OMBRE

substantif féminin et masculin

[T-L : ombre ; GD : ombre ; GDC : ombre ; DECT : ombre ; FEW (XIV, 21b) : umbra¹ ; TLF (XII, 482b) : ombre1]

A. -Au propre.

1.Espace plus ou moins privé de lumière, situé à l'abri du soleil.

...il y avoit si grant nombre De gent, qu'il n'i avoit pas d'ombre Ou on peüst bien herbergier Le corps et le chien d'un bergier. (Mach., Voir, 1364, 334)

[Polyphème à Galatée] Belle, qui plus fais a amer, Plus aggreable et plus plaisans Que solaus en yver luisans Et que n'est ombre en temps d'esté (Mach., Voir, 1364, 630)

Ce chesne estoit moult ramu et faisoit ung grant umbre a l'environ. (Percef. III, R., t.2, c.1450 [c.1340], 169)

...j'apperdeu en ce mondain pourpris Tant de monde et gens de si hault prix (...) ...j'en vy tant soubz ce gratïeux umbre Qu'il n'est vivant qui en sceust dire le nombre. (Saint-gelais, Séj. honn. D., c.1490-1495, 216)

En l'ombre

Il n'a pas un an que j'estoie En un lieu ou je m'esbatoie, Qui estoit d'arbrissiaus couvers Par tout, et si estoit tous vers, Biaus et jolis et gracieus (...). Si m'estoie couchiés en l'ombre Par quoy la chaleur dou soleil Ne me grevast n'au corps n'a l'ueil (Mach., Voir, 1364, 42)

Ombre de qqc. Zone sombre créée par qqc..

[Dans le verger] N'onques n'i plouvoit, ne ventoit, Qu'adès printemps y habitoit, Ne le soleil pour sa chalour N'amenrissoit point la coulour De l'erbe, qu'adès ne fust verte, De l'ombre des arbres couverte. (Mach., D. Lyon, 1342, 163)

La terre qui est le plus bas element n'est pas sperique, car il y a monz et vaulz, mais toutevoies, sa figure trait a sperique et est aussi comme ronde, si comme il appert par l'eclipse de la lune qui appert comme porcion de cecle et qui est causee de l'ombre de la terre. (Oresme, C.M., c.1377, 400)

Aussi est bon certainement Quérir un tel hébergement Où n'ait prèz noyers, ne séues, Figuiers, jusquiame, cicues, N'autres choses portans encombre Par leur oudeur ne par leur ombre (La Haye, P. peste, 1426, 79)

Figuier est un abre cogneu duquel l'ombre est mauvaise et empire l'air. (La Haye, P. peste, 1426, 200)

Mes qu'ilz soyent en croix, de leur umbre Il nous garderont du souleilh. (Pass. Auv., 1477, 205)

À / en / sous l'ombre de qqc. Protégé du soleil par qqc..

Mais en la parfin tant alay Qu'en un trop biau lieu m'avalay ; Si vi en l'ombre d'un arbril, Droitement le tiers jour d'avril, Un batel si bel et si riche Que s'il fust au duc d'Osteriche, Ou le pape, ou le roy de France. (Mach., D. Lyon, 1342, 164)

...assez en est qui volentiers se passeroient de grater sans plus la terre dessus pour eulx delivrer se ilz cuidoient que on ne s'en prenist garde, et qui bien scevent dormir soubz l'ombre d'un saulz aux champs et laissier les chevaulx du labour ou les buefs en ce tendis paistre en un pré (Chr. Piz., Trois vertus W.H., c.1405, 154)

Et endementiers qu'il estoit à l'ombre de son ciel arriva Saintré semblablement armé de toutes ses armes excepté du chief (La Sale, J.S., 1456, 153)

Donner ombre

Ung linge blanc Trop plus seyant - vous seroit pour vous donner umbre. Ce chapeau [la couronne d'épines] vous fait grant encombre, Car il s'esfondre Pour soy rescoudre - dans vostre chief tant precïeux. (Pass. Auv., 1477, 254)

Faire ombre

Les chaisnes, les cedres, les pins, Les amangdeliers, les sapins Et tous li arbres l'enclinoient Quant son tresdoulz chanter ooient Et venoient a li faire ombre Quant elle ha chaleur qui l'encombre (Mach., Voir, 1364, 618)

Tenir ombre

MOYSE. (...) Une nue vous comduisoit, Quil par nuyt dessus vous luysoit, Et par le jour vous tenoit unbre (Pass. Semur D.M., c.1420 [1488], 43)

Par extension. Zone obscure, obscurité.

...toutes les foys que la nuyct obscure couvre les terres de ses umbres humides, que les estoilles assembleez font leur leveez (Eneydes, 1483. In : Chrestom. R., 233)

2.Figure sombre projetée par un corps qui intercepte la lumière, et reproduisant plus ou moins exactement le contour de ce corps.

