MENACER

verbe

[T-L : menacier ; GDC : menacier ; AND : manacer ; DECT : menacier ; FEW (VI-2, 99a) : minacia ; TLF (XI, 627a) : menacer]

A. -[Le compl. d'obj. désigne la pers. à qui s'adressent les menaces] Menacer qqn

[D'une pers.] Intimider qqn, proférer des menaces contre qqn.

Il [Polyphème] va hullant com beste mue, Il brait, il crie, il huche, il mue ; Mais assés puet braire pour voir, Car son oeil ne puet il ravoir. Ulixes menace formant, Qui embla son oeil en dormant (Mach., Voir, 1364, 624)

...le duc de Guerles manechoit les Braibanchons et disoit qu'il leur feroit guerre (Froiss., Chron. M., XIV, c.1375-1400, 179)

Ce povre homme se ooit menachier et veoit les apparans et ces Gascons tous appareilliez pour luy occhirre, si en estoit tout effraez (Froiss., Chron. M., XIV, c.1375-1400, 214)

...mais je l'ay tant chier Que ja mais faire n'en quier Departement. Il puet bien crueusement Moy menacier, Mais ne le prise .J. denier, Quant à present. (Mach., Ch. bal., 1377, 627)

Las ! si ne say que je face ; Car sa bele face Tout mon bien efface, Quant envers moy seul est fiere, Et Dangiers qui me manace Vuet que sa manace De fait me defface Cuer, corps, pouoir et maniere. (Mach., Les lays, 1377, 323)

LE SECONT BERGIER [au premier bergier] . Par le saint sanc Dieu, sire, treves N'y arez ja ! Batus serez, Et puis vous me menacerez, Se bon vous semble, une autre foiz. (Gris., 1395, 99)

Ma dame, c'est par vous qui [l. que] je suis en vostre hostel menassié. (La Sale, J.S., 1456, 279)

Autre procès avoit ceans contre un Espaignot nommé pour cause de certeinne grosse somme que lui demandoit ledit Espaignot et qui s'estoit plaint de lui à icelle Court, en disant que lui ou ses gens l'avoient menacé. (Baye, I, 1400-1410, 187)

...[elle] s'en alla tantost a sa maison plaindre son mal et son martire, non pas sans menacer et sa voisine bien maudire. (C.n.n., c.1456-1467, 265)

Pour m'enfuir s'on me menace Et pour tantost vider la place, Ja n'en crains archier de la garde. (Rapp., c.1480, 60)

[Sentence]

Homs qui est menaciez de fort et de poissant, S'il pleure pour menace, il ressemble l'enfant. (Cuvelier, Chans. Guescl. F., c.1380-1385, 234)

Laisser attendre une attitude hostile.

...Fortune (...) nous menace, advise, et forge et prepare encores plus grand destourbiers (C.n.n., c.1456-1467, 166)

Faire peur à (un animal).

...car quant ilz [les asnes] ont grant fain, ilz ne se partent ne laissent la pasture pour estre menaciéz ne pour estre batus. (Oresme, E.A., c.1370, 214)

Laquelle [beste] l'en bat et menace. (Oresme, E.A.C., c.1370, 533)

Et les veneurs, aides et vallez doivent brisier les chienz en eulx menassant et disant 'Hou, hou, fi, fi, a la hart, a la hart !' (Gast. Phébus, Livre chasse T., 1387-1389, 176)

...autant eust il prouffité de menasser ung chien enragé ou aultre beste. (C.n.n., c.1456-1467, 518)

Menacer qqn de qqc. Faire craindre qqc. à qqn pour l'intimider.

Et quant il vit qu'il n'avroit autre confort, si fut moult courrouciez, car il vist venir vers lui la grant baronnie qui le menaçoient de mort (Bérinus, I, c.1350-1370, 378)

Daniel, enten ma pensee : Tu es des enfans de Judee Que mes peres amena ça, Quant il les prist et menassa De mort, se ses dieus n'aouroient Et se leur Dieu ne renioient. (Mach., C. ami, 1357, 28)

Sy auront frayeur du grant meschief dont Dieu lez menace. (Chart., L. Esp., c.1429-1430, 59)

Les diuines comminacions sont diuisees en trois, car Dieu menace les pecheurs de paines et afflictions temporelles, de obduracion de pensee qui est quant Dieu laisse la creature vser de son sens reprouue ; il menace aussi de dampnacion pardurable. (Cib., p.1451, 188)

...finablement ilz tirerent avant en pays manechant lez Crestiens de mort (Comte Artois, c.1453-1467, 88)

Menacer qqn de feu et de sang. Faire craindre à qqn toutes les horreurs, toutes les destructions possibles.

