SUBTIL

adjectif

[T-L : sotil ; GD : soutil1 ; GDC : soutil ; DECT : sotil ; FEW (XII, 366a) : subtilis ; TLF (XV, 1031a) : subtil]

A. -[D'une chose concr.]

1.[Des éléments de la physique ancienne] Léger, ténu, fin.

Ces deux ellemens sont (...) plus purs et plus soubtilz quant a substance (Corbechon, Propriétés, 1372, X, 3, 180 v°)

Et de tant comme l'yauue [sic] est plus soubtile et plus clere que la terre, et l'air plus soubtil et plus cler que n'est l'yauue, de tant est l'element du feu en sa region et en son espere plus subtil et plus cler que n'est l'air. (Oresme, C.M., c.1377, 68)

2.Fin, mince (jusqu'à la transparence).

Ou paumier de penitence queult on sept fruiz, le corps quatre et l'ame trois. (...) Le tiers fruitt que le corps avra si sera subtilité, car ilz seront si subtilz que chascun savra ce que l'un de l'autre pensera, et s'entreverront des cuers. (Mir. st Guill., c.1347, 4)

MÉDECINE Cautere subtil. Instrument servant à introduire des sétons.

Le quint instrument est cautere subtil par lequel sont mis les cetons avec tenailles larges et pertuiseez. (Panis, Guidon, 1478, tr.VII, doct.1, chap.3)

Mal subtil. Phtisie de l'oiseau de proie (caractérisée par la maigreur de l'animal, qui devient insatiable).

Les signes du mal soubtil, qui est quant l'oyseau est tousjours afamé, sont : ...il est fort maigre (Tardif, Art faulconn. J., t.1, 1492, 138)

3.[D'un bateau] À la poupe fine, effilée (pour aller vite).

...pour plusieurs pernes, clous et autres ferremens de plusieurs manieres, pris de Ricart Le Vacquier, demourant a Rouen, pour la neccessité et rappareil tant des galies et huissiers que de trois galies subtilles que fist faire Asselin Grille. (Clos galées Rouen M.-C., t.1, 1371, 229)

Au port, pour deffendre la chaisne, il y avoit de chrestiens trente nefs, et neuf galées ; c'est à sçavoir deux subtiles, trois marchandes vénitiennes, trois de l'empereur, et une autre de Messire Jehan Justinian, bon Genevois aux payes et aux gages de l'empereur. (Doc.1453. In : CHART. J., Chron. Ch. VII, V., t.3, c.1437-1464, 23)

...une galee soutille moult richement ordonnee (Hist. seign. Gavre S., c.1456, 43)

...nous avons donné charge et commission à noz chers et bien amez Peron Ymbert, Honnorat Fourbin et Pierre Thevenin de faire habiller et mectre en point, en toute dilligence, noz six galées subtilles qu'avons en vostredict pays (Lettres Ch. VIII, P., t.4, 1494, 24)

B. -Par analogie.

1.[De la nourriture, d'un régime alimentaire] Léger.

...car toute erreur qui est faicte en diete est plus grant tousjours quant il decline vers la soubtille diete que vers la grosse (Saint-gille, A.Y., 1362-1365, 54)

Celles grappes (...) sont les meilleurs, et bonnes pour les soubtilles dietes (Rustican H., 1373-1374, 93)

Il doit tenir diete subtille et vivre en joye et en liesse (Gordon, Prat., c.1450-1500, II, 23)

Se c'est pour estroiture naturelle des veines du foye, on luy donnera viande subtille en petite quantité (Gordon, Prat., c.1450-1500, VI, 2)

2.Fin au goût.

Et la grappe qui a soubtille saveur, et pleinne de jus, est plus froide et de meilleur digestion (Rustican H., 1373-1374, 93)

[Du vin] Fin, léger.