Qui penroit le plus vaillant homme Qui soit de Nantes jusqu'a Romme (...) S'eüst une robe entaillie D'or, d'argent et de perrerie, La plus tres riche et la plus belle Qui fust en France n'en Castelle, Et puis prenist un païsant De son grant, quoy qu'on voist disant, Leurs umbres seroient pareilles Plus que ne soient deus corneilles, Et fust vestus de camelin Ou d'un sac ou de drap de lin. (Mach., C. ami, 1357, 132)

Aucuns en la louange de saint Pierre vouloyent mettre au devant ses miracles qui furent telz et si grans, mesmement en sa vie, que son umbre tant seulement garissoit les malades (Gers., P. Paul, a.1394, 486)

Ainsy [comme Narcisse] font les folz mondains qui ayment l'imaige de Dieu en lieu de Dieu, et en ce pechent et sont deceuz. Notez de celuy qui fut roy pour ce que premier il vit le soleil en la haultesse de la maison, en tournant le dos contre Orient. Notez de celuy qui se espinoit pour mordre l'ombre des pommes. (Gers., Trin., 1402, 169)

Ombre droite. Ombre que projette un objet vertical sur un plan horizontal, par exemple le sol.

Le premier chapitre declaire qu'on appelle umbre droite et umbre verse et comment on congnoist l'une par l'aultre. C'est assavoir que le umbre qui fait une chose qui est eslevee droitement a plonc sur l'orison si comme une tour ou ung mur est appellee umbre droite, mais le umbre de une chose qui seroit fichee droitement en ung mur est appellee umbre verse. (Fusoris, Gnomo, éd. G. Arrighi, c.1407-1412, 343)

L'ung d'iceulx costez ainsi divisé en 12, qui est le costé du dessoubz d'icellui quarré est appellé umbre verse ; l'aultre costé divisé, umbre droite. (Nic. Chuquet, Géométrie H., 1484, 165)

Ombre verse. Ombre que projette un objet horizontal sur un plan vertical comme fait une potence sur un mur ; ombre renversée.

Le premier chapitre declaire qu'on appelle umbre droite et umbre verse et comment on congnoist l'une par l'aultre. C'est assavoir que le umbre qui fait une chose qui est eslevee droitement a plonc sur l'orison si comme une tour ou ung mur est appellee umbre droite, mais le umbre de une chose qui seroit fichee droitement en ung mur est appellee umbre verse. (Fusoris, Gnomo, éd. G. Arrighi, c.1407-1412, 343)

L'ung d'iceulx costez ainsi divisé en 12, qui est le costé du dessoubz d'icellui quarré est appellé umbre verse ; l'aultre costé divisé, umbre droite. (Nic. Chuquet, Géométrie H., 1484, 165)

...lui rapporterent aussi que l'ombre verse vers septentrion en yver et en esté devers midi par six mois, et que ungne foiz en l'an ne se peut veoir les 7 estoilles que l'on dit le Chariot. (Simon De Phares, Astrol., c.1494-1498, f° 58 v°)

Remarque : FEW XIV, 22a : «Nfr. ombre droite 'qui est projetée sur un plan horizontal' (Enc 1765 - DG) (...) ombre verse 'projetée sur une plan vertical' Enc 1765».

[P. réf. au caractère changeant et illusoire de l'ombre]

...Des biens de ceste mortel vie Qui s'esvanoïssent comme umbre (Tomb. Chartr. Trois contes S., c.1337-1339, 94)

Mais c'est tres peu de chose et tres fragile que ce qui est tant seulement ou memoire des genz, et n'est fors comme un umbre. (Oresme, E.A.C., c.1370, 138)

Ainsis n'est justice c'un ombre ['qu'une illusion'] , Qui ne pugnit les grans larrons Qui font les povres pais rons, Qui emblent, pillent et destruisent, Qui a Dieu et au monde nuisent, Et qui font vivre en grant durté Les bons et en grant cruauté (Desch., M.M., c.1385-1403, 150)

Et ainsy peut on dire et raisonablement que ceulx qui ainsy moerent sont folz et deceu, come cely qui aime son ymage et sa figure qu'il voit en la fontaine, car beauté corporelle et honneurs et richesces et telx choses mondaines ne sont que vanités qui se muent come umbre. (Evr. Conty, Eschez amour. mor. G.-T.R., c.1400, 590)

...la vie de l'homme est comme ung umbre qui trespasse soubitement. (Internele consol. P., 1447, 343)

3.Locution.

a)Aboyer son ombre. Voir aboyerSe dépenser en vain, agir de manière absurde.

