MONNOIE

substantif féminin

[T-L : monoie ; GDC : moneie ; AND : moneie ; DECT : monoie ; FEW (VI-3, 74a,75a,76b) : moneta ; TLF (XI, 1002b) : monnaie]

A. -Pièce d'alliage ou de métal (parfois de cuir), de titre, forme et caractéristiques déterminés et garantis par les autorités, servant de moyen d'échange ; ensemble de ces pièces.

Et est moult plus a accuser que ne sont ceulz qui corrumpent ou faussent la monnoie. (Oresme, E.A., c.1370, 462)

TROISIESME POVRE. (...) Avez vous maille ne denier ? (...) DEUXIESME POVRE. Par foy, huy fourme de monnoie Ne teing, Lienart. (Mir. Clov., c.1381, 202)

... [il] leur vendoit le marc six frans et demi, qui ne valoit par raison que cinq frans et demi, et la païoient de la monnoye que ilz faisoient par la maniere ditte, laquelle monnoye elle alouoit avec autres blans du roy à son cange. (Reg. crim. Chât., I, 1389-1392, 482)

LA MARQUISE [à la nourrice] . (...) Tenez ceste plaine aumosniere De monnoie et vous en aysiez, Que bien est raison qu'en soiez Tresbien paiee et largement, Quant nourrie diligemment L'avez [ma fille] et en bon point rendue. (Gris., 1395, 51)

LE DRAPPIER. (...) Ce pourroit il faire Que ceulx dont vous devez retraire Ceste rente prinssent monnoye ? ['acceptent de la monnaie', c'est-à-dire un moyen de paiement autre que l'or - ce qui paraît suspect au Drappier] (Path. D., c.1456-1469, 66)

Item, m'amour, ma chiere rose, Ne luy laisse ne cueur ne foye ; Elle aymeroit mieulx aultre chose, Combien qu'elle ait assés monnoye... Quoy ? une grant bourse de soye, Plaine d'escuz, parfonde et large. (Villon, Test. R.H., 1461-1462, 81)

De tous mes debteurs denyer n'eu ge Trois ans a, ne aultre monnoye (La Vigne, S.M., 1496, 511)

[P. oppos. à l'or et à l'argent]

Souffist il se je vous estraine D'escus d'or, non pas de monnoye ? Et si mangerez de mon oye, Par Dieu, que ma femme rotist. (Path. D., c.1456-1469, 76)

LE CHRESTIEN. (...) Helas, je me suis veu puissant, Jouissant D'or, d'argent et de monnoye ! (Mir. st Nic. juif, c.1480-1500, 74)

LE CRESTIEN [au juif] . Vers vous venoye [pour] emprunter or ou monnoye (Mir. st Nic. juif, c.1480-1500, 87)

LE CRESTIEN. (...) Se je devoye estre pendu, A bien grant peine fineroye Autant en or comme en monnoye, Ung grant blanc. (Mir. st Nic. juif, c.1480-1500, 110)

[Valeur minimale]

[Var.] Mais li haubers fu fors ne l'empira monnoie (Jourd. Blaye alex. M., a.1455, 669)

En monnaie. En menues pièces de monnaie.

Cedit jour, ont esté deposé par messire Simon de Cramant, arcevesque de Reins, ou tresor de Nostre Dame de Paris quatre mil VIIJ cens libvres tournois en IIIJm escus en or, comptez en ma presence, et le remenant en monnoie estant en pluseurs sacs (Baye, II, 1411-1417, 2)

...ont au jour dui esté miz par maistre J. Milet devers icelle Court L frans en monnoie. (Baye, II, 1411-1417, 193)

Fausse monnoie. Contrefaçon de la monnaie d'échange.

...au Roy appartient la cognoissance et punicion dez crimes de lese majesté et de toutes infractions de sauvegardes du Roy : forgement de fausses monnoyes, et de toutes transgressions dez ordenances royaux faittes sur le fait dez monnoyes (Songe verg. S., t.2, 1378, 201)

...l'en ne povoit ou devoit espargnier qu'il ne feust digne de souffrir mort, comme homme qui avoit fait faux coings et forgé faulse monnoye, c'est assavoir qu'il feust bouilly. (Reg. crim. Chât., I, 1389-1392, 492)

...ledict Jacques Cuer fust trouvé chargé que dès l'an CCCCXXIX, luy estant compagnon de la ferme de nostre monnoye de Bourges, il auroit fait forgier escus à moindre poix et loy, (...) et par ce moien y avoit eu prouffit de vingt ou de trente escus pour marc, où il n'en devoit avoir que deux escus, en deffraudant et dérobant nous et la chose publique de nostre royaume, et commectant, en ce faisant, crime de faulse monnoye. (Doc. 1453. In : Aff. Jacques Coeur M., 1453-1457, 6)

Menue monnoie/Petite monnoie. Monnaie de petite valeur.