Et qui veult lors de vin user Le doit choesir sans abuser, Tel qu'il soit cler et odorant, Soubtil et meur et savorant (La Haye, P. peste, 1426, 99)

Et se gardent de pestillence Par long usage ou coustumance De la prendre et boire o du vin [la bole Arménique], Qui soit subtil, plaisant et fin (La Haye, P. peste, 1426, 131)

3.[D'un liquide] Clair, pur.

Et la char du polmon (...) est dicte estre chaulde car elle est nourrie du plus subtil sang qui luy est envoyé du cueur (Panis, Guidon, 1478, tr.I, doct.1, chap.1)

Et ou millieu [le coeur] a une fosse (...) esquieulx le sang gros nutrimental venant du foye est digeré et fait subtil et espirituel (Panis, Guidon, 1478, tr.I, doct.2, chap.5)

...les ventouses tirent plus le sang subtil que le gros et cellui de dessus que celluy du parfont. (Panis, Guidon, 1478, tr.VII, doct.1, chap.1)

4.[Du regard, du visage de la dame] Séduisant par sa finesse, par son attrait, insinuant.

...Riens demander de mes dolours ne doy. Et en puis je riens demander a moy ? Certes oïl ! Car je me mis de richesse en essil, De seürté en un mortel peril, De joie en dueil, par son regart soutil, Et de franchise En servitute ou on n'aimme, ne prise Moy, ne m'onnour, m'amour, ne mon servise, Ne ma vie vaillant une cerise. (Mach., J. R. Beh., c.1340, 88)

Mais garde bien que ne t'esmaies ; Car ja ne te sera si fiere Qu'elle te laidenge ne fiere, Se ce n'est de ses trés dous yeus Rians, attraians et soutieus. (Mach., R. Fort., c.1341, 104)

Aus amans pour exemplaire Vueil .J. lay retraire De celle qui traire Me fait tant contraire, Par .J. soustil regart traire Qui à li amer m'amort, Que je ne m'en puis retraire, Eins m'en lay detraire Pour s'amour attraire Qui me vuet deffaire (Mach., Lays, 1377, 309)

Vostre attrait, soubtil et douls, Blesse sans qu'on lui mefface. (CH. D'ORLÉANS, Rond. C., 1443-1460, 426)

C. -Au figuré. [Idées de finesse, d'ingéniosité]

1.[D'une pers. ou d'un aspect de la pers. (de ses facultés), de ses paroles, de ses actes...]

a)Plein de finesse, ingénieux, avisé.

Ainsi le prophète soubtil [David] Le dit : ne le poez nier. (Mir. st Sev., 1362, 226)

L'EMPERÉRE. (...) Quel nom a il ? DEUXIESME CHEVALIER. Je ne scé, mais tant est soubtil Qu'en leur loy est nommez evesque ; Il a plus sens que n'ot Seneque Quant il vivoit. (Mir. st Ign., 1366, 76)

Sages est qui par avis fait, Et se messires Bremons vient, Milleur conseil ne nous couvient ; Car il est sages et soutils, Loyaus, preudons, nobles, gentils, Et sa gent hardis et vassaus En batailles et en assaus. (Mach., P. Alex., p.1369, 149)

Il aimme armes et amours Et dames ; là sont ses clamours ; Et s'est courtois et honnourables, Larges, loiaus et amiables, Hardis, vaillans, frans et gentils, En tous cas sages et soutils ; Et quant il a la teste armée Si bien scet ferir de l'espée, Et si très bien s'en scet aidier Qu'on ne porroit mieux souhaidier. (Mach., P. Alex., p.1369, 179)

Mais ce n'empesche pas que un incontinent ne puisse bien estre demos, c'est a dire subtil, engigneus et plain de grant industrie. (Oresme, C.M., c.1377, 397)

Et lors ly sires de layens mist Remondin en paroles, comme cilz qui estoit moult soubtilz et savoit moult de bien et d'onneur, en disant : Sire chevaliers, sachiez que j'ay grant joye de vostre venue, car certainement vous resemblez assez un mien frere... (Arras, c.1392-1393, 53)

