JURER

verbe

[T-L : jurer ; GD : jurer ; GDC : jurer ; DEAF, J 750) : jurer ; AND : jurant ; DECT : jurer ; FEW (V, 80a) : jurare ; TLF (X, 805a) : jurer]

I. -[Comme acte d'engagement solennel ou d'affirmation sous serment, ou au moins d'engagement ferme, d'affirmation forte, en prenant pour garant Dieu, un objet sacré, une chose de très grande importance que l'on prend le risque de perdre...] S'engager sous la foi d'un tel garant à observer qqc., à s'interdire qqc., à faire qqc., à dire le vrai..(en partic. devant la justice, devant une autorité...)..

A. -[Le garant n'est pas spécifié] Jurer qqc.

1.Jurer qqc. / jurer que / jurer de

a)Jurer qqc. (à qqn)

...se je suis ja pourmeu A femme avoir, j'aray pucelle Qui sera bonne et sera belle (...) Ou ja, ce vous jur et affiche, Ne li mettray annel en doit (Mir. chan., c.1361, 152)

'...Sires et freres, ligement Vos hommes et vos freres sommes ; Et certes nous sommes preudommes, N'onques ne fumes desloyaus, Einsois sommes bons et loyaus, Et avons esté et serons, Et envers tous vous garderons, Com champions et advocas, Vous et vostre honneur, en tous cas.' Li roy les en mercia mont, Et puis les fit drecier amont Et dist : 'Je sui asseüréz, Puis qu'einsi vous le me jurez.' (Mach., P. Alex., p.1369, 265)

...que ce qu'il juroit, et en après seroit trouvé vray contre lui, feust tenu et reputé pour larrecin. (Reg. crim. Chât., I, 1389-1392, 177)

Se vous me voulez prendre a femme et jurer que, se nous avons enfans ensemble, que vous ne mettrez ja peine de moy veoir en ma gesine, ne ne ferez par voye quelconques tant que vous me voiez, je suiz celle qui obeiray a vous comme loyal moillier doit obeir a son espoux. Et le roy lui ['le lui'] jura ainsi. (Arras, c.1392-1393, 9)

Et ilz dirent qu'ilz le jureroient bien et voulentiers. Et jurerent les deux poins dessus diz, et par tant orent accord et Gieffroy. (Arras, c.1392-1393, 211)

...il jura les estatus du Francq Palais [il s'engagea à observer, à se conformer à...] (Percef. IV, R., c.1450 [c.1340], 61)

...ma bouche est celle qui luy a juré et promis de luy estre bonne (...) Mais mon derriere ne luy a rien promis ne juré (C.n.n., c.1456-1467, 317)

...et luy avoit promise et jurée bonne amour et vraye aliance (Roye, Chron. scand., II, 1460-1483, 79)

Va t'an la teste a Jehan coper ! Je l'ay juré ; il m'en desplait. (Pass. Auv., 1477, 97)

Jurer un accord / la paix... Conclure un accord / la paix... (par un acte solennel).

Le Tricoplier envoieray Avec eaus, et bien li diray Qu'au soudan le die et requiere, Et que l'accort en tel maniere Jure, comme nous l'avons juré, Et par nos fois asseüré. (Mach., P. Alex., p.1369, 176)

Irbourga pensoit en son cuer Que li roy de Chypre, à nul fuer, Ne lairoit qu'avec leurs messages N'envoiast des siens bons et sages, Par quoy li soudans acordast Ceste pais et qu'il la jurast. (Mach., P. Alex., p.1369, 185)

...et ordonné avoit esté par le Roy de jurer et faire jurer ladicte paix et ordonnances (Fauq., I, 1417-1420, 197)

Josserand, cardinal à Romme, homme subtil et meslé en toutes sciences, medicin et souverain astrologien en ce temps, vint en France envoyé par le pappe pour le differand de Flandres et fut moïen de fere la paix entre les Flamens et le roy Philippe et fut jurée l'an mil IIIcXX. (Simon De Phares, Astrol., c.1494-1498, f° 133 r°)

Jurer la garenne. S'engager à appliquer la réglementation de la garenne.

Et par ce les hommez du dit soulz aagé en son dit fief, et de Raoul de Tallevende en un quart de fief que il tient du dit soulz aagé par hommage, sont tenus à jurer et garder la garende de Perchie une foiz l'an en la compaignie des aultres hommez à ce subgés. (Hector De Chartres, Cout. R.B., 1398-1402, 110)

Remarque : Cf. FEW V, 80a : «garenne jurée 'où la chasse est défendue' (Meaux 1604)».

Jurer la mort de qqn

Or [ma dame] me tient dolereusement En tourment, Quant son cuer mort et trahi M'a, par samblance d'ami, Et en ottriant mercy Ma mort m'a jurée. Puis qu'il li plaist, forment m'agrée. (Mach., Ch. bal., 1377, 587)

Car sans sejour ay mise ma pensée à bonne Amour faire ce qui agrée, Ne à nul fuer n'i pensasse folage ; Et je sçay bien que ma dame honnourée, Que je tant criem, si m'a ma mort jurée Par crueus cuer et par simple visage. (Mach., Motés, 1377, 491)

As tu ce jour ma mort juree, Soussy ? (CH. D'ORLÉANS, Rond. C., 1443-1460, 330)

b)Jurer (à qqn) que

Lors ces damoiselles leur font Jurer que jamais ne seront A nul loial ami contraire, Ne ne feront riens qui desplaire Leur doie, ne doleur ne peinne Ne que la joie souvereinne Jamais ne leur deffenderont. (Mach., D. verg., a.1340, 47)