...et cil qui sont encor a nestre Estoient chascuns plus soutil, Nom pas une fois, mais cent mil, En bien nombrer qu'Arismetique Et Pytagoras et Musique, Michalus et Milesius Et que li soutils Orpheüs, Et se vosissent encombrer Des biens et des douceurs nombrer, Dame, dont vous avez sans nombre, S'abaieroient il leur ombre ; Car jamais n'i asseveroient, Ne que la mer espuiseroient. (Mach., R. Fort., c.1341, 84)

Et pour ce, quant aucun s'amuse ainsy et tend a aucune grant chose impossible a ataindre ou quant a ly trop forte, on dit assez communement qu'il abaye son umbre aussi que le chien fait, c'est a dire qu'il se deçoipt et qu'il ne scet qu'il fait. (Evr. Conty, Eschez amour. mor. G.-T.R., c.1400, 593)

Remarque : DI STEF., 610c, s.v.ombre.

b)Avoir doutance / peur de son ombre. S'espouvanter de son ombre. Être pris d'une peur irrationnelle, d'une peur de poltron.

ESPERENCE. Certes, si fais, Ce m'est avis, quant einsi fais. Di moy dont te vient la paour Que tu as, ne celle frëour. As tu doubtance de ton ombre ? Je croy que c'est ce qui t'encombre. L'AMANT. Dame, sauf vostre reverence, De mon ombre n'ai pas doubtance. (Mach., R. Fort., c.1341, 114)

...li hairons, quant il voit son umbre, il en a paour. Et pour ce li presens est bien affreans a toy, car tu es le plus couart chevalier qui vive au jour de huy, car tu as paour de ton umbre. (Voeux héron G.L., c.1346, 71)

Bien s'espoentent de lor ombre (Pastor. B., c.1422-1425, 136)

c)(Se) combattre / debattre (à / contre) son ombre. Se battre contre des fantômes ; agir de manière vaine ou absurde.

Comment puënt le geu amer Qui en la fin leur est amer ? [le jeu des dés] Par ardeur qui a ce les maine, Et voulenté de fureur plaine, Ilz se combatent a leurs ombres En attendant le sort des nombres [éd. : 'Se mettre en colère sans motif'] (Le Fèvre, Vieille, trad. De vetula H., a.1376, 91)

Quant je suis hault, je vouldroie estre bas ; Je ne trouve place qui me soit bonne, Contre mon umbre atout par moy combas ; Aux oiseaux mesmes qui volent me debas (Hautev., Compl. B., c.1441-1447, 32)

De legier pleure a qui la lippe pent ; Ne demandés jamais comment lui va, Laissez l'en paix, il se confortera, Ou en son fait mettra apointement. A son umbre se combatra souvent, Et puis son frein runger lui convendra (CH. D'ORLÉANS, Rond. C., 1443-1460, 314)

JUDAS. J'yray devant, ilz me suyvront (...) Et vous les verrés ramener Tantost vostre grand adversaire.. CAYPHE. En es tu seur ? JUDAS. Laissés m'en faire. Je ne debas pas a mon umbre ; Mais il faut estre grand nombre (Michel, Myst. Pass. J., 1486, 277)

A mon umbre alloye combatant (Amant cord. M., 1490, 30)

Remarque : Cf. G. Hasenohr, M. fr. 14-15, 1984, 246-247.

d)Faire croupir qqn à l'ombre. Le tuer.

Tant furent lors François esvertuez Pour les poiltrons faire cropir a l'ombre, Que des blessez, des mors et des tuez Nul n'est vivant qui en saiche le nombre. (La Vigne, V.N., p.1495, 175)

Remarque : Cf. FEW XIV, 22a, s.v. umbra : «Nfr. mettre qn à l'ombre 'tuer' (BL 1808-Ac 1878)».

B. -Par analogie.

1.[P. allusion aux croyances de l'Antiquité et au séjour des morts]

a)Douloureuse / mortelle ombre. Obscurité où séjournent les morts.

...la ou les mors qui estains sont en dolereuse umbre... (Chastell., Temple Boc. B., 1463-1464, 129)

J'apperceu lors, devers soleil levant, De corps humains floter un moult grant nombre. Dont de rechief voyant ung mortel umbre (...), Recommençay complaincte non pareille. (Saint-gelais, Séj. honn. D., c.1490-1495, 261)

Il [Sanson] rua jus les posteaulx et pilliers, Portant le faix ; dont plus de troys milliers Des discumbens, et luy comprins au nombre, Furent estaings dedans ce mortel umbre. (Saint-gelais, Séj. honn. D., c.1490-1495, 300)

b)Âme du défunt.

Je ne vueil pas, dist il, hors traire Les ombres de leurs sepultures Pour savoir les choses obscures (Échecs amour. Koert., c.1370-1380, 21)

...et les payens cuidoyent que les ames errantes entour les tombeaux les usassent [les nourritures portées en sacrifice] , lesquelles ilz appelloyent umbres. (Batallier, Lég. dorée D.-L., 1476, 323)

2.Image, reflet (dans l'eau).

