SCELLER

verbe

[T-L : sëeler ; GD : seeler2 ; GDC : seeler ; DECT : sëeler ; FEW (XI, 595) : sigillum ; TLF (XV, 157b) : sceller]

Emploi transitif.

A. -Apposer un sceau sur qqc..

1.Marquer d'un sceau (un document, une lettre...) pour l'authentifier, le valider, le fermer.

...une lettre de grace scellee en cire vert et en laz de soie (Phil. Vi Valois, Lettres closes C., 1330-1349, 82)

...nous donnons en commandement au saelleur du roy à Poitiers establi, que il en ces presentes lettres, les quelles nous avons seellées de notre seel, à la certification des dites choses, appouse le dit seel royal (Doc. Poitou G., t.2, 1338, 139)

...ilh fist lire pardevant li le dit testament et de son saiaul saieleir, il ratefiat ledit testament et dest expressement que chu que devens astoit contenut et escript astoit sa deiraine volenteit (Hemricourt, Pièces div. B.P., 1338, 53)

SECOND DYABLE. (...) Elle vous ara en convent Que jamais plus n'en priera, Mais convenir vous en laira A faire ent vostre voulenté. PREMIER DYABLE. Escript l'avray et seellé, Se je le fais, sur mon seel. (Mir. enf. diable, c.1339, 22)

Quant il ot merencolié, Pensé, musé et colié, Tant qu'il ne savoit mais que dire, Tantost fist une lettre escrire. Moult bien la seela et ploia, Et au gentil roy l'envoia. Vesci la teneur de la lettre, Car je n'i vueil oster ne mettre. (Mach., P. Alex., p.1369, 228)

Une autre lettre estoit enclose En ceste ci qui portoit glose, Dont li bons roys moult se merveille, Et je aussi en ay grant merveille, Qu'elle n'otoit gaaing ou perte, Et s'estoit seelée et ouverte. (Mach., P. Alex., p.1369, 230)

Quant tout fut escript et cancellé, que riens n'y eult que dire, le conte de Guerles et ses proismes, qui dedens ces lettres estoient escriptes et denommez, scellerent (Froiss., Chron. M., XIV, c.1375-1400, 149)

...le duc de Guerles avoit deffiet le roy de France par deffiance impetueuse .... Bien est verité que j'en vey aulcunes cedules jettées et escriptes en pappier, et disoit-on que ce en estoit la propre copie ; mais pour tant que je ne les vey mie sceellées ne approuvées, ainsy comme telz choses doivent estre... (Froiss., Chron. M., XIV, c.1375-1400, 229)

...et aussi ne sont point creables ne recevables memoires ne aucunes actes de procés, se il ne sont en parchemin signéz et seelléz. (Cout. bourg. glosé P.M., c.1380-1400, 124)

Et escrisi lettres et seella, qu'il envoya a Gieffroy et aux barons du pays... (Arras, c.1392-1393, 271)

LE SAINT PERE. Faites les [les bulles] lui tost ordonner, Grossaire, avanciez sa besoigne. LE GROSSAIRE DU PAPE. Pere Saint, ne fault qu'il en soigne Car ja sont faittes et grossees Et en las de soye sellees. Vez les [les bulles] ci, mon seigneur, tenez ! (Gris., 1395, 74)

Li dus tantos li acorda [un sauf-conduit] et li dist : Faites le escripre dou mieuls que vous poés, nous le saiellerons. Ce nous monte petite cose, qant ils, li vintime tant seullement, voelt courtoisement passer parmi le roiaulme de Franche. (Froiss., Chron. D., p.1400, 753)

Item, a requiz ledit procureur general que le Chancellier seellast certeinnes lettres executoires d'aucunes ordonnances royaulx (Baye, II, 1411-1417, 200)

Messire Jehan de Villiers, segneur de l'Isle Adam, a presenté en la Court lettres du Roy seellées de seel de secret pour estre receu à l'office de mareschal de France (Fauq., I, 1417-1420, 139)

...l'Université avoit entendu que on avoit seellé et publié à Paris certaines royaulz ordenances touchans les aquisicions et amortissemens des rentes et heritages de l'Eglise (Fauq., III, 1431-1435, 66)

...Guilbert Dausque, (...) garde du seel royal de la baillie d'Amiens, estably en la ville et prevosté de Monstreul pour seeller et confermer les contractz, convenences, marchiéz, obligations et recongnoissances qui sont et seront faictes (Hist. dr. munic. E., t.3, 1451, 501)

...et avec ce luy monstre ung blanc signé et scellé de luy pour faire obligacion de la somme de trois mil escus envers ledit Jacques Cuer et aussi certaines cédulles, signées de sa main, de certaines briguandines par luy données (Aff. Jacques Coeur M., 1453-1457, 107)

