ACCORDER

verbe

[T-L : acorder ; GD : acorder ; GDC : acorder ; AND : acorder ; DECT : acorder ; FEW (XXIV, 83b,86a) : *accordare ; TLF (I, 413) : accorder]

I. -Emploi transitif.

A. -[Idée d'accord, d'harmonie entre des pers.]

1.Accorder [plusieurs pers.]. Mettre d'accord, réconcilier.

Et se deux personnes qui sentreheent sont acordes par amis, ou que aucun face aucune aliance entre eulz, il conuient que chascun boiue du sanc lun de lautre, ou autrement lacordance ne aliance ne vauldroient riens (Mandeville, Voy. L., p.1360, 340)

Telle parolle li diray De quoy vous deux accorderay (Mir. march. juif, c.1377, 217)

Puis pense [Griseldis] du gouvernement De l'ostel, puis est ses mestiers D'accorder les familïers Du marquis s'ilz se sont mellez (Gris., 1395, 48)

...maistres Guillaume Le Breton et Simon de Plumetot, conseilliers du Roy, parleront aux parties pour savoir s'ilz les pourront accorder (Fauq., III, 1431-1435, 5)

Preschez de paix et de concorde Pour tous les princes accorder (Régn., F.A., 1432-c.1465, 72)

Mais le seigneur doit avoir prudence de les acorder par amistié ou par briefve justice, et sinon soy monstrer seigneur desplaisant vers cellui qui ara tort. (La Sale, Sale D., 1451, 41)

Or s'esbate, de par Dieu, Franc Gontier, Helayne o luy, soubz le bel esglantier ; Se bien leur est, cause n'ay qu'il me poise, Mais quoy que soit du laboureux mestier, Il n'est tresor que de vivre a son aise. Prince, jugiez, pour tost nous accorder [Gontier et moi] ! Quant est de moy, mais qu'a nulz ne desplaise, Petit enffant j'ay oÿ recorder : Il n'est tresor que de vivre a son aise. (Villon, Test. R.H., 1461-1462, 118)

Ne reste mais que d'accorder Ses quatre dames moult prisees Qui jadiz furent divisees Pour les questions dessus dictes. (Myst. Pass. Troyes B., a.1482, 1081)

Accordez donc ceulx qui s'entre guerroyent (Cene dieux, c.1492, 114)

Accorder [plusieurs pers.] que. Obtenir l'accord de plusieurs pers. pour que.

Mais quant il [Quintus Fabius] fut venu, il accorda les deux parties que ce qu'il diroit fut ['fût'] obtenu ; dont pour avoir paix chascun en fut content. (La Sale, Salade, c.1442-1444, 26)

Accorder qqn à qqn

Accorder qqn à soi, s'accorder qqn. Se gagner qqn, obtenir son alliance, son appui.

Souverainement il mist paine a acorder et a alier a soy les peuplez des Latins, afin que par aydez de gens estranges il fust plus seur entre [ses] subgis. (Bers., I, 1, c.1354-1359, 49.8, 83)

Lors, afin que Enees conciliast ou acordast a soy les coragez des Aborigenes contre la terreur de si forte bataille, il ordena que tous fussent d'un non, si comme il estoient d'une jurisdiction (Bers., I, 1, c.1354-1359, 2.4, 5)

Et a la journee li diz Tarquinius a demandé ambicieusement le royaume et ordena une oroison et une meniere de parler au peuple sur ce pour leurs corages reconcilier et acorder a soy. [sibi conciliare animos] . (Bers., I, 1, c.1354-1359, 35.2, 61)

Par laquelle chose les seigneurs et barons dudit royaume (...) le [Manfred] receurent a leur roy oultre le voulloir de l'esglise, par la grant faveur et amistié que par dons et promesses il les avoit tous a soy accordez. (La Sale, Salade, c.1442-1444, 172)

Et puis, par certains ans apprès, ledit seigneur ayant soy accordé messire Raymont des Ursins (...) pour luy donner la principalté de Tarente, ou ledit seigneur roy Loys estoit, le vindrent par terre assiegier. (La Sale, Salade, c.1442-1444, 189)

Accorder qqn à Dieu. Réconcilier qqn avec Dieu.

Dame (...) Vostre doulce misericorde Souvent a Dieu mainte ame accorde (Mir. st J. Cris., c.1344, 301)

A que respond briefment nostre mere saincte Eglise par les paroles proposees du prophete, comme en disant : 'Ame devote, bien nous devons esjouyr, car Recue avons misericorde Qui les pecheurs a Dieu accorde.' (Gers., Purif., 1396-1397, 60)

Mais pour ce que home se deffist Par pechié d'inobedïance, Jhesu Crist par obedïence A Dieu le pere l'acorda, Dont par pechié se descorda. (Mart. st Pierre st Paul R., c.1430-1440, 153)

[De Dieu] Accorder qqn à soi

Einsi divine providence Humaine fraireté en ce Par sa tres grant misericorde Et pecheours a sei acorde Et obvie a leur pechiez, Donc plusours sont trop entechiez (Vie st Evroul S., c.1350, 37)

Dieux est plain de misericorde ; Qui se repent, a soy l'accorde. (Le Fèvre, Respit Mort H., 1376-1380, 133)

Accorder qqn avec qqn

Pour vous accorder Avec ces notables seigneurs Qui admainent raisons pluseurs Pour celluy roy qu'adorer viennent, Je ne cuide pas qu'ilz maintiennent Qu'il soit pur homme en quelque empire Autre de vous qui se peust dire Roy des Juïfz, n'en faictes doubte. (Gréban, Pass. J., c.1450, 86)

[P. méton. du compl.] Accorder [un débat, un différend]. Clore, terminer par un accord.

Et quant ce Sarrazin saura Que entre nous telz debaz a, Il 'n ['en'] aura joye sans faillir. D'autre chose n'a il desir, par especial se sur la foy Avions discorde ne desroy. Sy devroit on bien labourer Comment on puist tost accorder Ce debat qui tant a duré. (Bouvet, Appar. Meun A., 1398, 41)

Et, pour ce que le singe les sentoit tous deux mal seurs et suspectz, leur fit accorder leur differant a moitié, car ceulx qui ont acoustumé frauldes et faulcetés, ils vivront tousjours suspectz et tres maulvaisement. (Macho, Esope R., c.1480, 108)

...il se trouve tousjours assez gens pour troubler ung affaire, mais il s'en treuve peu qui ayent l'adventure et le vouloir ensemble d'accorder si grant differand (Comm., III, 1495-1498, 229)

2.Accorder qqn

Se réconcilier avec.

Justice nous condempnoit, et nous ne savions ou appeller. Puissance excecutoit la sentence, et nous ne savions ou fuyr ne resister, jusquez a tant que Misericorde si encontra Verité, et l'accorda et appaisa telement que Justice et Paix s'entrebaiserent (Gers., Annonc., a.1400, 232)

Apaiser.

Je suis Adam, le premier homme, Le premier suis de tous humains Que tu voulz fourmer par tes mains. Hault juge, ne regarde pas Mon pechié et cruel trespas, Justice modere et accorde Par doulceur et misericorde : Autrement, mon fait est piteux. (Gréban, Pass. J., c.1450, 34)

Se déclarer d'accord avec qqn.

Quoy que je lui voulsisse dire [à la femme aimée] , Elle estoit preste d'escouter Sans m'acorder ne contredire. Qui plus, me souffroit acouter Joingnant d'elle, pres sacouter... Et ainsi m'aloit amusant Et me souffroit tout raconter. Mais ce n'estoit qu'en m'abusant. (Villon, Test. T., 1461-1462, 67)

Se fiancer avec qqn.

Jason occist le dragon sans doubtance Par le moyen de la belle Medee, Et par son art, dont eut experiance, La toison d'or si lui fut delivree. Medee laissa, qu'il avoit accordee Lui promettant avec lui l'emmener. (Saint-gelais, Eurial. Lucr. R., c.1490, 44)

Accorder qqn de qqc. Rendre à qqn la paix (en le libérant de qqc.).

...par cella en tresbenoite et douce pucelle acordantz feurent [la divinité de Dieu et l'humanité de la Vierge] , par qel acorde nous feusmes acordeez de touz desbatez et descords. (Henri Lanc., Seyntz medicines A., 1354, 160-161)

3.Accorder [plusieurs choses], accorder qqc. à qqc. Concilier, mettre en harmonie, en concordance.

Voz heures cy recorderay Et en disant accorderay La bouche au cuer. (Mir. nonne, 1345, 317)

[Amours] Qui le haut et le bas acorde (Mach., D. Aler., a.1349, 350)

Pour accorder les deux oppinions, qui tous II sont vraiz, s'ilz sont bien entenduz, nous povons dire et considerer que la malvaise complexion de la marrix (...) est ultimee (Saint-gille, Comment. A.Y. L., 1362-1365, 140)

Des Juïfs doncques toucheray En brief, et si accorderay Leur seigneuries au propos Du temps de celles, que propos Dire aprés (Chr. Piz., M.F., II, 1400-1403, 145)

Voz faiz aux moz accordez. Se noblement voulez vivre (Chart., B. Nobles, c.1424, 409)

Accorder qqc. à qqn. Mettre qqc. en harmonie (par rapport à qqn).