Entrementiers que la murmure estoit, ly roy des Bretons, qui fu saiges et soubtilz, pour doubte que les parties estoient de grant lignaige et que par ce aucun inconvenient n'en peust encourir, envoya soubdainement fermer les portes, que nulz n'en peust yssir, et garder par gens bien armez... (Arras, c.1392-1393, 60)

Je me partiray de cy et m'en yray a Montfrin, a Girart, mon nepveu, et a mes autres amis, pour avoir avis comment nous pourrions exploictier ne se nous pourrions avoir traictié de paix avec Gieffroy. La dame, qui fu saige et subtive, lui dist : Alez, de par Dieu, et gardez que vous ne soiez pris. Et ne vous partez point de Montfrin jusques a tant que vous orrez nouvelles de moy, car, avec l'aide de Dieu, je pense que je vous pourchasseray bon traictié a Gieffroy. (Arras, c.1392-1393, 206)

Ou regne d'Arges lors avoit Un clerc soubtil, qui moult savoit ; Amphoras ot nom l'omme sage. (Chr. Piz., M.F., II, 1400-1403, 310)

Bel et doulx, courtois et gentil, Sage en parler, en sens soubtil. (Chr. Piz., M.F., III, 1400-1403, 35)

...messire J. de Montagu, chevalier et grant maistre d'ostel du Roy nostre Sire (...) legier et apert, hatif en langage, ynel, subtil et diligent (Baye, I, 1400-1410, 291)

Après laquelle complainte, le Roy, qui pour lors estoit assez subtil ['avisé, lucide'] et estoit nouvellement relevé de sa maladie, la baisa et en pleurant la leva, et lui dist que de sa requeste il feroit selon l'opinion de son conseil (Monstrelet, Chron. D.-A., t.1, c.1425-1440, 168)

Car par Nature toute rien, Comme le subtil Aristote En sa doctrine met et note, Tent à bien et si le desire (La Haye, P. peste, 1426, 16)

Et jà soit ce qu'en nulz aages Les plus subtilz ne les plus sages Ne pourent onc déterminer, Sentir bien ne ymaginer (La Haye, P. peste, 1426, 18)

Helas, qui pouroit cloire l'uys Et le trelhis A trayson et a malice ? Je croit que nul, tant soit soubtis. Tousjours pertuis Trouve malvaitié, forte espice ! (Pass. Auv., 1477, 111)

Je croy qu'il n'est sy soubtil ne sy..., Qui en amour puisse demourer sage (P. Jouh. D.R., a.1488, 17)

...et eurent une seur, nommée Noemia, qui fut très subtille et, de sa part, trouva choses difficilles et de grande subtillité en arismetique. (Simon De Phares, Astrol., c.1494-1498, f° 13 r°)

...Saint Benoist, homme moult subtil en diverses sciences (Simon De Phares, Astrol., c.1494-1498, f° 111 v°)

Fin, raffiné.

Item, selon les philosophes, la cause pourquoi ceulz devers septentrion sunt communelment plus courageus et impetueuz ou cruelz et moins subtilz, ce est car il habondent plus en humidité et en sanc. (Oresme, Pol. Arist. M., c.1372-1374, 297)

[Par litote]

...il espousa une tresbelle et gente damoiselle, non pas des plus subtiles du monde ; car, a la vérité dire, elle estoit ung peu lourde en la taille (C.n.n., c.1456-1467, 278)

[D'un aspect de la pers. (de ses facultés)]

Cils souvenirs, par son engin soubtil, Me ramentoit le viaire gentil Et le gent corps pour qui mon cuer essil, Mès engendrez, Nez et fenis est et continuez Tous en doleur. (Mach., J. R. Beh., c.1340, 96)