Pour chacun desquelx seaulx, ceulx, qui leveront leurs tictres et les feront seeller, paieront de vingt lb. tournois et au dessoubz, six d. tourn. et au dessus, pour chacun vingt s. tourn., ung d. (Hist. dr. munic. E., t.1, 1481, 456)

Bon acte avons tout signé et seelé Où escripte est leur detestable offence. (Cene dieux, c.1492, 140)

Lequel arrest fut donné pour ce qu'il fut recellé par ledit de Meleun une depposicion d'enqueste faicte en la cité d'Ast par maistre Pierre Doriolle, conseillier de la court de parlement, d'un nommé messire Regnault du Dresnay, chevallier ; laquelle depposition signée et scellée dudit conseillier, avoit esté baillée par le roy audit de Meleun pour joindre au procès dudit de Chabannes, ce qu'il ne fist (Le Clerc, Interp. Roye, c.1502, 162)

En laditte année mil IIIIcLXVII, le roy, tenant ses estatz à Tours, le XIIIIe jour d'avril, loua [et] ratiffia les lettres de restitution, reintegracion et delivrance faicte audit conte de Dampmartin, grant maistre d'ostel de France, de toutes ses terres et seigneries, et luy en bailla troys lettres seellées à doubles queues et cyre jaulne. (Le Clerc, Interp. Roye, c.1502, 207)

Sceller du sceau (de)

En tesmoing de ce, nous, a la relacion d'iceus clers notaires jurez, avons fait seeller ces presentes lettres dou seel de la prevosté de Paris (Chartes Abb. St-Magl. T.F., t.3, 1330, 19)

Et vesci la teneur des lettres qui estoient ouvertes et encloses dedens les premieres, et seellées dou seel le signeur de Lespaire. (Mach., P. Alex., p.1369, 230)

Et nous, Pierre le Mere, a present garde des diz sceaulx, a la relacion dudit juré, avons scellees ces lettres des diz sceaulx, le mardi huitiesme jour du mois de decembre, l'an de grace mil trois cens quatrevins et trois (Chartes Abb. St-Magl. T.F., t.3, 1381, 514)

...ledit Charlot et Loys Le Convers alerent par devers il qui deppose en son hostel, et lui baillerent unes lettres closes seellées du seel secret du roy nostredit seigneur, et signées de son saing manuel (Reg. crim. Chât., II, 1389-1392, 20)

Et de ce prennez bonnes lettres et bonne chartre seellee du grant seel de la dicte conté et des seaulx des pers du dit païs. (Arras, c.1392-1393, 31)

...lesquieulx firent une conjuracion disant entre eulx estre bons et loyaulx au roy Richard et fut faicte lectre, scellée de leur seaulx, et qu'ilz ayderoient à remectre le roy Richard en son royaume et seigneurie (Simon De Phares, Astrol., c.1494-1498, f° 149 v°)

Emploi absolu.

Et tout le fait lui ordonna : 'Qu'il escripsist et seelast, Partout ordenast, et alast La ou il avoit seigneurie...' (Chr. Piz., M.F., II, 1400-1403, 265)

Premièrement, le douziesme jour de novembre on seella en la chancellerie à Paris en nom du dit roy Henry, du seel de Chastellet, jucques à ce que le grant seel fust fait. Et mettoit-on ou tiltre : Henry, par la grace de Dieu, roy de France et d'Angleterre, et au dessoubz : Donné soubz nostre seel de Chastellet de Paris, et de nostre regne le premier (Chart. J., Chron. Ch. VII, V., t.1, c.1437-1464, 29)

Comment le roy d'Angleterre se intitula roy de France et comment on seella en la chancellerie en son nom. (Chart. J., Chron. Ch. VII, V., t.1, c.1437-1464, 29)

Emploi pronominal à sens passif.

...il a esté fait ordonnance en nostre dicte court, par laquelle a esté dit que, dès lors en avant, ne se seeleroit nulles lettres, sinon sur le bureau d'icelle (Lettres Louis XI, V., t.3, 1465-1469, 213)

[Dans un cont. métaph.]

...là Estoit le signeur de Lesparre, Qui sa bouche pas bien ne barre, Car s'il l'eust très bien barrée Et de sylence seellée, Il n'eüst pas dit les paroles Qu'on tint pour nices et pour foles, Qu'il avoit parlé rudement Au roy de Chypre, et folement, Et en champ l'avoit appellé (Mach., P. Alex., p.1369, 224)

2.Apposer les scellés sur (une porte, un coffre, des biens, un lieu...), pour garantir à la justice qu'il n'a pas été ouvert, mettre qqc. sous scellé.