Adont tournai sus une glose Qui nous approeve et nous acorde, Si com Ovides le recorde, Les oevres de Pynoteüs, Qui par grant art et non par us Fist l'ymage parlans et vive, D'aige et de terre. (Froiss., Pris. am. F., 1372-1373, 83)

4.GRAMMAIRE [Ici dans un cont. métaph.]

Et, quant au dangier du passif, j'ay saufconduit prerogatif, Par quoy mectray paine soultive D'acorder, sus la negative, L'adjectif et le substantif (LE GOUT. In : CH D'ORLÉANS, Rond. C., 1443-1460, 302)

B. -MUSIQUE

1.Accorder [un instrument]. Régler la justesse d'un instrument ; p. ext. jouer d'un instrument.

Sa harpe acorda sans delay Et joua son dolereus lay (Mach., C. ami, 1357, 82)

Se le vieleur ou le guisterneur fait et ordene par tres grant diligence comment le deffaut et le vice d'une corde mal tendue et mal acordee soit corrigié et la fait par proporcion acorder aus autres et de divers tons, il fait un bel acort et tres douce melodie sanz rompre les cordes, mais seulement il les fait estre tendues et alaschiees par proporcion. (Foul., Policrat., IV, 1372, 72)

David li prophetes jadis, Quant il voloit apaisier l'ire De Dieu, il acordoit sa lire, Dont il harpoit si proprement (Mach., Prol., c.1377, 10)

Musique donne aux desolez Confort (...) on le vid, Quant roy Saül gari David, Au son de sa harpe accordee. (Chr. Piz., M.F., II, 1400-1403, 117)

Cuydez vous, quant je me recorde Que mes harpes sont descordees, La ou ne souloit faillir corde, Tant estoient bien accordees, Advis m'est que j'ay encordees Les mains, tant suis en grant discorde. (Régn., F.A., 1432-c.1465, 28)

...Cleriadus dist à Bon Vouloir qu'il alast à la damoiselle de l'ostel lui prier que, se elle avoit point de herpe, que elle lui voulsist prester et elle luy en envoya une belle et bonne et bien accordee (Cleriadus Z., c.1440-1444, 190)

Lors tira sa harpe hors de son fourreau. Mais quant il l'eut acordee, lui qui ouvrier estoit de son mestier commença a chanter et a harper le lay. (Percef. III, R., t.2, c.1450 [c.1340], 15)

...la furent tous instrumens acordez par musicque, melodieux sons rendans et oÿs de tous ceulx quy se plongoient en joye par la plaisance qu'ilz y prendoient (Comte Artois S., c.1453-1467, 19)

...oncques musicque ne fut pour eulx plus doulce, [ne] instrumens ne pourroient mieulx estre accordez que eulx deux (C.n.n., c.1456-1467, 432)

Je vuyl comancer a acorder Mon instrumant (Oudin, St Genis M.S., c.1490, 62)

Avesques Pan, qui ses muses accorde. (Cene dieux, c.1492, 108)

Proverbe.

La bonne harpe est tantos accordee. (Molinet, Faictz Dictz D., 1467-1506, 266)

Remarque : Cf.Prov. H. [H12].

Au figuré.

[Dans un sens grivois] Accorder ses chalumeaux, ses vielles

Et si ne fust de paour de deshonneur, elle eust bien crié autrement que elle n'a, mais mieulx vault garder son honneur, puis que ainxin est. Ilz accordent leur chalumeaulx et entreprennent de leur donner de bon temps. (Quinze joies mar. R., c.1390-1410, 47)

...laquelle (...) s'acointa d'un archer qui avecques lui l'en amena, et accorderent leurs vyeles ensemble. (Roye, Chron. scand., I, 1460-1483, 111)

Accorder les vielles. Se concerter, se mettre d'accord.

Et me vindrent veoir ceulx de Millan et me apportèrent lettres de leur maistre et me dirent que leur venue estoit pour ce que les Veniciens avoient envoyé deux ambassadeurs à Millan, et ilz ne avoient de coustume que y en laisser ung, et aussi le firent-ilz à la fin ; mais cecy estoit mensonge, car tout cela estoit assemblé pour faire ligue contre le roy ; mais tant de vielles ne se peuvent accorder en peu de temps. (Comm., III, 1495-1498, 119)

2.Accorder [sa voix avec un instrument]

...ung maistre de viële qui trop bien viëloit leur chantoit ung lay de courtoisie, et avoit acordé sa voix, qui estoit trop bonne, avec les notes de la viële, si que c'estoit une melodie a oïr. (Chev. papegau H., c.1400-1500, 21)

Accorder une voix. Lui donner un timbre harmonieux.

Pymalïon a m'amie entaillie, Paris d'amours l'a duite et consillie, Et Orpheüs a sa voix acorde[e]. Pymalïon a m'amie entaillie Et Phebus l'a freschement coulouree. (Pastor. B., c.1422-1425, 53)

Voix accordée. Voix harmonieuse.

D'une voix belle et accordant Et si doucement acordee Qu'estre ne porroit descordee, Ains est toudis en acordance (Mach., Voir, 1364, 8980)

3.Accorder [un chant, des notes]. Produire, faire entendre.

...supposé ore qu'il n'eust pas la voix habile pour chanter ou bien accorder, sçaroit il et pourroit congnoistre les accors ou discors avecques tout l'art d'icelle science, par laquelle et les notes dessus dictes l'en acorde et donne l'en son divers aux aciers, aux fers, aux boys et aux metaulx (Desch., Oeuvres R., t.7, c.1370-1407, 270)

Beaulx dictiéz fonder, Doulx chans accorder Devons en lëesse Quant, pour ressoulder Nature et monder, Nostre roy s'abesse. (Gréban, Pass. J., c.1450, 54)

Trop bien ay je oÿ melodye D'anges doulcement accorder (Gréban, Pass. J., c.1450, 441)

Par extension.

Composer.

Adonc s'agenoullerent li baron noble et vray, Et Regnault enssement acorda (...) Une disgne oroison (Renaut Mont. B.N. V., c.1350-1400, 728)

Débiter, raconter, chanter' (?).

Veu ce que m'avez accordé, Telle amour ne vault ung formy. (P. moyne, a.1500, 46)

II. -Emploi intransitif ou pronominal.

A. -Emploi pronominal. [De pers.]

1.[De plusieurs pers.]

a)S'accorder. S'entendre, être d'accord, se mettre d'accord.

...car premierement on appeloit les centuriez dez gens de cheval ; et se il ne se pooient acorder, on appeloit quatre vins centuries de la premiere classe des gens de pié (Bers., I, 1, c.1354-1359, 43.11, 73)

Moult longuement parlementerent, Et finablement s'acorderent. (Mach., P. Alex., p.1369, 134)

Car deux personnes acordans sont plus puissans que n'est .I. seul, et quant a voir entendre et quant a ouvrer bien. (Oresme, E.A., c.1370, 413)

...sur quoy n'a pas esté ordonné, en attendant que les parties s'accordassent sanz procès. (Baye, I, 1400-1410, 160)

Cestui Claudius Nero et Livius Salinator furent deux Rommains tresmerveilleusement grans anemis ; et touteffoiz ilz furent puis accordans enssemble pour le bien de la chose publicque (La Sale, Salade, c.1442-1444, 39)

Ung amiable debat s'esmut entre l'empereur et l'archevesque de Coulongne pour l'ordre de marchier, car l'empereur vouloit mettre ledit archevesque à sa dextre et l'archevesque y volloit mettre l'archiduc ; toutevoyes, ilz se accordèrent et marchèrent par la manière qui s'ensieult (Molinet, Chron. D.J., t.1, 1474-1506, 473)

Faire accorder (les parties). Mettre d'accord, réconcilier.

Pour bien adjourner d'ung accord Et faire accorder les parties, N'est que moy. (Mir. st Nic. juif, c.1480-1500, 99)

Se lier d'amitié.

Le voulez vous Que vostre soye ? (...) Maugré jalous, Foy vous tendroye ; Or sa, ma joye, Accordons nous : Le voulez vous ? (CH. D'ORLÉANS, Chans. C., c.1415-1440, 246)

MUSIQUE

Vueillons nostre rondel pardire, Gabriel, en alant sanz ire. Faisons que l'un a l'autre accorde. (Mir. nonne, 1345, 344)

b)S'accorder en/de/sus/sur qqc. S'entendre, se mettre d'accord sur qqc..

