VAILLANCE

substantif féminin

[T-L : vailance ; GD : vaillance ; FEW (XIV, 132a) : valere ; TLF (XVI, 884a) : vaillance]

A. -Valeur.

1.Valeur de qqn.

Amours (...) Donnas par ton soutil engien La congnoissance D'amer et d'estre en ton lien, Et le presentas sans moien Avec le corps et tout le mien A ma dame, ce say je bien ; Car tout li otriay com sien Pour sa vaillance. (Mach., R. Fort., c.1341, 119)

...touz li saint et saintes d'abondance Sont resjoi de la grande vaillance Dont Dieu vous a doée [Vierge] en hault doaire : Car au gré Dieu avez en gouvernance Touz vraiz amans pour donner bon salaire. (Mir. prev., 1352, 278)

Et quant einsi ay petit d'esperence, Nuls ne s'en doit mervillier, sans doubtance, Car povres sui d'onneur et vaillance Et de bonté, Et vous estes la fleur et l'excellence De tous les biens, par vraie experience, Ente et estos d'onneur et de prudence Et d'onnesté. (Mach., F. am., c.1361, 158)

'Monseigneur, quant on est en tel parti d'armes que nous estioins pour ces jours en la garnison de Bourbourcq, il me samble, selon que je ay oy recorder, aulcunes fois messire Jehan Camdos et messire Gauchier de Mauny qui eurent sens et vaillance assez, on doibt de deux voies ou de troys prendre la plus pourffitable en adamaigant ses ennemis.' (Froiss., Chron. M., XIV, c.1375-1400, 37)

Honneur, vaillance et bonne renommée, Grace, biauté sont en vostre corps gent, Dont je me sent si hautement parée, Car plus de bien n'ay n'autre esbatement. (Mach., L. dames, 1377, 199)

...il vous vauroit miex, dame, C'onques née ne feussiez Que ce qu'a mari l'eussiez. Il ne tent pas a grant vaillance : C'est contre loy et ordenance De sainte eglise. (Mir. fille roy, c.1379, 46)

Pour aussi puissance entreprendre, Voulsist [le marquis] une autre dame prendre De hault estat, dont l'alÿance Lui creüst honneur et vaillance, Et laissier celle qu'il a prise [Griseldis] (Gris., 1395, 72)

... et ce ont il veu par experiense par trop fois que, apriés un bon roi, il en ont un qui n'est de nulle vaillance. Et le tiennent a endormi et a pesant, qant il ne voelt ensievir les oevres de son pere ou de son predicessour, bon roy qui a resgné en devant de li. (Froiss., Chron. D., p.1400, 42)

Considerés, je vous pri, la vaillance et bonté de messire Gautier de Manni, et la grande affection que il avoit a veoir son signeur le roi d'Engleterre, car il euist dou chevalier que il quitta .V. ou siis mille florins, se il vosist, et il le laissa aler legierement par la maniere que dit vous ay. (Froiss., Chron. D., p.1400, 754)

De (grant) vaillance

C'est une dame de vaillance En cui bonne Amour tant se fie Que donné li a la baillie Des souffissans lieus ordonner Ou Amours vuet merci donner (Mach., D. Aler., a.1349, 323)

Premierement fu supposé, Et en supposant proposé, Qu'une dame de grant vaillance Par trés amiable fiance Ameroit un loial amant, Si que toudis, en bien amant, Seroit de cuer loial amie (Mach., J. R. Nav., 1349, 169)

Quant ma dame est noble et de grant vaillance, Et je me sen de tres petit affaire, Je n'en puis mais, se je sui en doubtance Que je n'aie moult durement à faire, Einsois que j'aie s'amour (Mach., L. dames, 1377, 212)

Qu'en joie puet mon mal changier Et aligier Moy de legier, Sans damagier Vostre honneur, dame de vaillance, Sans plus, s'elle me laist cuidier Ou souhaidier, Pour moy haidier, Qu'aie encor de vous aligence. (Mach., Les lays, 1377, 288)

Il nous fault le jone Edouwart couronner et faire roi, et mettre dalés li honmes de sens et de vaillance, par quoi il soit espers et resvilliés, car nous n'avons que faire d'un roi endormit ne pesant, qui trop demande ses aises et ses deduis. (Froiss., Chron. D., p.1400, 94)

Estre en la vaillance (de qqc.). Mériter (qqc.).

...ne sui en le vaillanse, Nonpourcant vo volloir prendray en souffisance Et seray par vo gré de vostre retenance (Hugues Capet Lab., c.1358, 110)

Venir à vaillance. Obtenir la reconnaissance sociale de sa valeur.