Ma dame, einsi La merciay com vous avez oï, Dou noble don de sa douce merci. Et elle aussi me jura et plevi Moult durement Qu'a tous jours mais m'ameroit loiaument, Sans moy guerpir et sans departement. (Mach., J. R. Beh., c.1340, 82)

Finablement tant parlay et tant fis Qu'elle me dist tout ce que je li quis, Voire par si Que par ma foi li juray et plevi, Quant elle aroit son parler assevi, Que le penser li diroie de mi. Et dist einsi Qu'elle soloit avoir loial ami Qui loiaument l'amoit, et elle li. (Mach., J. R. Beh., c.1340, 115)

[Mon cheval] Guillemin mordi en la fesse, Et s'a Garnier en bras si mors Qu'à po qu'il n'en a esté mors. Le mareschal a defoulé, Et s'a son vallet affolé ; Et à la force de ses reins Ha rompu .IJ. travaus à Reins, Dont le mareschal ha juré Que, foy qu'il doit saint Honnouré, Ja mais il ne le ferrera Ne près de lui n'aprochera, Qu'il a paour qu'il ne le tue. (Mach., Compl., 1340-1377, 264)

Et je te promet et te jur Que je te feray asseür De ce dont yes en si grant doubte. (Mach., R. Fort., c.1341, 75)

Juré t'ay, et jur, Qu'a tous besoins me trouveras Preste, quant mestier en aras, Biaus amis, et tu ne m'en crois, Dont tes maus durement acrois. (Mach., R. Fort., c.1341, 115)

Je vous jur que, tant que vivray, Contre voz franchises n'yray (Mir. ev. arced., c.1341, 128)

Mais je te jur et te prommet Qu'il estoit en si haut sommet D'onneur qu'il n'avoit si haut homme Voisin, ne l'empereur de Romme, Que, s'il li vosist mouvoir guerre Ou faire, qu'il ne l'alast querre Tout eu milieu de son païs. (Mach., C. ami, 1357, 105)

...Et se tu y vues demourer, Y te couvient sans demourer Yssir a plain et toy combatre Pour ton heritage debatre, Ou ton honneur n'i seroit mie. Tien donc la plus seinne partie, Car je te jur et asseür Qu'estre hors est le plus seür, Le milleur, le plus honnourable Et celi qui est plus grevable Aus annemis. (Mach., C. ami, 1357, 119)

Apre fu le roy de Poulainne Qu'il promist qu'il y aideroit, Toutes les fois que poins seroit, Au saint voiage mettre à fin, Tres volentiers et de cuer fin. Et tuit li prince qui là furent Li un vouent, li autre jurent Que volentiers y aideront, Et que leur pooir en feront. (Mach., P. Alex., p.1369, 41)

Li amiraus et li cadis Ont juré qu'il l'envoieroient [la sainte colonne] , En Famagouste où il estoient, Au bon roy qui tant la desire Que je ne le saroie dire (Mach., P. Alex., p.1369, 174)

Pour ce te pri, ne vueilles oublier Moy qui plus t'aim que creature née ; Car s'il avient, je te puis bien jurer Que ma vie sera par toy finée, Briefment et en desespoir ; Et ce seroit pechiés, à dire voir, Quant tu me fais à cuer plus noir que meure Haïr mes jours pour ta longue demeure. (Mach., L. dames, 1377, 205)

Et je vous jur qu'honnourer, obeir, Amer, garder, sens penser mespresure, Vous vueil de cuer et faire vo plaisir Com vos amis qui d'autre amour n'ay cure. (Mach., L. dames, 1377, 232)

Car je li juray et plevis Que ja femme n'espouseroie (...) S'elle n'estoit de sa samblance (Mir. fille roy, c.1379, 39)

...et là [à Salucet], un Engleiz nommé Le Biernois, capitaine dudit fort, lui fist promettre et jurer qu'il le serviroit bien et loyaument contre toutes personnes. (Reg. crim. Chât., I, 1389-1392, 123)

...ilz promistrent et jurerent li uns à l'autre que jamaiz jours de leurs vies ne feroient aucun autre mestier que gaigner où ilz pourroient trouver à gaigner, lequel gaing il entendoit et entend embler (Reg. crim. Chât., I, 1389-1392, 97)

Et je [Mélusine] ne vous conseilleray chose dont bien et honneur ne vous doye venir. Mais il fault premierement que vous me promettez que vous me prendrez a femme. Et ne vous doubtez, car seurement je suiz de par Dieu. Et Remondin jura que si feroit il. (Arras, c.1392-1393, 26)

Et [Geoffroy] dist a Remond et a sa mere que ilz lui voulzissent faire finance pour aler aidier a ses freres contre les Sarrasins. Et ilz lui accorderent par si que il leur jura que dedens un an il retourneroit par devers eulx. (Arras, c.1392-1393, 212)

...ledit Chastellain a fait serement et juré que desormais il n'aura aucune conversacion ne compagnie avec ladicte Marcelle. (Fauq., I, 1417-1420, 163)

Et lors eslurent cellui archevesque de Bar, auquel firent jurer et promettre que, touteffoiz et quantes fois que le college des cardinaux ou la plus grant partie le requerroient, ou qu'ilz fussent, il y vendroit (La Sale, Salade, c.1442-1444, 103)

...lors luy fist jurer que jamais en eglise pié ne mettroit (C.n.n., c.1456-1467, 59)

Barrabam, parle sans mantir Et jure que diras verité Si tu as fait a la cité Le murtre, ainsi que trouvons Par tesmoigns leaulx et bons preudoms, Com il appart par ton procés. (Pass. Auv., 1477, 172)

