HABITER

verbe

[T-L : abiter ; GD : habiter ; GDC : habiter ; AND : habiter ; DECT : abiter ; FEW (IV, 368b) : habitare ; TLF (IX, 632b) : habiter]

I. -[Idée de demeurer, de se trouver qq. part]

A. -Demeurer, séjourner de manière habituelle (qq. part).

1.Au propre.

...par tout le monde envoia Certeins messages, pour savoir Se pour argent ne pour avoir On peüst trouver creature Qui sceüst faire une closture Estant environ ce vergier Tele que jamais herbergier, Entrer, habiter, ne venir, Pour riens qui peüst avenir, Homme ne femme n'i peüssent Qui talent de fausser eüssent Envers Amours, ou qui faussé Y eüssent en temps passé. (Mach., D. Lyon, 1342, 220)

La tout seul demeure et habite En hermitage. (Mir. st Guill., c.1347, 36)

A demye lieue prés n'avoit homme habitant (Gir. Vienne D.B., c.1350-1400, 207)

Josephus nous dist et raconte Que pour le pechié(s) et la honte De ceulz de Sodome et Gomorre Dieus les vault tous confondre en pourre. Par souffre ardant les confondi, Et la terre environ fondi, Si que puis n'i pot habiter Homme ne fame ne heriter ; N'onques n'en pot eschaper ame Fors Loth, ses enfans et sa fame. (Mach., Voir, 1364, 492)

Car Dieus (...) A trois angles donné fourme ha Tele qu'il sembloient homme estre (...) Et les envoia a Abram, Qui puis fu nommés Abraham, Et les receupt dessoulz le chaisne Ou il habitoit, car de fraisne N'avoit ne maison ne palais, Ne de pierre, ne biaus ne lais. (Mach., Voir, 1364, 492)

Mais homme et femme ne habitent pas ensemble tant seulement pour ceste cause (Oresme, E.A., c.1370, 444)

...il s'ensuit que la terre est dessamblable selon ses parties telement que en la partie qui est descouverte d'eaue n'est pas si grant pesanteur comme en l'autre pour ce, par aventure, que ce n'est pas terre pure, mais a en elle mixtion d'autres elemens. Et Dieu et nature ont ordené que elle soit descouverte afin que honmes et bestes y puissent habiter. (Oresme, C.M., c.1377, 568)

...il, acompaignié de Guillemin de Neelle, escuïer, un nommé Patrouillié et Huguelin de La Brosse, ont alé et venu en plusieurs villes dudit pays de Gastinoiz, esqueles ilz ont eu, de plusieurs personnes demourans et habitans en icelles villes, plusieurs et grans sommes de deniers (Reg. crim. Chât., II, 1389-1392, 68)

Et si y a poternes fors a merveilles. Et au lez, vers le hault bois, au dessus de la praierie, est la roche si haulte et si droitte que de ce lez nulle creature n'y pourroit habiter. (Arras, c.1392-1393, 46)

Cellui deable [ce géant] se tenoit emprez une montaigne qui estoit nommee Brumblorenlio. Et sachiez qu'il avoit tout le pays destruit, et n'y osoit homme habiter a VIIJ. lieues, ou a X. lieues prez, car les gens l'avoient tout habandonné. (Arras, c.1392-1393, 249)

En celle grant court devant dicte, Ou nul, s'il n'est riche, n'abite (Chr. Piz., M.F., I, 1400-1403, 111)

...la sale (...) Ou fortune maint et habite. (Chr. Piz., M.F., IV, 1400-1403, 68)

C'est la Lune, qui maintes foiz Par sa clarté tolt et destruit La grant obscurté de la Nuit, Au prouffit des bestes sauvages Qui habitent par les boscages. (La Haye, P. peste, 1426, 32)

Premièrement il esconvient Eslire lieu convénient Selon le temps plaisant et sain, Assis en hault ou bas, ou plain, Pour demourer et habiter Qui veult le péril éviter. (La Haye, P. peste, 1426, 74)

Lequel prist ceste condempnacion en sy tresgrant desplaisir et indignacion, qu'il fut grant temps qu'il ne voulloit habiter en ville ne entre gens (La Sale, Salade, c.1442-1444, 40)

...La basse region de l'air. Il la convient ensorceler, De venin charger tost et viste, Pour souiller, infere et macule[r] Tout vivant qui soubz elle habite. (Cene dieux, c.1492, 129)

Cestui habita en Archadie et se treuve que ce fut le premier qui monstra aux Assyrians et aux Grez la science de astrologie (Simon De Phares, Astrol., c.1494-1498, f° 21 r°)

En son temps fut doublement predite la destruction de la cité, laquelle estoit pour lors la plus riche et la plus forte du monde et où plus habitoient de sages et où plus avoit de livres de toutes sciences (Simon De Phares, Astrol., c.1494-1498, f° 44 r°)

...et fut par le tremblement de terre qui dura quatre mois, en maniere que les hommes ne osoient habiter ès villes, et le pappe Sixte et le clergié de Romme residoit ès prez. (Simon De Phares, Astrol., c.1494-1498, f° 91 r°)

Séjourner.