...saint Jeroime (...) raconte la fable ysopienne du chien qui tenoit un os en sa bouche, le quel voiant l'ombre de son os dedens l'eau qui sembloit estre plus grant que l'os qu'il tenoit, pour tant il delaissa l'os qu'il tenoit pour aler aprés l'ombre. (Legrand, Archil. Sophie B., c.1400, 155)

[P. allusion à Narcisse]

...ou Narchisus son umbre ama. (Echecs amour. K., c.1370-1380, 110)

Miré me suys ja longtemps a mon umbre (Saint-gelais, Séj. honn. D., c.1490-1495, 228)

Par extension. Figure, image.

En quelque lieu que nous soyon, L'ombre porteray d'un lyon Sur mes armes (Coudrette, Mélus. R., c.1401-1402, 184)

C. -Au figuré.

1.[À partir de l'idée d'obscurité]

a)Ténèbres, ce qui s'oppose à la lumière (de Dieu, du bien...).

Le peuple quil sëoit en l'onbre, En regÿom de mort obscure Tresgrant clarté verront tresluyre (Pass. Semur D.M., c.1420 [1488], 68)

JHESUS. (...) Vous tous de ceste région, Qui avez sis longue saison En tenebres et umbre de mort, Je vous apporte vray confort, Venez a moy et entendez A ma parolle, et prétendez A vraye clareté venir (Marcadé, Myst. Pass. Arras R., a.1440, 86)

...et exaulce l'oroison de ton povre serviteur exilé loing de toy en region de umbre de mort. (Internele consol. P., 1447, 265)

L'ombre de peché

Vueilliez mon cuer oster de l'ombre De pechié dont mené sanz nombre Sont maint pecheur a dampnement. (Mir. femme roy Port., c.1342, 189)

Mortel ombre (du péché)

Car tu sces que peché encombre Et tousjours porte mortel umbre A celuy en qui peché maint. (Michel, Myst. Pass. J., 1486, 120)

L'ombre de qqc. (de négatif). La menace de.

La malice d'espris mauldiz, L'ombre de la male adventure... (Michel, Myst. Pass. J., 1486, 105)

Sans ombre. Sans rien d'obscur.

Il a bien de noblesse tant, De scens, d'honneur et d'onnesté, De gieus et de jolieté Ou gent esprivier et en dame Et en bonne amour sans diffame Et en amant d'amour espris, Cui ses cuers est de dame pris, Que trop se porroit encombrer Cils qui les cuideroit nombrer. Car c'est chose qui est sans nombre ; Et aussi est elle sans ombre, Mais toutes heures en clarté, Tant comme on y tient loyauté. (Mach., D. Aler., a.1349, 289)

b)Ce qui est caché, cachette.

En / sous ombre. En cachette, secrètement.

Et scet on leurs fraudes obliques (Tout en facent maintes soubz umbre !) (Chr. Piz., M.F., II, 1400-1403, 9)

...chacun en son ombre se renforce volentiers et grandist à l'encontre d'un autre (Chastell., Chron. K., t.4, c.1456-1471, 158)

Faire ombre à qqn. Cacher la réalité à qqn, lui donner le change.

Dont avient qu'il en pert son chatel et en devient tout abesté et se met tout en non chaloir, ne jamés, puis que ainxin est, elle ne le amera, si ce n'est pour passer temps et pour lui faire umbre. (Quinze joies mar. R., c.1390-1410, 17)

c)Énigme.

...les obscures choses des songes il mectoit en lumiere par la revelacion de Dieu : il trouvoit les umbres, et secréz des figures savoit exposer. (Foul., Policrat. B., II, 1372, 156)

2.[À partir de l'idée que l'ombre est la trace, l'image de qqc.]

a)Ce qui survit d'un défunt.

Lasse ! je suis en aventure De morir de mort einsi dure Com li biaus Narcisus mori, Qui son cuer tant enorguilli, Pour ce qu'il avoit biauté pure Seur toute humeinne creature, Qu'onques entendre le depri Ne deingna d'Echo, qui pour li Reçut mort amere et obscure. Mais bonne Amour d'amour seüre Fist qu'il ama et encheri Son ombre et li pria merci, Tant qu'en priant mori d'ardure. Lasse ! et je criem morir einsi, Car onques de mon dous ami, Quant il m'amoit de cuer, n'os cure. (Mach., Motés, 1377, 496)

b)Ce qui paraît de qqn (et qui correspond à la réalité).

...mais que vous ne faciez mal a ces .ii. hommes car il sont venuz en ma maison, en ma seurté et souz l'ombre de ma grandeur (Raoul De Presles, Genèse P., c.1375-1380, 105)

En / sous ombre de qqn. À la place de qqn.