...Richart et (...) Jehanneton (...) rompirent un coffre et pridrent III royaus et autre menue monnoie, (...) (Conf. Jug. Parlem. Paris L.L., 1336, 116)

Et tous les jours faisoit donner V. frans en petite monnoie pour l'amour de Dieu et l'aumosne à sa porte à toutes gens. (Froiss., Chron. M., XII, c.1375-1400, 77)

...et quant il eust coppée, regarda que dedens icelle bourse avoit vint soubz par. en plusieurs menues monnoyes. (Reg. crim. Chât., I, 1389-1392, 480)

Et vit, il qui parle, que sur le chemin, icelli Breton, toutes fois qu'il ot besoing de monnoye, changa deux frans d'or en menue monnoye. (Reg. crim. Chât., I, 1389-1392, 534)

...elle qui parle print en la tasse d'icellui compaignon, ainsi comme il estoit sur elle, J franc en or et VJ sols en menue monnoie, lequel argent elles despendirent ensemble. (Reg. crim. Chât., II, 1389-1392, 440)

Monnoie blanche. Monnaie métallique.

...il delivra au mestre d'ostel de messire Jehan de Hainnau grant fuisson de blance monnoie d'Engleterre, pour paiier lors menus frés (Froiss., Chron. D., p.1400, 105)

Monnoie noire. Menue monnaie de cuivre.

Item dit (...) que (...) il coupa, en l'escole du geu des tables, à Philippe du Buisson sa gibesiere et une bource qui estoit dedanz, et en osta VI s. en menue monnoie noire. (Conf. Jug. Parlem. Paris L.L., 1350, 186)

...pour ceste cause [achapter petites marchandises] fut faicte mixtion de une matière moindre d'argent en valeur ; et de ce eut et print sa naissance la noire monnoie (Oresme, Monnoies W., c.1365, XV)

Et encores, pour certain, ceste faulseté seroit pire que en la mutacion du poix, car elle est plus sophistiquée et moins apparcevable, et plus peult nuyre et blessier la communaulté ; et pour ce, ou telle mixtion ou noire monnaie se fait, la communaulté doit pour elle garder, en lieu ou lieux publicques, l'exemple et prinse d'icelle proporcion et qualitez d'icelles mixtions à eschever les perilz, affin que le prince (que Dieu ne vueille !) fist monnoïer telles mixtions, ou que aultres occultement ne falsifient la monnoie (Oresme, Monnoies W., c.1365, XLII)

Petite monnaie

Mais il est à noter pour règle généralle que jamais ne se doit faire mixtion en monnoie, fors tant seullement en métal moins précieux, de quoy on a accoustumé faire petite monnoie (Oresme, Monnoies W., c.1365, XV)

Monnoie de cuir

Cestui moult aprecié du roy Saint Loys et lui predist l'infortune qu'il eut en son voyage d'oultre mer, où il fut pris et, pour sa rençon, fut faicte en France monnoye de cuir à ung petit clo d'argent, de laquelle a encorre grande quantité au Louvre à Paris, qui m'a esté monstrée. (Simon De Phares, Astrol., c.1494-1498, f° 125 r°)

Monnaie d'or/d'argent

DEUXIESME BOURGOIS. Sire, et vezci toute monnoie D'or, du temps l'empereur premier : A vostre vouloir, sire chier, La despendez. (Mir. emp. Julien, 1351, 190)

...l'empereour (...) constituoit le roi Edouwart d'Engleterre son vicaire (...) et li donnoit poissance (...) de faire monnoie d'or et d'argent aussi ou nom de li. (Froiss., Chron. D., p.1400, 293)