...Et qui souffri mettre son corps Ou sepulcre ou il habita Trois jours ; puis se resuscita (Mir. st Val., c.1367, 140)

...en une maison appellée l'ymage Nostre Dame, estant devant l'ostel dudit mareschal, et où lesdiz hommes avoient habité et conversé repostement par VIIJ ou XV jours (Baye, I, 1400-1410, 206)

Par métaphore.

De tout ce qu'on doit bon clamer, Soit deça mer, soit dela mer, Avoit assés et a devis En vergier que ci vous devis. N'onques n'i plouvoit, ne ventoit, Qu'adès printemps y habitoit, Ne le soleil pour sa chalour N'amenrissoit point la coulour De l'erbe, qu'adès ne fust verte, De l'ombre des arbres couverte. (Mach., D. Lyon, 1342, 162)

Habiter un lieu

Quant au tiers point, je pose que la terre fust perciee et que l'en veist par un grant treu tout d'outre en oultre siques de l'autre part la ou seroient les antipodes se la terre estoit partout habitee ; je di premierement, se l'en lessoit cheoir une pierre par ce treu, elle descendroit et passeroit oultre le centre en montant tout droit vers l'autre partie siques a un terme, et puis retourneroit siques oultre le centre par deça, et apres redescendroit arriere et passeroit le centre moins que devant et iroit et vendroit pluseurs fois en appetizant teles reflexions siques a tant que finablement elle reposeroit ou centre. (Oresme, C.M., c.1377, 572)

...et aussi toutes les maisons qui estoient dessus [sur le pont], qui estoient pluseurs et belles, et lesquelles habitoient moult de mainnagiers de pluseurs estas (Baye, I, 1400-1410, 216)

Ce village (...) estoit habité d'un moncelet de bons, rudes et simples paysans (C.n.n., c.1456-1467, 512)

infinitif substantivé. Demeure.

RAISON [à MOÏSE]. (...) Jadiz en ce lieu ci endroit Le cornu d'enfer habitoit Et lonc temps par possession I avoit fait sa mansion, Mes pour ce que ce desplesoit A Grace Dieu qui fait avoit La maison pour son habiter, De ces cornes te fist armer, Et la verge baillier te fist, A ce que par toi s'en issist Li desloiaus habitateur Qui en vouloit estre seigneur (Guill. Digull., Pèler. vie hum. S., c.1330-1331, 23-24)

2.Au figuré. Exister habituellement, se trouver qq. part, en qqn.

Mére d'amour, en qui habite Toute pitié, toute doulceur... (Mir. emp. Julien, 1351, 192)

Tu qui donnes fausse sentence, Tu es issus de la semence De Chanaam, qui fu maudite Pour ce qu'en li tous maus habite. Tu n'iès pas de la bonne ligne De Juda qui droit regle et ligne Et qui fu de Dieu beneoite, Pour ce qu'elle estoit juste et droite. (Mach., C. ami, 1357, 14)

Et ja soit ce que soie mis en mue, N'est pas toute m'esperence perdue, Mais vraiement, elle est moult descreüe Et s'est petite. Mais bonne amour de qui elle est venue, Quant li plaira, l'ara tost acreüe, Car tous les cuers en petit d'eure mue, Ou elle habite. Et se ma dame en mon mal se delite, Ou se Dangiers, qui me het et despite, Pour moy grever, li enorte ou endite Qu'elle me tue, Ou qu'a tous jours me soit grace entredite D'amours, qui maint amant de mort respite, Quant li plaira, sera tost desconfite, Prise et veincue. (Mach., F. am., c.1361, 159)

Et combien qu'en li habita La mort, il se resuscita Par la vertu de sa nature Divine (Mir. Barl. Josaph., c.1363, 267)

Si ne te quier ja mais faire depri N'Amours servir, obeir ne loer, Puis que raisons et mesure en oubli Sont, où tuit bien deüssent habiter. Et voist ainsi comme il porra aler, Qu'amours et toy et joie à Dieu commant. (Mach., L. dames, 1377, 224)

Être présent (dans l'âme du croyant).