Ma cousine en ombre de moy Fis couchier avecques le roy, Pour ce qu'il ne s'aperceust Que mon pucellage n'eust. (Mir. femme roy Port., c.1342, 191)

Il n'estoit ja mestier, si vous n'y vouliez plus venir, d'y envoier aultruy soubs umbre de vous. (C.n.n., c.1456-1467, 213)

c)RELIGION [À propos de l'Anc. Testament par rapport à un fait du Nouv. Testament] Trace, préfiguration.

Et dist l'Apostre, en la primiere Aux Corinthiens, que toutes cez choses venoient en figure, et Aux Ebrees, ou Xe chapitre, dit que la Loy ancienne a humbre de choses advenir. (Songe verg. S., t.1, 1378, 111)

...le Crestian qui boit de ce precie[u]lx sanc [du Christ] n'ara jamés soif. Et cela estoit en figure et en unbre, mez ce que nous avons, en nostre foy, est pure verité : (...) 'la lumiere est milleure que l'umbre, la verité que la figure, le corps de Jhesuchrist que le manne du ciel'. (Songe verg. S., t.1, 1378, 326-327)

Encores la sinagoge avoit abandonnné la loy d'Escripture que Dieu donna a Moyses qui estoit figure et umbre de nostre mere sainte Eglise, laquelle loy de Moyses a l'entendement de l'esperit tindrent saintement les sains prophetes Ysaye, Jeremye, Ezechiel et Daniel et le souverain prophete David et pluseurs autres (Mézières, Vertu sacr. mar. W., c.1384-1389, 111)

Remarque : FEW XIV, 22a : sens daté de 1553-1937.

3.[À partir de l'idée que l'ombre protège du soleil]

a)Lieu ou situation où l'on est préservé, refuge.

LE MARCHANT. (...) Durant dix jours si rigoureux Je y ay eu des pertes sans nombre, Parquoy fault estre curïeux D'aller venir en plusieurs lieux Pour sçavoir ou est meilleur umbre. (Myst. jeune fille L., c.1413-1445 [c.1530], 10)

Prendre ombre qq. part. Se réfugier qq. part.

Malédictions me sievent, et divisions et pestilences se congréent là où je prens ombre. (Chastell., Chron. K., t.3, c.1456-1471, 248)

b)Protection.

Je suis tres bien d'oppinion, Afin qu'en ce conseil ayons, Qu'ensemble nous nous retrayons Devers nos princes souverains, Noz evesques, noz premerains, Et lors, soubz umbre pastoural, Tiendrons ung conseil general Pour tuer cest homme mauldit. (Myst. Pass. Troyes B., a.1482, 516)

Sous l'ombre de qqn. Sous la protection de qqn.

Pour ce a ledit pelerin esperance en la misericorde de Dieu que, combien qu'il soit venus bien tart comme musart et a l'onzime eure, ou darrain quartier de ses jours, soubz l'onbre des benois Celestins (...) il puist offrir (...) un petit singne de repentance (...) par laquelle Dieu doucement le veulle recevoir ou nombre de ses esleus (Mézières, Test. G., 1392, 320)

...tu affermes que ceulz du peuple, qui soubz ton umbre ['alors qu'ils sont sous ta protection, sous ton gouvernement'] se sont mis sus, font les deliz dont tu acquiers les mauvais loz. (Chart., Q. inv., 1422, 39)

...vous m'avez pourvu de royaume et de nom de prince sous vostre ombre. (Chastell., Chron. K., t.3, c.1456-1471, 123)

Par extension. En l'ombre de qqn. Au contact de qqn.

En ce pays sont tuit pilleur, Qui prennent les gens et detiennent Et robent (ne sai dont il viennent) Et s'en tuent, quar en leur ombre Chascuns pour mal faire s'aombre. (Mach., Voir, 1364, 382)

c)Couvert, caution.

En / sous (l')ombre de qqn. Sous le couvert de qqn, au nom de qqn, en se référant à qqn.

...ne voulons que ou temps à venir nous, ou noz successeurs, ou nos gens, ou autres, en l'ombre de nous, puisions aucun droit reclamer (Trés. Reth. S.L., t.2, 1345, 49)

Et ne doit pas faire ainsi comme les Francoys, qui en tel cas soub l'ombre de moy, Magnificence, tiennent tousjours l'extremite, et gectent tout par escuelles, en despendant plus a ung disner qu'il ne devroient faire en deux moys. (Mézières, Songe vieil pèl. C., t.1, c.1386-1389, 512)

Et vraiement il est veriteit que le(s) marchans ou je les ay achatteiz sy n'est mie paien, et les achata(t) sur l'ombre de vous. (JEAN D'OUTREM., Myr. histors G., a.1400, 227)

...et soubz umbre de nostre dit fils [le Dauphin] ont nourry et nourrissent lesdictes divisions (Doc. 1419. In : L. Mirot, Le Moy. Âge 21, 1919, 2)

...Pour les grans maulx qu'on a commis Au royaume en l'ombre de nous. (Taillev., Moral. D., 1435, 105)

...mais si riens estoit advenu, c'estoit à leur desçu et à leur désaveu, et avoit esté fait par fainte et mauvaise simulation soubs leur ombre (Chastell., Chron. K., t.3, c.1456-1471, 437)

Vous estes blasmé des premiers, Car voz trois meschans chevailliers, Meschans et de meschant arroy, Lesquelx trois, soubz umbre de moy, Vous avez aux Juïfz prestéz, S'i sont tres meschamment portéz Et mal a leur honneur venu. (Myst. Pass. Troyes B., a.1482, 990)

À l'ombre de bonne foi. En toute bonne foi.

