JUGE

substantif masculin

[T-L : juge ; GDC : juge ; DEAF, J 684) : juge ; AND : juge1 ; FEW (V, 55) : judex ; TLF (X, 782a) : juge]

I. -Celui qui juge.

A. -[Domaine jur.] Celui qui est officiellement chargé de trancher les différends, magistrat chargé de rendre la justice.

LE PROCUREUR DE SAINT LORENS. Sire juges, a brief mot court, Cy ne vous amenderons rien. (Mir. prev., 1352, 239)

En celle annee establi furent Doi juge ancien qui se deçurent Par luxure et par couvoitise Qui maint mal engendre et atise, Desquels Nostres Sires parole Et dit einsi en sa parole : 'Des juges babyloniens Qui furent vieus et anciens Et gouvernoient la cité Issue est grant iniquité.' Cils doi la maison frequentoient De Joachim et la faisoient Leur edis, leur commandemens, Leur consauz et leurs jugemens. (Mach., C. ami, 1357, 4)

Et pour ce, tele chose qui est injuste et inequale, le juge tempte et met poine a la ramener et reduire a equalité. (Oresme, E.A., c.1370, 289)

Juges qui fait jugement doit avoir les yeux envers le ciel ; et est à entendre que le cuer soit à Dieu par vraye foy de droiture, qui ne penssoit point es vanités du monde (Cout. bourg. glosé P.M., c.1380-1400, 100)

...aucunes autres confessions par lui semblablement faites par devant le juge de la Ferté-Bernart (Reg. crim. Chât., I, 1389-1392, 421)

Et par la congnoissance dessus dite, o l'avis desdiz conseillers, a esté jugié par mondit seigneur le juge que il avoit mort desservie, c'est assavoir d'estre ars. (Reg. crim. Chât., I, 1389-1392, 474)

...par l'accusacion de feu Thevenin Tout Seul, nagueires excecuté à la justice d'Essonne, elle est trouvée coulpable du murdre fait par ledit Thevenin en la personne dudit Drion, son mary, si comme il appert par lettres closes de maistre Jehan Marcel, juge de la justice dudit lieu d'Essonne (Reg. crim. Chât., II, 1389-1392, 55)

...iceulx escoliers (...) le firent convenir et appeller par devant les bailli et prevost dudit lieu de Troyes, par devant lesquieulx juges il, pour la paour et crainte qu'il avoit d'iceulx, se parti d'icelle ville de Troyes (Reg. crim. Chât., II, 1389-1392, 142)

Cedit jour, maistre Pierre Buffiere s'est opposé et oppose (...) à ce que nul autre que lui ne soit receu en l'office de juge es terres reservées par le Roy nostre Sire en la senechaucie de Limosin. (Baye, I, 1400-1410, 349)

Et se vous voulez - que ja n'aviengne, Sire ! -, se vous voulez user envers moy de justice, comme ung juge droiturier envers ung traitte et malfaicteur pris et prouvé, vrayement, Sire, je l'ay bien desservi, vous le pouez justement faire (Gers., Trin., 1402, 165)

...et sera mandé aux baillis et autres juges de ce royaume que ainsi le enjoingnent aux procureurs de leurs auditoires (Fauq., II, 1421-1430, 255)

...[elle] adressa sa parolle au juge en disant : 'Monseigneur l'official...' (C.n.n., c.1456-1467, 501)

Les parties ouÿes a plain, furent appointez par le juge ordonné en droit [Éd. : 'juge commis au jugement de l'affaire' ; V. Puttonen, 242 : peut-être juge qui a droit d'entrée au Parlement] (MART. D'AUV., Arrêts Am. R., c.1460-1466, 36)

Et, pour avoir contre lui tel default que de raison par ledit Boufile, s'en vint pardevers le comte de Dampmartin, ilec ordonné juge de par le roy de la question d'entre lesdictes deux parties. (Roye, Chron. scand., II, 1460-1483, 3)

