MESAVENTURE

substantif féminin

[T-L : mesaventure ; GDC : mesaventure ; AND : mesaventure ; DECT : mesaventure ; FEW (XXIV, 196b) : *adventura ; TLF (XI, 695b) : mésaventure]

Ce qui advient de mauvais, événement malheureux, malheur.

...et lui dura trois ans entiers celle mesaventure (Bérinus, II, c.1350-1370, 30)

Daniel (...) Dit qu'en ma mesaventure N'est aïdeur que toi [S. Michel] ëu (Guill. Digull., Pèler. âme S., c.1355-1358, 38)

Et fu li sires de Campremi pris en bon couvenant. Li autre chevalier et escuier françois, qui veirent le mesaventure et que il ne pooient recouvrer, se misent au retour devers Paris tout en combatant. (Froiss., Chron. L., V, c.1375-1400, 233)

Or, regardez la grant mesaventure, car ilz occirent bien ce samedi au soir de bons prisonniers, dont ilz eussent eu IIII c. mille frans l'un parmi l'autre. (Froiss., Chron. M., XII, c.1375-1400, 163)

Et là dirent les ghides qu'il avoient perdu leur chemin, et furent en grant destroit de froit et de nège, et chevaucièrent en l'endemain jusques à nonne, ainchois qu'il peussent trouver l'un l'autre. Cheste mesaventure des Englès cheï grandement à point pour chiaux dou Val de Sorie qui ne se donnoient garde de ceste chevauchée et embusce. (Froiss., Chron. R., IX, c.1375-1400, 112)

Là fu Phelippes d'Artevelle enclos et navrés de glave et abatus, et des gens de Gand qui l'amoient et gardoient, grant fuisson dallés lui. Quant li pages Phelippe veï le mesaventure venir sus les leurs (...) si se parti, et laissa son maistre, car il ne le pooit aidier. (Froiss., Chron. R., XI, c.1375-1400, 55)

Car en touz temps et en toutes saisons, Li mesnagier povres est en ardure Comment il puist faire aucun de ses bons ; Mais à tout faut pour sa mesaventure. Chascun le het, nulz n'a de s'amour cure ; Dont puis tous maus, à droit jugier, changier Envers soussi de povre mesnagier. (Mach., App., 1377, 645)

...Remondin fait greigneur dueil que tous les autres, et se repentoit tant de son meffait que se ne feust l'esperance du confort qu'il prenoit de sa dame, il ne se peust estre tenus qu'il ne leur eust dit sa mesaventure [avoir causé la mort accidentelle de son seigneur] , pour la grant contrition qu'il avoit de la mort son seigneur. (Arras, c.1392-1393, 29)

Mais il [Geoffroy] fu moult doulent de la perte de sa mere et de la douleur de son pere. Et senty que la premiere racine de ceste grief mesaventure mouvoit par le conte de Forest, son oncle, et jura la Trinité qu'il le comparroit. (Arras, c.1392-1393, 268)

Et ainssi grant mesaventure Leur avint (Chr. Piz., M.F., III, 1400-1403, 262)

...Mais signes de mesaventures Et de dommages perilleux Leur avindrent moult merveilleux (Chr. Piz., M.F., III, 1400-1403, 263)

Par mesaventure. Par un coup de mesaventure

'Avançons-nous, car se les Englois par mesaventure ou par force d'armes prendoient ja la ville ne le chastel de La Calongne ilz seroient tous seigneurs du pays.' (Froiss., Chron. M., XII, c.1375-1400, 309)

Ensi alla de la fin Yeuwain de Gales et fu ochis par grant mesaventure et par traïson. (Froiss., Chron. R., IX, c.1375-1400, 78)

Las ! Mon amy [Remondin] , se tu ne m'eusses faussee [Mélusine] , (...) [j'] eusse vescu le cours naturel comme femme naturelle, et feusse morte naturelement, et eu tous mes sacremens, et eusse esté ensevelie et enterree en l'eglise de Nostre Dame de Lusegnen, et eust on fait mon unniversaire bien et deuement. Or me r'as tu embatue en la penance obscure ou j'avoye long temps esté par ma mesaventure [enfermer son père dans une forêt] . Et ainsi la me fauldra porter et souffrir jusques au jour du jugement et par ta faulseté. Je pry a Dieu qu'il le te veulle pardonner. (Arras, c.1392-1393, 256)

...ainsi sert de tel mais Fortune ceulx qu'elle surmonte, Et puis tout a coup les affronte Par un coup de mesaventure (Chr. Piz., M.F., II, 1400-1403, 188)

...ains advint ce cop et ce chocq par mesadventure (La Marche, Mém., III, c.1470, 52)