PROMPTEMENT

adverbe

[GD : promptement ; GDC : promptement ; FEW (IX, 444a) : promptus ; TLF (XIII, 1313b) : promptement]

Rapidement, tout de suite, sans tarder.

...afin que promptement et aisiéement il puisse venir devers nous (Ch. VI, D., t.1, 1388, 98)

Par mon chief, damp roy, dist le chevalier, qui fu moult courroucié, se vous ne faictes promptement ce que messeigneurs vous mandent, la truffe vous sera monstree au fer et a l'acier dedens trois jours. (Arras, c.1392-1393, 158)

...et a esté appoinctié que promptement sera ladicte ordonnance executée le plus courtoisement que faire se pourra. (Baye, II, 1411-1417, 267)

...pluiseurs bonnes et notables personnes de Dijon et du païs de Bourgongne, dont on lui [au duc de Bourgogne] offroit à faire promptement raison et justice sans long delay et sans grant despense (Fauq., II, 1421-1430, 156)

Et quant Madame eust l'endemain veu le bel et tres riche bracelet fut tresjoyeuse, lors a Saintré fist son signal, auquel Saintré promptement respondit... (La Sale, J.S., 1456, 83)

...et que, pour soy garder contre eux, lui estoit besoing et necessité (...) qu'il assemblast plus grant armée que onques n'avoit fait, et mouvoir guerre au roy plus que jamais, et autres grandes et merveilleuses dyableries qu'il escripvoit audit de Bourgongne par ung sien serviteur, qui de sesdictes lettres et instructions qu'il portoit fu trouvé saisy ; et promptement furent portées au roy, lequel, tout incontinent ces choses par lui sceues, fut icellui cardinal prins et saisy et mené prisonnier à Montbason, où il y fut laissé en la garde de monseigneur de Torcy et autres. (Roye, Chron. scand., I, 1460-1483, 228)

SATHAN. Or ça, ça, que l'on me decore D'aulcun precïeulx vestement, Puis je m'en yray promptement A luy comme ung roy de valeur (La Vigne, S.M., 1496, 537)

Tout promptement. Tout aussitôt.

Par mon chief, pour le plus brief, il faut ma niepce marier. Or lui querez un mary qui soit digne de gouverner son royaume, car, quant a moy, j'ay assez pays a gouverner, je ne quier pas a avoir la gouvernance de cestui. Lors respondent les barons tout promptement : Sire roy, s'il vous plaist que vostre niepce soit mariee, si lui querez mary, car par dessus vous n'y a homme qui s'en meslast. (Arras, c.1392-1393, 188)

Tout de suite, aisément.

Mais de ceulz qui mettent que les corps sont constitués et composés de superfices, l'en peust veoir promptement que il dient moult de choses autres qui sont contraires aus diciplines mathematiques. (Oresme, C.M., c.1377, 588)

Pour faire gambades a plaisance Il n'y a homme en toute France Que moy, pour faire promptement. (Gaud. sot, c.1450, 7)