Et si povons aussi conclurre que, sanz prejudice du juge seculier, lez officiaux dez prelas puent faire sceller lez maisons dez clers, en la terre et en la juridiction du Roy et dez aultres seigneurs terriens. (Songe verg. S., t.2, 1378, 174)

...IIJ seaulx qui furent audit feu arcevesque, pesans un marc IIJ onces V esterlins, estans en un coffret de cuir fermant seellé du signet de feu messire Pierre d'Orgemont (Baye, I, 1400-1410, 325)

...la Court fist venir en ladicte Chambre de Parlement maistre Jehan Milon, examinateur de Chastellet, lequel, par le commandement du prevost de Paris, avoit seellé huys et coffres en l'ostel dudit feu du Boc (Fauq., I, 1417-1420, 176)

Le procureur du Roy dit que l'execucion dudit testament d'icelluy feu de Vitry est soubzmise à la Court de Parlement, à laquelle appartient de faire seeller et inventorier lesdis biens, et non à l'evesque. (Fauq., III, 1431-1435, 139)

Pour ung rapport fait par Perrin Porré, sergent adverge, d'avoir scellé le molin que souloit tenir en son vivant ledit feu Jehan Costeret, lequel fut à feu Bastien de Rampan, et lequel, tantost après la mort dudit Costeret, fut scellé à leur requeste desdits Prevost et eschevins, des executeurs de feu Robert Louvel et de sire Jehan Luillier, clerc et receveur à present de ladite ville, et sur icelluy scellement avoir fait ouverture par leur ordonnance (Comptes Paris V.L.D., t.1, 1446-1447, 518)

Dit qu'il croit que tous les biens qui estoient ou dit hostel au temps de la venue dudit Bérard luy furent monstrez et vit tout, car incontinant qu'il fut arrivé ou dit hostel, il scella les coffres et chambres (Aff. Jacques Coeur M., 1453-1457, 152)

...tous les biens dudit Jacques Cuer estoient soubz la main du Roy et estoient tous scellés. (Aff. Jacques Coeur M., 1453-1457, 166)

3.En particulier.

a)Apposer son sceau sur un objet.

Sceller de son anneau

Daires commanda qu'on preïst La pierre et qu'on la remeïst Dessus l'entree de la fosse. Car il vuet savoir, qui qu'en grousse, Et vëoir que ce devenra Et quel fin la chose penra. Si seëla de son anel La pierre moult bien et moult bel. Aussi firent si consillier. Mais ne s'en doit nuls mervillier, Qu'il ne voloit qu'on li peüst Meffaire, qu'il ne le sceüst. (Mach., C. ami, 1357, 40)

b)DRAPERIE Apposer un sceau sur un drap pour attester de sa qualité, pour l'authentifier.

À Lambiersart, pour chire vert à seeller les draps de Normendie, 2 s. (Hist. industr. drapière Flandre E.P., t.3, 1341-1342, 31)

...volons que tout li draep que on sellera de dues seels de plonc soyent eswardeit à une perche par dues pruedommes que de par nous y serront establiit et sermenteit (Hist. industr. drapière Flandre E.P., t.3, 1363, 39)

...fist ledit Thévenin par un sergent séeler le premier drap par lui acheté (Ch. VI, D., t.2, 1386, 160)

Des deux gros que monseigneur prent de nouvel sur chascune paire de draps qui sont ployez et scellez en la ville de Courtray par certain traictié fait entre mondit seigneur et les drappiers (Comptes Etat bourg. M.F., t.3, 1416-1418, 66)

c)MÉDECINE Terre scellee. Terre ocreuse argileuse garantie par un sceau et employée en médecine.

...Et autres valent proprement À médicine seulement Comme la terre appellée Vulgairement terre séellée, Bole d'Arménie et triacle, Et agaric, sans point de macle (La Haye, P. peste, 1426, 124)

B. -Par extension.

1.Fermer qqc., un lieu, hermétiquement.

Vezci un sac seellé de cire : Qu'est ce dedans ? Sont ce deniers ? (Mir. Rob. Dyable, c.1375, 13)

...ycellui Jaques congne[ut] avoir, des biens dudit feu Guillaume, un sachet de cuir seellé, ouquel fut trouvé, par les dessus diz, une sainture à usa[ge] de femme (Reg. crim. Chât., I, 1389-1392, 35)

Et aprez le service fu enseveliz le corps, et bien seellee la sepulture par dessus, qui fu riche et noble selon l'usance du temps de lors... (Arras, c.1392-1393, 292)

Car en tel cas est le conseil, En quelque point soit le Soleil, De clorre tousdiz celle part Où le dangier a son esgart, Sauf par art céler ou vitrer Aucuns lieux, pour administrer Aucune clarté ou lumière En l'ostel par quelque manière (La Haye, P. peste, 1426, 78)

2.Fixer qqc. solidement.