Et partant, le roy le renvoya à ses despens à ses pays, et lui donna et octroya telle preeminence qu'il se puist nommer par la grace de Dieu, puissance de faire monnoye d'or et d'argent de bon aloy, aussi bon que la monnoye du Daulphiné, donner aussi toutes graces, remissions et pardons, reservé de heresie et de crime de lese majesté. (Roye, Chron. scand., I, 1460-1483, 338)

Faire/forger monnoie

Et se tu fais forgier monnoie, Pour Dieu, fai la tele qu'on oie Dire qu'elle est de bon aloy. Car je te jur, par saint Eloy, Qu'il n'est chose, grant ne petite, Dont personne soit tant maudite (Mach., C. ami, 1357, 136)

'Si vous loons et consillons que vous rompés la grignour partie de vo vaisselle d'argent et de vostre tresor (...) et en faites faire monnoie pour donner et departir largement as compagnons.' (Froiss., Chron. L., VI, c.1375-1400, 217)

Or est certain que, jadiz, la duché de Bretaingne fust royaume et encore tient lez drois et lez nobleces de royaume en sez subjez, car il use de regale ez evechés de sa duché, et fait monnaye, et a lez poysons royaulx, et puet lez crimes remettre, et le païs restituer. (Songe verg. S., t.1, 1378, 260)

...ledit Robinet se charga de lui faire finence de la valeur de deux mars d'argent, et lui dist que pour les avoir il forgeroit monnoye, et en forga jusques à la valeur de six frans ou environ de la monnoye ditte (Reg. crim. Chât., I, 1389-1392, 483)

...ilz accorderent li uns à l'autre, et d'un commun assentement, que ilz feroient yceulx coings à faire monnoye de VIIJ deniers par. pour piece. (Reg. crim. Chât., I, 1389-1392, 489)

... [ils] delibererent et furent d'oppinion que l'en ne povoit ou devoit espargnier qu'il ne feust digne de souffrir mort, comme homme qui avoit fait faux coings et forgé faulse monnoye, c'est assavoir qu'il feust bouilly. (Reg. crim. Chât., I, 1389-1392, 492)

...il vinrent devant Monstruel Bonnin, ou il avoit pour ce temps plus de .CC. monnoiiers, qui la forgoient et faisoient la monnoie dou roi. (Froiss., Chron. D., p.1400, 765)

...et que la monnoie nouvellement faicte et forgée auroit cours pour IJ deniers et pour J denier tournois. (Fauq., II, 1421-1430, 28)

Cestui premier fist forger monnoye à Tharan, Juif moult subtil. (Simon De Phares, Astrol., c.1494-1498, f° 17 v°)

Ferir monnaie en coin

...mais oncques jour de sa vie il ne fery monnoye en coing, pour ce qu'il n'eust sceu, et qu'il n'estoit pas assez fort homme pour ferir en coings. (Reg. crim. Chât., I, 1389-1392, 489)

Proverbe. À menues gens menue monnaie. À petites gens, petite monnaie.

Item, ne sçay qu'a l'Ostel Dieu Donner n'a povres hospitaulx. Bourdes n'ont icy temps ne lieu, Car povres gens ont assez maulx. Chacun leur envoye leurs oz : Les Mendïans ont eu mon oye ; Au fort, ilz en auront les oz ; A menues gens menue monnoye. (Villon, Test. R.H., 1461-1462, 127)

B. -Par extension.

1.Argent, numéraire.

Malades sui et s'ay po de monnoie, Et mes freres, dont plus assez m'anoie. Après je doubt que ne soie en oubli De mon droit dieu terrien qu'oncques n'oubli, Eins le regret souvent en souspirant. (Mach., Compl., 1340-1377, 252)

Richesses sont dons de Fortune Qui tout aussi comme la lune Ont leurs cours, qu'elles vont et viennent, N'onques en un point ne se tiennent, Se ce ne sont aucun tresor De gemmes, de monnoie ou d'or Qui sont en prison et en serre. (Mach., C. ami, 1357, 70)

Mais une chose trop m'anoie, Qu'on quiert tant a avoir monnoie : Qu'il me faut paier XLme XXXme, XXme, XIIIme Et aussi .III. fois le Xme, VIIIme, VIme, Vme, Et encor parle on du IIme, Voire, par Dieu, et du Centme. (Mach., Voir, 1364, 486)