Ma dame reverent et chiere, Digne de loange et d'onnour, Excellent en toute valour Que cuers porroit ymaginer, Yeus vëoir, oreille escouter, Main figurer, ne bouche dire, Soutils entendemens descrire, Goust savourer, ne tast sentir, Desirs, voloirs, cuers asentir, De Dieu amie et de Nature Et de toute autre creature, Exemples vrais, miroirs de joie (Mach., R. Fort., c.1341, 83)

Amours, je ne savoie rien, Nès differer le mal dou bien, Quant a mon vrai cuer, que je tien, Sans riens retenir, pour tout tien, Donnas par ton soutil engien La congnoissance D'amer et d'estre en ton lien, Et le presentas sans moien Avec le corps et tout le mien A ma dame, ce say je bien (Mach., R. Fort., c.1341, 119)

Et pour ce dit le texte, selon l'autre translacion, que vertu est plus subtille et plus certaine et plus honorable que tous les autres arts. (Oresme, E.A.C., c.1370, 161)

Douce dame, vostre fine douçour Mon loial cuer art sans feu et sans flame Et le norrit en amoureuse ardour Qui par desir croist toudis et enflame ; Et quant vostre corps gentil Remir, il fait par engin trop soutil Trambler sans froit et sans chalour suer Moy, las ! dolent, qui muir pour vous amer. (Mach., L. dames, 1377, 193)

Douce dame, vostre fine douçour Mon loial cuer art sans feu Pour ce, dame gentieus, À qui sui ententieus, Mes las cuers se sent tiex Qu'il n'est maus qu'il ne sente, Dont jamais n'iert sentieus, Car par engiens soustieus L'ateint de cos mortieus Amours qui en li s'ente. (Mach., Lays, 1377, 301)

Et pour animer, exciter et esmouvoir les cuers des jeunes honmes qui ont subtilz et nobles engins et desir de science, afin que il estudient a dire encontre et a moy reprendre pour amour et affection de verité, je ose dire et me faiz fort que il n'est honme mortel qui onques veist plus bel ne meilleur livre de philosophie naturele que est cestui, ne en ebreu, ne en grec ou arabic ne en latin, ne en françois. (Oresme, C.M., c.1377, 730)

...car quant il [Brutus] regarda que son oncle Tarquinus Superbus faisoit tous les josnes hommes nobles de Romme morir, entre lesquelz avoit esté ochiz ung scien frere, pour ce qu'il estoit saige et de soubtil engien, il faignist qu'il estoit bestial et ygnorant (La Sale, Salade, c.1442-1444, 24)

Le sanguin quant il est pur et net a bon sens subtil et chault mouuement pour les operacions corporelles et a lentendement bon et bien arreste (Cib., p.1451, 218)

Hay, par saint Gille, Il y en a plus que de ras, Qui ont la teste aussi subtille Qu'ung veau natif au mardy gras. (Sots triumph., c.1475, 35)

[De paroles, d'actes, d'une production de l'esprit...]

Car elle est sage et parcevant De congnoistre un cuer decevant Au maintieng et a la parole ; Ne ja si soutil parabole Ne dira qu'elle ne l'entende ; Et s'elle en voit un qui se rende En amours de vray sentement Pour vivre et morir loiaument, Si com tu le fais et as fait, (...) Legierement le congnoistra (Mach., R. Fort., c.1341, 66)

Ore ne nous faignons, Car maintenant, par soubtil tour, Occirons le faulx traïtour. (Chr. Piz., M.F., III, 1400-1403, 135)

... [ce livre] en soy contient et traicte cent histoires assez semblables en matere, sans attaindre le subtil et tresorné langage du livre de Cent Nouvelles. (C.n.n., c.1456-1467, 22)

...je suis lay, non clerc, de petit entendement et de rude langage, et regrette que je ne puis avoir le stile et subtil parler de messire George Chastellain (La Marche, Mém., I, c.1470, 14)

[De la nature personnifiée]

Et se Nature soutille ouevre Dont la terre reveste et cuevre, Pour ce que sa robe crotée De l'iver tans li est ostée, Et li donne robe a parer, Trop bien me puis ci comparer A li, car je fais un amant Cointe et joli. (Mach., R. Fort., c.1341, 82)

Emploi substantival.

