TRAITRE

adjectif et substantif masculin

[T-L : träitor ; GDC : traitre ; DECT : träitor ; FEW (XIII-2, 152b) : traditor ; TLF (XVI, 481b) : traître]

A. -[À propos d'une pers., de son comportement]

1.(Celui) qui trahit, qui se rend coupable de trahison, traître.

...elle [Amours] scet bien qui aimme sans fausser, Scet bien paier aus amans leur droiture : C'est les loiaus de joie saouler Et d'eaus faire savourer Ses douceurs en habundance ; Et les mauvais par sentence Sont com traïtre failli De sa court bani. (Mach., R. Fort., c.1341, 73)

L'amant savoient trop bien feindre, Sans mal sentir gemir et pleindre, Et si savoient trop bien faire Faus samblant et eaus contrefaire, Com mauvais desloial truant. Mais li faus traïtre puant En un cas trop se decevoient, Car muër coulour ne savoient. (Mach., D. Lyon, 1342, 198)

Celle aigle, je l'appelle honneur Qui tient le grant et le meneur, Gens d'Amours, sous sa rëauté En paisible societé. Or viennent cil faus traïtour Qui de leurs langues par faus tour Vuelent tel estat desnuer D'onneur, par celle aigle tuer (Mach., D. Aler., a.1349, 360)

...le riche roy Me mescrut et se print a moy En disant que traistre estoye Quant sa femme li fortreoye. (Mir. marq. Gaudine, 1350, 153)

Tant fut le chevalier agrevé que onques excusances qu'il sceust ne peust dire ne monstrer, ne lui aydierent de riens. Mais fut ung jour mis hors de la tour du chastel de Londres et decollez en la place devant le chastel en fourme de traittre. (Froiss., Chron. M., XIV, c.1375-1400, 41)

Encores ne souffit pas a sa tresgrant cruaulte nostre torment et prison et nostre extreme pauvrete, mais en publique et par tout en l'estat que nous sommes il nous trahine apres lui prisonniers, comme se nous fussons trahitres et larrons ou publiques murtriers. (Mézières, Songe vieil pèl. C., t.1, c.1386-1389, 289)

...le trahitre ou homicide par force d'argent sera purgie et repute par preudomme, voire par le baillif, viconte ou prevost, qui scet bien le contrayre, et sera remis sus les piez. (Mézières, Songe vieil pèl. C., t.1, c.1386-1389, 472)

Et ce que je diray est en partie pour vostre prouffit et honneur, car roy qui est acompaigniez de traicteur n'est mie bien logiez, ne ne doit pas estre trop asseur. (Arras, c.1392-1393, 56)

Haa, traitre, dist Remondin, tu ensuiz bien la fausse progeniee dont tu es yssus, mais ce ne te puet riens valoir. (Arras, c.1392-1393, 62)

Seigneurs, je vous doy bien mercier du noble secours que vous m'avez fait a ceste journee, car je scay bien, se ne feust l'aide de Dieu et de vous, ces traicteurs m'eussent mis a mort en trahison. (Arras, c.1392-1393, 73)

Par mon chief, dist ly roys, c'est mauvaise compaignie que de traitours. Il fait bon fermer l'estable avant que le cheval soit perdu. Sachiez que jamais ne vouldrez occire noble homme en trahison, car je ne mengeray jamais tant que vous serez penduz avec vostre oncle et tous ceulx qui cy ont esté admenez. (Arras, c.1392-1393, 74)

Mal y venoyent pecheurs, traites et malfaiteurs qui forfaysoyent contre la magesté royale de Dieu, en trespassant sa loy et ses commandemens (Gers., Purif., 1396-1397, 61)

Concluons que [c]e traitre flateur ne nous gette en excommeniement, affin que nous, en saluant Nostre Dame, soions d'elle resaluez, quant nous disons de cuer ou de bouche : Ave, Maria, gracia... Parlons aprés du second traitre, Delit luxurieux, qui occist ou deboute pure et nette chasteté (Gers., Annonc., a.1400, 236)

