SACRER

verbe

[T-L : sacrer ; GD : sacrer ; GDC : sacrer ; FEW (XI, 37b) : sacrare ; TLF (XIV, 1397a) : sacrer1]

A. -Consacrer qqn

1.Consacrer un roi dans sa fonction lors d'une cérémonie au cours de laquelle on lui confère l'onction.

'... Par mon chief, ce dist Beuvez, ainchois l'Asension Serez sacrez à Rains, c'est bien m'entension, Car le vallez moult bien en vo condission.' (Hugues Capet L., c.1358, 163)

. Et se departi li consauls sus celle entente et volenté que li jones Edouwars seroit rois enoins et sacrés le jour de la Nativité Nostre Signeur. (Froiss., Chron. D., p.1400, 102)

...tous les aournemens royaulx jusques aux soulers qu'il convient à roy sacrer fist faire de nouvel les plus riches que encores eussent esté (Chr. Piz., Paix W., 1412-1413, 157)

Ce jour, fu dit publiquement à Paris pour nouvelles que messire Charles de Valois, dimenche derrain passé, XVIJe jour de ce mois, avoit esté sacré en l'eglise de Reins en la maniere que son pere et les autres roys de France ont esté sacrez par cy devant. (Fauq., II, 1421-1430, 315)

Vérité est que le dessusdit Charles le Bien-Aymé, fils du Roy Charles le Quint, commença à régner et fut sacré à Reims le dimanche avant la feste de Tous Sains, l'an de grace mil trois cens quatre vingts (...) ; et n'avoit lors que quatorze ans d'aage. Et depuis là en avant, gouverna moult grandement son royaume et par très noble conseil (Monstrelet, Chron. D.-A., t.1, c.1425-1440, 7)

...et toutevoie par euvre divine aprés la mort de son pere, combien que les Anglois fussent puissans devant Orleans, par ung bien pou de gens fut le siege levé, les Angloys desconfis, et s'en vint a Reins ou il fut sacré aussy merveilleusement que oncques fut roy, et si reduisirent a luy pluseurs grosses villes et cités. (Juv. Urs., Aud. celi, 1435, 221)

Et demoura la chose en cest estat, car le dit roy Charles le bel ala de vie a trespassement et fut roy aprés luy Phelippe conte de Valois, le quel aprés ce qu'il eult esté sacré envoya sommer le roy Edouard de luy venir faire l'ommage de la duchié de Guyenne, comme aultresfoys il avoit fait durant la vie de son pere, l'an mil IIJcXXV (Juv. Urs., T. crest., c.1446, 111)

LA PUCELLE. (...) mon intencion Est de mener le Roy a Rains Sacrer en grant devocion, Comme vray roy doubté et craint, Et de saint huille son corps oint (Myst. siège Orléans H., c.1480-1500, 384)

La première qu'il luy sembloit que ung roi a plus de force et de vertuz en son royaulme, où il est oingct et sacré, qu'il n'a dehors (Comm., II, 1489-1491, 260)

Se faire sacrer. Recevoir le sacre.

...et quant ledit Rouault les eut veues, luy bailla autres lettres pour porter audit conte, et, entre autres choses, luy dist de bouche que le plus fort de son affaire estoit de mettre sa personne en seureté, et que le roy s'en alloit à Rains pour se faire sacrer, et qu'il ne faisoit nulle doubte que on le rappelleroit voluntiers. (Le Clerc, Interp. Roye, c.1502, 151)

Sacrer qqn à roi de France

En ladicte année mil IIIIc quatre vings et trois, le roy delibera d'avoir et luy estre portée la Saincte Ampolle, qui estoit en l'eglise Sainct-Remy de Reims, et qui avoit esté apportée par grace divine dès l'an cinq cens par une coulombe blanche au bon Sainct-Remy de Reims, pour en oindre et sacrer à roy de France le roy Clovis, qui fut le premier roy chrestien, lequel mourut en ladicte année, et gist en l'eglise Saincte-Geneviefve au Mont de Paris. (Roye, Chron. scand., II, 1460-1483, 134)

Couronner la tête (d'un souverain).

