SEJOURNER

verbe

[T-L : sejorner ; GD : sojorner ; DECT : sejorner ; FEW (XII, 328a) : *subdiurnare ; TLF (XV, 272a) : séjourner]

A. -Rester, s'arrêter quelque temps (qq. part).

Ainsi que je vous ay compté, sejourna Aigres un mois tout entier en la cité de Romme sanz estre congneü de nullui (Bérinus, I, c.1350-1370, 359)

Depuis que parti de Hongrie Un tout seul jour n'a sejourné, Mais si tost qu'il est adjourné Chevauche fort, (...) Tant a grant desir de veoir Vous (Mir. Berthe, c.1373, 201)

...là se bouterent en ung battel messire Robers Ceny, Richart Helme et Richart Gille et Janekin Clercq. Ces quatre se sauverent et traverserent le Loirre et se bouterent en aultres fors que lors gens tenoient par delà Loirre, mais point ne sejournerent, car ilz s'en allerent en Auvergne et en Limosin (Froiss., Chron. M., XIV, c.1375-1400, 7)

...il s'en vint à Montpellier et là sejourna-il V. jours (Froiss., Chron. M., XIV, c.1375-1400, 120)

Le duc passa oultre et fist son chemin et visita touttes ses terres et sejourna sus tant que bon luy fut, et puis s'en retourna en Braibant (Froiss., Chron. M., XIV, c.1375-1400, 172)

En ceste partie dit l'ystoire que celle nuitie sejourna l'ost devant Couloigne. Et fu moult bien rafreschy des biens de la ville, car le duc les fist despartir tant que chascun en ot largement. (Arras, c.1392-1393, 176)

Il rompt la cire, et voit comment le roy lui mande comment il mette la ville toute ens ou commandement des deux freres, et qu'il commande a toutes les forteresces, villes, bours, chasteaulx, pons, pors et passaiges qu'ilz laissent passer et sejourner les freres et leurs gens, et que ilz obeissent du tout à eulx. (Arras, c.1392-1393, 98)

...messire Guillaumes Douglas ... sejourna a l'Escluse par l'espasce de douse jours (Froiss., Chron. D., p.1400, 167)

...le duc de Bourgoigne, qui à grant effort et grant ost de gens d'armes, estoit venu à Saint Deniz et là sejourné par environ XV jours pour entrer à Paris, s'en estoit parti dès environ minuit (Baye, II, 1411-1417, 170)

En laquelle ambassade lesdis presidens en alant, sejournant à Rouen et en retournant à Paris, ont vaqué par l'espace de dix sepmaines (Fauq., III, 1431-1435, 23)

...et alèrent dudit lieu de Hesdin à Abbeville, où ilz sousjournèrent aucune espace. (Monstrelet, Chron. D.-A., t.4, c.1444-1453, 241)

...et puis me fist tout ce jour et l'andemain sejorner, et plus assez se j'eusse voulu. (La Sale, J.S., 1456, 104)

Oudit temps, advint à Paris aussi que ung nommé Anthoine, bastard de Bourgongne, vint et entra en ladicte ville de Paris en habit mescongneu, et n'y sejourna qu'un jour et une nuit, et puis s'en retourna. Et, quant il fut sceu qu'il estoit ainsi venu en ladicte ville, plusieurs officiers du roy et gens de façon d'icelle furent fort ymaginatifz comment ne pourquoy il estoit ainsi venu que dit est.r (Roye, Chron. scand., I, 1460-1483, 10)

Et, eulx venus et arrivez pardevers lui, fist et ordonna plusieurs choses ; et aussi, pour ce qu'il n'avoit pas intencion de sejourner audit lieu, il fist proposer par la bouche dudit cardinal d'Angers... (Roye, Chron. scand., I, 1460-1483, 218)

Et lui avoit commandé son oncle que par la passast [par Paris] et que illeucq sejournast trois ou quattre jours entiers (Chastell., Chron. IV, D., c.1461-1472, 235)

[D'une armée] Cantonner.

Aprés disner, baniere desployee, Dedens Viterbe entra l'armee toute, Ou elle fut par deux jours sejournee Pour reverence du jour de Penthecouste. (La Vigne, V.N., p.1495, 271)

Se sejourner qq. part

Quant en la cité de Polombon me fus assez sejournez, je me remis en meir (Jean Le Long, Voy. Odoric A.M., 1351, 20)

B. -Par extension.

1.Demeurer, rester (dans tel ou tel lieu (au propre ou au fig.), dans tel ou tel état...).