...deux çaintures d'argent qu'il embla aussi, dont l'une est sur son hoste du Signe, en la rue Saint-Jaques, demi an a ou environ, et est seellée si comme il dit (Reg. crim. Chât., I, 1389-1392, 29)

...le pierre (...) en l'aniel saielee. (Jourd. Blaye alex. M., a.1455, 623)

...à l'environ de ladicte fontaine du Ponceau, en la rue Saint Denis, pour avoir scellé les barres de bois qui y ont esté mises, contenant 7 toises de tour sur 4 pieds de lé, valent 4 toises demye 6 pieds (Comptes Paris M., t.2, 1458-1460, 189)

Fixer qqc. solidement (dans un mur).

... [elle] vint au bout des degrez en hault de sadite chambre contre un huis qui estoit plastré et seellé, et oy que moult esfréement on hurtoit à son huis (Reg. crim. Chât., II, 1389-1392, 508)

Assembler, fixer (des choses) au moyen de ciment.

Et le ciment conroyeroient, Pour saëler par les jointures L'une a l'autre les pierres dures. (Chr. Piz., M.F., II, 1400-1403, 150)

...de pierre cuite, Dure et fort a ciment seellee Fu la tour jadis (Chr. Piz., M.F., II, 1400-1403, 152)

...de celui inconvenient bien gardoient les anciens leurs forteresses, car ... bon betun et ciment si fort scelloient les maçonnages, par especial des fondemens de leurs forteressez que garde d'estre perciéz n'avoient (Chr. Piz., Fais armes cheval., 1410, 51v°)

3.[Sens grivois]

Je viens d'avec[que] ta femelle, J'ay tant scellé que plus n'en puis. (Sots, c.1480-1500, 263)

C. -Au figuré. Confirmer (par un document scellé), promettre, confirmer solennellement.

Au jugement dez pers de Franche le garnie, En feroient ung roy tenant la signourie (...). Et la fu saiellet, n'est nulz qui le desdie, De la cort dez barons et par foy fianchie. (Hugues Capet Lab., c.1358, 233)

Devers le soudan s'en alerent Et à son conseil besougnierent Si bien, que bons acors fu fais De tous delis, de tous meffais ; Et des IJ. pars fu acordé, Escript, seellé et juré. Chascuns seur sa loy l'afferma Et li soudans la conferma. (Mach., P. Alex., p.1369, 222)

Et par coy la chose ait durée, Tuit li milleur de la contrée Et les villes l'ont seellé, Par leur foy et par seellé, Tous ensamble, c'est assavoir Que c'est au roy et à son hoir. (Mach., P. Alex., p.1369, 223)

...quant vous arés seellé ce que les lettres contiennent, grans alliances qui isont... vous serés grandement conforté dou roi et des Englois (Froiss., Chron. R., XI, c.1375-1400, 28)

Sceller qqc. à qqn

Li rois dans Piètres... sella et acorda au roy de Navare et à ses hoirs pour tenir hiretablement, toute la terre dou Groing (Froiss., Chron. L., VI, c.1375-1400, 209)

...il leur eut en couvent et seella pour estre à ce parlement (Froiss., Chron. L., VI, c.1375-1400, 209)

Sceller que

...li rois d'Engleterre respondi as Flamens, par l'information faite et donnee des signeurs desus dis, que se il li voloient jurer et seeler que il li aideroient a parmaintenir sa gerre, il entreprenderoit tout ce de bonne volenté, et aussi il lor jurroit a aidier a recouvrer Lille, Douai et Bietune. (Froiss., Chron. D., p.1400, 341)

Sceller des personnes. Lier (par un traité).

Perrot respondy à ces parolles et dist que, ... quant ilz seroient en traittié juré et sceelé ensamble, ilz le tenroient de leur partie bien et loyaulment, (Froiss., Chron. M., XIV, c.1375-1400, 226)

Sceller avec qqn. Conclure une alliance avec qqn.

Chil de Nantes... sont cil qui premiers seellèrent avoecques les autres bonnes villes de Bretaigne (Froiss., Chron. R., X, c.1375-1400, 4)

Remarque : Est-ce ce verbe, au sens B 2, ds l'ex. suiv. (?) : Percef. Compl. R., c.1450 [c.1340], 605 (...le chevallier, qui estoit fort et viste, sailly en piés l'espee ou poing, si se trest vers le perron, le destre bras levé atout l'espee, et fiert sur le croc ou l'anel estoit attachié de tel randon que l'achier ceule dedens le perron jusques a demy pié pres des heuz) ; cf. Percef. IV, R., c.1450 [c.1340], 1128-1129 (Gallaphur s'en vint donner tel coup au crocq dont les chaines estoient atachiez qu'il embarra son espee demy piet dedens le perron).