Et, en oultre, il menace de feu et de sang tous ceulx qui ne lui aideront ou dissimuleront, qui est chose dampnable, inique et detestable. (Fauq., I, 1417-1420, 33)

Emploi absolu.

Et pour ce que je t'ai acquis, Et que d'umble cuer m'as enquis Quelle deffense il te faudra Avoir, quant elle [Fortune] t'assaudra De l'ueil de sa darreinne face Qui fiert, einsois qu'elle menace, Si qu'il n'est homs qui amender Le puist, je te vueil demander, A ton avis, le quel tu tiens Estre milleur de ces deus biens, Ou le bien que tu ne porroies Perdre, ou celui que bien perdroies. (Mach., R. Fort., c.1341, 89)

Aussi tout tramble, nes li ange Qu'as enluminé de ta grace, Contre la vertu de ta face, Encontre ton ire importable Qu'est aus pecheurs mort pardurable, Qui ne menasse ne deffie, Mais ne soit pecheur qui s'i fie, Car qui s'i fie a mort se fiert Et fait ce qu'a faire n'affiert (Mach., C. ami, 1357, 53)

...car menacier et faire injures est plus voluntaire que soustenir paour et non flechir. (Oresme, E.A.C., c.1370, 314)

Gardez vous de trop menacier ne vanter, mais faictes vostre fait a pou de paroles ce que faire se pourra. (Arras, c.1392-1393, 153)

Sire chevalier, dist le roy, menassier povez vous assez, car autre chose n'emporterez vous de moy, car voz maistres ne voz menaces ne prise je pas un festu. (Arras, c.1392-1393, 158)

Sans menacer. Sans crier gare.

Mais Fine Amour Qui vit que pris estoie par le tour De Plaisance qui m'ot mis en sa tour, En remirant son gracieus atour, Sans menacier Un dous regart riant me fist lancier Par mi le cuer, et moy si enlacier, Qu'il me sousmist en son trés dous dangier, Sans repentir. (Mach., J. R. Beh., c.1340, 73)

Nompourquant le plaisant attrait, Qui m'art, qui m'esprent, qui m'attrait, Qui tant me nuist, grieve et detrait Et nulle fois ne s'en retrait, Est grant cause de mon contraire ; Car il ha, sans menacier, trait Mon cuer d'un si doleureus trait Que jamais le cop n'en yert trait, Eins nourrist en moy et pourtrait La mort qu'il m'en conviendra traire. (Mach., Les lays, 1377, 304)

...Pour ce à Tantale me compere ; S'en chant en mon jour darrenier : 'Dame, mort m'ont, sans menacier, Vostre dous oueil, vostre dangier Et vostre amour que chier compere'. (Mach., Les lays, 1377, 379)

Amours, vous venistes frapper Pieça mon cuer, sans menacer (CH. D'ORLÉANS, Ball. C., c.1415-1457, 152)

Proverbe. Tel menace qui a grande peur

Et si ay tousjours ouy dire que tel menace a la foiz qui a grant paour et qui puis est batus. (Arras, c.1392-1393, 226)

Ainsi comme vous oyez le roy Monbranc faisoit ses devises mais on dit a la foiz que tel menace, qui a grant paour. (Gil. Tras. W., c.1450, 172)

infinitif substantivé. Action de faire craindre qqc..

Damoiselle, vueilliez laissier, S'il vous plaist, vostre menassier ; Car ce ne vous puet riens valoir, Et il me fait le cuer doloir. (Mach., J. R. Nav., 1349, 218)

Soies humbles, courtois et frans Et de tes bons amis souffrans Et crueus a tes annemis. La ne soies lens ne remis, Et ne te venge par tencier, Par parole ou par menacier, Mais parle pou, fai ta besongne. Sages est qui einsi besongne. (Mach., C. ami, 1357, 126)

Et la dame s'escrie : 'laissiés vo manechier, Or ne me tués mie ! faites vo désirier.' (Baud. Sebourc B., t.1, c.1350, 380)

Menacer qqn (à)/(de) + inf.

