ASSURER

verbe

[T-L : assëurer ; GD : asseurer, esseurer ; GDC : aseurer ; AND : asseurer ; DECT : assëurer ; FEW (XXV, 509-517b) : *assecurare ; TLF (III, 741a) : assurer]

I. -[Idée de stabilité]

A. -Assurer qqc.

Rendre stable, affermir (un objet).

PILATE. ...Faictes que l'arbre soit fiché Et asseuré de toutes pars. Ne faictes plus cy les coquars ; Drecés [la] croix et crucifix Affin que soient tous assoufis Les Juïfs qui tant l'ont grevé. (Michel, Myst. Pass. J., 1486, 402)

Va me lyer tout alentour L'eschielle pour mieulx l'assurer. (La Vigne, S.M., 1496, 318)

Consolider (une chose abstr.).

...et là vindrent ceulx de Napples et composèrent en asseürans leurs privileiges anciens (Comm., III, 1495-1498, 94)

B. -[D'une chose] S'assurer en qqc. S'affermir, s'enraciner dans qqc..

Maiz du Danois ne vueil je mie compareir a nulz hommez mortelz, car c'est cil a qui proesse salue, c'est la flour ou tous biens [s'asseure], c'est le miedre qui soit des(o)u(b)z la mere. (JEAN D'OUTREM., Myr. histors G., a.1400, 153)

C. -[D'un oiseau] S'assurer sur le poing. S'affermir, se poser avec assurance....

Le signe d'audace en l'austour est tel : lie-le en lieu cler, puis obscure la clerté, aprés touche-le soudainement, et, s'il sault et s'asseure sur le poing, est signe d'audace. (Tardif, Art faulconn. J., t.1, 1492, 28)

Assuré sur le poing

Et quant il avra esté veillé une nuyt ou deux et qui sera essuré sur le poing et s'i paistra voulentiers, des la .IIe. foiz qu'il sera peu, le convient dessillier et le tenir entre gent et garder qu'il ne dorme fors trespetit. (Ménagier Paris B.F., c.1392-1394, 164)

D. -Participe passé en emploi adjectival.

Fixé, établi.

...il [Dieu] a presidence sur toutes choses, sans avoir contenant toutes choses, sans lieu par tout asseuré, sans temps a tousjours permanent, sans soy muer, changier ou mouvoir faisant les choses muables, sans souffrir quelque mal ou doleur ou contrarieté. (Somme abr., c.1477-1481, 134)

Garanti, sûr, ferme.

Premier convient retourner a soy mesmez par correption, et soy tourner a fayre devoir. Ainsy et non autrement peult on trouver asseuree esperance. (Chart., L. Esp., c.1429-1430, 131)

[D'un discours] Ferme, plein d'assurance.

...son bel et asseuré langage [celui du curé] , cent mille promesses et autretant de bourdes, la menerent ad ce qu'elle estoit assez comme contente d'obeyr a ce curé (C.n.n., c.1456-1467, 293)

[D'une capacité intellectuelle] Affermi, stable.

...esbatés vous et vous repposez, car les esperilz se en sont plus esveilliez et asseurez es choses que aurez affaire aprez disner (Juv. Urs., Nescio, 1445, 448)

[Du temps qu'il fait] Stable, calme.

Le temps estoit bien asseuré Et le vent mol et delitable Et le chiel sy bien azuré Que riens n'y avoit corrumpable (Taillev., Songe thois. D., 1431, 62)

II. -[Idée de sûreté, de sécurité, de garantie]

A. -Assurer qqn/qqc.

1.Assurer qqn

a)Rassurer qqn, faire sentir à qqn qu'il n'a rien à craindre.

Son Dous Regart riant m'asseüroit [var. asavouroit] (Mach., J. R. Beh., c.1340, 74)

Mais quant les siens [Fortune] plus asseüre, Ceaus sont qu'elle plus griefment bat Et qu'en bas de plus haut abat. (Mach., R. Fort., c.1341, 86)

Quant a ce pens, ce penser m'asseure, Qu'Amour me tient en sa proteccion. (Mir. femme, 1368, 235)

...l'esperance luy tolli Celle avisïon que longtemps Fust la cité en piez estans, Mais les prestres l'ont asseuré, Et dyent que 'beneüré Sera ly lieux...' (Chr. Piz., M.F., IV, 1400-1403, 38)

Et si saches que nul ne peult asseurer celuy que sa conscience effraye. (Chart., L. Esp., c.1429-1430, 131)

...le loysir qu'elle eut de respondre si tresbien l'asseura et sa contenance de maniere si bien ordonna... (C.n.n., c.1456-1467, 465)

...mais il n'en voulut point d'aultre, et vint luy mesmes parler à luy, et l'asseüra plus en une parolle que je n'avoye faict en cent. (Comm., II, 1489-1491, 42)

Garantir la sécurité, assurer la sauvegarde de qqn, d'une collectivité (en partic. en cas de guerre, de voyages).

