PAISIBLEMENT

adverbe

[T-L : paisiblepaisiblement ; GDC : paisiblement ; FEW (VIII, 92b) : pax ; TLF (XII, 797b) : paisiblement]

A. -[Sens actif]

1.En maintenant la paix, de manière à maintenir la paix.

Alors obtindrent paisiblement l'empire dudit royaume en l'an de Nostre Seigneur mil CIIII^xx et IX. (La Sale, Salade, c.1442-1444, 171)

Cestui Richard fist puis moult grant bruit et gouverna le roy Henry d'Angleterre moult paisiblement et lui prenostica moult de choses, que j'ay veues escriptes à Paris en ung sien livret (Simon De Phares, Astrol., c.1494-1498, f° 156 v°)

2.Sans trouble ni violence, d'une manière pacifique.

Et volons et ordenons que nosdis clers tiengne tres maintenant lesdis acqués et en goisse paisiulement, sans debat et sans contredit. (Trés. Reth. S.L., t.2, 1346, 71)

Seigneurs, toute raison s'acorde Que ceste pais et ceste acorde Soit publiée par la terre Dou soudan sans alongne querre ; Et je la feray publier En mon païs, sans detrier, Moult volentiers, par quoy les nostres Puissent aler avec les vostres, Et les vostres paisiblement Veingnent dessa seürement ; Par quoy marcheandise queure ; Qu'avis m'est, se Dieux me sequeure, Que c'est deffaus en toute court Quant marcheandise ne court. (Mach., P. Alex., p.1369, 175)

Nous esporons que vous finerez assez bien au roy de France et au roy de Navaire d'avoir sauf conduit pour eulx à passer paysiblement parmy leurs royaulmes. (Froiss., Chron. M., XIV, c.1375-1400, 108)

Je vous ay dit comment la premiere porte fut ouverte et la seconde rompue et brisiée par force de cuingines et de haches. Adont entrerent ens, tout bellement et tout paisieblement, les cappitaines et leurs routtes en la ville, et tout premier sans entrer en nulle maison, pour savoir et oyr se nulz ne se recueilleroit ne metteroit ensamble pour faire deffense, ilz alerent au long de la ville et le chercierent toute. Oncques ilz n'y trouverent homme qui se mesist à deffense, (Froiss., Chron. M., XIV, c.1375-1400, 217)

LE ROY. (...) Pourray j'en mon royaume entrer Paisiblement, sans contrester, Ou s'a mes filz aray meslée ? (Mir. ste Bauth., c.1376, 133)

Lequel messire Jehan de Sezay, il, durant le temps qu'il a servy yceulx Jaquet et Blanchebarbe, il a veu aler et venir paisiblement en la compaignie desdiz Englois, et entre[r] esdites forteresses englesches, aussi paisiblement comme faisoient sesdiz maistres (Reg. crim. Chât., I, 1389-1392, 59)

... [il] la contredit, pour ce que il dit que elle est sa hayneuse et mal veuillant, et a envie sur lui, pour ce que il se maintient et gouverne honnestement et paisiblement, et qu'il est filleul du roy nostre sire (Reg. crim. Chât., II, 1389-1392, 24)

Et manda que chascun se tenist en sa forteresse et leur laissast on prendre terre paisiblement, excepté que on gardast bien que ilz ne se laissassent surprendre et que les Sarrasins ne preinssent nulles de leurs forteresses ; car, a l'aide de Dieu, il n'en passera jamais pié de la la mer. (Arras, c.1392-1393, 132)

...et [les barons] compterent au roy Uriien toute la verité de la recueillette que son frere avoit eue en Armenie, et comment il en estoit roy paisiblement, de quoy Uriien loua Jhesucrist de bon cuer. (Arras, c.1392-1393, 144)

...tout le monde entretenoye Et paisiblement gouvernoye, Tout par tout generallement, Moyennant bon gouvernement, Dessoubz lequel j'estoyes adoncques. (Sots mal., c.1480, 88)

B. -[Sens passif] Sereinement, calmement, sans être perturbé.

Desormais est temps que je die La noblesse et la melodie De l'esprevier que tant amay Moult paisiblement, sans esmay. (Mach., D. Aler., a.1349, 255)