De ce point si bien s'acorderent, Si qu'ensamble tous deus monterent. (Mach., J. R. Nav., 1349, 188)

Seur ce point furent acordans (Mach., J. R. Nav., 1349, 204)

Si comme dit Galien ou comment, illique n'est pas nullement garie par clistoire, et en ce s'acordent tous les medecins (Saint-gille, Comment. A.Y. L., 1362-1365, 201)

...et en ce se accordent par exprez saint Augustin et saint Gregoire. (Gers., P. Paul, a.1394, 496)

...sus cel estat, tout s'acorderent (Froiss., Chron. D., p.1400, 281)

S'accorder à/en qqn. Se mettre d'accord sur le choix d'une pers..

...et ne s'acordoient point a Carle de Boesme [pour l'élire empereur] (Froiss., Chron. D., p.1400, 243)

L'aultre voye d'electïon Pour avoir prelat et pasteur Se fait par revelacïon Venant du benoist Createur ; Ou quant, sans aucune faveur, Sans crainte ou sans mauvaix courage, Tous les chanoines, de bon cueur, S'accordent en ung personnage. (Flamang, Vie Pass. st Didier S., 1482, v.434)

c)S'accorder que + complét. Décider ensemble que.

Dont je sceus bien qu'il s'acorderent Que cils gerfaus me fust donnez (Mach., D. Aler., a.1349, 371)

Et li Samnicien de l'autre part estoient si alegre que en choses si prosperes ne savoient il prendre conseil d'eulz meismes ; et pour ce s'accorderent il touz que l'en envoiast demander conseil par leitres a Poncius Herennius (Bers., I, 9, c.1354-1359, 3.4, 5)

Si parlerent ensemble [les deux vieillards] et regarderent comme ilz la pourroient decevoir [Suzanne] , et se accorderent qu'ilz la gueteroient ou jardin dessusdit et parleroient a elle s'ilz la trouvoient seule (Ménagier Paris B.F., c.1392-1394, 49)

S'accorder à + inf. S'entendre pour.

...ilz [les princes et les chefs de guerre] se vivoient en bonne amour et se accordoient a combatre et destruire les ennemis (Juv. Urs., Loquar, 1440, 412)

2.Qqn s'accorde à/avec qqn

a)Être d'accord, se mettre d'accord avec qqn.

...lors y ot plusieurs mauvais Juifs, qui se accorderent au roy Anthioche, a vivre selon son ydolatrie (Chr. Piz., M.F., II, 1400-1403, 169)

...monseigneur le seneschal, voyant que sagesse n'avoit illec lieu, s'accorda au curé (C.n.n., c.1456-1467, 448)

S'accorder avec qqn. Se mettre en accord avec qqn.

...il te convient Avec mes anges accorder En chantant (Mir. parr., 1356, 57)

S'accorder à qqn en qqc.

...car nul ne doit son amy conforter ne soustenir en erreur, ne soy acorder a lui en erreur. (Oresme, E.A.C., c.1370, 113)

S'accorder en soi-mesme. Être en accord avec soi-même, faire taire ses contradictions internes.

Pour ce dit le sage Cathon qu'il n'est possible que homme puist convenir feablement avec aultre ne soy fyer en aultruy quant il ne se fye en soy meysmes et qui ne couvient ou ne se accorde en soy meïsmes par les scrupules ou diffidences qu'il a en son entendement. (Fillastre, Traité Conseil H., c.1472-1473, 174)

b)Suivre l'opinion, le conseil de qqn.

Et ja ce soit que entre les choses antiquez il i oyt po eu de plus nobles que ceste, nientmeins i ot il un erreur car l'un ne siet lesquelz troys dez sis freres estoient des Romains ne lesquelz des Albains ; et les aucteurs sont sur ce variablez. Les pluseurs toutefoys dient que li Orace furent Romain et a cez je m'acorde. (Bers., I, 1, c.1354-1359, 24.1, 38)

Le josne homme se accorda a son pere, et tant en fist que, quant il venoit a celle qu'il amoit, il ne luy challoit plus de elle. (La Sale, Salade, c.1442-1444, 29)

c)Se réconcilier avec qqn.

Mais quant orde vie tenras Et en tel voulloir demourras, Ne te repens n'a Dieu n'acorde, Ne requiers point misericorde, Car misericorde n'est mie Qu'a ceulx qui mainent bonne vie [Dans l'esprit de l'aut., le repentir n'est rien sans l'Espérance] (Renart contref. R.L., t.2, 1328-1342, 22)

d)Conclure un accord avec qqn.

...s'accorda et fit paix avec le roy le duc de Normendie (Juv. Urs., T. crest., c.1446, 86)

e)Être favorable à, témoigner de la sympathie à.

Pitié m'esmeut quant je regarde Ce povre si mat et si fade ; Il gist en son lit tant malade Et personne a luy ne s'acorde : Si luy feray misericorde Affin que sa santé recoeuvre. (Michel, Myst. Pass. J., 1486, 117)

Benoitz soyent les misericors Qui de bon cueur a tous pardonnent, Qui traictent paix et bons accors A tous ceulx qui mal les gardonnent ! Si leur cueur a pardonner donnent, Dieu de lassus a eulx s'acorde. (Michel, Myst. Pass. J., 1486, 121)

3.Qqn s'accorde à qqc.

a)Consentir à.

S'accorder à qqc.

Consentir à [une action, une attitude].

Ceste legation fu mesprisié de tous ne n'i ot ville ne cité qui a ce se acordast, tant mesprisoient il le pueple des Romains (Bers., I, 1, c.1354-1359, 9.5, 15)

Mais (...) Veult [Helaine] que, la nuit, sans plus tarder, A force, ou temple la ravisse ; Ne veult qu'on croye que tel vice En elle ait que ja accordee S'i fust. (Chr. Piz., M.F., III, 1400-1403, 66)

Monseigneur, le Mareschal de Crathor a pris le Sap et le bastard de Calyma, qui est très fort bleissé ; et ce a il fait sans vostre commandement et sans le mien. Il vous en crie mercy et vous prie que vous lui pardonnez de ce qu'il l'a fait sans congié. Mais il se excuse et dit que vous ne vous fussiez point acordé à son entreprinse ; et scet bien que nul ne doit rien faire ne entreprendre sans le congié de son chief. (Bueil, II, 1461-1466, 220)

LA ROINE. 'Je te surquiers voirment et ne te cesseray a tempter, importune, jusques que j'aray tiré conseil de toy a aultruy resconfort, ou que je soye mise en ton livre par toy reciter ma cause.' JEHAN BOCACE. 'Du livre, tu parles en vain, mes au conseil ['à te donner ce conseil'] je m'acorde par sy que ton cas soit aussy compassible que ton semblant.' (Chastell., Temple Boc. B., 1463-1464, 89)

S'abandonner à.

Mercy Dieu, j'ay le cuer plus aise, Certes, corps, tu auras mesaise. (...) Jamais ne me mestrieras, Ja sy fort ne me tempteras, Se Dieu plaist et la glorïeuse, Qui vie sy religïeuse Me doint mener que je m'acorde A sa doulce misericorde (Mir. ste Genev. S., c.1410-1420, 105)

O pitié, o misericorde, O doulx Jhesus par qui s'accorde Tout pecheur a remission, Doulce fontaine de concorde, Quant de tes haulx fais me recorde, On te fait grant extorcion. (Gréban, Pass. J., c.1450, 332)

Satisfaire, accéder à [une requête, une demande].

Sire, s'ait dit Ganor, a voustre grez m'acour ! (Lion Bourges K.P.F., c.1350, 148)

A vos vouloirs m'acorderé Et vostre volenté feré (Vie st Evroul S., c.1350, 50)

Pour laquele chose, reconciliee et apaisee premierement la volunté du peuple envers soi (...) il a appelé le peuple et leur a demandé se il voloient que il regnast de leur volunté et de leur commandement. A laquele chose tout le peuple s'est acordés par plus grant assentement que onquez se assentirent de roy qui a Rome regnast. (Bers., I, 1, c.1354-1359, 46.1, 77)

...et que s'il le vouloit bien et loyaulment servir, il le feroit riche homme ; à laquelle requeste dudit Jaquet il qui parle se acorda (Reg. crim. Chât., I, 1389-1392, 57)

Et a ceste requeste le bouc s'accorda et respondit : 'Je le vueil bien.' (Macho, Esope R., c.1480, 194)

S'accorder que/à ce que + complét.

Consentir à ce que.

