PRELAT

substantif masculin

[T-L : prelat ; GD : prelat ; GDC : prelat ; DECT : prelat ; FEW (IX, 297b) : praelatus ; TLF (XIII, 1053a) : prélat]

A. -Haut dignitaire ecclésiastique, prélat.

Je vous di que maint bacheler, Maint chevalier, meinte pucelle, Maint bourgois, meinte damoiselle, Dames, bourgoises, a eslais, Prelaz, moinnes et clers et lais, Brief et de tous autres estas, Venoient cëans a grans tas Pour eaus soulacier et esbatre (Mach., D. Lyon, 1342, 191)

SECOND CURÉ. (...) pour ma saisine exercer De ceste eglise possesser, Dont mon prelat m'a fait curé... (Mir. parr., 1356, 18)

Là ot mainte honneur, c'est la somme, Car li pape premierement, Li cardinal secondement, Tout le clergié, tous les prelas, Et li pueples, à grant solas, Et à grant joie, le veïrent Et plus grant honneur li feïrent (Mach., P. Alex., p.1369, 21)

Là avoit riche baronnie Et moult noble chevalerie, Prelas, dux, contes et marquis. Li nobles rois les a requis Tous ensamble, quant l'eure vint, Que de son fait parler couvint. (Mach., P. Alex., p.1369, 44)

Car se un prelat ou prince ou autre actribue a soy ou distribue a autres des biens et honeurs communs autrement que selon la proporcion de la dignité et souffisance des personnes, soit pour lignage ou pour amistié ou pour autre faveur, il fait mal et injustice, si comme il fu dit ou .XIXe. chapitre du quint livre et declairié en la glose. (Oresme, E.A.C., c.1370, 461)

Et dist, sur ce requis, que lesdites parolles il dist lors ausdiz mons. Le Begue et clerc dudit maistre Pierre Fresnel, pour ce qu'il cuidoit que quant un prelat est prononcié en son estat, que jamais il ne feust muez (Reg. crim. Chât., I, 1389-1392, 522)

Le landemain, vint le roy d'Arragon et la royne, et les contes et barons et prelas dessus nommez, et pluseurs autres, et grant foison dames et damoiselles, et moult de bourgois des bonnes villes du pays. Et Gieffroy et Thierry, qui moult furent richement abituez quant pour dueil, eulx et leurs gens, vindrent vers le roy d'Arragon et les princes et prelas, et tenoient entre eulx deux le prieur de layens pour eulx faire congnoistre les seigneurs par nom. (Arras, c.1392-1393, 292)

Pour quoy je dy que veue la multitude des docteurs nouveaulx et des prelaz de l'Eglise qui dient ceste opinion estre vraye, que nostre Dame a toudiz esté belle sans laidure de pechié quelconque originel, veniel ou actuel, c'est plus seure chose de ainsy le tenir que l'opposite (Gers., Concept., 1401, 421)

...estre bien du clergié et en leur grace, tant des gens de religions et des docteurs come des prelaz et des gens du conseil, et aussi des bourgois et meismement de ceulz du peuple. (Chr. Piz., Trois vertus W.H., c.1405, 66)

...tous les seigneurs cardinaulx de l'un et de l'autre collège et tous les prélas qui pour lors estoient à Pise, s'assemblèrent en l'église Saint-Martin (Doc. 1409. In : MONSTRELET, Chron. D.-A., t.2, c.1425-1440, 11)

Item, qu'ilz amonestent tous les prelaz et juges ecclesiastiques de fere tenir et garder par leurs subgez ladicte paix et lesdiz traictiez (Baye, II, 1411-1417, 153)

À messire Pierre de Veyrac, chanoine de Chartres et receveur particulier audit lieu du 10me nagaires octroyé au roy nostre sire par les prelas des gens d'eglise de son royaulme, la somme de trente frans d'or, auquel mondit seigneur l'a donné de sa grace pour consideracion des bons et agreables services qu'il a faiz à mondit seigneur et aussi en recompensacion des fraiz, missions et despens par lui et ses gens faiz et à poursuir et faire venir en sa main, des deniers de sa recepte (Comptes Etat bourg. M.F., t.1, 1419, 168)