LE PERE SAINCT MARTIN. (...) Aussi Saturne et Burton, son dÿacre, Progredïé m'ont leur grant soubdÿacre Pour vapuler la region gerarche ; Et d'excellence Appollo mon chief sacre : Tant que sur terre et sur mer mieulx c'un sacre Puys tryumpher, je veulx bien qu'on le sache. (La Vigne, S.M., 1496, 140)

[Le sacre d'une femme se fait sans onction de saint chrême]

...ne ne fut femme, royne ou aultre, enointe de ladicte saincte huille, ne les roynes femmes des roys ne sont sacrees que de cresme comum. (Juv. Urs., Aud. celi, 1435, 160)

2.Sacrer (un abbé)/(un evesque). Installer solennellement un abbé, un évêque dans sa fonction.

Mais il fault que vous me portez Come evesque nouviau sacrez Jusqu'au moustier. (Mir. ev. arced., c.1341, 127)

Icy sainct Martin est mys en l'estat qu'on sacre ung evesque et luy baille on au front la saincte unction et en apprés les habitz, la croce, la mitre et les aultres choses. (La Vigne, S.M., 1496, 417)

L'ARCHEVESQUE. (Icy luy fault mettre une croce et habillemens de abbe). (...) En present sacrer vous feray Martin or vestez ce bel habitz (...) Et ceste croce si prenez (Myst. st Martin K., a.1500, 272)

Sacrer qqn à/comme evesque

Anthure, tu fais moult grant chiére Et grant leesce en ton cuer a De ce que ton filz si sera Demain conme evesque sacrez (Mir. st J. Cris., c.1344, 289)

Et, le dimenche ensuivant, quart jour d'aoust, Reverend Pere en Dieu maistre Jehan Balue fut sacré à evesque d'Evreux en l'eglise Notre-Dame de Paris. (Roye, Chron. scand., I, 1460-1483, 78)

Sacrer qqn pour pape

Et là fut envoyé querre par le sainct concile, fut creé, sacré et eslevé pour Pape, et nommé Pape Felix (La Marche, Mém., I, c.1470, 262)

[Dans une religion paienne] Sacrer un prestresse

...mais devons entendre pour pretresse : une fame sacree comme prestresse selon leur maniere et ordonnance de sacrer (La Sale, Sale D., 1451, 58)

B. -Sacrer qqc.

Consacrer qqc. (l'hostie).

Ledict sainct Bris et le doyen viendront querir les six disciples sainct Martin, lesquelz viendront avec le Corpus Christi, jaçoit ce que l'ostie ne sera pas sacree (La Vigne, S.M., 1496, 565)

Sacrer le corps Nostre Seigneur. Consacrer l'hostie.

Desir de scavoir demande : Dy se Nostre Dame fut point subjecte aux penalitez, froit et chaut quer Adam n'en eust rien sentu ? Dy s'elle eust point ignorance ce rien ? Dy se c'est plus digne chose estre mere de Dieu charnelement que espirituelment par grace ? Dy se c'est plus grand dignité que de sacrer le corps Nostre Seigneur ? (Gers., Annonc., a.1400, 231)

Sacrer (un lieu)

[De Dieu] Conférer un caractère divin à qqc..

Lesquelz, incontinent que ilz se consentirent a pechié de desobeïssance, furent subitement chassiez dudit lieu de paradiz que Dieu avoit sacré. (La Sale, Salade, c.1442-1444, 138)

[D'une autorité ecclésiastique] Consacrer (un lieu).

Comme l'eglise de Saint Jacques fut sacree par la main de l'arcevesque Turpin et les eglises d'Espagne subgettes a celle, et des eglises principales le .XIIIIe. chappitre. (Bagnyon, Hist. Charlem. K., c.1465-1470, 199)

Touteffois, il y avoit deux cimestieres bien devotz et santiffiés principaulx entre les aultres, qui estoient sacrés et benis de sept saintz evesques (Bagnyon, Hist. Charlem. K., c.1465-1470, 214)

Sacrer qqc. à (un dieu)

Quant Jason se fu party de Lennos et eut sacré sa nef a la dieuesse Palas et aux dieux de la mer, il singla par pluseurs journees a voile levé puis cy, puis la. Mais la fin en fu telle que Argos, soy reglant sus le soleil, arriva un jour en l'isle qu'il desiroit trouver, par fortune de mer qui le constraindy a soy bouter ou regort ouquel seioit l'isle de Colcos. (LEFÈVRE (R.), Hist. Jason P., c.1460, 191)