Homs, qui voels venir a vaillance par Proece, considere conment on asciet a table dou roi, de duch et de conte le preu, et on met arriere le couwart preceus, ja soit il de plus hault linage. (Froiss., Chron. D., p.1400, 39)

2.Valeur, prix de qqc..

Signeur, or escoutez canchon de grant vaillance ! (Hugues Capet Lab., c.1358, 91)

...de chief en chief li conta De l'esquermuche, et leur emprise ; Comment la montaingne fu prise, Et comment leurs engins gaingnierent Et dedens Courc les amenerent, Leurs pavillons et leurs harnois, Ne la vaillance d'une nois, N'aporterent qu'il ne perdissent Trestout, et qu'il ne s'enfuissent. (Mach., P. Alex., p.1369, 172)

...la somme de cent frans (...) par ledit Jehan Fraignot, receveur general de Bourgoingne dessus nommé, pour la mieulx vaillance de 200 ducas, à lui par ledit Fraignot baillié pour 600 frans, et il lez alloua pour 700 frans (Comptes Etat bourg. M.F., t.1, 1420, 273)

3.Par métonymie. Ce qui a de la valeur.

Car grant vertus et grant vaillence Est de vaincre son adversaire Par souffrir de cuer debonnaire. (Mach., R. Fort., c.1341, 109)

Or ay je perdu beauté, bonté, doulcour, amistié, sens, courtoisie, charité, humilité, toute ma joye, tout mon confort, toute m'esperance, tout mon eur, mon bien, mon pris, ma vaillance, car tant pou d'onneur que Dieu m'avoit prestee me venoit de vous, ma doulce amour. (Arras, c.1392-1393, 243)

Faire vaillance

Et puis qu'Amours vuet que de sentement Je soie amis pleins de bonne esperence, Vueilliés m'amer aussi parfaitement Com je vous aim : si ferés grant vaillance ; Car j'ay tout mis en vostre obeissance, Mon cuer, mon corps, sans penser mauvais signe (Mach., L. dames, 1377, 109)

Par ironie.

C'est dommaige qu'ilz n'ont grans caiges, Car ilz ont fait belle vaillance, Se sont folz plains d'oultrecuidance, Ilz ont failly plusieurs annees A jouer. Males de[s]tinees Les puissent trestous craventer, Et mal vent puist contre eulx venter ! (S. fol, c.1480-1490, 8)

B. -Valeur guerrière, bravoure, vaillance ; p. méton. acte de bravoure, de vaillance.

1.Bravoure, vaillance.

Après messires Jehans Pastés, Uns chevaliers qui s'est hastés D'entrer en la maison d'onneur ; Car bien scevent grant et meneur Qu'il a toudis quis dès s'enfance Pris, honneur, armes et vaillance ; Et tant a fait que receüs Est eu nombre des esleüs, Car son grant bien bon le parfait De cuer, de pensée et de fait (Mach., P. Alex., p.1369, 139)

...il doubtoit moult la vaillance Dou Caraman et sa puissance, Et ce qu'il avoit tant de gens Que contre un estoient deus cens, Voire encore plus, à mon cuidier, Et dont bien se pooit aidier. (Mach., P. Alex., p.1369, 171)

Or vous ay dit et raconté Le scens, l'onneur et la bonté, Le hardement, la grant vaillance, Les grans emprises, la prudence, La gentillesse, la noblesse Dou roy de Chypre, et la largesse, Et comment il usa sa vie. (Mach., P. Alex., p.1369, 246)

Pour ces jours il avoit delez luy, à son cappel, IIII. escuyers de grant voulenté et de grant vaillance, et bien tailliés pour servir ung hault prince et à estre delez luy, car ilz avoient veu pluseurs grans faiz d'armes et esté en besoingnes arrestées (Froiss., Chron. M., XIV, c.1375-1400, 164)

Dacien, homme de vaillance Et chevalier plain de noblesce, Qui sage est et de grant prouesce... (Mir. st Lor., 1380, 132)

Mais je vous prie, par pitié et par misericorde, qu'il vous plaise a moy donner la vie de Olivier, car, veue la vaillance de lui, et aussi consideré qu'il n'a coulpe en la trahison, ce seroit moult grant dommage de sa mort, car encore pourroit il faire des biens assez. (Arras, c.1392-1393, 65)

... il a en vous tant de bien, de honneur, de vaillance et de prouesse que de vous veoir ne puet on fors amender. (Arras, c.1392-1393, 167)

Et en celle vaillance si honme d'Engleterre l'introduisoient et nourissoient : si faissoient bien, car uns rois puisqu'il voelt tenir terre et signourir peuple, doit estre de hardies et grandes anprises. (Froiss., Chron. D., p.1400, 220)

Encores s'avisa celle contesse de une tres grande emprise que on li doit bien tourner a vaillance, car elle fist environ deus cens honmes des siens monter as cevaus, et puis fist ouvrir une porte ou nuls n'asalloit. (Froiss., Chron. D., p.1400, 514)

