CLARTÉ

substantif féminin

[T-L : clarté ; GD : clarté ; GDC : clarté ; AND : clarté ; DECT : clarté ; FEW (II-1, 739a) : claritas ; TLF (V, 886b) : clarté]

A. -Au propre. Luminosité, lumière.

1.[À propos d'une source lumineuse]

[Avant la création] C'estoit abisme et obscurté, N'y avoit veue ne clairté (Renart contref. R.L., t.1, 1328-1342, 63)

Le bon maistre garist et drame L'ueil empeschié de catharacte, Dou quel il couvient qu'il abate Par soutil engien une toie Qui la clarté tient et desvoie (Mach., R. Fort., c.1341, 56)

Et quant il vint au fons, si print la lance par le fer, et s'en va par my un estroit sentier, et voit au long grant clarté. Et il se saigne et s'en va celle part. Et quant il vint au large, si treuve une moult riche chambre ou il ot moult de richece, et y ot grans chandelabres d'or et grant foison luminaire ; et y faisoit aussi cler que se ce feust en plains champs. (Arras, c.1392-1393, 265)

...pareillement avint en la nouvelle naissance de saint Pol, laquelle se feist en sa conversion, quant il fut aveuglé par dehors par la clarté soudaine du ciel, pour mieulx veoir au par dedans en l'ame (Gers., P. Paul, a.1394, 498)

...l'oeil se trouble par regarder clarté trop resplendissant (Chart., L. Esp., c.1429-1430, 4)

Ou moys de fevrier, oudit an IIIIcLXXII, le tiers jour dudit moys, advint, sur le point de six heures au soir, que le temps estoit fort doulx et chault, qu'il descendit du ciel deux grans clartez comme deux chandelles passans devant les yeulx des regardans, qui sembloit estre fort espoventable, et en yssoit moult grant clarté, mais ce ne dura gueres. (Roye, Chron. scand., I, 1460-1483, 290)

Alors toute clareté fut estainte (Molinet, Faictz Dictz D., 1467-1506, 37)

En particulier. [À propos d'un corps céleste, soleil, lune, comète...]

Si en choisi entre les autres l'une Qui, tout aussi com li solaus la lune Veint de clarté, Avoit elle les autres seurmonté De pris, d'onneur, de grace et de biauté... (Mach., J. R. Beh., c.1340, 68)

Nuef solaus de coulours diverses, Blanches, rouges, noires ou perses, Qui luisoient eu firmament. Li premiers luisoit clerement, Et li secons plus haus estoit Et de clarté le sormontoit. (Mach., F. am., c.1361, 237)

Li quars [soleil] estoit resplendissans, Et s'estoit rouges comme sans. Li quins fu d'estrange maniere : Or tenebreus et obscurs yere, Or regettoit une clarté Comme espars dessous obscurté. (Mach., F. am., c.1361, 238)

Et pour ce diroit l'en que celle lumiere qui est perpetuelle et corruptible de soy est maintenue en estre perpetuel par la presence du solleyl et de sa clarté. (Oresme, C.M., c.1377, 216)

Et cedit jour (...) apparu eclipse de soleil tel que le soleil, qui une heure paravant luisoit moult bel, net et cler, souffri tel defaut de clarté ou bas monde que l'en ne voioit ne que à l'eure de X heures de nuit (Baye, I, 1400-1410, 159)

C'est la Lune, qui maintes foiz Par sa clarté tolt et destruit La grant obscurté de la Nuit (La Haye, P. peste, 1426, 32)

...come une estoile est differente a une autre en clarté. (Déclar. Hyst. S., a.1449, 182)

Et quant ilz furent ce soir ou preau pour deviser, Saintré ly [à Madame] monstra le bracelet a la clarté de la lune, mais bien veoir ne se pouoit. (La Sale, J.S., 1456, 83)

