SOMMER

verbe

[T-L : somer ; GD : sommer ; GDC : sommer1, sommer2 ; FEW (XII, 424a) : summa ; TLF (XV, 660a) : sommer1, sommer2]

Emploi transitif.

I. -[En lien avec sommet] Sommer qqc. Surmonter, garnir au sommet, couronner qqc..

J'ay veu le cerf en ce boiz la : Onques Actheon ne chassa Plus grant, plus bel, ne plus cornu. Si nous en est bien avenu, Car je me recort bien encors, Qu'il est sommé de quinze cors. (Gris., 1395, 25)

II. -[En lien avec somme] Compter qqc. ; résumer, raconter (qqc. à qqn) ; offrir une somme à qqn ; informer qqn.

A. -Compter qqc., faire le compte de qqc..

Quant le pere fu assis et le filz ot un autre siege, le philosophe Taurus demanda a ceulz qui estoient la venuz que il leur sembloit, veu et consideré bien et sommé l'un contre l'autre le bien, l'equité, les honneurs et les offices, qui premier devoit seoir (Foul., Policrat., IV, 1372, 70)

...ilz ne povoient labourer leurs terres, ne aler en leurs marchandises, ne riens faire hors des fors, pour la doubtance de ces pillars, non se ilz n'estoient bien acouvenchiez et apatis ; et les pactis, selonc que ilz avoient sommé leurs comptes, montoient bien par an ens es terres dessus dites comme les redemption des fors et des garnisons devoient monter. (Froiss., Chron. M., XIV, c.1375-1400, 135)

Ha ! qui pourra souffisantment sommer cest honneur ou sexe femenin que les envieux veullent desprisier, considerant que ou cuer d'une petite femmelette de la lignee des payens, Dieux trouvast plus de foy qu'en tous les evesques, les princes, et les prestres et tout le puepple des Juyfs, qui se disoyent estre le digne puepple de Dieu. (Chr. Piz., Cité dames C., c.1404-1407, 662)

Sommez vo pensee, sommez, Et verrez vostre cornardise. (Martin Le Franc, Champion dames D., t.2, 1440-1442, 148)

C'est assez justement sommé Et a faire execucion : Selon ceste sommacion, Occire fauldroit tous enfens Qui sont au dessoubz de deux ans, Tout onny, sans riens excepter. (Myst. Pass. Troyes B., a.1482, 351)

Ce monde est bien mer salee, Car a la longue et a l'alee Grant meslee De vens y peut on sommer. (Myst. Pass. Troyes B., a.1482, 813)

Compter pour qqn.

De la duis le Pere nomme De la fonteinne le Fil Qui vient dou Pere et fu homme, Dou ruissel cler et gentil Saint Esperit ; c'est la somme. Dou Pere et dou Fil vien il. Ces .VJ. sont .IIJ., qui bien somme A entendement soutil. (Mach., Les lays, 1377, 410)

infinitif substantivé. Addition, somme.

...et les autres gectèrent en la rivière et les noièrent, et les autres firent mectre en chartre et composer à grant sommer de deniers [Ou faut-il lire sommes ?] (Doc. 1413. In : MONSTRELET, Chron. D.-A., t.2, c.1425-1440, 450)

B. -Résumer, raconter, exposer (qqc. à qqn).

Je le say bien, car je l'ay fait Plus de cinquante fois de fait, Je ne di pas en si grant somme Com dessus le devise et somme, Einsois le di par aventure. Briefment, il n'avoit d'argent cure Ne riens qu'onneur ne desiroit. (Mach., C. ami, 1357, 104)

Hé ! Dieus ! quant son noble renon Puis oÿr et son tresdoulz non D'aucune aventure nommer, Il n'est clers qui sceüst sommer, Dire, penser ne mettre a nombre La joie qui en moy s'aombre. (Mach., Voir, 1364, 136)

Et quant je de fin cuer l'amoie, Sur tout se je me delitoie, Nulz homs n'en doit avoir merveille, Car seconde n'a ne pareille, Ne quanqu'on puet de bon nommer, Dire, ymaginer ne sommer. (Mach., Voir, 1364, 306)