...je ne m'accorde mie Qu'elle perde pour ce la vie (Mir. enf. ress., 1353, 47)

JUSTICE. Toutefois, si comme l'en dit, L'escripture s'acorde assés, (...) Que Misericorde acompaigne Souvent et qu'el soit ma compaigne. (La Buigne, Rom. deduis B., 1359-1377, 144)

Belle, di je adont, je m'acors A ce que je vous oë lire ; N'est sons d'instrument ne de lire Ou je prende si grant esbat. (Froiss., Espin. amour. F., c.1369, 68)

...chil de Gaind generaument s'acorderent a ce que (...) il [les Anglais] trouveroient le pais ouvert. (Froiss., Chron. D., p.1400, 262)

Maistre Pierre Solas, procureur de l'evesque de Paris, se consent et accorde que tous les biens meubles de feu maistre J. Gilet soient vendus par N. de Baye, graphier de Parlement (Baye, I, 1400-1410, 275)

Je vous remercie humblement, Sire, de la misericorde Qui, par vostre doulceur, s'accorde Que grace m'en soit departie. (Gréban, Pass. J., c.1450, 187)

L'autre le blasmoit de ceste volunté et ne se veult accorder qu'il meure (C.n.n., c.1456-1467, 354)

Et pour ce est-il de necessité qu'il soit dit à l'entrée de la porte qui il est, et que on ait congié du cappitaine ou de ceulx aïans povoir ad ce faire. Car tel homme pourroit-il estre que pour riens le cappitaine ne se accorderoit qu'il y entrast. Et, posé ores qu'il s'y accordast, si se prendroit-il garde de lui et lui bailleroit compaignie et garde, par quoy il ne pourroit nul mal faire, et se garderoit l'en de parler devant lui. (Bueil, II, 1461-1466, 10)

...ilz s'accorderent voluntiers que vivres leurs fussent portez. (La Vigne, V.N., p.1495, 305)

S'accorder que + cond. Décider que.

Atant le preu Tarquin se esveilla, qui fut moult esbahy de son songe, auquel il adjousta foy. Et sus ceste fyance s'acorda que l'endemain il partiroit, et ne vouloit plus demourer illecq. (Percef. III, R., t.2, c.1450 [c.1340], 264)

S'accorder de/à + inf.

Consentir à' + inf..

Ce plut au paien grandement ; Si s'accorda isnellement Du filz a celle femme rendre Et de saint Paulin pour li prendre, Puis que les jardins savoit faire. (Tomb. Chartr. Trois contes S., c.1337-1339, 112)

Et ce ne se poroit faire a nul foer Que je vosisse errer contre mon coer, Qui a tout ce s'acorde lïement De vous servir si enterinement Que je porai, en tous estas, ma dame. (Froiss., Orl., 1368, 102)

Jehan, a moy oir t'acorde. (Mir. st J. Paulu, c.1372, 141)

N'avons nous pas de nostre Dame qui se reputoit petite ancelle et ung neant a son jugement, laquelle neantmoins fut de telle manificence que elle s'accorda a estre mere de Dieu ? (Gers., P. Paul, a.1394, 502)

Maiz ses barons tant l'ennorterent Par leur senz qu'a ce l'amenerent Qu'il s'accorda a femme avoir Affin de faire son devoir Et que d'elle il eüst lignie (Gris., 1395, 4)

...li plus des signeurs ne s'acordoient point de rentrer en mer (Froiss., Chron. D., p.1400, 75)

'Or advant, dit le Jouvencel, si je treuve homme qui me vueille sieuvyr, j'en auray une verte. Aussi dit-on que quiconques n'en cueulle des vertes, il n'en mangera pas de meures.' A ces parolles s'accordent ses compaignons d'aller avec lui, pourveu que ce soit le plaisir du cappitaine. (Bueil, I, 1461-1466, 61)

Vostre cueur ung petit s'acorde A escouter ce que veulx dire. (La Vigne, S.M., 1496, 283)

Se permettre de' + inf..

Et pur ceo me acorderoie, tresdouz Sires, si vous plest, de celuy precious sank qe vous espandistez pur moi a prendre pur oynement (Henri Lanc., Seyntz medicines A., 1354, 161)

[Y représente une prop.] S'y accorder. Y consentir.

NOSTRE DAME. Ralons nous en, il en est temps, Trestouz ensemble. SAINT ELOY. Dame, bien dites, ce me semble ; Je m'y accort. (Mir. enf. ress., 1353, 64)

Se vo devoir Volés faire dou conforter, Je m'i voel dou tout acorder, Ja m'ait il hui moult laidengie Fausse appellee et esragie. (Froiss., Par. am., c.1361-1362, 47)

...ma concience ne s'i accorderoit jamais (Froiss., Chron. M., XIV, c.1375-1400, 144)

Le roy la fist demander pour femme. Mais la pucelle ne s'y voult accorder. (Arras, c.1392-1393, 147)

Povre fol, n'es tu pas descendu de la lignie du roy Guion, qui fu filz Melusigne, ma seur, et je suis ta tante, et tu es si prez de mon lignaige, posé que je me voulzisse assentir a toy avoir, que l'eglise ne s'i vouldroit pas accorder. (Arras, c.1392-1393, 305)

De pitié, de misericorde Si vueillez souvent recorder Pour les ensemblë encorder [les princes] , Affin que chascun s'i accorde Et que se puissent concorder, Car trop dure ceste discorde. (Régn., F.A., 1432-c.1465, 72)

Sur ce, le Jouvencel dit : 'Vous dictes bien. Il me semble que vous dictes qu'il n'y a riens sur le payz ne chose qui nous puisse nuyre. Pour ce, je desiroye, se voz oppinions se y accordent, que demain aprez la messe nous en allassions tout d'une traicte jusques à Francheville et, là , nous saurons toutes nouvelles et, selon les nouvelles que trouverons, nous besongnerons...' (Bueil, II, 1461-1466, 87)

Dyablerie puante et orde, Tost la corde Pour m'estrangler ! Je m'y accorde Et recorde, Venez tost me faire finer ! (Mir. st Nic. juif, c.1480-1500, 147)

Emploi factitif.

MALEGORGE. Par la vertu et auctorité Des princes, gualant, te commande, Et sur paine de grant esmende, Que vieignhes ceste croix porter. SIMON SIRENEU. Pas ne m'y fariés accorder ; Aussi ce n'est pas mon entente. (Pass. Auv., 1477, 193)

S'accorder à ce

Seigneurs barons, je ne vous fauldray mie a cest besoing, car, se mon frere ne se vouloit a ce accorder [épouser la fille du roi et accepter le royaume d'Arménie] , si vous feray je tout le confort que je pourray faire. Sire roy, distrent les Hermins, Jhesucrist le vous veuille merir, qui vous ottroit bonne vie et longue. (Arras, c.1392-1393, 142)

[P. ell. du compl.] Consentir.

Et ore et autre fois me volés tant loer Bauduin de Surie : je ne sai que penser, Ne se jamais ariés coer de vous acorder, Et laissier vostre loy, et Jhesum aourer, Car de faus traïtour ne se poet nuls garder. (Bât. Bouillon C., c.1350, 58)

Le chanoine fut contraint, pour sauver son honneur, de s'accorder. (C.n.n., c.1456-1467, 522)

Puis le Jouvencel lui dist devant tous : 'Mon cappitaine, je vous pry, allez-y ; car vous le ferez mieulx que nul autre. Je scay bien que le Roy adjoustera grant foy ad ce que vous lui direz.' Le cappitaine de Crathor se accorda et dist : 'Puisqu'il vous plaist, j'en suis content.' (Bueil, II, 1461-1466, 140)

Mais par les dessusditz luy furent faictes tant de remonstrances qu'il se accorda et leur donna propices oreilles à entendre touchant son eschappement. (Le Clerc, Interp. Roye, c.1502, 167)

b)Être d'accord avec, acquiescer à [une opinion, un propos].

S'accorder à/en qqc.

Et quant elle m'ot escondit, Assez m'acorday a son dit (Mach., D. Lyon, 1342, 232)

Item encore, s'accordent il en ce que la saint Escripture dist que ce jour dura .II. jours (Oresme, C.M., c.1377, 376)

Ausqueles oppinions ycellui mons. le prevost s'accorda (Reg. crim. Chât., II, 1389-1392, 203)

...il s'acorderent a son pourpos (Froiss., Chron. D., p.1400, 815)

Et a ce propos s'acorde l'Apostre, qui dit : Sol non occidat super yracondiam vestram. (La Sale, J.S., 1456, 19)

Lors n'y eust la dame ne damoiselle que toutes n'en rissent et qui ne s'acordassent esdictes oppinions (La Sale, J.S., 1456, 306)

...après advis sur cela, ilz s'accorderent tous au conseil et a l'oppinion de monseigneur. (C.n.n., c.1456-1467, 222)

Cestui predist la douloureuse combustion de Cartage qui brula XVII jours sans cesser, comme dit est, et fut sur la interrogacion de Scypion et s'acorderent plusieurs tous à une oppinion, c'est assavoir maistre Paloos de Bordeaux, Marcel de Paris et Angel d'Austun. Là plusieurs hommes et femes aymerent mieulx se gecter ou feu, que venir en la merci de leurs ennemis. (Simon De Phares, Astrol., c.1494-1498, f° 65 v°)

S'accorder que + complét.

Être d'accord pour que.