Et est assavoir que, le jeudi XXIIIe jour de juillet, oudit an LXI, qui fut le lendemain de ladicte mort, environ IX heures de nuit, fut veue ou ciel courir bien fort une très longue comete, qui gectoit en l'air grant resplendisseur et grande clarté, tellement qu'il sembloit que tout Paris feust en feu et en flambe. (Roye, Chron. scand., I, 1460-1483, 20)

L'aer si trestroublé lors estoit Que il n'y avoit clarté nulle, De soleilh, de feu ne de lune. (Pass. Auv., 1477, 274)

Car la clarté du soleil, combien qu'elle vient et procede du soleil, toutevoies se le soleil estoit eternel sans commencement et fin, se seroit sa clarté coeternele, c'est a dire qu'elle seroit eternele du soleil dont elle procede. (Somme abr., c.1477-1481, 128)

La clarté de / du jour

Li aigle puet a grant sejour En la plus grant clarté dou jour Contre le soleil justement Resgarder (Mach., D. Aler., a.1349, 346)

...se tendra closement meismement un temps aprés le service et obseques, a petite clarté de jour, a piteux et adoulé habit et attour selon l'onneste usage. (Chr. Piz., Trois vertus W.H., c.1405, 83)

[À propos d'une déesse, de Fortune...]

La premiere [face de Fortune] resplendissoit Et de li grant clarté yssoit, Et l'autre estoit noire et obscure, De nulle joie n'avoit cure. (Mach., Voir, 1364, 752)

Apres, Juno fu appellée, Qui estoit si tres bien paree Que tous li airs resplendissoit De la clarté qui d'elle yssoit. (Mach., P. Alex., p.1369, 6)

Clarté Phebus. Lumière du soleil.

C'est qu'on luy coulle [à celui qui mal voudroit au royaume de France] ou ventre son tresor, Ou qu'il soit mis entre meulles flotans En ung moulin, comme fut sainct Victor, Ou transglouty en la mer sans alaine, Pis que Jonas ou corps d'une ballaine, Ou soit bany de la clarté Phebus, Des biens Juno et des solas Venus (Villon, Poèmes variés R.H., c.1456-1463, 59)

En particulier. [À propos d'un feu, d'un flambeau, d'un cierge...]

Et vit, il qui parle, que les cierges d'icelle eglise estoient alumez et ardoient si cler, que l'en veoit par toute icelle eglise ; par le moyen de laquelle clarté, il qui parle vit et apperceut que les verrieres d'icelle eglise et la couverture dudit monstier estoient froissiez et rompus (Reg. crim. Chât., II, 1389-1392, 237)

...si diray du nepveu du cappitaine qui fort s'en va vers Famagouste, et a tant exploictié qu'il vint en droit heure de my nuit a la corniere d'un bois sur une petite montaigne, et regarde en la valee, et voit l'ost des Sarrasins, ou il voit grant clarté de feux qui sont par les logeiz (Arras, c.1392-1393, 95)

Cestui fut grant praticien et investigateur de science et fist une composicion de chaux vive et autres choses, qui par nuyt gectoit grande clarté, par especial en yver ou par temps de pluye et en grans et spacieux circuit. (Simon De Phares, Astrol., c.1494-1498, f° 85 v°)

Par métonymie. Flambeau.

Si envoierent querre grant foison de clarté pour veillier celle nuyt. Mais quant vint environ mynuyt, que tout le luminaire ardoit environ le corps d'Appollo, soudainement tout estaindy (LEFÈVRE (R.), Hist. Jason P., c.1460, 191)

Quant on va de nuyt par les rues Et l'on n'ose clarté porter, Il se fault guider par les nues Qu'on voit au ciel courre et troter (Amant cord. M., 1490, 35)

...ledit Aymé s'avança pour aller prendre de la clarté et preparer ladite chambre (Lettres rémission René II P.D.H., 1492, 233)

Allumer de la clarté

Lors et tantost se leva et aluma de la clarté, et vit et appersceut le dit Thomas qui s'estoit couché en son lit (Doc. Poitou G., t.9, 1453, 342)

2.[À propos d'un objet qui reflète la lumière (en partic. une pierre précieuse)]