[Le roi d'Angleterre et ses gens veulent s'installer dans la ville de Noyelles] . Mès quant il seurent que elle estoit à la contesse d'Aumarle, sereur à monsigneur Robert d'Artois, il assegurèrent le ville et le pays appertenans à la dame pour l'amour de lui (Froiss., Chron. L., III, c.1375-1400, 164)

Sire, vous avés tort, par mon chief, dist Naimon : Assëuré l'avés en vostre mansïon, Et se sur asseurance destruisiés le baron, Vous en serés retés de mortel traÿson (Huon Bordeaux B., c.1400-1450, 12)

Et touteffoiz mon compaignon et moy avions conclud de envoier le palestrame et l'escripvain dedens, et escripre au cappitaine, quel qu'il fust, qu'il nous envoiast des vivres ou asseurast pour en aller querir, dont nous estions en grant penssement (La Sale, Salade, c.1442-1444, 148)

Richart rompit la paix et print Buson pres de Bourges sur le seigneur par une mauvaise tromperie, car il avoit asseuré le seigneur (Juv. Urs., T. crest., c.1446, 92)

'...Je vous dy que vous n'avez point de seurté de moy et estes en ma main et puis faire de vous ce qu'il me plaist ; car voz gens vous ont habandonné.' Et messire Jehan Helphi lui respond : 'Vous savez bien que vous ne fussiez pas venu jusques à moy, se je ne vous eusse asseuré ; et, puisque je vous asseuroye, n'est-ce pas à dire que je doy estre asseuré de vous ?' - 'Touteffoys, dist le Jouvencel, se j'ay seurté de vous, vous n'en avez point de moy...' (Bueil, II, 1461-1466, 239)

DROIT Donner l'assurement : accorder une trêve, renoncer par serment à la vengeance.

Asseurer. C'est donner trève perpétuel. Mes il est droit que celuy qui ce requiert face un serment de malice que il ne requiert l'asseurance par malice, et que il se doulte de luy. (Cout. instit. Anjou Maine B.-B., t.1, 1385, 215)

Celui qui enfrainct les trèves et asseuremens qu'il a donnez, comme de batre, ou mectre les mains injurieusement en celuy qu'il a asseuré, doibt estre pugny corporellement, comme estre pendu. (Cout. instit. Anjou Maine B.-B., t.1, 1411, 440)

Par ma foy, dist Gadiffer, ce poise moy dont que maintenant vous ay asseuré, car vous ne me eschapperiez pour rien que je ne vous meisse a mort ou vous moy (Percef. III, R., t.2, c.1450 [c.1340], 173)

Assurant enfreint. Celui qui ne respecte pas la trêve accordée.

Le dit suppliant doubte que sur ce que le dit Andrieu, sa partie adverse, pourroit donner a congnoistre, l'on ne le veulle reputer asseurant enfraint. (Arch. Nord, 1487, B 1703, f° 209, IGLF)

Donner des garanties financières à qqn.

...et que lesd. conseilliers facent un roole d'un bon nombre des notables plus aisez de lad. ville, tant pour prester et advancer que pour asseurer ceulx qui presteront (Entrées roy. G.L., 1476, , , 208)

b)Assurer qqn de qqn/qqc.

Rassurer qqn au sujet d'une chose qui lui cause des inquiétudes.

...li compaignon assegurerent la femme de sa vie (Froiss., Chron. R., IX, c.1375-1400, 142)

'...se nous guerrions che païs, nostre ennemi en aront nouvelles (...) enssi perderons nous en deux manières : nous resjoïrons nos ennemis et asseurerons de ce qu'il sont en doubte, et si fauserons nostre loiauté envers monsigneur de Cambruge.' (Froiss., Chron. R., X, c.1375-1400, 187)

Garantir, protéger qqn de qqc./qqn.

