DESFIER

verbe

[T-L : desfïer ; GD : desfier ; GDC : desfier ; AND : defier1 ; DECT : desfïer ; FEW (III, 500a) : *fidare ; TLF (VI, 942a) : défier1, défier2]

I. -[Idée de défi]

A. -Desfier qqn

1.Se dégager de ses devoirs de vassal et se mettre avec le suzerain en rapport d'hostilité.

...il prist un hiraut et l'endita et enfourma ; et l'envoia dedens Hainbon parler a la contesse de Montfort, et li renvoia son honmage et le desfia de ce jour en avant. A l'eure que li hiraus vint, la contesse estoit avallee jus dou chastiel en la ville, pour ordonner les logeis de ces signeurs chevaliers d'Engleterre, qui ja estoient entré ou havene de Hainbon. Si estoit si resjoie que elle ne fist compte des desfiances messire Gui, et dist que elle avoit gens assés sans li. (Froiss., Chron. D., p.1400, 525)

2.Par extension. Déclarer la guerre à qqn, provoquer qqn au combat, défier qqn.

Des maintenant je vous deffi Conme mon mortel annemi. (Dame Lycorne G., c.1349-1350, 302)

Et quant Aigres se senti a terre, si sailly sus moult vistement et s'en vint au conte par merveilleux aïr et lui dist : 'Sire, pour ce, se je suis cheüz, ne suis je mie mors ne prins, mais vous deffie tout de nouvel'. (Bérinus, II, c.1350-1370, 144)

...Paien, je vous deffy Ains que vous m'eschapiés, averés regehy Le fait lait et villain que vous avés basty. (Tristan Nant. S., c.1350, 198)

Je te deffy, traitre ; huymais Gars te de moy. (Mir. Oton, c.1370, 381)

...le duc de Guerles avoit deffiet le roy de France par deffiance impetueuse (Froiss., Chron. M., XIV, c.1375-1400, 228)

...le roy d'Ausay l'a demandee a femme, mais elle ne s'i est pas voulu assentir, pour ce que autrefoiz avoit esté mariez. Lequel roy d'Ausay en a eu tel despit qu'il a deffiee la damoiselle et son pays, et y est entrez a force, et banniere desploiee, faisant guerre de sang et de feu, par son oultraige, sans cause et sans raison (Arras, c.1392-1393, 150)

Nous ne devons pas courir sur ces gens sans les deffier. Il leur fault mander qu'ilz se gardent de nous. Et ceulx respondent que c'est raisons. Lors font faire unes lettres faisans mencion (...). Et a celle deffiance mirent leurs VJ. seaulx. (Arras, c.1392-1393, 284)

Et fu la en droit renouvellés et affremés uns estatus et jugemens qui aultre fois avoit esté dis et fais en la court de l'empereour liquels estoit tels: que qui voloit autrui grever ne porter damage il le devoit desfiier soufissanment trois jours devant son fait (Froiss., Chron. D., p.1400, 294)

Vous irés deviers mon adversaire Phelippe de Valois et li dirés de par moi que, pour tant que il a mis a mort vilainne si vaillans chevaliers et si gentils que chil estoient, de Bretagne et de Normendie, en mon despit, je di et voel porter oultre que il a enfraint et brisiet les trieuves que nous avions ensamble: si i renonche de mon costé et le desfie de ce jour en avant. (Froiss., Chron. D., p.1400, 599)

Le duc de Bourgongne, qui estoit en craincte très grande du commencement, envoya ung homme devers le connestable luy prier ne luy vouloir faire le pis qu'il pourroit bien et ne presser point asprement ceste guerre, qui luy estoit encommencée sans l'avoir deffié ne semons de riens. (Comm., I, 1489-1491, 180)

Sur ce passaige, fault encores dire ung mot de monsr le connestable, lequel estoit en grant pensée du tour qu'il avoit faict au duc de Bourgongne touchant Sainct Quentin et se tenoit desjà comme deffié du roy, car ses principaulx serviteurs l'avoient laissé, comme monsr de Janly et monsr de Mouy, lesquelz le roy avoit desjà recueilliz (Comm., II, 1489-1491, 33)

Pour l'acomplir je deffie et despite Tous les deables qui sont dedens enffer (La Vigne, S.M., 1496, 479)

[Dans un cont. métaph.]