Car raison veult et droit s'accorde Que les maufaitteurs on pugnisse (Mir. marq. Gaudine, 1350, 148)

...les Rommains se accordent en leurs loys et leurs decrez que aux honneurs avant yront les chevaliers des armes que les chevaliers des loiz (La Sale, Salade, c.1442-1444, 244)

Admettre, concéder que.

Belle suer Raison, je me accorde bien que Dieu est, et ainsy le tesmoingne toute chose selon ce que tu as dit par avant (Gers., Trin., 1402, 159)

[Y représente une complét.] S'y accorder. En être d'accord, le reconnaître.

Dame, c'est voirs ; je m'i acort. (Mach., R. Fort., c.1341, 90)

Compains, pour certain ton affaire Est bon et bel, je m'y accort (Gris., 1395, 47)

B. -Emploi pronominal. [De choses]

1.[De plusieurs choses] S'accorder

a)Être en harmonie.

Semblablement quant les ellemens se acordent et conviennent ensemble par amystié selonc cel oppinion, c'est une constitucion ou disposicion autre que devant ; mais nientmoins les ellemens seroient touzjours un meisme. (Oresme, C.M., c.1377, 184)

...les philosophes anciens s'esmerveilloient comment ce pouoit estre que les quatre elemens se accordoient ainsy pour leur diversité et contraires natures et ilz veoient oultre que les musicaulx nombres font accorder les sons de diverses manieres et presenter ensamble plaisanment a l'oÿe (Evr. Conty, Harm. sphères H.P.-H., c.1400, 69)

Recorde toy des sentences escriptes et des choses experimenteez, et tu les trouveras acordans en cest endroit. (Chart., L. Esp., c.1429-1430, 47)

En Angleterre eust jadiz ung prestre qui fut glout et desmesuré et moult luxurieux. Ce sont deux pechiez qui s'accordent moult bien ; car luxure vient de gloutonnie, quant la char feible et fort repone demande à descombrer nature par le pechié de la char. (Miélot, Mir. N.D. L., 1456, 201)

b)Concorder.

Ces deux exponicions s'accordent (Saint-gille, Comment. A.Y. L., 1362-1365, 359)

2.Qqc. s'accorde à/avec qqc.

a)Concorder avec.

Son sermon avoient trescher Ceulx et celles qui l'escoutoient, Quar les faiz es ditz s'accordoient (Tomb. Chartr. Dix-huit contes K., c.1337-1339, 285)

...et a ce s'acorde ce que maintenant est dit que des corps du monde sont .III. mouvemens simples. (Oresme, C.M., c.1377, 60)

Et semble que rayson face tesmoingnage et que elle s'acorde as choses apparantes, et les choses apparentes a rayson, quar touz honmes ont estimacion des diex et que aucunes choses divines sont. (Oresme, C.M., c.1377, 84)

Par philosophie attaignirent Socrates, Platon et Aristote a la congnoissance d'un seul Dieu, pour laquelle oppinion, qui s'acorde a crestienne foy, Socrates fut condamné a mort (Chart., L. Esp., c.1429-1430, 128)

...et predist au peuple ce qu'il devoit advenir des quatre principaulx regnes du monde et de leur deffinement, et qui premier regneroit (...) à laquelle prenosticacion se accorda puis la prophecie de Daniel, qui fut, selon aucuns d'eux, mille trois cent cinquante ans après, comme appert en son second chappitre. (Simon De Phares, Astrol., c.1494-1498, f° 14 v°)

b)Être en harmonie avec.

Si n'i voy rien de bien pour mi, fors que Raison s'acorde a Bonne Amour, mais c'est chose qui ne puet estre (Mach., Voir, 1364, XXXV)

Mais le bien de entendement pratique, c'est verité, non pas absoluement, mais verité acordant soy avecques l'appetit droit ou droiturier. (Oresme, E.A., c.1370, 332)

Vous qui cy devant avez veu Et bien au long vous avez leu, Scavoir povez que c'est de guerre. C'est destruction de terre Et trestoute perdition Sans y trouver dilection, Charité ne misericorde Ne raison point ne s'i accorde (Régn., F.A., 1432-c.1465, 77)

S'ouvrir à, s'abandonner.

Car de loy commune l'un sans l'autre ne se fait point en la justificacion du pecheur par penitence : ne grace sans voulenté, ne voulenté sans grace. Et en ce est le merite, que voulenté s'accorde a grace. Exemple de l'ayment qui attrait le fer : ainsy fait Dieu l'ame. Vous veés en saint Pol, que tantost a la vocacion ou prevencion de Dieu il respondit en ouvrant l'uys de son consentement : 'Sire, que veulz tu que je face ?' Il adjousta doncques a grace bonne voulenté. (Gers., P. Paul, a.1394, 498)

Être favorable à.

A gloutonnie, qui s'acorde Au ventre, gard toy n'obeïr. (Chr. Piz., M.F., II, 1400-1403, 76)

Il [l'homme pécheur] plaint la fin qui luy deffault Et ja mercy ne s'y accorde ; Il languist ou son bien luy fault ; Ame de luy ne se recorde. (Gréban, Pass. J., c.1450, 37)

Permettre ; trouver une excuse à' (?).

...c'est voye de fait ad quam non respondet iurisconsultus [, c'est a entendre a la quelle ne s'accordent les droiz canons et civilz] (Juv. Urs., T. crest., c.1446, 100)

c)Correspondre à.

L'an avoit jadis Romulus devisé en diz (...) Mes pour ce que cesti nombre ne se acordoit ni au cours de la lune ni au cours du soleil, Numa i ajousta deus [moys] (Bers., I, 1, c.1354-1359, 19.5, 31)

Se combiner avec.

...aucunefoiz, avec la male complexion de la marrix est la malle complexion des membres principaux accordant ; si comme seroit que la marriz feust trop chaude, ou trop froide, et les membres principaulx aussi (Saint-gille, Comment. A.Y. L., 1362-1365, 142)

d)MUSIQUE

Se le vieleur ou le guisterneur fait et ordene par tres grant diligence comment le deffaut et le vice d'une corde mal tendue et mal acordee soit corrigié et la fait par proporcion acorder aus autres et de divers tons, il fait un bel acort et tres douce melodie sanz rompre les cordes, mais seulement il les fait estre tendues et alaschiees par proporcion. (Foul., Policrat., IV, 1372, 72)

e)GRAMMAIRE

Quantz maniers a il des verbes ? Deux. Quielx ? Verbe personel, c'est a dire que se accordra ové son nominatif case en nombre et en personne, si comme je ayme ; et l'autre maniere est appellé verbe impersonel, pour ce qu'il n'a point de nominatif case du quel il prendroit nombre et personne. (DonatOxf., p.1400. In : Th. Städtler, Zu den Anf. der frz. Grammatikspr., 1988, 135)

3.SPIRITUALITÉ [De l'âme ; de la grâce] Être en harmonie.

a)[De la grâce divine dans l'âme]

Affin que sa grace [de Dieu] s'accorde En vostre naturel office, Ung chascun de vous se recorde De son hault divin artifice ! (Myst. Pass. Troyes B., a.1482, 94)

b)[De l'âme par rapport à la grâce divine]

[L'ame] se doit accorder, lier et joindre (...) en une mesme sainte amour de Dieu (Lettre dir. spirit., c.1450-1500, fº 250 vº)

L'ame, fille de Dieu, en toutes ses puissances que Dieu luy a donnees - c'est la pensée, l'entendement, la volunté, le desir et plaisir - et en tous les effects et operacions d'icelles puissances, elle doit estre accordee, liee et jointe (Lettre dir. spirit., c.1450-1500, fº 250 vº)

C. -Emploi intransitif.

1.[De pers.]

a)Qqn accorde

[D'une seule pers.]

Être d'accord.

Le fouldre plain de feu, se il ne nuyst en ardant, il est signe de grant honneur et grant gloire avenir. Et, se il ne art et brulle, il n'est par pour ce wit de feu, supposé que Platon die bien et que l'en accorde. (Foul., Policrat. B., I, 1372, 130)

Donner son accord.

Le plus du temps, je semble ung corps sans ame, Hors de povoir d'accorder ou desdire : Ce n'est pas jeu [d'eslongner ce qu'on ame, mais c'est ennuy impossible de dire]. (Au grey d'amours F.-H., c.1400-1500, 173)

Mais avant qu'il peust demourer ne accorder, lui convint eslire une des dames, la plus a son gré. (La Sale, Salade, c.1442-1444, 95)

Faire un accord.

Va t'en, je n'en acorderay, Par Dieu, ne n'en appointeray Qu'ainsi que le juge fera. (Path. D., c.1456-1469, 142)

[De plusieurs pers. ou de plusieurs partis]

Se mettre d'accord.

Mon seigneur, acordons ensemble, Pour Dieu, que je ne plaide point ! (Path. D., c.1456-1469, 142)

[P. personnif. du suj.]

