ANNIHILER

verbe

[T-L : anichiler ; GDC : annihiler ; FEW (VII, 139a) : nihil ; TLF (III, 66b) : annihiler]

A. -Anéantir, détruire, réduire à néant (une chose perçue positivement).

[Une chose concr.]

Et par consequant, elle [matiere] seroit adnichilee et du tout anientie. (Oresme, C.M., c.1377, 252)

Puis at Gemblous destruite et Nivelle gastée, Arse l'out et bruie et si annicillée, Semmeir y powist ons bleis se fuissent cheruwées. (JEAN D'OUTREM., Geste Liège B.B., t.5, a.1400, 616)

...je te prophetise, comme vraye sebille, que ja ceste cité, que tu a nostre aide fonderas, ne sera ja anychilee ne decherra (Chr. Piz., Cité dames C., c.1404-1407, 631)

Et plusieurs des choses creé[e]s Seront en fin anichillees Et toutes a neant reduytes (Michel, Myst. Pass. J., 1486, 11)

Phebus ay non qui porte en mon hëaulme L'auriflamme qui le trosne enlumine, Mais deposer me fault mes rays de flamme Que rien n'enflamme et que tout homme et femme, Que tant ayme, voye ma face divine, Si bien domine que par où je chemine Naige ou bruine anichille et deluge, Et pour cause m'ont fait les dieux leur juge. (Cene dieux, c.1492, 108)

[Une chose plus abstr.]

Mais quant s'amour premiére ert a sa fin alée, Et que du tout en tout sera anichillée... (Brun de la Mont. M., c.1350-1400, 36)

Et pour ce peut il estre que la tristesce seroit espoir sy grande et sy desordonnee qu'elle seurmonteroit et adnichilleroit toute la vertu de musique et la doulceur de ses consonancies (Evr. Conty, Harm. sphères H.P.-H., c.1400, 87)

...dont les Anglois veans la prudence et valeur du souverain prince, garde de son pais comme bon pastour de ses ouailles, par lequel leur bonne fortune estoit malement adnichilee (...) n'oserent plus mettre pié en France (Chr. Piz., Faits meurs Ch. V, S., I, 1404, 242-243)

Je suis ta creature, povre ver de terre et non pas homme, car mon ame est adnichillé par pechié (Chr. Piz., Psaumes allég. R., 1409, 98)

SATHAN. Marie trop mal me promaine. Par elle je suis confondu, Et tout mon brassin morfondu, Et adnichilé tout mon art (Myst. jeune fille L., c.1413-1445 [c.1530], 42)

...le quel duc (...) fit reconsilier au roy le duc de Bourgongne, les esforcemens de la tres infelicieuse mere tous anichilez (Juv. Urs., T. crest., c.1446, 72)

Soubz ceste premiere doctrine se doivent comprendre les mellencolyes et marrissons, lesquelles samblablement font grand dommaige au corps humain, car par ce moyen le corps devient maigre et froit, le ceur est serré, l'entendement et engin obscuré, rayson parturbee, et la memoire anichilee. (Rég. santé corps C., 1480, 1-2)

...car assés souvent peut advenir que le plus foible, qui a cedé au plus fort, demeure en son entier et la force de celuy qui plus fort estoit est froissee et anichilee. (Tardif, Apologues R., c.1493-1498, 67)

...l'onneur et sainteté de tous lesquelz ledict calumpniateur et ignorant detracteur s'efforce charger, fouller et diminuer en blasmant ladicte science et aussi, en ce faisant, s'efforce confondre et adnichiler toute philozophie, dont elle deppend (Simon De Phares, Astrol., c.1494-1498, f° 4 r°)

[Le pouvoir, la volonté de]

Car ceulz qui ne participoient es princeys evacuoient et adnichiloient le princey petit a petit, siques a tant que le princey premier fait fust transmué par les Anciens. (Oresme, Pol. Arist. M., c.1372-1374, 217)

O geometrien, dy, parle a moy : Pourquoy as-tu si grant esmoy De si haultes choses comprendre, Celles en tes sens vouloirs prendre ? Je dy que ton entendement, Ton vouloir et ton sentement Tu anichilles et destruitz, Et n'ediffies ne construitz. (Rivière, Nef folz D., 1497, 425)

[Un être, une collectivité...]

...doqueil monssaingnor Johan furent pluseurs beaz enfans, qui, al jour d'uy, sont presque toz aninchilleis (Hemricourt, Miroir Hesb. B.B., 1353-1398, 87)

[Dieu] peut d'icelles [creatures] faire tout son bon plaisir et les anichiler ou les punir eternellement (Gers., Cendres G., c.1402, 578)

N'est il pas a toy advis que la raison soit assez neccessaire que si precieulx ouvrage que Dieu avoit fait, comme est l'umain lignage, lequel estoit en peril, qu'il deust restaurer et non laissier du tout adnichiler... ? (Crap., Cur Deus, De arrha B.H., c.1450-1460, 169)

Cestui est mon ennemy et contraire a mon gendre, car il me a souvent consumee et gastee et a neant reduitte. Et, maintenant, je m'en puis vengier se je veul et du tout anichiler et estaindre, mais, selon le conseil de l'Apostre, je ne veul rendre mal pour mal (Colart Mans., Dial. créat. R., 1482, 102)

Seigneurs, la cité est brulee, On n'y voit vivant creature Qui ne soit toute anichilee En pourre, en cendre et en ordure. (Molinet, Myst. st Quentin C., c.1482, 35)