...renonmee puble parmi le roiaume de France couroit sus euls, que il estoient traite, et que par traison il avoient perdu la journee. Et mieuls lor valoit a morir sus la place que estre pris ne retourner ; car qant il retournoient, il estoient pendu conme traitte. (Froiss., Chron. D., p.1400, 630)

Et leur sambloit dure cose et estragne de deshireter lor signeur ; et se il faisoient ce, a tousjours mes, il seroient tenu et reputé pour traittes et infames. (Froiss., Chron. D., p.1400, 635)

...ils ... traissent lors espees et escriierent : 'A la mort ces traitours englois ! Jamais piés n'en retournera en Engleterre !' (Froiss., Chron. D., p.1400, 725)

Car aucune pitié nul ame Ne doit avoir d'un traicteur, Qui de tel meffait est traicteur (Chr. Piz., M.F., I, 1400-1403, 148)

Et se vous voulez - que ja n'aviengne, Sire ! -, se vous voulez user envers moy de justice, comme ung juge droiturier envers ung traitte et malfaicteur pris et prouvé, vrayement, Sire, je l'ay bien desservi (Gers., Trin., 1402, 165)

Mais de machinacion et de faulse oeuvre de traÿteur le vueille Dieux deffendre (Bouciquaut L., 1409, 437)

...ceulx qui gouvernent à present par deça et entour le Roy, qu'il appelle rapineurs, dissipeurs, tirans, traistres, empoisonneurs et murtriers (Fauq., I, 1417-1420, 18)

Voire, dist elle, le traistre m'a il en ce point deceue ? il m'a laissée soubz umbre d'aller servir Dieu (C.n.n., c.1456-1467, 416)

Tiercement se le fait contredist a sa bonté come de dampner Saint Pierre et saulver Judas le traytre. (Somme abr., c.1477-1481, 161)

...jaçoit ce que à la fin par traïson le deffist et lui osta XXm jumens, qu'il envoya en Macedone pour porter poullains pour la guerre, car à traicter ne peut l'en obvier. (Simon De Phares, Astrol., c.1494-1498, f° 60 v°)

Le filz du pape secrettement par nuyt Se desroba et de fait s'enfuÿt Devers le pape, dont tous deux mal garderent Leur foy promise, car ils se parjurerent Et ne tindrent leur grant accord parfait ; Qui fut a eulx tres vilaynement fait. Le samedi trente et ungiesme jour De ce dit moys, voyant le vilain tour Qu'avoit commis le tres deloyal traïstre Le roy se tint au dit lieu de Belistre (La Vigne, V.N., p.1495, 241)

Qui est à dire en françois ce qui s'ensuit : 'La traïson conspira qui n'a point eu de pouvoir, et la jeunesse des traistes qui n'ont peu penser fors à fouyr, a descouvert les lasches courages de leurs folles entreprinses.' (Le Clerc, Interp. Roye, c.1502, 354)

Remarque : Hist. prem. destruct. Troie R., c.1470-1480, gloss. (tristre).

Emploi adjectival.

Gentils sires et nobles roys, Ne le crees contre vos gens, Car il se ment parmi ses dens. C'est uns Angles deshonnourez, Faus, mauvais, traïtres, couez. Il est parjurs et s'est infames, Diffames d'ommes et de fames, Si ne le deves de riens croire. (Mach., P. Alex., p.1369, 251)

Il avoit là IJ. amiraus Faus, traïtes et desloiaus. L'un avoit à non Sedamour ; L'autre Julep, à po d'amour. (Mach., P. Alex., p.1369, 199)

De son lit en gisant [le roi] li dist : 'Estes vous là, sires d'Absur, Faus garson, traïtre, parjur. Qui vous fait entrer en ma chambre ?' Et il respondi sans attendre : 'Je ne sui mauvais ne traïtes, Mais tel estes vous, com vous dites ; Dont vous morrez, sans nul respit, De mes mains.' Et en ce despit Lors en son lit sus li coury Et IJ. cos ou IIJ. le fery (Mach., P. Alex., p.1369, 269)