Si se reposerent la li auqun signeur dalés le roi et les dames. Et relivrerent li Hainnuier lors chevaus, qui tout estoient esfondut et afollet ; au consel dou roi, on les requelli courtoisement, et orent dou nouviel argent pour raçater des aultres. Et fu compté et sonmé a tous barons, chevaliers et equiers de Hainnau, en conbien, tant pour cevaus que pour gages, li rois estoit tenus envers euls. (Froiss., Chron. D., p.1400, 153)

...nul ne pourroit dire ne sommer le tres grant bien qui avint de l'alee que le mareschal fist ou dit pays (Bouciquaut L., 1406-1409, 153)

Maintenant est tenus de sumer De Dieu parole veritable (Myst. st Clément Metz D., p.1439, 336)

C. -Offrir à qqn une somme, faire une offre à qqn.

Et s'il est que tu aies tort, N'aies pas le cuer si entort Qu'a toutes raisons ne te mettes Et que tort ensus de ti gettes. Somme le tant, fai li tant d'offres Qu'on voie par ce que tu offres Qu'il n'a mie droit, s'il s'excuse Dou prendrë et s'il le refuse. (Mach., C. ami, 1357, 111)

D. -S'adresser à qqn, informer qqn.

Seigneurs, je vieng pour vous sommer Que prest sui pour vous delivrer Mon maistre comme est raisonnable (Marcadé, Myst. Pass. Arras R., a.1440, 132)

Sommer à qqn de qqc. S'adresser solennellement à qqn au sujet de qqc..

...nostre tresredoubté seigneur (...) à vous nous mande (...) vous signiffier, adviser et sommer de vostre honneur (La Sale, Reconf. De Fresne H., 1457, 15)

III. -[En lien avec sommation]

A. -Sommer qqn. S'adresser avec insistance à qqn (pour lui demander qqc., de faire qqc.) ; requérir qqn dans les formes établies (de), le mettre en demeure (de), lui enjoindre (de).

...se ne fussiez Si grant dame, tost eüssiez La guerre et à vous me preisse Et puis ainsi vous apreisse à mes usages tresmuer, Sans moy sommer ne apeller. (Guill. Digull., Pèler. vie hum. S.C., c.1330-1331, 265)

...aucun sergent du Roy ne puisse ou doie, par commission ou autrement, en la dicte ville d'Arras faire adjornemens ou aucuns exploiz de justice, sans appeller premierement et sommer le bailli d'Arras ou son lieutenant et les eschevins de la dicte ville (Hist. dr. munic. E., t.1, 1354, 344)

S'elle est bonne, ren Dieu loange ; S'elle est mauvaise, ne t'en vange, Car qui se vuet de tout vangier, Son pain ne puet en pais mengier, Mais t'amende, eins que on te somme, Si feras ouevre de preudomme. (Mach., C. ami, 1357, 127)

Ce conte tint ces chastiaulx ung temps et, quant il vy que on ne luy rendoit point son argent que sus il avoit presté, si s'en merancolia et envoya sommer souffisaument le duc Regnault de Guerles. (Froiss., Chron. M., XIV, c.1375-1400, 157)

Et pour tant que on s'esmerveille grandement en France de ce que à obeissance, là où vous devez avoir, vous ne voulez venir ne descendre, tant que pluseurs murmurations en sont à la court du roy et ens es hostelz de ses tenables, affin que plainement vous soiez plainnement sommez, monseigneur de Berry, qui grandement vous ayme, ad ce qu'il monstre, vous prye que vous vueilliez descendre à toutte rayson (Froiss., Chron. M., XIV, c.1375-1400, 235)

Il sera dit que ledit Martin venra aux jours d'Amiens du Parlement prouchain proceder sur la demande dudit Phelippe, comme de raison, et interim sommera ceulx qu'il voudra sommer. (Baye, II, 1411-1417, 270)

Jacob Bernardin dit qu'il le convient sommer par les prevost et eschevins. (Fauq., II, 1421-1430, 352)

Sommer une place. Signifier à ceux qui commandent une place de se rendre.

...Il seroit bon sommer les places et les lieux Et tous les pays d'environ (Myst. siège Orléans H., c.1480-1500, 121)

Sommer qqn de qqc.

Item, [les religieux] doivent cinq chevaliers a garder par quarante jours en chastel de Lions, quant ils en sont sommés en temps de guerre (Hector De Chartres, Cout. R., 1398-1408, 4)

Sommer qqn de + inf.