...car celui de qui est faicte commutation de son chaucement aveques celui qui en a mestier a monnoie, et de la monnoie il fait commutation a viande qu'il en achate. (Oresme, Pol. Arist. M., c.1372-1374, 63)

Brise Godet, pren les premiers, Ces joiaux, et toy ces deniers, Lambin, et toy, Boute en Couroye, Léves toute ceste monnoye ; Et toy ces joiaux, Rigolet, Pren avecques Brise Godet : Rien n'y laissiez. (Mir. Rob. Dyable, c.1375, 13)

Et aussi sera desploiée Ma monnoie en aumosne faire (Mir. ste Bauth., c.1376, 94)

Par le vray sainct Pierre de Romme C'estoit une femme, en somme, Qui demandoit de la monnoye. (Gaud. sot, c.1450, 10)

FLATERIE. Il [Pluseurs, le seigneur] pourra bien chanter et rire, Boire du vin, laissier le pire. Assés luy gaignerons monnoye. ENVIE. S'en bonne amour nous entretien, Des biens aura s'en luy ne tient. Il pourra bien crier mont joye. (Pouvre peuple H., c.1450-1492, 160)

Il n'est monoye, Joyau, viande, voye, Qui me peust mon corps resjoyr, Ou que je soye. Mon cueur s'employe A panser qu'il me fault morir. (Pass. Auv., 1477, 109)

[Gratification pour un service rendu] Gagner monnaie. Gagner de l'argent.

Belot, va t'en (...) Chiez mon seigneur, ysnel le pas, L'evesque (...) Et si li dy que je t'envoie. Va tost ; tu gangneras monnoie Et bien a boire. (Mir. ev. arced., c.1341, 117)

Avoir monnoie. Être payé, être rémunéré.

De ces nouvelles furent liet tout li compagnon d'estragnes pays, pour l'esperance d'avoir monnoie, qui avoient eu grant faute d'argent et enduré tamainte mesaise. (Froiss., Chron. L., V, c.1375-1400, 194)

2.Système monétaire.

...quant il plaira au Roy ou Prince remestre ordre en sa monnoie (Oresme, Monnoies W., c.1365, III)

(À la) monnoie de + nom de pays, de province

...et siet ceste terre entre Bloisois et Berry, et y peut avoir de revenue par an pour environ Vc. livres, monnoie de France. (Froiss., Chron. M., XIV, c.1375-1400, 178)

...la avoient en .I. sach cent livres d'estrelins, monnoie d'Engleterre, car adont il n'estoit encores nulles nouvelles de nobles. (Froiss., Chron. D., p.1400, 99)

Et convint le roi d'Engleterre (...) enprunter a Jaquemon d'Artevelle (...) chienqante mille mars, monnoie d'Engleterre, avaluee au paiement de Flandres et d'Engleterre : ce furent deus cens mille florins (Froiss., Chron. D., p.1400, 450)

...6033 l. 2 s. 9 d. t. monnoye d'Artois despensé par lettres faites ou temps que l'en donnoit par marc d'argent 16 l. 10 s. t. (Comptes Etat bourg. M.F., t.1, 1420, 286)

...la somme de cincq cens escus, du pris de quarante gros nouvelle monnoye de Flandres chacun escu (Comptes Etat bourg. M.F., t.1, 1420, 286)

...et valoit lors le marc d'or fin à la monnoie du Roy LXXVJ livres V sols tournois. (Fauq., II, 1421-1430, 31)

3.Valeur monétaire.

Encore y a chose qui m'est po belle, C'est maletoste et subcide et gabelle, Foible monnoie et imposition Et dou pape la visitation. Or faut paier pour .VIIJ. ans les trentismes Et sans delay pour le roy .IIJ. disismes. Et li dyable porront de ce finer ; On porroit bien une mine miner. (Mach., Compl., 1340-1377, 251)

Les porcions de monnoie que on dit deniers doivent estre de figure et quantité habilles à traicter et à nombrer (Oresme, Monnoies W., c.1365, XVIII)

...la royne et ses dames, veans l'oscurte des besans et la foible monnoye du royaume de Hongrie, et que elles ne trouvoient pas la franchise ou royaume des monnoyers jurez, qui doivant faire la monnoye, laisserent pauvres lieutenans pour l'amour du signe de Thau, qui tellement quellement estoit en une partie d'Auteriche, c'est assavoir en Quarantayre. (Mézières, Songe vieil pèl. C., t.1, c.1386-1389, 253)

