OINDRE

verbe

[T-L : oindre ; GD : oindre ; GDC : oindre ; DECT : oindre ; FEW (XIV, 36a) : unguere ; TLF (XII, 461a) : oindre]

Emploi transitif.

A. -Au propre.

1.Enduire, oindre (qqn, un animal, la peau, une plaie...).

Oindre vous vueil par tout le corps, Sanz plus faire d'arrestoison. Diex ! con cest oingnement sent bon ! (Mir. st Ign., 1366, 106)

Puis prenez viell saïn de porc sanz sel une grosse piesce, ostez la pel de dessus et metez en l'escuelle dessus dite avec les choses sus dites, et meslez et pillez tout ensemble une grant piesce, puis le gardez et en oignez le chien la ou il aura la roigne, mes non pas en autre lieu, et certainement il garira. (Gast. Phébus, Livre chasse T., 1387-1389, 118)

Et puis metez dessus de la laine moillee en l'uille, comme dessus est dit, par trois jours naturelz, et puis li oignez la playe de l'uille sanz lier, comme dessus est dit, quar il se garira de la lengue, comme dit est. (Gast. Phébus, Livre chasse T., 1387-1389, 123)

... [elle] deist aussy par trois fois l'euvangile saint Jehan, et trois fois la patenostre et Ave Maria, et, après ce, oignist sondit ami, ou celui que elle vouldroit avoir à mary, par deux ou trois nuys, entre deux ses espaules (Reg. crim. Chât., II, 1389-1392, 323)

Dist aussi sur yceulx cire et poix trois fois l'euvangile saint Jehan, et trois fois la patenostre et Ave Maria, et à une chascune d'iceulx trois ou quatre nuys, oigny d'un petit desdiz cire et poix merlez sondit fiancé entre les deux espaules, en entencion et voulenté que briefment il espousast elle qui parle. (Reg. crim. Chât., II, 1389-1392, 328)

Et, pour que leur vertu n'empire [des pommes aromatiques], Soint mises en vaissel de voirre, Nompas de boiz, n'aussi de terre, Et soit le vaissel tout appoint Souventes foiz par dehors oint D'eaue rose comme est sonné, Où soit miz et mixtionné Pou de camphre, plaisant et fin (La Haye, P. peste, 1426, 152)

Ton precieux chef oinderay Combien que je congnois et sçay Que ne suis digne d'y touchier (Marcadé, Myst. Pass. Arras R., a.1440, 119)

...telle dame devroit estre despoillee toute nue dez la ceinture en amont et toute reze, puis oindre de miel, puis menee par la ville afin que les mouches li courissent et la picassent (La Sale, J.S., 1456, 306)

Les medicins, tous d'un accord, m'ont dit qu'en mon fait n'a que ung seul remede, c'est de (...) l'oindre [le doigt malade] d'un oignement dont ilz m'ont baillé la recepte. (C.n.n., c.1456-1467, 537)

Femme qui jamais ne veult perdre son bon chat quant on l'a, on lui doit oindre les quatre pattes de burre par trois vespreez, et jamais de cestui hostel ne se departira. (Ev. Quen. I, c.1466-1474, 109)

D'ung oygnement plus doulx que seucre Oindra ses plaies (Pass. Autun Biard F., 1470-1471, 141)

D'uile ne m'as pas oint ma teste, Ne d'eau lavé mes piés fangeux ; Et elle de l'eau de ses yeulx Moult bien nectiés A doulcement lavé mes piés Et de ses doulx chaveulx nectiés, Et les a oint benignement [Réf. à Luc 7, 46 ; l'onction d'huile parfumée sur la tête d'un invité était une marque d'honneur] . (Pass. Auv., 1477, 154)

2.Enduire qqc..