...les estoilles se assemblerent en grande jubilacion et commencerent a faire leur election. Mais, pour ce qu'ilz ne peurent accorder ensemble, ilz se commencerent entrebatre entr'eulx. Pour quoy ilz commencerent, comme brebiz sans pasteur, errer vagabondes par les cieulx, sans rigle. (Colart Mans., Dial. créat. R., 1482, 93)

Faire un accord, parvenir à un accord.

...les dites parties pour bien de paix et pour norrir concorde et transquillité entre elles, par bonne et meure deliberacion, ont accordé et pacifié, s'il plait au roy nostre dit seigneur ou a son Parlement, en la maniere qui s'ensieut (Comté Porcien R., 1380, 183)

Comme ledict duc eut sejourné trois ou quatre jours, vint, de par le roi, le cardinal Ballue, embassadeur, qui peu y arresta et fist aucunes ouvertures, disant audict duc que ceulx qui estoient en Bretaigne pourroient bien accorder sans luy. (Comm., I, 1489-1491, 123)

b)Qqn accorde à qqc.

Consentir à.

PIERRE. Mon bon maistre, que tan j'amoye, Las, se ma bouche la [l. l'a] regnoye, Mon cueur n'y a pas acorder. (Pass. Autun Biard F., 1470-1471, 87)

Être d'accord avec, adhérer à.

Adont s'est Mesure levée, En disant : 'Ma tresbien amée Congnoissance, dire ne vueil Riens qui soit contre vostre vueil, Eins sui moult trés bien acordans Ad ce qu'estes ci recordans...' (Mach., J. R. Nav., 1349, 258)

...ce que conferme le sage Chaton Uticensis, disant : 'Majores nostri, non tam armis quam celesti disciplina, res publiquas ex parvis magnas fecerunt'. Ausquelles choses accorde assez saint Jerosme en une epistre ad Paulinum disant : 'Taceo de gramaticis...' (Simon De Phares, Astrol., c.1494-1498, f° 8 r°)

Approuver, s'accommoder de.

Le conseil que vous me donnez Se puet mieulx dire qu'exploicter. Du non croire me pardonnez, Car j'ay cuer tel et si entier Qu'il ne se pourroit affaictier A chose ou Loyauté n'acorde ; N'autre conseil ne m'a mestier Fors pitié et misericorde. (Chart., B. Dame, 1424, 349)

c)Qqn accorde à qqn

Se mettre d'accord avec.

J'ay veu seigneur des Cordes Aux Flamens accorder, Cordeller grans discordes, Pour pays descorder (Molinet, Faictz Dictz D., 1467-1506, 318)

Suivre le conseil de.

Adoncques, le chien accorda au loup et fit chascun son personnaige comme dessus est dit. (Macho, Esope R., c.1480, 175)

2.[De choses]

a)MUSIQUE

Faire accorder un instrument. Le faire retentir.

Certainement, j'en ay grant joye. (...) Et pour ce, par grant reverie, Ma musette accorder feray, Et avecques toy y diray, S'aidier me vuelt ceste tousette, Une amoureuse chançonnette. (Gris., 1395, 100)

[De la voix] Avoir un beau timbre.

Vous avés voix quil ['qui'] bien acorde ; Denonsciéz sans faire moleste Tout ce qu'avons chanté de geste (Pass. Semur D.M., c.1420 [1488], 66)

b)[De plusieurs choses]

Être en harmonie.

Mais quant Vertu est du cuer chastelaine Ja ne fera le corps oeuvre villaine Dont avoir peust reprouche en son visaige Car Vertu est ung habit de coraige Selon Raison et Nature accordans Qui donne aux bons en leur meilleur eage Cuer et voulloir de bien faire en tous temps. (Taillev., Psaut. vil. D., a.1440, 116)

Converger.

Fortunë a deux arcs pour traire Qui ne sont pas bien accordans, L'ung tire droit, l'autre a contraire, L'ung par dehors, l'autre dedans, L'ung est sainture sans mordant, Car il est doulx et debonnaire, L'autre fait pis que arracher dens (Régn., F.A., 1432-c.1465, 196)

c)Qqc. accorde avec qqc.

Être en harmonie avec, concorder avec.

...lez bontés et lez vertus ne sont jamaiz discordans ne derrogans ensemble, ainçoys consonent et acordent bien avecquez bien, et verité avecquez verité. (Chart., L. Esp., c.1429-1430, 88)

GRAMMAIRE S'accorder avec.

En quantz accidens accordra le adjectif ovesque son substantif ? En trois. En quielx ? En case, genre et nombre, si come bel sire, belle dame. (DonatOxf., p.1400. In : Th. Städtler, Zu den Anf. der frz. Grammatikspr., 1988, 133)

III. -[Idée de bénéficiaire] Accorder qqc. (à qqn) / Accorder (à qqn) que/de / Accorder qqn (à qqn)

A. -Accorder qqc./qqn (à qqn)

Li roys respondi : 'Je le vueil, Car je sui seins de tele corde Que quan qu'il vous plaist je l'acorde, Et tout vostre voloir feray...' (Mach., P. Alex., p.1369, 221)

Par foy, dist le roy, sire damoisiaux, vous me portez plus d'onneur que vous ne m'en dittes. Si m'en dictes vous plus cent foiz que je ne vaulz, et cellui don vous accorde je, car il ne fait pas a reffuser. (Arras, c.1392-1393, 119)

Moult fu Remond joyeux quant le prieur lui ot accordé la place du quart hermitaige ; il en loue Jhesucrist. (Arras, c.1392-1393, 273)

Li chevaliers s'osfri a cevauchier avoecques la roine et en demanda congiet au roi, et li rois li acorda. (Froiss., Chron. D., p.1400, 57)

Et en oultre mandoit li contes de Hainnau, se li dus de Normendie et li François voloient avoir la bataille, il estoient tout apparilliet que pour le livrer et le faire. Li consauls dou duch de Normendie respondi a ce et dist que, (...) d'acorder la bataille ['accepter de livrer bataille'] , il n'avoit pas mis encores son consel ensamble, et que il en averoit avis de respondre. (Froiss., Chron. D., p.1400, 402)

Et se de vous riens n'estoit, il est bien si gentils chevaliers et si loiaus, que la ou il m'en requeroit ou prieroit, je li acorderoie [le sauf-conduit] , car ce ne nous touce a nul prejudice (Froiss., Chron. D., p.1400, 753)

...ceulx, qui luy cuidoyent nuire, La rescoÿrent et garderent Et bonne paix y accorderent (Chr. Piz., M.F., IV, 1400-1403, 15)

He Dieu, et que le peuple est beste Quant il accorde teulx octrois ! (Chart., D. Her., p.1415, 433)

Item, il est accordé... les choses dessus dictes. (Juv. Urs., T. crest., c.1446, 174)

Et, entre Paris et Saint-Denis, le roy, alant à son pelerinage, trouva trois ribaulx qui lui vindrent requerir grace et remission de ce que tout leur temps ilz avoient esté larrons, murdriers et espieurs de chemins, laquelle chose le roy leur accorda benignement. (Roye, Chron. scand., I, 1460-1483, 182)

LE CHARTIER. Ha, misericorde ! LE PREVOST. C'est raison que n'en te l'acorde. LE CHARTIER. Je l'ay fait [écraser le chrétien] ignorantement. (Mir. st Nic. juif, c.1480-1500, 150)

Pour quoy ma voix je luy acorde. (La Vigne, S.M., 1496, 396)

Permettre, autoriser.

Pour ce le saint pelerinage N'accorda pas, car trop eüst Mespris, s'acordé li eüst. (Mach., P. Alex., p.1369, 26)

Quant le roy d'Escoce et le roy d'Angleterre eurent entendu la rouyne, ilz accorderent moult joyeusement les nopces. (Percef. IV, R., c.1450 [c.1340], 48)

...la nouvelle par tout respandue, furent de son roiaume et dehors sans nombre les seigneurs et les nobles qui s'i presenterent, desquels le roy (...) en accorda tant qu'ilz furent cent et lx banieres (La Sale, J.S., 1456, 188)

Folles et folz aront la larme a l'oeul Faisans soupirs, sans confort sur le soeul, En mauldissant qui la guerre accorda (Molinet, Faictz Dictz D., 1467-1506, 190)

Convenir de, conclure [un traité, une trêve, un mariage, ...].