Jeudi, IIJe jour de jullet, ont esté publiées en la Court de ceans les lettres royaux sur le nouvel cours des monnoies, et ont esté portées ou Chastelet pour y estre publiées. (Fauq., II, 1421-1430, 18)

...lesdis laiz seront paiez et fournis en monnoie courant à present jusques à la valeur de la monnoie qui couroit au temps de la date dudit testament (Fauq., II, 1421-1430, 57)

Oudit temps, le roy fist ordonnance sur le fait de ses monnoyes et ordonna ses grans blans courir pour XI tournois, qui par avant n'en valoient que dix ; les targes XI tournois, qui en valoient XII ; l'escu XXX sous IIII deniers tournois, et ainsi de toutes les autres especes de monnoies, tout fut changé. (Roye, Chron. scand., I, 1460-1483, 307)

Car vielles n'ont ne cours ne estre Ne que monnoye qu'on descrye. (Villon, Test. R.H., 1461-1462, 57)

Predist aussi les tribullacions qui furent en France, à l'occasion de la debillitacion desdites monnoyes, car les XXX solz n'en valoient que dix de forte monnoye, et le peuple ne povoit païer ses debtes et la merchandise ne valoit riens. (Simon De Phares, Astrol., c.1494-1498, f° 125 r°)

'Mons. le grant maistre, je vous prie tant comme je puis que vous faictes mettre dedens Amyens tous les nobles et frans archiers que vous pourrez trouver, et n'y espargnez rien, car de ma part aussi ne feré-ge. J'ay ordonné pour ceste guerre que toutes les monnoies se prengnent ainsi qu'ilz faisoient par avant certaine ordonnance nagueres faicte, car on m'avoit dit que les cappitaines et gens de guerre y faisoient aucuns reffuz...' (Le Clerc, Interp. Roye, c.1502, 271)

Monnoie courant au pain et au vin. Cours particulier des monnaies dans une période d'instabilité monétaire.

Guillaumes de Champdivers doit a Lambert le Chastelenet VI lb. XIII s. VI d. (monoie courrent au pain et au vin a present) pour vandue de vin vermoil (Echevin. Dijon L., 1342, 57)

Muer les monnoies. Modifier la définition des pièces en circulation.

...nous ne conseillasmes ne ne fusmes présens à conseiller que monditseigneur levast tailles, muast ses monnoyes, ne fist empruns ne exaccions, telz et si excessifs, comme on puet savoir que fait a esté ou temps passé. (Ch. VI, D., t.1, 1405, 282)

C. -Par métonymie.

1.Monnayage.

Derechief, le Roy doit avoir la cognoissance de tous monnoyers et d'autres gens neccessaires pour la ditte monnoie. (Songe verg. S., t.2, 1378, 202)

..la monnoye d'Auxonne, que monseigneur le duc leur avoit accordé forgier et monnoyer en icelle à leurs frais et despens avec toutes matieres neccessaires pour faire ledit ouvraige de monnoye dau telz pié, poix et aloy que l'en ouvroit lors en ladicte monnoye (Comptes Etat bourg. M.F., t.2, 1420, 801)

Maistre de la monnoie/Maistre des monnoies. Celui qui a la direction du monnayage, de la fabrication des monnaies.

...Pierre Cursin, lors lieutenant du maistre de la monnoie de Roen (Clos galées Rouen M.-C., t.2, 1341-1342, 24)

...Regnault Thumery, maistre particulier de la monnoye du roy à Paris (Comptes Etat bourg. M.F., t.1, 1419, 55)

...Augustin Ysbarre, maistre particulier des monnoyes d'icelles villes, certaine finance que mondit seigneur avoit pieça prestee comptans au roy nostre sire pour convertir ou fait de sa guerre et dont mon seigneur avoit esté assigné sur ledit Augustin par les generaulx gouverneurs des finances de ce royaulme (Comptes Etat bourg. M.F., t.1, 1419, 112)

Et sur l'emprisonnement d'aucuns orfèvres, disoient les maistres des monnoies qu'ilz en avoient fait emprisonner aucuns, pour ce qu'ilz avoient acheté escus et fait fait de change, qui leur est defendu par les ordonnances (Fauq., II, 1421-1430, 233)