Le basme qui tant bonne et belle Clarté rendoit en la chappelle Saint Pierre ay vendu (Mir. pape, 1346, 369)

...La clarté du miroir (Dame Lycorne G., c.1349-1350, 169)

La pierre de solea est noyre, reonde, à vaynes blanches et telles bleues desquelles il ist fors rayes sy com rayes de solail. Se on le met en solail dedens ayghe, elle rendera grant clarté. (Mandeville, Lap. M., c.1350-1390, 180)

...a pierres precieuses qui rendirent moult grant clarté (Chev. papegau H., c.1400-1500, 27)

Escharboucle [est] la tres vertueuse pierre qui donne clarté resplendissant en tout lieu oscur comme se le iour y luisoit (Best. hérald. H.E., c.1435-1450, 508)

...et le preudhomme advisa la clarté du glaive (Doolin de Mayence V, P., 1501, 15)

[À propos du visage]

Einsi sa parfaite biauté, Fresche et douce com fleur d'esté, Et la mervilleuse clarté De son viaire Dont je me vi enluminé, Le ray de son oueil que plus n'é, Mes cinc sens orent tost maté ; Plus n'en pos faire. (Mach., R. Fort., c.1341, 46)

3.[À propos d'un lieu]

Les deux freres estoient dessoubz leur banniere, devant leur tente, en bon arroy et tres bien acompaigniez de noble gent, a grant foison de torches et de faloz espris, et y avoit aussi grant clarté comme se ce feust par jour. (Arras, c.1392-1393, 156)

...le monument, qui est ung aultre petit lieu sans clarté fors que de lampes qui la ardent, ou ne peult entrer que troys personnes bien estroictement. (Pèler. D., 1486, 358)

4.Par analogie. Limpidité.

...clerté et purification d'air (Le Forestier, Rég. épid. pest., 1495. In : Chrestom. R., 280)

B. -Par métaphore. [Comme symbole et comme émanation de la nature divine]

1.Lumière irradiée par Dieu ou par un être céleste, ou bien qui accompagne une intervention divine.

Li roys poissans (...) qui moru en croiz piteusement Pour rendre vie et clarté a sa gent... (Mir. st Val., c.1367, 170)

Beaul doux Pere, ou grace habonde, Clariffie moy en ce monde De la clarté que je oz en toy Ains que le monde fust par moy [Jean 17, 5 : clarifica me tu, Pater [...] claritate quam habui, priusquam mundus esset, apud te] (Pass. Semur D.M., c.1420 [1488], 157)

O clarté qui enlumine Quant rayson fault et decline Et oppinion indigne ! Tu vins du hault firmament Pour donner soullegement A humain entendement, Et oster l'empechement Du charnel encombrement Qui trouble le jugement Par son imperfection (Chart., L. Esp., c.1429-1430, 29)

Par intelligence, c'est a dire par icelle excellence virtuele que l'entendement humain est une maniere de participation de la lumiere et clareté divine, elle congnoist l'esperit increé, qui est Dieu. (Somme abr., c.1477-1481, 136)

Gloire, splendeur du Christ dans sa nature divine.

Lors dist Jhesus : «Clarefié Je sui et mis en grant clarte...» (Guill. Digull., Pèler. J.-C. S., 1358, 258)

Bon Jhesu, clarefie moy de la clarté de ton internele lumiere (Internele consol. P., 1447, 140)

...l'Apostle en l'epistle aux HEBRIEUX ou premier chapitle, ou il parle du Filz de Dieu disant : 'Lequel comme ainsi soit qu'il est clareté de la glore paternele et la figure ou l'impressure de la substance et essence ou de l'estre naturel d'icellui son Pere, c'est a dire qu'il est parfaite representation de son Pere d'une mesmes substance, nature et estre...' (Somme abr., c.1477-1481, 113)

Éclat lumineux qui est une des quatre prérogatives des corps glorieux.