Et de quel arc porra dont traire Amans pour cuer de dame attraire En sa prise paisiblement, Sans y trouver empeschement ? (Mach., D. Aler., a.1349, 269)

Il est vray que par amour fine Fui paisiblement en saisine De l'alerion tellement Que je le garday bonnement, Et par maintes fois le portay. (Mach., D. Aler., a.1349, 340)

Il avint a un certein jour Qu'il me plut qu'a moult grant sejour Prenisse un traitis esbanoy, Paisiblement, sans point d'anoy, Et je savoie un lieu quillet, Noble, faitis et gentillet Pour le deduit des damoiseaus Qui bien aimment chiens et oiseaus (Mach., D. Aler., a.1349, 382)

...il sont saint car il se sont paisiblement [laissé] mourir pour leur dieu. (Jean Le Long, Voy. Odoric A.M., 1351, 26)

Mais je vueil tout premierement que les convenances et ordonnances soient si fermement prises, escriptes, grossées, tabellionnées et scellées, que jamais en ruine ne en debat de touttes parties elles ne puissent enccoir ne venir ; c'est que ma fille sera hiretée de toute la conté de Guerles, ainsi que elle s'estent et comprent dedens les bornes et, s'il avenoit chose que le conte Regnault de Guerles alast de vie à trespas devant ma fille, sans hoir de sa char, que ma fille paisieublement tenist et possessast comme son bon heritaige la conté de Guerles tout son vivant, et, après son decès, elle retournast là où elle devroit aller. (Froiss., Chron. M., XIV, c.1375-1400, 150)

Tenez, buvez a bonne estraine Paisiblement (Vie st Fiacre B.C.P., c.1380-1400, 32)

Ceste vertus [Justice originele] par ton ordonnance l'eust gouverné tellement, et tous ceulz qui l'eussent eue et gardee, que l'ame eust tenu paisiblement en subjection et obeissance la char, les membres et les sens corporelz, sans point rebeller ou desobeyr en riens a ce que Raison la saige eust deliberé, voulu ou commandé (Gers., Concept., 1401, 397)

Car il m'est homs qui bien peust vivre Ne paisiblement a delivre Sanz l'estude de sapience (Chr. Piz., Chem. estude P., 1402-1403, 220)

Si vesquirent depuis assez longtemps monseigneur et madame paisiblement ensemble (C.n.n., c.1456-1467, 78)

Ces deux ensemble par longue espace passerent pluseurs jours paisiblement et doulcement. (C.n.n., c.1456-1467, 109)

Et, en icellui temps, advint à Paris que trois sergens à verge du Chastellet, qui estoient bien mal renommez, furent de nuit prendre ung prestre de l'eglise monseigneur Saint-Pol à Paris, lequel estoit paisiblement couché en sa chambre, en laquelle par force et violence entrerent dedens, et ilec le batirent, et puis l'en amenerent en la rue, et le trainerent au long d'icelle et le navrerent en plusieurs lieux, et puis le laisserent. (Roye, Chron. scand., I, 1460-1483, 168)

Premierement fut monsieur de Bourbon De ce royaulme en ville et en bourc bon Seul pour le tout commis regent de France ; Qui par conseil et advis bel et bon, Sans surquerir le festu au charbon, Manifesta sa bonne sapïence, Son bon vouloir, sa haulte preference En tel façon que le peuple vivoit Paisiblement, et homme n'y avoit, Tant fust de haulte ou basse extraction, Qui ne clinast soubz sa protection. (La Vigne, V.N., p.1495, 141)

Remarque : FROISS., Méliad. L., 1373-1388, gloss. (paiseulement) ; WAUQUELIN, Manequine C.T., a.1448, 33/10.

DROIT Sans contestation.

...les droiz veulent bien dire Qu'estre doivent restitüé Cilz qui a tort sont desnüé Et despoillié de leur saisine, Qu'i justement a cause fine, A bon tiltre et paisiblement, Ont maintenue longuement. (Myst. Adv. N.D. R., c.1360-1365, 64)

C. -[À propos de choses] Sans perturbation, dans le calme.

...et donques passent il [les corps du ciel] un sus l'autre tres souef et tres seriement sanz confricacion quelcunque et, par consequent, tres paisiblement sanz noise et sanz son. (Oresme, C.M., c.1377, 478)