FORTERESSE

substantif féminin

[T-L : forterece ; GD : forterece ; GDC : forterece ; AND : forteresce ; DECT : forterece ; FEW (III, 733a) : fortis ; TLF (VIII, 1117a) : forteresse]

A. -Place forte, ouvrage de défense, lieu fortifié, forteresse.

Moy lavé, sans plus atargier, M'en alai devers le vergier Qui fu de la riviere enclos Tout environ sans autre clos, Qu'autre fortresce [var. forteresce] n'ot entour, Donjon, muraille n'autre tour. Et quant je vins seur le rivage, N'i vi pont, planche ne passage Par ou je peüsse passer. (Mach., D. Lyon, 1342, 163)

Li rois se dut loer de Mars, Car il en ot cent mille mars Et pluseurs forteresses bonnes Qui de Behaingne sont les bonnes. De la s'en ala en Pouleinne Et la conquist a moult grant peinne. (Mach., C. ami, 1357, 106)

Crestienner fist en une ville Des mescrëans plus de sis mille. Li lieus avoit nom Medouagle. Et ne tien pas que ce soit fable, Qu'encor prist il quatre fortresses Qui dou païs furent maistresses : Xedeyctain et Gedemine, Gegusë, Aukahan (Mach., C. ami, 1357, 107)

Et se Dieus si ton fait adresse Que lieu pregnes ou forteresse [var. fortresse] Ou il ait dames, damoiselles, Bourgoises, filles et pucelles, Eu nom de la vierge Marie A ton pooir ne sueffre mie Que des tiens soient violees, Corrompues ne desflourees. (Mach., C. ami, 1357, 120)

Et eu païs qui est entour Il n'i a forteresce entour, Deffence ne ville fermée, Pour tenir contre vostre armée. (Mach., P. Alex., p.1369, 63)

Encor y a autre raison. Il n'a ne borde ne maison, Ne forteresce de ci au Quaire Où vous vous peüssiez retraire, Non jusques en Jherusalem. Encor opinion ha l'en Que vos gens ne puelent acroistre, Einsois ne feront que descroistre. (Mach., P. Alex., p.1369, 82)

...Et ceste response bailla, Dont li roys moult se mervilla, Pour ce qu'il li avoit promis Que s'en païs des annemis, Par engin ou par hardiesse, Pooit penre aucune fortresse, C'un an entier le serviroit, Et que de li ne partiroit. (Mach., P. Alex., p.1369, 102)

Mais tres bonnes gardes laissierent Eu chastel et en la fortresse ; Puis preïrent la droite adresse Vers la cité de Famagouste ; Et à qui qu'il grieve ne couste, Il sont arrivez à droit port, A grant joie et à grant deport. (Mach., P. Alex., p.1369, 171)

...Tuit li milleur de la contrée Et les villes l'ont seellé, Par leur foy et par seellé, Tous ensamble, c'est assavoir Que c'est au roy et à son hoir. Et les clefs des milleurs fortresses, Qui dou païs sont plus maistresses, Ont baillié au prince son frere, Par quoy la chose soit plus clere. (Mach., P. Alex., p.1369, 223)

Iten [sic] face et ordene par celx presentes mon droit, universalx et natural hoirs Jaiques, mon aymiex filz, (...) par la meniere et condition cy après escripte et devisee ; c'est assavoir lidit Jaiques panra et aura en preception et avantaige de Guillaume, mon fil et son frere, la millour forterace et telle comment li plaira, ensamble le bourg et tote la fermetey et cloison dodit luef, le millour fiés, la millour garde de priorex, et ne seront a aucune chose evaluex lidit fiés et garde de priorex es partaiges desdiz Jaiques et Guillaume, freres, mes filz. Toutes voyes li bourgs que lidit Jaiques emportera sera prisiés tant solement et tanques a l'extimation de cimqt cenz florenees de terre (Test. Besanç. R., t.1, 1372, 462)

Tu sés bien (que aciers ne fer) [qu'en acier n'en fer], Ne en chevaux ne en grans pompes, Ne en buisines ne en trompes, Ne en forces ne en richesces, Ne en maisons n'en forteresses, N'est pas li plaisirs de cellui Souverain roy dont j'ay leü Huy au matin sa Passïon (Jour Jug. R., c.1380-1400, 237)