...quant je (...) pense a la pascience De cest homme (...), Je tieng que Dieu de paradis En lui habite. (Mir. st Ign., 1366, 94)

Doncques s'il advenoit - que ja ne face ! - que par aucun temps en sa concepcion ou aprés je fusse eslongnee et hors de ceste dame, pour cause du mauvais tirant Pechié originel, qui la maintenroit ? Car pour riens en luy habiter je ne pourroye. (Gers., Concept., 1401, 400)

Pourquoy celle de nostre Dame ne pouoit engendrer telle saincte paour contre villain penser, a qui Dieu ne parla mie seulement mais dedans luy habita ? (Gers., Concept., 1401, 425)

Et cest envoiement [du Saint-Esprit] se fait afin que habiter et demourer en la creature raisonnable, mais le premier envoiement se fait pour demonstrer l'enhabitation des aultres [il faut comprendre 'aux autres', 'aliis' en latin]. (Somme abr., c.1477-1481, 118)

B. -Emploi pronominal. S'habiter qq. part. S'installer qq. part.

...et la se habita et fist une maison dont ancores y parent partie des murs. (La Sale, Sale D., 1451, 255)

C. -Emploi transitif. Peupler.

Et après le departir d'elle, qui lui aida en son premier gouvernement a faire les forteresses et les villes et habiter le pays, il ot la serour d'un qui pour lors gouvernoit la conté de Poictiers, et en ot pluseurs enfans, de quoy vous estes ly uns. (Arras, c.1392-1393, 50)

Sy lui souvint de la coustume que les anciens heurent quant ilz souloient habiter les citez ; car ilz assambloient les poeuples de divers lieux (La Sale, Sale D., 1451, 188)

D. -Participe passé en emploi adjectival.

1.[D'un lieu] Où il y a des habitants, qui est peuplé.

Et tant [Remondin] chevaucha qu'il entra en la terre de Poictou, la ou il trouva grant foison de haultes forests non habitees, et en aucuns lieux, grant foison de sauvagine, comme cerfs, bisches, dains, chevreulx, porcs, et autres bestes sauvaiges, et en moult d'autres lieux belles plaines, belles praieries et belles rivieres. Par foy, dist Remondin, c'est grant dommage que cest pays n'est habitez et peuplez, car moult y est grasse la contree. Et en pluseurs lieux treuve sur la marine moult de belles places non habitees, lesquelles, a son semblant, feussent moult prouffitables a habiter. (Arras, c.1392-1393, 76)

...et s'enfouyrent en mer en Roddes, lors non habitée, et là firent une ymage en l'onneur du Soleil, qui avoit LXX couldes de hault et cent autres simulacres. (Simon De Phares, Astrol., c.1494-1498, f° 19 v°)

En celui temps, quasi par toute la terre habitée, les haulx roys et grans hommes, tous communement se exerçoient en ceste tant notable science de astrologie, pour le grant fruit et utillité qui en venoit (Simon De Phares, Astrol., c.1494-1498, f° 32 r°)

...et fut donnée ousdits mariez la terre de Flandre et en fut faict conte et n'estoit lors le païs de Flandres habité et n'estoit que bois, desers et forestz. (Simon De Phares, Astrol., c.1494-1498, f° 108 r°)

2.[D'une pers.] Domicilié, établi.

Que se aucuns des diz Receveurs estoient bons et suffisans et fussent bien habitez et mariez, ou pays de leur Recepte, que ils demeurent en leurs Offices (Ordonn. rois Fr. S., t.6, 1378, 382)

II. -Atteindre qqc., toucher qqn/qqc. ; arriver qq. part.

A. -Habiter qqn. Toucher qqn.

Altrefoys ne me vouluz croyre, Respondit sainct Pre a Thomas, Pour ce que tu n'y estoys pas, Que Jhesus fust resuscité Si tu ne l'eusses abité (Serm. tous les fous K., c.1500, 274)

B. -Habiter à qqc./qq. part. Atteindre qqc., arriver qq. part.

Atteindre qqc..

...la lune est haulte ; nul n'y peult habiter. (Serm. tous les fous K., c.1500, 274)

Arriver qq. part.

...Alons briefment nagant Devers cheste cité que je voi chi-devant ; Si sarons où nous sommes, chi à val, habitant. (Baud. Sebourc B., t.2, c.1350, 46)

Advint com[m]e ilz cheminoient douceme[n]t que l'enfant Ih[es]us leur monstra les mo[n]taignes et le pais d'Egipte, ouquel pais ilz habiterent davant trois jours. (Vie J.-C. M.B., c.1429-1458, 29)

III. -[Domaine sexuel ; interférence possible avec abiter, FEW XV-1, 121a, ancien nordique bíta] Avoir un rapport sexuel, copuler.