[D'un messager du roi] Et de fait vint aborder à luy [au comte] tout à l'ombre de bonne foi, et luy dit les nouvelles que le roy avoit oyes [mais le comte le fait prisonnier] (Chastell., Chron. K., t.5, c.1456-1471, 503)

En l'ombre de qqc. À la faveur de qqc..

Si devoie un pelerinage A .II. lieues pres du manoir Ou ma dame devoit manoir. Si m'avisai que jë iroie Et que mon veu adcompliroie Et qu'en l'ombre de ce voiage Je verroie le doulz visage, Le doulz oueil et le cointe atour [de ma dame] (Mach., Voir, 1364, 180)

Sous (l')ombre de qqc. Sous le couvert de qqc. (qui est réel), à la faveur de qqc..

...lequel sauf conduit il print et accepta, soubz ombre duquel sauf conduit, il, par trois ou quatre fois, s'est partis à pié dudit fort de Salucet, venu espier les François, qui aucune fois fesoient embuches près dudit lieu de Salucet (Reg. crim. Chât., I, 1389-1392, 123)

...soubz umbre et par vertu desdittes faulses lettres royaulx et commissions desdiz maistres des eaues et forez, il, acompaignié de Guillemin de Neelle (...) ont alé et venu en plusieurs villes dudit pays de Gastinoiz, esqueles ilz ont eu, de plusieurs personnes demourans et habitans en icelles villes, plusieurs et grans sommes de deniers (Reg. crim. Chât., II, 1389-1392, 68)

Et mesmement font les diz nobles et notables personnes telz dons de cottes, chaperons, parures à pluseurs personnes par manière de confrarie, soubz umbre de jeux de l'arbalestre et ars à main (Hist. Lille T., t.2, 1397, 286)

...moult des procureurs de ceans exigent de leurs maistres, soubz umbre de la Court et pour avancer les procès de leursdiz maistres, grans finances et argent (Baye, I, 1400-1410, 62)

Cedit jour, fu plaidoiée la cause d'entre Renault d'Azincourt et autres, d'une part, et le procureur du Roy, Pierre Aymery et autres, d'autre part, sur un excès fait en l'ostel des filles dudit Aymeri soubz umbre de mariage. (Baye, I, 1400-1410, 132)

Et piz y a des aucuns qui soubz ombre de leurs dis offices ou service font plusieurs extorcions et roberies à maintes povres gens si comme les preneurs pour les seigneurs et telz gens. (Chr. Piz., Paix W., 1412-1413, 84)

...de certains gaiges et namps que iceulx habitans prétendoient avoir esté prins en leurs hostels par aucuns des gens et officiers dudit sire de Laval, soubz umbre desdiz guetz (Cartul. Laval B., t.5, 1415, 60)

Mais toutefois, pour ce que freschement, soubz umbre de [l. et ?] couleur de terme de paix, (...) aulcunes nouvellités et mutacions ont esté faites en nostre royaume de France... (Doc. 1435. In : MONSTRELET, Chron. D.-A., t.5 c.1444-1453, 207)

O Judas, voicy dure somme : Soubz l'umbre d'un baisier polu, Tu viens trahir le Filz de l'omme. (Gréban, Pass. J., c.1450, 252)

...soubz le mantel de crainte me suis aventuré et non soubz l'appuy et confiance de mon foible engin et rude stile, ains soubz l'ombre de ton benigne et gracieux support, à toy ouvrir mon corage et monstrer mon amour par ceste lettre inculte, te priant que par ta bonne coustume veulles excuser mon ygnorance et rudesse. (Robertet, Oeuvres Z., c.1450-1500, 119)

Madame, qui tant avoit sa joye renouvellee embuschee soubz l'ombre du parler que la royne ly avoit dit, couvrant sa restoree maladie a la royne dist : 'He ! ma dame, comment ?...' (La Sale, J.S., 1456, 158)

...a vous dire verité, je me suis party de nostre païs soubz umbre du pardon qui est a present icy. [à Rome] (C.n.n., c.1456-1467, 284)

...par faux desloyaux meurtriers et parjures, qui, sous l'ombre de ta présence innocente, ont exécuté leur long propos et souillé ton premier harnois de sang (Chastell., Chron. K., t.1, c.1456-1471, 54)

Sous ombre donques de ce previlège droit-cy se retraient en ceste ville souvent (Chastell., Chron. K., t.3, c.1456-1471, 39)

...lequel estoit en apparence de soy eslever et enfièrir dangereusement à l'encontre du duc, ou au moins d'avoir une grant part de ses volentés au dit pays sous l'ombre de l'évescié (Chastell., Chron. K., t.3, c.1456-1471, 70)

Mais soubz l'ombre de ceste feste, On leur baille bien sur la teste. (Sots gard., a.1488, 107)

Sous ombre de + inf.

