ENTERINER

verbe

[T-L : enteriner ; GD : enteriner ; GDC : enteriner ; AND : entermer ; FEW (IV, 735a) : integer ; TLF (VII, 1209a) : entériner]

A. -Réaliser, accomplir qqc..

1.Accomplir (ce qui est exigé par un acte juridique, administratif...).

...et toutes les choses contenues ou dit traictié, tenir, enteriner et accomplir, si comme nous l'avons juré et promis à faire (Responses roy de Fr. D., 1362, 82)

'Toutes lesquèles coses en ces presentes lettres escriptes, nous, rois d'Engleterre dessus dit, volons (...) tenir, garder, enteriner et acomplir sans fraude et sans mal engin de nostre partie.' (Froiss., Chron. L., VI, c.1375-1400, 16)

'Saciés que c'est (...) pour enteriner grans alliances, que nostre signeur de père le roy d'Engleterre et li rois dans Piètres ont eu de jadis ensamble.' (Froiss., Chron. L., VII, c.1375-1400, 29)

Et disoit qu'il ne lui avoit pas enteriné le traictié qu'il lui avoit promis, quant il fut fait duc (Chron. Valois L., c.1377-1397, 320)

...car dez plus notables de son lygnage, et deux bourgoys de chascune cyté de son royaume alerent en Engleterre pour tenir obstage, juques a tant que le dit traitié fust, de point en point, tout aconpli et enteriné. (Songe verg. S., t.1, 1378, 272)

...par la grant deliberacion de nostre grant conseil (...) eussent esté faites certaines ordonnances et publiées entre les autres ordonnances et ediz perpetuelz, desquelles cy aprés est faite mencion, et depuis soit venu à nostre notice et aussi de nostre conseil que les dites ordonnances n'ont point esté ne ne sont tenues, acomplies ne enterinées (Cout. bourg. glosé P.M., c.1380-1400, 82)

...vous mandons et à chacun de vous, que, ou cas exprimé et narré en ladite grace, vous ycelle laissiez et souffrés enteriner et executer selon sa fourme et teneur (Trés. Reth. S.L., t.2, 1388, 356)

...nous vous tauxons a restituer a ma damoiselle tous ses dommages, tant de larrecins, comme de pillaiges de proies, de bestes et de toutes autres choses, au regart de preudes hommes, dignes de foy, qui seront esleuz pour le dommage tauxer ; et de ce vous livrerez bons hostages et le jurrez par vostre foy et sur Sainctes Euvangiles, et par vostre seelle, a emplir et enteriner tout ce dessus dit. (Arras, c.1392-1393, 168)

2.Réaliser, accomplir (une tâche, une oeuvre, un projet...).

De sa naissance [d'Alexandre] hot moult grant joye Roy Philippe, qui querre envoye Sages, pour bien l'endoctriner. En trestous cas enteriner Nature el [l. le] voult, n'y failly mie, Car scïence luy fu amie Et chevalerie (Chr. Piz., M.F., IV, 1400-1403, 31)

...j'ay acommiz et faiz me suis de bon et vray cuer expousé de fere et enteriner le dit saint voyatge et passatge d'outremer visiter le saint Sepulcre Nostre Seigneur (Caumont, Voy. N., p.1420, 11)

Et quant l'euvre est haulte, louable et digne, S'on l'entreprent sans ce qu'on l'enterine, C'est reprouche de lasche oultrecuidance. (Chart., B. Nobles, c.1424, 409)

...comme nulle amour ne pourroit estre plus enterinée que par alliance de mariage, ledit roy d'Angleterre désiroit qu'il voulsist entendre au mariage de la damoiselle de Bourbon sa nièce avecques luy... (Chastell., Chron. K., t.4, c.1456-1471, 157)

Emploi pronominal réfléchi.

Se perfectionner.

Se doit-on de cascun apprendre, Qui se voelt au bien faire prendre ; Car grant mérite, voir, acquert : Tost le troève qui bien le quert. Se se doit-on entériner A faire bien et encliner. (Gilles Le Muisit, Poésies K., t.1, c.1347-1353, 16)

S'accomplir.

