)

...de l'issue d'aoust jusques à l'entrée de fevrier. (Froiss., Chron. L., VI, c.1375-1400, 228)

Et i sejournerent li desus nonmé prelas et barons envoiiés dou roi de France tout l'ivier et jusques a l'issue dou mois de mai ensievant, que il ne pooient avoir nulle response. (Froiss., Chron. D., p.1400, 191)

Et commanda le roi que toutes gens fussent sus à l'issue de mars (CABARET D'ORV., Chron. Loys de Bourb. C., 1429, 30)

...à l'issue du moys d'avril et à l'entrée du plaisant moys de may (Livre fauc. M.R., c.1500, 266)

Issue (de jours)/Issue (de ce monde). Terme de la vie.

Il [Dieu] congnoist ton entree et ton yssue ains que tu soies fait, et tu entreprens congnoissance sur la Providence de ses ordonnances advenir ? (Chart., L. Esp., c.1429-1430, 98)

Et pour ce nous devons (...) plus estroitement garder toute observance comme se nous devions en brief temps percevoir le loier de nostre labeur. Et s'il est delaié, croies que nous sommes mains bien preparés et indignes encore de tant de glore qui sera revelee en nous en temps prefini, et estudions tant mieulz a nous preparer a nostre yssue. (Internele consol. P., 1447, 322)

...par lesquelles attaintes en toy et réprouvées tu te vois en ceste calamité, et ceste si très-confuse et scandaleuse yssue de jours, comme de te sçavoir estre privé de toute dignité paternelle, de toute possession et seigneurie, et condempné à mort honteuse en publique en confusion de tes parents ! (Chastell., Chron. K., t.3, c.1456-1471, 490)

Hommes ont doncques tous ensemble Povre entree et dolente yssue, Combien qu'aucuns sont a qui semble Que la terre est pour eulx tissue Et que le bon homme qui sue Au labeur, n'est riens envers eulx : Aveugle est tel qui a vers yeulx. (Meschin., Lun. princes M.-G., c.1461-1465, 55)

Et telle a esté son yssue de ce monde au marché d'Andeli, où il fut decapité par la main du bourreau, sans que nulles larmes de la grant multitude du peuple qui là estoit present luy fussent donnéez. (Le Clerc, Interp. Roye, c.1502, 212)

d)Manière dont une affaire se termine.

Et puis, la cause congneue, considere et estudie l'issue que tu en peus avoir. (Fillastre, Traité Conseil H., c.1472-1473, 238)

Cestui Hugues prenostica qu'il y auroit neutralité ou concille de Balle, dont l'effect monstra assez tost l'experience et dist raison, c'est assavoir pour ce qu'il fut principié ou signe de l'Escorpion, dont le comancement et chef a beau semblant et la fin laide et de malle yssue. (Simon De Phares, Astrol., c.1494-1498, f° 154 r°)

Manière dont on sort d'une affaire.

Et, se tu persistes en ceste guerre, il t'en mesvendra et en auras douloureuse issue. (Fillastre, Traité Conseil H., c.1472-1473, 167)

Et puis, la cause congneue, considere et estudie l'issue que tu en peus avoir. (Fillastre, Traité Conseil H., c.1472-1473, 238)

e)Aboutissement (de qqc.).

Le front ridé, les cheveux griz, Les sourciz cheux, les yeulx estains, Qui faisoient regars et ris Dont mains meschans furent actains, Nez courbes, de beaulté loingtaings, Orreilles pendentes, moussues, Le visz paly, mort et destains, Menton froncé, levres peaussues - C'est d'umaine beaulté l'yssue... - (Villon, Test. R.H., 1461-1462, 56)

f)Fait de sortir de telle famille, d'où extraction, parenté.

Et ly gentil bastart qui sont de son issue, S'y prouverent ce jour comme gent esleuwe. (Hugues Capet L., c.1358, 160)

...Puis a dit as barons qui sont de sa tenue [var. de son yssue] : 'Or tos, signeur baron, bonne gent absolue, Courons sus au gaiant que Dieu nous face aïwe...' (Jourd. Blaye alex. M., a.1455, 274)

C. -Par métonymie. [Ce qui sort de qqc., ce qui est produit, tiré de qqc]

1.Produit, rente d'un bien.

Si vous mandons et à chascun de vous, si comme à lui appartendra, et commandons que nostre presente grace vous tenez et faites tenir et garder enterinement, senz aucune chose faire au contraire, toutefoiz les levées et issues de la dite terre demouranz en la main des executeurs du dit cardinal (Doc. Poitou G., t.2, 1339, 161)

Et il doient panre et avoir, panront et auront touz profis et yssues que [de] ladite forge poraont venir et yssir, senz faire ne metre empechement, debait ou destorbier queilcunques (Bail de forge, a.1391, 284)

Et qui est à tort despoillé de son fons, il doit estre restitué o les fruiz et o les yssuees en telle valleur comme sil à qui est la chose les peut avoir fait valloir (Cout. instit. Anjou Maine B.-B., t.2, 1437, 409)

Rentes, revenus.

L'EVESQUE. J'ai sans desserte receü Les yssues de sainte Esglise (Jour Jug. R., c.1380-1400, 250)

En particulier. Issue (de la forest). Produit, revenu (de la forêt).

Item, ilz ont la diesme de toutes les yssues du Boys Petit prés Pascy, et la diesme des yssues de la forest de Meré ou dit païs (Hector De Chartres, Cout. R., 1398-1408, 217)

Les religieux, abbé et couvent de Notre Dame de Lire ont en la forest de Bretheul, du droit de leur fondacion, la diesme de toutes les revenuez et issuez d'icelle forest, tant de boiz vendu, de pasnage, d'essars, de ventes, de venoisons, de marties et de toutes autres issuez (Hector De Chartres, Cout. R., 1398-1408, 282)

2.Taxe, prélèvement.

...Raoul Hinganlt et Jehan Broustal, fermiers de l'issue des blez de Treguer (Doc. 1435-1436. In : B. Pocquet Du Haut-Jussé, Bibl. Éc. Chartes 77, 1916, 105)

...par lequel compte icellui argentier sera tenu de faire recepte entiere de toutes rentes heritables es demaine que l'en nomme autrement le propre de nostre dite ville, et aussi des impostz, assis, yssues et autres revenues (Hist. dr. munic. E., t.1, 1466, , , 111)

...toutes coustumes, travers, peages, passages, barrages, entrées, yssues et aides de villes (Hist. dr. munic. E., t.1, 1481, , , 465)

Droit de sortie.

Moult me tarde que le jour viengne Que doyve payer mon yssue, Et quant je seray en Bourgongne Je payeray ma bienvenue, Car j'ay longtemps esté en mue Ou du mal on m'a fait porter (Régn., F.A., 1432-c.1465, 141)

Taxe de sortie, amende à régler au parquier au moment de la reprise d'une bête confisquée.

Item, de toutes les bestes mises en dit parc, IIII d. d'entree et quatre deniers d'iessue, et pour chacun jour qui sont au dit parc pour chacune beste ung denier. (Hector De Chartres, Cout. R.B., 1398-1402, 41)

Issue de porte. Redevance exigée au passage d'une porte.

...et avec ce, auront pour yssue de porte trois s., ensemble leur droit du seel, werps (Hist. dr. munic. E., t.1, 1466, , , 108)