...pour traictier et accorder et tenir ce que fait sera de tous les débas qui sont ou pevent estre (...) entre lui et ledit messire Othe (Ch. VI, D., t.1, 1388, 96)

Et la fu accordé le mariage de Bertrand, le filz au duc Anthoine, a la fille du roy d'Ausaiz. Et ot a nom la pucelle Mellide, qui fu moult belle. Et fu depuis Bertran roy d'Ausaiz. (Arras, c.1392-1393, 287)

On entendi volentiers a lors trettiés, et lor furent acordé, juré et tenu, tout ensi conme il le vodrent avoir (Froiss., Chron. D., p.1400, 512)

Li rois d'Engleterre (...) tint que parmi ce fait les trieuwes acordees et donnees devant Vennes en Bretagne estoient enfraintes et brisies (Froiss., Chron. D., p.1400, 598)

Ces trieuwes acordees et jurees a tenir le terme de deus ans tant seullement, li cardinaus de Boulongne retourna a Amiens deviers le roi de France (Froiss., Chron. D., p.1400, 856)

...lesquelz traictiez furent parfais et accordez et publiez à Troies le XXJ e jour de ce mois. (Fauq., I, 1417-1420, 367)

...comme vray crestien offrir a son annemy toute bonne et raisonnable paix, et celle acorder s'il la treuve. (La Sale, Sale D., 1451, 47)

...en leur disant de par le roy que son plaisir estoit que, par sadicte court de Parlement et tous autres ses officiers, feust fait et acomply tout ce qu'il avoit conclud et acordé avecques ledit de Bourgongne (Roye, Chron. scand., I, 1460-1483, 218)

Il fist humble contenance du corps, mais sa geste et sa parolle estoit aspre, demandant au roy s'il vouloit tenir le traicté de paix qui avoit esté escript et accordé (Comm., I, 1489-1491, 144)

Et ce faict, les dictz seigneurs firent ou dict camp des Venyciens publier (...) le traicté de paix comme il avoit esté accordé entre le roy de France d'une part, et la seigneurie de Venise avec le duc de Millan d'autre (La Vigne, V.N., p.1495, 319)

Donner son assentiment à [une parole, une opinion].

Humilité n'a plus son ordonnance ; On tient vaillant qui se scet bel armer, (...) Vertu n'a lieu, qui ne se puet monstrer ; Grans en estat et haultains maintenir, Taire le voir et mençonge acorder : C'est ce qui fait le monde anientir. (Desch., Oeuvres Q., t.6, c.1370-1407, 86)

Amour d'argent commendera a ung autre flater, mentir, parjurer, souffrir injures, blaphemes, accorder quanque on dira, maintenant l'un, tantost le contraire, faire toutes choses tant soyent horribles, tant soyent crueuses et abhominables a Dieu et au monde : sans reffus il y obeyra. (Gers., Concept., 1401, 412)

Quant Sebille eut parlé comme dit est, toutes les vielles qui la estoient furent de son accord. Mais une tres belle fille a marier qui tout ce oioit, a l'accorder ou non, dit : Chacun en dit et fait a sa guise. Ung homme condempné a mort, aprés encoires sera escouté. (Ev. Quen., II, c.1466-1474, 134)

L'en dit communement que, selon que le temps va, l'en doit aller, car, si tu fais distinction du temps, tu accorderas les Escriptures. (Macho, Esope R., c.1480, 99)

Sire, par Jhesus, le doulx roys, J'acorde ce que dit m'avez (C. Riffl., c.1480-1520, 60)

Emploi absolu.

Autre chose est apenser, autre chose est acorder, autre est sentir et autre chose est consentir. (Alecis, Dial. crucif. pèler. P.P., 1486, 96)

Proverbe. Assez accorde qui mot ne sonne / qui ne dit mot. Qui ne dit mot consent.

Est assez approuvé en ung proverbe la ou l'en dit souvent : 'Assez acorde qui ne dit mot.' (Garin Mongl. K., c.1460-1465, 59)

Et, ad ce mot, le Regent ne dit riens ; et assez accorde qui mot ne sonne. [cf. Prov. H., 29] (Bueil, II, 1461-1466, 221)

Approuver.

Disoit aussy [saint Pol] qu'il estoit le premier entre les pecheurs, et qu'il ne se jugoit riens scavoir fors Jhesu Crist crucifié. Et ailleurs il se loue, ce samble, tout au contraire. Que dirons nous icy ? Nierons nous ces choses ou les accorderons nous ? Nous les accorderons a l'excellant louange de saint Pol, car par ces choses nous sont monstrees pluseurs vertus en luy (Gers., P. Paul, a.1394, 502)

Tous ses amis et parens loerent et accorderent beaucop ceste alliance (C.n.n., c.1456-1467, 169)

Satisfaire, accéder à [une requête, une demande].

Vous me pouez la mort donner Se vous ne voulez accorder Ma voulenté. (Mir. femme roy Port., c.1342, 164)

Sire chevalier, je vous accorde vostre requeste, puis que cy ne puis savoir ce que je desire. Je vous acompaigneray voulentiers a la court du roy. (Arras, c.1392-1393, 54)

...le roy d'Angleterre envoya messire Haymon (...) le quel (...) accorda au roy sa requeste de par son frere le roy d'Engleterre (Juv. Urs., T. crest., c.1446, 110)

Contre Misericorde feustes Et accorder ne luy voulustes Aucune requeste nouvelle. (Gréban, Pass. J., c.1450, 455)

Laquelle requeste par la royne (...) fut faite au roy. Le roy, qui par ses gracieusetez et par les bons rappors qu'il en avoit, l'acorda tres voluntiers. (La Sale, J.S., 1456, 66)

Le pere ne fut pas moyennement joyeux d'oyr le bon vouloir et la sage response de sa fille, et luy accorda sa requeste (C.n.n., c.1456-1467, 170)

Ce qu'il vous plaist ne nous desplaist, Vostre vouloir est accordé. (Myst. Pass. Troyes B., a.1482, 295)

De Normandie le roy ne vouloit entendre pour nulle chose, mais accorda audict conte de Charroloys sa demande et offrit audict conte de Sainct Pol l'office de connestable (Comm., I, 1489-1491, 76)

...parquoy il convint de rechief envoyer devers luy, pource que le roy ne vouloit accorder ses demandes (La Vigne, V.N., p.1495, 308)

DROIT Approuver [un acte juridique] d'un commun accord.

Et après que les parties auront fourny de leursdictes escriptures, ilz prendront jour de les venir accorder, ou de venir dire les causes de leur discord, s'ilz ne les veullent presentement visiter et accorder. (...) Et lors à iceluy jour doyvent accorder leurs escriptures en jugement et les faire signer du greffier de la court, ou dire les causes du discord (Cout. instit. Anjou Maine B.-B., t.4, 1496, 421)

B. -Accorder que / accorder de

1.Accorder (à qqn) que

Accorder que

Consentir à ce que.

Les Cartagïens accorder Ne vouldrent, pour nul recorder, Qu'aux Rommains fussent tributaires (Chr. Piz., M.F., III, 1400-1403, 233)

SATHAN. Se tout sur piéz ne les vous livre Tous deux lïéz et bretesquéz, J'accorde que vous m'applicquiez Par tous les infernaulx manoirs. (Gréban, Pass. J., c.1450, 352)

N'amours n'acorde nullement Que telles gens soient amez (La Sale, J.S., 1456, 17)

Décider d'un commun accord que.

Sire, nous avons accordé, Combien qu'aucuns l'ayent discordé (...) Que les povres foulés seront, Bon tamps bien ne honneur n'avront, Fain et froit tousjours sera leur Et renommée de malheur. (Renart contref. R.L., t.1, 1328-1342, 7)

Je ne scey pas quanqu'il parlerent, Mais en la fin ilz accorderent Par jugement imperial, Pour ce qu'ami especial A l'emperiere avoit esté, Que ce seroit deshonnesté Qu'il perdist cruelment la vie (Tomb. Chartr. W., c.1337-1339, 22)

...lors chapitainnes avoient entre euls acordé le matin que casquns fust armés (Froiss., Chron. D., p.1400, 149)

Accorder à qqn que

Concéder à qqn que.

Et lor ofri et acorda que il pooient aler, venir et demorer partout (Froiss., Chron. D., p.1400, 257)

Vueilliez a mon cuer accorder, Sans par parolles le mener, Amour, que, par vostre plaisir, Des biens que lui voulez donner De mille l'un puist avenir. (CH. D'ORLÉANS, Ball. C., c.1415-1457, 72)

Je ne te acorde pas que pour l'abus dez recevans soit frustee la charité du donneur. (Chart., L. Esp., c.1429-1430, 56)

Je te acorde que tu en uses [des biens mondains] en telle maniere qu'ilz ne te abusent (Chart., L. Esp., c.1429-1430, 131)

Assurer qqn que.

Si te promet, sire, et t'acorde Que tu seras de ma partie Loëz tous les jours de ma vie (Mach., C. ami, 1357, 55)

Veez cy les motz que Grace luy dira Et je sçay bien que le duc s'en rira Et ne vouldra pas, de premiere face, Luy accorder que jamais paix il face. (Nesson, Lay guerre P.D., c.1424-1429, 63)

2.Accorder (à qqn) de + inf.

Accorder (de) + inf.

Consentir à, décider de.

Si trestos que j'ai recordé Che virelay, j'ai acordé De rescrire a Rose unes lettres, Qui est mes sires et mes maistres (Froiss., Pris. am. F., 1372-1373, 170)

Consentir à/à ce que, accepter de/que.