...et entre autres privileges leur a esté donné et concedé qu'ilz puissent et leur soit loisible avoir ung juge royal par ressort, qui puisse congnoistre et decider de toutes leurs causes et querelles, tant en demandant que en deffendant, et tant en chief que en membres. Et en usant desdiz previlèges, iceulx supplians ont aucune foiz eu leur juge par ressort en nostre ville de Limoges, le juge du parage illec ordonné, autrefoiz à Chinon, le juge des exemps par ressort (Doc. Poitou G., t.12, 1476, 62)

En songe je veyes liompars, Chiens, chatz, loups et renars (...) Trestous a l'environ d'un jucge, Qui disoyent : 'Si Pilate jucge Jhesus le prophete tresgrand, A tous vous faiz comandement Que l'estranglés luy et sa femme, Car Jhesus est homme sans blasme, Tresparfait et juste personne'. (Pass. Auv., 1477, 167)

Ort savetier, [tout] plain de poix (...) Par Dieu, tu es trop bien taillés De te faire tres bien froter. Croix bieu, je te feray troter Avant long temps devant le juge. (Sav. serg. D.L., c.1480-1490, 32)

Cestui fut maistre de Ullixes, qui puis fut de subtil entendement et fut moult congnoissant en la science de astrologie et eut grande affinité à Molla, juge d'Israël, qui aussi fut insigne astrologien et le monstra bien en plusieurs de ses euvres [cf. A.T., Juges, X, 1-2 'Tola']. (Simon De Phares, Astrol., c.1494-1498, f° 26 r°)

Aucuns dient qu'il fut aussi cause et donna conseilh que le roy Cambises fist escorcher le faulx juge, sur la peau duquel il fist asseoir son filz en la chaise de justice ad ce qu'il advisast à sentencier droit. (Simon De Phares, Astrol., c.1494-1498, f° 46 r°)

Comme je suis entalenté De m'en aller devers le juge, Pour en avoir ma volenté Et que le droit il m'en adjuge (La Vigne, S.M., 1496, 510)

Juge criminel. Juge chargé des procès criminels.

Puis que suis le general Jucge criminel de Judee, Combien qu'en toy Jhesus, nul mal Je n'ay trouvé par renommee Celon la loy imperïal, Toutesfoiz en aultre contree Les Juïfz en ce tribunal Disent que leur loy approuvee Veult que tu preignhes mort final. (Pass. Auv., 1477, 176)

Juge des crimes

Au procureur de Dinosio, pour son veaige à Sillans, mettre le temporel du prieur en la main du roy, par sentence du juge des crims, et pareillement de la commanderie de Poumesson (Comptes roi René A., t.2, 1477, 461)

Juge ecclesiastique. Official, juge délégué par l'évêque pour exercer en son nom la juridiction contentieuse.

Item, qu'ilz amonestent tous les prelaz et juges ecclesiastiques de fere tenir et garder par leurs subgez ladicte paix et lesdiz traictiez (Baye, II, 1411-1417, 153)

Juge mage. Lieutenant général du sénéchal dans les provinces méridionales, premier officier de juridiction.

...et interim fera ledit serement quàm citius es mains des juge mage, juge ordinaire ou viguier de Thoulouse (Fauq., I, 1417-1420, 179)

Par le roy, en son conseil, ouquel estoient le conte de Waudemont, le senneschal de Prouvence, l'évesque de Masseille, l'abbé de Saint-Victour, Vous, le juge mage de Prouvence, le juge des premières appellacions, messire Jehannon d'Arles, Philibert de la Jaille, maistre d'ostel, Philippe de Lenoncourt, escuier d'escuirie, le sacristain d'Aix, Jehan le Rouge, messire Raymon Puget, les advocaz fiscalx et des pouvres et procureur présens. (Roi René vie L., 1458, 286)

...Accurse Maynier, juge mage de Provence (Lettres Ch. VIII, P., t.3, 1490, 42)

Juge d'appels. Officier de judicature des sénéchaussées du Languedoc et de Guyenne, chargé d'examiner en deuxième instance les causes sur lesquelles a statué un juge royal ordinaire (devenu synon. de juge mage ; dit aussi juge des secondes appellations).