Quant je vous aim d'amour seüre Et de laidure Vous asseüre. (Mach., Les lays, 1377, 282)

...se vous avez tant de hardement et de proesse comme de vouloir combatre a l'encontre de lui corps a corps tant que l'en sache plainement lequel est le meilleur chevalier de vous deux, il vous asseurera de ses hommes pour tout ce jour et pour la nuit (Percef. III, R., t.1, c.1450 [c.1340], 370)

Comment, ce dist Lyonnel, les dieux te ont il assuré de nous ? - Je sçay, ce dist Bruiant, par Mars le dieu des batailles que celui de la main duquel je doy morir n'a aincoires que qunze jours d'eage. (Percef. IV, R., c.1450 [c.1340], 213)

Délivrer qqn de qqc..

Sire, quant vostre bon plaisir sera la lui bénignement octroyer [sa requête] , ainsi qu'il a sa parfaite fiance, vous le jetterez hors de la desplaisance qui ne peut estre plus grande, et l'asseurerez de la crainte où il est (Chastell., Chron. K., t.3, c.1456-1471, 61)

Iceluy soubtilla fort en ceste matière, et voiant les Frisons par un doute estre alliés avec les Utresquois, jugea que qui les pourroit asseurer de ceste peur ou les retirerot de l'alliance aussi de cestes gens rebelles... (Chastell., Chron. K., t.3, c.1456-1471, 102)

Assurer qqn de ne pas + inf. Préserver qqn de.

Nez reconforte les malades (...) Leur promet le bien tost garir Et asseure de non mourir (Chr. Piz., M.F., I, 1400-1403, 92)

c)Assurer (un animal). Mettre dans un état de confiance, rendre exempt de crainte.

La croiz feron de courtoisie, Qui doucement oyseaulx manie Et bien les scet asseürer Pour les faire plus tost voler. (La Buigne, Rom. deduis B., 1359-1377, 112)

2.Assurer qqc.

a)Garantir la sécurité de qqc..

...Jehan de L'Eschenel, dit Bologne, sommellier de corps et garde des joyaulx de la chappelle de mondit seigneur (...) mena les joyaulx et aornemens de ladicte chappelle et fit redourer quatre ymages d'argent que avoit mondit seigneur à Chalon et à assourer les aornemens d'icelle chappelle (Comptes Etat bourg. M.F., t.2, 1418, 110)

Emploi impersonnel. Il est assuré que. Il est garanti que.

Et ouvrir à bon escient Devers le North et Orient, Maiz que l'air soit bien appuré Par le Soleil et asseuré Aussi que le dangier n'abonde Vers celle partie du Monde (La Haye, P. peste, 1426, 78)

FINANCES Garantir le paiement d'une taxe sur (une marchandise qu'on vend).

De Me Guillaume Mynart, escollier à Paris, pour avoir mis en vente deux queues de vin de romaine sans asseurer et par ce [moyen] confisqués, laquelle confiscation a esté tournée en amende (Comptes Paris M., t.2, 1458-1460, 161)

Dont le règlement fait l'objet d'une garantie.

Item vuis et ordene que lidiz Jehans et Estart come mui hers universalx payoient par communal touz mes debt, clains et laiz qui ne seront payez ou pacifiez ou asseguriez a temps de mon obit. (Test. Besanç. R., t.1, 1341, 374)

Assurer la vie de qqn. Rendre la vie de qqn financièrement sûre.

Item, pour asseurer la vie Du dessudit maistre Robert...Pour Dieu, n'y aiés point d'envye ! Mes parens, vendés mon haubert, Et que l'argnt ou la plus part, Soit emploié dedans ces Pasques Pour achetter a ce poupart Une fenestre emprés saint Jasques. (Villon, Lais D., c.1456-1457, 75)

Garantir, rendre sûr (un projet).

Mais quant, dès le commancement que ce differant, dont j'ay parlé, commença, il eust voulu asseürer le mariaige de sa fille avec le duc de Guyenne (Comm., I, 1489-1491, 182)

Et, si mondit seigneur ne prenoit laditte Toisson, ilz n'avoient pas puissance de asseurer le faict dudit mariage (Le Clerc, Interp. Roye, c.1502, 220)

Garantir l'exécution (d'une entreprise).