Disoit ancores que les diz religieus avoient sommé et requis souffisamment et par plusieurs fois les diz curé et escuier de mettre reparacions et reffections souffisamment en laditte granche (Chartes Abb. St-Magl. T.F., t.3, 1330, 25)

Vous m'avez moult voulu sommer Et requerir de prandre femme (Desch., M.M., c.1385-1403, 341)

...icellui prisonnier lui sur ce interrogué n'avoit voulu aucune chose confesser de ladite desroberie, jà soit ce que par icellui d'Estouteville et autres ses amis, au temps que la royne et madame de Thouraine ont esté oudit lieu de Nogent et pays d'environ, il eust esté plusieurs fois sommés et requis d'en dire verité (Reg. crim. Chât., II, 1389-1392, 402)

...combien que les eschevins de Cambray ayent esté sommez de rappeller certain ban qu'ilz ont fait ou contempt des arrests de ceans (Baye, I, 1400-1410, 80)

...laquèle nous sommons et requérons d'en dire la vérité (Ch. VI, D., t.1, 1405, 278)

...consideré que le Roy par avant avoit très instamment esté sommé et requis par notables ambassadeurs à Pontoise (...) de non esloingnier Paris (Fauq., I, 1417-1420, 260)

Le roy, qui es aultres batailles l'avoit sommé de le faire chevalier... (La Sale, J.S. E., 1456, 286)

...fut le compaignon delivré, promettant de retourner a ses journées quand sommé en seroit. (C.n.n., c.1456-1467, 161)

...l'on me tiendra pour acquitté d'avoir fourny la nouvelle dont j'ay nagueres esté sommé. (C.n.n., c.1456-1467, 215)

Oudit moys d'octobre furent aucunes gens de guerre du parti dudit de Bourgongne devant la ville de Beauvais, pour sommer les prelat et populaire d'icelle de eulx rendre et mettre es mains dudit seigneur de Bourgongne, et ladicte place aussi. (Roye, Chron. scand., I, 1460-1483, 128)

Et que au regard du duc de Bretaigne, qui detenoit mondit seigneur Charles et qui avoit prinses les villes du roy en Normandie, lequel on disoit avoir intelligence avecques les Anglois, anciens ennemis de la couronne de France, fut dit et deliberé par lesdiz trois estaz qu'il seroit sommé de rendre au roy lesdictes villes, et que où il en feroit refus et que le roy seroit deuement adverti de ladicte aliance aux Anglois, que incontinent le roy recouvrast sesdictes villes à main armée et de lui courir sus (Roye, Chron. scand., I, 1460-1483, 200)

Et, pour ce que le cappitaine estoit estranger, il envoya ung poursuivant de le sommer et requerir de vuyder le pays du roy Amydas et qu'il lui feroit bailler passaige pour s'en aller en son payz. (Bueil, II, 1461-1466, 247)

Et fut envoyé le Prevost de Paris et l'escuyer Galliot qui les sommerent de eulx rendre, ou autrement on leur monstreroit de beaulx poincts, ce que l'on fist sans nulle faulte (La Vigne, V.N., p.1495, 256)

Sommer qqn à + inf.

Item, a esté accordé entre ledit bailleur, es diz noms, et ledit preneur que ycellui preneur ne pourra tenir bestal gros ne menu, qui soit sien ou a autre personne, ou cas que ledit prieur de Saint Berthelemi ou les religieux de Saint Magloire lui en vouldroient bailler, et les pourra sommer ledit preneur a ce faire (Chartes Abb. St-Magl. T.F., t.3, 1407, 803)

Sommer qqn que

Et que les diz religieus, depuis ce que dit est, avoient souffisaument sommé et requis le dit prieur et les dictes religieuses que il se voulsissent cessier de eulz empeeschier en leur dicte saisine, et rendre et restablir les dictes dismes aus lieus dessus diz ou les huit sextiers de grain dessus diz pour la value d'icelles, et que le dit prieur, les dictes religieuses et leurs gens pour eulz avoient promis ainsi a faire souffisaument (Chartes Abb. St-Magl. T.F., t.3, 1335, 108)

Chier compains, je vous vueil sommer Par celle foy qu'a moy avez Que celle chose que savez Qui vous peut estre de value, Me nommez (Mir. Amis, c.1365, 59)