...au residu, avoient deliberé et juré [...] que tous ceulx qui estoient du conseilh dudit roy Richard seroient tous trahiz et penduz (Simon De Phares, Astrol., c.1494-1498, f° 143 v°)

LE DUC. Martin, hau, hau, je vous jure et prometz Qu'a guerroyer il sera mal habille ! (La Vigne, S.M., 1496, 196)

Jurer que oui / que si

Il me semble que ces gens se excusent bonnement. Par foy, sire, ce dirent ilz tous de commun, c'est verité ; ne nous ne leur saurions que demander, fors que vous leur faciez jurer sur Sainctes Evvangiles, se le siege eust esté devant Sion, s'ilz eussent aidié ne conforté Glaude et ses freres contre vous ; et se ilz jurent que si, ilz sont voz ennemis ; et se non, vous ne leur devez porter nul maltalent. (Arras, c.1392-1393, 211)

Or est ainsi, se tu veulz faire fonder un hospital et amortir une chappellerie pour l'ame de ton pere, ta tour demourra paisible, combien que jamais ne sera heure qu'il n'y avieingne plus de merveilleuses choses que en lieu de tout le chastel. Et Gieffroy lui respond, s'il cuidoit qu'il feust de par Dieu, qu'il le feroit voulentiers. Et cil lui jure que oyl. (Arras, c.1392-1393, 300)

Jurer par son serment que

Item, dist, jura et afferma par son serement, ledit Girart, que oncques mès il ne fist murdre ne larrecin, excepté celuy de present, lequel il fist par temptacion de l'ennemi (Reg. crim. Chât., I, 1389-1392, 129)

Item, après ce que ladite confession ot esté et fut leue de mot à mot audit prisonnier, lui fu demandé se sadite confession estoit vraye ; lequel dist, jura et afferma par son serement que ouil, et en ycelle persevera. (Reg. crim. Chât., I, 1389-1392, 188)

[Sans que]

Biau filz, je vous jur, par mon ame, Je ne buray ne mengeray Tant que celle veu aray Qui Berthe est (Mir. Berthe, c.1373, 248)

Je vous jur je me peneray De le trouver quanque pourray ; Ne puis plus dire. (Mir. st Alexis, 1382, 326)

c)Jurer (à qqn) + interr. indir.

Et aprez, les faictes jurer, se vous les eussiez mandez au siege, se ilz vous feussent venuz servir contre voz ennemis. (Arras, c.1392-1393, 211)

...nous ne leur saurions que demander, fors que vous leur faciez jurer sur Sainctes Evvangiles, se le siege eust esté devant Sion, s'ilz eussent aidié ne conforté Glaude et ses freres contre vous (Arras, c.1392-1393, 211)

d)Jurer (à qqn) (à / de) + inf.

Jurer (à qqn) + inf.

Lequel prisonnier, après ce qu'il ot juré aus sains Euvangiles de Dieu dire verité sur ce que dit est, et autres choses qui lui seroient demandées, dit et afferma par serement [ceci] (Reg. crim. Chât., II, 1389-1392, 156)

...ainsi comme ilz estoient couchez ensamble en un lit, de nuyt, et que par avant ce ilz avoient eu plusieurs fois compaignie charnele ensamble, fiancerent de leurs mains et par parolles li uns l'autre, et promistrent et jurerent li uns à l'autre eulx entre espouser (Reg. crim. Chât., II, 1389-1392, 381)

...et touchiez les Sains Euvangiles et la croix un chascun des dessus nommez jura et promit garder et accomplir l'ordonnance royal (Baye, I, 1400-1410, 60)

Jurer (à qqn) à + inf.

...que, pour lui et à ses despens, feist faire, par aucun homme tout nu, ou voyage ou pelerinaige qu'il s'estoit vouez faire à Nostre-Dame de Pontoise, en jurant et affermant en sa conscience icellui pelerinaige ou voyage avoir promis juré à faire. (Reg. crim. Chât., I, 1389-1392, 110)

Adont ilz jurerent tous a tenir et garder tout ce dont le roy Perceforest les avoit amonnestés (Percef. IV, R., c.1450 [c.1340], 56)

Jurer (à qqn) de + inf.

...et oultre a juré de tenir et faire tenir à son povoir la paix d'entre les roys et royaumes de France et d'Angleterre (Fauq., I, 1417-1420, 390)

...ma bouche est celle qui luy a juré et promis de luy estre bonne (...) Mais mon derriere ne luy a rien promis ne juré (C.n.n., c.1456-1467, 317)

...il voa et jura de jamais coucher avec elle si n'estoit en son hostel (C.n.n., c.1456-1467, 334)

...car l'habit ne fait pas le moyne, mais la profession, c'est jurer de garder les saints veux et estatus de la sacree religion (Sacr. mar., c.1477-1481, 52)

2.[L'obj. désigne le serment lui-même]

Li roys marier la voloit Et donner à un sien servant Pluseurs l'empresserent, et quant Elle vit qu'on l'apressoit trop, Elle leur dist, tout à un coup, Qu'elle avoit grant devotion De li mettre en religion, Et que jamais mari n'aroit ; Plus chier assés morir aroit. Li roys s'en coursa durement, Et jura moult grant sairement Qu'il n'avoit homme en son païs, Tant fust grans, osés ne hardis, Ne frere, n'autre, tant l'amast, S'il le coursoit, qu'il ne coursast. (Mach., P. Alex., p.1369, 260)

...et jure grant seriment qu[e]... (JEAN D'OUTREM., Myr. histors G., a.1400, 28)

3.[Avec un compl. de manière (spécifiant en partic. le geste qui accompagne la parole, l'objet (objet sacré, reliques..) sur lequel le serment est fait...)]

Jurer aux / sur les saints Evangiles. Jurer les mains sur la Bible.