Et, après ladicte execucion ainsi faicte dudit connestable, fut le samedi, XXIIIe jour dudit moys de decembre, fait publier à Paris, à son de trompe et cry publique, le desappoinctement des generaulx maistres des monnoies pour les causes contenues oudit mandement. (Roye, Chron. scand., II, 1460-1483, 1)

(Maistres) generaux des monnoies

Pareillement aussi desapointa plusieurs maistres des requestes, secretaires, conseillers et clers des comptes, de la court de parlement, des generaulx des aides, de la chambre du tresor, des generaulx des monnoyes et autres, et en leurs lieux y en mist de tous nouveaulx. (Roye, Chron. scand., I, 1460-1483, 30)

Et, en ce mesmes an, ou moys de juing, le roy manda aler pardevers lui au Mellay pres de Chartres plusieurs gens notables de Paris, entre lesquelz y fut maistre Jehan Le Boulenger president en Parlement, maistre Henry de Livres conseiller de ladicte court, sire Jehan Clerbout general maistre des monnoyes, Jaques Rebours procureur de ladicte ville de Paris, maistre Eustace Milet aussi conseiller en ladicte court, Nicolas Laurens, Guillaume Roger, Jehan de Hacqueville et plusieurs autres bons marchans que le roy envoya à Chartres devers le conseil (Roye, Chron. scand., I, 1460-1483, 173)

Et se trouverent LXVII bannieres des mestiers, sans les estendars et guidons de la court de Parlement, de la Chambre des comptes, du Tresor, des generaulx des Aides, des Monnoyes, du Chastellet et Hostel de la ville, soubz lesquelz il se trouva autant et plus de gens de guerre que soubz toutes lesdictes bannieres. (Roye, Chron. scand., I, 1460-1483, 181)

Ouvrier de monnoie

...les Englois et Gascons (...) ouvriers de monnoie (Froiss., Chron. D., p.1400, 765)

2.Établissement destiné au monnayage, hôtel des monnaies.

Que comme depuis le moys de juing derrenièrement passé lesdictes gardes aient fait et délivré audit Perrinet deux délivrances des deniers d'or qui de présent se font en noz dictes monnoies, l'une montant de XVII à XVIII mars d'or, et l'autre montant de X à XII mars (Ch. VI, D., t.1, 1399, 160)

Pareillement, la Court a fait defense à Regnault de Thumery, maistre particulier de la Monnoie de Paris, et à Jehan Soris, garde de ladicte Monnoie, afin qu'ilz ne delivrent ou emploient, autrement que dit est, la somme de IJm VIJc l. t., que on disoit estre par devers eulz, receue et venant des prouffis de ladicte Monnoie appartenans au Roy nostre sire (Fauq., I, 1417-1420, 235)

...la Court dit que les ouvriers et monnoiers dudit serement de l'Empire, jà receuz et qui ont fait leur espreuve en la monnoie de Paris ou en autre monnoie royal du royaume de France, pourront ouvrer et monnoier es monnoies royaulz d'icellui royaume monnoie blanche et noire, pareillement que ceulz dudit serement de France. (Fauq., II, 1421-1430, 359)

Gilbert Lorfèvre a prisé, en ma présence, la pierrerie tirée des quatre salières d'or qui ont esté mises à la monnoye. (Aff. Jacques Coeur M., 1453-1457, 45)

...faire ouvrer en ses monnoies deniers d'or de tel forme et nom comme il luy plairoit à XXIII karas et demy et ung VIIIe, ledit VIIIe de remède, de LII de poix au marc ayant cours pour XL s. t. la pièce (Pol. Louis XI, G., Pièces justif., 1464, 425)

L'hostel de la monnoie

Si se loga li rois en l'ostel de le monnoie, qui estoit grans et biaus (Froiss., Chron. L., IV, c.1375-1400, 153)

D. -Par métaphore. Moyen pour obtenir qqc..

Moyens, ressources, facultés.

Maintenant il fault que vous voye Tout mort en voye, Et que desploye - tous mes regrés piteusement, Car ma monoye Plus ne s'employe - a vous norrir joyeusement. (Pass. Auv., 1477, 253)

Moyen de rédemption.

[Jésus] De mort a pris la monoye, Qu'il employe A rachapter l'omme vieulx. [la mort du Christ a servi de monnaie pour racheter les pécheurs] (Pass. Auv., 1477, 245)