Et si a envers Dieu tel grace L'ame qui de vertu s'aourne Que le corps ou elle sejourne Ne sera ja si contrefait Qu'il ne soit en la fin refait Plus noble sans comparaison Qu'onques nul en nulle saison Ne pot ou monde estre veü. (Tomb. Chartr. Trois contes S., c.1337-1339, 88)

Et Beneete sejourna Les .XXX. jours en penitance (Tomb. Chartr. Trois contes S., c.1337-1339, 99)

Mais pour ce qu'elle ne sejourne, Eins se change, mue et bestourne En fait, en dit, en renommée, Est elle Fortune nommée (Mach., R. Fort., c.1341, 93)

Lors monta haut Vérité et demoura au ciel Par longue espace et sejourna (Guill. Digull., Pèler. J.-C. S., 1358, 24)

Dont mes vrais cuers qui demeure et sejourne En vo prison qui n'est chastiaus ne tour, Et s'est plainne de joie et de tristour, Reçoyt pour vous souvent joie et martyre (Mach., L. dames, 1377, 312)

Mais il nous fault adviser a autre chose, comment les Sarrasins soient desconfiz. Et quant de moy et de ma gent, je me deslogeray presentement pour eulx approuchier, car ilz ont trop sejourné en nostre pays sans avoir nouvelles de moy. (Arras, c.1392-1393, 134)

Ainsi com l'esperit retourne Et en un propos ne sejourne... (Le Fèvre, Respit Mort H., 1376-1380, 106)

En son lit plus ne sejourna Li roys et moult tost s'atourna (Chr. Piz., M.F., II, 1400-1403, 299)

Si conseillent les ancïens Que de la guerre ne soit riens, Car a pis leur pourroit tourner, Si vault mieulx en paix sejourner (Chr. Piz., M.F., III, 1400-1403, 60)

Maiz quant l'oeil la joie administre, En entrant, elle empesche d'istre Ce qui sejourne En la triste pensee mourne (Chart., L. Dames, 1416, 257)

LE PREMIER. Vella des gens qui viennent bien a point ; Mais regardez la belle compaignye ! LE SECOND. Sans plus marcher sejournons sur ce point. (La Vigne, S.M., 1496, 239)

[D'un animal]

...faucons pelerins qui ont longtemps sejourné à perche... ont grant fain et desir de voler (Froiss., Chron. M., XII, c.1375-1400, 302)

[D'une terre] Rester dans le même état, rester en jachère.

...le plain païs de Lombardie (...) est tout fossoié comme est Flandres, ou encores plus ; mais il est bien meilheur et plus fertile, tant en bons fromens que en bons vins et fruictz, et ne sejournent jamais leurs terres. ( Comm., Mém. B., 1497-1498, 628)

2.Tarder, s'attarder.

Vers le porte s'en vont, ne vorent sejourner. (Hugues Capet Lab., c.1358, 148)

...leur signeur... s'en estoit partis et alés en Alemaigne devers l'empereur Loeis de Baivière : c'estoit la cause pour quoi il sejournoit tant (Froiss., Chron. L., II, c.1375-1400, 23)

Or retournèrent li bourgois de le Rocelle en leur ville, qui avoient sejourné, tant à Paris que sus leur chemin, bien deux mois (Froiss., Chron. R., VIII, c.1375-1400, 83)

...adont s'avoye Alixandre, et plus ne sejourne (Chr. Piz., M.F., IV, 1400-1403, 39)

C'est a celle fin que ne sejournons plus, ains nous admonestent et sollicitent de la victoire sur noz anemis qui la sont. (La Sale, Salade, c.1442-1444, 56)

LE JUIF [aux deux sergents] . Quel faulx crestien ! Le vela, le voyez vous bien, Emprés sa femme. Vistement Adjournez lay presentement Et qu'i se compare en personne. (...) LE .II. SERGENT. Seurement il les vous rendra, Si peu ne sçaura sejourner. (Mir. st Nic. juif, c.1480-1500, 115)

Trotemenu, plus ne sejourne ! Il te convient faire ung voyaige. (Myst. Pass. Troyes B., a.1482, 455)

Jhesus, mal nous est aggrëable Que tant vous avez sejourné. (Myst. Pass. Troyes B., a.1482, 543)

Or sus, Pierre, le temps s'avance ; Gardons que ne sejournons trop. (Myst. Pass. Troyes B., a.1482, 553)

Sans (plus) sejourner. Sans retard, sans délai, au plus vite.

Si te pri que sanz attendue Ne vueilles plus cy demourer, Mais avec moy sanz sejourner, Filz, t'en retournes. (Mir. st Guill., c.1347, 44)

LA DAMOISELLE. Ma dame, sanz plus sejourner, Mouvez et je vous suiveray (Mir. marq. Gaudine, 1350, 131)

Et tu, Verité, nostre secretaire, despesche les lettres sans sejourner. (Gers., Concept., 1401, 405)

Il fault savoir sans sejourne Se damp Jhesus fait la dormaille [L'éd. É. Roy lit sejourner] (Pass. Semur D.M., c.1420 [1488], 221)

...il promettera de porter en Court de Romme le plus tost et le plus diligemment qu'il pourra, sans sejorner (Fauq., III, 1431-1435, 134)

Tantost Aigolant, acompaigné de sept mille chevalliers, vient aprés eulx sans sejourner (Bagnyon, Hist. Charlem. K., c.1465-1470, 186)

Touteffois, en son advertin, Preigne vouloir de retourner Audict empereur Constantin ; Et que tantost, sans sejourner, Soit certain, avant que tourner, Il aura tout ce qu'il demande. (La Vigne, S.M., 1496, 505)

Remarque : LE FÈVRE, Respit Mort H., 1376-1380, 816.