Lequel prisonnier, après ce qu'il ot juré aus sains Euvangiles de Dieu dire verité sur ce que dit est... (Reg. crim. Chât., II, 1389-1392, 156)

...assemblez à l'ostel de monseigneur de Charroloys, à Conflans les Paris, ont juré et promis, sur les sainctes evangilles et touché corporellement le messel, de bien et loyaument eulx entretenir les ungs avec les autres en bonne union et amour (Le Clerc, Interp. Roye, c.1502, 194)

Jurer sur le livre

Remarque : HÉRAUT CHANDOS, Vie Prince Noir T., c.1385, 163, v.4145.

Jurer sur la croix. Jurer les mains sur le crucifix.

...il requerroit que le roy et les cappitaines estans avec luy jurassent sus la vraye croix qu'il n'auroit empeschement à aller ne à venir ne à sejourner. (Le Clerc, Interp. Roye, c.1502, 186)

...auquel lieu, après plusieurs demandes qui ont esté faictes entre moy et luy, avons tellement besongné que aujourduy, graces à Nostre Seigneur, moy et mondit frere avons, es mains du cardinal d'Angiers, presans tous les seigneurs du sang, prelatz et autres grans et notables personnaiges en grant nombre, tant de ma compaignie que de la sienne, juré paix finable sollempnellement sur la vraye croix et promis ayder, deffendre et secourir l'un l'autre à jamais. (Le Clerc, Interp. Roye, c.1502, 215)

Jurer sur (les) saints / dessus les saints / sur les saintes reliques. Jurer les mains sur les reliques d'un saint.

...je jurrai Dessus les sains sacrés et beneois (...) De... (Froiss., Espin. amour. F., c.1369, 138)

...et luy jurerent sur saints que... (Chev. papegau H., c.1400-1500, 55)

Et pour certain luy accordastes Que a Orleans mal ne feries, Et sur les sains vous luy jurastes Et luy promistes voulentiers. (Myst. siège Orléans H., c.1480-1500, 271)

...et jura sur la precieuse coronne de Nostre Saulveur Jesu-Crist, sur le fust de la vraye croix et sur autres sainctes reliques de la Saincte Chappelle du Palais royal à Paris, que d'ores en avant il nous serviroit loyaulment envers et contre tous nosditz adversaires rebelles et desobeissans (Le Clerc, Interp. Roye, c.1502, 243)

Jurer en la main / entre les mains de qqn. Jurer devant qqn, les mains dans les siennes.

...laquelle paix fut jurée et promise entre les mains dudit cardinal (Roye, Chron. scand., I, 1460-1483, 227)

Adonc ledit de Cominge et du Lau vindrent à Montagu et jurerent publicquement en la main dudit patriarche que au voyaige ne seroit riens fait contre ledit de Nemours. (Le Clerc, Interp. Roye, c.1502, 186)

Et avec ce avons juré, es mains et sur la croix dessusdicte, le traicté d'Arras (Le Clerc, Interp. Roye, c.1502, 215)

Jurer en parole / en mot de roi. Jurer en engageant sa parole de roi.

...quant le roy sçut que sa requeste ne pouvoit estre avancée, jura aussi en mot de roy (,) que (Chastell., Chron. K., t.3, c.1456-1471, 97)

...et lesquelles le roy en sa ville de Tours nous avoit promis et juré en parolle de roy non racheter du vivant de nostredit feu seigneur et pere. (Le Clerc, Interp. Roye, c.1502, 258)

Lesquieulx transportz le roy, par lesditz traictez de Conflans et aussi par ledit traicté de Peronne, fait et juré sur la vraye croix, a promis et juré en parolle de roy et sur son honneur garder, entretenir et acomplir, sans aller au contraire en aucune maniere et sur les peines contenues oudit traicté de Peronne. (Le Clerc, Interp. Roye, c.1502, 258)

Jurer par ces deux mains. Jurer en mettant les mains sur....

Je vous affy et jur par ces .II. mains Qu'en ce monde je n'ay autre pensee Que vous qui s'y me tenés en destresse. (Jeu quatre pers. L., a.1465, 191)

Jurer en son coeur (que). Voir coeur

4.Emploi absolu. Prêter serment, s'engager par serment.

Moult longuement parlementerent, Et finablement s'acorderent. Li amiraut ont acordé, Ottroié, promis et juré, Comme procureur dou soudan ; Chascuns mist le doy à son dan, Si comme leur guise le donne, Qu'au soudan, en propre personne, Feront l'acort ratefier (Mach., P. Alex., p.1369, 134)

...dont j'ay fait grant folie, Quant j'en sui ore entré en jalousie Qui bien deüsse avoir tant de science Qu'amour de femme a pou de conscience. Qui croira femme pour plourer tendrement Ne pour jurer pour chose qu'elle die, Coulz en sera et chaitis vraiement, Car est tout vent quanqu'elle vous afie, Je le sai bien ; pour ce de cuer vous prie Que le diez par tout en audience Qu'amour de femme a pou de conscience. (Mach., App., 1377, 642)

...elle s'en vieult raporter et croire en ce que ledit Ancel en dira et deposera. Laquele Margot dist que ouyl, mès que elle le ouyst parler et qu'il jurast en sa presence. (Reg. crim. Chât., I, 1389-1392, 350)

Tous lesquelz ont juré et fait serement selon la forme et teneur desdictes lettres en la main de maistre R. Mauger, premier president (Fauq., I, 1417-1420, 37)

Il est mieulx d'estre prejuré Que injustement tuer ung prophete [Jean-Baptiste] Pour ung jurement deshonneste. Toutesfoiz vous advés juré. (Pass. Auv., 1477, 97)

Jamais jeunesse n'est bien seure ; Maintenant rit, maintenant pleure, Maintenant jure, Puis se repent d'avoir juré. (Pass. Auv., 1477, 117)

...c'est bien juré, Il sera fait. (Sav. serg. D.L., c.1480-1490, 37)

Faire jurer qqn. Faire prêter serment à qqn.