Aveuc ce, douce anemie, Honte me maistrie, Paours me chastie, Desdaing me deffie Et Dangiers m'escrie Que nulle chose ne die Pour Refus qui m'assaudroit (Mach., Les lays, 1377, 302)

...maiz qui est chose moins feable que pecune, qui communement se amasse par la desloyaulté dez acquerans, et se garde par defiance dez reteneurs ? Sa nature est de couler comme l'eau, et espartir de legier comme argent vif. Elle guerroye et deffie celui qui la retient, et se estudie a renouveler maistres, et a soy logier en bourse nouvelle. (Chart., L. Esp., c.1429-1430, 104)

Sera elle point jamais trouvee Celle qui ayme loyauté (...) , Je croy bien qu'elle est deffiee Des aliez de Faulceté, Dont il y a si grant planté, Que de paour elle s'est mussiee. (CH. D'ORLÉANS, Rond. C., 1443-1460, 488)

Qui mal fait, il est deffiez Du Souverain de tout le monde. (Garin, Compl., 1460, 67)

Attaquer.

...Herbes et fleurs, parées de verdure Semblent belles et cleres au matin (...), Plus n'ont après le lustre matutin, Quant par chaleur elles sont deffiées. (Saint-gelais, Séj. honn. J., c.1490-1495, 189)

Desfier (un pays, une cité)

...ce n'est pas petite cose voirement a desfiier le roiaulme de France. (Froiss., Chron. D., p.1400, 250)

...car ung homme qui n'aura que luy et son varlet desfiera ung grosse cité et ung duc, pour myeulx povoir robber avec le port de quelque petit chasteau rochier, où il se sera retiré, ouquel il y aura vingt ou trente hommes à cheval. (Comm., II, 1489-1491, 210)

Desfier qqn à/de feu et à/de sang

...il vous mande que, tantost et sans delay, vous lui rendez [une région conquise] , comme raison est de ce faire, ou je vous deffie de feu et de sang. Et, se il y a chevalier en vostre court qui vueille dire du contraire que nostre duc n'ait droit contre vous, viengne esprouver son corps contre moi. Veés moy cy tout prest de le combatre (Cleriadus Z., c.1440-1444, 27)

...il retourna d'illec sur esperance de concquerre la ducé et comté de Vaudemont sur le duc René, qui l'avoit deffiét de feu et de sang devant la ville de Nuysse. (Molinet, Chron. D.J., t.1, 1474-1506, 111)

...et, tost aprèz, monseigneur Philippe de Clèves l'envoya deffiier de feu et de sang par Ravestain, son hérault (Molinet, Chron. D.J., t.1, 1474-1506, 412)

Desfier qqn de guerre

Ainsi di fy De mon cuer et plus ne m'y fy, Et de guerre a mort le deffy, Quant par lui tel folie fy Que je l'amay Le premier, ot deux ans en may ; De lors a amer entamay, Car onq autre ami ne clamay. (Chart., L. Dames, 1416, 289)

Emploi pronominal réciproque. Se desfier

A ce mot se sont deffié et s'en vindrent fierement brochant li uns vers l'autre, et Aigre assena Maligan de tel vertu, que le haubert lui a desmaillé, et lui coula l'espee parmi le corps, si que, pour le grant cop que li gloux reçut, il trebucha jus du cheval si durement que le col lui en rompi. (Bérinus, I, c.1350-1370, 272)

Estre desfié de + inf.