...le juge d'appeaulx (Comptes roi René A., t.2, 1479, 484)

Remarque : Ordonn. rois Fr. P., t.19, 1483, 291 (juge-mage). F. Lot, R. Fawtier, Hist. des instit. fr. au Moy. Âge, t.1, 1957, 142 ; 147-150 ; 200 ; 258 ; 294-295 ; t.2, 1958, 480-482 ; 498-499.

Juge moyen. Juge saisi avant le recours devant le Parlement.

Remarque : Ordonn. rois Fr. B., t.14, 1454, 287.

Juge ordinaire. Voir ordinaireJuge royal à qui appartient naturellement la connaissance des affaires civiles ou criminelles.

Ilz font des vilains chevaliers, Et font des garsons escuiers Et des sergens juges [var. juge] ordinaire. (Dupin, Mélanc. L., c.1324-1340, 80)

LE PROCUREUR DE SAINT LORENS. Sire, se vous vouliez confondre L'eglise, ce seroit pechiez. Nous ne sommes pas voz subgiez ; Nous avons droit juge ordinaire. Devant celui pouez vous faire Vostre demande [le procureur de Saint-Laurent, récusant l'autorité du prévôt, considère qu'il n'a d'autre juge que son évêque] . (Mir. prev., 1352, 238)

Les plus grans [justiciers] sont appelléz ceulx qui ont la plus grant puissance, si comme les auditeurs des appeaulx, qui ont povoir d'amender ce que les bailliz font ; les bailliz sont appelléz juges ordinaires et mendres des dessus nomméz, pour ce qu'il ont plus petit povoir, car il n'ont pas povoir de faire justice hors des bailliages qui leur sont commis. Les plus bas justiciers sont ceulx qui sont dessoubz les bailliz, ainsi comme le prevost, viguiers, maieurs et sergens. (Cout. bourg. glosé P.M., c.1380-1400, 104)

...et interim fera ledit serement quàm citius es mains des juge mage, juge ordinaire ou viguier de Thoulouse (Fauq., I, 1417-1420, 179)

Ou mois de may, le samedi tiers jour d'icellui mois, par l'ordonnance et commandement du roy, tous les estatz de Paris, comme le prevost, juge ordinaire, avecques les suppostz et praticiens du Chastellet dudit lieu, la court de Parlement, la Chambre des comptes, les generaulx des aides et monnoyes, la Chambre du tresor et les esleus, avecques les prevost des marchans et eschevins d'icelle ville, alerent en belle procession dudit lieu de Paris (Roye, Chron. scand., II, 1460-1483, 131)

Juge royal

...soubz umbre et couleur d'un certain tel quel usaige introduit en temps passé par les juges royaulx (Hist. dr. munic. E., t.1, 1475, 115)

Juge de la garde des sceaux

...le juge de la garde des saulx establis aux contratz d'amour [Éd. : 'juge préposé au contentieux des contrats authentiqués par les sceaux aux contrats, employés par les officiers royaux dans l'exercice de la juridiction gracieise'] (MART. D'AUV., Arrêts Am. R., c.1460-1466, 42)

Juge d'embas du Chastelet. Juge siégeant sur le gradin inférieur de la chambre du tribunal du Châtelet.

...alèrent les parties de relevée, pour leur débat, par adjournement, devant l'un des juges d'embas du Chastellet de Paris. (Ch. VI, D., t.2, 1386, 160)

Conservateur juge des foires. Juge qui connaît les causes des foires.

...par noz autres lettres patentes et pour les causes dedans contenues, nous avons donné et octroyé à (...) Gilbert Dugué terme, souffrance et delay de faire le serement qu'il est tenu de faire en nostre court de Parlement pour raison de l'office de seneschal de Lyon, bailli de Mascon, conservateur juge des foires et capitaine de Lyon (Lettres Ch. VIII, P., t.3, 1490, 103)

Estre juge en sa cause

...selon lez Droys, nul ne puet estre juge en sa cause, se ce n'est le prince seulement (Songe verg. S., t.1, 1378, 313)

Proverbe.