...pour estre hors des mains des dessus diz, leur promist par force, pour ce que ilz la menaçoient de tuer et de jetter en l'eaue des fossez et batre se ainsi ne le faisoit, que jamais riens ne leur en demanderoit. (Reg. crim. Chât., II, 1389-1392, 510)

Messires Renauls de Ghinghant, lor chapitainne, entendi que il tretioient pour euls rendre. Si en fu durement courouchiés et maneça les plus grans mestres de la ville a faire coper les testes, et les appella fauls, mauvais et traittes (Froiss., Chron. D., p.1400, 535)

...car mesme avoit oy dire au Chancellier que, lui estans presidens en la Court, avoit esté menacié d'estre tué... (Baye, II, 1411-1417, 262)

Mal menaças onques Basille De destruire li ne sa ville (Mir. emp. Julien, 1351, 199)

...[il] menace sa femme de la tant batre que c'est rage (C.n.n., c.1456-1467, 28)

...l'oste fut par eulx contraint de l'enfouir (...) aultrement ilz le menassoient tuer. [Des ribauds ont tué un homme dans une auberge] (C.n.n., c.1456-1467, 551)

...il la menasse de tuer (C.n.n., c.1456-1467, 233)

...[il] cuidoit a bon escient (...) qu'il fust menacié de porter la paste au four pour le meffait d'aultry. (C.n.n., c.1456-1467, 245)

Et, le venredi ensuivant [13 septembre], vint et arriva es halles de Paris deux cens chevaulx tous chargez de marée et de toutes manieres et sortes. Et y vint aussi plusieurs saumons, esturgons et du herenc frès, en despit et maulgré de tous lesdiz Bourguignons, Bretons et autres ainsi estans devant Paris, qui avoient menacié ceulx de ladicte ville de leur faire menger leurs chas et leurs ras par famine. (Roye, Chron. scand., I, 1460-1483, 105)

Emploi absolu. Menacer de + inf.

...et que après pluiseurs paroles il avoit menacié de geter ledit Rose en la riviere (Fauq., I, 1417-1420, 222)

B. -[Le compl. d'obj. désigne le contenu de la menace] Menacer qqc./menacer que

1.Menacer qqc. (à qqn). Faire craindre qqc. (à qqn.).

...Fleuve de mort, mer de destruction Y a autour [de ma maison] qui y court soir et main Et grant peril manechant de la main, Dangier cruel tout enflambé d'occire (Taillev., Edif. hôt. am. D., p.1440, 269)

A chascun [le jeune homme] menasse la mort, Et s'en va courant d'uys en huys ; Quelcun l'assomme comme ung porc, Jeune fait mal et prent du pys. (Pass. Auv., 1477, 118)

Menacer qqc. + inf. à sens passif

Ton moustier voy et ta maison Menacié d'abatre et d'ardoir, De tel qui en a bien pouoir : C'est de Julien l'emperére. (Mir. emp. Julien, 1351, 181)

2.Menacer (qqn) que. Faire craindre (à qqn) que.

...Il [Esaü] te manace que une fois Te donnera le coup de mort. (Myst. Viel test. R., t.2, c.1450, 176)

De peur je ne faiz que trambler Pour les choses que j'ay songé, Car on m'est venu menasser Que Pilate sera dampné. (Pass. Auv., 1477, 167)

Et pour ce quant il pluit, nous vouldriesmes qu'il ne pluist pas, se Dieu voulsist, car par non vouloir sans condicion, pas ne descordons a la voulenté de Dieu, car ce n'est pas vouloir simplement, ce que Dieu ne veult simplement et absolutement, comme la sentence de Dieu en menasçant que aucunes fois il change et mue, quant les merites se muent, et tele voulenté menachable ne sommes tenus de vouloir. (Somme abr., c.1477-1481, 174)

...il avoit esté menassé par ledit admiral que, s'il le trouvoit, qu'il le feroit noyer. (Le Clerc, Interp. Roye, c.1502, 147)

Et en parla le roy à plusieurs notables gens de ceste matere, lesquelz la trouverent estrange, pour ce qu'ilz congnoissoient qu'elle n'estoit capable d'avoir lignée, et n'osoient parler nesung pour ce que le roy menassoit que tous ceulx qui vouldroient aller au contraire dudit mariage ne seroient point asseurez de leurs vies en ce royaulme. (Le Clerc, Interp. Roye, c.1502, 161)

C. -[D'une chose] Menacer qqn/à qqn

Être sur le point de s'abattre sur qqn.

...de riens n'a paour, nes de l'orreur de la mort corporelle qui tant briefment et certainement la menasse. (Gers., Purif., 1396-1397, 66)

A chascun menasse la mort, Et s'en va courant d'uys en huys (Pass. Auv., 1477, 118)

Constituer une menace, un danger pour qqn/une collectivité.

...ung comete enflambé et barbu, De nostre herbu champ, de flourons porvu, Nous avons veu maneschier le pays (Molinet, Faictz Dictz D., 1467-1506, 412)

Et ne voy tu venir la nuyt Et la mort, que tant nous menasse ? (Pass. Auv., 1477, 218)