Et, le mardi ensuivant, jour Saint-Estienne, après Noel, oudit an LXXV, fut et comparut pardevant l'Ostel de ladicte ville de Paris ung chevalier lombart, nommé messire Boufile, qui avoit esté defié d'estre combatu à oultrance et en lisse de pié par ung autre chevalier, natif du royaume d'Arragon, qui audit jour y devoit comparoir ; mais il n'y vint point. (Roye, Chron. scand., II, 1460-1483, 2)

Desfier qqn de/par/de par qqn

Si vous mande monseigneur l'empereur que tout sanz guerre vous vous veniez rendre et mettre en sa mercy, et rendez a sa mere son heritage, ou autrement je vous deffie de par lui. (Bérinus, II, c.1350-1370, 165)

Sire chevalier, dist le roy, menassier povez vous assez, car autre chose n'emporterez vous de moy, car voz maistres ne voz menaces ne prise je pas un festu. Damp roy, dist le chevalier, je vous deffie de par les deux damoisiaux de Lusignen et tous leurs aidans. (Arras, c.1392-1393, 158)

En particulier. Desfier qqn de/de par une divinité/de la puissance de Dieu

Je vous deffi de Dieu, qui en crois fu pénés. (Baud. Sebourc B., t.1, c.1350, 316)

Vassaus, je vous desfi de Dieu primièrement Et puis du corps de moy ! (Baud. Sebourc B., t.2, c.1350, 436)

Je te deffy de par Mahon, mon dieu. (Arras, c.1392-1393, 231)

Or saches bien de certain que jamais ne me partiray de ceste place jusques a tant que je t'auray osté la vie du corps, et ayes pitié de toy, non pas de moy, car je te tien pour mort la ou tu es. Et presentement je te deffie de Dieu, mon Createur. Quant le jayant l'ouy, si ne s'en fait que rire et dist : Fol, se vient a la bataille, tu ne pourras endurer un de mes coups sans voler par terre. (Arras, c.1392-1393, 246)

Je te deffy de la puissance de Dieu, et te callenge mon droit heritaige. (Arras, c.1392-1393, 298)

Quant Carahus l'ot, sy l'at deffiet de son dieu Machomet et dist qu'il ravrat Ogier, veul[h] ou non. (JEAN D'OUTREM., Myr. histors G., a.1400, 52)

Desfier guerre par (un messager). Déclarer la guerre par (un messager).

Et disent que ce n'estoit pas cose apertenans, que guerre de si grans signeurs, comme dou roy de France et dou roy d'Engleterre, fust nonciée ne deffiée par un varlet. (Froiss., Chron. L., VII, c.1375-1400, 111)

Se desfier l'un l'autre

...pour laquelle chose se meu entre iceulz Peyreta et Montvent, suppliant, très grant debat, tellement qu'ilz se deffièrent l'un l'autre. Pour laquelle deffiance, icellui Peyreta pourtoit continuelment à sa saincture une dague et une espée en sa main à l'encontre dudit Montvent (Doc. Poitou G., t.9, 1450, 197)

Sans desfier. Sans déclarer d'hostilité.

Et se resgardés yes de l'autre, Garde toy ; car lance seur fautre, Se vient encontre toy combatre, Pour toy de toute honneur abatre, Sans menasse et sans deffier ; Si que tu ne t'i dois fier, Ne qu'en baston d'un champion. (Mach., R. Fort., c.1341, 88)

Einsi qu'il s'en aloit et passoit par les boys de Bondis, qui sont emprés Paris, et menoit un tres biau et bon levrier qu'il avoit, un homme qui le heoit par envie sanz autre raison, qui estoit apelé Machaire, si li courut sus dedanz le bois et le tua sanz deffier et sanz qu'il s'en gardast. (Gast. Phébus, Livre chasse T., 1387-1389, 110)

A ce parlement, qui fu en la ville de Mons en Hainnau, ot pluisseurs paroles proposees et remonstrees, et voloient li auqun baron dou pais que on envoiast soufissans honmes deviers le roi de France, a savoir si de li venoit li conmendemens d'avoir ars en le conté de Hainnau sans desfiier. (Froiss., Chron. D., p.1400, 355)

Et combien que, par sa cautelle, Fortune Le tienge un pou en sa brandelle, Toutefoiz elle est si perverse, (...) Que, sans deffier en nul cas, Descent li homs du hault au bas (Saint-andré, Livre Jean de Bret. C., c.1400, 430)

Si ouy ceste Orthia les nouvelles comment les Grieux, sans deffier, s'estoyent par nuit embatus sur leur terre, qui tout aloyent occiant. (Chr. Piz., Cité dames C., c.1404-1407, 689-690)

Desfiant. Qui déclare la guerre.