Sejourner à/de + inf. Tarder à.

... pour ce ne sejournoit mies li rois d'Engleterre d'aller toutdis avant ou royaume de France (Froiss., Chron. L., IV, c.1375-1400, 141)

...li François ... ne sejournoient mies de imaginer et soutillier pluiseurs asaus pour plus grever chiaux de le garnison (Froiss., Chron. L., IV, c.1375-1400, 194)

Je ne voiloie mie sejourner de non poursuivir ma matiere, et pour savoir la verité des lointaines marches... pris...occasion d'aller devers hault prince... Gaston, conte de Foeis et de Berne (Froiss., Chron. M., XII, c.1375-1400, 2)

Li rois de Navare... estoit durement courouchiés de ce que li Englès sejournoient tant à venir (Froiss., Chron. R., IX, c.1375-1400, 106)

Par mon chief, dist le roy, cil damoisel qui m'ont deffié ne musent pas. Ilz n'ont gaires sejourné a moy porter dommage, mais je m'en pense bien a vengier. (Arras, c.1392-1393, 161)

Nous ne debvons plus sejourner De faire le commendement De mon seigneur et son talant (Myst. st Adr. P., c.1450-1485, 178)

Le roy Charles ne sejournoit point a confondre les mescreans et ennemys de la foy crestienne la ont il les pouvoit trouver et avoir victoyre en diverse maniere (Bagnyon, Hist. Charlem. K., c.1465-1470, 13)

Se la vie des humains ne rectourne Et convertit a Dieu plain de mercy, N'ait plus d'espoir que la peste sejourne A les grever (Cene dieux, c.1492, 140)

Sejourner l'heure. Dépasser l'heure.

LE JUIF [à Mathatiel] . L'heure avons par trop sejournee ; Le juge nous ferons atendre. (Mir. st Nic. juif, c.1480-1500, 127)

[Part. passé en tournure impers.] Retard.

LE PREMIER CHEVALIER. De ce nous fault mettre en arroy. Or avant ! n'y ait sejourné. (Mir. fille roy Hongrie, c.1371, 30)

3.Se reposer, rester inactif, rester oisif.

La fenme en repos seant, enclose, chiet de legier ou pechié de la char, espetialment pour che que che pechié naist legierement par sejourner et estre huiseux. (Daudin, De la erudition H., c.1360-1380, 362)

Proeche ne voelt point sejourner a l'ostel, mais errer et travillier et querre partout ens es pais prochains et lontains les armes et les aventures. (Froiss., Chron. D., p.1400, 36)

...car il voloient avoir la guerre, car li sejourners lor desplaisoit trop grandement. Englès sont de celle nature, il ne sevent ne pueent ne voellent longement sejourner sans euls ensonniier en gerre ; et demandent les armes , n'ont cure a quel title, et trop grandement s'i dilitent et abilitent. (Froiss., Chron. D., p.1400, 202)

Sejourner son corps. Se reposer.

De ton chaitis corps sejourner... (Dupin, Mélanc. L., c.1324-1340, 182)

Rester là sans réagir, rester oisif.

Li envieux en parloit villainnement sus leur partie. De quoi li doi seigneur ne vorrent mies plenté sejourner, ne yaus endormir en le renommée des mesdisans. (Froiss., Chron. L., III, c.1375-1400, 18)

Li contes dan Tilles ne veult mies sejourner sus son pourpos, mès quist et pria tous les compagnons qu'il pensoit de grant volenté et à avoir. (Froiss., Chron. L., VII, c.1375-1400, 20)

Le sejourner. Le repos, le fait de rester inactif.

LE QUINT CHEVALIER. Trop Joly, trop longue posee As esté sanz point cheminer. Gaignier te fault ton hebergier. Va nous tost maistre Gontier querre, (...) grant erre, (...) TROP JOLIET, le messagier. Tresvoulentiers je lui voiz dire, Que le trop sejourner m'ennoye : Certainement quant suis en voye (Gris., 1395, 20)

...car il voloient avoir la guerre, car li sejourners lor desplaisoit trop grandement. (Froiss., Chron. D., p.1400, 202)

Emploi transitif. Sejourner qqn (ou un animal). Laisser qqn ou un animal se reposer pour qu'il reprenne des forces.

... c'est une ville trop bien aisie pour sejourner chevaux de bons foins, de bonnes avaines et de belle riviere (Froiss., Chron. M., XII, c.1375-1400, 63)

...vous devez sejourner voz gens le plus que povez sans les rompre ne travailler, affin que quant le besoing vient, qu'ilz en soient plus durs et plus fors (Bueil, II, 1461-1466, 34)

Participe passé en emploi adjectival. Reposé.

Et les adversaires estoyent en leurs pays, sur leurs fumiers, prestz, promps et appareillez, bien nourriz, bien pensez, frais, sejournez et bien acoustrez eulx et leurs chevaulx (La Vigne, V.N., p.1495, 289)