...et n'y avoit lors à Paris aucun evesque ou prelat, fors l'arcevesque de Sens (Fauq., II, 1421-1430, 8)

Item, IX escuelles faictes pour servir à prelat, en maniere de petis plats, pesant ensemble XXIIIJ livres (Fauq., III, Pièces diverses, 1438, LXXIV)

Et la trouverent tous les prelas, princes et seigneurs qui s'ensuivent (La Sale, J.S., 1456, 206)

...monseigneur l'evesque, la Dieu mercy, est le plus convoiteux prelat de ce royaume (C.n.n., c.1456-1467, 540)

Et de par la duchesse, prelaz et barons y furent envoyés monseigneur le chancelier, nommé de Malestroit, et monseigneur de Montauban (Gruel, Chron. Richemont L., c.1459-1466, 20)

Ou moys de juillet ensuivant vindrent et arriverent à Paris plusieurs prelats, seigneurs, chevaliers, gens d'Eglise et autres gens de conseil, que le roy ordonna venir et qu'on disoit qui estoient ordonnez pour mettre ordre et police en la justice et reformer en toutes choses, et leur fut baillé moult grant povoir. (Roye, Chron. scand., I, 1460-1483, 161)

Et à ce jour et depuis vindrent certaines nouvelles en France que lesdiz de Clairence, Warwyk, qui ainsi estoient sur les champs et en armes oudit royaume d'Angleterre, cuidans trouver ledit Edouart, prospererent ilec tellement que tous les princes, seigneurs, nobles, prelas, bourgois et commune dudit pays d'Angleterre, et singulierement tout le populaire de Londres, vindrent au devant dudit Warwyk, et tournerent le dos audit Edouart et vindrent mettre à pleine delivrance ledit roy Henry, qui par long temps avoit esté detenu en captivité de prison par ledit Edouart (Roye, Chron. scand., I, 1460-1483, 247)

Le novice ne puet vouer sans la licence de son pere, abbé et prelat. (Sacr. mar., c.1477-1481, 52)

Dimenche, .III. jour de may, le roy en Napples ouyt la messe a Sainct Genny, qui est la feste de la grant eglise cathedralle, ou il y eut grant assemblee de prelatz, tant cardinaulx comme evesques et autres prelatz constituez en dignitez (La Vigne, V.N., p.1495, 261)

Remarque : HENRI FERR., Modus et Ratio T., c.1354-1377, gloss. (preulat).

[P. réf. à Eccl.. XXIV, 12] Estat des prelats

...c'est assavoir : l'estat des prelaz que je entens par le peuple honorifié. Et pour ce que ceulx qui telx sont sont dignes de double honneur, c'est assavoir de temporelle et espirituelle puissance (Mir. Pierre Changeur, c.1378, 227)

[Antiquité romaine] Dignitaire religieux de haut rang.

Or avint en son temps que un qui avoit nom Postumius estoit consule et aussi estoit il prestre ou temple de Mars le dieu de bataille. Si fu ordené par le senat que celi Postumius yroit en Affrique pour faire guerre encontre les anemis de Romme, mais pource qu'il estoit prestre il volt avoir congié de Metellus son prelat, lequel congié Metellus ne li volt donner... (Sim. Hesdin, Val. Max., 1375-1383, I.1.2, glose, f° 6b)

B. -Par extension. Supérieur, chef, celui qui occupe un rang élevé dans la hiérarchie.

...les presidens et prelaz des religions (Foul., Policrat. B., VIII, 1372, 87)

Aussi de ceulx qui aux prelas ne voeullent prester obeÿssance et reverance, tout vray conseil et ayde, quant en sont requis... (La Sale, Sale D., 1451, 98)

Je vendray dire ma sentence Ou si non en mon absence G'y commectray ung lieutenant Qui sera gentil et plaisant Et amoureux, ainsi m'ai Dieux, Qui sera [...] tenant le lieu De [viron] comme(nt) ung vray prelat. (Est., p.1460, 26)

Estre prelat dessus qqc. Être à la tête de qqc..

...et est multitude naturelement encline a estre gouvernee par un homme ou par .I. lignage excellent en vertu qui soit prelat desus la policie. (Oresme, Pol. Arist. M., c.1372-1374, 163)