..De coulours et d'aournemens, De goust, de souefs flairemens Et de tout ce qui puet delecter Par cohit et par habiter Le mascle avecques la femelle (Le Fèvre, Vieille, trad. De vetula H., a.1376, 369)

Habiter au bordel et sans vergongne fait steriliter hommes honnestes (Gordon, Prat., c.1450-1500, VII, 1)

Et cecy n'eust pas esté, se la matrice ne fust esté ouverte aprés le premier habitement, donc aprés habiter les femmes desirent moult (Gordon, Prat., c.1450-1500, VII, 2)

Entre tous les aultres empeschemens impossibilité de habiter charnelement obtient tres grant lieu, car de sa nature et de la constitution de l'eglise il empesche mariage (Sacr. mar., c.1477-1481, 76)

Impossibilité de habiter est quant l'un et l'aultre ensemble ne peuent habiter pour aucun deffault patent. Ilz sont pluseurs especes comme naturele impuissance, comme frigidité en l'homme, artacion et indisposition en la femme, deffaulte de eage en l'enfant. (Sacr. mar., c.1477-1481, 76)

...car le froit ne puet congnoistre femme, ne aussi a mouvement en femme, ne voulenté de habiter (Sacr. mar., c.1477-1481, 78)

...et universalement toutes chairs volatiles ayant long col, long bec, vivent en eaue, et les chairs des passeras qui sont de vehemente chaleur et augmente fort le desir de habiter. (Rég. santé corps C., 1480, 71)

Et doit l'omme ce abstenir de habiter a cause qu'il est exsiccatif, et aussi abstenir de bagnier pour une mesme cause, et eviter le saignier tant qu'il est possible (Rég. santé corps C., 1480, 172)

Habiter (charnellement) à / avec qqn

Oncques Millez ne pot a son corps habitter. (Flor. Rome W., c.1330-1400, 220)

Fols est qui l'un a l'autre habite Sans l'entencion dessus dite [l'intention d'engendrer] (Jacques Bruyant, Voie pauvreté richesse P., 1342, 15)

...chrestïen vaillant Ne doivent abiter de leur char tant ne quant A femme sarrasine (Tristan Nant. S., c.1350, 512)

...je sçay bien qu'a moy ne seriés abitant, Se baptesme n'avoye (Tristan Nant. S., c.1350, 618)

Se ly contez Fedriz me volloit créanter C'au cors de la roïne ne vosist abiter Jusqu'à tant que ly prestrez le feroit espouser, Tost aroie consail de ce fait acorder (Hugues Capet L., c.1358, 201)

Car conme faux et sanz raison D'une moye suer se vanta Qu'a li charnelment habita (Mir. Oton, c.1370, 376)

...Cesar, quant il estoit encore jeune, vit en son dormant que il habitoit charnelment a sa mere (Foul., Policrat. B., II, 1372, 153)

L'en m'a fait du roy mencion Qu'il est d'une complexion Qu'il n'est femme, s'a elle habite, Qui n'ait du corps tant de labite Qu'a peines se puist puis aidier. (Mir. Berthe, c.1373, 164)

Habiter avec creature Feminine nourrist luxure, La force baille et la maniere Du feu emprandre et la matiere (Desch., M.M., c.1385-1403, 199)

Et disoient que lors estoit venu ung jenne homme, lequel ilz avoient veu charnellement habiter a elle. (Ménagier Paris B.F., c.1392-1394, 50)

Et dient que nul sarrazin n'ose entrer en leur horatoire puis qu'il a habité a femme charnellement, qu'il ne soit avant lavés et estuvés, car leur loy le commande a ainsi faire. (Voy. Jérus., c.1395, 60)

Habiter une femme

Ains femme n'abitay depuis ma désevrée (Chev. cygne R., c.1356, 139)

[D'une femme] Estre habitee/se faire habiter

Et se maternité ensieut le mariage, il fault distinguer se ta femme depuis qu'elle aura de toy esté charnelement habitee, aura receu le filz d'aultrui. (Sacr. mar., c.1477-1481, 56)

Si ouvrit le brevet, auquel estoit escript au langage du pays : Asca mibarasca, cest-à-dire : ne te fais point habiter et tu ne engrossiras point (Tardif, Facéties Pogge M., c.1490, 262)