[À Judas qui demande des hommes de main] La chose sera asseuree Presentement, ne t'en soussye, Car tu aras gent grant partie Qui te secourront au besoing. (Gréban, Pass. J., c.1450, 246)

b)Apaiser qqc..

Non pourquant sy voy je la chose tant perilleuse a mon advis que je n'en puis mes doubtances asseurer (Percef. IV, R., c.1450 [c.1340], 542)

B. -Emploi pronominal.

1.S'assurer

a)Avoir, reprendre confiance, se rassurer, se réconforter.

Et se magique m'asseüre Ou astronomie est pour moy, Et Fortune estre me vuet dure, Asseürer pas ne me doy. (Mach., L. dames, 1377, 230)

Sire, soiez sus vostre garde, car ceulx de la ville attendent a avoir brief secours. Par mon chief, dist le roy, je ne scay ne ne puis adviser lieu dont secours leur puisse venir. Je ne m'en doubte pas que je ne les aye ou par force ou par famine. Et ainsi s'asseura le roy d'Ausay, de quoy il se trouva bien deceu. (Arras, c.1392-1393, 152)

Vueilliez, par vostre grant humblesse, Me pardonner, se je ne sçay Parler a vous comme devray ; Mais tost aprés s'asseurera Mon cueur et puis vous contera Son fait (CH. D'ORLÉANS, Ball. C., c.1415-1457, 74)

Quand elle l'oyt si courtoisement parler, elle s'asseura ung peu et luy nomma son pere et sa mere (C.n.n., c.1456-1467, 340)

Se sentir en sécurité.

Regnard plus ne s'i asseüre, Ou bois s'en va grant alleüre (Renart contref. R.L., t.1, 1328-1342, 33)

Thiebert ne l'oze reffuser, Ne il ne s'en oze excuser ; A chemin se met grand alleure, Com celluy qui petit s'asseure, et dist : 'En voye puis je perir, Quant je voy le deable querir, Et souvent de fois il advient, Qui va mal querre, tost lui vient.' (Renart contref. R.L., t.1, 1328-1342, 40)

b)Se mettre en sûreté, hors de risques.

Et quant le Chevalier du Papegau a celluy aperceu qui venoit encontre luy si de talant, il ne s'aseura mie, ains se tourna vers luy comme doit faire chevalier a tel besoing. (Chev. papegau H., c.1400-1500, 52)

Se prémunir (contre une maladie).

Povons noter par incident Que seurement réplétion Et aussi inanition Trop fortes et trop ennuyeuses Sont adonques pernicieuses, Et quiconques veult s'asseurer à son povoir doit procurer Ce bénéfice, égestion, C'est assavoir purgation Des grosses superfluites (La Haye, P. peste, 1426, 105)

2.S'assurer à/en qqn

Établir sa confiance en qqn, se fier à qqn.

NOSTRE DAME. Doulce amie, en Dieu t'asseure Et si laisses ton lamenter. (Mir. marq. Gaudine, 1350, 151)

...on li dist que li dus d'Ango, ses cousins, ne s'asseuroit point bien en lui (Froiss., Chron. R., VIII, c.1375-1400, 191)

...que à iceulx chevaliers et escuïers par lui nommez, en la fourme et maniere que escrips sont, il n'a aucunes paccions, foy baillée ou promesses quelconques, par quoy il se asseure en eulx de le plegier des offres et promesses par lui faittes, mais seulement se asseure et affie en yceulx, pour ce que la plus grant et saine partie d'iceus sont, li uns son frère, les autres ses oncles, serourges, cousins germains, remués de germain, et autres amis en mendre degré de ligne de lui qui parle (Reg. crim. Chât., II, 1389-1392, 209)

Mais dictes nous quel nombre de gens pourroit bien yssir de toutes voz garnisons, les fors gardez. Par foy, cappitaine, il nous est neccessité de le savoir, et se ilz sont gens ou on se puist asseurer, car, au plaisir de Dieu, nous avons intencion de combatre le soudant et mettre brief ceste guerre a fin (Arras, c.1392-1393, 99)

Et qui a toy s'asseure et determine, Tu le ressours quant il fault et decline Et lui donnes confort et soustenance. (Chart., B. Nobles, c.1424, 408)

Se tu croyz en Dieu, asseure toy en luy. (Chart., L. Esp., c.1429-1430, 130)

S'assurer sur (un animal). Être sûr (d'un animal).