Et, ce fait, ouye la depposicion dudit Regnaut, ledit mons. le prevost fist de rechief jurer laditte Symonnete, prisonniere, et lui requist que elle lui deist verité là où elle avoit prins ledit verjus en si grant nombre. (Reg. crim. Chât., II, 1389-1392, 250)

Au passif. Estre fait jurer. Être amené à faire une déclaration sous serment devant le tribunal.

Et, ce fait, fu fait jurer ledit Gervaise, sur les sains Euvangilles de Dieu, que de ce, et d'autres choses qui lui seroient demandées, il diroit verité (Reg. crim. Chât., I, 1389-1392, 36)

Auquel Montaigne, prisonnier, fu de rechief, par ledit mons. le prevost, commandé et fait jurer qu'il deist verité des autres larrecins que faites avoit, disant que s'il ne les disoit et avoit en soy regard de les confesser, qu'il les lui feroit cognoistre, et le feroit très-bien et fort mettre à question. (Reg. crim. Chât., II, 1389-1392, 102)

Jurer de qqc. ('à propos de qqc.')

La m'asseür Que m'esperence est esperdue, Se la grief doleur continue Qui tant s'est en mon cuer tenue Que bon eür N'arai jamais ; et se j'en jur, Dieus scet que je ne m'en parjur. (Mach., R. Fort., c.1341, 51)

Ma dame einsi m'asseüra Et de ce moult fort me jura. (Mach., R. Fort., c.1341, 155)

Quant Selodus le scot, si fu moult courrouciez et jura ses dieux que tous seroient ars en pouldre. Mais en pou d'eure Dieux labeure. Et aussi tel jure aucunesfoiz de son marchié qui puis en laisse. (Arras, c.1392-1393, 181)

TRIBOULET. J'en ay tué plus de cinq cens. SOTTINET. Des poulx ? Brief, vous viendrez, j'en jure. (Roy sotz, c.1450-1500, 215)

Sans jurer. Sans que j'aie besoin de jurer.

Je yrey plus tost qu'a l'offerende ! Sans jurer vous m'en pouvés croyre. (Pass. Auv., 1477, 90)

[P. ell. de le]

Or, jurez donc que jamais en eglise, quelle qu'elle soit, n'entrerez, jurez, villain ! (C.n.n., c.1456-1467, 59)

Ad vous [la fille d'Hérodiade] je veulx habandoner Tout ce que vous demanderés ; La moitié de mon reaulme aurés, Si le voulés, mon Dieu, vous jure. (Pass. Auv., 1477, 95)

[Sens très affaibli] Je vous jure. Je vous assure.

[Quand Nature voit ainsi des jeunes mourir] À centaines et à milliers, Pour convoitise et vaine gloire, Qui ne montent pas une poire, Aussi pour les biens de Fortune, Tant muable, hisdeuse et brune, Qui valent trop mains, je vous jure, Que ne font les biens de Nature. (La Haye, P. peste, 1426, 170)

Proverbe.

...tels jure de son marchié Qui puis en laisse la moitié (Mach., D. Lyon, 1342, 235)

Maint mentent qui jurent (Desch., Oeuvres R., t.7, c.1370-1407, 262)

Jure petit, garde ton serement. (Le Fèvre, Caton U., a.1376, 74)

Qui bien le jure, bien le croyt. (Mézières, Songe vieil pèl. C., t.2, c.1386-1389, 144)

Et aussi tel jure aucunesfoiz de son marchié qui puis en laisse. (Arras, c.1392-1393, 182)

Tel jure d'un marchié qui en laisse a le fois. (Cip. Vignevaux W., p.1400, 176)

Remarque : Prov. H., 149 [J49-52]. Aussi GERS., G., VII, 1026 : Qui par artjure, par art se parjure.

B. -[Le garant est spécifié sous la forme d'un obj. grammatical] Jurer qqn (Dieu / les dieux / un saint...) / jurer qqc. (que / de...)

1.Jurer qqn (Dieu / les dieux / un saint...) (que / de...)

Theseüs qui se parjura Ses dieus et sa loy li jura Que jamais ne li fausseroit Et qu'envers li loiaus seroit. (Mach., J. R. Nav., 1349, 231)

Et li jure (a) Sainte Marie Qu[e]... [a manque dans tous les autres mss] (La Buigne, Rom. deduis B., 1359-1377, 99)

Tous deux jurent Sainte Marie Qu[e]... (La Buigne, Rom. deduis B., 1359-1377, 251)

Si jure celui qui ne ment Que.. (La Buigne, Rom. deduis B., 1359-1377, 271)

Ce si forment li desplaisoit Que toutes peinnes li faisoit, Car s'adès vëoir la peüst, Jamais riens ne li despleüst. Mais bonnement ne pooit estre. Lors li jurai je saint Sevestre Et par ma foy li affermoie Que plus ne mains veü avoie. (Mach., F. am., c.1361, 236)

Li uns Jhesucrist li jur[r]a Qu'il l'amera tant com durra, Et li autres li fiancera Que sans retollir siens sera, Et c'est tout pour li decevoir, Qu'elle ne saura percevoir Sa traÿson, sa mauvaisté Et sa mortel inimisté. (Mach., Voir, 1364, 302)

