EVIDENT

adjectif

[T-L : evident ; GDC : evident ; AND : evident ; FEW (III, 252b) : evidens ; TLF (VIII, 357b) : évident]

A. -Qui s'impose à la vue, qui s'offre distinctement à la perception.

...Et cent fois encor maudirés La journee et ceulz qui le dirent Et les oreilles qui l'oïrent, Le lieu, le damage et la perte Qu'evident sera et apperte (Mach., Voir, 1364, 706)

Qui maçonne la mort son segneur révérent, En fait de forcherie ou par enhierbement, (...) Dont vous orés articles particulièrement, Et s'il est si poisans (...) C'on n'en ose justice faire soufisanment, Je di que chieux qui voient son fait si évident, Soient contes ou duc, prinches ou autres gens, (...) Il doivent en aus prendre voloir et hardement, (...) Qu'il soit mors et ochis, puissedi qu'autrement On ne puet de lui prendre nesun punissement, Ne que justice n'ose exserser plainement (Geste ducs Bourg. K., c.1410-1419, 313-314)

Riens ne m'est seur que la chose incertaine, Obscur fors ce qui est tout evident, Doubte ne fais fors en chose certaine, Scïence tiens a soudain accident (Villon, Poèmes variés R.H., c.1456-1463, 46)

DIEU. Nicolas, ton amy glorieux Sera exaulcé pour le cas. L'injure ne demoura pas Que, par la justice divine, N'en soit monstré evident signe A ta glorification. (Mir. st Nic. juif, c.1480-1500, 135)

Vous voyez une armee moult grant, Tous arengez de bort a bort, Et la y voy tout evidant Le grant estandart Tallebot. (Myst. siège Orléans H., c.1480-1500, 228)

LUNA. Il n'y a remede, il se fera Ainsi en despit de vos dens, Juno, les signes evidens En sont manifestes desjà. (Cene dieux, c.1492, 125)

B. -Qui s'impose à l'esprit, manifeste, indiscutable, patent.

C'est faux a croire et impossible Qu'en Dieu fussent cil fait possible : C'est evident. (Mir. st Sev., 1362, 228)

En la personne saint Pol est plus grant et plus evident que par dehors : combien que saint Pol feist miracles pluseurs visiblement en ressuscitant mors, garissant malades, en sa personne fut plus grant miracle que de garir malades et ressusciter mors (Gers., P. Paul, a.1394, 455)

Mais, quoyqu'aucuns veulent mescroire, Si est ce verité prouvee, Evident et toute esprouvee, Et a moy proprement avint, Cinq ans d'aage avoie avec .XX. Ou environ (Chr. Piz., M.F., I, 1400-1403, 9)

Primo, salutacion de par le Roy, et qu'il estoit en bon point et n'avoit intencion de passer oultre, si non par neccessité ou evident utilité. (Fauq., I, 1417-1420, 257)

Vray sire, vray roy et vray dieu, nous vous voulons aourer et croire en vous et relenquir tous autres dieux, car vous estes celui sans autre qui faittes les evidens miracles sus nous (Percef. III, R., t.2, c.1450 [c.1340], 96)

...car telz pechiés et tant comme tu en as fait ne peuent demourer impugniz et sans en prendre evidente vengance (Percef. Compl. R., c.1450 [c.1340], 216)

A quoy elle ne savoit que dire ne respondre, comme prinse en meffait evident (C.n.n., c.1456-1467, 240)

...et les acompaingneray et serviray de corps et de biens, se toutes voyes evident ensonne de maladie je n'avoie (Doc. 1454. In : ESCOUCHY, Chron. B., t.2, a.1465, 191)

...pourveu toutesfois que au regard des offres dessusdictes, il n'ayt empeschement tel et sy evident que tout le monde congnoisse et puisse jugier que ce n'est pas par son deffault (Doc. 1454. In : ESCOUCHY, Chron. B., t.2, a.1465, 375)

...Dieu, a la requeste de Nostre Dame et de madame sainte Katherine, fist ung moult noble et evident miracle (Mir. ste Cath. Fierbois C., 1470-1483, 43)

Veesci beau miracle evident, Bien debvons louer le martir Qui sans guerir nostre accident Ne nous laisse du lieu partir ! (Flamang, Vie Pass. st Didier S., 1482, v.10334)

Qui emporte l'adhésion, par sa justesse, sa logique.