A cely temps des werres, et encors par l'espasse de X ans après les pais faites, tos chevaliers et escuwiers d'oneur soy kebatoiient sor diestriers ou sor coursirs de teile bonteit qu'il soy powissent sus assegureir. (Hemricourt, Guerres Awans B., c.1398, 39)

3.S'assurer à/en qqc.

Se fier à qqc..

Dame, a vostre dit m'asseur ; Se voulez, bien le sarez faire. (Mir. emper. Romme, 1369, 247)

Et entendés li sauf conduis soit tels que je m'i puisse bonnement asegurer (Froiss., Chron. D., p.1400, 752)

Se reposer en qqc..

Mais pour moi mieuls reconforter Voelliés vous [ma dame chiere] en tant deporter Que me tenés d'or en avant Pour le vostre loyal servant, Et que par vostre parleüre En ce confort je m'asseüre ? (Froiss., Par. am., c.1361-1362, 77)

...De dueil, d'ennuy, plus je ne me complaings, Car me donnez une grande asseurance Et esperence, dont fort je m'esseure en ce. (Chasse am. W., a.1509, 41)

C. -Participe passé en emploi adjectival.

1.[D'une pers.]

a)Qui se sent en sécurité, qui estime qu'il n'a rien à craindre.

Car asseürés ne puet estre Sans vous, qui estes sa main destre (Mach., D. Lyon, 1342, 230)

Par d'encoste Regnault chevauche lés a lés, Et le roy d'aultre part joiant et asseurés. (Renaut Mont. B.N. V., c.1350-1400, 281)

...les deus chevaliers d'Engleterre qui avoient oy toutes ces paroles et ces manaces (...) n'estoient pas bien aseguré (Froiss., Chron. D., p.1400, 551)

...voirement ne sui je pas bien assegurés, car se je estoie pris, ma raençon est paie : c'est sus la vie que je chevauce (Froiss., Chron. D., p.1400, 371)

...il quident avoir tout achievé et se tiennent tous asegurés, ou il dorment et se reposent, ou il menguent et boivent (Froiss., Chron. D., p.1400, 815)

Car tant est bon espoir en Dieu contraire a tous crimez, que l'ame coupable ne peult estre asseuree. (Chart., L. Esp., c.1429-1430, 131)

...alors les cuers tramblans sont asseurez (La Sale, Salade, c.1442-1444, 244)

...entre lesquelles parolles le roy d'Angleterre dist au roy que jamais ne seroit asseuré en son royaulme jusques ad ce qu'il eust fait transcher les testes à aucuns des seigneurs de son royaulme à qui trop il se fioit (Le Clerc, Interp. Roye, c.1502, 344)

Qui a reçu une assurance (d'impunité).

Quand l'autre se vit asseuré, il ayma mieulx confesser verité et son peché [Un mari donne l'assurance à l'amant de sa femme qu'il lui laissera la vie sauve s'il dit la vérité] (C.n.n., c.1456-1467, 220)

Maître de soi, confiant, sûr de soi.

Et le roy (...) lui demanda comment Guyon, son frere, le faisoit. Par ma foy, dist le maistre, monseigneur, bien, comme l'un des plus asseurez hommes que je veisse oncques (Arras, c.1392-1393, 133)

Et ainsi, par provision, Pour avoir leur chemin dressié, Se sont a Pylate adressié [les Juifs qui ont peur que Jésus ne ressuscite] Qui ensemble nous a livréz Pour gens vaillans et asseuréz Et gens d'une prouesse haulte (Gréban, Pass. J., c.1450, 369)

- Puis, dist Lionnel, qu tu scez que l'enffant qui te doit occire est né, tu dois bien savoir qui il est. - Non fay, dist Bruiant, mais je suis tellement en la grace des dieux que, ains qu'il soit en eage pour ce fare [sic] , j'avray congnoissance de lui. -En verité, dist Lyonnel, tu es bien asseuré (Percef. IV, R., c.1450 [c.1340], 213)

La voisine, qui estoit femme sage et asseurée, ne s'effraya de rien que l'autre luy comptast (C.n.n., c.1456-1467, 347)