...et par plusieurs fois [il a] chevauché armé de jaques, de cote de fer, capeline, gantelez et demie lance, en la compaignie dudit Blanchebarbe et des autres compaignons de la garnison d'icelle forteresse de Corbefin, par lesquelx plusieurs François ont esté prins et admenez audit lieu et fort de Corbefin (Reg. crim. Chât., I, 1389-1392, 58)

...il yroient espier les pays et les fortereches et bonnes viles du royaume, et rapporteroient, à la Candeleur ensuïant et darrainement passée, tout ce qu'il aroient sceu et trouvé de l'estat et du fait qu'il avoient empris (Reg. crim. Chât., I, 1389-1392, 388)

...par laquelle porte ainsi lessiée ouverte, comme dit est, ilz pourroient avoir et recouvrer icelle forteresse et chastel de Nonnete, sans aucune offence ou peril, pour ce que dedens icellui chastel ne demoure que pou ou nulles gens pour garder icellui chastel. (Reg. crim. Chât., II, 1389-1392, 191)

Et en brief temps fu faitte la forteresse, non pas une, mais deux fortes places, avant que on peust venir au dongon. (Arras, c.1392-1393, 46)

...il commande a toutes les forteresces, villes, bours, chasteaulx, pons, pors et passaiges qu'ilz laissent passer et sejourner les freres et leurs gens, et que ilz obeissent du tout à eulx. (Arras, c.1392-1393, 98)

Si conmenchierent a asallir la forterece de Monstruel Bonnin moult asprement (Froiss., Chron. D., p.1400, 765)

Si avoient retrait li plus dou peuple lors biens ens es fortereces (Froiss., Chron. D., p.1400, 315)

...forterece vile Et povre y avoit (Chr. Piz., M.F., III, 1400-1403, 180)

...et aussi de debouter pluseurs chevaliers et escuiers de leurs forteresses et mettre autres à la garde d'icelles. (Baye, II, 1411-1417, 119)

...le roy d'Angleterre avoit esté d'accord de proroguer lesdictes treves jusques au XIJe jour de mars, pourveu que on lui feroit baillier et delivrer le chastel et forteresse de Beaumont (Fauq., I, 1417-1420, 350)

Maintenant sçay je tout pour voir Que biens mondains ne veulz avoir Qui nul ne puent avancier, Tu n'as pas choisi pour te mestre Fortresse, ne donjon, ne sale. (Marcadé, Myst. Pass. Arras R., a.1440, 27)

Denis le Tirant, apprès ce qu'il eust prins pluiseurs fortresses en Sicile, vint devant la cité de Rege, laquelle il savoit moult bien garnie de vivres. (La Sale, Salade, c.1442-1444, 59)

Et pareillement [le roi] fist faire es carrieres de Peronne grant quantité de pierres à bombarde, et aussi faire dedens les bois grant nombre de chevretes et taudis de bois, avoecques des eschelles à assaillir villes et fortresses, pour avoir les villes de Flandres et Picardie, qui encores oudit temps estoient à reduire. (Roye, Chron. scand., II, 1460-1483, 63)

...estoit a doubter que, par le moyen dudit pays [le Dauphiné] et des places et fortresses d'iceluy, ilz [de mauvais conseillers du dauphin] eussent peu faire et entreprendre des choses au desplaisir du roy et prejudice de mondit seigneur [le dauphin] et du pays (Chastell., Chron. IV, D., c.1461-1472, 67)

Capitaine, c'est grant folye De voloir cecy entreprandre ; (...) Qu'i n'est bourc, chasteau, forteresse, Ou ne seront gens pour nous surprendre Et faire morir a destresse. (Myst. siège Orléans H., c.1480-1500, 352)

Guerre abattra forteresses et tours, Sans labourer demourera la terre,... (Cene dieux, c.1492, 121)

Par tous les lieux, rivieres, pors, passages, De forteresses, de villes, de villaiges, Lesditz seigneurs firent apporter vivres (La Vigne, V.N., p.1495, 148)

[Servant de prison]

Lui promist ledit roy qu'il le feroit et le mist contre son serment en une forteresse pour le faire besongner à force, lequel lui fist l'or, duquel furent faiz les vielz nobles d'Angleterre, ainsi que on dit pour tout vray en Engleterre. (Simon De Phares, Astrol., c.1494-1498, f° 128 r°)

[Cont. métaph.]