Persuasion est raison vraysemblable non pas evidente, et induit a soy assentir a la conclusion (Oresme, E.A.C., c.1370, 107)

Et n'a point de lieu en mathematiques, mais tant seulement demonstracion qui est tres certainne, neccessaire et evidente. (Oresme, E.A.C., c.1370, 107)

...il monstre par autres raysons plus generales et moins evidentes que nul cors ne puet estre infini. (Oresme, C.M., c.1377, 124)

Par aventure, ceste rayson n'est pas purement evidente, quar l'en pourroit dire que en tel corps est le milieu et le centre du mouvement, mais non pas le milieu de sa quantité qui ne diroit que [de] tel corps le centre est partout et [la] circonference nulle part. (Oresme, C.M., c.1377, 126)

Quar pousé que les instances devant mises ne fussent pas vraies ou ne fussent pas vraysemblables ou non-possibles a vertu naturelle [ne] si comme l'en ne pourroit faire une tour qui ataingnist ou ciel : Turrim construxit que celum tangere possit fabula est, toutevoies il appert par demonstracion evidente et par rayson neccessaire en lumiere naturelle que les instances devant mises sont possibles quant est de soy sanz impliquer [contradiction]. (Oresme, C.M., c.1377, 242)

...mais luy sembloit encores qu'il useroit de dissimulation, comme il avoit accoustumé, pour les contanter, et qu'il y mectroit si evidentes raison en avant qu'ilz auroient encores pacience, sans le contraindre à se declairer. (Comm., II, 1489-1491, 37)

En particulier.

Tort evident

...se Edouart (...) pretandoit droit avoir en la couronne de France (...) il avoit tort evident par ce que dit est (Juv. Urs., Aud. celi, 1435, 159)

Et quant a la duchié de Guienne et aultres terres que tu dis a toy appartenir, et mesmement par ledit traictié de Bretigny confermé a Calaix, tu as tort evident, et me competent et appartiennent, et au roy Charles, mon roy et seigneur. (Juv. Urs., Aud. celi, 1435, 201)

...en son tort evident fut le mary conclu (C.n.n., c.1456-1467, 53)

La damoiselle (...) voyant son tort evident, quand elle peut parler, crya mercy (C.n.n., c.1456-1467, 411)

'...affin, dist il, que (...) vous voiez son tort evident, je vous monstreray tout.' (C.n.n., c.1456-1467, 471)

Evident profit

A tous ciaus qui present sont et qui a venir sont Jehans de Thuigny, chevaliers, et Marie de Cramaille, sa femme, salut et congnoissance de verité. Sachent tuit que nous, pour nostre evident pourfit et urgente necessité, avons vendut bien et loyaument et par juste pris (...) toute nostre terre et toutes les appartenances, pourfis et emolumens d'icelle (Comté Porcien R., 1335, 149)

...pour la necessité, evident prouffit et utilité de l'Eglise de son royaume et Dauphiné de Viennois (Fauq., I, 1417-1420, 64)

Laquelle maison, siconme elle se comporte, avec touz ses droiz, appartenances et appendances, ycelle Margeurite, de sa bone volenté, de sa certainne sciance, de sa pure et franche liberalité, sanz aucune fraude, force, erreur, lezion et dessevance, pour son cler et evidant proufit, siconme elle disoit, recongnut et confessa avoir vendu (...) a Nicolas Fyal, le Lorrain, ymagier, a Thiree (Chartes Abb. St-Magl. T.F., t.3, 1348, 153)

...recongnurent et confesserent, de leurs bons grés et bonnes voulentés et pour leur cler et evident proffit, sy comme il dissoient, avoir vendu, quité, cessé, delaissié et du tout en tout transporté, a tous jours mais perpetuellement, a Jehan Arrode, changeur et bourgois de Paris (...) quatorse livres de rente annuelle et perpetuelle (Chartes Abb. St-Magl. T.F., t.3, 1350, 167)

[Constr. impers.] Il est evident que

Cy me tairay des roys d'Armenie, et en ay conclut l'ystoire pour ce qu'il est tout evident qu'ilz sont extraiz de la noble lignie du roy Elinas d'Albanie et de Lusegnen. (Arras, c.1392-1393, 307)

...et supposé que aucunesfoys elles [les commissions des procès] contiennent le cas, si est il evident que aux ordinaires en appartient la congnoissance (Juv. Urs., Verba, 1452, 349)

Par ce et par pluseurs autres raisons, il est tout notoire et evident que ceulx qui par orgueil si entreprennent guerre sur autruy, sont souvent frustrez de leur intencion. (Bueil, I, 1461-1466, 121)

C. -Certain, dont le résultat est assuré.

...seigneurs et presidens De parlement et de son grant conseil (...) Ymaginerent les moyens evidens Pour sur les mons conduire l'appareil De son estat aux autres nompareil (La Vigne, V.N., p.1495, 146)