Or disoit il que yceulx religieux avoient par pluseurs foiz sommé et requis et fait sommer et requerre souffisamment ledit messire Jehan Margoisse que desdiz arrerages et doresenavant de ladicte poignee de chandelles, chascun an audit terme de la Chandeleur, il leur voulsist faire paiement et sactisfacion (Chartes Abb. St-Magl. T.F., t.3, 1394, 679)

Il fist par bon consail tous les prinches sommer (...) que, sans plus ariester, Qu'à ce Noël proçain se viengnent amonstrer Au roy pour luy siervir (Geste ducs Bourg. K., c.1410-1419, 369)

...il avoit sommé maistre Raoul Roussel qu'il meist devers la Court son tiltre de regale contre Guillaume Porchier (Fauq., II, 1421-1430, 270)

Si fist sommer ledit messire Robert qu'il lui rendeist la fortresse pour et ou nom du Roy (Monstrelet, Chron. D.-A., t.2, c.1425-1440, 214)

Car aprés ce que le roy Philippe paravant conte de Valloys fut consacré en mon roy et espoux, il envoia devers ledit roy d'Angleterre Edouart, le sommer et requerir que il luy vint faire foy et hommaige lige de la duché de Guienne, comme duc et per de France. (Juv. Urs., Aud. celi, 1435, 169)

Vous m'avez fait venir icy, et si vous somme que vous me rendez et mettez au lieu dont party (C.n.n., c.1456-1467, 124)

...le priant et sommant (...), de vostre part, que il vous vaulsist rendre votre ostaige (La Sale, Reconf. De Fresne H., 1457, 15)

Dont, je vous amonneste et somme Qu'a Cesar rendez tout honneur Qu'il appartient a tel seigneur, Et d'autre part retribuez A Dieu ce que vous luy devez, Et vous tiendrés la voye plus seure. (Myst. Pass. Troyes B., a.1482, 612)

Je vous somme de par mon sire Qui maintient de Romme l'empire, Que vous luy veniés faire hommage Et luy transmettés le truage Que vous luy debvés de long temps (Myst. st Laur. S.W., 1499, 131)

Sommer qqn + interr. indir.

Alez y et sommez le roy des Bretons comment il vous reçoive en droit, et que se vostre pere avoit occiz son nepveu sur son bon droit, en gardant sa vie, et que, pour doubte de la puissance du dit roy, il n'avoit soy osé tenir ou païs, mais s'en estoit estrangiez. (Arras, c.1392-1393, 48)

Sommer qqn sur qqc.

...faire residance par l'espace de six sepmainnes chascun an, toutes les fois qu'il plait a mon dessusdit très redoubté seigneur ou a ses gens et officiers de me faire semonre et sommer sur ce. (Trés. Reth. L., t.3, 1439, 175)

B. -Sommer qqc. à qqn. Ordonner (dans les formes requises) qqc. à qqn.

PETRUS [à Jésus] . Je feray ce que tu me sommes, Je laiseray et pere et mere, (...) Cy te suyvray pour tout laisier. (Pass. Semur D.M., c.1420 [1488], 122)

TROMPECTE. (...) Oyez tous, de par l'empereur Et sa treshaulte magesté : S'il est en ce pays seigneur Qui en jeunesse ait frequenté La guerre, en yver et esté (...), Present veult qu'il soit exempté De plus en guerre porter armes, Pourveu qu'ilz bauldront leurs guisarmes Et leurs harnoys a leurs enffans (...). Sur ce, femme et homme, Je m'en vois, plus ne puis actendre, Par l'empereur donné a Romme. LE PERE. Mahon et Jupiter en somme Soit loué de ce qu'on nous somme ! Brief, jamais ne fus plus joyeux. (La Vigne, S.M., 1496, 160)

Sommer à qqn que...

...ledit de Luxembourg leur fist sommer qu'ilz rendissent la place en l'obeissance du Roy Charles (Escouchy, Chron. B., t.1, c.1453-1460, 290)

Faire sommer à qqn que. Faire ordonner à qqn de.

Et lendemain qu'il fu là venu, fist sommer à ceulz de ladicte bastille qu'ilz se voulsissent de là départir (Monstrelet, Chron. D.-A., t.6, c.1444-1453, 78)