GRAPPE

substantif féminin

[T-L : grape2 ; GD : grape ; GDC : grappe ; DEAF, G 1235) : grape ; AND : grape ; DECT : grape2 ; FEW (XVI, 357b) : *krappa ; TLF (IX, 432b) : grappe1]

I. -Assemblage de grains de raisins étagés sur un axe commun ; grappe, raisin.

A. -Au propre. Grappe, raisin.

Et ces fueilles si donnent fruit, aussi comme les grapes font les raisins, et metent hors le fruit en si grant quantité que il sont aussi comme au froissier. (Vignay, Merv. Terre Outr. T., c.1331-1333, 27)

...et lou tres boins et delitables uin et sanc des crappes et des raisins beussent (Psaut. lorr. A., 1365, 154)

Ou roisin a l'escorce, et le jus et les pepins ; et en la grappe a plusieurs roisins ; et en la moessine a plusieurs grappes. (Corbechon, Propr. choses H., 1372, 58)

Et puis quant les grappes seront meures aprés comme en aoust, l'en ostera la moittié des fueilles superflues, afin que le soleil puisse veoir les grappes et les cuire. (Rustican H., 1373-1374, 86)

Le jus de la grappe vert et aigre doit estre mis au soleil avant les jours chanins afin que il viengne espés comme miel (Rustican H., 1373-1374, 92)

Et la grappe qui a soubtille saveur, et pleinne de jus, est plus froide et de meilleur digestion (Rustican H., 1373-1374, 93)

Maistre Jehan de Hantecourt dit que l'en doit coupper le cep au dessoubz de la grappe et l'autre bourgon de dessoubz gecteroit grappe nouvelle. (Ménagier Paris B.F., c.1392-1394, 27)

..quant vous verrez que la grappe a son commencement se descouvrera, et avant qu'elle soit en fleur, couppez la grappe par la queue (Ménagier Paris B.F., c.1392-1394, 271)

A l'entree estoit l'estatue Et l'image deffiguree Du dieu Bachus qui les gens tue, Car il fait la bonne puree De la grappe meure et paree Dont les yvrongnes s'embarnissent, Pour laquelle, a bourse escuree, Du cabaret sans tabar yssent. (Martin Le Franc, Champion dames I, D., 1440-1442, 64)

Item, le val de Botry, où les ployeurs de Josué portèrent l'estarcho avecq leur crappe de roisin. (Lannoy, Voy. amb. P.H., p.1450, 86)

Grappe blanche. Grappe rouge. Grappe noire. Grappe verte

La grappe verte a vertu de restraindre et de empeschier le vomir qui vient de la cole chaude (Corbechon, Propr. choses H., 1372, 59)

L'en en treuve deux aultres especes de grappes blances, dont l'une, combien que elle soit par devers aucuns de grande reputacion, toutesvoies par devers nous on les tient pour moins bonnes (Rustican H., 1373-1374, 70)

Il sont unes vignes qui ont les grappes rouges, si comme sinaprion, qui est tres doulce, et bien se garde ; mais elle n'est pas moult plantureuse au fruit. (Rustican H., 1373-1374, 71)

Se l'en met grappes noires ou fons de la cuve, quant le vin devra boulir, le vin en sera plus rouge. (...) Et se l'en y met grappes vertes, il en sera plus vert. (Rustican H., 1373-1374, 95)

Un grant seigneur de la court vint a Serin, entrepreteur des songes, et li dist : J'ay une vingne entour ma maison habondante de grappes blanches, et j'ai veu en songe que celle vingne avoit une grappe noire en la partie d'embas ; quelle chose signifie ce ? (Expos. songes B., 1396, 81)

Grappe seche. Raisin sec.