...Sans bonne ame, ja corps n'aura bon port. Finablement par elle se enterine Ou bien ou mal, selon saincte doctrine ; Le corps va bien, se l'ame a sauveté. (Prières saints R., t.2, 1400-1500, 211)

Fixer, déterminer qqc. (ici, la nature, la quantité de qqc.).

Celleniers doit avoir solas en le quisine, Cuisenier delivrant, bien fasant l'officine, Qui les vivres partout loialment entiérine Et fache les despens dont li celleniers fine. (Gilles Le Muisit, Poésies K., t.1, c.1347-1353, 165)

3.Accomplir, réaliser (une promesse).

...Et je vous tieng a si vaillant Que vous ne serez pas faillant D'enteriner vostre promesse. (Desch., Oeuvres R., t.8, c.1370-1407, 51)

...et ce jour mesme[s], au soir, espierent ycellui feu Cloz, pour vouloir enteriner leurs promesses (Reg. crim. Chât., I, 1389-1392, 101)

Et pour tant je te deprie, mon doulx Sauveur Jhesucrist, qui deis, 'Quelconque chose que vous demanderés a mon Pere en mon nom vous sera ottroyé,' que ta sainte parole soit en moi enterinee, car a toi Deité eternelle, je demande pardon. (Chr. Piz., Psaumes allég. R., 1409, 97)

Je te requier, mon redempteur, Que soit en moy enterinée Ta parole , mon doulx saulveur. [La parole évoquée est : 'Demandez, vous obtiendrez...' (Luc 11, 5-13)] (Prisonn. desconf. C., c.1488-1489, 52)

4.Exécuter (une sentence).

Veues lesquelles confessions faites par ledit prisonnier, et ouyes icelles oppinions, ledit mons.. le prevost dist que, quant de present, l'en surseroit d'acomplir et enteriner aucun desdis jugemens (Reg. crim. Chât., I, 1389-1392, 237)

Et ainsi fu jugié et condempné ledit prisonnier, et en sa presence, par ledit mons. le prevost ; et ledit jugement, d'estre rez tout jus, enteriné, executé et acompli assez toust après ledit jugement, et oudit jour d'uy. (Reg. crim. Chât., I, 1389-1392, 296)

Ce jour de dimenche, en enterinant ledit jugement interlocutoire, par devant ledit lieutenant, en la presence des dessus nommez, fu mandé le prisonnier dessus nommé (Reg. crim. Chât., II, 1389-1392, 459)

Il est vray que le pape lui avoit enjoint penitence pour le parjur qu'il avoit fait a ta mere, laquelle il n'avoit pas enterinee. (Arras, c.1392-1393, 300)

Jehan Du Bois, (...) se submist et obliga tenir, enterigner et acomplir sans enfraindre telle prison qui (...) luy sera bailliée et ordonnée (Rouen temps Jeanne d'Arc L., 1421, 40)

5.Accomplir (un désir, une demande, une volonté, une exigence morale).

E ! dame, s'il vous plaist, pour Dieu, Prestez m'hui mais lieu pour jesir : Que Dieu vostre plus grant desir Vous enterine. (Mir. st J. Cris., c.1344, 286)

Et aussi moult bien me tenoie D'enchëoir en cause contraire De tout ce qui li devoit plaire, Sans nulle heure estre negligens, Mais toutes heures diligens De trés tous ses bons acomplir, Enteriner et raëmplir, Quant il en estoit lieus et temps, A toutes heures competans, Fust tost, fust tart, fust jours, fust nuis, Car ce ne m'estoit pas annuis. (Mach., D. Aler., a.1349, 277)

...l'un [commandement] est de vivre honnestement ; L'autre que on ne face injure ; Le tiers, faire a chascun droiture. Par ces .III. poins enteriner Puet on seurement cheminer (Le Fèvre, Respit Mort H., 1376-1380, 103)

Pour ce m'ottroy A ce que tout enterine Son bon et son vueil de moy, Comment qu'à mon bien enclin Ne truisse son cuer qui mine Le mien à desroy. (Mach., Les lays, 1377, 315)

Et pour acomplir et enteriner la voulenté dudit curé, auquel il avoit promis faire et acomplir sa requeste, vit d'aventure, sur un soir, aler icellui predecesseur curé, et passer par devant la maison dudit curé, lequel, ainsi veu par lui qui parle, il assailli (Reg. crim. Chât., II, 1389-1392, 109)