Car qui autrement le feroit (c'est assavoir qui oindroit autrement le fer) quant il entreroit dedens le cuir de la beste, l'oincture demourroit dedens et le cop ne vauldroit. (Ménagier Paris B.F., c.1392-1394, 275)

...et lui commanda qu'il fit vng arche de bois quaré, polli, et qu'il oindroit dedens et dehors de bettuun (betuun est vng glu si fort et si tenant que quant deulx piesses de fait en sont assemblés et iointes on ne les peut par nul art desassembler si non par sanc naturel de fleur de femme, et le treuue l'en flotant ès grans lacs de Indie, sur les aygues) (Béthencourt, Canarien G., c.1490, 76)

3.Se oindre de. S'enduire de.

...ilz se oingnent de une mennere de froit oingnement fait ad ce [pour se protéger de la chaleur] , ou autrement il morroient de chault (Jean Le Long, Voy. Odoric A.M., 1351, 8)

B. -En particulier.

1.Attoucher une partie du corps avec le saint chrême.

...requerez vous baptesme Et que vous oingne du saint cresme Conme il convient ? (Mir. st Sev., 1362, 210)

Monsieur d'Angiers, qui de ce l'advisa, Devotement l'oygnit et baptisa (La Vigne, V.N., p.1495, 243)

2.Conférer l'onction à un souverain, lors de son sacre.

Prenons donques que lez eliseurs elisent Impereur sacrilegue, heretique, tyran, fol ou poïen, le devera le Pape oindre, consecrer et couroner ? Ne plaise a Dieu ! (Songe verg. S., t.1, 1378, 118)

Je vous preuve et demonstre que le roy de France, et chascun Roy qui vient a un royaume par succession, parce que il est oint par persone de Sainte Eglyse, arcevesque ou evesque, il est aucunement subject a l'Eglise. (Songe verg. S., t.1, 1378, 121)

Le jour de la Nativité Nostre Signeur, que on compta en l'an de grasce .MCCC. et vint siis, fu couronnés a roi d'Engleterre Edouwars de Windesore, liquels en son temps a eu tant de belles aventures d'armes et victorieuses, ensi que elles vous seront remonstrees et recordees ensievant en l'istore ; et fu comsacrés et oins solempnement selonch l'ordenance d'Engleterre. (Froiss., Chron. D., p.1400, 103)

En la quelle estoit la sainte cresme dont le roy Cloÿs fut premierement oingt en grant devocion par saint Remys. (Bagnyon, Hist. Charlem. K., c.1465-1470, 10)

LA PUCELLE. (...) Puis apres, mon intencion Est de mener le Roy a Rains Sacrer en grant devocion, Comme vray roy doubté et craint, Et de saint huille son corps oint, Ainsy que vray roy crestien (Myst. siège Orléans H., c.1480-1500, 384)

C. -Par extension. Couvrir.

Beau chevalier, trop avez fait grant marchié de mes compaignons ! Trop est la verdure chiere dont vous oingnez la praerie ! (Percef. I, R., t.2, c.1450 [c.1340], 784)

D. -Au figuré. Oindre qqn

1.Flatter, caresser, apaiser qqn, son coeur.

Et s'elle [Nature] fait d'une racine Yssir fleur, et rose d'espine, Tout einsi [moi Espérance] fais j'un cuer florir En toute joie, et fais morir En li doleur ; car je l'esserbe, Si que de mal n'i demeure herbe. Et de ma douceur que tu sens, Qui moult est plus douce qu'ensens, L'adouci, le conforte et l'oing, S'il le dessert, soit près ou loing. Et pour ce que je te savoie Desconforté et nut de joie Et qu'a conforter sui tenue Les amans, suis je ci venue. (Mach., R. Fort., c.1341, 82)

...ilz [les chrétiens] ont (...) Une paroles si traittables, Si doulces et si amiables Qu'en parlant il semble qu'ilz oingnent Les cuers des gens, et ilz les poingnent Telement qu'il leur font acroire Ce qui n'est mie chose voire (Mir. st Ign., 1366, 88)