L'en puet faire de grappes verjus, uves passees, grappes seiches, pluiseurs medicines, vin doulz, et vin cuit, et vin aigre. (Rustican H., 1373-1374, 96)

Grappe de verjus

Se tu le veulz de bonne guise [la pasté] , De verjus la crappe i soit mise, D'un bien poy de sel soit poudré, Si en sera plus sauvouré. (La Buigne, Rom. deduis B., 1359-1377, 455)

... [ils] delibererent et furent d'oppinion que iceulx prisonniers et chascun d'eulx feussent condampnez à estre menez en une charrete depuis le Chastellet jusques au pilory, ès hales, en un jour de samedi, ayans environ leurs testes chappeaux de vigne, et plusieurs grappes de vergus pendus à icellui chappel, et, avec ce, que en cest estat ilz feussent tournez ou pillory, et, en après, ramenez oudit Chastellet, et, partant, mis hors de prison. (Reg. crim. Chât., I, 1389-1392, 305)

Symonnete La Fourniere, prisonniere, detenue oudit Chastellet, pour souspeçon d'avoir mal prins et emblé certaine et grant quantité de grappes de verjus, par elle oujourd'uy apportez à Paris pour vendre, et desqueles icelle femme fu trouvée saisie, duquel verjus a environ VJxx grappes. (Reg. crim. Chât., II, 1389-1392, 248)

Eschaudez troiz ou quatre grappes de vertjus, puis en broyez une partie, et ostez le marc d'icelluy vertjus (Ménagier Paris B.F., c.1392-1394, 263)

B. -Au figuré.

1.[Dans un cont. métaph.]

...quant des autres grapes qe cressoient en l'ombre ne venoit qe vertjous, de celle bon grape venoit bon vyn. (Henri Lanc., Seyntz medicines A., 1354, 145)

Dure Attropos, trop terrible satrape, En ton attrape as la vigne attrapee Qui de vertus portoit rosin et grappe... (Molinet, Faictz Dictz D., 1467-1506, 170)

[P. allus. au prov. cité par Jér. XXXI, 29 et Éz. XVIII, 2 : les pères ont mangé des raisins verts...] La grappe amere. [Faute ou péché commis].

...tout est pour le pechié de nostre Roy. (...) 'le prince si a mangié la grappe amere et verte, et lez dens du pueple sont agassez'. Le roy David pecha en nonbrent son pueple, et pour ce quatre vinz mille du pueple perirent (Songe verg. S., t.1, 1378, 240)

Les peres ont la grappe amere Mangee, dont sont enlacees Les dens des filz et egacees. (Alecis, Passe temps P.P., 1480, 117)

Grappe de raisin

Lour greppe de raisin est greppe ameire comme fiel, et lour raisins sont tres ameirs (Psaut. lorr. A., 1365, 156)

[P. réf. à Matth. VII, 16]

Finablement ou compaignon auchunes choses sont qu'il convient eviter ou fuir et auchunes qu'il convient ensievir, comme de la vigne qui croist par dessus les espines on coeulle le fruit et laisse on les espines, selonc le dit es Euvangiles de saint Mahieu ou .VIe. chapitre : «Jamais ne peult on ceullier grapes hors des espines ?» (Daudin, De la erudition H., c.1360-1380, 264)

2.[Dans une compar.]

...pur ceo vorroie jeo comparer la douce Virge a une grape de reysins q'est issue de la vigne de Jessé. (Henri Lanc., Seyntz medicines A., 1354, 145)

3.[Dans un cont. hérald.]

Grappes de raisin a mont grant vertu en noblesce et selon le bien que l'en lui fait a sa naissance elle est doulce ou aigre par le gouuernement que l'en lui baille car sans gouuernement ne vient point volentiers a bon fruit. (Best. hérald. H.E., c.1435-1450, 510)

4.Locution. Mordre en la grappe. Accepter en bloc tout ce qu'on propose' (GDC) ; 'Prendre plaisir à quelque chose' (TLF).

