INSTITUER

verbe

[T-L : institüer ; GD : instituer ; GDC : instituer ; DEAF, I 322) : instituer ; AND : enstituer ; FEW (IV, 724a) : instituere ; TLF (X, 339a) : instituer]

A. -Instituer qqc. Faire exister qqc..

1.Disposer, construire (un édifice).

Or diray comment je fus mis, Du gré de mes meilleurs amis, A sa court, ou je fus lonc temps ; Et a vous declairier j'entens Ou sa demeure est cituee Estrangement instituee, Ses manieres et divers fais, Si com je les vy, imparfais, Tant comme je fus a sa court, La ou mainte aventure acourt, Ce que j'apris, qu'il m'i advint (Chr. Piz., M.F., I, 1400-1403, 11)

Emploi absolu. Mettre le siège (devant un site fortifié) (?).

En ce temps s'estoit tiré le duc à Vasmustre, ung gros villaige qui siet sur l'Escault ; et fut envoyé de là le conte d'Estampes faire une chevauchée par le pays ; et fit ce jour une si grant chaleur de souleil, que plusieurs des chevaulx de la compaignie du conte moururent celluy jour. Le conte fit rompre plusieurs boulovars faictz par les Gantois, et vint instituer devant Morbecque ; mais il trouva que les Gantois avoient fortiffié le villaige, qui est cloz de marestz et de marescages, et avoient encloz en leur fortification l'abbaye de Los en Flandre, qui est une grosse abbaye de l'ordre de Cisteaulx, et n'avoit que une entrée bien barrée, et fossillée de grands fossez et de pertuis tout à l'entour, à maniere de piesges, pour garder que l'on n'y peust approcher à cheval (La Marche, Mém., II, c.1470, 276)

2.Créer qqc. (dans l'ordre administratif, politique, social, religieux...).

Et [la monnoie] fu instituee selon composicion ou convencion humaine. (Oresme, E.A., c.1370, 295)

Car accion politique est instituer bonnes ordenances et garder paix afin que les gens aient faculté et puissance de speculer et estre en contemplacion (Oresme, E.A.C., c.1370, 521)

Mes de une ou de II. policies qui sunt bien instituees l'en peut dire que elles sunt comme une armonie ou comme une musique bien attrempee. (Oresme, Pol. Arist. M., c.1372-1374, 169)

Item, en la cité de Ambrache semblablement le peuple jecta hors le tyrant appellé Periander avec aucuns ses facteurs qui opprimoient le peuple, et institua le peuple en soy-meisme policie. (Oresme, Pol. Arist. M., c.1372-1374, 214)

...ilz furent assez bons amis ensamble par les ordonnances que l'empereur y ordonna et institua, que cilz duc de Jullers le vint veoir à Paris. (Froiss., Chron. M., XIV, c.1375-1400, 178)

Entre les politiques ordenances instituées par cellui sage roy Charles, affin que oubliance ne m'empesche à narrer en ceste partie ce qui est digne de memoire et singuliere louenge, Dieux ! Quel triomphe ! Quelle paiz ! (Chr. Piz., Faits meurs Ch. V, S. I, 1404, 53)

Vray est que de mon temps regna en France ung roy très noble, très vertueux et très cherstien, et de qui ses predecesseurs avoient très bien et très loyaument gardée et maintenue la loy nouvelle, ordonnée et instituée par le Filz de Dieu, qui prinst char humaine en la glorieuse Vierge Marie. (Bueil, I, 1461-1466, 27)

Et, combien qu'ilz ayent institué moult de belles ordonnances et loix, ilz n'ont toutesfois fait ne ordonné chose qui soit a preferer a leur senat qui estoit la compaignye de ces anchiens gouverneurs et conseilliers de la chose publique. (Fillastre, Traité Conseil H., c.1472-1473, 163)

Fonder (une institution).

Et Dieu les vueille en paradis Hebargier tous ceulx qui jadis Si fais hostelz [les hôtels-Dieu] instituerent (Chr. Piz., M.F., I, 1400-1403, 99)

Et encores aujourd'uy en icelluy lieu ou Maguelonne institua hospitalité, est une trés belle esglise bien servie a l'onneur de la Trinité de Paradis et a l'onneur du Prince des appostres Saint Pierre et Sainct Pol. (Belle Maguel. C., 1453, 59)

Donner un commencement à qqc., être à l'origine de qqc..