Car moult de maulz me surviengnent en ceste valee de misere, lesquelz me troublent souvent, me contristent et obscurcissent et trés souvent m'empeschent, me detraient, me oignent ou atraient et me impliquent affin que je n'aye franc accés a toy et que je ne goe des joieux embracemens qui toudis sont prests aux beneurés esperis. (Internele consol. P., 1447, 131)

[P. oppos. à poindre]

Fortune scet plus de pratique Que ne font maistre de fisique, De divinité, de logique, Et mendiant, Pour trouver une voie oblique ; Elle oint, elle point, elle pique, Elle fait a chascun la nique, En sousriant. (Mach., R. Fort., c.1341, 36)

Vous requerez qu'on laisse vivre Vos Chrestiens et qu'on les delivre, Et que leur franchise perdue Ne soit pas, eins leur soit tenue. Vous nous requerez courtoisie, Et si nous faites villonnie ! N'est pas chose qui se puist joindre, Quant vous nous volez poindre et oindre. Nous ferons ce que vous ferez, N'autre chose n'em porterez ; Et se vous nous estes courtois, Nous serons de la gent d'Artois. (Mach., P. Alex., p.1369, 117)

Sa fausseté n'est pas bien congneüe, Car par samblant aucune fois elle oint ; Mais elle point, envenime et partue Souvent celui qui près de li la joint. Si en penray vengence par ce point Que, par joie maintenir et bien faire, Je la feray morir de dueil ou taire. (Mach., L. dames, 1377, 172)

Mais ce au cuer trop fort me point Que longuement pas ne dure, Dont j'endure Sans laidure Grant chalour et grant froidure Qui mon cuer point et empoint, Si qu'amours me point et oint, Dont je sui en aventure De mort sure ; Mais seüre Esperence m'asseüre Que Diex joie encor m'en doint. (Mach., Les lays, 1377, 444)

...car, par droite nature, La desloyal renoïe, parjure, Fausse, traïtre, perverse et mere sure Oint et puis point de si mortel pointure Que ceaus qui sont fait de sa norriture En traïson met à desconfiture. Ha ! Fortune, trop sui mis loing de port, Quant en la mer m'as mis sans aviron En un batel petit, plat et sans bort (Mach., Motés, 1377, 497)

Proverbe.

Poignés, le villain vous oindra. (Pouvre peuple H., c.1450-1492, 188)

2.Par antiphrase. Frapper, faire souffrir.

GAMALIEL. (...) A Pilate le meneray [Jésus] Malgré son visaige nercy (...) AMALECH. Il me sanble que vous m'oignéz. Tenéz, vous arés ce tatin [L'éd. É. Roy, p. 133 lit : 'que vous moignez' et enregistre au gloss. un verbe moigner 'faire le moine ou des moineries', d'où sa mention ds FEW VI-3, 66b : moigner 'vivre en moine'. A. Jeanroy, R. Lang. rom. 49, 1906, 224 lit m'oignés, de oindre, p. métaph. 'frapper'] (Pass. Semur D.M., c.1420 [1488], 187)

De fiebvre quartaine soit oingt ! (Roy sotz, c.1450-1500, 221)

De malle fievre soit il oingt. (Sots, c.1480-1500, 277)

Fieramort, par mon ame, Nous monstre belle game : Il oeuvre bien a point. Voyez comment il oingt ; Il a trestout desjoinct A sa tresbien venue (Myst. st Laur. S.W., 1499, 231)

3.Graisser la patte à qqn.

...veingne ung pauvre homme a tout sa querelle a ung advocat sans lui apporter de la gresse pour lui oindre les mains, et trouverez comment sa cause il soustiendra (Mézières, Songe vieil pèl. C., t.1, c.1386-1389, 467)

Le tiers inconvenient si est que aujourduy qui veult avancier sa cause, il fault son advocat et oindre et engressier, et son procureur peigner, et au juge souvent, non pas a vuide main et en secret, faire une grant reverence, voire s'il veult obtenir pour lui une desiree sentence. (Mézières, Songe vieil pèl. C., t.1, c.1386-1389, 478)

Voir aussi oigner