Mais bien voy qu'en vein me travail, Qu'adès te truis Preste pour moy faire travail. Si n'ay fortresse ne murail Que ne soie dessous le mail Dangier destruis. Car je voy bien que tu me nuis Et que joie has de mes anuis... (Mach., Compl., 1340-1377, 244)

Il ist d'iver, s'entre en esté, De povreté entre en richesse Et de flesve hostel en fortresse, De tenebres vient a clarté, Et de paour en seürté, D'amertume en douce liqueur, De fragilité en vigueur ; De la mer vient en seche terre... (Mach., D. Aler., a.1349, 298)

...Si n'est leësse Qui en mon cuer sache voie n'adresse, Mais bien y scet le droit chemin tristesse : C'est ses donjons, c'est sa maistre fortresse, C'est son ressort ; La regne et vit com roïne et maistresse, La tient mon cuer en trop mortel destresse Et la depart et donne a grant largesse Jouiaus de mort. (Mach., F. am., c.1361, 157)

Resgarde Venus, ta deesse, Qui par franchise et par noblesse Te vient aidier en la tristesse Que tes cuers porte. Eu monde n'a tour ne fortresse Ne cuer qu'elle n'en soit maistresse Et dont elle, par sa prouesse, N'uevre la porte. (Mach., F. am., c.1361, 227)

Envie, Paresse, Gloutonnie et autres Vices sans nombre ont en [en] terre presque occupé tout le logis, et violentement tiennent les chasteaux, citez et forteresses espirituelles de ta creature humaine. (Gers., Concept., 1401, 394)

Estre forteresse à qqn

Je sui li confors des amans (...) ; Je sui de leur estroit conseil ; Je les deffen ; je les deporte ; Je les secour ; je les conforte Contre Desir qui les assaut Et fait maint dolereus assaut ; Je leur sui chastiaus et fortresse ; Je leur sui servante et maistresse ; Je leur sui dame et chamberiere ; Je porte partout leur baniere... (Mach., R. Fort., c.1341, 78)

Pren cuer et va seürement Vers ta dame, que vraiement Gaite, escuz, deffense et fortresse Te seray bonne, et la promesse Que je t'ay promis, te tenrai, Et sans priere a toy venray, Com celle qui serai tes chiés En tes biens et en tes meschiés. (Mach., R. Fort., c.1341, 116)

Là se combat si durement D'une hache bien enferrée Que riens à ses cops n'a durée. Il est chastiaus, il est fortresse A ses gens ; tant en tue et blesse, Tant en abat, tant en pourfent, Qu'il en a ocis plus de cent. (Mach., P. Alex., p.1369, 94)

RELIGION [À propos de Marie]

Ave, royne debonnaire, (...) Souverain mont de forteresse (Mir. pape, 1346, 395)

Item, donne [quelque chose, ici : un poème] a ma povre mere, Pour saluer nostre Maistresse, Qui pour moy ot douleur amere, Dieu le scet, et mainte tritresse - Autre chastel n'ay ne forteresse Ou me retraye corps ne ame Quant sur moy court malle destresse, Ne ma mere, la povre femme -. (Villon, Test. R.H., 1461-1462, 78)

[Cont. grivois]

...sans delay bailla l'assault incontinent a sa forteresse (C.n.n., c.1456-1467, 197)

B. -Par analogie. au figuré.

1.Lieu où l'on se trouve retiré.

LA FILLE. Or suis je seule demeuree, Maintenant, je n'ay point d'amy Et si n'ay bon jour ne demy Je pers mon temps et ma jeunesse A lever de ma forteresse. Soulas est de moy fort bany... (P. moyne, a.1500, 45)

2.Force, puissance.

Il alla voir le chasteau sumptüeux, De forteresse grant et innumerable (La Vigne, V.N., p.1495, 246)

Remarque : Adj. ds l'ex. suiv. (?)

...et aussy de entrer en leurs villes forteresces (Monstrelet, Chron. D.-A., t.5, c.1444-1453, 411)

Forme fortelesse (l pour r apical). Au sens de 'forteresse' : BOUVET, Arbre bat. R.-B., c.1386-1389, 228 (...lez chevaliers ne demeurent mie es chasteaux ne es fortellessces). Au sens de 'Force, puissance' : BOUVET, Arbre bat. R.-B., c.1386-1389, 10 (Se fortellessce est vertu morale) ; BOUVET, Arbre bat. R.-B., c.1386-1389, 236 (...vertu de fortellessce laquelle scet entendre et assaillir meurement et vertueussement et attendre sagement et fouir sagement).