Après la mort que devient il [l'homme] ? Je ne sçay. Hé ! s'aucun soubtil Peusse trouver ne savoir Qui m'en sceust dire le voir, Moult me feust bel. (Mir. Barl. Josaph., c.1363, 262)

Qu'est devenu ce front poly [que j'avais moi, la belle Heaumière, dans ma jeunesse] , Cheveux blons, ces sourciz voultiz, Grant entreuil, ce regard joly, Dont prenoie les plus soubtilz, Ce beau nez droit, grant ne petiz, Ces petites joinctes orreilles, Menton fourchu, cler viz traictiz, Et ces belles levres vermailles (Villon, Test. R.H., 1461-1462, 55)

b)Habile, adroit.

SECOND HERMITE. (...) Or ça, maistre, venez avant ; Sur li ce haubert me fermez (...). Monstrez combien de vo mestier Estes soubtilz. LE FÉVRE. Sire, ja n'en seray faintis. (Mir. st Guill., c.1347, 29)

LE CONTRAIT. (...) Helas ! mon ami, qui est il ? Ne scé s'il seroit si soubtil Que de mon mal me garisist. (Mir. st Panth., 1364, 335)

Trop fu soubtil l'ouvrier qui fist ce ! (Chr. Piz., M.F., I, 1400-1403, 63)

Par subtil art. Par des procédés habiles (parfois par des manoeuvres plus ou moins secrètes).

Mais le fer ardant de la flesche Qui le cuer toudis art et seche, Saches certeinnement qu'il art Et bruïst par si soutil art Qu'il n'i pert tache ne arsure, Trace, plaie, ne blesseüre, Et einsi se keuve et engendre Com li charbons dessous la cendre. (Mach., R. Fort., c.1341, 69)

Les gens du roy de l'autre part Si incitoint par soutiffart Les Bretons de soy rebeller Contre leur duc (Saint-andré, Livre Jean de Bret. C., c.1400, 488)

...le roy cuidoit avoir, Par soultiffart et ficcion, Mon païs et ma nation. (Saint-andré, Livre Jean de Bret. C., c.1400, 521)

...à touz maulx faire a mis sa cure, Et tempeste gens par soultiffart, Amprès en feu les brûlle et art (Saint-andré, Livre Jean de Bret. C., c.1400, 557)

Subtil en qqc.

Car par maintes voies diverses De Israel et d'aultres lieux Les leups qui sont en mal soutieux Les ont mis [les brebis] hors de leur pasture De verité et de droiture. (Marcadé, Myst. Pass. Arras R., a.1440, 91)

Subtil de + inf. Habile à.

PREMIER [SERVITEUR] . Je m'esbahis comme Il peult porter le mal. DEMONYACLE. Combien ? Ne suis je pas homme de bien ? Que tous les deable[s] vous fault il ? (Il se demayne.) SECOND. Entens a toy ! DESMONYACLE. Estront de chien ! SECOND. De tenir fault estre subtil. (La Vigne, S.M., 1496, 459)

Subtil pour + inf.

Vecy mon filz lequel je vous amayne, Propre et subtil, pour aux champs gambïer Et pour deffendre la querelle rommayne. (La Vigne, S.M., 1496, 172)

c)Astucieux, rusé.

A telz cuers ainsi esmaiez Vient a la foiz li ennemis, Et sachiez que plusieurs a mis En desespoir ; trop est soubtil. (Mir. Theod., 1357, 84)

Quand nostre bourgois, plus subtil que ung regnard, eust gaigné la grace du compaignon, bien pou se soucya de pervenir a l'amour de sa femme. (C.n.n., c.1456-1467, 24)

[D'un acte, d'un procédé, d'une façon de faire...]

