PROUESSE

substantif féminin

[T-L : pröece ; GDC : proece ; DECT : pröece ; FEW (IX, 419a) : prode ; TLF (XIII, 1389b) : prouesse]

A. -Valeur de qqn, droiture, honnêteté.

...la proesce et loiauté du bon ami Dieu, Josué... (Foul., Policrat. B., III, 1372, 225)

Et certes je conjoïs moult a ta vertu et a ma fortune, mais toute voies que tu te portes droitement en l'estat que par ta proesce tu as bien deservi (Foul., Policrat. B., V, 1372, 269)

...dont eut il grant merveille comment le paÿs pouoit sy estre desnué de gentilz hommes en prouesse [de valeur] qui voulsissent ou par force ou par amours emporter la dignité. (Percef. I, R., t.1, c.1450 [c.1340], 93)

B. -Bravoure, vaillance, courage.

Pour ce venus sui aviséement Pour vous nommer Un chevalier qui moult fait a amer ; Car de ça mer n'a pas, ne de la mer, Plus gentil cuer, plus franc, n'a meins d'amer ; Car de largesse Passe Alixandre et Hector de prouesse. (Mach., J. R. Beh., c.1340, 106)

Et la valour, Le sens, le pris, la prouesse, l'onnour, Qui fu en li, si comme elle dist, flour, Le fist des bons estre tout le millour. (Mach., J. R. Beh., c.1340, 116)

Resgarde Venus ta deesse, Qui par franchise et par noblesse Te vient aidier en la tristesse Que tes cuers porte. Eu monde n'a tour ne fortresse Ne cuer qu'elle n'en soit maistresse Et dont elle, par sa prouesse, N'uevre la porte. (Mach., F. am., c.1361, 227)

Se tu havoies la vaillance De Hector le fort, et la science De Salemon, et la largesce D'Alixandre, et la grant richesce De Noiron, et la grant biauté D'Absalon, et la loiauté Du roy David qui fu loiaus, Et la proesce dë Ayaus, Et jonesce a ta volenté, Et de toute grace plenté, Ne porroies tu desservir, Toute ta vie par servir, Tant que tu peüsses souffire A tel dame amer, a voir dire. (Mach., Voir, 1364, 222)

Li bons princes de Galylée Yssi après de sa galée, Devant tous, si hardiement Et si tres perilleusement, Qu'on le tint à grant hardiesse Et à mervilleuse prouesse. Chascuns li donne los et pris, Pour le grant fait qu'il a empris. (Mach., P. Alex., p.1369, 70)

L'EMPEREUR. Biaux seigneurs, il fault qu'au jour d'uy Vostre prouesce soit veue (Mir. Oton, c.1370, 381)

...il peut estre que c'est celle vertu [la fortitude] que l'en seult en françois appeler proësce. (Oresme, E.A.C., c.1370, 205)

...qui me sara dire Qui a ce chevalier esté Qui par sa prouesce et bonté En la bataille nous a mis Au dessus de noz ennemis ? (Mir. Rob. Dyable, c.1375, 59)

...se il avoit le visaige plus contrefait c. foiz que il n'a, si est il tailliez, pour sa bonté et pour sa prouesse, d'avoir la fille du plus hault roy du monde a amie. (Arras, c.1392-1393, 104)

...mais ilz [le peuple] se confortoient moult ad ce que ilz avoient seigneur de si grant prouesce plain, et en estoient aucques rassouagiez. (Arras, c.1392-1393, 123)

Madamoiselle, venez veoir fleur de chevalerie, prouesse et hardement. Venez veoir honneur en son siege royal et en sa haulte majesté ; venez veoir le dieu d'armes en sa propre figure. (Arras, c.1392-1393, 162)

...car j'ay veu tant d'onneur, de bien et de prouesse en eulx que je desire moult a estre acointé d'eulx, car je n'en pourroie se mieulx valoir non, combien que ilz m'ayent porté moult grief dommage de mes gens, car de l'avoir ne me chault. (Arras, c.1392-1393, 164)

Il est verité qu'il a pleu a Dieu que fortune m'a a ce meu que par vostre haulte prouesce je sui desconfiz et suiz vostre prisonnier. (Arras, c.1392-1393, 167)

Par mon chief, dist le chevalier, on m'a dit que a vostre prouesse ne se puet comparer corps de chevalier (Arras, c.1392-1393, 212)

Haa, ce dist il, Gieffroy, or avoies tu le plus bel commencement de prouesse et de bachelerie pour venir ou degré de haulte honneur, que filz de prince qui feust vivans. Et ores en es tu du tout desmis par ta cruauté. (Arras, c.1392-1393, 253)

...chevalier fu preux et sage, Plain de proece et de bernage. (Chr. Piz., M.F., II, 1400-1403, 327)