Hardré, la main levez : Vous jurez Dieu qui vous crea (...) Que vous avez veu de fait Gesir et en un lit Amille, Qui ci est, avecques ma fille. (Mir. Amis, c.1365, 38)

Et cils qui estoit en son lieu Jura plus de C. fois son dieu Que ja le traitié ne tenroit En la guise que fais estoit (Mach., P. Alex., p.1369, 187)

Mais, s'il eust pleu a Dieu que vous feussiez venu deux jours plus tost, vous eussiez trouvé monseigneur mon pere en vie, que le roy Selodus a mis mort, et puis a fait ardoir le corps, pour plus despiter la foy catholique. Quant le roy l'entendy, si fu moult doulent et jura Dieu et ses sains que autel feroit il du roy Selodus et de tous les Sarrasins qu'il pourroit trouver, mors ne en vie. (Arras, c.1392-1393, 186)

Je vous jure dieux et deesses Que je vous tendray ces promesses ! (Chr. Piz., M.F., III, 1400-1403, 39)

Si ala jurer les bons dieux Qu'elle aroit brief plus belle cocte (Hautev., Conf. Test. am. tresp. B., c.1441-1447, 32)

...sy jura ses dieux que... (Percef. IV, R., c.1450 [c.1340], 649)

Mon frere, je te jure Dieu (...) Que... (Abuzé D., c.1450-1470, 85)

...les autres menaçoient la bataille et juroient saint Lambert et le sang que Dieu spita (,) que... [Éd. : 'Ces deux manières de jurer étaient sans doute propres aux Liégeois'] (Chastell., Chron. K., t.4, c.1456-1471, 70)

Si jura le conte ses bons dieux qu'ensi n'en yroit point (Chastell., Chron. IV, D., c.1461-1472, 108)

...la vielle (...) voyant qu'elle estoit addressee a ung jeusne radde gallant qui (...) lui reprouveroit sa ridee peau, forsena toute et jura saint Pierre et saint Piat que jaméz ne yroit avant en ce mariage (Chastell., Chron. IV, D., c.1461-1472, 232)

...car quoy Dit le second commendement ? Qu'on ne jure Dieu vainement (Fr. arch. B., c.1468-1480, 42)

...touteffois celuy que vous avez juré, a qui rien ne peut estre incongneu ne celé, scet bien et congnoit celui qui... (Tardif, Facéties Pogge M., c.1490, 65)

2.Jurer qqc. (que / de...)

...il jura le sang et les plaies [du Christ] (Chastell., Chron. K., t.5, c.1456-1471, 267)

Et si je vous jure mon ame (...) Que... (Coust. Esop. T., c.1500, 174)

Jurer sa foi que. Voir foi

Et disoit on moult de paroles Qui estoient toutes frivoles, Car pluseurs hommes y venoient Qui juroient et parjuroient Aus dames leurs fois et leur ame Qu'il les amoient sans nul blame, Et feroient jusqu'au morir (Mach., D. Lyon, 1342, 192)

Et la foy de mon corps te jure De les rendre tresvoluntiers (Abuzé D., c.1450-1470, 84)

Jurer sa loi que. Voir loi

Jurer le corps Dieu que

Le bourgoiz jura le corps De Que... (La Buigne, Rom. deduis B., 1359-1377, 403)

Jurer la mort Dieu que

...[il] juroit la mort bieu et ung cent de sermens qu'il avoit baillée a sa femme une lemproye (C.n.n., c.1456-1467, 262)

Jurer la dent Dieu que. Voir dent

[P. dérision]

...lors comme desvés Maldit et jure vent et voie, Son baptesme et son dieu renoie, Et tout conjure les malfées. (Gower, Miroir homme M., c.1376-1379, 70)

C. -[Le garant est spécifié par un compl. prép.] Jurer (à qqn) par / sur qqn / qqc. (que / de...)

1.Jurer par

Et se tu fais forgier monnoie, Pour Dieu, fai la tele qu'on oie Dire qu'elle est de bon aloy. Car je te jur, par saint Eloy, Qu'il n'est chose, grant ne petite, Dont personne soit tant maudite, Car chascuns la tient et manie, Si n'i a celui qui n'en die Sa maleïçon bas ou haut, Quant on y trueve aucun deffaut... (Mach., C. ami, 1357, 136)

Amille, ça, levez la main : Vous jurez au Dieu souverain (...) Par vostre part de paradis, Que la journée ici serez Que combatre vous deverez Sanz nul deffaut ? (Mir. Amis, c.1365, 31)

Et je vous jur, par sainte Eglise, Que vostre honneur y garderay En tous les cas que je saray. (Mach., P. Alex., p.1369, 238)

Mais doulz espoirs maint en moy et repaire Qui ne s'en puet à nulle heure partir, Ains me conforte et joït et esclaire Par doulz penser et plaisent souvenir. Et se Diex veult que la voie à loisir, Je li diray et jurray par ma foy Que sur tout l'aim et pou souvent la voy. (Mach., L. dames, 1377, 233)

...car, pour eschever la mort, avoit-il promis et juré, par sa foy et serement, servir iceulx Engloiz en acquittant sa raençon. (Reg. crim. Chât., II, 1389-1392, 98)

Et je vous jure, par le peril de l'ame de moy, que jamais cellui jour je ne feray ja chose qui vous puist estre atournee fors a toute honneur. (Arras, c.1392-1393, 26)

... si jure par Jhesucrist ou il mourra en la paine ou il delivrera la place du Sarrasin [ell. de que] (Arras, c.1392-1393, 185)

...le bailly, si tost qu'il le vit, dist et jura par ses bons dieux qu'il seroit pendu par la gorge. (C.n.n., c.1456-1467, 450)