Une fois les ennemis entrés dans une forteresse, on doit (...) avecques l'aide des habitants et bourgeoys estans en leurs maisons avecques les aucuns gens de guerre, jetter traict, pierres, tuilles, mortiers et toutes telles choses en manière que on les garde de plus avant entrer en la ville ; et, pour ce faire, on doit estre bien asseuré et avoir grant fiance en Dieu. (Bueil, II, 1461-1466, 53)

...Nature avoit beaucop biens en lui [Eurialus] mis, Car il estoit asseuré et hardis En tous ses fais (Saint-gelais, Eurial. Lucr. R., c.1490, 9)

Proverbe. Tel fait de l'assuré qui craint

Tel fait de l'assuré qui craint ; Tel semble endormy qui escoute. (Alecis, Faintes monde P.P., c.1460, 93)

Habile, expert.

Et il, autant asseuré en bourdes que ung aultre a dire verité... (C.n.n., c.1456-1467, 44)

[D'un animal] Qui se sent en sécurité.

Maiz, quant ilz [les loups ] sont asseürez, qu'ilz ont mengié deux ou trois fois, que on ne leur fait nul mal, lors aucunefoys ilz y demeurent [là où ils ont mangé] (Gast. Phébus, Livre chasse T., 1387-1389, 98)

b)Assuré de qqn/qqc.

Qui ne craint rien de qqn, qui est sûr de qqn.

[Les habitants de Laille, en Périgord] se tournerent Englois et se missent en l'obeissance dou roi d'Engleterre. Et pour estre mieuls aseguré de euls, li contes Derbi prist XII bourgeois de la ville (...) et les envoia comme ostages en la chité de Bourdiaus (Froiss., Chron. D., p.1400, 609)

...les chambellans aux seigneurs, et les dames aux grans dames, leur donnoient de l'eaue benoicte quant ilz estoient en leurs liz, ce que a pluseurs au jour d'uy est honte et chose mal faite, tant sont asseurez de l'enemy (La Sale, J.S., 1456, 232)

Toutesfoyz, pour ce qu'il avoit toujours esté du party du duc de Bourgoigne, le populaire de France n'estoit pas bien asseuré de luy et en murmuroit bien fort. (Le Clerc, Interp. Roye, c.1502, 255)

Garanti, à l'abri de qqc..

Dame, je sui par vous resuscitez, En paradis mis d'enfer, où j'estoie, De mes mortelz paours asseürés (Mach., Bal., 1377, 545)

Quant on craint que son chien ne soit mors de chien enragié, faittes le mengier et boire parmi un trepié, et il sera ce jour asseuré de la rage. (Ev. Quen., I, c.1466-1474, 94)

Tele ame pure et paisible (...) asseuree par haulte, devote et spirituelle consideration, de toute temptation et persecution (Disc. amour divine, 1470, 119)

Assuré de sa vie. Qui n'a rien à craindre pour sa vie.

Et en parla le roy à plusieurs notables gens de ceste matere, lesquelz la trouverent estrange, pour ce qu'ilz congnoissoient qu'elle n'estoit capable d'avoir lignée, et n'osoient parler nesung pour ce que le roy menassoit que tous ceulx qui vouldroient aller au contraire dudit mariage ne seroient point asseurez de leurs vies en ce royaulme. (Le Clerc, Interp. Roye, c.1502, 161)

c)Assuré à qqn. Qui est en sécurité auprès de qqn : établi par mariage avec qqn.

Beaulx seigneurs, je mercye le roy treshumblement de l'onneur qu'il fait à monseigneur, à moy et à nostre fille et je sçay bien que ma fille ne pourroit estre gueres mieulx asseuree que à lui. (Cleriadus Z., c.1440-1444, 59)

2.[D'une chose] À l'abri du danger, garanti, en sûreté.

[Les Anglais ont pris Montferrant ; et pourtant] le conte daulphin d'Auvergne (...) estoit en traittié envers eulx, et sus cel estat, il tenoit le pais pour asseuré (Froiss., Chron. M., XIV, c.1375-1400, 219)

Ad ce treshumblement je respons que, pour Dieu, vous ne aultres veuilliez pensser ne croire que chose nulle soit asseuree par temps de guerre, pour grande ne puissante que elle soit. (La Sale, Salade, c.1442-1444, 10)

III. -[Idée d'affirmation et de certitude qui en découle]

A. -Assurer qqn/qqc.

1.Assurer qqn

a)Assurer qqn de qqc. Rendre qqn sûr de qqc., donner qqc. pour sûr à qqn..