Car la prouesse seulement Ne gist pas ou grant hardement D'assaillir ne de soy defendre Contre aucun qui le vueille offendre, Car ce sont prouesses de corps. (Chr. Piz., Dit rose F.E., 1402, 108-110)

C'est vaillantise et grant prouesse Quant un noble cuer si s'adresse Qu'en vertus il soit bien propice Et eschever et fuïr vice, Ne qu'on ne puist trouver en lui Riens dont puist mesdire nullui (Chr. Piz., Dit rose F.E., 1402, 110)

...par sa tresgrant proesse et valeur tant fist d'armes qu'il vint a la baniere d'icellui Turcq que il porta a terre (La Sale, J.S., 1456, 222)

Mes amis, comme je soustien, Chacun de vous le feroit mieux ; En vous est proesse et maintien Et tous estes vaillant et preux. (Myst. siège Orléans H., c.1480-1500, 524)

En toutes lesquelles choses il monstra bien combien il estoit expert en la science de astrologie, au moïen de laquelle et aussy de sa prouesse, (...) il conduisit si très bien ses affaires que il pervint au dessus de plusieurs grandes et chevalereuses entreprinses (Simon De Phares, Astrol., c.1494-1498, f° 69 v°)

...et que après ilz parviendroient à grande proesse et soubzmetroient plusieurs peuples à leur subjection (Simon De Phares, Astrol., c.1494-1498, f° 76 r°)

Cestui Clovis, comme dit est, ayma moult la science des estoilles et s'en sceut bien servir contre les Saxons et contre les Gotz, lesquelz il gecta de son royaume et par le conseil d'iceulx avecque sa chevalereuse proesse (Simon De Phares, Astrol., c.1494-1498, f° 98 r°)

L'EMPEREUR JULIEN CESAR. (...) Si ma personne est ung peu decrepee, En moy n'est point lascheté actrapee ; Ains vous sera ma prouesse esclarcye Par marcialle compaignye, equippee De fer, de fust, harnoys, lance et espee Et d'aultres biens penetramment farcye. (La Vigne, S.M., 1496, 155)

Par ironie.

...elle ne souffrit pas la volunté de l'Escossois pour plaisir qu'elle y prensist, mais elle fut ad ce contraincte et forcée par non resister, laissant la resistence en la proesse de son mary (C.n.n., c.1456-1467, 53)

...tant trouva en luy [un marchand] de bonne chevalerie, de proesse et de vertuz, qu'elle oublya de tous poins son amy par amours (C.n.n., c.1456-1467, 146)

Remarque : Flor. Octav. L., t.1, c.1356, gloss. (pouvesse).

Par personnification.

Et s'il avient que son anemi teingne A son dessous, Nature li enseingne Et ses bons cuers que pité li en prengne. C'est noble sorte, Car Prouesse partout s'espée porte, Hardiesse le conduit et enorte, Et Largesse si li ouevre la porte De tous les cuers. (Mach., J. R. Beh., c.1340, 107)

Mais Hardiesse L'acompaingnoit, et sa fille Prouesse, Et doucement tint par la main Largesse, Une dame de moult grant gentillesse. (Mach., J. R. Beh., c.1340, 113)

C. -Par métonymie. Acte de bravoure, exploit guerrier.

Deux fois en champ s'est combatus, Sans estre vaincus n'abatus ; Et en bataille plus de XXX., Voire certes plus de quarante, De grans proesses a fait maintes. Nés est de l'eveschié de Saintes. (Mach., P. Alex., p.1369, 140)

Et, non contretant, de toy ystra noble lignie moult grant, et qui feront de grans et haultes prouesces. (Arras, c.1392-1393, 13)

...et avoit veu Regnault et Anthoine, qui ja estoient grans et fors et de moult fiere contenance ; et lui sembloit bien qu'ilz devroient assez ensuir leurs freres de haultes prouesses et de haultes emprises (Arras, c.1392-1393, 147)

Le bon Thideüs debonnaire, Qui tant ot fait bacheleries, Proeces et chevaleries (Chr. Piz., M.F., II, 1400-1403, 318)

Protheselaux (...) Y fist, le jour, mainte proece (Chr. Piz., M.F., III, 1400-1403, 72)

...en Perusse après pluseurs adventures que je passe, sain et sauf se trouva, ou il fist assez et largement de grans proesses en armes, dont le grand bruyt de sa vaillance fut tantost espandu en pluseurs marches (C.n.n., c.1456-1467, 109)

LE PERE. (...) Pour ce, mon filz, S'au temps passé en guerre me confitz Et de proesses plus que nul aultre fis, Dorenavant, mes membres sont confitz De grant viellesse Qui me rend mact, caducque, viel. (La Vigne, S.M., 1496, 164)