...car soubz ombre de celebrer conviz et festes l'en les [convia] de ça et de la pour chanter et tromper, et si leur donna on tant a boire de vin, duquel ceulz de celi mestier sont assez glout, que il s'endormirent. (Bers., I, 9, c.1354-1359, 30.8, 55)

...soubs ombre de faire guerre aux Anglès, et passans soubs ceste couleur parmy le pays de Boulonnois [,] firent des maux intolérables aux habitans d'iceluy (Chastell., Chron. K., t.3, c.1456-1471, 340)

...incontinent s'efforceroient lui faire oster sa liberté et faculté de soy deffendre et soubz umbre de dire : 'Voire, nous sommes pour la foy', lui feroient acroire qu'il aroit mengié le Deable (Simon De Phares, Astrol., c.1494-1498, f° 6 v°)

Sous ombre de ce que

...car, subz umbre de ce que il [le roi d'Angleterre] porte lez armes, et se dit roy de France, aucuns simples subjés du Roy pourroient estre deceüz, ou aultres, qui n'ont mie bone volanté a la couronne de France, se voudroient excuser de seremens fais au Roy (Songe verg. S., t.1, 1378, 290)

...et aussi avoir mal prins esdites hales, environ ycellui temps, une petite touaille par elle vendue XVJ d., et laquele elle print soubz umbre de ce que elle barguignoit des draps à lit pour acheter. (Reg. crim. Chât., II, 1389-1392, 435)

4.[À partir de l'idée que l'ombre n'est qu'une apparence]

a)Apparence.

Sire, je confesse a toy ma povreté, que je ne suy fors toute vanité et umbre de mort (Gast. Phébus, Livre oraisons T., c.1380-1383, 63)

Sous ombre de. Sous l'apparence de.

Comment ha uns homs hardement De penser si tresfaussement Que un feroit et l'autre diroit Et sa dame ainsi traÿroit En ombre de paix et de bien ! C'est traÿson, ce sai je bien. Li uns Jhesucrist li jur[r]a Qu'il l'amera tant com durra, Et li autres li fiancera Que sans retollir siens sera, Et c'est tout pour li decevoir, Qu'elle ne saura percevoir Sa traÿson, sa mauvaisté Et sa mortel inimisté. (Mach., Voir, 1364, 302)

...[un ermite] soubz umbre du doulx manteau d'ypocrisie, faisoit des choses merveilleuses (C.n.n., c.1456-1467, 97)

Sans quelque ombre de. Sans la moindre apparence de.

Ne te semble il pas quant tu te regardes en claire lumiere sans quelque vmbre de dissimulacion que tu te trouueras en vne region estrange loing de la perfection diuine et moult defaillant en plusieurs choses (Cib., p.1451, 197)

b)Apparence trompeuse, semblant, prétexte.

Sous (l')ombre de. Sous couleur de, en prenant prétexte de.

Mais je n'en perdray pas ma part, Car brief, soubz umbre de justice, Luy brasseray telle injustice Qu'elle mourra de malle mort. (Myst. jeune fille L., c.1413-1445 [c.1530], 42)

Soubz umbre desquelles parolles ledit Morel se feust doubté de sadicte femme, tant que a certain jour ledit suppliant l'eust batue. (Chancell. Henri VI, L., t.1, 1423, 11)

Par lesquelles corrupcions soubz umbre de compassion et aussy trop de crudelitez, se sont trouvees maintes seignouries venir a mains et mainteffoiz deshonnestement finir (La Sale, Salade, c.1442-1444, 9)

...soubz umbre de saincte vie Et par une faincte justice, Ont trouvé le plus grant malice Dont jamais homme s'advisa. (Gréban, Pass. J., c.1450, 379)

...pour plus celeement et couvertement leur fait conduire, soubz umbre de devocion se levoient chacun jour une heure ou deux devant le jour ; et quand il leur sembloit heure d'aller veoir leurs amoureux, elles disoient a leurs mariz qu'elles alloient a matines (C.n.n., c.1456-1467, 373)

C'est a grant mal soubz umbre d'equité. (Lyon cor. U., 1467, 45)