Juges doit jugier droit, ou point n'a le coer vrai. (Bât. Bouillon C., c.1350, 336)

Bon fait o li ['pour soi'] son juge avoir. (Froiss., Joli buiss. F., 1373, 266)

...de fol juge, briefve sentence. (Chr. Piz., Paix W., 1412-1413, 131)

De fol juge brefve sentence (CH. D'ORLÉANS, Rond. C., 1443-1460, 363)

De fol juge briefve sentence. (Gréban, Pass. J., c.1450, 153)

De fol juge briefve sentence. (Miélot, Prov. U., 1456, 193)

De foul juge, briefve sentence. (Meschin., Lun. princes M.-G., c.1461-1465, 62)

De juge fol voit on briefve sentence. (Molinet, Faictz Dictz D., 1467-1506, 641)

Remarque : Prov. H., 143 [J41-43].

B. -Par analogie. [En dehors du domaine jur.]

1.RELIGION Dieu, le Juge suprême.

Quant Susanne son jugement Vit et sa mort apertement, A haute vois, sans detrier, Les mains jointes, prist a crier : 'Sire Dieus, qui es pardurables, Justes juges et raisonnables, Tu scez les choses reponnues, Les alees et les venues ; Tu congnois des cuers les pensees, Einsois qu'elles soient pensees...' (Mach., C. ami, 1357, 10)

Vous scavez que Dieu est juge tres juste de tout l'umain lignage, et qui rent a chascune personne selon ses euvres et ses faiz (Gers., Déf., 1400, 223)

Dieu (...) qui de tous est juge (Chr. Piz., M.F., II, 1400-1403, 183)

...il est Dieu pardurablement, c'est ton Dieu, ton juge et ton Seigneur. (Gers., Noël, p.1404, 295)

Le Haut Juge

Filles, veez vous la le pays ou vous fustes neez et ou vous eussiez eu vostre partie, ne feust la fausseté de vostre pere, qui vous et moy a mis en grant misere sans fin jusques au jour du Hault Juge, qui punira les maulx et essaucera les biens. (Arras, c.1392-1393, 11)

Le Souverain Juge

Lors scens et raison oublierent Et leurs yeus en terre clinerent, Afin que vëoir ne peüssent Le ciel et qu'en leur cuer n'eüssent Memoire dou souverain juge Qui fait tout par raison et juge (Mach., C. ami, 1357, 5)

Le Vrai Juge

PREMIER DYABLE. Vez le cy, dame ; mès au mains Yrons nous devant le vray juge, Vostre filz (Mir. enf. diable, c.1339, 45)

Dame, je vous pri de cuer fin Que pour moy priez au vray juge Vostre filz que pas ne me juge Selon mes grans iniquitez. (Mir. mère pape, c.1355, 395)

Dieu tout puissant et vray juge... (Rivière, Nef folz D., 1497, 92)

2.Arbitre.

[Dans un jeu]

Et en jouant survint la pluye qui les destourba de jouer. Et print icellui Thipheneau la robbe dudit Narbonneau et la porta chieux ledit Sermigneau, et fut avecques eulx ledit Jehan Barraut, suppliant, qui estoit leur juge (Doc. Poitou G., t.9, 1451, 211)

[Dans un tournoi] Arbitre à qui est confiée la responsabilité du bon déroulement d'un combat chevaleresque.

...ou autrement le VIIJ^e jour aprés, a l'eure ordonnee par le juge, tous deux combatrez a pyé, l'un contre l'autre, de deux haiches d'armes tant seullement (La Sale, J.S., 1456, 80)

Et de recief, plus que meshuy, [messire Jehan] poursievy ledit messire Henry pour luy faire oultraige (...). Et cop sur cop plus et plus raddement le poursievy, bouttant et estocquant, et le mena bien ariere du juge, bien sur la tierce part des lisces (Chastell., Chron. IV, D., c.1461-1472, 168)

Remarque : J. P. Jourdan, Pas d'armes, joutes et tourn. ... au XVe s., 1981, 58 ; 97. J. Fleckenstein (dir.), Turnier im Mittelalter, 1985, 431 (Ph. Contamine).