...la Court de Parlement avoit consenti et accordé ladicte taille estre levée (Fauq., I, 1417-1420, 334)

Et, pour plus ample promesse, ilz s'en obligerent es mains de deux notaires apostoliques, voulans et accordans estre incontinent excommeniez, se par eulx ou l'un de eulx estoit fait le contraire. (Roye, Chron. scand., I, 1460-1483, 55)

Accorder à qqn de/à + inf.

Accorder à qqn de + inf. Consentir, à la demande de qqn, à' + inf. [C'est le suj. du v. accorder qui effectue l'action indiquée par l'inf.].

Par foy, sire chevalier, dist Gieffroy, c'est petite chose de mon fait envers la puissance de mes deux seigneurs et freres, mais je vous mercie de ce que si liberaument m'avez accordé de venir avec moy, et je le vous meriray bien, se Dieu plaist. (Arras, c.1392-1393, 212)

Sire, quant j'acorday A Jennesse de venir devers vous, Elle me dist que vous estiez sur tous Si trescourtois que chacun desiroit De vous hanter (CH. D'ORLÉANS, Ret. am. C., 1414, 7)

Ma dame, faites bonne chiere, car j'espoir que ceste nuyt, s'il n'est fait, vous ferez un tresbeau filz, car pour nostre bien venue le roy m'a accordé de dormir avecques vous. (La Sale, J.S., 1456, 226)

...ceulx de Crathor et de tout le payz lui prioient qu'il ne se departist point tant que le duc Baudoin eust ses gens ensemble ; et au conte moult despleust qu'il ne faisoit quelque chose ; car il estoit moult bon chevalier. Touteffoys il failloit qu'il se tenist à la plus grant oppinion, et accorda à ceulx de la ville de ne departir point son armée, tant que le duc Baudouin auroit la sienne entière, en disant... (Bueil, I, 1461-1466, 220)

Accorder à qqn (à) + inf. Permettre à qqn de' + inf..

...legierement il nous accordera à passer parmy son royaulme (Froiss., Chron. M., XIV, c.1375-1400, 102)

...vous requier et supplie que se vous acordez ces armes parfaire a nulli de vostre court que ce soit a moy. (La Sale, J.S., 1456, 103)

3.[l' représentant une prop.] L'accorder

L'accorder. Y consentir.

Sire, se vo vouloir l'accorde, Jusques a ce puiz ci venez (Mir. st J. Paulu, c.1372, 142)

...ilz furent priez du duc (...) de disner à l'endemain avec luy ; ilz l'accorderent (Froiss., Chron. M., XIV, c.1375-1400, 15)

Et quant le gallaffre et le soudant virent leurs gens qui estoient traiz a terre, ilz manderent par druchemant au roy Uriien trieves trois jours, et qu'il venist prendre place et se logast et rafrechesist ses gens, et au quart jour il lui livreroit bataille. Et quant le roy Uriien l'ouy, si l'accorda, et le fist signifier au roy Guion son frere et a Gieffroy. (Arras, c.1392-1393, 221)

Aux barons gregois le recorde, Mais n'i a cellui qui l'acorde. (Chr. Piz., M.F., III, 1400-1403, 92)

Traictier luy couvient de la paix ; Si l'ot [Anthïocus] par si qu'a tousjours mais Aux Rommains yert Europe et Aise, Ainssy l'accordent (Chr. Piz., M.F., III, 1400-1403, 241)

...il requist qu'on luy baillast le corps de Nostre Seigneur ; ce qui ne lui fut point accordé (Roye, Chron. scand., I, 1460-1483, 358)

LE CRESTIEN. Nous secour[r]ez vous ? LE JUIF. Je l'acorde Et par le moyen qu'en ce cas, Dessus l'hostel sainct Nycolas Jurerés loyaulment me rendre Mon argent. (Mir. st Nic. juif, c.1480-1500, 89)

L'accorder à qqn. Le permettre à qqn, le lui consentir.

LA DAME. Et vous pri (...) que me faciez ceste grace (...) Que je voie la creature Pour qui je vois a tel laidure Recevoir mort. LE CONTE. Certes, femme, je le t'accort. (Mir. enf. ress., 1353, 68)

'Dame, par vo vaillance, Voelliés vous a ce acorder Que je me puisse deporter Aval ce clos avoecques vous ?' Elle respont : 'Mon amis dous, Je le vous acors lïement.' (Froiss., Par. am., c.1361-1362, 60)

Et quant Gieffroy scot ceste nouvelle, si jura Dieu que ce ne seroit pas sans lui, et que trop avoit gardé l'ostel. Et dist a Remond et a sa mere que ilz lui voulzissent faire finance pour aler aidier a ses freres contre les Sarrasins. Et ilz lui accorderent par si que il leur jura que dedens un an il retourneroit par devers eulx. (Arras, c.1392-1393, 212)

Mais durant ce terme, le soudant de Damas, qui scot la venue des crestiens, manda au gallaffre et a ses gens qu'ilz ne combatissent pas sans lui, et que ilz repreinssent encore trois jours trieves, et ainsi le firent, et le roy Uriien leur accorda. (Arras, c.1392-1393, 221)

'...Escoutez moy excuser, sire'. Le Dieu d'Amours. Il respondi : 'Je le t'acorde...' (Chart., E. Dames, 1425, 366)

4.Au passif.

Fut accordé que. Il fut convenu que.

La fu conclu et acordé que tout seeleroient avoecques le roi d'Engleterre les desfiances a Phelippe de Valois, ensi que il fissent (Froiss., Chron. D., p.1400, 300)

A ce parlement qui se tint a Villevort, fu acordé et determiné, juret, escript et seelé que les trois pais, c'est assavoir Flandres, Braibans et Hainnau, faisoient certainnes aliances ensamble (Froiss., Chron. D., p.1400, 415)

Pour quoy fut accordé entre nous que les alliances demourroient entières, que nous avions avec le royaulme d'Angleterre, sauf que nous nommions Henry ou lieu de Edouard. (Comm., I, 1489-1491, 210)

C. -Accorder qqn (à qqn). Promettre en mariage.

On demande la voulenté de la pucelle non pas des espousailles, car de che elle se actend au jugement de ses parens ; pas n'appartient a chasteté de vierge de eslire mary. Mais quant elle est a homme accordee, on lui peut bien parler du jour de faire la dispensation pour sur che scavoir son intention. (Daudin, De la erudition H., c.1360-1380, 403)

...ja (...) luy avoient le duc Aubert et la duchesse (...) donné et accordé leur fille (Froiss., Chron. M., XIV, c.1375-1400, 156)

Nostre roy si a une moult belle fille en l'aage de XV. a XVJ. ans, que ly soudans a voulu avoir a femme, et nostre roy ne lui a voulu accorder s'il ne se faisoit baptiser. Et sachiez que nous et le soudant avons tousjours eu trieves, et, par devant, de ses devanciers aux nostres, de si long temps qu'il n'en est memoire. Lors, quant le soudant a veu que nostre roy ne lui a voulu accorder sa fille, il lui a renvoié les trieves avec une deffiance (Arras, c.1392-1393, 94)

En telle manière le seigneur de Lalaing exploita et fit telle diligence que la jeune dame luy fut accordée pour messire Guillaume son fils, et fut la dame par messire Guillaume de Lalaing fiancée et espousée (Faits Lalaing K., c.1470, 7)

Fut semblablement envoyé devers Rolo, duc de Normandie, pour le mariage de lui et de l'autre de ses filles et lui fut accordée moïennant qu'il se fist baptiser, ce qu'il fist et nomma le païs Normandie, qui par avant avoit nom Neustrie, et fut environ l'an VIIIcIIIIxx. (Simon De Phares, Astrol., c.1494-1498, f° 108 r°)

Accorder une femme par/en mariage

Il nous pleust donner et accorder par mariage nostre très chiere et très amée fille Katherine, à nostre trés chier et trés amé cousin Charles, conte de Charrolois (Doc. 1438. In : G. de Lhomel, Nouv. rec. de doc. pour servir à l'hist. de Montreuil-sur-Mer, 1910, 19)

Sadicte fille, veuve dudict de Bailly (...) a esté accordée en mariage à maistre Jehan Briçonnet (Lettres Ch. VIII, P., t.3, 1492, 254)

Rare. Accorder [un homme à une femme]

La pucelle Florie estoit en la maistre tour, ou elle regretoit fort la mort de son pere, et avoit grant paour que le roy Uriien ne lui voulsist pas accorder son frere, et ce estoit une cause qui fort lui croissoit sa doulour. (Arras, c.1392-1393, 143)

Estre accordés. Être promis en mariage.

Et quant accordé nous serons, Noz noces ensemble ferons (Mir. fille roy, c.1379, 113)

Le pire est qu'on ne peut changer Depuis qu'on (...) est accordé. (P. moyne, a.1500, 46)

Voir aussi accordant