Qu'en la dicte ville de Moustreau, ou au plus près d'ycelle que faire se pourra bonnement, sera fait, construit et institué par ledit Roy et à ses frais et despens, une église, couvent et monastère de Chartreux, c'est assavoir pour un prieur et douze religieux, avec les cloistres, sales et réfrotours, granges et aultres édifices qui y seront nécessaires et convenables. (Monstrelet, Chron. D.-A., t.5, c.1444-1453, 157)

En ce temps celebroient moult les nativités et continua ceste chose jusques au temps de Audoxia, fille du jeune Theodosien, laquelle fist abolir celle festes du congié du pappe Sixte et, ou lieu de ce, fut instituée la feste saint Perre aux Liens. (Simon De Phares, Astrol., c.1494-1498, f° 23 r°)

Cestui fut astrologien, jaçoit qu'il institua plusieurs supersticions en Grece, par especial en ce qu'il sacriffia premier à Jupiter ung beuf. (Simon De Phares, Astrol., c.1494-1498, f° 24 v°)

Cestui trouva invencion et, par son moïen furent instituez à Romme le jeu des enciens, affin de cesser la peste. (Simon De Phares, Astrol., c.1494-1498, f° 51 v°)

En particulier. Instituer un sacrement

Et quy se doubte que, pour ces delices avoir quy est de avec nous demourer, ce sacrement ne soit de Jhesus institué pour non pas seulement nous donner sa presence espirituele mais aussy corporele ? (Traité S. Sacr. B., c.1450-1500, 173)

Tant que Gaultier vive, elle est allyee par le loyen de mariage, lequel empeschement tousjours a esté valide, devant aussi que riens fust de l'eglise institué en ce sacrement. (Sacr. mar., c.1477-1481, 70)

Instituer que + sub. Décider, décréter que.

Mes Solon institua que touz les grans princeys fussent de gens excellens, nobles et vertueus et riches, et que apres ces princes fussent esleus autres princes d'unes gens appellés cinquantains, de moien estat. (Oresme, Pol. Arist. M., c.1372-1374, 112)

Adont institua[t] Ogier que, portant que le roy Prestre Jehan estoit le premier roy d'Ynde qui creit Dieu, que tous les roys de dont en avant, quel nom qu'ilz awissent, fuissent appelleiz Prestre Jehan (JEAN D'OUTREM., Myr. histors G., a.1400, 173)

3.Instituer une date. Fixer (une date).

...partans de Tours sans nul qui les accompagnast [les ambassadeurs du duc de Bourgogne] de par dela ne qui les vinst querre, se rendirent a Monbason le jour qui leur estoit institué, et la se logerent ou lieu a eulz ordonné. (Chastell., Chron. IV, D., c.1461-1472, 173)

4.Instituer qqc. à qqn. Ordonner, fixer qqc. à qqn.

LA VIE. Faire fault ce qu'on m'institue Ou je suis de malheure nee. Juge, je me suis rectournee Vers vous, serchant correction De quelque acte qu'avés donnee Contre moy par affection. (Cene dieux, c.1492, 138)

B. -Instituer qqn.

1.Instituer qqn (en un office/en possession d'un office/en lieu de qqn.). Établir qqn (dans une fonction, en remplacement de qqn).

Pour ce miex entendre soit faite une figure en laquelle soient .iii. ordres. Ou premier sunt les instituans des princes ou de ceulz qui sunt pris pour instituer les princes. Ou secont ordre soient les institués, ce est assavoir les princes ou officiers et ceulz qui sunt ordenés pour les instituer. Ou tiers sunt les manieres de proceder ou instituer tels gens. (Oresme, Pol. Arist. M., c.1372-1374, 199)

Et mist et institua partout seneschaus, baillieus, officiiers à sen ordenance, et vint demorer à Niorth. (Froiss., Chron. L., VI, c.1375-1400, 59)

C'est le premier papier des procès des prisonniers criminelz admenez ou Chastellet de Paris depuis le samedi XXIIIIe jour de juillet mil CCCIIIIXX et neuf, que moy, Aleaume Cachemarée, fu receu et institué en lieu de maistre Andry le Preux (Reg. crim. Chât., I, 1389-1392, 1)

...soubz umbre et par vertu de certaines faulses lettres du roy nostre sire et commission qu'il se disoit à lui données par les maistres des eaues et forez dudit lieu d'Orliens, faisans mencion comme ledit seigneur l'avoit fait sergent desdites eaues et forez, et que par iceulx maistres il avoit esté instituez en icelli office, desqueles lettres il s'estoit aidiez et fait plusieurs excecucions par vertu d'icelles (Reg. crim. Chât., II, 1389-1392, 67)

...ledit receveur fu deschargié dudit office, et Godefroy Le Sauvaige institué en ycellui (Comptes Etat bourg. M.F., t.3, 1418-1420, 307)

Auquel president le roy mandoit qu'il avoit receu le serement dudit d'Estouteville à prevost de Paris ou lieu de Jaques de Villers, seigneur de l'Isle Adam, auquel il avoit donné ladicte prevosté à son joyeulx advenement, et qu'il le mist et instituast en possession et saisine dudit office de prevost de Paris. (Roye, Chron. scand., I, 1460-1483, 138)

...et plusieurs aultres officiers en divers estas (...) furent du tout desapointés de leurs estas et offices, et aultres tous nouveaulz furent mis et institués en leurs lieus (Maupoint, Journ. paris. F., p.1461, 47)

Car le roy Regné l'institua en son lieu, avant mourir, et le prefera devant ledit duc de Lorreyne, qui estoit filz de sa fille (Comm., III, 1495-1498, 6)