De ceulx qui vivent de la menne Du ciel, qui mordent en la grappe ? Ce sont bons furons en garenne, Il n'y a riens qui leur eschappe. (Coquill., Oeuvres F., 1478-p.1494, 181)

II. -Grappin, crochet.

A. -Crampon qui sert à fixer, à attacher.

2 quarreaux d'acier, 1 gon de fer pour mettre en mur, 1 grappe et une once de fer ; une piece de fer pesant environ 1 livre (Invent. mobiliers ducs de Bourg. P., t.1, 1364, 37)

B. -Grappin, croc.

LUCIFER. Harau ! Tous les dyablez d'enfer, Saillez bien toust de vostre mue, Prenez croux et crappez de fer Sans fere longue detenue (Pac. Job M., c.1448-1478, 309)

Chascun de vous [les diables] preigne sa grappe Affin qu'il ne vous escappe Et frappez, rompez et batez. (Pac. Job M., c.1448-1478, 324)

Si gruppés ['agrippés'] estes des grappes De ces angelz si graveliffes ['aux pattes griffues'] , Incontinant mantheaulx et chappes Pour l'emboue ferez eclipses ['Vous disparaîtrez au profit du bourreau, ainsi que vos manteaux...' Éd.] (Villon, Ball. jarg. T., c.1455-1460, 333)

Dure Attropos, trop terrible satrape, En ton attrape as la vigne attrapee Qui de vertus portoit rosin et grappe, Grippant agrappe, o fine grippe, grappe Qui fiert et frappe, or l'as tu tant frappee Qu'elle est happee et point n'est eschappee (Molinet, Faictz Dictz D., 1467-1506, 170)

[L'empereur Dèce menace Hippolyte] '...Par dure frappe, ainsy qu'on fiert et frappe, Par grippe ou grappe, en nos fais periras ; Avec Laurent par bien frapper iras.' (Molinet, Faictz Dictz D., 1467-1506, 516)

Par métaphore. Cheoir en male grappe. Subir un mauvais sort.

[LE SOLDAT] . N'y ait femme quil ce deffende ; A mort, a mort ! Nul n'an eschappe ! Cheux sont enffans en male grace [l. grape ?] , Mors seront sans misericorde, N'y ara nul quil en estorde, Que le roy le veul et ordonne. (Pass. Semur D.M., c.1420 [1488], 94)

Remarque : Lecture grape, rimant avec eschappe, proposée par A. Jeanroy ds R. Lang. rom. 49, 1906, 223, qui définit ainsi cette loc. : 'tomber sous un mauvais crochet' c'est-à-dire 'en détresse'.

Par métonymie. [D'un oiseau] Griffe.

Combien qu'il [un oiseau] a mauvaise grappe Et la fasson fiere et cruelle, Se je puis, avant qu'il m'eschappe, J'en tireray ou pie [l. pié] ou helle. (Prov. rimes F.M., c.1485-1490, 80)

C. -Ustensile de cuisine servant à prendre les aliments dans une marmite chaude.

....Il. trappes [l. crappes] de fer (...) pour cuire les poires et le fruit oudit office (Comptes hôtel rois Fr. D.-A., 1380-1381, 81)

[Dans une énumération d'ustensiles de cuisine] ...cent cuilliers de boys (...), .VI. grappes, .XX. pales de fer, .XX. rustisseurs... (Chiquart, Cuis. S., 1420, 133)

Item, une cuiller de fer, deux escumoeres, deux crapes à tirer char hors du pot, 5 s. tournois. Item, une carmillière, 15 s. tournois. (Aff. Jacques Coeur M., 1453-1457, 265)

D. -ARMES, ARMURERIE Protubérance située en arrière de la poignée d'une lance, venant buter contre la cuirasse au moment d'un choc, empêchant ainsi l'arme de reculer sous le bras qui la maintient' (d'après Cl. Gaier, Le Moy. Âge 92, 1986, 9). (synonyme agrappe)

...nulles lances ne furent tenues pour rompues, s'il n'y avoit quatre doigts de frans au dessoubs le rochet ou devant la grappe. (La Marche, Mém., III, c.1470, 140)

...et pensoit bien à celuy cop luy trouver la main pour l'en envoyer ; mais la rondelle avoit bonne grappe dessoubs qui tint ferme et soustint très bien le cop. (Leseur, Hist. Gast. IV, C., t.1, 1477-1478, 158)

Remarque : Voir aussi J.P. Jourdan, Pas d'armes, joutes et tourn. ds le royaume de Fr. et le duché de Bourg. au XVe s., 1981, 121.