...bonne Amour de merci l'asseüre Par la vertu d'esperance seüre. (Mach., Motés, 1377, 501)

Donnez leur argent pour achecter, pour eulx et pour leurs hoirs, cinq cens livres de rente à chascune à par soy et aussi, à toutes les troys, IIIm.livres à partir ensemble. Et de tout cela, (...) en furent bien asseurees toutes les troys et assenees tant que à tousjours mais en furent riches. (Cleriadus Z., c.1440-1444, 423)

Le roy luy feït très bonne chère, l'asseürant de ce qu'il demandoit, car encores ne luy sembloit bon de faire le contraire. (Comm., II, 1489-1491, 109)

Avec cela, entra ung homme qui se gecta aux fosséz, qui les asseüra de secours : car autrement estoient sur le point de se rendre. (Comm., II, 1489-1491, 149)

b)[En discours dir. et prop. incise, avec valeur performative] Je te/vous (en) assure. Je vous (le) garantis.

Mais qui vuet vivre a seürté, Le moien est, je t'asseür, Le milleur et le plus seür (Mach., C. ami, 1357, 71)

Car le baign chault, je vous asseure, Lasche le corps de sa nature, Et le rend plus foible et passible Comme de soy est perceptible. (La Haye, P. peste, 1426, 86)

...luy monstra ses aultres enfans : 'Telz et telz sont a vous, je vous en asseure...' (C.n.n., c.1456-1467, 328)

'...Venez-vous-en et ne musez plus yci ; car il n'en sauldra meshuy homme, je vous en asseure. Aussi, tous voz gens sont devant et n'y a plus homme derrière.' (Bueil, II, 1461-1466, 19)

Oncques n'oÿtes telz habus, Je vous asseure, ne telz cryz (Pass. Auv., 1477, 244)

c)Assurer qqn que. Donner pour sûr, garantir à qqn que.

Mais seüre Esperence m'asseüre Que Diex joie encor m'en doint. (Mach., Les lays, 1377, 444)

Je te donne [à Mélusine] journee a demain, car il est huy mais trop tart. Et me trouveras en ces beaulx prez, la dessoubz, sur la riviere, par dela, monté et armé, pour toy callengier mon droit, mais que tu m'asseures que personne ne passera la riviere que toy. (Arras, c.1392-1393, 299)

Puisque Espoir si me asseüre Que bon confort si m'aydera, Une chançon vueil par mesure Faire, qui me confortera. (Régn., F.A., 1432-c.1465, 35)

Car je te asseure que mon maistre et seigneur Charles n'avoit (...) coulpe ou faulte (Juv. Urs., Aud. celi, 1435, 229)

'Mon seigneur, ma tresredoubtee dame que veez cy vous a reffusé, doubtant que ne voulsissiez faire un tresgrant et excessif appareil et une grant feste et solempnité outraigeuse, mais je l'ay asseuree que non ferez.' (La Sale, J.S., 1456, 288)

...je vous promectz et asseure, sur ma foy, que tant que je vive aultre homme n'aray espousé (C.n.n., c.1456-1467, 167)

Et bien vous asseure que la guerre, qui au commencement se engendre par envye, est la plus perilleuse, et s'en ensieut plus d'inconveniens que d'autres guerres. (Bueil, I, 1461-1466, 124)

Je vous asseure et dy pour euvangile que quant agaches ou pies gargonnent dessus une maison, que c'est signe de tres mauvaises nouvelles. (Ev. Quen., I, c.1466-1474, 91)

d)Assurer qqn de + inf.

Garantir à qqn de.

Et quant Margon eut entendu la parchon que le chevalier lui avoit faitte, il en fut mout doulant, et par grant aÿr il respondy que ja la parchon ne reffuseroit, mais qu'ilz le asseurassent de avoir ce qu'ilz lui proumettoient en la deffaulte de leur emprinse (Percef. IV, R., c.1450 [c.1340], 346)

Persuader qqn que.

Ledict duc en fut très joyeux, et luy fit faire son logis et l'asseüra fort de n'avoir nulle doubte. (Comm., I, 1489-1491, 128)

2.Assurer qqc.

Rendre certain, indiscutable.

...mais pour tout asseurer et faire taire ceulx qui en parlent il ne fault que le consentement du roy (Juv. Urs., Nescio, 1445, 451)

Affirmer nettement qqc, donner qqc pour certain.