Emploi substantival.

Item deys le jour de huy en avant l'une partie desdiz seignours de Beaujeu et de Vilars encontre l'autre à quelque cause que ce soit qui avignyet par le temps avenir, celemant ou en apert, ne par fraut, ne par cautele, comme principas ne comme aydans ne puysse fere guerre que celi qui la voudroit fere ne le face savoir pour dedit et deffiance clere à l'autre contre cuy il la voudroit fere ung an par devant que il la comensoit, et dey le jour dou deffiemant et que celi qui voudroit fere guerre auroit deffié l'autre, le deffiant ne le deffiez ne puissient fere en aucune maniere guere li ungs encontre l'autre jusque uns ans antiers soit passés à compter deis le jour dou deffiemant (Titres Bourbon H.-B., t.1, 1378, 594-595)

...parlez aux Albins, qui sont aggresseurs et desfians, et les requerez comme voz parens, amis et affins, que point ne se combattent, mais qu'ilz facent paix avecques les Rommains, qui de par vous sont leurs prouchains. (Nouvelles inéd. L., p.1452, 81)

Desfié. Qui est l'objet d'une déclaration de guerre.

...li rois et li pais se tient a tous desfiiés sus les lettres que vous avés aporté. (Froiss., Chron. D., p.1400, 111)

Or se tint li rois Phelippes pour desfiiés dou roi d'Engleterre et des conjoins et ahers avoecques li en celle gerre. (Froiss., Chron. D., p.1400, 302)

'...Tenez vous tousjours sur vostre garde, ainsi que doivent faire gens de guerre ; car ilz se doivent tenir tousjours pour deffiez .' (Bueil, II, 1461-1466, 91)

3.Mettre qqn au défi.

Aussi tout tramble, nes li ange Qu'as enluminé de ta grace, Contre la vertu de ta face, Encontre ton ire importable Qu'est aus pecheurs mort pardurable, Qui ne menasse ne deffie, Mais ne soit pecheur qui s'i fie, Car qui s'i fie a mort se fiert Et fait ce qu'a faire n'affiert (Mach., C. ami, 1357, 53)

Desfier qqn de + inf.

Chascuns son compaingnon deffie De bien faire et de batillier, Pour les Sarrazins detaillier. (Mach., P. Alex., p.1369, 76)

Je ne voy rien qui ne m'anuye, Et ne sçay chose qui me plaise. Vouldroit aucun changer sa vie A moy, pour essaier mon aise ? Je croy que non, car plus mauvaise, Ne trouveroit, je l'en deffye. (CH. D'ORLÉANS, Rond. C., 1443-1460, 457)

B. -Par analogie. Desfier qqc. Faire fi de qqc..

Et contre reson serroit certes, si mes maux et mes biens feussent resonablement poisez, qe vous eussetz mercy de moy, car mult poise le male, et petit le bien, et il me semble qe j'ai diffié reson tout mon temps (Henri Lanc., Seyntz medicines A., 1354, 169)

Mais qu'il me tiengne de sa part, Les tourmens mondains je deffie. (La Vigne, S.M., 1496, 348)

II. -[Idée de défiance]

A. -Desfier qqn. Retirer sa confiance à qqn ; répudier qqn.

Mahon et Appollo deffie, Car Jhesucrist mon cueur reprend. (La Vigne, S.M., 1496, 449)

[Dans un contexte métaph.]