Juge diseur

Remarque : J. P. Jourdan, Pas d'armes, joutes et tourn. ... au XVe s., 1981, 164--167 ; 172-173 ; 185-187 (ex. de LA SALE, p.165).

[Dans un combat]

Si s'avisa finablement Pour lui vengier plus hautement, Pleins de forsen et de desroy, Qu'en champ appelleroit le roy, Pour lui combattre corps à corps à li ; là fu tous ses accors. Moult considera qu'il feroit, Et quel part il l'apelleroit, Car il desire avoir tel juge à son pooir qui pour li juge Et qu'il soit à li favourables, Dous et courtois et amiables (Mach., P. Alex., p.1369, 227)

J'ay esleü le roy de France A juge, si que brief et court Combatre me vueil en sa court. Là, se Dieux plaist, me vengeray De Florimont, et tant feray Que jamais en jour de sa vie à roy ne dira villenie. (Mach., P. Alex., p.1369, 234)

3.Celui qui est appelé à trancher dans des affaires politiques ou religieuses, chef politique et religieux.

Li rois manda grant multitude Des princes et des gouverneurs De son païs, grans et meneurs. Princes, juges, dus et tirans Furent tuit celle part tirans. La vint toute la region Pour vir la dedication De l'estature et aourer, Car nuls n'en ose demourer. (Mach., C. ami, 1357, 19)

Si que d'assentement commun Tuit furent en acort comme un, Princes, satrapes, senatours, Menistres, juges et centours, D'un edit faire et un decret, Tout en appert, non en secret, Que quicunques petition, Sacrefice ou oblation, Jusqu'a trente jours, c'est la somme, A quelque dieu ou a quelque homme Fera, qu'a Daire seulement, Qu'il soit getés isnellement Ou mis en la fosse aus lions (Mach., C. ami, 1357, 36)

Remarque : Ex. de CORBECHON (à propos des Frisons) ds Sénéfiance 16, 1986, 315.

Le temps des juges. Période au cours de laquelle les Juges, magistrats suprêmes, gouvernèrent le peuple juif avant l'établissement de la royauté.

Ycy faut le temps des juges et commence le temps des roys. (Chr. Piz., M.F., II, 1400-1403, 161)

C. -Par extension.

1.Celui qui est appelé à trancher (dans une affaire, dans un débat...), celui qui est appelé à se prononcer sur qqc..

'...Si que, biau sire, Uns tels juges seroit bons a eslire Qui vous saroit bien moustrer et descrire Li quels de vous sueffre plus de martire ; Si le prenez.' Li chevaliers respondi com senez : 'Je croy que Dieus nous ait ci amenez.' Et dist : 'Dame, s'a juge le tenez, Je m'i ottroy.' Et la dame respondi sans desroy : 'Sire, tant oy dire de bien dou roy, Tant est sages, preus et de bon arroy, Que je l'acort.' (Mach., J. R. Beh., c.1340, 108)

Li gentils rois qui moult estoit preudons Li respondi : 'Se Dieus me gart, vous avez pris en mi Juge ignorant et de sens degarni, Ne onques mais je n'oÿ, ne ne vi Tel jugement : S'en saroie jugier petitement. Mais nompourquant le conseil de ma gent En vueil avoir ; car je l'ay bel et gent'. (Mach., J. R. Beh., c.1340, 118)

Après ces paroles moustrées, Bien dites et bien ordenées, Eus tantost le cuer esjoy, Car tant escoutay que j'oy Chevaus venir et gens debatre ; Dont en l'eure se vint embatre Devers nous cils bons rois de pris Que nous aviens a juge pris. (Mach., J. R. Nav., 1349, 187)

En un debat sommes entré Dont nous devons de fait outré, Sire, devant vous plaidïer, Mais qu'il ne vous doie anuier. Moy bien meüe et il meüs, Pour juges estes esleüs ; Dont c'est pour nous belle avenue, Biau sire, de vostre venue. (Mach., J. R. Nav., 1349, 189)

Juges sui par commun acort Especiaument d'un descort Qui est ci entre deus parties, Pour atendre droit de parties. Or est la court garnie et pleinne ; Se puet on bien par voie pleinne, Ce m'est avis, aler avant. (Mach., J. R. Nav., 1349, 192)