...la faulce vielle trahistre Margiste (Hist. Berthe Pépin T., c.1400-1500, 142)

...Philippe Musnier, dit Josquin, faulx et traitre (Comptes Etat bourg. M.F., t.1, 1419, 49)

Et quant lesdiz traistres habitans du Liege virent leurdit evesque es mains dudit La Marche son ennemy, luy tournerent le dos et, sans coup ferir, s'en retournerent en ladicte cité de Liege. (Roye, Chron. scand., II, 1460-1483, 119)

Haa, traitre Judas ! De celluy ne me parlés plus ! (Pass. Auv., 1477, 184)

Puis adreça sa parolle au conte de Rotheland et à ung nommé Arpihen : 'Vous deux comme faulx et traictres je vous appelle devant la face de Jhesu Crist, pour respondre de la grande traïson que vous avez faicte contre nostre souverain, le roy Richard'. (Simon De Phares, Astrol., c.1494-1498, f° 150 r°)

LE PREMIER PAYEN. O faulce loy rude et parverse, Desloyal, traistre Mahommet, Celle et celluy qui te converse En ung moult grant dangier se mect (La Vigne, S.M., 1496, 493)

Traitre à/à l'encontre de/contre/envers qqn. Celui qui se rend coupable d'une trahison envers qqn.

Et emplirent couvertement cil bourgois, trahitte envers chiaus de le cité, leurs cambres et leurs celliers de Navarois qui devoient aidier à destruire le ville (Froiss., Chron. L., V, c.1375-1400, 127)

...nous ... volons expressement que punitions en soit faite comme de traittes et rebelles à nous (Froiss., Chron. L., VI, c.1375-1400, 49)

...se nous leur souffrions à faire, nous serions traitte et parjure envers le roy nostre signeur qui ci nous a establi pour garder sa terre (Froiss., Chron. L., VI, c.1375-1400, 222)

... je vous feray pendre devant Valbruyant, voyant vostre cousin Garnier, qui est traistre comme vous envers monseigneur mon pere. (Arras, c.1392-1393, 205)

... il devoit morir de la mort parelle a messire Hue l'Espensier, car il estoit fauls, mauvais et traites contre son signeur. (Froiss., Chron. D., p.1400, 186)

...ycelui Laurens a esté appellé aus drois dudit évesque, et par jugement et sentence dudit pais, banny comme traictre à sondit souverain seigneur, et plusieurs de ses complices dudit pais décapitez et décolez pour ceste cause (Ch. VI, D., t.1, 1404, 265)

Et ainsy ledit Sanglier les mena jusques audit pays de Liege ; et luy illec arrivé, trouva façon et moien d'avoir intelligence avecques aucuns traistres Liegois de ladicte ville à l'encontre de leur seigneur de dechasser, tuer et meurdrir leurdit evesque, et le mettre hors de la cité avecques ce qu'il avoit de gens : ce que firent lesdiz Liegois. (Roye, Chron. scand., II, 1460-1483, 119)

Traitre de qqn. Celui qui trahit qqn.

...que nul baron ni autre noble ne soit si hardiz, sur poine d'estre reputez pour ennemi et traiteur du roy nostre seigneur, de soy partir ny aler de ses marches, ne jouster ne tournoier (Doc. Poitou G., t.2, 1340, 168)

Si escripsi tantos li dis rois devers le dit chevalier, en lui mandant qu'il li envoiast son ennemi et trahitte , monsigneur Raymon de Marueil (Froiss., Chron. R., VIII, c.1375-1400, 7)

...que ycellui Guillaume de Bruc, pour les causes devant dites, feust traynez, et d'illec menez ès halles, et en l'eschaffaut feust, comme traittres du roy nostre sire et de son royaume, decapitez (Reg. crim. Chât., I, 1389-1392, 25)

...ycellui Jehan Le Brun, prisonnier, estoit dignes de souffrir mort, comme traittes du roy nostre sire, c'est assavoir : qu'il feust traynez, decapitez (Reg. crim. Chât., I, 1389-1392, 68)