C'est le Temps qui celluy deffie Pour le plus fol qu'en luy se fie (Abuzé D., c.1450-1470, 44)

B. -(Se) desfier

1.Sans desfier. Avec confiance.

Loué soit Die[u], Nostre Seigneur, Qui ne veult nul temps oblier Ceulx qui l'aiment sans deffier ! (Pac. Job M., c.1448-1478, 392)

2.Se desfier de qqn. Ne pas faire confiance à qqn.

Sy me desfie de Jonesse Et me mis en seulë adresse, Adfin quë il ne peust sçavoir Quel vouloir je vouldroie avoir. (Courcy, Chem. vaill. D., 1424-1426, 31)

A toy se reclament ceulx qui par la tempeste de mer sont degettez de vagues et des vens ; en toy se asseurent ceulx que lez ceps et les manicles tiennent esliennés es tenebres des prisons ; et encore ne te pevent desavouer ne soy deffier de toy ceulx qui entre lez tourmens vont mourant en veulx et en regretz. (Chart., L. Esp., c.1429-1430, 91)

Qui te peult doncquez en terre remouvoir de ta fiance, quant ton espoir est fondé es cieulx, ou pour quoy te deffiez tu de celuy en qui demeure eternellement invariable seurté, et certaineté estable. (Chart., L. Esp., c.1429-1430, 92)

Ayes semblablement ferme attente a ce que tu requiers, car l'oreison ne proufite, si non en tant que la foy du requerant lui donne de merite. Car doit bien perdre le don qui se deffie du donneur, et follement demande qui pense estre escondist. (Chart., L. Esp., c.1429-1430, 164)

Je ne scay, trop fier est Chacun, Ce n'est pas grant sens, De Chacun se fault deffier. (Sots triumph., c.1475, 38)

Se desfier. Se méfier.

...car trouvèrent tout le surplus bien disposé, excepté en ces menus débas : là se deffioient. (Chastell., Chron. K., t.3, c.1456-1471, 338)

Se desfier l'un de l'aiutre

Ces allées ne plaisoyent pas à tous, et commançoient ja ces seigneurs à se deffier l'ung de l'autre et à se laisser ; et n'eust esté ce qui survint peu de jours après, ils s'en fussent tous alléz honteusement. (Comm., I, 1489-1491, 77)

3.Se desfier de/en qqc. Se méfier de qqc..

CONSCIENCE : Je respons qu'il me samble bien que incomparablement il doibt plus soy confier en misericorde que desfier : car infiniement la pitié et misericorde de Dieu excede toutes noz miseres et pechiez (...) RAISON : Et comment se confient de la misericorde de nostre Seigneur, en ce cas et en ceste matiere, ceulz et celles de quy tu affermes plus qu'ilz ne craindent et se deffient, veu que seule crainte de leurs pechiez les esmeut et provocque a abstenir plus que toute la multitude de divine miseration ne les console et incite a recepvoir ? (Traité S. Sacr. B., c.1450-1500, 172)

'...vous ne vous devez fier ne deffier en la parolle de vostre ennemy. Tenez vous tousjours sur vostre garde, ainsi que doivent faire gens de guerre ; car ilz se doivent tenir tousjours pour deffiez.' (Bueil, II, 1461-1466, 91)

Et trouverent prés du fleuve qui se disoit Ebra en Cesarie les Sarrazins, qui se repousoient et bevoyent et mangoent a leur ayse, sans eulx deffier de riens. (Bagnyon, Hist. Charlem. K., c.1465-1470, 213)

...ledict de Cravant, soi deffiant de son droit, a par plusieurs voyes exquises et cavillations empesché que nostredict cousin n'a peu avoyr les bulles de sadicte provision (Lettres Ch. VIII, P., t.3, 1490, 67)

Douter de qqc..