Instituer qqn (à/pour estre) + subst. attribut

'Monseigneur, se vous me voulez instituer et faire vostre confanonnier, j'enmenray XII. ou XV. mille hommes aveuques moy en la marce de Londres...' (Froiss., Chron. M., XIV, c.1375-1400, 51)

...le roy d'Angleterre l'avoit institué et ordonné connestable et souverain de touttes ces gens pour corrigier et pugnier tous rebelles (Froiss., Chron. M., XIV, c.1375-1400, 66)

...à son departement il institua ung moult vaillant chevalier et saige homme à estre souverain regard et gardien desdis chastiaulx (Froiss., Chron. M., XIV, c.1375-1400, 172)

'Gautier, respondi li rois, vous dites bien, et je le ferai ensi et vous institue a estre souverains de celle armee...' (Froiss., Chron. D., p.1400, 863)

Là institua (...) le signeur de Lespare pour estre mainbour et gouvreneur de tout le pays de Gascongne. (Froiss., Chron. R., VIII, c.1375-1400, 32)

...Jehan du Boichet, escuier, institué par madame la duchesse de Bourgoingne cappitaine de la ville de Dijon (Comptes Etat bourg. M.F., t.2, 1420, 720)

LE ROY DES SOTS. J'en voy la six, ou sept, ou neuf Qui oncq ne me firent hommaige. Hé ! mes beaux freres, quel dommage Vous sera ce, ne deshonneur Se vous me venez faire honneur ? Je ne demande point d'argent. Je t'institue mon sergent Pour les adjourner de main mise. (Roy sotz, c.1450-1500, 214)

En particulier. Instituer qqn son heritier. Désigner qqn comme son héritier.

...ledit deffunt en son testament avoit cognu Jehanne Vignere, sa cousine et parente, et institué son heritiere comme par le testament apparoissoit (Doc. 1412. In : P. Rézeau, R. Ling. rom. 78, 2014, 424)

Et comme René approuchast de la mort et il eust deux nepveux, Charles, filz de son frère, et René, filz de sa fille, il laissa et institua son heritier Charles, yssu de son sang et de la maison des roys de France (Doc. 1486-1488. In : C. Couderc, Bibl. Éc. Chartes 85, 1924, 334)

Instituer qqn à/de + inf. Charger qqn de + inf..

Et me samble que messires Othes de Grantson d'oultre le Sone y fu ordonnés et institués d'aler. (Froiss., Chron. R., VIII, c.1375-1400, 36)

...li rois d'Engleterre (...) institua le conte de Sasleberi et le conte de Susforch a demorer en Flandres, a deus cens lances et .Vc. archiers. (Froiss., Chron. D., p.1400, 343)

...le seigneur de Grammont, c'est assavoir Roger de Grammont, et Thierry de Lenoncourt, gouverneur de La Rochelle, aussi noz chambellans ; desquieulx nous instituons les principaulx à tout poursuir les dessusdits seigneurs de Grammont et de Malicorne. (Le Clerc, Interp. Roye, c.1502, 284)

Instituer à qqn que + sub.

'Jehan, biaus fils, je vous ordonne et institue que vous alés en Poito (...) et là serés gouvrenères et souverains de toutes les gens d'armes que vous y trouverés.' (Froiss., Chron. R., VIII, c.1375-1400, 35)

Au passif. (Estre) institué. (Être) désigné, choisi.

...prions et requerons tous autres que aus personnes institués de nouveleté establis en notre dite ville, comme dit est, obeisent et entendent diligaument en toutes coses par eulx faites, si comme il est accoustumé de faire ou temps passé. (Hist. dr. munic. E., t.2, 1349, 33)

Item, ou ceulz qui sunt institués sunt pris ou entre tous, ou il sunt pris d'aucuns determinés, si comme de ceulz qui sunt de honorableté en estat ou en richeces, ou de ceulz qui sunt de noble lignage, ou de ceulz qui sunt vertueus ou pour aucune tele chose. (Oresme, Pol. Arist. M., c.1372-1374, 198)

Instituer qqn en grace. Mettre qqn en état de grâce.

NOSTRE DAME. (...) Après, pour toy instituer En grace, a tout restituer T'enjoing quanque de l'autruy as. (Mir. prev., 1352, 265)

Emploi absolu. participe présent en emploi substantival. Celui qui désigne, choisit (pour un office).

Item, les instituans ou il sunt pris de tous par election ou de touz par sort ou d'aucuns par election et d'aucuns par sort. (Oresme, Pol. Arist. M., c.1372-1374, 199)

2.Instruire qqn.

Se l'en croit as Grez en toutes choses, en la fosse de Chiron, qui fut demy homme, Achilles fut institué et enseignié les manieres et mesures de la harpe et de la citole (Foul., Policrat. B., I, 1372, 104)

Aucunes des lays que les anciens mistrent jadis sunt profitables a instituer et gouverner le peuple qui est cultiveur de terre. (Oresme, Pol. Arist. M., c.1372-1374, 263)