Maiz aprez ceste maledicion elle fut du tout en tout subjecte, par neccessité et voulsist ou non, et toutes les autres qui d'elle vindrent et vendront ont eu et avront a souffrir et obeir a ce que les mariz vouldront faire, et seront tenues de enteriner leurs commandemens. (Ménagier Paris B.F., c.1392-1394, 75)

Laquelle requeste leur fu enterinée et octroyée. (Fauq., I, 1417-1420, 67)

Il ne demoura gueres que le pouvre Escossois amoureux fist tant de tours qu'il vit en place nostre merciere, qui fut par luy humblement saluée, et de rechef d'amours si doulcement priée que les requestes du paravant devoient bien estre enterinées par la conclusion de ceste piteuse et derreniere (C.n.n., c.1456-1467, 49)

...lesdits des estats et bonnes villes, pour mieux intériner le désir de monseigneur en ce que leur avoit requis, ont signé et scellé leurs promesses à moy faites (Chastell., Chron. K., t.4, c.1456-1471, 325)

[D'une chose abstr.] Enteriner son vouloir à qqn. Accorder complètement (sa propre volonté) à qqn.

SAINCT MARTIN. Mon tresdoulx pere, de vostre grant doctrine Qui mon vouloir a Jhesus enteryne, Je vous mercye affectueusement (La Vigne, S.M., 1496, 273)

Aller jusqu'au bout de qqc.' ('Sonder qqn, presser qqn de questions' (Éd.)).

Eux deux doncques entre-accouplés ensemble en devises, et le roy interrogeant de l'estat du duc Charles, et parfondement l'intérinant sur une chose et sur autre, fait à ymaginer que leurs devises estoient du mesmes aux personnages, dont l'un héoit de tout son coeur le duc Charles, et l'autre quéroit avoir maistre à poste, dont il se pourroit refaire et retourner en son bien. (Chastell., Chron. K., t.5, c.1456-1471, 474)

B. -Rendre définitif, valide (un acte) en l'approuvant juridiquement.

Ce jour, maistre Race Pannier s'est opposé, comme procureur de monseigneur le conte de Nevers, à ce que certeinnes lettres presentées par monseigneur de Bourbon, ou son conseil, pour l'office de la Grant Chambererie de France ne soient enterinées. (Baye, II, 1411-1417, 147)

Messire J. Juvenel, chevalier, s'est opposé et oppose que certeinnes lettres obtenues et presentées ceans de par monseigneur le Chancellier touchant l'usage de la Conciergerie ne soient enterinées ne aussi publiées. (Baye, II, 1411-1417, 268)

Sur quoy le procureur dudit de la Roche requeroit lesdictes lettres estre receues, leues, publiées et enterinées par la Court. (Fauq., I, 1417-1420, 167)

Appoinctié que les lettres seront enterinées, et les enterine la Court (Fauq., III, 1431-1435, 133)

En ladicte année, le mardi second jour de mars, le corps d'ung nommé Laurens Guernier, de la ville de Provins, qui avoit, par arrest de la court de Parlement, esté pendu et estranglé au gibet de Paris ung an et demy auparavant dudit jour, pour occasion de ce qu'il avoit tué et murdry ung collecteur ou receveur de la taille dudit lieu de Provins, et duquel cas il avoit obtenu remission, qui ne lui fut point enterinée par ladicte court, fut, au pourchas d'ung scien frere, fait despendre dudit gibet par Henry Cousin, executeur de la haulte justice audit lieu de Paris, et illec fut enseveli ledit corps et mis en une biere couverte d'ung cercueil, et dudit gibet amené dedans Paris par la porte Sainct-Denis. (Roye, Chron. scand., II, 1460-1483, 83)

...vous mandons très expressément une fois pour toutes sans plus y dissimuler que en enthérinant nosdictes lectres selon leur contenu vous faictes sur le replit d'icelles escripre et signer par le greffier de nostre Chambre des Comptes que lesdictes lectres d'icelluy nostre cousin ont esté leues (Cartul. Laval B., t.3, 1466, 251)