Je jure par saint [Jehan,] mardi G'iray pescher en la riviere (Est., p.1460, 22)

Par les costez se prent, c'est Antecrist, Crye et jure par la mort Jhesucrist Que non fera. (Villon, Test. R.H., 1461-1462, 125)

[Meriadec au duc de Bourgogne :] Monsieur, il porte emprinse autour de son bras et jure par ses bons dieux que par commandement de sa dame il la portera (Chastell., Chron. IV, D., c.1461-1472, 134)

Remarque : À noter que Jésus jure par lui-même

Par moy vous jure, o Juïfz, Que nul prophete n'est pris en gré En son pais. (Pass. Auv., 1477, 121)

Jurer par sa loyauté (que). Voir loyauté

2.Jurer sur

Pour ce te pri que tu me croies, Car je te jur seur ma crëance, S'estre vues en ma gouvernance, Qu'a tous besoins te porteray, Aiderai et conforteray, Trés loiaument et de bon vueil (Mach., R. Fort., c.1341, 70)

...il ont a ce le roy meu Qu'il m'a fait sur ma foy jurer De sa fille a femme espouser (Mir. Amis, c.1365, 45)

Et ce l'a juré il sur Dieu et sur son ame. (Arras, c.1392-1393, 309)

...[il] affermoit et juroit sur son honneur qu'il portoit le plus beau membre (...) qui fust en toute la marche d'environ (C.n.n., c.1456-1467, 407)

Et s'i vous plaist les venir vois A faire leurs deppartement ; Que a leur fait y fault provois Pour acomplir leur tenement, Accordé tout entierement Promis et juré sus la foy Qu'i ne l'enfrandront nullement Mes l'acompliront sans delay (Myst. siège Orléans H., c.1480-1500, 633)

...avoient deliberé et juré sur le Saint Sacrement de l'autel (Simon De Phares, Astrol., c.1494-1498, f° 143 v°)

Et je te jure sur ma vie Que jamais de prison n'ystras, Ou les tresors me bailleras Et si regnyeras ton Jesus. (Myst. st Laur. S.W., 1499, 195)

[P. dérision]

Ce jura il sur son coullon (Villon, Test. R.H., 1461-1462, 150)

D. -Par métonymie.

1.Jurer qqn

a)Prendre qqn à témoin par serment.

Lequel prisonnier, juré sur les sains Euvangilles de Dieu de dire verité, tant de ce que dessus est dit comme d'autres choses sur quoy il seroit requis, dist et afferma par son serement, et sur ce requis, qu'il estoit nez de la ville de Rouen (Reg. crim. Chât., I, 1389-1392, 48)

Lequel Thomassin, sur ce juré et requis par serement, cogneut que jà pieçà, et par plusieurs fois, il avoit frequenté, suy et mené par le païs ladite Museau de Brebis et autres filles de pechié (Reg. crim. Chât., I, 1389-1392, 143)

...requérans iceulx Troude et Boystard, es noms que dessus, que par moy fussent jurez et examinez deuement et présentement pluseurs personnes et hommes tenans dudit fieu et seigneurie de la Bafeule, pour savoir et enquérir la vérité (Cartul. Hôtel-Dieu Cout. L., 1426, 241)

Tesmoin juré. Témoin qui a prêté serment avant de déposer en justice.

Guillaume Blancpain, demourant à l'Escu de France, devant Saint-Gervaiz, aagé de quarante ans ou environ, si comme il dit, tesmoing juré, l'an et XIIJe jour dessus diz, deppose par son serement [ceci] (Reg. crim. Chât., I, 1389-1392, 535)

Sebile La Buffe, niepce de Guillaume Haguenot, et demourant en son hostel en la Juifverie, aagée de XVIIJ ans ou environ, tesmoing jurée en la presence de Charlot Le Convers, le samedi VIJe jour de janvier oudit an, qui la contredit (Reg. crim. Chât., II, 1389-1392, 24)

b)(Estre) juré. (Être) lié par serment.

...sy estoit Rollant compaingnon jureit par seriment loiaulteit faire. (JEAN D'OUTREM., Myr. histors G., a.1400, 106)

...la chevalerie jurée du Francq Palais (Percef. III, R., t.3, c.1450 [c.1340], 50)

Estre juré de qqn. Être lié à qqn par serment.

A quoy la Court a respondu que ce n'estoit point la maniere de venir ceans signifier les assemblées, attendu l'estat de la Court qui n'estoit subgecte ne jurée que du Roy (Baye, I, 1400-1410, 342)

c)Assermenter qqn (en le faisant jurer d'observer les règles d'une corporation).

A la verte branche verte et sesche par un abateur et un allaigneur, tant seullement ou l'un d'eux, lesquieulx abateur ou alaigneur sont présents une foiz au verdier en ses ples pour estre jurés. (Hector De Chartres, Cout. R., 1398-1408, 242)

...ceulx qui ce faisoient jurer apprentifs, maistres et ouvriers du mestier de vacherie ne povoient aler en hale sinon en leur porcion (Rouen temps Jeanne d'Arc L., 1432, 235)

Participe passé en emploi adjectival. Assermenté, qui a prêté le serment requis.