...il diroit verité de tout ce qu'il avoit fait, et, par especial, de ce qu'il avoit esté traitre du roy. (Reg. crim. Chât., I, 1389-1392, 122)

...que icellui prisonnier, comme traytres du roy et larron, fust punis, c'est assavoir: trainé, decolé, et le corps et teste d'icellui pendu à la justice du roy nostre sire. (Reg. crim. Chât., I, 1389-1392, 125)

... [ils] delibererent et furent d'oppinion que il estoit traites du roy, et que, comme tel, il feust executez (Reg. crim. Chât., I, 1389-1392, 392)

Elle ot avec soy, comme pour son principal capitaine, Orgueil, le fol presumptueux, traite de Dieu, son droiturier seigneur (Gers., Noël, p.1404, 303)

[Par référence à la suspicion que les Bourguignons nouent des alliances hostiles au royaume] Estre plus traitre qu'un Bourguignon

[Messire Jehan de Croy, ambassadeur du duc de Bourgogne, au roi de France :] En vostre propre ostel, [les gens du duc de Bourgogne] ne treuvent comme nulz qui les veulle converser, et les communs langages de pluseurs des vostres sont l'un a l'aultre : 'Tu es plus traitre que ung Bourguignon'. (Chastell., Chron. IV, D., c.1461-1472, 187)

[À propos de Fortune]

...elle [Fortune] n'est ferme n'estable, Juste, loyal, ne veritable ; Quant on la cuide charitable, Elle est avere, Dure, diverse, espouentable, Traïtre, poignant, decevable ; Et quant on la cuide amiable, Lors est amere. (Mach., R. Fort., c.1341, 34)

Or le me fault perdre par toy, faulse borgne, traitre, envieuse. Bien est fol qui en tes dons s'affie. Or hès, or aimes, or fais, or despieces, il n'a en toy de seurté ne d'estableté ne qu'en un cochet a vent. (Arras, c.1392-1393, 243)

[D'un aspect de la pers., d'un comportement...] Qui a le caractère de la trahison, de la perfidie.

L'ennemy tout ce me faisoit Par sa traistre decepvance. (Mir. parr., 1356, 25)

...vous me avez fait par vostre faulx traitre rapport parjurer contre la meilleur et la plus loyal dame qui oncques nasquist après celle qui porta Nostre Createur. (Arras, c.1392-1393, 242)

...par son traitte et faus consel et enort, li rois avoit honni son roiaulme et mis a mort les vaillans honmes, dont toute Engleterre estoit afoiblie. (Froiss., Chron. D., p.1400, 92)

...sur la mort inhumaine, trahiteuse, advisée, pourpansée du duc d'Orleans, frere germain du Roy (Baye, II, 1411-1417, 261)

...amours tres faulses, mauvaises et traitres, semblerez vous tousjours enfer qui de angloutir ames onques ne fut saoul ? (La Sale, J.S., 1456, 300)

2.Par extension. [Comme terme d'injure]

Sus, traistre, ce champ vuidiez ; N'estes pas pour ce, ne cuidiez, Quitte de mort. (Mir. Oton, c.1370, 383)

Sachiez que l'endemain, par matin, le nepveu du roy s'arma, et guetta vostre pere en un petit bois ou il s'en aloit esbatre dessoubz Leon. Et l'escria : A la mort ! Faulx traitre, me veulz tu tollir mon heritaige ? (Arras, c.1392-1393, 50)

...si le vouloit il punir et luy dist : 'Traistre ribauld, comment avez vous osé rober l'église oultre mon commendement et ma defense ?...' (C.n.n., c.1456-1467, 58)

'...dictes moy qui est la dedans ? - Vous le savez bien, traistre mauvais, dit elle, que vous estes.' (C.n.n., c.1456-1467, 212)

B. -[À propos d'une chose] Dangereux, qui réserve des embûches.

Le vendredi son ost de grant renom, En faict de guerre soubdain et valeureux, Au giste vint dedens Valemonton, Qui estoit lieu traistre, souspeçonneux, Car la avoit force gens noz hayneux. (La Vigne, V.N., p.1495, 270)