De li cognoistre [Dieu] et li amer Et li avoir sens dessevrer, Qui sont trois dons dont douee Est l'ame benëuree Sens les douaires quë ara Le corps, quant la venu sera, Qui sont .IIII. : subtilite, Clarte, impassibilite Et agilite sens faillir Qui sont graces de grant plaisir (Guill. Digull., Pèler. âme S., c.1355-1358, 310)

Encores veul et vous commande que es quatre douaires du corps vous vous delictez, c'est assavoir en clarté, en subtilité, en agillité, en passibilité. (La Sale, J.S., 1456, 39)

[À propos de la Vierge]

Tu es des vierges la clarté (Mir. pape, 1346, 395)

Car aussi bien que la lune de droit Prent ou soleil clarté qui l'en pourvoit, Donna clarté la vierge dinement, Li sains solaux du majeur firmament (Mir. st Val., c.1367, 170)

2.Lumière dans laquelle séjournent les bienheureux, lumière du Paradis.

Et asses entreganglasmes Jusqu'a tant qu'avant me mena Mon ange et l'ourle me moustra Ou les enfans non baptisies Estoient de clarte prives (Guill. Digull., Pèler. âme S., App., p.1358, 392)

Et le Psalmiste : 'Ilz yront selon et en la generation de leurs peres et jamais ne verront clareté ne lumiere.' (Somme abr., c.1477-1481, 176)

Clarté perpetuelle

Repoz eternel donne a cil, Sire, et clarté perpetuelle, Qui vaillant plat ne escüelle N'eust oncques, n'ung brain de percil. (Villon, Test. R.H., 1461-1462, 143)

3.Lumière, rayonnement d'une chose spirituelle.

Pour tant a la beauté et digne clarté des choses espirituelles, qui resplendissoyent continuellement en son ame et en son esperit, effacoit toute la beauté et clarté de ce monde (Gers., P. Paul, a.1394, 514)

Eslevons, nous, doncques maintenant les yeulz de noz ames, qui sont par dedans nous. Regardons en la clarté de vraye foy et creance les ames des trepassez (Gers., Déf., 1400, 226)

...disant Foy premiere que par elle et en sa clarté tu ressourdras de merancolie (Chastell., Temple Boc. B., 1463-1464, 179)

C. -Par métonymie. Sens de la vue.

Le bon maistre garist et drame L'ueil empeschié de catharacte, Dou quel il couvient qu'il abate Par soutil engien une toie Qui la clarté tient et desvoie, Et li rent sa clarté premiere, Tout einsi me rendoit lumiere De cuer, de memoire et de l'ueil, Et me metoit d'umbre en soleil Sa clarté et sa resplendeur. (Mach., R. Fort., c.1341, 56)

Longis rot se clarté de vo sanc dignement (Bât. Bouillon C., c.1350, 206)

Helas ! Phisique, est il confors ['remède'] Qui sauvast ma clarté perie Et mes dolours, qui sont si fors ? (Desch., Oeuvres Q., t.6, c.1370-1407, 137)

...Or voy ge bien que j'ay mal fait ! Syre, j'ay percier ton coster Et tu m'as recouvrer ma clarter ! [Selon la légende, celui qui perça le côté du Christ en croix était aveugle, et recouvra miraculeusement la vue grâce au sang du Christ] (Pass. Autun Biard F., 1470-1471, 112)

Retourner la clarté. Voir retournerRecouvrer la vue.

[Contexte métaph.]

Et encore vous dis-je plus, que homme qui hante les folles femmes, perd six choses, dont la première est l'âme, la seconde, l'entendement, la tierce, les bonnes moeurs, la quarte, la force, la cinquième, la clarté, et la sixième, la voix. (Faits Lalaing K., c.1470, 22)

D. -Au figuré.

1.[Domaine moral]

a)[À propos de qqn] Gloire, renom.