Ilz seront attendus, Avironnés, assiégés, assaillis, Aguillonnés, assommés, abatus, Anichilés, agressés, appalis... (Molinet, Myst. st Quentin C., c.1482, 72)

B. -Abolir, annuler, révoquer.

[Une loi, un usage]

Biaus seigneurs, se viellart grejois Nos sacrefices et nos loys Destruit, confont et anichile, Il honnira toute la ville Se nous n'y metons tost remede. (Jeu st Den. S., c.1380-1400, 86)

LA FEMME DE PILATE. (...) Pour quoy regardés que vous ferés, Quar tous vous serés degecter De Jherusalem la citer, Quar l'empereur de Romme Et tous ses saiges homme Cuyderont que la loy soit perdue, Anichilee et confondue. (Pass. Autun Biard F., 1470-1471, 89-90)

[Un droit, un privilège]

...avons de certaine science affranchis et affranchissons, par la teneur de ces présentes, de grâce espécial à tousjoursmais et perpétuelement de la devant dite mainmorte, en ostant, adnichillant et mettant du tout au néant ycelle dès maintenant des hommes, femmes et enfans habitant et qui habiteront en nostre dite ville, par ainsi que toutes et quanteffois qu'eulx ou aucuns d'eulx soient homes, femes ou enfans, se départiront d'icelle nostre ville pour aler demourer ou faire leur résidences autre part (Chartes communes Bourg. G., t.2, 1409, 515)

Loy est destruicte et clarté morte Et tout bon droit adnichilé (Robinet, Compl. François H., p.1420, 59)

...les empereurs et roys ou temps passé (...) ont baillié et donné à l'Eglise pluseurs beaux privileges et drois temporelz, lesquelx ne doivent estre ostez ou adnichillez par leurs successeurs, qui ainçois les devroient augmenter. (Fauq., III, 1431-1435, 102)

...en allant formeement contre les lettres dessus transcriptes, en anichillant et voeulant anichiller les previlleges de la dite ville, dont dessus est fete mention (Hist. dr. munic. E., t.3, 1459, 503)

[Un engagement pris]

...le roy des Anglois, desprisant sa legation, quelque chose qu'il leur promit il anichila tout et sa parole avec, c'est a entendre qu'il ne daigna faire nulle responce (Juv. Urs., T. crest., c.1446, 130)

[En partic. un mariage]

Et Happefrens, ses freires, soy mariat à Houten promierement ; se fut ly mariages anynchileit par Saint Engliese, si que de noveal ilh est remarieis à Tinelemont. (Hemricourt, Miroir Hesb. B.B., 1353-1398, 188)

Et quant la dicte damoyselle out par plusseurs annéez esteit avoekes son dit marit en mariage, elle porkachat la dyvortion et separation par caze de proismeteit, et fut par Sainte Engliese ly mariages aninchilleis et ly enfes jugies drois hoirs. (Hemricourt, Miroir Hesb. B.B., 1353-1398, 213)

...les tesmoings [ouys], et la chose bien debatue, l'evesque adnichilla et jugea estre nul ledit mariage (C.n.n., c.1456-1467, 417)

C. -Faire disparaître (une chose perçue négativement).

Pour ce s'ala esbeneant Pour anichiller sun meschief Dont il ne peut venir a chief... (Renart contref. R.L., t.2, 1328-1342, 195)

...Font toutes douleurs oblier Et tous ennuis adnichiler (Guill. Digull., Pèler. âme S., c.1355-1358, 220)

...Pous [l. pour] lez diz Bretons, prez d'Escoce, Ramener a foy catholique, Et par escripture ententique [l. autentique] Adnichiler leurs heresies. (Mir. ste Genev. S., c.1410-1420, 62)

Il me consola, Il adnichila Mes doleurs enfermes Qu'il desmoncela, Puis qu'il fit cela, J'emploiray mes larmes. (Molinet, Myst. st Quentin C., c.1482, 275)

D. -Tenir pour rien, ne faire aucun cas de.

[Une chose]

...le roy aniceloit les lettres ou Radus luy mandoit tout le fait. (JEAN D'OUTREM., Myr. histors G., a.1400, 179)

[Une pers.]

Et sa vaine gloire [Théodore Métochite] estoit si grant que il despisoit et anichiloit tous, fors li et cilz que de li estoient nez, et pourveoit continuelment cil qui de li estoient nés, et leur donnoit aide a son pouoir. (Vignay, Théod. Paléol. K., c.1333-1350, 108)

E. -Empêcher (une action à venir).

SOPHONÏAS. Mes amys, voulez vous venir Au sainct temple de Galilee Sacrifier ? LE PREMIER JUIF. Adnichillee Ne doit estre l'oblation Que en fervente devotion Les Juifz ont coustume de faire. SECOND JUIF. Allons tel sacrifice faire Qu'i est acoustumé que on face. (Brun de la Mont. M., c.1350-1400, 446)

[Une demande]

Si vous requier pour Dieu qu'un seul don me donés, Et se je vous demande autre que ne vourés, Je vous en pri por Dieu qu'il soit anicillés. (Brun de la Mont. M., c.1350-1400, 20)

F. -S'annihiler de qqc. Se soustraire à qqc..

Se tu te sçavoies parfaictement anichiler et evacuer de toute humaine amour, lors je deveroie en toy espandre ma grant grace (Internele consol. P., 1447, 191)

Remarque : Les formes en c(h) viennent de la transcription médiévale nichil pour nihil.