...et se faisoit ceste emprinse soubz umbre du bien publicque (La Marche, Mém., III, c.1470, 8)

A Orleans tu l'as bien trahy Soubz l'ombre de treve et de paix ; Tu l'as piteusement meurtry, Luy qui mal n'y pensa james. (Myst. siège Orléans H., c.1480-1500, 275)

...soubz umbre de justice, les dis princes exigent et extorquent les biens des dis citoyens (Tardif, Apologues R., c.1493-1498, 85)

Sur ombre de

Tous grans malices font faulx hommes sur umbre de bien (Percef. IV, R., c.1450 [c.1340], 336)

Sous ombre et couleur de

Puis que ilz [les saints pères] eurent ainsi preché au pueple et que il fust enformé, soubz umbre et couleur de pitié et de charité, et afin que il semblat mielx que il voussisent de touz diligeaument et saintement penser, ilz firent constitucions dez choses qui appartenoient a l'estat de Saint Eglyse (Songe verg. S., t.1, 1378, 101)

...soubz ombre et couleur de courtoisie et de liberalité recevoit joyeusement en son hostel tous hommes trespassans (Premierfait, Cas nobles hommes G., 1409, 162)

...soubz umbre et couleur d'un certain tel quel usaige introduit en temps passé par les juges royaulx (Hist. dr. munic. E., t.1, 1475, 115)

Peu de temps aprés, le Mignon Impetra d'icelluy seigneur Lettres de manumission, Soubz umbre de ce et couleur Qu'il estoit ung bon serviteur (Coquill., Oeuvres F., 1478-p.1494, 101)

Et fut la conspiration de sa mort si tres abhominable que, de sens rassis et faict advisé de long temps et, ou sainct temple de Dieu, fut inhumainement agressé soubz ombre de benigne salutation. (Antitus, Poés. P., c.1500, 68)

Sous ombre de + inf. Sous prétexte de.

...penssant prendre madicte dame et ledit chastel soubz umbre de la veoir, comme il soulloit faire (La Sale, Salade, c.1442-1444, 196)

Voire, dist elle, le traistre m'a il en ce point deceue ? il m'a laissée soubz umbre d'aller servir Dieu et m'a baillée a ung aultre. (C.n.n., c.1456-1467, 416)

Sous ombre de ce que. Sous prétexte que.

...et encores detient la dite povre suppliante prisonnière, soubz umbre de ce qu'il dit son dit mary tenir la partie du dit prince (Doc. Poitou G., t.4, 1369, 15)

...soubz umbre de ce que ledit bailli ou son lieutenant, soy disant à ce commis, comme dit est, avoit fait crier et publier de par nous en son bailliage (Trés. Reth. S.L., t.2, 1390, 364)

...dont il fut en voye de la tuer dès lors, soubz umbre de ce que elle cuilloit du fruit ou dit heritaige (Doc. Poitou G., t.6, 1399, 345)

...laquelle somme l'en disoit que ledit Morelet avoit ottée par force à cellui qui l'apportoit à Paris, soubz umbre de ce qu'il disoit que le Roy lui devoit. (Baye, I, 1400-1410, 165)

...soubz umbre de ce que lesdictes lettres faisoient mencion de l'anticipacion dudit terme, ledit Berthelemi avoit miz et demandé en despense pour le plain terme dudit Noel pour icelle pension 250 frans, montant à 466 livres 13 solz 4 deniers, jasoit ce que audit chevalier n'en deust avoir payé fors 153 livres 6 solz 8 deniers à rate de tamps (Comptes Etat bourg. M.F., t.3, 1418-1420, 712)

...ledit prevost vouloit, soubz umbre de ce qu'ilz [les sergens] ont renouvellé leurs seremens, exigier d'eulz certains drois ou chappons (Fauq., II, 1421-1430, 97)

Sous ombre que. Au prétexte que.

...tu es venuz espier Quel pais j'ay (...) Soubz l'ombre que demande avoir Clovis femme c'onques ne vit. (Mir. Clov., c.1381, 216)

Certain est que mon frere Atreus qui me avoit for banni du royaume de Micenes par force et violence soubz ombre que je eusse couchié avec sa femme... (Premierfait, Cas nobles hommes G., 1409, 140)

...et pretendoit Aman de faire exillier la royne Hester et morir Mardocheus son oncle soubz ombre qu'il estoit Juÿfz (La Marche, Triumphe dames K.-B., p.1488, 56)

Prendre ombre de + inf. Prendre prétexte pour.

...et les menerent deviers le roi, auquel il compterent tout l'afaire, et conment li rois d'Escoce et la roine le venoient veoir, et avoient pris ombre et escusance de venir a Saint Mor. (Froiss., Chron. D., p.1400, 238)

c)Par extension. Motif, instigation.

...soubx umbre d'envie, avoient mis embusche contre moy. (Michault, Procès honn. F., p.1461, 44)