...Jehan Le Conte, cirurgien juré du roy nostredit sire oudit Chastellet (Reg. crim. Chât., I, 1389-1392, 36)

Arnoul de Villers, examinateur, et Aleaume Cachemarée, clerc juré en ladite prevosté. (Reg. crim. Chât., I, 1389-1392, 84)

...les maistres jurez et visiteurs des orfevres (Reg. crim. Chât., I, 1389-1392, 201)

Et pour ce que sur sa teste estoit le signe de tonsure fait comme tout de nouvel, fu mandé, par ledit mons. le prevost, Macé Misery, barbier juré du roy nostre sire ou Chastellet, et lui commandé que ledit prisonnier il visitast bien et diligemment, se le signe de tonsure qu'il portoit estoit bon, vray et loyal. (Reg. crim. Chât., I, 1389-1392, 204)

...fu dit et ordonné par ledit lieutenant que presentement seroient mandez les barbiers jurez de la ville de Paris et autres plusieurs maistres expers oudit mestier, afin de veoir et visiter icellui prisonnier, et que l'en peust savoir la verité s'il avoit vray signe de tonsure ou caratere sur sa teste, ou non. (Reg. crim. Chât., I, 1389-1392, 485)

Jehannin Cretot, vendeur juré de bestail ou marchié de Paris, vendi pour il qui parle, oudit marchié, XLJ moutons et VIJ aumailles, le pris de quarante frans ou environ (Reg. crim. Chât., I, 1389-1392, 556)

...par le rapport de maistre Jaques Saquespée, medecin, maistres Jehan de Troyes et Gilet Desoubzlefour, cirurgiens jurez (Baye, I, 1400-1410, 294)

...[les buefs] seront vendus par vendeurs jurez ou marchié de Paris et non ailleurs, selon les us et coustumes dudit marchié. (Fauq., II, 1421-1430, 54)

...et à ce faire commis de par la Court, appellez avec eulz deux maistres maçons et deux maistres charpentiers jurez, se transporteront en ledicte Hale (Fauq., III, 1431-1435, 32)

Matrone juree. Voir matrone

Emploi substantival. Membre assermenté d'un corps de métier, chargé de contrôler le respect du règlement et de sanctionner les fautes.

...pour les reparacions de la maison canoniale dudit defunct, située ou cloistre de Paris, qui ont esté appreciées par les jurez qui l'ont visitée, à la somme de LX livres parisis (Fauq., III, 1431-1435, 170)

Officier assermenté.

Li faulx jurez, li faulx notaire... (Dupin, Mélanc. L., c.1324-1340, 71)

Pour ce que debas estoit souvant survenu en la Court sur la maniere de clorre les procès par escript ou bailliage de Tournay et par especial par devent prevosts et jurez dudit Tournay et des evangiles (Baye, I, 1400-1410, 252)

...lesdis prisonniers avoient deposé en certaine informacion faicte par les prevosts et jurés de Tournay contre Gilles de Rassoncamp (Fauq., I, 1417-1420, 9)

...la Court a ordonné que lesdis prevosts et jurés de Tournay paieront les despens, frais et missions qui ont esté taxés pour avoir amené lesdis prisonniers devers la Court (Fauq., I, 1417-1420, 9)

...tous les doyens et jurés des mestiers de la vil:le vestus de leurs longs manteaux (Chastell., Chron. K., t.3, c.1456-1471, 303)

...doyens et jurés, pourvoieurs, connestables, centeniers et diseniers (Chastell., Chron. K., t.3, c.1456-1471, 403)

2.Jurer qqc. (une construction., un tournoi)...

Participe passé en emploi adjectival.

[D'une construction] Défendu, fortifié.

La tour du Louvre est si jurée Que puis qu'i est emprisonnée Personne, quelle qu'elle soit, Ains qu'elle en parte mort reçoit ; Ja n'en doubtez. (Mir. Amis, c.1365, 14)

[D'une tournoi] Où les participants doivent jurer qu'ils sont gentilhommes, ce tournoi étant interdir aux autres.

Remarque : J. P. Jourdan, Pas d'armes, joutes et tourn. ... au XVe s., 1981, 162 (doc. XVe s.).

II. -[Comme acte blasphématoire, idée de juron] Blasphémer, proférer des imprécations.

Tous au bordel ilz lez menoit, Au jeu de dez les aprenoit, Et a jurer et a mentir Et a trestous maulx consentir. (Renart contref. R.L., t.1, 1328-1342, 215)

...Mais Dieux, qui est lassus en haut, A ses amis onques ne faut ; Eins les conforte et les gouverne En terre, en mer et en taverne, Qui est la chapelle au dyable ; (Et vraiement ce n'est pas fable, Car on y aprent à jurer, à mentir et à parjurer, Ordure, luxure et usure, Et toute mauvaise apresure, De jour, de nuit et à toute heure ; Voire eu païs où je demeure) (Mach., P. Alex., p.1369, 186)

Et s'il advient que ung seul mot D'aventure ysse de mes dens, Vous direz qu'elle est hors du sens : Elle jure, elle tempeste, Elle me gecte a la teste Tout ce qu'elle treuve en sa voye. (P. Jouh. D.R., a.1488, 39)

Jurer le vilain serment. Blasphémer, prononcer un juron.

...par l'oppinion des dessus diz, veu l'ordonnance et dit jà pieçà fait par le roy Phelippe, sur ceulx et celles qui diroient mal de Dieu, nostre createur, de la vierge Marie, sa mere, en jurant le villain serement, donné le ..., dit fu et deliberé que, pour le delit commis par icellui prisonnier en jurant icellui villain serement, il soit condempné (Reg. crim. Chât., II, 1389-1392, 357)

...et audit pillory feust crié solempnelment la cause pourquoy il estoit tourné oudit pillory, afin que d'ores en avant chascun y prenist exemple, et se gardast de jurer tel vil serement. (Reg. crim. Chât., II, 1389-1392, 357)

Jurer Dieu. Blasphémer le nom de Dieu.

Dieu n'est pas plus recongneu ne loué Qu'il estoit lors, mais sans tremeur et crainte Il est nié, juré, desavoay Et offencé par tout en façon mainte. (Cene dieux, c.1492, 114)