S'en compteray un petit compte Qui vous fera avoir grant honte, Et a ma dame grant honnour, Et grant clarté a mon signour, Dont il verra plus clerement Comment vous errez folement. (Mach., J. R. Nav., 1349, 201)

Car se noblece est denommee De la clareté de ligne [var. lignee] amee... (Chr. Piz., Chem. estude P., 1402-1403, 177)

...entre lesquelz fut son filz Hector lumiere de prouesse et de chevalerie qui en nobles meurs et en armes fut si reluisant et si cler que sa clarté jamais ne sera exteinte (Premierfait, Cas nobles hommes G., 1409, 179)

Maiz ainsi comme Hecube estant ou doulz eage de juenesse receut honneurs, clarté, et gloire, et fut auctorisee en haultesse royale... (Premierfait, Cas nobles hommes G., 1409, 183)

...par regard à leurs nobles personnes, loist bien avoir l'oeil à leurs clartés (Chastell., Chron. K., t.2, c.1456-1471, 160)

...par ce que le nom [de 'puissant'] ne lui satiffait [au roi Charles VII défunt] et ne comprent assez de sa glarté ailleurs, je le deprime [G. Roussineau, Z. rom. Philol. 110, 1994, 246 donne l'ex. de ce mot glarté comme une des «particularités graphiques caractéristiques du Nord», c'est-à-dire ici la «confusion des sourdes et des sonores»] (Chastell., Chron. IV, D., c.1461-1472, 318)

b)[À propos d'une qualité, d'une faculté, d'un comportement...] Éclat.

...Dames et hommes honnourables Qui scevent adès la clarté De raison et de verité... (Mach., D. Aler., a.1349, 263)

La clarté de vostre bonté Resplent plus que la tresmonteinne Seur toute creature humeinne. (Mach., Bal., 1377, 559)

Les vertus d'eulx croissent encors Plus fort et deviennent plus belles, Et plus fort luit la clarté d'elles (Chr. Piz., M.F., I, 1400-1403, 32)

O quelle resplendissant clarté espart sur son regne ung vertueux roy catholique ! (Chart., L. Esp., c.1429-1430, 45)

Car en plus grant necessité ne me peult ta vertu secourir que a ceste mienne douleur, ou j'ay esté puis ton eslongnement pis que en sepulture ; et par ton aproucher me sens comme ressourdant de l'ombre de mort en clarté de vie. (Chart., L. Esp., c.1429-1430, 89)

...affin que la clarté de ses oeuvres enluminast tous ceulx de son royaume (Percef. III, R., t.2, c.1450 [c.1340], 128)

Et comment seroit il possible de nombrer l'excés de bonté et la clarté de beaulté qui sont en vous (LEFÈVRE (R.), Hist. Jason P., c.1460, 146)

...a haute personne il siet d'avoir aucune clarté de meurs (Chastell., Temple Boc. B., 1463-1464, 145)

2.[Domaine intellectuel]

a)Qualité de ce qui est évident, facile à comprendre.

Mettre qqc. à clarté. Mettre qqc. en lumière ; faire la lumière sur qqc..

Se ne descuevres Et mes a clarté ceste injure, Ton edit et ton estature Ne seront prisié une maille. (Mach., C. ami, 1357, 20)

...telle emprise Que il a en grant clarté mise (Bouvet, Appar. Meun A., 1398, 42)

...ceulx qui dénonceront et mettront à clarté aucunes des fraudes dessus dictes... (Ordonn. rois Fr. S., t.8, 1399, 325)

[D'une chose] Venir en clarté

...lesdiz cas contre li proposez n'estoient pas encores venuz en lumiere ne en clarté (Phil. Vi Valois, Doc. paris. V., t.2, 1344, 222)

b)Qualité de celui qui sait se faire comprendre.

[À propos d'une faculté humaine, de l'entendement] Intelligence, perspicacité.

...quant il les diffinit [ces choses] et divise et distingue en pluseurs manieres, il envoie et transporte le regart de sa clarté as grans secréz de nature (Foul., Policrat. B., II, 1372, 160)

Albohaly Alphayat fut en ce temps, selon aucuns, homme sçavant en la science des estoilles. Cestui monstra bien en ses euvres la clarté et perspicuité de son engin ès livres qu'il a composez (Simon De Phares, Astrol., c.1494-1498, f° 99 r°)