...leur vaillance parfaite Leur fist los de noblece acquerre Par proueces faites en guerre. (Chr. Piz., Chem. estude P., 1402-1403, 162)

...comme deux loups s'accordent a prendre une brebis, et faisoyent entendent que c'estoit grande liberalité et souverainne vaillance (et) de les souffrir ainsy nourrir. (Gers., Noël, p.1404, 308)

Et que dictes vous de l'onneur et vaillance d'un si josne escuier ? (La Sale, J.S., 1456, 130)

...il fist assez et largement de grans proesses en armes, dont le grand bruyt de sa vaillance fut tantost espandu en pluseurs marches (C.n.n., c.1456-1467, 110)

Anglois sont fiers et felons, Et si a en eux grant baillance [l. vaillance]. (Myst. siège Orléans H., c.1480-1500, 304)

Cestui, par sa vaillance, delivra Androma, fille du roy Sepheus, qui condempnée estoit à estre mengée d'une belue pour le fait de sa mere (Simon De Phares, Astrol., c.1494-1498, f° 19 r°)

...veu que toutes les langues humaines ne pourroient suffire a te donner loz et gloire bienheuree, ne dire suffisamment la prouesse de toy, ne la vaillance de tes gens (La Vigne, V.N., p.1495, 299)

Vaillance de corps Courage physique.

...messire Guillaume ot bons amis et bons moyeneurs par sa grant vaillance de son corps et les biaulx services qu'il avoit faictes pluseurs fois aux Anglois tant en Bourdelois comme en Giane que en Pikardie où tousjours il avoit esté trouvé bon chevalier que riens ne le reprouchoit, au justement considerer tous ses fais, (Froiss., Chron. M., XIV, c.1375-1400, 37)

Jehans de Qopelant. ... prist le roi d'Escoce par vaillance de corps et d'armes, et ot son gant et le fist fiancier a lui. (Froiss., Chron. D., p.1400, 781)

2.Par métonymie. Acte de bravoure, de vaillance, fait d'armes.

Et celle nuit fu engendrez un tres vaillant hoir, qui puis fist moult de prouesces et de vaillances. (Arras, c.1392-1393, 170)

Et il print l'espee et la tint empoignie, et la veist on vaillance de cuer d'omme en deffendant sa vie, et abatre Sarrasins tant que tout autour de lui est la place toute vermeille de sang. (Arras, c.1392-1393, 232)

Et furent moult loees et reconmendees dedens et dehors les appertisses et vaillances a messire Gautier de Manni, car par li et par ses emprises avoit esté tout fait. (Froiss., Chron. D., p.1400, 554)

...aussy des vaillances et proesses de leurs predecesseurs (La Sale, Salade, c.1442-1444, 164)

Oncques mès je ne fus vaincu D'omme vivant, ne convaincu ; Mais pluseurs en ay mis a mort Par mes vaillances et effors. (Myst. st Adr. P., c.1450-1485, 20)

...ceulx qui pour leurs vaillances et bienfais estoient afrancis du commun en aulcunes choses de leurs frances libertez se remettoient au servage. (La Sale, Sale D., 1451, 150)

Les Romains, ainsin qu'ilz honoroient de coronnes ceulz qui faisoient les grans vaillances d'armes, si comme cellui qui passoit premiers le fossé ou le palis de l'ost aux ennemis estoit coronné de la coronne valere (...) et ainsy des autres vaillances pareillement avoient ilz accoustumé (La Sale, J.S., 1456, 4)

Quant jeunesse a remply sa pance, Il n'est Godeffroy ne Hector Qui fist oncques si grant vaillance Que le jeune, tant se fait fort. A chascun menasse la mort, Et s'en va courant d'uys en huys (Pass. Auv., 1477, 118)

Il est saison que je m'advance D'aler Lucifer adviser Comment j'ay fait noble vaillance, Dont il me devra bien priser. (Myst. Pass. Troyes B., a.1482, 79)

O roy de France, oncques ne fut faicte vaillance telle d'avoir ainsi passé par les Arpes toy, ton armee et ton artillerie (La Vigne, V.N., p.1495, 299)

Tenir qqc. à grand vaillance. Considérer qqc. comme un exploit.

... et diront tuit (...) que le conte a le senglier occiz, et le tendront pluseurs a grant vaillance. (Arras, c.1392-1393, 27)

Chascun tint a grant vaillance ce que Anthoine et son frere avoient fait au roy. (Arras, c.1392-1393, 168)

Par ironie.

Et puis s'en alerent vers Troyes, boutans feux es granches et villages, et autre vaillance ne firent. (Roye, Chron. scand., I, 1460-1483, 286)