...ainsi ne se fault il point deffier de tout quanque il est escrip es deulx Testamens, car le Vieulx estoit figure du Nouvel (Crap., Cur Deus, De arrha B.H., c.1450-1460, 257)

A toy mon Dieu je me rends couppable, je ne me deffie mye de ta misericorde : tu es piteux et es venus pour les pecheurs, tu as perdonné a la Marie Magdalayne, au bon larron en l'arbre de la Croix, pour ce qu'ilz se retournerent a toy. (Bagnyon, Hist. Charlem. K., c.1465-1470, 209)

Se desfier de + inf. Douter que.

...ne me puis défier doncques, qu'en ensieuvant le titre de vos vieilles moeurs, ne les doyez desployer aujourd'juy semblables à vostre nature, qui envers amis et ennemis avez grâce et fait d'avoir esté piteux et tyrable à clémence, à oyr constamment excusation, à vérité sentir et entendre (Chastell., Chron. K., t.4, c.1456-1471, 290)

C. -Desfiant/desfié

1.Desfiant. Méfiant.

Et cuidoit que se les roys fussent diffians ou qu'il ne se confiassent l'un a l'autre que ce fust le salut de la cité. (Oresme, Pol. Arist. M., c.1372-1374, 104)

2.Desfié. Qui n'a pas confiance, découragé.

Gens lassés et recreus, Deffiez et mescreus, Et de vertu descreus, Qui a souffrir ne s'aprennent, Et lez biens qu'ilz ont eus Et par grace receus, Ont trop tost descongneuz, Sans savoir dont ilz lez prennent, De legier vers Dieu mesprennent, Et d'espoir tost se desprennent, Quant fortunes lez surprennent, Tost sont en ire cheuz. (Chart., L. Esp., c.1429-1430, 93)

Desfié de qqn/qqc.

Qui n'a pas confiance en qqn/qqc..

...chalenger le boneur sans pourchas et sans explect est plus presumption que esperance ; et soy frauder de esperance par crainte trop paoureuse et pusillanimité deffiee de Dieu est lacheté de courage recru de bonne foy. (Chart., L. Esp., c.1429-1430, 103)

Qui ne peut plus compter sur qqn/qqc..

Qui n'a a soy mesme amitié De toute amour est deffïez ; Et se de vous n'avez pitié, D'autruy pitié ne vous fïez. (Chart., B. Dame, 1424, 354)

Et comme nagueres la memoire des choses passees, l'espoventement des disposicions presentes et l'orribleté des perilz advenir eussent reveillié tous mes douloureux regrés, mes adolees ymaginations et ma paour deffiee de seurté, je demouray comme homme esperdu, le visage blesme, le sens troublé, et le sanc meslé ou corps. (Chart., L. Esp., c.1429-1430, 3)

Dy moy, homme despourveu de refuge et deffié de secours, en quoy peulz tu avoir maintenant ta seurté, ne ou fiches tu l'atente de ta fiance ? (Chart., L. Esp., c.1429-1430, 12)

Si apperceut que l'en ne combatoit que devers les Egipciens, lesquelz aussi deffiez de leur puissance ralierent leur bataille tout en ront, et laissans de combatre se tenoyent tous quoys, couvers de leurs pavaiz (Vasque De Lucène, Cyropédie G.-G., 1470, 236)

Découragé par qqc..

Car l'appetit avaricieux dez ecclesiastes a si surmonté leur rayson que leur damnation y giest manifestement, et si fait la destruction temporelle d'un chacun ; qui est et peult estre vituperé, et l'onneur universel de l'Eglise dechoir ou deprimement de foy, et principallement des ecclesiastes, qui ces maulx commencerent. Douleur me fait ce dire. Car je suis deffiee de leur durté, qui a bien jugier approuche hastivement sur eulx en toute desesperance. (Chart., L. Esp., c.1429-1430, 178)

Desfié de + inf. Qui desespère de.

...et si te rendent tes pechiez et l'orreur des cruaultez de ta compaignie indigne d'avoir la grace de bien faire, deffiez et descouragez d'avoir victoire sur tes ennemis, et en la fin te mectront a confusion, se par meilleur adviz n'y donnes aucun prochain remede. (Chart., Q. inv., 1422, 40)