...par le moyen de certaines lettres obtenues de nous (...) qui leues ont esté en jugement (...) sous umbre de son soubtil orreptis donne a entendre (Rouen temps Jeanne d'Arc L., 1425, 77)

...[ils] ne firent jamais grigneur feste, puisque la dame fut advertie de la fasson subtile qui son mary abuseroit. (C.n.n., c.1456-1467, 96)

Et, le mercredi [14 mai], veille d'Ascension Nostre Seigneur, par l'ordonnance du roy, maistre Jehan Le Prevost, notaire et secretaire du roy, entra dedens la Bastide Saint-Anthoine par moiens subtilz (Roye, Chron. scand., I, 1460-1483, 158)

Rigueur le transmist [Villon] en exil Et lui frappa au cul la pelle, Non obstant qu'il dit : 'J'en appelle !' Qui n'est pas terme trop subtil. (Villon, Test. R.H., 1461-1462, 143)

Si fault trouver voye utille Pour encontre eulx remedier, Par cautelle bonne, sutille Somtensement y ovier. (Myst. siège Orléans H., c.1480-1500, 600)

Celuy jour mesme par maniere subtille Fut prins a Nosle le domp seigneur Virgile, Semblablement le conte Petillanne, Qui aux Françoys cuidoit faire de l'asne. (La Vigne, V.N., p.1495, 248)

Le grant maistre, lieutenant du roy, exploicta tellement que, à l'aide des bons seigneurs, cappitaines et gens de guerre qu'il avoit soubz sa charge et conduite, et par bons et subtilz moyens, que en peu de temps la ville de Lestore et toutes villes, places et pays que tenoit ledit conte d'Armignac furent rendues à icelluy grant maistre et mis en l'obeïssance du roy sans effusion de sang humain. (Le Clerc, Interp. Roye, c.1502, 239)

Jouer du subtil à qqn. Voir jouer

2.Par métonymie.

a)[D'une chose concr.] Fait avec ingéniosité.

Mais sus une roche trouverent A l'yssuë d'un desrubant, Un subtil castel, fort et grant Et aclos derriere et devant De fosses qui bien le garderent. Portes et tours y avoit tant, Et clochiers de si grant beibant Qu'ainc mais machon tel ne fonderent. (Jean De Le Mote, Voie d'enfer P., 1340, 27)

...certain grant pont de bois, soubtil, qu'il fist lors faire pour mettre en son artillerye pour servir à passer rivières, fossez de bonnes villes et forteresses en ses guerres (Comptes Lille L., t.1, 1449-1450, 399)

...lequel ilz avoient garny de bonne artillerie, comme cullevrinnes et aultres engiens soubstiz (Escouchy, Chron. B., t.1, c.1453-1460, 394)

Et au regard des caves qui y sont En lieu certain, approprié, parfont, Si grandes sont, si longues et si larges, Et composees de si subtilz ouvraiges, Tant en pilliers comme voulsure ronde, Qui n'en est point de pareilles au monde. (La Vigne, V.N., p.1495, 250)

b)Qui demande de l'ingéniosité.

[D'un objet de connaissance...] Qui demande de l'ingéniosité pour être compris, difficile, délicat.

...après ['à la suite de'] les evangiles, Je vueil parler de matieres soubtiles (Baudouin, Instruct. vie mortelle B., c.1431-1439, 546)

...veriffia aussi les estoilles fixes et de subtille calcullacion. (Simon De Phares, Astrol., c.1494-1498, f° 156 r°)

Grans eschauffaulx a force de misteres Faictz et compris sur subtilles matieres Et parsonnaiges, Dieu scet comment en point (La Vigne, V.N., p.1495, 160)

Subtil à + inf. Difficile à.

Il les trouva fourniz d'artillerie, De grosses boulles pour murailles abatre, Lances a feu, subtilles a combatre, Harnoys completz de fine armurerie (La Vigne, V.N., p.1495, 205)

Voir aussi soutif