Avoit tousjours asseüré la venue dudit roy [un prêcheur florentin] , quelque chose qu'on dist n'escripvit au contraire, disant qu'il estoit envoyé de Dieu pour chastier les tirans d'Italie (Comm., III, 1495-1498, 145)

B. -Emploi pronominal.

1.S'assurer. Être sûr.

S'einsi fust, je m'asseüre, Tels est amés qui ne le seroit mie Et telz haïs qui tost aroit amie. (Mach., Motés, 1377, 492)

2.S'assurer que. Être sûr que.

La m'asseür Que m'esperence est esperdue, Se la grief doleur continue (Mach., R. Fort., c.1341, 50)

Et je m'asseüre Que, tant com je dure, Ne pourray vëoir Amour si seüre (Mach., L. plour, 1349, 285)

Car son serment De nous servir, devant tous, ligement, Avons receu, et pour plus fermement Nous asseurer qu'il fera loyaument Entier devoir, Avons voulu en gage recevoir Le cueur de lui, lequel, de bon vouloir, A tout soubzmis en noz mains et povoir (CH. D'ORLÉANS, Ret. am. C., 1414, 15)

3.Emploi pronominal réciproque. S'assurer l'un de l'autre de + inf. S'engager réciproquement à.

Et, oultre, luy ouvrit ung party nouveau, qui estoit qu'ilz se asseürassent bien l'ung de l'autre de ne faire paix ny trève l'ung sans l'autre (Comm., II, 1489-1491, 19)

C. -Participe passé en emploi adjectival.

1.Assuré. Convaincu, certain.

Je suis si tresmal asseuré Que je ne sçaroye habandonner Ce prophete ne a mort donner. (Pass. Auv., 1477, 97)

2.Assuré de qqc.

Certain de qqc..

... [les Anglais, disent des conseillers au roi de Castille, ne trouveront rien en Espagne] fors le chault soleil sus leurs testes, qui les ardera et ochira ; de ce soiez tout asseurez (Froiss., Chron. M., XIV, c.1375-1400, 92)

Et (...) ne devez riens mander, se vous ne estes bien acertainé ; car ce n'est pas peu de chose d'effraier ung ost. Mais, si le cas y avenoit que vous ouyssez quelque bruit de gens et que en fussiez bien assuré, vous en devriez aller en personne au logeiz devers le chief doulcement et sans effroy luy dire à part : Monseigneur, sans faulte j'ay ouy gens. (Bueil, I, 1461-1466, 204)

Et bonne affection le faisoit parler, mais j'estoys asseüré du contraire, car nul ne vouloit retourner à la bataille si le roy n'y alloit, et cestuy-là n'en avoit nulle envye. (Comm., III, 1495-1498, 219)

Qui a des garanties à propos de qqc..

Et ainsi seroit un homme beneuré semblable quant a ce a une beste appelee cameleon et seroit foiblement et petitement affermé ou asseüré de sa felicité. (Oresme, E.A., c.1370, 132)

...mais tousjours on le detenoit [l'évêque de Laon] et a l'en detenu jusques ad ce que on fust asseuré de la finance que on luy demandoit (Juv. Urs., Nescio, 1445, 486)

Assuré de + inf. Qui a la certitude de.

Qant chil signeur d'Engleterre furent tout aseguret d'avoir en lor aliance les desus nonmés, il envoiierent deviers l'evesque Aoul dou Liege a savoir se il le poroient avoir (Froiss., Chron. D., p.1400, 259)

Assuré que. Certain que.

Mais, comment qu'il aille, Ne suis pas asseürée Que soie la miex amée. (Mach., Les lays, 1377, 421)

Et suis asseuré que ainsy l'avez fait (Juv. Urs., Aud. illos, 1432, 27)

Lors le petit Saintré traist du sain la bourssecte enveloppee de un fin petit couvrechief, et Madame, qui bien asseuree estoit que nulle de ses femmes ne la cognoistroit, prent la boursecte (La Sale, J.S., 1456, 57)

Nous prions Dieu qu'il nous doint la grace de vous y faire le service tel que nous desirons et que esperons faire ; et povez estre asseuré que noz vies n'y seront point espargneez pour ce faire. (Le Clerc, Interp. Roye, c.1502, 392)