Et certes destruire feray Le traistre, si com direz : Vous meisme juges en serez (Mir. marq. Gaudine, 1350, 170)

...Puis sera la chose partie Par eulz, et en rendront sentence. Assez ont clergie et science (...) ; Dont la cause est bien raisonnable Qu'ilz soient juge. (Mir. st Sev., 1362, 224)

Chascun si juge bien les choses que il cognoist et en est bon juge. (Oresme, E.A., c.1370, 107)

...ilz s'accorderent tous, et furent contens qu'ainsi en fust ; et le barbier en fut le juge. [À propos d'une comparaison entre la coupe de cheveux de plusieurs femmes] (C.n.n., c.1456-1467, 376)

...mais, d'avoir raison de telz gens ignorans, je ne voy moyen que le vostre, mesmement sur leur fumier, qui veullent estre juges et parties en chose qui riens ne leur touche, et juges de la science dont ilz sont ignorans et formellement ennemis (Simon De Phares, Astrol., c.1494-1498, f° 6 v°)

Faire qqn juge (de qqc.). Confier à qqn le soin de porter un jugement sur qqc..

Je t'empri, di m'ent ton avis Et se Paris, qui on fist juge, De la pomme rendi bon juge. (Froiss., Espin. amour. F., c.1369, 62)

...se sa male fortune n'est digne d'estre ou dit livre de Boccace, j'en fais juges tous ceux qui l'orront racompter. (C.n.n., c.1456-1467, 191)

...vous avez aujourd'uy a dame et en vostre commendement ung des beaulx corps de nostre religion ; et je vous en fais juge. (C.n.n., c.1456-1467, 308)

Juge et partie

Pire partie ne pouoit prendre, Sa cause [de Jésus] en est pis assortye, Car nous serons juge et partye Pour cercher sa mort, s'y le fault. (Myst. Pass. Troyes B., a.1482, 414)

...mais, d'avoir raison de telz gens ignorans, je ne voy moyen que le vostre, mesmement sur leur fumier, qui veullent estre juges et parties en chose qui riens ne leur touche (Simon De Phares, Astrol., c.1494-1498, f° 6 v°)

Remarque : Aussi Mir. ste Genev. S., c.1410-1420, 116.

Faire de qqn juge et partie. Demander à qqn de porter un jugement et en même temps de prendre part à ce qui est en cause.

Que pensé je ? dictes le moy, Adevinez, je vous en prye, Autrement ne le saurez mye, Il y a bien raison pourquoy. A parler a la bonne foy, Je vous en foiz juge et partye : Que pensé je ? (CH. D'ORLÉANS, Rond. C., 1443-1460, 416)

2.En particulier. ASTR. Celui qui porte des jugements astrologiques.

Livre des neuf juges. Compilation astrologique d'origine arabe, attribuée à neuf auteurs, dont Aristote.

Cestui Aristote est souvent allegué ou livre des Neuf Juges et autres lieux, quasi sur toutes les parties de astrologie. (Simon De Phares, Astrol., c.1494-1498, f° 54 v°)

Remarque : Cf. J.-P. Boudet, Le Rec. des plus célèbres astrologues de Simon de Phares, t.1, 1997, p. 186, note 65c.

II. -Rare. Jugement, sentence.

Je t'empri, di m'ent ton avis Et se Paris, qui on fist juge, De la pomme rendi bon juge. (Froiss., Espin. amour. F., c.1369, 62)

[D'une chose] Voir jugementObjet de jugement, objet d'interprétation (dans un rêve), indice.

Estre juge. S'interpréter comme, indiquer.

Touz les arbres portans fruit sont juges [ou faut-il lire jugés ?] selon la proporcion du fruit, car le fruit aigre ou vert et aspre signifie mal, et le doulz et souef se raporte a Dieu et joie [cf.Expos. songes B., 1396, 162 et Expos. songes P B., p.1338, 163 : De mout des maners est le jugement d'arbres] . (Expos. songes B., 1396, 163)